Հ Ա Մ Ա Ձ Ա Յ Ն Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՎԱՐՉՈՒԹՅԱՆ ԵՎ ՎՐԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ԿՈՄԻՏԵԻ ՄԻՋԵՎ ՏԱՐԱՆՑԻԿ ԲԵՌՆԵՐԻ ՄԱՔՍԱՅԻՆ ՁԵՎԱԿԵՐՊՄԱՆ ԿԱՐԳԻ ՄԱՍԻՆ

Հայաստանի Հանրապետության մաքսային վարչությունը և Վրաստանի Հանրապետության մաքսային կոմիտեն, այսուհետ` Պայմանավորվող կողմեր,

Հայաստանի Հանրապետության և Վրաստանի Հանրապետության միջև մաքսային գործի բնագավառում հարաբերությունների հիմունքների մասին Համաձայնագրին համապատասխան, համաձայնեցին ներքոհիշյալի մասին.

1. Սույն Համաձայնագրում հետևյալ տերմինների տակ հասկացվում են.

«ուղարկող պետություն»` սույն Համաձայնագիրը ստորագրած կամ դրան միացած պետություն, որի տարածքով բեռները արտահանվում են երրորդ պետություններ սույն Համաձայնագրի մյուս մասնակից պետության տարածքով` տարանցմամբ,

«նշանակման վայրի պետություն»` սույն Համաձայնագիրը ստորագրած կամ դրան միացած պետություն, որը հանդիսանում է երրորդ պետություններից սույն Համաձայնագրի մյուս մասնակից պետության տարածքով տարանցմամբ ներմուծվող բեռների վերջնական նշանակման վայր,

«տարանցման պետություն»` սույն Համաձայնագրին մասնակից պետություն, որի տարածքով բեռները տարանցմամբ փոխադրվում են երրորդ պետություններից նշանակման վայրի պետություն կամ ուղարկող պետությունից երրորդ պետություններ,

«մաքսային տարանցման ընթացակարգ»` ուղարկող պետության մաքսատնից (այսուհետ` ուղարկման վայրի մաքսատուն) մինչև նշանակման վայրի պետության մաքսատուն (նշանակման վայրի մաքսատուն) մաքսային հսկողության ներքո տարանցման պետությունով բեռների տարանցիկ փոխադրման սահմանված կարգ,

«ուղարկման վայրի մաքսատուն»` ուղարկող պետության ցանկացած մաքսատուն, որտեղ ամբողջ բեռի կամ դրա որևէ մասի համար սկսվում է փոխադրումը` ըստ մաքսային տարանցման ընթացակարգի,

«նշանակման վայրի մաքսատուն»` նշանակման վայրի ցանկացած մաքսատուն, որտեղ ամբողջ բեռի կամ դրա որևէ մասի համար վերջանում է փոխադրումը` ըստ մաքսային տարանցման ընթացակարգի,

«միջանկյալ մաքսատուն»` տարանցման պետության մաքսատուն, որտեղ կատարվում է մաքսային տարանցման ընթացակարգով անցնող տրանսպորտային միջոցների կամ բեռնարկղերի մասնակի բեռնում կամ բեռնաթափում:

2. Մաքսային բեռները մաքսային տարանցման ընթացակարգով մինչև նշանակման վայրի մաքսատուն կամ մի քանի միջանկյալ մաքսատներ փոխադրվում են այդ բեռները փոխադրման ընդունող ձեռնարկության, կազմակերպության և քաղաքացիների պատասխանատվությամբ:

3. Մաքսային բեռները փոխադրվում են մաքսային ապահովմամբ փաթեթավորված, տրանսպորտային միջոցներով կամ բեռնարկղերով, որոնք պատրաստված և սարքավորված են այնպես, որ առարկաները հնարավոր չլինի հանել կնքված բեռնային զանգվածից, տրանսպորտային միջոցից կամ բեռնարկղից կամ տեղադրվեն դրանց մեջ` առանց բացելու տեսանելի հետքեր թողնելու կամ մաքսային ապահովումը վնասելու:

4. Թույլատրվում է մաքսային բեռների փոխադրում երրորդ պետությունների մաքսատների, բեռնափոխադրողների կամ այդ բեռները փոխադրման ընդունած տրանսպորտային կազմակերպության ապահովումներով: Նման ապահովումները ճանաչվում են մաքսային տարանցման ընթացակարգերով փոխադրվող բեռների ձևակերպումը իրականացնող մաքսատան կողմից:

5. Մինչև նշանակման վայրի մաքսատուն բեռներն առաքելու ժամկետը սահմանվում է առաքման սովորական ժամկետին համապատասխան` ելնելով տրանսպորտի տեսակի հնարավորություններից, տարանցման երթուղուց և փոխադրման այլ պայմաններից:

1. Երրորդ պետություններից սույն Համաձայնագրի մասնակից պետություններ ներմուծվող բեռները փոխադրվում են մաքսային տարանցման ընթացակարգով առաջին տարանցման պետության սահմանային մաքսատնից մինչև նշանակման վայրի մաքսատուն:

2. Առաջին տարանցման պետության սահմանային մաքսատնից մինչև նշանակման վայրի մաքսատուն բեռները փոխադրելիս մաքսային տարանցման ընթացակարգով կազմվում է տարանցման փաստաթուղթ:

 Տարանցման փաստաթուղթը կազմվում է փոխադրում իրականացնող տրանսպորտային կազմակերպության, հայտարարատուի (մաքսային բրոքեր) կամ մաքսատան կողմից` կախված Պայմանավորվող կողմերի ազգային օրենսդրությունից:

3. Տարանցման փաստաթուղթը կազմվում է բեռնային մաքսային հայտարարագրի ձևաթղթի վրա, իսկ անհրաժեշտության դեպքում` լրացուցիչ թղթերի վրա:

Տարանցման փաստաթուղթը լրացվում է երեք օրինակով:

4. Մաքսային տարանցման ընթացակարգով բեռների փոխադրման ժամանակ առաջին տարանցման սահմանային մաքսատունը տարանցման փաստաթղթի բոլոր երեք օրինակների և ապրանքն ուղեկցող փաստաթղթերի վրա դնում է դրոշմ, որը պարունակում է տեղեկություններ. բեռի տեղերի քանակի մասին, կապարակնիքի համարի մասին, նշանակման վայրի մաքսային վայրի մասին, առաքման նպատակի մասին (մաքսային ձևակերպման համար):

5. Մաքսային փաստաթղթի մի օրինակը ապրանքն ուղեկցող փաստաթղթերի հետ միասին ուղարկվում է նշանակման վայրի մաքսատուն, երկրորդ օրինակը մնում է առաջին տարանցման պետության սահմանային մաքսատանը` հսկողության ներքո, իսկ երրորդ օրինակը փոստով կամ կապի այլ միջոցով ուղարկվում է նշանակման վայրի մաքսատուն:

6. Մաքսային փաստաթուղթ չի կազմվում այն դեպքերում, երբ փոխադրումն իրականացվում է միջազգային տարանցման ընթացակարգի շրջանակներում:

7. Մաքսային տարանցման ընթացակարգով փոխադրվող բեռը տեղ հասնելուն պես նշանակման վայրի մաքսատունը տարանցման փաստաթղթի օրինակի վրա նշում է կատարում հասնելու մասին և հաղորդում է առաջին տարանցման պետության սահմանային մաքսատուն բեռի` մաքսային տարանցման ընթացակարգով փոխադրումն ավարտելու մասին:

8. Սահմանված ժամկետներում նշանակման վայրի մաքսատան կողմից մաքսային տարանցման ընթացակարգով փոխադրումը պատշաճորեն ավարտելու մասին չհաղորդելու դեպքում առաջին տարանցման պետության սահմանային մաքսատունը այդ մասին գրավոր տեղեկացնում է նշանակման վայրի մաքսատանը և այդ մաքսատուն է ուղարկում տարանցման փաստաթղթի պատճենը:

9. Նշանակման վայրի մաքսատունը, պայմանով, որ բեռը չի ներմուծվել նշանակման պետություն, հաղորդում է այդ մասին տարանցման պետության մաքսային մարմիններին:

1. Սույն Համաձայնագրի մասնակից պետություններից երրորդ պետություններ արտահանվող բեռները առաքվում են երրորդ երկրներ մուտք գործելու համար մաքսային տարանցման ընթացակարգով` առաքման վայրի մաքսատանը մաքսային ձևակերպումից հետո` առաքող պետության ազգային օրենսդրությանը համապատասխան:

2. Երրորդ երկրներ մուտք գործելու համար մաքսային տարանցման ընթացակարգով բեռներ առաքելիս առաքման վայրի մաքսատունը ապրանքն ուղեկցող փաստաթղթերում դնում է դրոշմ, որը պարունակում է տեղեկություններ.

առաքման վայրի մաքսատան մասին,

բեռնային մաքսային հայտարարագրի համարի մասին,

երրորդ պետություններ մուտքի հնարավորության մասին (մուտքը թույլատրված է)

և նշում է կատարում դրված ապահովման մասին:

Այդ դեպքում տարանցման փաստաթուղթ չի կազմվում:

Առաքման վայրի մաքսատան վերոհիշյալ դրոշմով ապրանքն ուղեկցող փաստաթղթերը հիմք են հանդիսանում վերջին տարանցման պետության սահմանային մաքսատանը բեռը երրորդ պետություններին թողնելու համար` մաքսային կամ այլ ապահովումները, տրանսպորտային միջոցների, բեռնարկղերի կամ առանձին տեղերի փաթեթավորման անվնաս վիճակը պահպանելու պայմանով:

3. Վերջին տարանցման պետության սահմանային մաքսատունը պարտադիր կարգով հաղորդում է առաքման վայրի մաքսատուն մաքսային տարանցման ընթացակարգով փոխադրումն ավարտելու մասին, բացառությամբ սույն հոդվածի 4-րդ կետով նախատեսված դեպքերի:

4. Ժամանակավոր ներմուծման պայմանների մասին ժամանակավոր համաձայնագրի հիման վրա սույն Համաձայնագրի մասնակից պետություններ նախկինում ներմուծված բեռները արտահանելիս առաքման վայրի մաքսատունը մաքսային բեռնային հայտարարագրում և բեռնային փաստաթղթերում դնում է սույն Համաձայնագրի 2-րդ հոդվածի 4-րդ կետում նախատեսված դրոշմը, իսկ փոխադրումն իրականացնող ձեռնարկությունները, կազմակերպությունները և քաղաքացիները հայտարարագրում նշում են կատարում մաքսային տարանցման ընթացակարգով փոխադրման համար բեռն ընդունելու մասին:

Այդ դեպքում բեռնային մաքսային հայտարարագրի չորրորդ թերթը ապրանքն ուղեկցող փաստաթղթերի հետ միասին ուղարկվում է վերջին տարանցման պետության սահմանային մաքսատուն, իսկ մնացած թերթերը մնում են առաքման վայրի մաքսատանը` հսկողության ներքո:

Սահմանված ժամկետներում նշանակման վայրի մաքսատան կողմից մաքսային տարանցման ընթացակարգով փոխադրումը պատշաճորեն ավարտելու մասին չհաղորդելու դեպքում առաքման վայրի մաքսատունը այդ մասին տեղեկացնում է վերջին տարանցման պետության սահմանային մաքսատանը: Բեռը չարտահանելու համար պատասխանատվություն առաջանում է Պայմանավորվող կողմերի ազգային օրենսդրության համապատասխան:

1. Առաջին տարանցման պետության սահմանամերձ մաքսատանը ազգային օրենսդրությանը համապատասխան մաքսային ձևակերպումից հետո բեռները մաքսային տարանցման ընթացակարգով ուղարկվում են վերջին տարանցման պետության սահմանային մաքսատուն սույն Համաձայնագրի մասնակից պետության սահմաններից դուրս թողնելու համար:

Որպես տարանցման փաստաթուղթ օգտագործվում են բեռնային մաքսային հայտարարագրի 1-ին և 4-րդ թերթերը` լրացված առաջին տարանցման պետության ազգային օրենսդրությանը համապատասխան:

2. Առաջին տարանցման պետության սահմանային մաքսատունը ապրանքն ուղեկցող փաստաթղթերում և բեռնային մաքսային հայտարարագրի 1-ին և 4-րդ թերթերին դնում է սույն Համաձայնագրի 2-րդ հոդվածի 4-րդ կետում նախատեսված դրոշմը:

Ապրանքն ուղեկցող փաստաթղթերը կամ բեռնային մաքսային հայտարարագրի 4-րդ թերթը` վերոհիշյալ դրոշմով, հիմք են հանդիսանում վերջին տարանցման պետության սահմանային մաքսատանը մաքսային բեռը սույն Համաձայնագրի մասնակից պետությունների սահմաններից դուրս թողնելու համար` մաքսային կամ այլ ապահովումները, տրանսպորտային միջոցների, բեռնարկղերի կամ առանձին տեղերի փաթեթավորման անվնասությունը պահպանելու պայմանով:

3. Սահմանված ժամկետներում վերջին տարանցման պետության սահմանային մաքսատան կողմից նշանակման վայրի մաքսատան կողմից մաքսային տարանցման ընթացակարգով փոխադրումը պատշաճորեն ավարտելու մասին չհաղորդելու դեպքում առաջին տարանցման պետության սահմանային մաքսատունը այդ մասին գրավոր տեղեկացնում է այդ մաքսատանը և նրան է ուղարկում որպես տարանցման փաստաթուղթ օգտագործվող բեռնային մաքսային հայտարարագրի 1-ին թերթը:

4. Վերջին տարանցման պետության սահմանային մաքսատունը, պարզելով, որ բեռը վերջին տարանցման պետություն չի ներմուծվել, հաղորդում է այդ մասին տարանցման պետության մաքսային մարմիններին:

Ծանրաքաշ և խոշոր բեռները, ինչպես նաև բաց տրանսպորտային միջոցներով փոխադրվող բեռները (ավազ, խիճ և այլն) կարող են փոխադրվել մաքսային տարանցման ընթացակարգով բաց տրանսպորտային միջոցներով:

Այս դեպքում անհրաժեշտ է ձեռնարկել այդպիսի բեռների փոխարինումը չթույլատրող միջոցներ (բեռների մանրամասն նկարագրությունը ապրանքն ուղեկցող և տարանցման փաստաթղթերում, բեռների վրա տարբերիչ նշանների տեղավորումը և այլն):

1. Սույն Համաձայնագրի մասնակից պետություններից մեկի տարածք սույն Համաձայնագրի մյուս մասնակից պետության տարածքից ներքին օգտագործման համար ներմուծված և երրորդ պետություններ վերաարտահանվող ապրանքները արտահանող պետության մաքսատան կողմից թողնվում են նրա ազգային օրենսդրությանը համապատասխան` այդ ապրանքի ծագման պետություն հանդիսացող սույն Համաձայնագրի մասնակից պետության լիազորված մարմնի թույլտվության առկայության դեպքում:

Վերաարտահանման թույլտվությունը տրվում է Պայմանավորվող կողմերի ազգային օրենսդրությամբ սահմանված կարգով:

Այն դեպքում, եթե ապրանքները ձեռք են բերվել համաշխարհային գներով, այդ ապրանքների ծագման պետություն հանդիսացող սույն Համաձայնագրի մասնակից պետության լիազորված մարմնի վերաարտահանման թույլտվությունը չի պահանջվում:

2. Ապրանքի ծագման սերտիֆիկատը պահանջվում է Պայմանավորվող կողմերի մաքսատների կողմից վերաարտահանվող ապրանքը հաստատելու և այդ պետության վերաարտահանման թույլտվություն տալու լիազորված մարմինը որոշելու համար:

Սույն Համաձայնագիրն ուժի մեջ է մտնում ստորագրման օրվանից:

Սույն Համաձայնագիրը կնքվում է հինգ տարի ժամկետով, հաշված ուժի մեջ մտնելու օրվանից, և յուրաքանչյուր անգամ ինքնաբերաբար կերկարաձգվի հաջորդ հնգամյա ժամանակաշրջանով, եթե Կողմերից ոչ մեկը այդպիսի հնգամյա ժամանակաշրջանը լրանալուց վեց ամիս առաջ գրավոր չհայտարարի Համաձայնագրի գործողությունը դադարեցնելու իր մտադրության մասին:

Կատարված է Թբիլիսի քաղաքում 1993 թվականի հունիսի 15-ին, երկու օրինակով, հայերեն, վրացերեն և ռուսերեն, ընդ որում բոլոր տեքստերը հավասարազոր են:

Համաձայնագիրն ուժի մեջ է մտել 1993 թվականի հունիսի 15-ից: