ՇԱՐՔԱՅԻՆ ԵՎ ՍՊԱՅԱԿԱՆ ԿԱԶՄԵՐԻ ՊԱՐՏԱԴԻՐ ԶԻՆԾԱՌԱՅՈՂՆԵՐԻ ԿՈՂՄԻՑ ՊԱՅՄԱՆԱԳՐԱՅԻՆ ԶԻՆՎՈՐԱԿԱՆ ԾԱՌԱՅՈՒԹՅԱՆ ԱՆՑՆԵԼՈՒ ԵՎ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅՈՒՆԻՑ ՊԱՅՄԱՆԱԳՐԱՅԻՆ ԶԻՆՎՈՐԱԿԱՆ ԾԱՌԱՅՈՒԹՅԱՆ ԱՆՑԱԾ ՇԱՐՔԱՅԻՆ ԵՎ ՍՊԱՅԱԿԱՆ ԿԱԶՄԵՐԻ ՊԱՅՄԱՆԱԳՐԱՅԻՆ ԶԻՆԾԱՌԱՅՈՂՆԵՐԻՆ ՊԱՅՄԱՆԱԳՐԻ ԺԱՄԿԵՏԸ ԼՐԱՆԱԼԻՍ ԵՎ (ԿԱՄ) ԱՌՈՂՋԱԿԱՆ ՎԻՃԱԿԻ ՊԱՏՃԱՌՈՎ ԶԻՆՎՈՐԱԿԱՆ ԾԱՌԱՅՈՒԹՅԱՆ ՀԱՄԱՐ ՈՉ ՊԻՏԱՆԻ ՃԱՆԱՉԵԼՈՒ ՀԻՄՔՈՎ ԺԱՄԿԵՏԻՑ ՇՈՒՏ ՊԱՅՄԱՆԱԳՐԱՅԻՆ ԶԻՆՎՈՐԱԿԱՆ ԾԱՌԱՅՈՒԹՅՈՒՆԻՑ, ինչպես նաեվ իգական սեռի պարտադիր ժամկետային զինծառայողներին պարտադիր զինվորական ծառայության ժամկետը լրանալու կամ առողջական վիճակի պատճառով զինվորական ծառայության համար ոչ պիտանի ճանաչվելու հիմքով վաղաժամկետ պարտադիր ժամկետային զինվորական ծառայությունից ԱՐՁԱԿԵԼԻՍ ՊԱՏՎՈՎՃԱՐ ՀԱՇՎԱՐԿԵԼՈՒ ԿԱՐԳԵՐԸ, ԻՆՉՊԵՍ ՆԱԵՎ ՊԱՏՎՈՎՃԱՐԻ ՉԱՓԸ ՍԱՀՄԱՆԵԼՈՒ ՄԱՍԻՆ
(վերնագիրը լրաց. 22.09.23 N 1626-Ն)

Ղեկավարվելով «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքի 27-րդ հոդվածի 6-րդ և 63-րդ հոդվածի 4-րդ մասերով` Հայաստանի Հանրապետության կառավարությունը որոշում է.

1. Սահմանել՝

1) շարքային և սպայական կազմերի պարտադիր զինծառայողների կողմից պայմանագրային զինվորական ծառայության անցնելու կարգը՝ համաձայն N 1 հավելվածի.

2) պարտադիր զինվորական ծառայությունից պայմանագրային զինվորական ծառայության անցած շարքային և սպայական կազմերի պայմանագրային զինծառայողներին պայմանագրի ժամկետը լրանալիս և (կամ) առողջական վիճակի պատճառով զինվորական ծառայության համար ոչ պիտանի ճանաչելու հիմքով ժամկետից շուտ պայմանագրային զինվորական ծառայությունից, ինչպես նաև իգական սեռի պարտադիր ժամկետային զինծառայողներին պարտադիր զինվորական ծառայության ժամկետը լրանալու կամ առողջական վիճակի պատճառով զինվորական ծառայության համար ոչ պիտանի ճանաչվելու հիմքով վաղաժամկետ պարտադիր ժամկետային զինվորական ծառայությունից արձակելիս պատվովճար հաշվարկելու կարգը՝ համաձայն N 2 հավելվածի:

(1-ին կետը լրաց. 22.09.23 N 1626-Ն)

2. Սահմանել՝

1) պարտադիր զինվորական ծառայությունից պայմանագրային զինվորական ծառայության անցած շարքային և սպայական կազմերի պայմանագրային զինծառայողների պատվովճարի առավելագույն չափը՝ 5.000.000 դրամ.

2) իգական սեռի պարտադիր ժամկետային զինծառայողների պատվովճարի առավելագույն չափը՝ 1.000.000 դրամ:

(2-րդ կետը խմբ. 22.09.23 N 1626-Ն)

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

1. Սույն կարգով (այսուհետ՝ կարգ) կարգավորվում են շարքային և սպայական կազմերի պարտադիր զինծառայողների կողմից պայմանագրային զինվորական ծառայության անցնելու ցանկության դեպքում նրանց պայմանագրային զինվորական ծառայության ընդունելու, պայմանագիր կնքելու և պայմանագրային ծառայության կազմակերպման գործընթացի հետ կապված հարաբերությունները:

2. Շարքային և սպայական կազմերի պարտադիր զինծառայողների կողմից պայմանագրային զինվորական ծառայության անցնելու դեպքում այդ զինծառայողների վրա տարածվում են «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքով (այսուհետ՝ օրենք) և այլ օրենքներով պայմանագրային զինծառայողների համար սահմանված իրավունքները, պարտականությունները և սոցիալական երաշխիքները:

3. Շարքային կամ սպայական կազմի պարտադիր զինծառայողը (այսուհետ՝ նաև պարտադիր զինծառայող) պայմանագրային զինվորական ծառայություն անցնելու ցանկություն ունենալու դեպքում կարող է մինչև պարտադիր զինվորական ծառայության սահմանված ժամկետի ավարտը, բայց ոչ շուտ, քան պարտադիր զինվորական ծառայության առաջին 6 ամիսը լրանալը, իր ծառայության վայրի զորամասի (զինվորական կառավարման մարմնի) հրամանատարին (պետին) ներկայացնել զեկուցագիր՝ համաձայն Ձևի:

4. Պարտադիր զինծառայողի զեկուցագիրը զորամասում (զինվորական կառավարման մարմնում) մուտք լինելու օրվանից հետո 20 աշխատանքային օրվա ընթացքում իրականացվում է պարտադիր զինծառայողին պայմանագրային զինվորական ծառայության ընդունելու և նրա հետ պայմանագրային զինվորական ծառայություն անցնելու պայմանագրի կնքում՝ օրենքի 31-րդ, 32-րդ և 35-րդ հոդվածներով սահմանված կարգով:

5. Պարտադիր զինծառայողը պայմանագրային զինվորական ծառայության ընդունվում է, և նրա հետ պայմանագրային զինվորական ծառայություն անցնելու պայմանագիր կնքվում է, եթե՝

1) պարտադիր զինծառայողի նկատմամբ չի իրականացվում քրեական հետապնդում, կամ նա չունի չմարված դատվածություն.

2) շարքային կազմի, իսկ զեկուցագիրը ներկայացնելու օրվա դրությամբ կրտսեր ենթասպայական կազմի զինվորական կոչում ունենալու դեպքում՝ կրտսեր ենթասպայական կազմի պարտադիր զինծառայողը մարտական պատրաստության հիմնական առարկաներից ունի միայն դրական արդյունքներ.

3) պարտադիր զինծառայողն ունի նշանակման ենթակա՝ զինվորական պաշտոնին համապատասխանող զինվորական հաշվառման մասնագիտություն.

4) սպայական կազմի պարտադիր զինծառայողի դեպքում սպան համապատասխանում է նշանակման ենթակա զինվորական պաշտոնի անձնագրի պահանջներին.

5) պարտադիր զինծառայողը համաձայնություն է տվել նշանակվելու իրեն առաջարկված զինվորական պաշտոնին:

6. Սույն կարգի 4-րդ կետում նշված ժամկետի ընթացքում պարտադիր զինծառայողի զեկուցագիրը մերժելու դեպքում պարտադիր զինծառայողին այդ մասին տեղեկացվում է օրենքի 30-րդ հոդվածի 3-րդ մասով սահմանված ժամկետում և կարգով:

3. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԱՆՎՏԱՆԳՈՒԹՅԱՆ ՄԱՐՄԻՆՆԵՐՈՒՄ ՊԱՅՄԱՆԱԳՐԱՅԻՆ ԶԻՆՎՈՐԱԿԱՆ ԾԱՌԱՅՈՒԹՅԱՆ ՆԵՐԳՐԱՎԵԼՈՒ ԱՌԱՆՁՆԱՀԱՏԿՈՒԹՅՈՒՆՆԵՐԸ
(գլուխը լրաց. 07.11.24 N 1743-Ն)

7․ Հայաստանի Հանրապետության ազգային անվտանգության մարմիններում պարտադիր զինծառայողները պայմանագրային զինվորական ծառայության են ընդունվում սույն կարգի 2-րդ գլխով սահմանված կարգով՝ հաշվի առնելով սույն գլխի առանձնահատկությունները։

8․ Հայաստանի Հանրապետության ազգային անվտանգության մարմիններում պայմանագրային զինվորական ծառայության կարող են ընդունվել հայտարարված շարքային կազմի պարտադիր զինվորական ծառայության զորակոչի շրջանակներում պարտադիր զինվորական ծառայության զորակոչված և Հայաստանի Հանրապետության ազգային անվտանգության մարմիններում պարտադիր զինվորական ծառայություն անցնող զինծառայողները։

9․ Հայաստանի Հանրապետության ազգային անվտանգության մարմիններում պայմանագրային զինվորական ծառայության ընդունվելու համար զինծառայողը սույն կարգի 3-րդ կետում նշված զեկուցագիրը ներկայացնում է Հայաստանի Հանրապետության ազգային անվտանգության ծառայության այն կառուցվածքային ստորաբաժանման պետին, որտեղ զինծառայողը ծառայում է։ Զեկուցագիրը քննարկվում է սույն կարգի 4-րդ կետում նշված ժամկետում, որը կարող է երկարաձգվել 10 աշխատանքային օրով։

Ձև

________________________________________ -ին՝

նույն զորամասի (ստորաբաժանման) ______________________________

(զբաղեցրած պաշտոնը, զինվորական

____________________________________________

կոչումը, անունը, հայրանունը, ազգանունը)

_________________________________________ -ից

Զ Ե Կ ՈՒ Ց Ա Գ Ի Ր

Ես՝

__________________________________________________________________________________________

(պարտադիր զինծառայողի զինվորական կոչումը, անունը, հայրանունը, ազգանունը)

20   թվականի _____________ «    »-ին զորակոչվել եմ պարտադիր ժամկետային զինվորական ծառայության: Ցանկություն ունեմ «Պաշտպան Հայրենյաց» ծրագրով պայմանագրային զինվորական ծառայության անցնելու  _______________________________ :

            պետական լիազոր մարմնի անվանումը

Խնդրում եմ ինձ օրենքով սահմանված կարգով ընդունել պայմանագրային զինվորական ծառայության և ինձ հետ կնքել պայմանագիր՝ օրենքով սահմանված ժամկետով:

(պարտադիր զինծառայողի ստորագրությունը, անվան սկզբնատառը և ազգանունը)

«    » _____________ 20    թվական

(ձևը փոփ., լրաց. 07.11.24 N 1743-Ն)

(հավելվածը լրաց., փոփ. 07.11.24 N 1743-Ն)

ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅՈՒՆԻՑ ՊԱՅՄԱՆԱԳՐԱՅԻՆ ԶԻՆՎՈՐԱԿԱՆ ԾԱՌԱՅՈՒԹՅԱՆ ԱՆՑԱԾ ՇԱՐՔԱՅԻՆ ԵՎ ՍՊԱՅԱԿԱՆ ԿԱԶՄԵՐԻ ՊԱՅՄԱՆԱԳՐԱՅԻՆ ԶԻՆԾԱՌԱՅՈՂՆԵՐԻՆ ՊԱՅՄԱՆԱԳՐԻ ԺԱՄԿԵՏԸ ԼՐԱՆԱԼԻՍ ԵՎ (ԿԱՄ) ԱՌՈՂՋԱԿԱՆ ՎԻՃԱԿԻ ՊԱՏՃԱՌՈՎ ԶԻՆՎՈՐԱԿԱՆ ԾԱՌԱՅՈՒԹՅԱՆ ՀԱՄԱՐ ՈՉ ՊԻՏԱՆԻ ՃԱՆԱՉԵԼՈՒ ՀԻՄՔՈՎ ԺԱՄԿԵՏԻՑ ՇՈՒՏ ՊԱՅՄԱՆԱԳՐԱՅԻՆ ԶԻՆՎՈՐԱԿԱՆ ԾԱՌԱՅՈՒԹՅՈՒՆԻՑ, ինչպես նաեվ իգական սեռի պարտադիր ժամկետային զինծառայողներին պարտադիր զինվորական ծառայության ժամկետը լրանալու կամ առողջական վիճակի պատճառով զինվորական ծառայության համար ոչ պիտանի ճանաչվելու հիմքով վաղաժամկետ պարտադիր ժամկետային զինվորական ծառայությունից ԱՐՁԱԿԵԼԻՍ ՊԱՏՎՈՎՃԱՐ ՀԱՇՎԱՐԿԵԼՈՒ
(վերնագիրը լրաց. 22.09.23 N 1626-Ն)

1. Սույն կարգով (այսուհետ՝ կարգ) կարգավորվում են պարտադիր զինվորական ծառայությունից պայմանագրային զինվորական ծառայության անցած շարքային և սպայական կազմերի պայմանագրային զինծառայողներին պայմանագրի ժամկետը լրանալիս և (կամ) առողջական վիճակի պատճառով զինվորական ծառայության համար ոչ պիտանի ճանաչելու հիմքով ժամկետից շուտ պայմանագրային զինվորական ծառայությունից, ինչպես նաև իգական սեռի պարտադիր ժամկետային զինծառայողներին պարտադիր զինվորական ծառայության ժամկետը լրանալու կամ առողջական վիճակի պատճառով զինվորական ծառայության համար ոչ պիտանի ճանաչվելու հիմքով վաղաժամկետ պարտադիր ժամկետային զինվորական ծառայությունից արձակելիս պատվովճար հաշվարկելու գործընթացի հետ կապված հարաբերությունները:

(1-ին կետը լրաց. 22.09.23 N 1626-Ն)

2. Յուրաքանչյուր տարվա համար պատվովճար հաշվարկելու ենթակա պայմանագրային կամ իգական սեռի պարտադիր զինծառայողներին անհրաժեշտ ֆինանսական միջոցները նախատեսվում են համապատասխանաբար Հայաստանի Հանրապետության պաշտպանության նախարարության և Հայաստանի Հանրապետության ազգային անվտանգության ծառայության բյուջետային հայտերի հիման վրա:

(2-րդ կետը լրաց. 22.09.23 N 1626-Ն, փոփ. 07.11.24 N 1743-Ն)

3. Պատվովճարն անկանխիկ գումար է, որը փոխանցվում է պատվովճար ստացող պայմանագրային կամ իգական սեռի պարտադիր զինծառայողի բանկային հաշվին: Պայմանագրային կամ իգական սեռի պարտադիր զինծառայողը կարող է ազատ տնօրինել փոխանցված պատվովճարի գումարը:

(3-րդ կետը լրաց. 22.09.23 N 1626-Ն)

4. Պայմանագրային զինծառայողին կնքված պայմանագրի ժամկետը լրանալիս պատվովճարը հաշվարկվում է սահմանված առավելագույն չափով, իսկ առողջական վիճակի պատճառով զինվորական ծառայության համար ոչ պիտանի ճանաչելու հիմքով ժամկետից շուտ պայմանագրային զինվորական ծառայությունից արձակելիս պատվովճարը հաշվարկվում է սահմանված առավելագույն չափը 60 ամիսների վրա բաժանելու և ստացված մեկ ամսվա գումարը մինչև պայմանագրային զինվորական ծառայությունից արձակելու ամիսը ներառյալ ծառայած ամիսների թվի վրա բազմապատկելու արդյունքում ստացված չափով: Իգական սեռի պարտադիր ժամկետային զինծառայողին պարտադիր զինվորական ծառայության ժամկետը լրանալիս պատվովճարը հաշվարկվում է սահմանված առավելագույն չափով, իսկ առողջական վիճակի պատճառով զինվորական ծառայության համար ոչ պիտանի ճանաչելու հիմքով ժամկետից շուտ պարտադիր ժամկետային զինվորական ծառայությունից արձակելիս պատվովճարը հաշվարկվում է սահմանված առավելագույն չափը 6 ամիսների վրա բաժանելու և ստացված մեկ ամսվա գումարը մինչև պարտադիր ժամկետային զինվորական ծառայությունից արձակելու ամիսը ներառյալ ծառայած ամիսների թվի վրա բազմապատկելու արդյունքում ստացված չափով:

(4-րդ կետը լրաց. 22.09.23 N 1626-Ն)

5. Հաշվարկված պատվովճարի գումարը Հայաստանի Հանրապետության պաշտպանության նախարարության կամ Հայաստանի Հանրապետության ազգային անվտանգության ծառայության կողմից պայմանագրային կամ իգական սեռի պարտադիր զինծառայողի բանկային հաշվին է փոխանցվում ոչ ուշ, քան պայմանագրի կամ պարտադիր ժամկետային զինվորական ծառայության ժամկետը լրանալու կամ առողջական վիճակի պատճառով զինվորական ծառայության համար ոչ պիտանի ճանաչելու հիմքով ժամկետից շուտ զինվորական ծառայությունից արձակելու օրվանից հետո երկու աշխատանքային օրվա ընթացքում:

(5-րդ կետը լրաց. 22.09.23 N 1626-Ն, 07.11.24 N 1743-Ն)

(հավելվածը լրաց. 22.09.23 N 1626-Ն, փոփ., լրաց. 07.11.24 N 1743-Ն)

Պաշտոնական հրապարակման օրը՝ 9 փետրվարի 2023 թվական: