3. Սույն կանոնադրության 1-ին կետում նախատեսված պարգևատրման ցուցանիշների հետ մեկտեղ մինիստրի և նրա տեղակալների համար սահման­վում են պարգևատրման հետևյալ լրացուցիչ ցուցանիշները՝

ապրանքանյութական արժեքների գերնորմատիվային պաշարների իջե­ցում.

արտադրական կարողությունների գործարկում և յուրացում սահմանված ժամկետներում.

նյութական ծախսումների խնայողություն, ներառյալ վառելիքի ու էներ­գիայի ծախսի իջեցումը։

Մինիստրության ապարատի մնացած աշխատողների համար պարգևատրման լրացուցիչ պայմանները սահմանվում են մինիստրության ղեկավարու­թյան կողմից, արհմիության տեղական կոմիտեի հետ համաձայնեցնելով։

Լրացուցիչ պայմանները չկատարելու դեպքում մինիստրության կենտրո­նական ապարատի աշխատողների պարգևները իջեցվում են այդ ցուցանիշների կատարման աստիճանից կախված, սակայն 50 տոկոսից ոչ ավելի։

4. Մինիստրության կենտրոնական ապարատի աշխատողներին պար­գևատրելիս հաշվի են առնվում կնքված պայմանագրերին (կատարման ըն­դունված կարգագրերին) համապատասխան որակով, ժամկետներին ու անվա­նացանկով (տեսականիով) արտադրանքի մատակարարումների գծով առա­ջադրանքների և պարտավորությունների կատարումը։ Արտադրանքի մատակա­րարումների գծով նշված պարտավորությունները չկատարելու դեպքում մինիս­տրության ապարատի աշխատողները պարգևներից զրկվում են լրիվ չափով կամ մասամբ։ Պարգևներից զրկելու կամ դրանց չափը պակասեցնելու հարցը լուծվում է Հայկական ՍՍՀ Մինիստրների խորհրդի կողմից՝ Հայկական ՍՍՀ պետպլանի ու Հայկական ՍՍՀ ֆինանսների մինիստրության ներկայացմամբ։

II. Պարգևատրման աղբյուրներն ու պարգևների չափերը

5. Մինիստրության աշխատողների պարգևատրումը կատարվում է հաշիվ սահմանված կարգով ստեղծվող` մինիստրության նյութական խրախուսման կենտրոնացված ֆոնդի։ Ընդ որում, սույն կանոնադրությանը համապատասխան աշխատողների պարգևատրման հատուկ ֆոնդ չի ստեղծվում։

Պարգևատրման միջոցներն առանձնացվում են հաստատված նորմատիվ­ներով։ Մինիստրության աշխատողների պարգևատրման համար միջոցների նորմատիվների որոշման ու հաստատման կոնկրետ կարգը սահմանվում է ՍՍՀՄ պետպլանին առընթեր ՄԳՀ-ի 1979 թ. մայիսի 17-ի N 351-Б արձանագրությանը համապատասխան։

Ընդ որում, մինիստրության կենտրոնական ապարատի աշխատողների պարգևատրման համար միջոցների այդ նորմատիվները որոշվում են այն հաշվով որպեսզի պարգևատրման միջոցների գումարը կազմի մինիստրության ապարատի աշխատողների աշխատավարձի ֆոնդի 10 տոկոսը` ըստ պաշտո­նային ռոճիկների։

6. Սույն կանոնադրությամբ նախատեսված՝ մինիստրության աշխատող­ների պարգևների չափերը սահմանվում են ամեն տարի, հաստատված նորմատիվներին համապատասխան տվյալ տարում նշված աշխատողներին պար­գևատրելու համար առանձնացված միջոցների սահմաններում։ Պարգևատրմանը չեն կարող ուղղվել այն միջոցները, որոնք հաստատված նորմատիվներին համապատասխան թույլատրվել է այդ նպատակի համար օգտագործել նա­խորդ տարում, սակայն որոնք չեն ծախսվել սահմանված ցուցանիշները և պարգևատրման պայմանները չկատարելու կապակցությամբ։

Մինիստրության ղեկավար աշխատողների համար պարգևների չափերը սահմանվում են Հայկական ՍՍՀ Մինիստրների խորհրդի կողմից, Արհեստակ­ցական միությունների հայկական հանրապետական խորհրդի հետ համաձայնեցնելով։ Այդ աշխատողների պարգևների չափերը չպետք է գերազանցի մինիստրության գծով պարգևների միջին չափը (նրանց պաշտոնային ռոճիկների հանդեպ տոկոսներով)։

Մինիստրության մնացած աշխատողների համար պարգևների չափերը սահմանվում են մինիստրության ղեկավարության կողմից, արհմիության տեղական կոմիտեի հետ համաձայնեցնելով։

Մինիստրության աշխատողների պարգևների չափերը սահմանելիս պետք է հաշվի առնվեն մինիստրության գծով պլանային ցուցանիշների չարվածությունը, աշխատանքի արտադրողականության աճը, արտադրական կարողությունների օգտագործման մակարդակը, հումքի, նյութերի, վառելիքի ու էներգիայի խնայողությունը։

Պարգևատրման ցուցանիշների գերակատարման համար պարգևների չափերը որոշվում են պլանը գերակատարելու կապակցությամբ աշխատողների նյութական խրախուսման համար լրացուցիչ մասհանվող (ըստ հաստատված նորմատիվների) միջոցների սահմաններում։

7. Մինիստրության ղեկավար աշխատողներին եռամսյակի աշխատանքի արդյունքներով հաշվեգրված պարգևները մեկ տոկոսով պակասեցվում են մինիստրության իրավասության ենթակա յուրաքանչյուր այն ձեռնարկության համար, որը չի կատարել իր համար սահմանված հիմնական ցուցանիշներն ու պարգևատրման պայմանները։

Այդ նույն կարգով մինիստրության ղեկավարները կարող են պակասեցնել մինիստրությունների այն աշխատողների պարգևները, ովքեր պատասխանատու են ձեռնարկությունների կողմից նրանց համար սահմանված պլանային ցուցանիշների կատարման համար։

Պլանը, դրա կատարման փաստացի մակարդակն իջեցնելու առումով ճշտելու դեպքում, մինիստրության ղեկավար աշխատողները զրկվում են տնտեսական գործունեության հիմնական արդյունքների համար պարգևից լրիվ կամ մասամբ, սակայն 50 տոկոսից ոչ պակաս։

8. Աշխատանքի արտադրողականության աճի համեմատությամբ միջին աշխատավարձի աճի առաջանցման յուրաքանչյուր տոկոսի համար մինիստրության գծով, ամբողջությամբ վերցրած, տարեսկզբից աճող արդյունքներով հաշվարկված մինիստրության ապարատի աշխատողներին հաշվեգրված պարգևների չափը (տոկոսներով՝ պաշտոնային ռոճիկների նկատմամբ) պակասեցվում է մեկ տոկոսով։

9. Մինիստրության գծով աշխատավարձի ֆոնդի գերածախսի դեպքում աշխատավարձի ֆոնդի ծախսման համար պատասխանատու՝ մինիստրության ապարատի աշխատողներին հաշվարկված պարգևները չեն վճարվում (սույն կանոնադրության N 2 հավելվածին համաձայն ցանկով)։ Ընդ որում, մինիստրության գծով աշխատավարձի ֆոնդի գերածախսը հաշվարկվում է որպես մինիստրության իրավասության ենթակա ձեռնարկությունների . ու կազմակերպությունների գծով այդ ֆոնդի հարաբերական գերածախսի գումար (խնայողություն)։

եթե մինիստրության գծով մինչև վեց ամիս ժամկետում կփոխհատուցվի աշխատավարձի ֆոնդի թույլ տրված գերածախսը, նշված աշխատողներին վճարվում է հաշվեգրված, սակայն աշխատավարձի ֆոնդի գերածախսի կապակցությամբ չվճարված պարգևի 50 տոկոսը։

Այն դեպքում, երբ մինիստրության կողմից հաշվետու տարում թույլ է տրվել աշխատավարձի ֆոնդի գերածախս, սակայն օրացուցային տարվա սկզբից անցած ժամանակաշրջանում կա աշխատավարձի ֆոնդի գծով թույլ տրված գերածախսը ծածկելու համար բավարար խնայողություն, մինիստրության աշխատողներին հաշվեգրված պարգևները վճարվում են լրիվ չափով։

10. Մինիստրության ապարատի աշխատողների պարգևատրումը կատարվում է յուրաքանչյուր եռամսյակի աշխատանքի արդյունքներով, այդ ժամանակաշրջանի համար վճարման հաշվեգրված պարգևի 75 տոկոսի չափով։ Պարգևի մնացած 25 տոկոսը վճարվում է տնտեսական տարվա արդյունքներով, սույն կանոնադրության 1-ին կետով սահմանված պարգևատրման հիմնական ցուցանիշները տարվա ընթացքում ամբողջությամբ կատարելու պայմանով։ Առանձին հիմնական ցուցանիշներ չկատարելու դեպքում տարվա արդյունքներով վճարվող պարգևները պակասեցվում են մինչև 50 տոկոս:

11. Մինիստրության ապարատի աշխատողները կարող են պարգևատրվել հատուկ կարևոր արտադրական առաջադրանքների կատարման համար: Այդ առաջադրանքները կատարելու համար պարգևները վճարվում են ի հաշիվ ՍՍՌՄ Մինիստրների սովետի 1953 թ. ապրիլի 11-ի N 1002 և 1955 թ. մայիսի 4-ի N 861 որոշումներին (Հայկական ՍՍՌ Մինիստրների սովետի 1953 թ. մայիսի 23-ի N 221 որոշում) համապատասխան աշխատողներին պարգևատրելու համար մինիստրի տրամադրության տակ առանձնացվող միջոցների։ Ընդ որում, հատուկ կարևոր առաջադրանքների կատարման համար պարգևների գումարը չի կարող գերազանցել մեկ աշխատողի համար տարեկան մեկ ամսվա պաշտոնադրույքը։

Մինիստրությունը կարող է մինիստրության այն աշխատողներին միանվագ պարգևներ վճարել (տարեկան մինչև մեկ ամսվա պաշտոնադրույքի չափով), որոնք ապահովել են իրավասության ենթակա ձեռնարկություններում աշխատանքի շչյոկինյան մեթոդի հաջող ներդրումը, որի շնորհիվ կատարվել է պրոֆեսիաների (պաշտոնների) համատեղում, սպասարկման գոտիների ընդլայնում կամ կատարվող աշխատանքների ծավալի մեծացում։

12. Սույն կանոնադրության 10 և 11-րդ կետերին համապատասխան մեկ աշխատողին վճարվող պարգևների ընդհանուր գումարը (բացի սոցմրցության արդյունքներով վճարվող պարգևներից) չպետք է գերազանցի տարեկան երեք ամսվա դրույքը։

13. Մինիստրության աշխատողներին պարգևներ հաշվեգրելու համար հիմք են հանդիսանում հաշվապահական և վիճակագրական հաշվետվության տվյալները, ինչպես նաև օպերատիվ հաշվառման տվյալները։

14. Աշխատողներին պարգևները հաշվեգրվում են պաշտոնադրույքին՝ փաստացի աշխատած ժամանակի համար։

15. Այլ աշխատանքի անցնելու, ուսումնական հաստատություն ընդունվելու, կենսաթոշակի անցնելու, հաստիքները կրճատվելու պատճառով ազատվելու և այլ հարգելի պատճառներով ոչ լրիվ եռամսյակ աշխատած աշխատողներին պարգևը հաշվեգրվում է փաստացի աշխատած ժամանակի համար:

16. Տնտեսական գործունեության հիմնական արդյունքների համար պարգևները հաստատվում են`

մինիստրին ու նրա տեղակալներին՝ Հայկական ՍՍՀ Մինիստրների խորհրդի կողմից.

մինիստրության կենտրոնական ապարատի մնացած աշխատողներին՝ մինիստրության ղեկավարության կողմից։

Հատուկ կարևոր առաջադրանքների կատարման և շչյոկինյան մեթոդի հաջող ներդրման համար մինիստրության ապարատի աշխատողներին պարգևները հաստատվում են մինիստրի կողմից։

17. Արհմիության տեղական կոմիտեի հետ համաձայնեցնելով, մինիստրության ղեկավարությունը կարող է նշված կանոնադրության 12-րդ կետում նշված ընդհանուր չափի սահմաններում բարձրացնել, կամ աշխատանքի որակն ու աշխատողի անձնական ներդրումը հաշվի առնելով՝ իջեցնել նրան հաշվեգրված պարգևը, սակայն 25 տոկոսից ոչ ավելի։

Աշխատանքում բացթողումների համար մինիստրության ղեկավար, ինժեներատեխնիկական աշխատողներն ու ծառայողները կարող են պարգևից զրկվել լրիվ կամ մասամբ։

Առանձին աշխատողներ կարող են պարգևից զրկվել հաշվետվության մեջ հավելագրումների ու աղավաղումների համար (ՍՄԿՊ Կենտկոմի ու ՍՍՌՄ Մինիստրների սովետի 1961 թ. մայիսի 19-ի N 440 որոշում (Հայաստանի կոմպարտիայի և Հայկական ՍՍՌ Մինիստրների սովետի 1961 թ. հունիսի 15-ի 82/316 որոշում), ՍՍՀՄ Մինիստրների սովետի 1975 թվականի փետրվարի 20-ի N 153 որոշման 5-րդ կետ, աշխպետկոմի ու ՀԱՄԿԽ-ի 1975 թ. օգոստոսի 8-ի 13/19 պարզաբանում)։

18. Սույն կանոնադրության 5 և 10-րդ կետերին համապատասխան վճարվող պարգևները հաշվի են առնվում աշխատողի միջին աշխատավարձը հաշվարկելիս։

19. Բացի սույն կանոնադրությամբ նախատեսված պարգևներից, մինիստրության կենտրոնական ապարատի աշխատողները կարող են պարգևատրվել գյուտարարությանն ու ռացիոնալիզացիային աջակցելու և արտասահմանում վաճառելու համար սովետական գյուտերի և դիտատեխնիկական նվաճումների համար լիցենզիաների պատենտավորման և նախապատրաստման աշխատանքին ակտիվ մասնակցության համար։ Այդ աշխատողների պարգևատրումը ուրիշ հատուկ սիստեմներով, ինչպես նաև տարվա արդյունքներով աշխատանքի ընդհանուր արդյունքների համար նրանց վարձատրությունների վճարում չի կատարվում։

20. Սույն կանոնադրությունը գործողության մեջ դնել 1982 թվականի հունվարի 1-ից։

Ալյուր պետական ռեսուրսների հացահատիկից

այդ թվում տեսակավոր ալյուր

Ձավար պետական ռեսուրսների հացահատիկից

Պետական արդյունաբերական ձեռնարկություններում արտադրվող համակցված կերեր (պետական ռեսուրսների հումքից)

այդ թվում համակցված կերեր թռչունների համար

սպիտակուցավիտամինային հավելումներ

Պետական արդյունաբերական ձեռնարկություններում արտադրվող համակցված կերերի ու սպիտակուցավիտամինային հավելումների ընդհանուր քանակությունից հատիկավորված համակցված կերեր և սպիտակուցավիտամինային հավելումներ։

Մինիստրը և նրա տեղակալները

Պլանատնտեսագիտական վարչության պետ և նրա տեղակալներ

Հաշվապահական հաշվառման, հաշվետվության ու վերահսկողության վարչության պետ և նրա տեղակալ

1. Պարգևատրման համար կենտրոնացված ֆոնդից մասհանումների նորմատիվը տոկոսներով՝ ամբողջությամբ վերցրած մինիստրության նյութական խրախուսման ֆոնդի նկատմամբ -4,39

2. նյութական օգնություն ցույց տալու համար նյութական խրախուսման կենտրոնացված ֆոնդից մասհանումների նորմատիվը տոկոսներով՝ մինիստրության կենտրոնական ապարատի աշխատողների աշխատավարձի ֆոնդի նկատմամբ ըստ պաշտոնային ռոճիկների -2,5

3. Մինիստրության կենտրոնական ապարատի աշխատողների բնակարանային պայմանների ու կուլտուր-կենցաղային սպասարկման բարելավման համար միջոցների մասհանումների նորմատիվը տոկոսներով՝ պարգևատրմանը և նյութական օգնություն ցույց տալուն ուղղված միջոցների գումարի նկատմամբ -42,6