28 սեպտեմբերի 2023 թվականի N 1666-Ն

ՀԱՆՐԱՅԻՆ ԻՇԽԱՆՈՒԹՅԱՆ ՄԱՐՄԻՆՆԵՐԻ (ԲԱՑԱՌՈՒԹՅԱՄԲ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ) ԵՎ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՊԱՇՏՈՆԱՏԱՐ ԱՆՁԱՆՑ ԾԱՌԱՅՈՂԱԿԱՆ ԵՎ ԱՅԴ ՄԱՐՄԻՆՆԵՐԻՆ ՍՊԱՍԱՐԿՈՂ ԱՎՏՈՄԵՔԵՆԱՆԵՐԻ ՀԱՏԿԱՑՄԱՆ ՈՒ ՇԱՀԱԳՈՐԾՄԱՆ ԿԱՐԳԸ, ՊԵՏԱԿԱՆ ՊԱՇՏՈՆ ԿԱՄ ՊԵՏԱԿԱՆ ԾԱՌԱՅՈՒԹՅԱՆ ՊԱՇՏՈՆ ԶԲԱՂԵՑՆՈՂ ԱՆՁԱՆՑ ՏՐԱՆՍՊՈՐՏԱՅԻՆ ԾԱԽՍԵՐԻ ՓՈԽՀԱՏՈՒՑՄԱՆ ԿԱՐԳԸ, ԱՌԱՆՁԻՆ ՄԱՐՄԻՆՆԵՐԻՆ ՀԱՏԿԱՑՎՈՂ ԾԱՌԱՅՈՂԱԿԱՆ ԵՎ ՍՊԱՍԱՐԿՈՂ ԱՎՏՈՄԵՔԵՆԱՆԵՐԻ ՍԱՀՄԱՆԱՔԱՆԱԿՆԵՐԸ, ԱՎՏՈՄԵՔԵՆԱՆԵՐԻ ՎԱՌԵԼԻՔԻ, ՅՈՒՂԵՐԻ ՈՒ ՔՍՈՒՔՆԵՐԻ ԾԱԽՍԻ, ԱՎՏՈԴՈՂԵՐԻ ՎԱԶՔԻ, ԿՈՒՏԱԿՉԱՅԻՆ ՄԱՐՏԿՈՑՆԵՐԻ ԾԱՌԱՅՈՒԹՅԱՆ ԺԱՄԿԵՏՆԵՐԻ ՆՈՐՄԱՆԵՐԸ, ՊԱՇՏՈՆԱՏԱՐ ԱՆՁԱՆՑ ԾԱՌԱՅՈՂԱԿԱՆ ԵՎ ԱՅԴ ՄԱՐՄԻՆՆԵՐԻՆ ՍՊԱՍԱՐԿԵԼՈՒ ՆՊԱՏԱԿՈՎ ՁԵՌՔ ԲԵՐՎՈՂ ԱՎՏՈՄԵՔԵՆԱՆԵՐԻ ԱՌԱՆՁԻՆ ՉԱՓՈՐՈՇԻՉՆԵՐԸ, ՀԱՆՐԱՅԻՆ ԻՇԽԱՆՈՒԹՅԱՆ ՄԱՐՄԻՆՆԵՐԻ (ԲԱՑԱՌՈՒԹՅԱՄԲ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ) ՊԱՇՏՈՆԱՏԱՐ ԱՆՁԱՆՑ ԾԱՌԱՅՈՂԱԿԱՆ ԵՎ ԱՅԴ ՄԱՐՄԻՆՆԵՐԻՆ ՍՊԱՍԱՐԿՈՂ ԱՎՏՈՄԵՔԵՆԱՆԵՐԻ ՏԱՐԵԿԱՆ ՊԱՀՊԱՆՄԱՆ ԾԱԽՍԵՐԻ ՆԱԽԱՏԵՍՄԱՆ ՆՈՐՄԱՆԵՐԸ, ԱՎՏՈՄԵՔԵՆԱ ՀԱՏԿԱՑՆԵԼՈՒ ՓՈԽԱՐԵՆ ՓՈԽՀԱՏՈՒՑՄԱՆ ԾԱԽՍԵՐԻ ՆԱԽԱՏԵՍՄԱՆ ՆՈՐՄԱՆԵՐԸ ԵՎ ՓՈԽՀԱՏՈՒՑՄԱՆ ԿԱՐԳԸ, ԱՅԼԸՆՏՐԱՆՔԱՅԻՆ ԵՂԱՆԱԿՈՎ ԻՐԱԿԱՆԱՑՎՈՂ ՏՐԱՆՍՊՈՐՏԱՅԻՆ ԾԱԽՍԵՐԻ ՓՈԽՀԱՏՈՒՑՄԱՆ ՆԱԽԱՏԵՍՄԱՆ ՆՈՐՄԱՆԵՐԸ ԵՎ ՓՈԽՀԱՏՈՒՑՄԱՆ ԿԱՐԳԸ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵՈՒՄ ՀԱՄԱՊԱՏԱՍԽԱՆ ՄԻՋՈՑՆԵՐԻ ՆԱԽԱՏԵՍՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

(վերնագիրը լրաց. 24.10.24 N 1700-Ն)

Հիմք ընդունելով «Պետական գույքի կառավարման մասին» Հայաստանի Հանրապետության օրենքի 6-րդ հոդվածի 1-ին մասի 23-րդ կետի, «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 21-րդ հոդվածի 1.1-ին մասի և «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի պահանջները` Հայաստանի Հանրապետության կառավարությունը որոշում է.

(նախաբանը լրաց. 24.10.24 N 1700-Ն)

1. Հաստատել պետական կառավարման համակարգի մարմինների, Հայաստանի Հանրապետության վարչապետի աշխատակազմի, մարզպետների աշխատակազմերի և համակարգը սպասարկող այլ կազմակերպությունների պաշտոնատար անձանց ծառայողական և այդ մարմիններին սպասարկող ավտոմեքենաների հատկացման, շահագործման և պետական պաշտոն կամ պետական ծառայության պաշտոն զբաղեցնող անձանց տրանսպորտային ծախսերի փոխհատուցման ու առանձին մարմիններին հատկացվող ծառայողական և սպասարկող ավտոմեքենաների սահմանաքանակների սահմանման կարգը` համաձայն հավելված N 1-ի:

(1-ին կետը փոփ. 12.04.24 N 519-Ն, լրաց. 24.10.24 N 1700-Ն)

2. Սահմանել, որ Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեն (այսուհետ՝ կոմիտե) պետական կառավարման համակարգի մարմինների, Հայաստանի Հանրապետության վարչապետի աշխատակազմի, մարզպետների աշխատակազմերի և համակարգը սպասարկող այլ կազմակերպությունների (այսուհետ՝ պետական մարմիններ) կողմից ներկայացված առաջարկների հիման վրա սույն որոշման 1-ին կետով հաստատված կարգի համաձայն Հայաստանի Հանրապետության կառավարության որոշմամբ իրականացնում է պետական մարմիններին ծառայողական ավտոմեքենաների հատկացման և հաշվառման գործընթացը՝ բացառությամբ Հայաստանի Հանրապետության կառավարության 2022 թվականի սեպտեմբերի 8-ի N 1403-Ն որոշմամբ սահմանված դեպքերի։

3. Սահմանել, որ Հայաստանի Հանրապետության վարչապետի աշխատակազմին՝ վարչապետի կողմից իրականացվող գործառույթների պատշաճ կատարումն ապահովելու նպատակով, բացի սույն որոշմամբ հաստատված հավելված N 1-ով սահմանված դեպքերից, ամրացվում է ևս 10 տարբերանշանով սպասարկման ավտոմեքենա։ Հայաստանի Հանրապետության նախագահի աշխատակազմին՝ նախագահի կողմից իրականացվող գործառույթների պատշաճ կատարումն ապահովելու նպատակով, բացի սույն որոշմամբ հաստատված հավելված N 3-ով սահմանված դեպքերից, ամրացվում է ևս 7 տարբերանշանով սպասարկման ավտոմեքենա։

(3-րդ կետը փոփ. 12.04.24 N 519-Ն, լրաց. 18.07.24 N 1127-Ն)

4. Սահմանել, որ հանրային իշխանության մարմնի ղեկավարի լիազորությունների կամ մարմնի կանոնադրական գործառույթների իրականացմամբ պայմանավորված՝ տրանսպորտային կարիքների բավարարման նպատակով տվյալ մարմնի համար հաստատված սահմանաքանակի շրջանակներում ավտոմեքենա հատկացնելու փոխարեն համապատասխան մարմնի ղեկավարի առաջարկության հիման վրա կարող է տրամադրվել տրանսպորտային ծախսերի փոխհատուցում։

(4-րդ կետը խմբ. 24.10.24 N 1700-Ն)

4.1. Հաստատել հանրային իշխանության մարմինների (բացառությամբ տեղական ինքնակառավարման մարմինների) պաշտոնատար անձանց ծառայողական և այդ մարմիններին սպասարկող ավտոմեքենաների տարեկան պահպանման ծախսերի նախատեսման նորմաները և Հայաստանի Հանրապետության պետական բյուջեում համապատասխան միջոցների նախատեսման կարգը՝ համաձայն N 4 հավելվածի:

(4.1-ին կետը լրաց. 24.10.24 N 1700-Ն)

4.2. Հաստատել հանրային իշխանության մարմինների (բացառությամբ տեղական ինքնակառավարման մարմինների) պաշտոնատար անձանց ծառայողական և այդ մարմիններին սպասարկող ավտոմեքենա հատկացնելու փոխարեն փոխհատուցման ծախսերի նախատեսման նորմաները և փոխհատուցման կարգը, Հայաստանի Հանրապետության պետական բյուջեում համապատասխան միջոցների նախատեսման կարգը՝ համաձայն N 5 հավելվածի:

(4.2-րդ կետը լրաց. 24.10.24 N 1700-Ն)

4.3. Հաստատել այլընտրանքային եղանակով իրականացվող տրանսպորտային ծախսերի փոխհատուցման նախատեսման նորմաները և փոխհատուցման կարգը, Հայաստանի Հանրապետության պետական բյուջեում համապատասխան միջոցների նախատեսման կարգը՝ համաձայն N 6 հավելվածի:

(4.3-րդ կետը լրաց. 24.10.24 N 1700-Ն)

5. Սահմանել, որ գործառնական և հատուկ նշանակության ավտոմեքենաների սահմանաքանակը համապատասխան պետական մարմինների կողմից ներկայացված հայտերի հիման վրա, կոմիտեի առաջարկությամբ, հաստատվում է Հայաստանի Հանրապետության կառավարության որոշմամբ` սույն որոշումն ուժի մեջ մտնելուց հետո վեցամսյա ժամկետում։

6. Սահմանել, որ Հայաստանի Հանրապետության արտաքին գործերի նախարարության ենթակա օտարերկրյա պետություններում գործող առանձնացված ստորաբաժանումների՝ Հայաստանի Հանրապետության դեսպանությունների, միջազգային կազմակերպություններում Հայաստանի Հանրապետության մշտական ներկայացուցչությունների, Հայաստանի Հանրապետության հյուպատոսական հիմնարկների ծառայողական ավտոմեքենաների հատկացման, շահագործման և սպասարկման կանոնակարգը, սահմանաքանակը, չափորոշիչները և վառելիքի, յուղերի, քսայուղերի, ավտոդողերի վազքի և կուտակչային մարտկոցների ծառայության ժամկետների նորմաները Հայաստանի Հանրապետության արտաքին գործերի նախարարի առաջարկությամբ հաստատում է Հայաստանի Հանրապետության կառավարությունը սույն որոշումն ուժի մեջ մտնելուց հետո եռամսյա ժամկետում։

7. (կետն ուժը կորցրել է 24.10.24 N 1700-Ն)

8. Հաստատել Հայաստանի Հանրապետության հանրային իշխանության մարմինների (բացառությամբ սույն որոշման N 1 հավելվածով հաստատված կարգի 1-ին կետում նշված մարմինների) աշխատակազմերին ամրացված ծառայողական ավտոմեքենաների հատկացման, շահագործման և պետական պաշտոն կամ պետական ծառայության պաշտոն զբաղեցնող անձանց տրանսպորտային ծախսերի փոխհատուցման ու առանձին մարմիններին հատկացվող ծառայողական և սպասարկող ավտոմեքենաների սահմանաքանակների սահմանման կարգը՝ համաձայն հավելված N 3-ի։

(8-րդ կետը խմբ. 12.04.24 N 519-Ն, 18.07.24 N 1127-Ն, փոփ. 24.10.24 N 1700-Ն)

8.1. Հաստատել Հայաստանի Հանրապետության հանրային իշխանության մարմինների պաշտոնատար անձանց ծառայողական և այդ մարմիններին սպասարկելու նպատակով ձեռք բերվող ավտոմեքենաների վառելիքի, յուղերի ու քսուքների ծախսի, ավտոդողերի վազքի, կուտակչային մարտկոցների ծառայության ժամկետների, ինչպես նաև ձեռք բերվող նոր ավտոմեքենաների առանձին չափորոշիչները՝ համաձայն հավելված N 2-ի:

(8.1-ին կետը լրաց. 12.04.24 N 519-Ն, 24.10.24 N 1700-Ն)

9. Պետական մարմինների ղեկավարներին` սույն որոշումն ուժի մեջ մտնելուց հետո՝

1) եռամսյա ժամկետում իրենց ենթակայությամբ գործող պետական ոչ առևտրային և առևտրային կազմակերպություններում վերջիններիս սեփականությունը հանդիսացող առկա տրանսպորտային միջոցների սահմանաքանակը, ինչպես նաև իրենց միջոցների հաշվին ձեռք բերվող տրանսպորտային միջոցների գնման գործընթացը համապատասխանեցնել սույն որոշմամբ հաստատված կարգի դրույթներին.

2) չորսամսյա ժամկետում կոմիտե ներկայացնել տեղեկատվություն սույն որոշման կատարման ընթացքի մասին, ինչպես նաև իրականացնել ավտոմեքենաների հասանելի սահմանաչափը գերազանցող տրանսպորտային միջոցների հանձնումը կոմիտեին՝ Հայաստանի Հանրապետության օրենսդրությամբ սահմանված կարգով՝ բացառությամբ հատուկ նշանակության ավտոմեքենաների։ Ընդ որում, հատուկ նշանակության ավտոմեքենաների դեպքում՝ տրանսպորտային միջոցների հանձնումն իրականացնել սույն որոշման 5-րդ կետով սահմանված գործընթացն իրականացնելուց հետո եռամսյա ժամկետում:

(9-րդ կետը փոփ. 18.07.24 N 1127-Ն)

9.1. Առաջարկել Հայաստանի Հանրապետության հանրային իշխանության մարմինների (բացառությամբ սույն որոշման N 1 հավելվածով հաստատված կարգի 1-ին կետում նշված մարմինների) ղեկավարներին՝ չորսամսյա ժամկետում տրանսպորտային միջոցների գնման գործընթացը համապատասխանեցնել սույն որոշմամբ հաստատված N 3 հավելվածի դրույթներին և վեցամսյա ժամկետում կոմիտե ներկայացնել տեղեկատվություն սույն որոշմամբ հաստատված N 3 հավելվածի կատարման ընթացքի մասին, ինչպես նաև իրականացնել ավտոմեքենաների հասանելի սահմանաչափը գերազանցող տրանսպորտային միջոցների հանձնումը կոմիտեին՝ Հայաստանի Հանրապետության օրենսդրությամբ սահմանված կարգով:

(9.1-ին կետը լրաց. 18.07.24 N 1127-Ն)

10. Կոմիտեի նախագահին՝ սույն որոշումն ուժի մեջ մտնելուց հետո՝

1) եռամսյա ժամկետում պետական մարմինների ծառայողական ավտոմեքենաների հաշվառման գործընթացը բարեփոխելու նպատակով փոփոխություններ և լրացումներ կատարել Հայաստանի Հանրապետության կառավարության 2005 թվականի ապրիլի 28-ի N 562-Ն որոշման մեջ.

2) վեցամսյա ժամկետում սույն որոշման 9-րդ և 9.1-ին կետերով ներկայացված տեղեկատվության հիման վրա Հայաստանի Հանրապետության վարչապետի աշխատակազմ ներկայացնել ամփոփ տեղեկատվություն՝ որոշման կատարման ընթացքի վերաբերյալ։

(10-րդ կետը փոփ. 18.07.24 N 1127-Ն)

11. Ուժը կորցրած ճանաչել`

1) Հայաստանի Հանրապետության կառավարության 2005 թվականի փետրվարի 17-ի «Հայաստանի Հանրապետության պետական մարմինների ծառայողական ավտոմեքենաների հատկացման, շահագործման և սպասարկման մասին» N 194-Ն որոշման 1-ի կետն ամբողջությամբ.

2) սույն որոշման 8-րդ կետով նախատեսված աշխատանքները կատարելուց հետո մեկամսյա ժամկետում 2008 թվականի հուլիսի 24-ի «Հայաստանի Հանրապետության պետական մարմինների, պետական հիմնարկների և պետական ոչ առևտրային կազմակերպությունների ծառայողական (բացառությամբ պաշտոնատար անձանց կամ աշխատողների սպասարկման համար չնախատեսված հատուկ նշանակության) ավտոմեքենաների առանձին չափորոշիչներ հաստատելու մասին» N 830-Ն որոշումը։

12. Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից:

(գլխագիրը փոփ. 12.04.24 N 519-Ն)

Կ Ա Ր Գ

(վերնագիրը լրաց. 24.10.24 N 1700-Ն)

1. Սույն կարգով սահմանվում են Հայաստանի Հանրապետության փոխվարչապետների, Հայաստանի Հանրապետության վարչապետի աշխատակազմի, Հայաստանի Հանրապետության նախարարությունների, Հայաստանի Հանրապետության կառավարության ենթակա մարմինների, Հայաստանի Հանրապետության վարչապետին ենթակա մարմինների, Հայաստանի Հանրապետության մարզպետների աշխատակազմերի, Հայաստանի Հանրապետության նախարարությունների ենթակա մարմինների և գրասենյակների, ծրագրերի իրականացման գրասենյակների, Հայաստանի Հանրապետության կառավարության կողմից ստեղծված հիմնադրամների և պետական ոչ առևտրային կազմակերպությունների (այսուհետ՝ պետական մարմիններ) ծառայողական ավտոմեքենաների հատկացման, շահագործման և պետական պաշտոն կամ պետական ծառայության պաշտոն զբաղեցնող անձանց տրանսպորտային ծախսերի փոխհատուցման ու առանձին մարմիններին հատկացվող ծառայողական և սպասարկող ավտոմեքենաների սահմանաքանակների սահմանման կարգավորումները։

(1-ին կետը փոփ. 24.10.24 N 1700-Ն)

2. Պետական մարմիններին ծառայողական ավտոմեքենաների հատկացման, շահագործման, սպասարկման կամ պետական մարմինների կանոնադրական գործառույթների իրականացման նպատակով տրամադրված տրանսպորտային ծախսերի փոխհատուցման, ինչպես նաև ծառայողական և սպասարկման ավտոմեքենաների սահմանաքանակների սահմանման կարգավորումները պետք է ապահովեն հետևյալ պահանջները՝

1) պետական մարմինների բնականոն գործունեությունը կազմակերպելու նպատակով տրանսպորտային կարիքների նկատմամբ պահանջների բավարարումը.

2) պետական մարմինների ծառայողական ավտոմեքենաների թվաքանակի օպտիմալացումը, ծառայողական ավտոմեքենաների օգտագործման արդյունավետության շարունակականության բարձրացումը և Հայաստանի Հանրապետության պետական բյուջեի միջոցների տնտեսումը.

3) պետական մարմինների գործառույթների ու զարգացման հեռանկարային ծրագրերի և դրանց առաջադրանքների կատարման և ծառայողական ավտոմեքենաների նկատմամբ պահանջի ու տրանսպորտային ծախսերի փոխհատուցման չափի սահմանման միջև ուղղակի կապի ապահովումը.

4) պետական մարմինների գործունեության օպերատիվ կազմակերպման ապահովումը.

5) պետական մարմինների աշխատանքային պայմանների շարունակական բարելավումը.

6) պետական մարմիններում պաշտոնատար անձանց զբաղեցրած պաշտոնին համապատասխան պատշաճ սպասարկման ապահովումը։

3. Պետական մարմինների կանոնադրական գործառույթների և լիազորությունների իրականացման համար տրանսպորտային միջոցների նկատմամբ պահանջը բավարարվում է՝

1) ծառայողական ավտոմեքենաների հատկացման, շահագործման և սպասարկման միջոցով.

2) պետական մարմնի ղեկավարի նախընտրությամբ՝ ծառայողական ավտոմեքենա հատկացնելու փոխարեն ուղևորափոխադրման տրանսպորտային ծառայության ձեռքբերման տարբերակով տրանսպորտային ծախսերի փոխհատուցման ճանապարհով։

(3-րդ կետը լրաց. 24.10.24 N 1700-Ն)

4. Սույն կարգի համաձայն պետական մարմինների ծառայողական ավտոմեքենա են համարվում՝

1) պետական մարմնի ղեկավարի պաշտոն զբաղեցնող անձանց սպասարկելու նպատակով նախատեսված ավտոմեքենաները (այսուհետ՝ պաշտոնատար անձանց ծառայողական ավտոմեքենաներ), որոնք հատկացվում են նրանց կողմից իրենց պաշտոնական պարտականությունների կատարման հետ կապված տրանսպորտային փոխադրումներ իրականացնելու համար.

2) պետական մարմինների անձնակազմերի սպասարկման համար նախատեսված ծառայողական ավտոմեքենաները, որոնք հատկացվում են նրանց կողմից պաշտոնական պարտականությունների կատարման հետ կապված տրանսպորտային փոխադրումներ և որոշակի կանոնադրական գործառույթներ իրականացնելու նպատակով։

(4-րդ կետը լրաց. 12.04.24 N 519-Ն)

5. Պետական մարմիններին սպասարկող ավտոմեքենաներ կարող են լինել՝

1) տարբերանշանով սպասարկման ավտոմեքենաները.

2) գործառնական կամ հատուկ նշանակության սպասարկման ավտոմեքենաները։

(5-րդ կետը փոփ. 12.04.24 N 519-Ն)

6. Անձնակազմի սպասարկման համար նախատեսված տարբերանշանով ավտոմեքենաներ են համարվում այն ավտոմեքենաները, որոնց դիմապակուն փակցված է գերատեսչության տարբերանշանը և անվանումը։

7. Պետական մարմիններին սպասարկող գործառնական կամ հատուկ նշանակության ավտոմեքենաներ են համարվում այն ավտոմեքենաները, որոնք հագեցված են համապատասխան տեխնիկական միջոցներով և ունեն հատուկ կահավորում, նշանակված են կոնկրետ խնդիրների լուծման համար, ինչպես նաև Հայաստանի Հանրապետության նախկին նախագահներին կամ սահմանադրական բարեփոխումներից հետո նախկին վարչապետներին և դեսպանատներին հատկացված ավտոմեքենաները։ Վերջիններս ունեն հատուկ գունանշում՝ բացառությամբ օպերատիվ աշխատանքների համար նախատեսված ավտոմեքենաների։

(7-րդ կետը փոփ. 12.04.24 N 519-Ն)

8. Պետական մարմիններին ծառայողական ավտոմեքենաներ հատկացվում են՝

1) պետական մարմնում հաշվառված, օգտագործման մեջ գտնվող, սահմանված կարգի համաձայն օգտակար ծառայության ժամկետը լրացած ավտոմեքենաների փոխարինման համար։ Ընդ որում, օգտակար ծառայության ժամկետը լրացած այն ավտոմեքենաների փոխարինման համար, որոնց շահագործումն իրականացվում է սույն որոշման 8-րդ և 8.1-ին կետերով սահմանված նորմաների գերազանցումով և դրանց հետագա օգտագործումն արդյունավետության տեսանկյունից համարվում է ոչ նպատակահարմար.

2) պետական մարմնին վերապահված նոր գործառույթի իրականացման համար, երբ այդ գործառույթի իրականացման համար անհրաժեշտ է ապահովել աշխատակիցների ավտոտրանսպորտային փոխադրումը.

3) վթարված և շահագործման ոչ ենթակա ավտոմեքենաների փոխարինման համար, եթե առկա է գնահատման համար սահմանված կարգի համաձայն տրված եզրակացությունը։

(8-րդ կետը փոփ. 12.04.24 N 519-Ն, լրաց. 24.10.24 N 1700-Ն)

9. Ծառայողական ավտոմեքենաների օգտակար ծառայության ժամկետը որոշվում է Հայաստանի Հանրապետության ֆինանսների նախարարի 2016 թվականի հունվարի 8-ի թիվ 3-Ն հրամանի (այսուհետ` հրաման) համաձայն։

10. Պետական մարմինների ծառայողական ավտոմեքենաները փոխարինվում են առաջին հերթին՝ Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեում (այսուհետ` կոմիտե) հաշվառված, օգտակար ծառայության ժամկետում գտնվող, շահագործման համար պիտանի ավտոմեքենաներով կամ դրանց բացակայության դեպքում՝ կոմիտեի կողմից ձեռք բերված նոր ավտոմեքենաներով գույք հատկացնելու մասին Հայաստանի Հանրապետության կառավարության համապատասխան որոշմամբ։

11. Պաշտոնատար անձանց ծառայողական և անձնակազմի սպասարկման համար նախատեսված ավտոմեքենաներն իրենց հատկանիշներով պետք է համապատասխանեն սույն որոշման N 2 հավելվածով սահմանված չափորոշիչներին։

(11-րդ կետը փոփ. 12.04.24 N 519-Ն, լրաց., փոփ. 24.10.24 N 1700-Ն)

12. Սույն որոշման N 2 հավելվածով սահմանված չափորոշիչներից տարբերվող չափորոշիչներով ավտոմեքենաների ձեռքբերման թույլտվությունը կոմիտեի առաջարկության հիման վրա տալիս է Հայաստանի Հանրապետության կառավարությունը։

(12-րդ կետը փոփ. 12.04.24 N 519-Ն, խմբ. 24.10.24 N 1700-Ն)

13. (կետն ուժը կորցրել է 24.10.24 N 1700-Ն)

14. (կետն ուժը կորցրել է 24.10.24 N 1700-Ն)

15. Մեկական ծառայողական ավտոմեքենաները հատկացվում են հետևյալ պաշտոնատար անձանց՝

1) Հայաստանի Հանրապետության փոխվարչապետներ.

2) Հայաստանի Հանրապետության վարչապետի աշխատակազմի ղեկավար.

3) Հայաստանի Հանրապետության նախարարներ.

4) Հայաստանի Հանրապետության մարզպետներ.

5) Հայաստանի Հանրապետության կառավարության և վարչապետին ենթակա մարմինների ղեկավարներ.

6) Հայաստանի Հանրապետության նախարարություններին ենթակա մարմինների ղեկավարներ.

7) Հայաստանի Հանրապետության անվտանգության խորհրդի քարտուղար։

16. Պետական մարմինների պաշտոնատար անձանց ծառայողական ավտոմեքենաներն ամրացվում են համապատասխան պետական մարմնի աշխատակազմի ղեկավարի կամ գլխավոր քարտուղարի համապատասխան իրավական ակտով, որում նշվում են տվյալ պաշտոնատար անձին ամրացվող ավտոմեքենայի բնութագրիչ (այդ թվում՝ տեխնիկական) տվյալները:

17. Անձնակազմի սպասարկման համար նախատեսված տարբերանշանով ավտոմեքենաները հատկացվում են սույն կարգի 15-րդ կետով նախատեսված մարմիններին՝ մինչև 100 աշխատող մեկ ավտոմեքենա, իսկ 100-ից ավել աշխատողների դեպքում՝ յուրաքանչյուր 100 աշխատող մեկ ավտոմեքենա սկզբունքով։ Ընդ որում, Հայաստանի Հանրապետության վարչապետի աշխատակազմի, Հայաստանի Հանրապետության նախարարությունների, Հայաստանի Հանրապետության կառավարությանը ենթակա մարմինների, Հայաստանի Հանրապետության վարչապետին ենթակա մարմինների դեպքում՝ հաշվարկվում է 100 աշխատող մեկ ավտոմեքենա ավելացված մարմնի ղեկավարի տեղակալների թվով սկզբունքով։

(17-րդ կետը փոփ. 24.10.24 N 1700-Ն)

17.1. Անձնակազմի սպասարկման համար նախատեսված տարբերանշանով ավտոմեքենաների սահմանաքանակը հաշվարկվում է՝ հիմք ընդունելով օրենսդրությամբ տվյալ մարմնի համար հաստատված աշխատողների առավելագույն թվաքանակը:

(17.1-ին կետը լրաց. 24.10.24 N 1700-Ն)

17.2. Այն դեպքում, երբ բյուջետային տարվա ընթացքում օրենսդրությամբ սահմանված կարգով կատարվում է տվյալ մարմնի աշխատողների առավելագույն թվաքանակի փոփոխություն, որը հանգեցնում է անձնակազմի սպասարկման համար նախատեսված տարբերանշանով ավտոմեքենաների սահմանաքանակի փոփոխության, դրանով պայմանավորված բյուջետային ծախսերի վերահաշվարկը դիտարկվում է առաջիկա տարվա բյուջետային գործընթացի շրջանակներում:

(17.2-րդ կետը լրաց. 24.10.24 N 1700-Ն)

18. Ծառայողական տարբերանշանով ավտոմեքենաները չեն հատկացվում՝

1) ծրագրերի իրականացման գրասենյակներին, Հայաստանի Հանրապետության կառավարության կողմից ստեղծված հիմնադրամներին և պետական ոչ առևտրային կազմակերպություններին.

2) 18-րդ կետի 1-ին ենթակետով նշված մարմինները, վերադաս կառավարման մարմնի համաձայնությամբ, կարող են օգտվել բազային փոխհատուցման շրջանակներում ուղևորափոխադրման տրանսպորտային ծառայության ձեռքբերման հնարավորությունից՝ առավելագույնը բազային փոխհատուցման նորմայի հաշվարկի հիմքում ընկած պահպանման բազային ծախսի չափով:

(18-րդ կետը խմբ. 24.10.24 N 1700-Ն)

19. Պետական մարմիններին սպասարկող գործառնական և հատուկ նշանակության ավտոմեքենաները հատկացվում են Հայաստանի Հանրապետության կառավարության որոշմամբ, նրանց կողմից համապատասխան հիմնավորմամբ ներկայացված առաջարկի հիման վրա։

20. Պետական մարմինները գործառնական և հատուկ նշանակության ավտոմեքենաների նկատմամբ առաջարկը ներկայացնելիս պետք է հաշվի առնեն հետևյալ երկու պայմանի կատարումը՝

1) գործառնական և հատուկ նշանակության փաստացի առկա ավտոմեքենաների քանակը որպես առաջարկի սահմանային շեմի ապահովում.

2) կանոնադրական գործառույթներով պայմանավորված սույն կարգի 20-րդ կետի 1-ին ենթակետով սահմանված շեմի գերազանցման հիմնավորման անհրաժեշտություն։

21. Անձնակազմի սպասարկման համար նախատեսված տարբերանշանով ավտոմեքենաները՝

1) կարող են օգտագործվել, այդ թվում՝ որպես հերթապահ ավտոմեքենա, ինչպես պետական մարմնի աշխատակիցներին սպասարկելու, այնպես էլ պետական մարմնի մեկ կամ մի քանի ստորաբաժանումների գործառույթներն ապահովելու համար.

2) չեն կարող հատկացվել պաշտոնատար անձանց, որպես ծառայողական ավտոմեքենա։

22. Պետական մարմինները նոր ծառայողական ավտոմեքենաների հատկացման համար սույն որոշմամբ սահմանված կարգով պահանջվող դիմումները կոմիտե պետք է ներկայացնեն պետական միջնաժամկետ ծախսերի ծրագրերի և առաջիկա տարվա բյուջետային ֆինանսավորման հայտերը բյուջետային հատկացումների գլխավոր կարգադրիչների կողմից Հայաստանի Հանրապետության ֆինանսների նախարարություն ներկայացնելու ժամկետների ավարտից առնվազն 15 օր առաջ։

23. Կոմիտեն սույն կարգի 22-րդ կետով նշված դիմումը ստանալուց հետո 7 աշխատանքային օրվա ընթացքում քննարկում է դիմումով ներկայացված ավտոմեքենաների նկատմամբ պահանջը, իր հաշվեկշռում հաշվառված շահագործման ենթակա ավտոմեքենաներով բավարարելու կամ նոր ավտոմեքենաների ձեռքբերման նպատակով կոմիտեի կողմից բյուջետային գործընթացի շրջանակներում, իր բյուջետային ֆինանսավորման հայտի մեջ ներառելու հարցը։ Եթե ներկայացված դիմումը հնարավոր չէ բավարարել կոմիտեի հաշվեկշռում հաշվառված ավտոմեքենաների հաշվին, ապա կոմիտեն սահմանված ժամկետում բյուջետային հայտը ներկայացնում է Հայաստանի Հանրապետության ֆինանսների նախարարություն։

24. Կոմիտեն, բյուջետային հայտը սահմանված կարգով ընդունվելու դեպքում, ապահովում է համապատասխան մարմիններին ծառայողական ավտոմեքենաների գնման և հատկացման գործընթացի իրականացումը։

25. Պետական մարմինների ղեկավարների նախընտրությամբ սույն կարգի 8-րդ կետի 1-ին և 3-րդ ենթակետերով նախատեսված ծառայողական ավտոմեքենաներով փոխարինելու կամ 2-րդ ենթակետով նոր ավտոմեքենա հատկացնելու փոխարեն կարող է հատկացվել տրանսպորտային ծախսերի փոխհատուցում՝ սույն որոշման N 5 հավելվածին համապատասխան։

(25-րդ կետը փոփ. 24.10.24 N 1700-Ն)

26. (կետն ուժը կորցրել է 24.10.24 N 1700-Ն)

27. (կետն ուժը կորցրել է 24.10.24 N 1700-Ն)

28. (կետն ուժը կորցրել է 24.10.24 N 1700-Ն)

29. (կետն ուժը կորցրել է 24.10.24 N 1700-Ն)

30. Պաշտոնատար անձին ծառայողական կամ այդ մարմնին սպասարկող ավտոմեքենա հատկացնելու փոխարեն փոխհատուցում նախատեսելու բյուջետային ֆինանսավորման հայտի առաջարկն ընդունվելու և փոխհատուցման գումարը Հայաստանի Հանրապետության պետական բյուջեում նախատեսվելու դեպքում համապատասխան մարմինը բյուջետային տարին սկսվելուց հետո մեկ ամսվա ընթացքում նախաձեռնում է իր հաշվեկշռում հաշվառված համապատասխան ավտոմեքենաները սահմանված կարգով կոմիտեի տնօրինմանը հանձնելու գործընթաց։

(30-րդ կետը խմբ. 24.10.24 N 1700-Ն)

31. Կոմիտեն պարտավոր է իրականացնել պետական մարմինների ծառայողական ավտոմեքենաների, այդ թվում՝ տարբերանշանով ու գործառնական և հատուկ նշանակության ավտոմեքենաների հաշվառում և յուրաքանչյուր հաշվետու տարվա մինչև դեկտեմբերի 20-ը Հայաստանի Հանրապետության վարչապետի աշխատակազմ ներկայացնել ամփոփ տեղեկանք՝ հաշվառման արդյունքների վերաբերյալ։

(հավելվածը փոփ., լրաց. 12.04.24 N 519-Ն, լրաց., փոփ., խմբ. 24.10.24 N 1700-Ն)

(վերնագիրը լրաց. 24.10.24 N 1700-Ն)

1. Սույն չափորոշիչներով սահմանվում են Հայաստանի Հանրապետության հանրային իշխանության մարմինների պաշտոնատար անձանց ծառայողական ավտոմեքենաների և այդ մարմիններին սպասարկելու նպատակով ձեռք բերվող ավտոմեքենաների վառելիքի և յուղերի ու քսուքների ծախսի, ավտոդողերի վազքի, կուտակչային մարտկոցների ծառայության ժամկետների նորմատիվները, որոնց միջոցով իրականացվում է փաստացի ծախսի հաշվարկը, ինչպես նաև ձեռք բերվող նոր ավտոմեքենաների առանձին չափորոշիչները։

(1-ին կետը լրաց. 24.10.24 N 1700-Ն)

2. Գործառնական և հատուկ նշանակության սպասարկման ավտոմեքենաների չափորոշիչները սահմանվում են պետական մարմինների կողմից՝ այդ ավտոմեքենաների ձեռքբերման գործընթացի տեխնիկական առաջադրանքով։

3. Ծառայողական և սպասարկող ավտոմեքենաների (այսուհետ՝ ավտոմեքենա) վառելիքի նորմատիվային ծախսը հաշվարկելիս հիմք է ընդունվում արտադրող գործարանի կողմից տվյալ ավտոմեքենայի 100 կմ վազքի համար սահմանված վառելիքի ծախսի նորման:

4. Ավտոմեքենաների վառելիքի նորմատիվային ծախսը հաշվարկելիս կիրառվում են ուղղիչ գործակիցներ, հետևյալ պայմաններում՝

1) ձմեռային ժամանակահատվածում (շրջակա միջավայրի 00 C-ից ցածր ջերմաստիճանի դեպքում) աշխատանքի դեպքում՝ մինչև 10 %.

2) լեռնային տեղանքներում կախված ծովի մակերևույթից ունեցած բարձրությունից աշխատանքի դեպքում հետևյալ չափերով՝

3) մինչև 500 հազար բնակիչ ունեցող քաղաքներում աշխատանքի դեպքում՝ մինչև 10 %.

4) 500 հազարից ավելի բնակիչ ունեցող քաղաքներում աշխատանքի դեպքում՝ մինչև 15 %.

5) նոր և հիմնական նորոգում անցած ավտոմեքենաների և մոտոցիկլետների առաջին հազար կիլոմետր վազքի դեպքում՝ մինչև 10 %.

6) 5 տարվանից ավելի շահագործվող ընդհանուր 100 հազ.կմ-ից ավելի վազք ունենալու դեպքում՝ մինչև 5 %, իսկ 8 տարվանից ավելի շահագործվող ընդհանուր 150 հազ.կմ-ից ավելի վազք ունենալու դեպքում՝ մինչև 10 %.

7) հատուկ նշանակության ավտոմեքենաների (պարեկային, հրշեջ, շտապօգնության, մեքենաբարձիչ մեքենաների և այլն), որոնք տրանսպորտային գործընթացն իրականացնում են մանևրելու ժամանակ բարձր արագությամբ, կտրուկ արգելակելով, հետընթացով և այլն, դեպքում՝ մինչև 20 %.

8) ծանր բնակլիմայական պայմաններում, ձնաբքի, առատ ձյան և այլ բնական աղետների դեպքում՝ մինչև 40 %.

9) կայանատեղում միացված օդորակիչ կիրառելիս, ինչպես նաև «Climate control» համակարգի (տարվա եղանակից անկախ) օգտագործելիս՝ աշխատող շարժիչով մեկ ժամվա պարապուրդի դեպքում՝ մինչև 10 %։

5. Միաժամանակ մի քանի ուղղիչ գործակիցներ կիրառելու դեպքում վառելիքի նորմատիվային ծախսը հաշվարկվում է հաշվի առնելով ուղղիչ գործակիցների գումարային մեծությունը՝ տոկոսային արտահայտությամբ:

6. Թեթև մարդատար ավտոմեքենաների վառելիքի նորմատիվային ծախսը հաշվարկվում է հետևյալ բանաձևով՝

Qн = 0,01 ∙ Hs ∙ S ∙ (1 + 0,01 ∙ D)

որտեղ՝

Qн – վառելիքի նորմատիվային ծախսն է արտահայտված լիտրով.

Hs – արտադրող գործարանի կողմից ավտոմեքենայի 100 կմ վազքի համար սահմանված վառելիքի չափաքանակը, լ/100կմ.

S – ավտոմեքենայի վազքը, կմ.

D – ուղղիչ գործակիցը (մի քանի ուղղիչ գործակցի դեպքում՝ դրանց գումարային մեծությունը), %։

7. Սեղմված բնական կամ հեղուկացված նավթային գազով աշխատող գազաբալոնային ավտոմեքենաների գազի նորմավորված ծախսին թույլատրվում է հավելել բենզինի կամ դիզելային վառելիքի լրացուցիչ ծախս հետևյալ դեպքերում`

1) տեխնիկական ներգործություն իրականացնելու նպատակով վերանորոգման տեղամաս մտնելու և դուրս գալու դեպքում՝ ամսական մինչև 5 լ մեկ գազաբալոնային ավտոմեքենայի համար.

2) ձմեռային ժամանակահատվածում (շրջակա միջավայրի 0° C-ից ցածր ջերմաստիճանի դեպքում) գազաբալոնային ավտոմեքենայի շարժիչի թողարկման համար` ամսական 20 լ մեկ ավտոմեքենայի հաշվով:

8. Սույն հավելվածի 5-րդ կետում նշված բոլոր դեպքերում գազաբալոնային ավտոմեքենաների հեղուկ վառելիքի ծախսի նորմավորումն իրականացվում է համապատասխան բազային բենզինային ավտոմեքենաների համար սահմանված չափերով:

9. Ավտոմեքենաների յուղերի ու քսուքների ծախսի չափորոշիչները սահմանվում են վառելիքի ընդհանուր ծախսից 100 լիտրի հաշվարկով, տվյալ ավտոմեքենայի համար նախատեսված նորմաների համաձայն: Յուղերի ծախսի չափորոշիչները սահմանվում են լիտրերով՝ 100 լիտր վառելիքի ծախսի հաշվարկով, իսկ քսուքների ծախսի չափորոշիչները սահմանվում են կիլոգրամներով՝ 100 լիտր վառելիքի ծախսի հաշվարկով։

10. Ավտոմեքենաների յուղերի ու քսուքների ծախսի չափորոշիչները ըստ վառելիքի տեսակի ներկայացված են N 1 աղյուսակում։

11. 5 տարվանից ավելի շահագործման մեջ գտնվող կամ կապիտալ վերանորոգում անցած ավտոմեքենաների համար յուղերի և քսուքների ծախսի չափորոշիչներն ավելացվում են 20 տոկոսով։

12. Արգելակային, հովացման և այլ աշխատանքային հեղուկների ծախսը հաշվարկվում է արտադրող գործարանի կողմից նախատեսված շահագործման հրահանգներին համապատասխան չափաքանակով:

13. Քսուքների ծախսը ավտոմեքենաների դետալների հիմնական վերանորոգման ժամանակ հաշվարկվում է տվյալ ագրեգատի յուղման համակարգի մեկ լիցքավորման չափով։

Աղյուսակ 1

14. Ավտոմեքենաների ավտոդողերի վազքի նորմատիվների հաշվարկման համար հիմք է ընդունվում արտադրող գործարանի կողմից սահմանված տվյալ ավտոդողի շահագործման վազքի նորման:

15. Օպերատիվ-ծառայողական ավտոմեքենաների, հրշեջ ծառայության ստորաբաժանումների հիմնական և հատուկ հրշեջ ավտոմեքենաների, փրկարարական ծառայությունների և ստորաբաժանումների օպերատիվ և փրկարարական ավտոմեքենաների ավտոդողերի վազքի նորմաները նվազեցվում են 30 տոկոսով։

16. Էլեկտրամոբիլների վազքի նորմաները մեկ լիցքավորման համար սպառված էլեկտրաէներգիայի (կՎտ) չափաքանակից կախված հաշվարկվում են արտադրող գործարանի կողմից սահմանված նորմատիվներին համապատասխան։

17. Ավտոմեքենաների կուտակչային մարտկոցների ծառայության ժամկետների չափորոշիչները ներկայացված են N 2 աղյուսակում, իսկ էլեկտրամոբիլների մարտկոցների ծառայության ժամկետը հաշվարկվում է արտադրող գործարանի կողմից սահմանված ժամկետով։

18. Ավտոմեքենաների կուտակչային մարտկոցների ծառայության ժամկետների չափորոշիչները նվազեցվում են էներգիայի սպառման լրացուցիչ աղբյուրով կահավորված տրանսպորտային միջոցների համար (ռադիոկայան, ազդանշանային խոսող սարք և այլն) 30 տոկոսով և էներգիայի սպառման յուրաքանչյուր լրացուցիչ այլ աղբյուրի համար՝ 5 տոկոսով։

Աղյուսակ 2

V. ՁԵՌՔ ԲԵՐՎՈՂ ՆՈՐ ԱՎՏՈՄԵՔԵՆԱՆԵՐԻ ԱՌԱՆՁԻՆ ՉԱՓՈՐՈՇԻՉՆԵՐԸ
(վերնագիրը լրաց. 24.10.24 N 1700-Ն)

19. Հանրային իշխանության մարմինների համար ձեռք բերվող նոր ավտոմեքենաները պետք է բավարարեն հետևյալ չափորոշիչներին՝

1) ավտոմեքենայի վազքը չպետք է գերազանցի 1000 կիլոմետրը.

2) ավտոմեքենայի արտադրության տարեթիվը պետք է համընկնի ձեռքբերման տարեթվի հետ.

3) (ենթակետն ուժը կորցրել է 18.07.24 N 1127-Ն)

4) գնելու պայման պետք է հանդիսանա առնվազն 36 ամիս և (կամ) 150 000 կմ վազքի երաշխիքային սպասարկումը և հետերաշխիքային սպասարկումը` պայմանագրով նախատեսված սակագներով (մեխանիզմներով)։

5) ավտոմեքենաների շահագործման ժամկետը չի կարող պակաս լինել Հայաստանի Հանրապետության ֆինանսների նախարարի 2016 թվականի հունվարի 8-ի N 3-Ն հրամանով սահմանված տրանսպորտային միջոցների ամորտիզացիոն մասհանումների տարեկան նորմային համապատասխան հաշվարկված ծառայության ժամկետից։

(19-րդ կետը փոփ. 18.07.24 N 1127-Ն, 24.10.24 N 1700-Ն)

20. Սույն հավելվածի 19-րդ կետով նախատեսված չափորոշիչներից տարբերվող չափորոշիչներով ավտոմեքենաների ձեռքբերման թույլտվությունը հանրային իշխանության համապատասխան մարմնի կողմից ներկայացված հայտի հիման վրա Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի առաջարկությամբ տալիս է Հայաստանի Հանրապետության կառավարությունը։

(20-րդ կետը փոփ. 24.10.24 N 1700-Ն)

(հավելվածը լրաց. 12.04.24 N 519-Ն, փոփ. 18.07.24 N 1127-Ն, լրաց., փոփ. 24.10.24 N 1700-Ն)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԻՇԽԱՆՈՒԹՅԱՆ ՄԱՐՄԻՆՆԵՐԻ (ԲԱՑԱՌՈՒԹՅԱՄԲ ՍՈՒՅՆ ՈՐՈՇՄԱՆ N 1 ՀԱՎԵԼՎԱԾՈՎ ՀԱՍՏԱՏՎԱԾ ԿԱՐԳԻ 1-ԻՆ ԿԵՏՈՒՄ ՆՇՎԱԾ ՄԱՐՄԻՆՆԵՐԻ) ԱՇԽԱՏԱԿԱԶՄԵՐԻՆ ԱՄՐԱՑՎԱԾ ԾԱՌԱՅՈՂԱԿԱՆ ԱՎՏՈՄԵՔԵՆԱՆԵՐԻ ՀԱՏԿԱՑՄԱՆ, ՇԱՀԱԳՈՐԾՄԱՆ ԵՎ ՊԵՏԱԿԱՆ ՊԱՇՏՈՆ ԿԱՄ ՊԵՏԱԿԱՆ ԾԱՌԱՅՈՒԹՅԱՆ ՊԱՇՏՈՆ ԶԲԱՂԵՑՆՈՂ ԱՆՁԱՆՑ ՏՐԱՆՍՊՈՐՏԱՅԻՆ ԾԱԽՍԵՐԻ ՓՈԽՀԱՏՈՒՑՄԱՆ ՈՒ ԱՌԱՆՁԻՆ ՄԱՐՄԻՆՆԵՐԻՆ ՀԱՏԿԱՑՎՈՂ ԾԱՌԱՅՈՂԱԿԱՆ ԵՎ ՍՊԱՍԱՐԿՈՂ ԱՎՏՈՄԵՔԵՆԱՆԵՐԻ ՍԱՀՄԱՆԱՔԱՆԱԿՆԵՐԻ ՍԱՀՄԱՆՄԱՆ ԿԱՐԳԸ

(վերնագիրը փոփ. 24.10.24 N 1700-Ն)

1. Սույն կարգով սահմանվում են Հայաստանի Հանրապետության դատախազության, Հայաստանի Հանրապետության կենտրոնական բանկի, Հայաստանի Հանրապետության քննչական կոմիտեի, Հայաստանի Հանրապետության մրցակցության պաշտպանության հանձնաժողովի, Հեռուստատեսության և ռադիոյի հանձնաժողովի, Հայաստանի Հանրապետության կենտրոնական ընտրական հանձնաժողովի, Հայաստանի Հանրապետության կոռուպցիայի կանխարգելման հանձնաժողովի, Հանրային ծառայությունները կարգավորող հանձնաժողովի, Հայաստանի Հանրապետության հաշվեքննիչ պալատի, Հայաստանի Հանրապետության մարդու իրավունքների պաշտպանի գրասենյակի, Հայաստանի Հանրապետության հակակոռուպցիոն կոմիտեի, Հայաստանի Հանրապետության բարձրագույն դատական խորհրդի, Հայաստանի Հանրապետության վճռաբեկ դատարանի և պալատների, Հանրային հեռարձակողի խորհրդի, Հայաստանի Հանրապետության Ազգային ժողովի, Հայաստանի Հանրապետության նախագահի, Հայաստանի Հանրապետության սահմանադրական դատարանի աշխատակազմերին (այսուհետ՝ հանրային իշխանության մարմիններ) ծառայողական ավտոմեքենաների հատկացման, շահագործման և պետական պաշտոն կամ պետական ծառայության պաշտոն զբաղեցնող անձանց տրանսպորտային ծախսերի փոխհատուցման ու առանձին մարմիններին հատկացվող ծառայողական և սպասարկող ավտոմեքենաների սահմանաքանակների սահմանման կարգավորումները։

(1-ին կետը փոփ., լրաց. 24.10.24 N 1700-Ն)

2. Ծառայողական ավտոմեքենաների հատկացման, շահագործման կամ հանրային իշխանության մարմինների կանոնադրական գործառույթների իրականացման նպատակով տրամադրված տրանսպորտային ծախսերի փոխհատուցման, ինչպես նաև ծառայողական և սպասարկման ավտոմեքենաների սահմանաքանակների սահմանման կարգավորումները պետք է ապահովեն հետևյալ պահանջները՝

1) հանրային իշխանության մարմինների բնականոն գործունեությունը կազմակերպելու նպատակով տրանսպորտային կարիքների նկատմամբ պահանջների բավարարումը.

2) հանրային իշխանության մարմինների ծառայողական ավտոմեքենաների թվաքանակի օպտիմալացումը, ծառայողական ավտոմեքենաների օգտագործման արդյունավետության շարունակականության բարձրացումը և Հայաստանի Հանրապետության պետական բյուջեի միջոցների տնտեսումը.

3) հանրային իշխանության մարմինների գործառույթների ու զարգացման հեռանկարային ծրագրերի և դրանց առաջադրանքների կատարման և ծառայողական ավտոմեքենաների նկատմամբ պահանջի ու տրանսպորտային ծախսերի փոխհատուցման չափի սահմանման միջև ուղղակի կապի ապահովումը.

4) հանրային իշխանության մարմինների գործունեության օպերատիվ կազմակերպման ապահովումը.

5) հանրային իշխանության մարմինների աշխատանքային պայմանների շարունակական բարելավումը.

6) հանրային իշխանության մարմիններում պաշտոնատար անձանց զբաղեցրած պաշտոնին համապատասխան պատշաճ սպասարկման ապահովումը։

3. Տրանսպորտային միջոցների նկատմամբ պահանջը բավարարվում է՝

1) ծառայողական ավտոմեքենաների հատկացման և շահագործման միջոցով.

2) հանրային իշխանության մարմնի ղեկավարի նախընտրությամբ՝ ծառայողական ավտոմեքենա հատկացնելու փոխարեն ուղևորափոխադրման տրանսպորտային ծառայության ձեռքբերման տարբերակով տրանսպորտային ծախսերի փոխհատուցման ճանապարհով։

(3-րդ կետը լրաց. 24.10.24 N 1700-Ն)

4. Սույն կարգի համաձայն հանրային իշխանության մարմինների ծառայողական ավտոմեքենա են համարվում՝

1) հանրային իշխանության մարմնի ղեկավարի պաշտոն զբաղեցնող անձին սպասարկելու նպատակով նախատեսված ավտոմեքենան (այսուհետ՝ պաշտոնատար անձի սպասարկման ավտոմեքենա), որը հատկացվում է պաշտոնական պարտականությունների կատարման հետ կապված տրանսպորտային փոխադրումներ իրականացնելու համար.

2) հանրային իշխանության մարմինների անձնակազմերի սպասարկման համար նախատեսված ծառայողական ավտոմեքենաները (այսուհետ՝ անձնակազմերի սպասարկման ավտոմեքենա), որոնք հատկացվում են նրանց կողմից պաշտոնական պարտականությունների կատարման հետ կապված տրանսպորտային փոխադրումներ և որոշակի կանոնադրական գործառույթներ իրականացնելու նպատակով։

5. Պաշտոնատար անձի և անձնակազմի սպասարկող ավտոմեքենաներ կարող են լինել՝

1) տարբերանշանով սպասարկման ավտոմեքենաները.

2) գործառնական և հատուկ նշանակության սպասարկման ավտոմեքենաները։

6. Տարբերանշանով ավտոմեքենաներ են համարվում այն ավտոմեքենաները, որոնց դիմապակուն փակցված է հանրային իշխանության մարմնի տարբերանշանը և անվանումը։

7. Գործառնական և հատուկ նշանակության ավտոմեքենաներ են համարվում այն ավտոմեքենաները, որոնք հագեցված են համապատասխան տեխնիկական միջոցներով, ունեն հատուկ կահավորում և գունանշում՝ բացառությամբ օպերատիվ աշխատանքների համար նախատեսված ավտոմեքենաների, կամ նշանակված են կոնկրետ խնդիրների լուծման համար։

8. Պաշտոնատար անձի և անձնակազմի սպասարկող ավտոմեքենաներ հատկացվում են՝

1) հանրային իշխանության մարմնում հաշվառված, օգտագործման մեջ գտնվող, սահմանված կարգի համաձայն օգտակար ծառայության ժամկետը լրացած ավտոմեքենաների փոխարինման համար.

2) հանրային իշխանության մարմնին վերապահված նոր գործառույթի իրականացման համար, երբ այդ գործառույթի իրականացման համար անհրաժեշտ է ապահովել աշխատակիցների ավտոտրանսպորտային փոխադրումը.

3) վթարված կամ շահագործման ոչ ենթակա ավտոմեքենաների փոխարինման համար, եթե առկա է գնահատման համար սահմանված կարգի համաձայն տրված եզրակացությունը։

(8-րդ կետը փոփ. 24.10.24 N 1700-Ն)

9. Ավտոմեքենաների օգտակար ծառայության ժամկետը որոշվում է Հայաստանի Հանրապետության ֆինանսների նախարարի 2016 թվականի հունվարի 8-ի թիվ 3-Ն հրամանի (այսուհետ` հրաման) համաձայն։

10. Պաշտոնատար անձի և անձնակազմի սպասարկող ավտոմեքենաները փոխարինվում են առաջին հերթին՝ Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեում (այսուհետ` կոմիտե) հաշվառված, օգտակար ծառայության ժամկետում գտնվող, շահագործման համար պիտանի ավտոմեքենաներով կամ դրանց բացակայության դեպքում՝ կոմիտեի կողմից ձեռք բերված նոր ավտոմեքենաներով գույք հատկացնելու մասին Հայաստանի Հանրապետության կառավարության համապատասխան որոշմամբ։

11. Պաշտոնատար անձի և անձնակազմի սպասարկող ավտոմեքենաներն իրենց հատկանիշներով պետք է համապատասխանեն սույն որոշման N 2 հավելվածով սահմանված չափորոշիչներին։

(11-րդ կետը փոփ. 24.10.24 N 1700-Ն)

12. Սույն որոշման N 2 հավելվածով սահմանված չափորոշիչներից տարբերվող չափորոշիչներով ավտոմեքենաների ձեռքբերման թույլտվությունը կոմիտեի առաջարկության հիման վրա տալիս է Հայաստանի Հանրապետության կառավարությունը։

(12-րդ կետը խմբ. 24.10.24 N 1700-Ն)

13. (կետն ուժը կորցրել է 24.10.24 N 1700-Ն)

14. (կետն ուժը կորցրել է 24.10.24 N 1700-Ն)

15. Պաշտոնատար անձի սպասարկող մեկական ավտոմեքենա հատկացվում է՝

1) Հայաստանի Հանրապետության նախագահին, Հայաստանի Հանրապետության նախագահի աշխատակազմի ղեկավարին.

2) Հայաստանի Հանրապետության Ազգային ժողովի նախագահին, տեղակալներին, աշխատակազմի ղեկավարին, խմբակցությունների և հանձնաժողովների նախագահներին.

3) Հայաստանի Հանրապետության սահմանադրական դատարանի նախագահին, դատավորներին, Հայաստանի Հանրապետության վճռաբեկ դատարանի նախագահին և պալատների նախագահներին.

4) Հայաստանի Հանրապետության կենտրոնական բանկի խորհրդի, Հայաստանի Հանրապետության մրցակցության պաշտպանության հանձնաժողովի, Հեռուստատեսության և ռադիոյի հանձնաժողովի, Հայաստանի Հանրապետության կենտրոնական ընտրական հանձնաժողովի, Հայաստանի Հանրապետության կոռուպցիայի կանխարգելման հանձնաժողովի, Հանրային ծառայությունները կարգավորող հանձնաժողովի, Հայաստանի Հանրապետության բարձրագույն դատական խորհրդի, Հանրային հեռարձակողի խորհրդի անդամներին.

5) Հայաստանի Հանրապետության հաշվեքննիչ պալատի նախագահին և անդամներին.

6) Հայաստանի Հանրապետության գլխավոր դատախազին.

7) Հայաստանի Հանրապետության մարդու իրավունքների պաշտպանին.

8) Հայաստանի Հանրապետության հակակոռուպցիոն կոմիտեի նախագահին.

9) Հայաստանի Հանրապետության քննչական կոմիտեի նախագահին:

(15-րդ կետը լրաց. 24.10.24 N 1700-Ն)

16. Անձնակազմի սպասարկման ավտոմեքենաներն ամրացվում են համապատասխան հանրային իշխանության մարմնի աշխատակազմի ղեկավարի կամ գլխավոր քարտուղարի համապատասխան իրավական ակտով, որում նշվում են ամրացվող ավտոմեքենայի բնութագրիչ (այդ թվում՝ տեխնիկական) տվյալները:

17. Անձնակազմի սպասարկման համար նախատեսված տարբերանշանով ավտոմեքենաները հատկացվում են հանրային իշխանության մարմիններին՝ մինչև 100 աշխատողին մեկ ավտոմեքենա, իսկ 100-ից ավելի աշխատողների դեպքում՝ յուրաքանչյուր 100 աշխատողին մեկ ավտոմեքենա սկզբունքով։ Հայաստանի Հանրապետության նախագահի աշխատակազմի և Հայաստանի Հանրապետության Ազգային ժողովի աշխատակազմի դեպքում անձնակազմի սպասարկման համար նախատեսված տարբերանշանով ավտոմեքենաների քանակը հաշվարկվում է 100 աշխատողին մեկ ավտոմեքենա՝ ավելացված աշխատակազմի ղեկավարի տեղակալների թվով սկզբունքով, իսկ Հայաստանի Հանրապետության քննչական կոմիտեի, Հայաստանի Հանրապետության հակակոռուպցիոն կոմիտեի և Հայաստանի Հանրապետության դատախազության դեպքում՝ 100 աշխատողին մեկ ավտոմեքենա ավելացված մարմնի ղեկավարի տեղակալների թվով սկզբունքով։

(17-րդ կետը խմբ. 24.10.24 N 1700-Ն)

17.1. Անձնակազմի սպասարկման համար նախատեսված տարբերանշանով ավտոմեքենաների սահմանաքանակը հաշվարկվում է՝ հիմք ընդունելով օրենսդրությամբ տվյալ մարմնի համար հաստատված աշխատողների առավելագույն թվաքանակը:

(17.1-ին կետը լրաց. 24.10.24 N 1700-Ն)

17.2. Այն դեպքում, երբ բյուջետային տարվա ընթացքում օրենսդրությամբ սահմանված կարգով կատարվում է տվյալ մարմնի աշխատողների առավելագույն թվաքանակի փոփոխություն, որը հանգեցնում է անձնակազմի սպասարկման համար նախատեսված տարբերանշանով ավտոմեքենաների սահմանաքանակի փոփոխության, դրանով պայմանավորված բյուջետային ծախսերի վերահաշվարկը դիտարկվում է առաջիկա տարվա բյուջետային գործընթացի շրջանակներում:

(17.2-րդ կետը լրաց. 24.10.24 N 1700-Ն)

18. Հանրային իշխանության մարմնի ղեկավարի առաջարկությամբ տվյալ մարմնին ավտոմեքենա հատկացնելու փոխարեն կարող է նախատեսվել տրանսպորտային ծախսերի փոխհատուցում՝ սույն որոշման N 5 հավելվածին համապատասխան:

(18-րդ կետը խմբ. 24.10.24 N 1700-Ն)

19. Հանրային իշխանության մարմինների տարբերանշանով սպասարկման ու գործառնական և հատուկ նշանակության ավտոմեքենաները հատկացվում են Հայաստանի Հանրապետության կառավարության որոշմամբ (բացառությամբ Հայաստանի Հանրապետության կառավարության 2022 թվականի սեպտեմբերի 8-ի N 1403-Ն որոշմամբ սահմանված դեպքերի), նրանց կողմից համապատասխան հիմնավորմամբ ներկայացված առաջարկի հիման վրա։

20. Հանրային իշխանության մարմինները սպասարկման ու գործառնական և հատուկ նշանակության ավտոմեքենաների նկատմամբ առաջարկը ներկայացնելիս պետք է հաշվի առնեն հետևյալ երկու պայմանի կատարումը՝

1) գործառնական և հատուկ նշանակության փաստացի առկա ավտոմեքենաների քանակը, որպես առաջարկի սահմանային շեմի ապահովում.

2) կանոնադրական գործառույթներով պայմանավորված սույն կետով սահմանված շեմի գերազանցման հիմնավորման անհրաժեշտություն։

21. Անձնակազմի սպասարկման համար նախատեսված տարբերանշանով ավտոմեքենաները՝

1) կարող են օգտագործվել, այդ թվում՝ որպես հերթապահ ավտոմեքենա, ինչպես հանրային իշխանության մարմնի աշխատակիցներին սպասարկելու, այնպես էլ հանրային իշխանության մարմնի մեկ կամ մի քանի ստորաբաժանումների գործառույթներն ապահովելու համար.

2) չեն կարող հատկացվել պաշտոնատար անձանց սպասարկման համար։

22. Հանրային իշխանության մարմիններն ավտոմեքենաների հատկացման համար սույն որոշմամբ սահմանված կարգով պահանջվող դիմումները կոմիտե պետք է ներկայացնեն պետական միջնաժամկետ ծախսերի ծրագրերի և առաջիկա տարվա բյուջետային ֆինանսավորման հայտերը բյուջետային հատկացումների գլխավոր կարգադրիչների կողմից Հայաստանի Հանրապետության ֆինանսների նախարարություն ներկայացնելու ժամկետների ավարտից առնվազն 15 օր առաջ։

23. Կոմիտեն սույն կարգի 22-րդ կետով նշված դիմումը ստանալուց հետո 7 աշխատանքային օրվա ընթացքում քննարկում է դիմումով ներկայացված ավտոմեքենաների նկատմամբ պահանջը, իր հաշվեկշռում հաշվառված շահագործման ենթակա ավտոմեքենաներով բավարարելու կամ նոր ավտոմեքենաների ձեռքբերման նպատակով կոմիտեի կողմից բյուջետային գործընթացի շրջանակներում, իր բյուջետային ֆինանսավորման հայտի մեջ ներառելու հարցը։ Եթե ներկայացված դիմումը հնարավոր չէ բավարարել կոմիտեի հաշվեկշռում հաշվառված ավտոմեքենաների հաշվին, ապա կոմիտեն սահմանված ժամկետում բյուջետային հայտը ներկայացնում է Հայաստանի Հանրապետության ֆինանսների նախարարություն։

24. Կոմիտեն, բյուջետային հայտը սահմանված կարգով ընդունվելու դեպքում, ապահովում է հանրային իշխանության մարմիններին ավտոմեքենաների գնման և հատկացման գործընթացի իրականացումը։

25. Հանրային իշխանության մարմինների ղեկավարների նախընտրությամբ սույն կարգի 8-րդ կետի 1-ին և 3-րդ ենթակետերով նախատեսված ավտոմեքենաներով փոխարինելու կամ 2-րդ ենթակետով նոր ավտոմեքենա հատկացնելու փոխարեն կարող է հատկացվել տրանսպորտային ծախսերի փոխհատուցում՝ սույն որոշման N 5 հավելվածին համապատասխան։

(25-րդ կետը փոփ. 24.10.24 N 1700-Ն)

26. (կետն ուժը կորցրել է 24.10.24 N 1700-Ն)

27. (կետն ուժը կորցրել է 24.10.24 N 1700-Ն)

28. (կետն ուժը կորցրել է 24.10.24 N 1700-Ն)

29. (կետն ուժը կորցրել է 24.10.24 N 1700-Ն)

30. Պաշտոնատար անձին ծառայողական կամ այդ մարմնին սպասարկող ավտոմեքենա հատկացնելու փոխարեն փոխհատուցում նախատեսելու բյուջետային ֆինանսավորման հայտի առաջարկն ընդունվելու և փոխհատուցման գումարը Հայաստանի Հանրապետության պետական բյուջեում նախատեսվելու դեպքում համապատասխան մարմինը, բյուջետային տարին սկսվելուց հետո մեկ ամսվա ընթացքում, նախաձեռնում է իր հաշվեկշռում հաշվառված համապատասխան ավտոմեքենաները սահմանված կարգով կոմիտեի տնօրինմանը հանձնելու գործընթաց։

(30-րդ կետը խմբ. 24.10.24 N 1700-Ն)

31. Կոմիտեն պարտավոր է իրականացնել հանրային իշխանության մարմինների ծառայողական ավտոմեքենաների, այդ թվում՝ տարբերանշանով ու գործառնական և հատուկ նշանակության ավտոմեքենաների հաշվառում և յուրաքանչյուր հաշվետու տարվա մինչև դեկտեմբերի 20-ը Հայաստանի Հանրապետության վարչապետի աշխատակազմ ներկայացնել ամփոփ տեղեկանք՝ հաշվառման արդյունքների վերաբերյալ։

(հավելվածը լրաց. 18.07.24 N 1127-Ն, փոփ., լրաց., խմբ. 24.10.24 N 1700-Ն)

ՀԱՆՐԱՅԻՆ ԻՇԽԱՆՈՒԹՅԱՆ ՄԱՐՄԻՆՆԵՐԻ (ԲԱՑԱՌՈՒԹՅԱՄԲ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ) ՊԱՇՏՈՆԱՏԱՐ ԱՆՁԱՆՑ ԾԱՌԱՅՈՂԱԿԱՆ ԵՎ ԱՅԴ ՄԱՐՄԻՆՆԵՐԻՆ ՍՊԱՍԱՐԿՈՂ ԱՎՏՈՄԵՔԵՆԱՆԵՐԻ ՏԱՐԵԿԱՆ ՊԱՀՊԱՆՄԱՆ ԾԱԽՍԵՐԻ ՆԱԽԱՏԵՍՄԱՆ ՆՈՐՄԱՆԵՐԸ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵՈՒՄ ՀԱՄԱՊԱՏԱՍԽԱՆ ՄԻՋՈՑՆԵՐԻ ՆԱԽԱՏԵՍՄԱՆ ԿԱՐԳԸ

1. Հանրային իշխանության մարմինների (բացառությամբ տեղական ինքնակառավարման մարմինների) պաշտոնատար անձանց ծառայողական և այդ մարմիններին սպասարկող ավտոմեքենաների տարեկան պահպանման բազային ծախսի չափը (այսուհետ՝ պահպանման բազային ծախս) հաշվարկվում և Հայաստանի Հանրապետության պետական բյուջեում համապատասխան միջոցները նախատեսվում են սույն հավելվածով սահմանված նորմաներին և կարգին համապատասխան՝ բյուջետային ֆինանսավորման հայտով ներկայացված պահանջի առկայության դեպքում:

2. Ավտոմեքենաների պահպանման ծախսերը Հայաստանի Հանրապետության պետական բյուջեում նախատեսվում են հանրային իշխանության մարմինների կողմից իրականացվող համապատասխան ծրագրային միջոցառումների ծախսերում և ըստ ծախսային բաղադրիչների՝ հատկացվում են բյուջետային ծախսերի տնտեսագիտական դասակարգման հետևյալ հոդվածներով՝

1) 4212 - «Էներգետիկ ծառայություններ» հոդվածով՝ էլեկտրական շարժիչով աշխատող ավտոմեքենայի կուտակչային մարտկոցի լիցքավորման հետ կապված էլեկտրաէներգիայի ծախսը.

2) 4252 - «Մեքենաների և սարքավորումների ընթացիկ նորոգում և պահպանում» հոդվածով՝ ավտոմեքենայի պահպանման ընթացիկ նորոգման և սպասարկման ծառայությունների ձեռքբերման ծախսերը.

3) 4264 - «Տրանսպորտային նյութեր» հոդվածով՝ ավտոմեքենայի շահագործման համար անհրաժեշտ վառելանյութի, յուղերի և ավտոմեքենաների համար այլ նյութերի (ապրանքների) ձեռքբերման ծախսերը.

4) 4823 - «Պարտադիր վճարներ» հոդվածով՝ ավտոմեքենաների շահագործման հետ կապված օրենսդրությամբ նախատեսված պարտադիր վճարների, այդ թվում՝ ավտոմեքենաների տեխնիկական զննության վճարի և բնապահպանական հարկի ծախսերը:

3. Ավտոմեքենաների պահպանման ծախսերն ըստ բյուջետային ծախսերի տնտեսագիտական դասակարգման հոդվածների նախատեսվում են հիմք ընդունելով Հայաստանի Հանրապետության ֆինանսների և էկոնոմիկայի նախարարի 2007 թվականի հունվարի 9-ի N 5-Ն հրամանով հաստատված դասակարգումները:

4. Ավտոմեքենայի պահպանման բազային ծախսը հավասար է սույն հավելվածի 2-րդ կետում նշված բյուջետային ծախսերի տնտեսագիտական դասակարգման հոդվածների գծով նախատեսված տրանսպորտային ծախսերի հանրագումարին:

5. Ավտոմեքենայի պահպանման բազային ծախսի տարեկան նորմայի հաշվարկման համար հիմք են ընդունվում հետևյալ հաշվարկային տվյալները՝

1) առաջիկա տարվա ընթացքում աշխատանքային օրերի քանակը.

2) օգտակար ծառայության ժամկետում գտնվող և օգտակար ծառայության ժամկետը լրացած ավտոմեքենաների կողմից օրական ծախսվող վառելանյութի ծավալը.

3) օրական էլեկտրաէներգիայի ծախսը՝ էլեկտրական շարժիչով աշխատող ավտոմեքենաների համար.

4) գինը՝ առաջիկա բյուջետային տարվա համար կանխատեսվող բենզինի գինը կամ էլեկտրաէներգիայի լիցքավորման միջին շուկայական սակագինը:

6. Պահպանման բազային ծախսը տարբերակված սկզբունքով հաշվարկվում է օգտակար ծառայության ժամկետում գտնվող և օգտակար ծառայության ժամկետը լրացած ավտոմեքենաների համար:

7. Ավտոմեքենաների պահպանման ծախսերը հաշվարկվում են՝ հաշվի առնելով ավտոմեքենայի՝ օգտակար ծառայության ժամկետում գտնվելու կամ օգտակար ծառայության ժամկետը լրացած լինելու հանգամանքը և հիմք ընդունելով համապատասխանաբար հաշվարկված պահպանման բազային ծախսի չափերը:

8. Այն դեպքում, երբ բյուջետային տարվա ընթացքում մարմնին հատկացվում է օգտակար ծառայության ժամկետի մեջ գտնվող ավտոմեքենա, ապա դրանով պայմանավորված բյուջետային ծախսերի վերահաշվարկը դիտարկվում է առաջիկա տարվա բյուջետային գործընթացի շրջանակներում:

9. Ընդամենը տրանսպորտային նյութերի գծով ծախսերում վառելանյութի ծախսը կազմում է 90%, իսկ ավտոմեքենաների համար օգտագործվող յուղերի և այլ նյութերի (ապրանքների) ձեռքբերման ծախսը՝ 10%: Յուղերի և այլ նյութերի (ապրանքների) ծախսը վառելանյութի նկատմամբ կազմում է 11%:

10. Ընդամենը տրանսպորտային նյութերի գծով տարեկան ծախսը հաշվարկվում է հետևյալ բանաձևերի միջոցով՝

1) ՎԾ = Վ x Օր x գին, որտեղ՝

ՎԾ-ն վառելանյութի տարեկան ծախսն է (դրամ),

Վ-ն՝ օրական ծախսվող վառելանյութի ծավալը (լիտր),

Օր՝ աշխատանքային օրերի քանակը տարվա ընթացքում.

2) Ն = ՎԾ x 11%, որտեղ՝

Ն-ն՝ յուղերի և այլ նյութերի (ապրանքների) ձեռքբերման տարեկան ծախսն է (դրամ),

3) ՏՆ = ՎԾ + Ն, որտեղ՝

ՏՆ-ն՝ տրանսպորտային նյութերի գծով տարեկան ծախսն է (դրամ):

11. Պահպանման բազային ծախսի մյուս ծախսային բաղադրիչների հաշվարկը կատարվում է տրանսպորտային նյութերի ծախսի նկատմամբ դրանց հարաբերակցությամբ:

12. Ավտոմեքենայի ընթացիկ նորոգման և պահպանման ծախսը տրանսպորտային նյութերի գծով տարեկան ծախսի նկատմամբ կազմում է 27% և հաշվարկվում է հետևյալ բանաձևով՝

Ընթացիկ նորոգման և պահպանման ծախս = ՏՆ x 27%:

13. Պարտադիր վճարների գծով ծախսը տրանսպորտային նյութերի գծով տարեկան ծախսի նկատմամբ կազմում է 1.15% և հաշվարկվում է հետևյալ բանաձևով՝

Պարտադիր վճարներ = ՏՆx 1.15%:

14. Էլեկտրական շարժիչով աշխատող ավտոմեքենայի էլեկտրաէներգիայի տարեկան ծախսը հաշվարկվում է հետևյալ բանաձևով՝

Է = ԷԾ x Օր x գին, որտեղ՝

Է՝ էլեկտրաէներգիայի տարեկան ծախսն է (դրամ),

ԷԾ՝ էլեկտրաէներգիայի միջին օրական ծախսը (կվտ),

Օր՝ աշխատանքային օրերի քանակը:

15. Էլեկտրական շարժիչով աշխատող ավտոմեքենայի պահպանման բազային ծախսի մյուս ծախսային բաղադրիչների հաշվարկը կատարվում է էլեկտրաէներգիայի ծախսի նկատմամբ դրանց հարաբերակցությամբ:

16. Էլեկտրական շարժիչով աշխատող ավտոմեքենայի յուղերի և այլ նյութերի (ապրանքների) ձեռքբերման ծախսը էլեկտրաէներգիայի ծախսի նկատմամբ կազմում է 10% և հաշվարկվում է հետևյալ բանաձևով՝

ԷՆ = Է x 10%, որտեղ՝

ԷՆ-ն՝ էլեկտրական շարժիչով աշխատող ավտոմեքենայի յուղերի և այլ նյութերի (ապրանքների) ձեռքբերման տարեկան ծախսն է (դրամ),

Է-ն՝ էլեկտրաէներգիայի տարեկան ծախսն է (դրամ):

17. Էլեկտրական շարժիչով աշխատող ավտոմեքենայի ընթացիկ նորոգման և պահպանման ծախսը էլեկտրաէներգիայի ծախսի նկատմամբ կազմում է 12% և հաշվարկվում է հետևյալ բանաձևով՝

Ընթացիկ նորոգման և պահպանման ծախս = Է x 12%, որտեղ՝

Է-ն՝ էլեկտրաէներգիայի տարեկան ծախսն է (դրամ):

18. Էլեկտրական շարժիչով աշխատող ավտոմեքենայի պարտադիր վճարների գծով ծախսը էլեկտրաէներգիայի ծախսի նկատմամբ կազմում է 1.5% և հաշվարկվում է հետևյալ բանաձևով՝

Պարտադիր վճարներ = Է x 1.5%, որտեղ՝

Է-ն՝ էլեկտրաէներգիայի տարեկան ծախսն է (դրամ):

19. Հայաստանի Հանրապետության պետական բյուջեում նախատեսելու նպատակով ավտոմեքենայի պահպանման բազային ծախսը որոշվում է սույն հավելվածով սահմանված նորմաներին համապատասխան տարբերակված սկզբունքով՝ ըստ օգտակար ծառայության ժամկետի հաշվարկված պահպանման բազային ծախսի հաշվարկային ցուցանիշները (այսուհետ` պահպանման բազային ծախսի հաշվարկային ցուցանիշը) դեպի վերև կլորացնելու միջոցով:

20. Ավտոմեքենաների պահպանման փաստացի ծախսերում առանձին ծախսային բաղադրիչների գծով ծախսերի հարաբերակցությունը կարող է տարբերվել պահպանման բազային ծախսի հաշվարկում կիրառվող համամասնություններից՝ ըստ անհրաժեշտության: Հայաստանի Հանրապետության պետական բյուջեով համապատասխան ծրագրային միջոցառումների գծով բյուջետային ծախսերի տնտեսագիտական դասակարգման հոդվածներով ծախսերի բաշխումը կատարվում է՝ հիմք ընդունելով համապատասխան մարմնի կողմից բյուջետային ֆինանսավորման հայտով ներկայացված առաջարկը:

21. Հանրային իշխանության առանձին մարմինների գործառութային առանձնահատկություններով պայմանավորված՝ այդ մարմիններին հատկացված ավտոմեքենաների պահպանման ծախսերի հաշվարկման նպատակով տարբերակված սկզբունքով՝ ըստ օգտակար ծառայության ժամկետի հաշվարկված պահպանման բազային ծախսի հաշվարկային ցուցանիշների նկատմամբ կիրառվում է բազմապատիկ գործակից՝ առավելագույնը 1.4 գործակցի չափով:

22. Բազմապատիկ գործակից կիրառելու դեպքում տվյալ մարմնի ավտոմեքենաների պահպանման բազային ծախսի չափը որոշվում է տարբերակված սկզբունքով՝ ըստ օգտակար ծառայության ժամկետի հաշվարկված պահպանման բազային ծախսի հաշվարկային ցուցանիշների և բազմապատիկ գործակցի արտադրյալը դեպի վերև կլորացնելու միջոցով:

23. Պահպանման բազային ծախսի հաշվարկային ցուցանիշի նկատմամբ 1.2 բազմապատիկ գործակից կիրառվում է հետևյալ մարմինների համար՝

1) Ազգային անվտանգության ծառայություն.

2) Արտաքին հետախուզության ծառայություն.

3) Պետական վերահսկողական ծառայություն.

4) Ոստիկանություն.

5) Փրկարար ծառայություն.

6) Քրեակատարողական ծառայություն.

7) Էկոպարեկային ծառայություն.

8) Հակակոռուպցիոն կոմիտե.

9) Քննչական կոմիտե.

10) Դատախազություն.

11) Մարզպետների աշխատակազմեր:

24. Պահպանման բազային ծախսի հաշվարկային ցուցանիշի նկատմամբ 1.4 բազմապատիկ գործակից կիրառվում է հետևյալ մարմինների համար՝

1) Պաշտպանության նախարարություն.

2) Զինված ուժերի գլխավոր շտաբ.

3) Պետական պահպանության ծառայություն:

25. Հայաստանի Հանրապետության պետական բյուջեում հանրային իշխանության մարմինների համար ավտոմեքենաների տարեկան պահպանման ծախսերը հաշվարկվում և նախատեսվում են միասնական սկզբունքով` հիմք ընդունելով սույն հավելվածով սահմանվող նորմաներին համապատասխան՝ Հայաստանի Հանրապետության ֆինանսների նախարարության կողմից հաշվարկվող պահպանման բազային ծախսի չափերը՝ ըստ ավտոմեքենաների օգտակար ծառայության ժամկետների:

26. Պահպանման բազային ծախսի չափերը, ըստ ավտոմեքենաների օգտակար ծառայության ժամկետների, վերահաշվարկվում են առաջիկա տարվա բյուջետային գործընթացի շրջանակներում Հայաստանի Հանրապետության ֆինանսների նախարարության կողմից՝ հիմք ընդունելով հաշվարկային տվյալների փոփոխությունները:

27. Առաջիկա տարվա պետական բյուջեի նախագծում նախատեսելու նպատակով ավտոմեքենաների պահպանման հետ կապված ծախսերը վերահաշվարկվում են ըստ պահպանման բազային ծախսի վերահաշվարկված չափերի:

28. Հայաստանի Հանրապետության պետական բյուջեով առանձին մարմինների պահպանման ծախսերում նախատեսվող ավտոմեքենաների պահպանման ընդամենը ծախսերը հաշվարկում են բյուջետային ֆինանսավորման հայտով ներկայացված թվով ավտոմեքենաների համար, բայց ոչ ավելի, քան տվյալ մարմնի ավտոմեքենաների սահմանաքանակը:

29. Սույն հավելվածով սահմանված նորմաներին համապատասխան հաշվարկվող պահպանման բազային ծախսի չափերը համարվում են առավելագույն ցուցանիշներ՝ Հայաստանի Հանրապետության պետական բյուջեի նախագծում հանրային իշխանության մարմինների ավտոմեքենաների պահպանման ծախսերի հաշվարկման և նախատեսման համար:

(հավելվածը լրաց. 24.10.24 N 1700-Ն)

ՀԱՆՐԱՅԻՆ ԻՇԽԱՆՈՒԹՅԱՆ ՄԱՐՄԻՆՆԵՐԻ (ԲԱՑԱՌՈՒԹՅԱՄԲ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ) ՊԱՇՏՈՆԱՏԱՐ ԱՆՁԱՆՑ ԾԱՌԱՅՈՂԱԿԱՆ ԵՎ ԱՅԴ ՄԱՐՄԻՆՆԵՐԻՆ ՍՊԱՍԱՐԿՈՂ ԱՎՏՈՄԵՔԵՆԱ ՀԱՏԿԱՑՆԵԼՈՒ ՓՈԽԱՐԵՆ ՓՈԽՀԱՏՈՒՑՄԱՆ ԾԱԽՍԵՐԻ ՆԱԽԱՏԵՍՄԱՆ ՆՈՐՄԱՆԵՐԸ ԵՎ ՓՈԽՀԱՏՈՒՑՄԱՆ ԿԱՐԳԸ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵՈՒՄ ՀԱՄԱՊԱՏԱՍԽԱՆ ՄԻՋՈՑՆԵՐԻ ՆԱԽԱՏԵՍՄԱՆ ԿԱՐԳԸ

1. Հանրային իշխանության մարմինների (բացառությամբ տեղական ինքնակառավարման մարմինների) պաշտոնատար անձանց ծառայողական և այդ մարմիններին սպասարկող ավտոմեքենա հատկացնելու փոխարեն փոխհատուցումը նախատեսվում, փոխհատուցման ծախսը հաշվարկվում և Հայաստանի Հանրապետության պետական բյուջեով համապատասխան միջոցները հատկացվում են սույն հավելվածով սահմանվող նորմաներին և կարգին համապատասխան:

2. Հանրային իշխանության մարմինների պաշտոնատար անձանց ծառայողական ավտոմեքենա և այդ մարմիններին սպասարկող ավտոմեքենա հատկացնելու փոխարեն տվյալ մարմնի ղեկավարի առաջարկությամբ կարող է նախատեսվել տրանսպորտային ծախսերի փոխհատուցում (այսուհետ՝ բազային փոխհատուցում)՝ աշխատանքային պարտականությունների կատարման նպատակով ուղևորափոխադրման տրանսպորտային ծառայության ձեռքբերման համար:

3. Բազային փոխհատուցման ծախսերը Հայաստանի Հանրապետության պետական բյուջեում նախատեսվում են հանրային իշխանության մարմինների կողմից իրականացվող համապատասխան ծրագրային միջոցառումների ծախսերում բյուջետային ծախսերի տնտեսագիտական դասակարգման 4239 - «Ընդհանուր բնույթի այլ ծառայություններ» հոդվածով՝ ուղևորափոխադրման տրանսպորտային ծառայության ձեռքբերման համար:

4. Յուրաքանչյուր մեկ միավոր ավտոմեքենայի փոխարեն հատկացվող բազային փոխհատուցման նորման նախատեսվում է սույն հավելվածին համապատասխան հաշվարկվող պահպանման բազային ծախսի հաշվարկային ցուցանիշի և տվյալ մարմնի համար սահմանված բազմապատիկ գործակցի արտադրյալի առավելագույնը 170%-ի չափով՝ հետևյալ բանաձևով.

Բազային փոխհատուցման տարեկան ծախսի նորման = պահպանման բազային ծախսի հաշվարկային ցուցանիշ x բազմապատիկ գործակից x հաշվարկային տոկոս (առավելագույնը 170%):

5. Բազային փոխհատուցման տարեկան ծախսի նորմայի հաշվարկման նպատակով պահպանման բազային ծախսի հաշվարկում օրական ծախսվող վառելանյութի ծավալը որոշվում է՝ հիմք ընդունելով հանրային իշխանության մարմիններին (բացառությամբ տեղական ինքնակառավարման մարմինների) սպասարկող ընդհանուր ավտոպարկում օգտակար ծառայության ժամկետում գտնվող և ծառայության ժամկետը լրացած ավտոմեքենաների կողմից սպառվող վառելանյութի օրական ծավալների միջին կշռված ցուցանիշը:

6. Բազային փոխհատուցման տարեկան ծախսի նորման մեկ հաշվարկային միավորի համար հաշվարկվում է պահպանման բազային ծախսի հաշվարկային ցուցանիշի և հաշվարկման տոկոսի արտադրյալը դեպի վերև կլորացնելու միջոցով:

7. Առաջիկա տարվա պետական բյուջեի նախագծում նախատեսելու նպատակով բազային փոխհատուցման գումարը վերահաշվարկվում է ըստ սույն հավելվածին համապատասխան հաշվարկվող պահպանման բազային ծախսի հաշվարկային ցուցանիշի վերահաշվարկված արժեքի:

8. Բազային փոխհատուցման համար հատկացված միջոցների հաշվին մարմնի ղեկավարի լիազորությունների կամ մարմնի կանոնադրական գործառույթների իրականացման նպատակով տվյալ մարմնի աշխատակիցների տրանսպորտային փոխադրումն իրականացվում է տվյալ մարմնի կողմից գնման ընթացակարգերին համապատասխան ձեռք բերված ուղևորափոխադրման տրանսպորտային ծառայության միջոցով:

9. Հայաստանի Հանրապետության պետական բյուջեով առանձին մարմինների պահպանման ծախսերում նախատեսվող բազային փոխհատուցման ծախսերը հաշվարկում են բյուջետային ֆինանսավորման հայտով ներկայացված քանակով ավտոմեքենաների համար, բայց ոչ ավելի, քան տվյալ մարմնի ավտոմեքենաների սահմանաքանակը:

10. Բազային փոխհատուցման շրջանակներում ուղևորափոխադրման տրանսպորտային ծառայությունից օգտվելու և ծախսերի հաշվառման պայմանները սահմանվում են տվյալ մարմնի ներքին կանոնակարգերով:

11. Բազային փոխհատուցման շրջանակներում ուղևորափոխադրման տրանսպորտային ծառայությունից օգտվելու իրավասություն ունեցող ստորաբաժանումների կամ անձանց (պաշտոնների) շրջանակը սահմանվում է տվյալ մարմնի ղեկավարի կողմից ընդունված ներքին իրավական ակտով:

12. Բազային փոխհատուցումն իրականացվում է տվյալ մարմնի գլխավոր քարտուղարի (աշխատակազմի ղեկավարի) անհատական իրավական ակտի հիման վրա: Այն մարմիններում, որտեղ առկա չէ գլխավոր քարտուղարի պաշտոն, բազային փոխհատուցումն իրականացվում է օրենսդրությամբ նախատեսված համապատասխան պաշտոնատար անձի անհատական իրավական ակտի հիման վրա, իսկ այն տեսչական մարմիններում, որտեղ առկա չէ գլխավոր քարտուղարի պաշտոն՝ տեսչական մարմնի ղեկավարի անհատական իրավական ակտի հիման վրա:

(հավելվածը լրաց. 24.10.24 N 1700-Ն)

ԱՅԼԸՆՏՐԱՆՔԱՅԻՆ ԵՂԱՆԱԿՈՎ ԻՐԱԿԱՆԱՑՎՈՂ ՏՐԱՆՍՊՈՐՏԱՅԻՆ ԾԱԽՍԵՐԻ ՓՈԽՀԱՏՈՒՑՄԱՆ ՆԱԽԱՏԵՍՄԱՆ ՆՈՐՄԱՆԵՐԸ ԵՎ ՓՈԽՀԱՏՈՒՑՄԱՆ ԿԱՐԳԸ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵՈՒՄ ՀԱՄԱՊԱՏԱՍԽԱՆ ՄԻՋՈՑՆԵՐԻ ՆԱԽԱՏԵՍՄԱՆ ԿԱՐԳԸ

1. Առանձին մարմիններում օպերատիվ-հետախուզական գործունեություն, հետաքննություն, նախաքննություն, ինչպես նաև հարկային, մաքսային մարմիններում կամ դատախազությունում օրենքով վերապահված հսկողական գործառույթներ իրականացնող որոշակի շրջանակի անձանց կողմից իրենց աշխատանքային պարտականությունների կատարման նպատակով այլընտրանքային եղանակով իրականացվող տրանսպորտային ծախսերի համար կարող է տրամադրվել փոխհատուցում (այսուհետ՝ այլընտրանքային փոխհատուցում):

2. Այլընտրանքային փոխհատուցման ծախսերը հաշվարկվում և Հայաստանի Հանրապետության պետական բյուջեում համապատասխան միջոցները նախատեսվում են սույն հավելվածով սահմանվող նորմաներին և կարգին համապատասխան՝ բյուջետային ֆինանսավորման հայտով ներկայացված առաջարկի առկայության դեպքում:

3. Այլընտրանքային փոխհատուցման ծախսերը Հայաստանի Հանրապետության պետական բյուջեում նախատեսվում են սույն հավելվածի 1-ին կետում նշված հանրային իշխանության մարմինների կողմից իրականացվող համապատասխան ծրագրային միջոցառումների ծախսերում և ըստ ծախսային բաղադրիչների՝ հատկացվում են բյուջետային ծախսերի տնտեսագիտական դասակարգման հետևյալ հոդվածներով.

1) 4212 - «Էներգետիկ ծառայություններ» հոդվածով՝ մասնավոր ավտոմեքենայի շահագործման դեպքում էլեկտրական շարժիչով ավտոմեքենայի լիցքավորման համար.

2) 4239 - «Ընդհանուր բնույթի այլ ծառայություններ» հոդվածով՝ ուղևորափոխադրման տրանսպորտային ծառայության ձեռքբերման համար.

3) 4264 - «Տրանսպորտային նյութեր» հոդվածով՝ մասնավոր ավտոմեքենայի շահագործման դեպքում վառելանյութի տրամադրման համար:

4. Այլընտրանքային փոխհատուցման ծախսի տարեկան նորմայի հաշվարկման համար հիմք են ընդունվում հետևյալ հաշվարկային տվյալները՝

1) առաջիկա տարվա օրացուցային օրերի քանակը.

2) վառելանյութի օրական ծավալը՝ 2.0 լիտր (բենզին կամ դրան համարժեք այլ վառելանյութ).

3) էլեկտրաէներգիայի օրական ծախսը՝ 5.0 կվտ (էլեկտրական շարժիչով աշխատող ավտոմեքենաների համար).

4) գինը՝ առաջիկա բյուջետային տարվա համար կանխատեսվող բենզինի գինը կամ էլեկտրաէներգիայի լիցքավորման միջին շուկայական սակագինը:

5. Սույն հավելվածով սահմանված տվյալների հիման վրա հաշվարկվում է այլընտրանքային եղանակով փոխհատուցման տարեկան ծախսի նորման մեկ հաշվարկային միավորի համար (այսուհետ՝ այլընտրանքային փոխհատուցման գումար)՝ հետևյալ բանաձևով.

Այլընտրանքային փոխհատուցման գումար = օրական ծախսվող վառելանյութի ծավալ (կամ էլեկտրաէներգիայի օրական ծախս) x 365 օր x գին (կամ սակագին):

6. Այլընտրանքային փոխհատուցման տարեկան ծախսի նորման որոշվում է մեկ միավորի հաշվարկային ցուցանիշը դեպի վերև կլորացնելու միջոցով:

7. Այլընտրանքային փոխհատուցումն իրականացվում է հետևյալ տարբերակներով՝

1) աշխատակցի կողմից մասնավոր ավտոմեքենայի շահագործման դեպքում՝

ա) վառելանյութի տրամադրում կամ լիցքավորման ծառայության ձեռքբերում,

բ) էլեկտրաէներգիայի լիցքավորում կամ լիցքավորման ծառայության ձեռքբերում.

2) ուղևորափոխադրման տրանսպորտային ծառայության ձեռքբերում:

8. Այլընտրանքային փոխհատուցման տարբերակների ընտրության, փոխհատուցման տրամադրման և ծախսերի հաշվառման պայմանները սահմանվում են տվյալ մարմնի ներքին կանոնակարգերով:

9. Ուղևորափոխադրման տրանսպորտային ծառայության ձեռքբերումն իրականացվում է տվյալ մարմնի կողմից գնման ընթացակարգերին համապատասխան ծառայության ձեռքբերման միջոցով:

10. Էլեկտրական շարժիչով աշխատող ավտոմեքենայի շահագործման դեպքում փոխհատուցումն իրականացվում է տվյալ ավտոմեքենայի մարտկոցի լիցքավորման կամ գնման ընթացակարգերին համապատասխան լիցքավորման ծառայության ձեռքբերման եղանակով:

11. Այլընտրանքային փոխհատուցման ծախսը առաջիկա տարվա բյուջեի նախագծում նախատեսելու նպատակով վերահաշվարկվում է՝ հիմք ընդունելով հաշվարկային տվյալների փոփոխությունը:

12. Սույն հավելվածի 1-ին կետում նշված մարմիններում տրանսպորտային ծախսերի այլընտրանքային փոխհատուցում ստացող օպերատիվ-հետախուզական գործունեություն, հետաքննություն, նախաքննություն, ինչպես նաև հսկողական գործառույթներ իրականացնող անձանց (պաշտոնների) շրջանակը սահմանվում է մարմնի ղեկավարի կողմից ընդունված ներքին իրավական ակտով:

13. Փոխհատուցում ստացող անձանց (պաշտոնների) շրջանակը հաստատելու մասին իրավական ակտը ներառվում է յուրաքանչյուր տարվա բյուջետային գործընթացի շրջանակներում Հայաստանի Հանրապետության ֆինանսների նախարարություն ներկայացվող բյուջետային ֆինանսավորման հայտի փաթեթում:

14. Հայաստանի Հանրապետության պետական բյուջեում սույն հավելվածով նախատեսվող յուրաքանչյուր մարմնի համար այլընտրանքային փոխհատուցման ծախսը հաշվարկվում է տվյալ մարմնի կողմից բյուջետային ֆինանսավորման հայտի շրջանակներում ներկայացված թվով անձանց (պաշտոնների) համար:

15. Սույն հավելվածի 1-ին կետով նախատեսված մարմիններում այլընտրանքային փոխհատուցումն իրականացվում է տվյալ մարմնի գլխավոր քարտուղարի (աշխատակազմի ղեկավարի) անհատական իրավական ակտի հիման վրա: Այն մարմիններում, որոնց կառուցվածքում գլխավոր քարտուղարի պաշտոն նախատեսված չէ, այլընտրանքային փոխհատուցումն իրականացվում է օրենսդրությամբ նախատեսված համապատասխան պաշտոնատար անձի անհատական իրավական ակտի հիման վրա:

(հավելվածը լրաց. 24.10.24 N 1700-Ն)

Պաշտոնական հրապարակման օրը՝ 29 սեպտեմբերի 2023 թվական: