ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԳՅՈՒՄՐԻ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

«14» մայիսի 2021 թվականի N 94-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2020 ԹՎԱԿԱՆԻ ԴԵԿՏԵՄԲԵՐԻ 24-Ի N 223-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետի, «Հայաստանի Հանրապետության բյուջետային համակարգի մասին» օրենքի 33-րդ հոդվածի 4-րդ մասի, «Նորմատիվ իրավական ակտերի մասին» օրենքի 33-րդ հոդվածի 1-ին մասի 1-ին և 3-րդ կետերի, 34-րդ հոդվածի 1-ին, 2-րդ մասերի դրույթներով և հիմք ընդունելով Գյումրի համայնքի ղեկավարի առաջարկը՝ Գյումրի համայնքի ավագանին որոշում է.

1. Հայաստանի Հանրապետության Շիրակի մարզի Գյումրի համայնքի ավագանու 2020 թվականի դեկտեմբերի 24-ի «Հայաստանի Հանրապետության Շիրակի մարզի Գյումրի համայնքի 2021 թվականի բյուջեն հաստատելու մասին» N 223-Ն որոշման (այսուհետ` որոշում) մեջ կատարել հետևյալ փոփոխությունները.

1) որոշման 1–ին կետի 1-ին ենթակետի «5 331 014 618 (հինգ միլիարդ երեք հարյուր երեսունմեկ միլիոն տասնչորս հազար վեց հարյուր տասնութ)» թիվը և բառերը փոխարինել «5 429 162 818 (հինգ միլիարդ չորս հարյուր քսանինը միլիոն մեկ հարյուր վաթսուներկու հազար ութ հարյուր տասնութ )» թվով և բառերով,

2) որոշման 1-ին կետի 2-րդ ենթակետի «6 085 956 518 (վեց միլիարդ ութսունհինգ միլիոն ինը հարյուր հիսունվեց հազար հինգ հարյուր տասնութ)» թիվը և բառերը փոխարինել «6 184 104 718 (վեց միլիարդ մեկ հարյուր ութսունչորս միլիոն մեկ հարյուր չորս հազար յոթ հարյուր տասնութ)» թվով և բառերով:

2. Որոշման 1-ին կետով հաստատված հավելվածի 1-ին, 2-րդ, 3-րդ, 4-րդ հատվածները շարադրել նոր խմբագրությամբ՝ համաձայն NN 1,2,3,4 հավելվածների:

 Հայաստանի Հանրապետության Շիրակի մարզի Գյումրի համայնքի ավագանի

Պաշտոնական հրապարակման օրը՝ 5 օգոստոսի 2021 թվական: