Ա Ր Ձ Ա Ն Ա Գ Ր ՈՒ Թ Յ ՈՒ Ն

«ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՆԴԱՄ ՊԵՏՈՒԹՅՈՒՆՆԵՐԻ ՀԱՐԿԱՅԻՆ ՄԱՐՄԻՆՆԵՐԻ ՄԻՋԵՎ ԱՆՈՒՂՂԱԿԻ ՀԱՐԿԵՐԻ ՎՃԱՐՎԱԾ ԳՈՒՄԱՐՆԵՐԻ ՎԵՐԱԲԵՐՅԱԼ ԷԼԵԿՏՐՈՆԱՅԻՆ ՁԵՎՈՎ ՏԵՂԵԿԱՏՎՈՒԹՅԱՆ ՓՈԽԱՆԱԿՄԱՆ ՄԱՍԻՆ» 2009 ԹՎԱԿԱՆԻ ԴԵԿՏԵՄԲԵՐԻ 11-Ի ԱՐՁԱՆԱԳՐՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Բելառուսի Հանրապետության հարկերի և վճարների նախարարությունը, Ղազախստանի Հանրապետության ֆինանսների նախարարությունը և Ռուսաստանի Դաշնության ֆինանսների նախարարությունը, այսուհետ՝ Կողմեր,

համաձայնեցին հետևյալի մասին.

Հոդված 1

«Եվրասիական տնտեսական միության անդամ պետությունների հարկային մարմինների միջև անուղղակի հարկերի վճարված գումարների վերաբերյալ էլեկտրոնային ձևով տեղեկատվության փոխանակման մասին» 2009 թվականի դեկտեմբերի 11-ի արձանագրության մեջ կատարել հետևյալ փոփոխությունները՝

7-րդ հոդվածը շարադրել հետևյալ խմբագրությամբ՝

«Հոդված 7

Սույն արձանագրության մեկնաբանման և (կամ) կիրառման հետ կապված վեճերը կարգավորվում են «Եվրասիական տնտեսական միության մասին» 2014 թվականի մայիսի 29-ի պայմանագրի 112-րդ հոդվածով սահմանված կարգով:».

լրացնել հետևյալ բովանդակությամբ 71 հոդվածով՝

«Հոդված 71

Սույն արձանագրությունը Եվրասիական տնտեսական միության շրջանակներում կնքված միջազգային պայմանագիր է և ընդգրկվում է Եվրասիական տնտեսական միության իրավունքի կազմում։

Եվրասիական տնտեսական միությանը նոր պետությունների անդամակցելու դեպքում դրանց միացումը սույն արձանագրությանն իրականացվում է առանձին արձանագրությանը համապատասխան։».

նշված արձանագրության 1-ին և 2-րդ հավելվածների համարակալված վերնագրերում «մաքսային միության անդամ պետությունների» բառերը փոխարինել «Եվրասիական տնտեսական միության անդամ պետությունների» բառերով։

Հոդված 2

Սույն արձանագրությունն ուժի մեջ է մտնում ««Մաքսային միության անդամ պետությունների հարկային մարմինների միջև անուղղակի հարկերի վճարված գումարների վերաբերյալ էլեկտրոնային ձևով տեղեկատվության փոխանակման մասին» 2009 թվականի դեկտեմբերի 11-ի արձանագրության մեջ փոփոխություններ կատարելու մասին» 2014 թվականի հոկտեմբերի 8-ի արձանագրությունն ուժի մեջ մտնելու օրվանից հետո հաջորդ օրը։

Կատարված է Մոսկվա քաղաքում, 2014 թվականի դեկտեմբերի 31-ին, մեկ բնօրինակից՝ ռուսերենով:

Սույն արձանագրության բնօրինակը պահվում է Եվրասիական տնտեսական հանձնաժողովում, որը, որպես սույն արձանագրության ավանդապահ, յուրաքանչյուր Կողմի կուղարկի դրա հաստատված պատճենը։

Պաշտոնական հրապարակման օրը՝ 10 հունվարի 2024 թվական: