«Վավերացնում եմ»
Հայաստանի Հանրապետության
Նախագահ Ռ. Քոչարյան
10 մարտի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 փետրվարի 2003 թվականի N 194-Ա

Բարձրագույն կրթության դաշնային պետական բյուջետային ուսումնական հաստատություն «Գ. Վ. Պլեխանովի անվան Ռուսաստանի տնտեսագիտական համալսարան» (Հայաստանի Հանրապետություն) ԵրԵՎանի մասնաճյուղին անշարժ գույք ՀԱՆՁՆԵԼՈՒ ՄԱՍԻՆ

(վերնագիրը փոփ. 06.11.14 N 1281-Ա, 24.01.19 N 33-Ա, 04.07.24 N 1049-Ա)

Հայաստանի Հանրապետության կրթական համակարգում հեռակառավարման ուսուցման կազմակերպումն արդիականացնելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության սեփականությունը հանդիսացող՝ քաղ. Երևան, Աջափնյակ, Արզումանյան փողոց 5 հասցեում գտնվող դպրոցի 2-րդ մասնաշենքի 434,114,000 դրամ գնահատված շուկայական արժեքով, 2265.2 քառ. մետր մակերեսով տարածքը և դրա զբաղեցրած, օգտագործման ու սպասարկման համար անհրաժեշտ 0.21185 հա մակերեսով հողամասը (այսուհետ` անշարժ գույք) մինչև 2030 թվականի օգոստոսի 31-ը անհատույց օգտագործման իրավունքով հանձնել Բարձրագույն կրթության դաշնային պետական բյուջետային ուսումնական հաստատություն «Գ. Վ. Պլեխանովի անվան Ռուսաստանի տնտեսագիտական համալսարան» (Հայաստանի Հանրապետություն) Երևանի մասնաճյուղին (գրանցման համարը՝ 273.060.03333, գտնվելու վայրը՝ Երևան, Արզումանյան փող., 5 շ., բն. 2 մաս., 0038, այսուհետ՝ ընկերություն):

(1-ին կետը փոփ. 26.06.03 N 798-Ա, 06.11.14 N 1281-Ա, 24.01.19 N 33-Ա, խմբ. 04.07.24 N 1049-Ա)

2. Հայաստանի Հանրապետության պետական գույքի կառավարման նախարարին` 1-ամսյա ժամկետում Բարձրագույն կրթության դաշնային պետական բյուջետային ուսումնական հաստատություն «Գ. Վ. Պլեխանովի անվան Ռուսաստանի տնտեսագիտական համալսարան» (Հայաստանի Հանրապետություն) Երևանի մասնաճյուղի հետ համատեղ ապահովել սույն որոշման 1-ին կետում նշված գույքի անհատույց օգտագործման պայմանագրի կնքումը և գույքային իրավունքների պետական գրանցումը:

(2-րդ կետը փոփ. 24.01.19 N 33-Ա)