ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետի և 18-րդ հոդվածի 4-րդ մասի, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հայաստանի Հանրապետության վիճակագրության պետական խորհրդի 2018 թվականի դեկտեմբերի 24-ի ««Ֆիզկուլտուրայի և սպորտային աշխատանքների մասին» Ձև 1-սպորտ (տարեկան) վիճակագրական հաշվետվության ձևն ու լրացման հրահանգը հաստատելու մասին» թիվ 83-Ն որոշման.

1) վերնագրում, 1-ին և 2-րդ կետերում «Ֆիզկուլտուրայի և սպորտային աշխատանքների» բառերը փոխարինել «Ֆիզիկական կուլտուրայի և սպորտի» բառերով,

2) 1-ին և 2-րդ կետերով հաստատված հավելված 1-ը և հավելված 2-ը շարադրել նոր խմբագրությամբ՝ համաձայն հավելված 1-ի և հավելված 2-ի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

1. Սույն հրահանգով կարգավորում են «Ֆիզիկական կուլտուրայի և սպորտի մասին» Ձև 1-սպորտ (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացնում են մարզական ուղղվածության արտադպրոցական ուսումնական հաստատությունները՝ մանկապատանեկան մարզադպրոցները, մարզական-տեխնիկական դպրոցները, օլիմպիական հերթափոխի մանկապատանեկան մարզադպրոցները, օլիմպիական հերթափոխի ուսումնարանները և մարզական ուղղվածությամբ միջին մասնագիտական կրթություն և ուսուցում իրականացնող օլիմպիական հերթափոխի քոլեջները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանին հաջորդող տարվա ապրիլի 15-ը:

4. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

5. Բաժին 1-ի սյուն 1-ում ինքնաշխատ արտացոլվող ցանկից ընտրվում է օլիմպիական մարզաձևի տեսակը, սյուն 2-ում ինքնաշխատ արտացոլվում է համապատասխան մարզաձևի խմբերի քանակը: Բաժին 1-ում լրացվում են միայն սյուն 3-ը և 4-ը՝ քաղաքների և գյուղերի բաշխվածությամբ:

6. Բաժին 2-ի սյուն 1-ում ինքնաշխատ արտացոլվող ցանկից ընտրվում է ոչ օլիմպիական մարզաձևի տեսակը, սյուն 2-ում ինքնաշխատ արտացոլվում է համապատասխան մարզաձևի խմբերի քանակը: Բաժին 2-ում լրացվում են միայն սյուն 3-ը և 4-ը՝ քաղաքների և գյուղերի բաշխվածությամբ:

7. Բաժին 3-ի սյուն 1-ում ինքնաշխատ արտացոլվող ցանկից ընտրվում է օլիմպիական մարզաձևի տեսակը, սյուն 2-ում ինքնաշխատ արտացոլվում է համապատասխան օլիմպիական մարզաձևի մարզիչ-մանկավարժների թվաքանակը, սյուն 5-ում ինքնաշխատ արտացոլվում է համապատասխան օլիմպիական մարզաձևի իգական սեռի մարզիչ-մանկավարժների թվաքանակը: Բաժին 3-ում լրացվում են միայն 3-4 և 6-7 սյուները՝ քաղաքների և գյուղերի բաշխվածությամբ:

8. Բաժին 4-ի սյուն 1-ում ինքնաշխատ արտացոլվող ցանկից ընտրվում է ոչ օլիմպիական մարզաձևի տեսակը, սյուն 2-ում ինքնաշխատ արտացոլվում է համապատասխան ոչ օլիմպիական մարզաձևի մարզիչ-մանկավարժների թվաքանակը, սյուն 5-ում ինքնաշխատ արտացոլվում է համապատասխան ոչ օլիմպիական մարզաձևի իգական սեռի մարզիչ-մանկավարժների թվաքանակը: Բաժին 3-ում լրացվում են միայն 3-4 և 6-7 սյուները՝ քաղաքների և գյուղերի բաշխվածությամբ:

9. Բաժին 5-ի սյուն 1-ում ինքնաշխատ արտացոլվող ցանկից ընտրվում է օլիմպիական մարզաձևի տեսակը, սյուն 2-ում ինքնաշխատ արտացոլվում է համապատասխան օլիմպիական մարզաձևի մարզիկների թվաքանակը, սյուն 5-ում ինքնաշխատ արտացոլվում է համապատասխան օլիմպիական մարզաձևի իգական սեռի մարզիկների թվաքանակը: Բաժին 5-ում լրացվում են միայն 3-4 և 6-7 սյուները՝ քաղաքների և գյուղերի բաշխվածությամբ:

10. Բաժին 6-ի սյուն 1-ում ինքնաշխատ արտացոլվող ցանկից ընտրվում է ոչ օլիմպիական մարզաձևի տեսակը, սյուն 2-ում ինքնաշխատ արտացոլվում է համապատասխան ոչ օլիմպիական մարզաձևի մարզիկների թվաքանակը, սյուն 5-ում ինքնաշխատ արտացոլվում է համապատասխան ոչ օլիմպիական մարզաձևի իգական սեռի մարզիկների թվաքանակը: Բաժին 5-ում լրացվում են միայն 3-4 և 6-7 սյուները՝ քաղաքների և գյուղերի բաշխվածությամբ:

11. Բաժին 7-ի սյուն 1-ում («700» ծածկագրով տողը հավասար է «700.1»-«700.9» ծածկագրով տողերի հանրագումարին) ինքնաշխատ արտացոլվում է մարզիչ-մանկավարժների, իսկ սյուն 4-ում՝ մարզիկների թվաքանակը՝ ըստ սեռատարիքային բաշխվածության: Բաժին 7-ում լրացվում են միայն 2-3 և 5-6 սյուները՝ քաղաքների և գյուղերի բաշխվածությամբ:

12. Բաժին 7.1-ը լրացվում է միայն իգական սեռի մարզիչ-մանկավարժների և մարզիկների համար՝ սույն հրահանգի 11-րդ կետի դրույթներին համապատասխան:»:

Պաշտոնական հրապարակման օրը՝ 1 ապրիլի 2025 թվական: