Ա Ր Ձ Ա Ն Ա Գ Ր ՈՒ Թ Յ ՈՒ Ն

«ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈՂՄԻՑ ՄՐՑԱԿՑՈՒԹՅԱՆ ՄԻԱՍՆԱԿԱՆ ԿԱՆՈՆՆԵՐԻ ՊԱՀՊԱՆՄԱՆ ՆԿԱՏՄԱՄԲ ՀՍԿՈՂՈՒԹՅԱՆ ԼԻԱԶՈՐՈՒԹՅՈՒՆՆԵՐՆ ԻՐԱԿԱՆԱՑՆԵԼԻՍ ԳԱՂՏՆԻ ՏԵՂԵԿԱՏՎՈՒԹՅԱՆ ՊԱՇՏՊԱՆՈՒԹՅԱՆ ԿԱՐԳԻ ԵՎ ԴՐԱ ՀՐԱՊԱՐԱԿՄԱՆ ՀԱՄԱՐ ՊԱՏԱՍԽԱՆԱՏՎՈՒԹՅԱՆ ՄԱՍԻՆ» 2014 ԹՎԱԿԱՆԻ ՆՈՅԵՄԲԵՐԻ 12-Ի ՀԱՄԱՁԱՅՆԱԳՐԻ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՎԵՐԱԲԵՐՅԱԼ

Եվրասիական տնտեսական միության անդամ պետությունները,

հաշվի առնելով «Եվրասիական տնտեսական միության մասին» 2014 թվականի մայիսի 29-ի պայմանագրի դրույթները,

համաձայնեցին հետևյալի մասին.

Հոդված 1

«Եվրասիական տնտեսական հանձնաժողովի կողմից մրցակցության միասնական կանոնների պահպանման նկատմամբ հսկողության լիազորություններն իրականացնելիս գաղտնի տեղեկատվության պաշտպանության կարգի և դրա հրապարակման համար պատասխանատվության մասին» 2014 թվականի նոյեմբերի 12-ի համաձայնագրի մեջ կատարել հետևյալ փոփոխությունները՝

1) անվանման մեջ «միասնական» բառը փոխարինել «ընդհանուր» բառով.

2) նախաբանը շարադրել հետևյալ խմբագրությամբ՝

«Եվրասիական տնտեսական միության անդամ պետությունները, այսուհետ՝ անդամ պետություններ,

հիմնվելով «Եվրասիական տնտեսական միության մասին» 2014 թվականի

մայիսի 29-ի պայմանագրի վրա (այսուհետ՝ Պայմանագիր),

համաձայնեցին հետևյալի մասին.».

3) 1-ին հոդվածում՝

1-ին կետում «Կողմերի պետական իշխանության մարմինների» բառերը փոխարինել «Անդամ պետությունների պետական իշխանության մարմինների» բառերով, «Կողմերի իրավաբանական և ֆիզիկական անձանց» բառերը փոխարինել «անդամ պետությունների իրավաբանական և ֆիզիկական անձանց» բառերով, «Մրցակցության մասին համաձայնագրի» բառերը փոխարինել «Պայմանագրի» բառով.

2-րդ կետում «Կողմերի» բառը փոխարինել «անդամ պետությունների» բառերով.

4) 2-րդ հոդվածում՝

երրորդ պարբերության մեջ «որոնք պաշտպանվում են» բառերը փոխարինել «որոնց հասանելիությունը սահմանափակված է Կողմերի նորմատիվ իրավական ակտերին համապատասխան» բառերով, «Կողմերի» բառը փոխարինել «անդամ պետությունների» բառերով.

ութերորդ պարբերության մեջ «Մրցակցության մասին համաձայնագրով և Հանձնաժողովի մասին պայմանագրով» բառերը փոխարինել «Պայմանագրով» բառով.

5) 3-րդ հոդվածում՝

1-ին կետի առաջին պարբերության մեջ «միասնական» բառը փոխարինել «ընդհանուր» բառով, «Կողմերի» բառը փոխարինել «անդամ պետությունների» բառերով, «Մրցակցության մասին համաձայնագրի IV բաժնին (այսուհետ՝ մրցակցության կանոններ) և Եվրասիական տնտեսական բարձրագույն խորհրդի 2012 թվականի դեկտեմբերի 19-ի թիվ 29 որոշմամբ հաստատված՝ Շուկան անդրսահմանայինների շարքին դասելու չափորոշիչներին» բառերը փոխարինել «Պայմանագրի XVIII բաժնին (այսուհետ՝ մրցակցության կանոններ) և Եվրասիական տնտեսական բարձրագույն խորհրդի կողմից սահմանված՝ Շուկան անդրսահմանայինների շարքին դասելու չափորոշիչներին» բառերով.

3-րդ կետում՝

«սահմանափակ տարածման փաստաթղթերի» բառերից հետո լրացնել «(գաղտնի և ծառայողական օգտագործման)» բառերով.

«Հանձնաժողովի մասին պայմանագրին համապատասխան» բառերը հանել.

5-րդ կետում՝

առաջին պարբերությունը շարադրել հետևյալ խմբագրությամբ՝

«5. Գաղտնի տեղեկատվությունը, որը մրցակցության կանոնների պահպանման նկատմամբ հսկողության լիազորությունների իրականացման շրջանակներում Հանձնաժողովն ստացել է անդամ պետությունների իրավաբանական և ֆիզիկական անձանցից, անդամ պետությունների պետական իշխանության այն մարմիններից, որոնց իրավասության մեջ է մտնում մրցակցային (հակամենաշնորհային) քաղաքականության իրականացումը (այսուհետ՝ լիազորված մարմիններ), և անդամ պետությունների պետական իշխանության այլ մարմիններից, կարող է Հանձնաժողովի կողմից օգտագործվել բացառապես այն նպատակներով, որոնց համար այդ տեղեկատվությունը ներկայացվել է:».

երկրորդ պարբերության մեջ «Կողմերի իրավաբանական և ֆիզիկական անձանցից» բառերը փոխարինել «անդամ պետությունների իրավաբանական և ֆիզիկական անձանցից» բառերով, «Կողմերի պետական իշխանության մարմիններից» բառերը փոխարինել «անդամ պետությունների պետական իշխանության մարմիններից» բառերով, «Մրցակցության մասին համաձայնագրին» բառերը փոխարինել «Պայմանագրին» բառով.

երրորդ պարբերության մեջ «Մեկ Կողմի» բառերը փոխարինել «Մի անդամ պետության» բառերով, «մյուս Կողմի» բառերը փոխարինել «մյուս անդամ պետության» բառերով.

6) 4-րդ հոդվածում՝

1-ին կետի 2-րդ ենթակետում «աշխատակիցները» բառը փոխարինել «պաշտոնատար անձինք և աշխատակիցները» բառերով.

2-րդ կետում և 3-րդ կետի երկրորդ պարբերության մեջ «աշխատակիցները» բառը փոխարինել «պաշտոնատար անձինք և աշխատակիցները» բառերով.

7) 5-րդ հոդվածի տեքստում համապատասխան թվով և հոլովով «Կողմ» բառը փոխարինել համապատասխան թվով և հոլովով «անդամ պետություն» բառերով.

8) 6-րդ հոդվածում՝

1-ին կետում «աշխատակիցներին» բառը փոխարինել «պաշտոնատար անձանց և աշխատակիցներին» բառերով, «Հանձնաժողովի մասին պայմանագրին» բառերը փոխարինել «Պայմանագրին» բառով.

2-րդ կետում՝

երկրորդ պարբերության մեջ «Հանձնաժողովի մասին պայմանագրով» բառերը փոխարինել «Պայմանագրով» բառով.

երրորդ պարբերության մեջ «աշխատակցին» բառը փոխարինել «պաշտոնատար անձին կամ աշխատակցին» բառերով.

3-րդ կետում՝

առաջին պարբերության մեջ «և Հանձնաժողովի աշխատակիցները» բառերը փոխարինել «, պաշտոնատար անձինք և աշխատակիցները» բառերով.

երրորդ և չորրորդ պարբերություններում «Կողմի օրենսդրությանը» բառերը փոխարինել «անդամ պետության օրենսդրությանը» բառերով, «այդ Կողմի» բառերը փոխարինել «այդ անդամ պետության» բառերով.

4-րդ կետում՝

առաջին պարբերության մեջ «Կողմերի հետ» բառերը փոխարինել «անդամ պետությունների հետ» բառերով.

երկրորդ պարբերության մեջ «Կողմերը» բառը փոխարինել «Անդամ պետությունները» բառերով, «Կողմերի պետություններում» բառերը փոխարինել «անդամ պետություններում» բառերով.

9) 7-րդ հոդվածում՝

7-րդ հոդվածի 1-ին կետի առաջին պարբերությունը շարադրել հետևյալ խմբագրությամբ՝

«1. Լիազորված մարմինն ապահովում է Հանձնաժողովից իր ստացած գաղտնի տեղեկատվության պաշտպանությունը և պատասխանատվություն է կրում դրա հրապարակման համար՝ իր անդամ պետության օրենսդրությանը համապատասխան:».

2-րդ կետում «Մրցակցության մասին համաձայնագրին» բառերը փոխարինել «Պայմանագրին» բառով.

10) 8-րդ հոդվածում՝

1-ին կետում «Կողմերի» բառը փոխարինել «անդամ պետությունների» բառերով.

2-րդ կետը շարադրել հետևյալ խմբագրությամբ՝

«2. Անդամ պետությունների միջև ծագող՝ սույն համաձայնագրի դրույթների մեկնաբանման և (կամ) կիրառման հետ կապված վեճերը կարգավորվում են Պայմանագրին համապատասխան:».

լրացնել հետևալ բովանդակությամբ 3-րդ կետով՝

«3. Սույն համաձայնագիրը Եվրասիական տնտեսական միության շրջանակներում կնքված միջազգային պայմանագիր է և ընդգրկվում է Եվրասիական տնտեսական միության իրավունքի կազմում։».

11) 9-րդ հոդվածում «Կողմերի» բառը փոխարինել «անդամ պետությունների» բառերով.

12) եզրափակիչ մասի երկրորդ պարբերության մեջ «յուրաքանչյուր Կողմի» բառերը փոխարինել «յուրաքանչյուր անդամ պետության» բառերով։

Հոդված 2

Սույն արձանագրությունն ուժի մեջ է մտնում այն ուժի մեջ մտնելու համար անհրաժեշտ ներպետական ընթացակարգերը Եվրասիական տնտեսական միության անդամ պետությունների կողմից կատարվելու մասին վերջին գրավոր ծանուցումն ավանդապահի կողմից ստանալու օրվանից, սակայն 2018 թվականի դեկտեմբերի 3-ին ստորագրված՝ «Հայաստանի Հանրապետության՝ «Եվրասիական տնտեսական հանձնաժողովի կողմից մրցակցության միասնական կանոնների պահպանման նկատմամբ հսկողության լիազորություններն իրականացնելիս գաղտնի տեղեկատվության պաշտպանության կարգի և դրա հրապարակման համար պատասխանատվության մասին» 2014 թվականի նոյեմբերի 12-ի համաձայնագրին միանալու վերաբերյալ» արձանագրությունն ուժի մեջ մտնելու օրվանից ոչ շուտ:

Կատարված է Մոսկվա քաղաքում, 2021 թվականի դեկտեմբերի 17-ին, մեկ բնօրինակից՝ ռուսերենով:

Սույն արձանագրության բնօրինակը պահվում է Եվրասիական տնտեսական հանձնաժողովում, որը, որպես սույն արձանագրության ավանդապահ, Եվրասիական տնտեսական միության յուրաքանչյուր անդամ պետություն կուղարկի դրա հաստատված պատճենը։

Պաշտոնական հրապարակման օրը՝ 10 հունվարի 2024 թվական: