ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 դեկտեմբերի 1993 թվականի N 641

քաղ. Երևան

ԱՊՀ ԱՆԴԱՄ ՊԵՏՈՒԹՅՈՒՆՆԵՐԻ ՌԱԶՄԱՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ ՍՈՎՈՐԵԼՈՒ ԳՈՐԾՈՒՂՎՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԶԻՆԾԱՌԱՅՈՂՆԵՐԻ ԵՎ ԿՈՒՐՍԱՆՏՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ԵՎ ԿՐԹԱԹՈՇԱԿՆԵՐԻ ՄԱՍԻՆ

Հայաստանի Հանրապետության կառավարությունը որոշում է`

1. ԱՊՀ անդամ պետությունների ռազմաուսումնական հաստատություններ (պաշտպանության, ներքին գործերի, պետական անվտանգության և քաղաքացիական պաշտպանության համակարգերի ուսումնական հաստատությունների) սովորելու գործուղվող Զինծառայողների և նրանց ընտանիքների անդամների սոցիալական ապահովության մասին Հայաստանի Հանրապետության օրենքի 2 հոդվածում թվարկված զինծառայողների պաշտոնային դրույքաչափի հաշվարկման բազմապատիկ գործակիցը կիրառել այդ պետություններում սահմանված նվազագույն աշխատավարձի չափի նկատմամբ:

(1-ին կետը լրաց., փոփ. 07.10.94 թիվ 480)

2. ԱՊՀ անդամ պետությունների ռազմաուսումնական հաստատություններում սովորող Հայաստանի Հանրապետության կուրսանտների կրթաթոշակը սահմանել այդ պետությունում սահմանված նվազագույն աշխատավարձի չափով:

3. ԱՊՀ անդամ պետությունների ռազմաուսումնական հաստատություններում սովորող զինծառայողներին և առանձին դեպքերում նրանց ընտանիքների անդամներին ռազմաուսումնական հաստատությունների կողմից հատկացված բնակտարածության համար վճարումը կատարել միջազգային պայմանագրերին (համաձայնագրերին) համապատասխան: