ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2023 ԹՎԱԿԱՆԻ ԴԵԿՏԵՄԲԵՐԻ 11-Ի ԹԻՎ 58-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հայաստանի Հանրապետության վիճակագրության պետական խորհրդի 2023 թվականի դեկտեմբերի 11-ի ««Թափուր աշխատատեղերի, աշխատողների թվաքանակի և շարժի մասին» Ձև 1-ԹԱՇ (եռամսյակային) վիճակագրական հաշվետվության և «Թափուր աշխատատեղերի, աշխատողների թվաքանակի և շարժի մասին» ընտրանքային (տարեկան) հետազոտության հարցաթերթի ձևերն ու լրացման հրահանգները հաստատելու և Հայաստանի Հանրապետության վիճակագրության պետական խորհրդի 2018 թվականի փետրվարի 26-ի թիվ 03-Ն որոշումն ուժը կորցրած ճանաչելու մասին» թիվ 58-Ն որոշման (այսուհետ՝ Որոշում) մեջ կատարել հետևյալ փոփոխությունները և լրացումները՝

1) Որոշման հավելված 1-ը շարադրել նոր խմբագրությամբ՝ համաձայն N 1 հավելվածի.

2) Որոշման հավելված 2-ը շարադրել նոր խմբագրությամբ՝ համաձայն N 2 հավելվածի․

3) Որոշման հավելված 3-ում՝

ա․8-րդ կետի 18-րդ ենթակետը շարադրել նոր խմբագրությամբ՝ հետևյալ բովանդակությամբ․

«18) Նոր ստեղծված աշխատատեղեր չեն համարվում վերակազմավորված իրավաբանական անձի աշխատատեղերը: Նույն կերպ՝ հաշվետու եռամսյակի ընթացքում նոր ընդունված աշխատողներ չեն համարվում իրավաբանական անձի վերակազմավորման արդյունքում աշխատանքից ազատված և նորից ընդունված աշխատողները:»․

բ․ 8-րդ կետի 18-րդ ենթակետից հետո լրացնել նոր 19-րդ ենթակետ՝ հետևյալ բովանդակությամբ․

«19) Հայաստանի Հանրապետության աշխատանքային օրենսգրքի 205-րդ հոդվածի դրույթների համաձայն՝ Հայաստանի Հանրապետության տարածքում հիմնական աշխատանքի վայրից դուրս դաշտային պայմաններում կամ տեղափոխման (տեղաշարժման) բնույթ կրող աշխատանքներում ընդունված կամ աշխատանքից ազատված աշխատողների մասին տվյալներն ըստ Հայաստանի Հանրապետության մարզերի կամ Երևան քաղաքի լրացնելիս, անհրաժեշտ է թվաքանակի բաշխումն իրականացնել Հայաստանի Հանրապետության այն մարզում կամ Երևան քաղաքում, որտեղ հաշվետու եռամսյակի ընթացքում աշխատողը ծախսել է իր աշխատաժամանակի կամ աշխատանքային օրերի առավելագույն մասը, աշխատաժամանակի հավասար բաշխվածության դեպքում՝ ռեսպոնդենտի հայեցողությամբ, իսկ դրա հստակեցման անհնարին լինելու դեպքում՝ ըստ կազմակերպության հիմնական գործունեության վայրի: Նույն մոտեցումն անհրաժեշտ է կիրառել նաև հաշվետու եռամսյակում նոր ստեղծված կամ կրճատված կամ թափուր աշխատատեղերի վերաբերյալ տվյալները լրացնելիս:».

գ․ լրացնել նոր 3-րդ գլուխ հետևյալ բովանդակությամբ․

«3. ԼՐԱՑՄԱՆ ԿԱՐԳԸ

9. Հաշվետվության Բաժին 1-ում «110» - «140» ծածկագրերով տողերը լրացվում են սույն հրահանգի 8-րդ կետի 1-8-րդ ենթակետերին համապատասխան:

10. Հաշվետվության Բաժին 2-ում.

1) «210»–«240.1» ծածկագրերով տողերը լրացվում են սույն հրահանգի 8-րդ կետի 9-18-րդ ենթակետերին համապատասխան․

2) «210» ծածկագրով տողում լրացված աշխատատեղերի թիվը հաշվետու եռամսյակում կարող է փոքր լինել «110» ծածկագրով տողում լրացված աշխատողների թվաքանակից, եթե աշխատատեղը զբաղեցվել է.

ա. ոչ լրիվ աշխատաժամանակով աշխատողներով,

բ. ժամանակավորապես բացակայող աշխատողին փոխարինող աշխատողով․

3) «210» ծածկագրով տողում լրացված աշխատատեղերի թիվը կարող է մեծ լինել «110» ծածկագրով տողում լրացված աշխատողների թվաքանակից, եթե հաշվետու եռամսյակում առկա են թափուր աշխատատեղեր կամ համատեղությամբ աշխատողներ․

4) «240.1» ծածկագրով տողում լրացված թափուր աշխատատեղերի թիվը չի կարող հավասար լինել «240» ծածկագրով տողում լրացված աշխատատեղերի թվից:

11. Հաշվետվության Բաժին 3-ում.

1) «310» ծածկագրով տողում սյուն 1-ը պետք է հավասար լինի Բաժին 1-ի «120» ծածկագրով տողի սյուն 1-ին․

2) «320» ծածկագրով տողում սյուն 1-ը պետք է հավասար լինի Բաժին 1-ի «130» ծածկագրով տողի սյուն 1-ին․

3) «330» ծածկագրով տողում սյուն 1-ը պետք է հավասար լինի Բաժին 2-ի «210» ծածկագրով տողի սյուն 1-ին․

4) «340» ծածկագրով տողում սյուն 1-ը պետք է հավասար լինի Բաժին 2-ի «220» ծածկագրով տողի սյուն 1-ին․

5) «350» ծածկագրով տողում սյուն 1-ը պետք է հավասար լինի Բաժին 2-ի «230» ծածկագրով տողի սյուն 1-ին․

6) «360» ծածկագրով տողում սյուն 1-ը պետք է հավասար լինի Բաժին 2-ի «240» ծածկագրով տողի սյուն 1-ին․

7) «360.1» ծածկագրով տողում սյուն 1-ը պետք է հավասար լինի Բաժին 2-ի «240.1» ծածկագրով տողի սյուն 1-ին:».

4) Որոշման ողջ տեքստում «ՀՀ» բառերը փոխարինել «Հայաստանի Հանրապետություն» բառերով և դրա համապատասխան հոլովաձևերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 14 մայիսի 2025 թվական: