Մարդու իրավունքների եվրոպական դատարանը (Չորրորդ բաժանմունք), 2024 թվականի մարտի 7-ին հանդես գալով Կոմիտեի հետևյալ կազմով՝

Անյա Սիբերտ Ֆուա [Anja Seibert-Fohr]՝ Նախագահ,

Էն Լուիս Բորմանն [Anne Louise Bormann]

Սեբաստիան Ռադուլեցու [Sebastian Răduleţu]՝ դատավորներ,

և Վիկտորիա Մարադուդինա [Viktoriya Maradudina]՝ Բաժանմունքի քարտուղարի տեղակալի պաշտոնակատար,

հաշվի առնելով 2020 թվականի հունիսի 9-ին ներկայացված վերոնշյալ գանգատը,

անցկացնելով խորհրդակցություն, որոշեց հետևյալը.

Դիմումատուն՝ «Ռոսգոստրախ-Հայաստան» ապահովագրական ՓԲԸ-ն, մասնավոր ապահովագրական ընկերություն է, որի իրավաբանական հասցեն Երևանում է։ Նրան ներկայացրել է Երևանում գործող իրավաբան պրն Ն. Յուզբաշյանը։

Կոնվենցիայի 6-րդ հոդվածի 1-ին կետով ներկայացված՝ դիմումատու ընկերության բողոքներն առ այն, որ նա զրկվել է դատարանի մատչելիության իրավունքից, քանի որ չի կարողացել Ֆինանսական համակարգի հաշտարարի որոշումն ըստ էության վիճարկել, ուղարկվել են Հայաստանի կառավարություն (Կառավարություն), որը ներակայացրել է գանգատի ընդունելիության և ըստ էության քննության վերաբերյալ իր դիտարկումները։ Դիտարկումներն ուղարկվել են դիմումատու ընկերության ներկայացուցչին, որին հրավիրել են ի պատասխան ներկայացնելու իր դիտարկումները։ Քարտուղարության գրությանը պատասխան չի ստացվել։

Դատարանի էլեկտրոնային հաղորդակցության ծառայության միջոցով ուղարկված 2023 թվականի հունիսի 22-ի գրությամբ դիմումատու ընկերության ներկայացուցիչը ծանուցվել է այն մասին, որ իր դիտարկումների ներկայացման համար թույլատրված ժամկետը լրացել է 2023 թվականի մայիսի 30-ին, և որ ժամկետի երկարաձգում չի պահանջվել։ Նրա ուշադրությունը հրավիրվել է Կոնվենցիայի 37-րդ հոդվածի 1-ին կետի «ա» ենթակետին, որով նախատեսվում է, որ Դատարանը կարող է գանգատը վարույթ չընդունել, եթե հանգամանքները հանգեցնեն եզրակացության այն մասին, որ դիմումատուն մտադիր չէ հետամուտ լինել գանգատին։ Դիմումատու ընկերության ներկայացուցիչն այդ գրությունն ստացել է 2023 թվականի հունիսի 22-ին։ Այնուամենայնիվ, սույն գրությունը պատասխան չի ստացել։

Վերոշարադրյալի լույսի ներքո, ինչպես նաև Կոնվենցիայով և դրա արձանագրություններով երաշխավորված իրավունքների նկատմամբ հարգանքի մասով որևէ հատուկ հանգամանքի բացակայության դեպքում Դատարանը, համաձայն Կոնվենցիայի 37-րդ հոդվածի 1-ին կետի «ա» ենթակետի, համարում է, որ գանգատի քննությունը շարունակելն այլևս արդարացված չէ։

Համապատասխանաբար գործը պետք է հանել քննվող գործերի ցուցակից։

Այս հիմնավորմամբ Դատարանը միաձայն՝

Որոշում է գործը հանել քննվող գործերի ցուցակից։

Կատարված է անգլերենով և գրավոր ծանուցվել է 2024 թվականի մարտի 28-ին։