ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՈՒՐԴ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՐԴԻ 2018 ԹՎԱԿԱՆԻ ՀՈՒԼԻՍԻ 9-Ի ԹԻՎ ԲԴԽ-23-Ն-1 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Բարձրագույն դատական խորհուրդը

ՈՐՈՇՈՒՄ Է

1. Հայաստանի Հանրապետության բարձրագույն դատական խորհրդի 2018 թվականի հուլիսի 9-ի ««Հայաստանի Հանրապետության դատական օրենսգիրք» սահմանադրական օրենքով չսահմանված Հայաստանի Հանրապետության առաջին ատյանի դատարանների նստավայրերը, նստավայրերի սպասարկման տարածքները սահմանելու, դատավորների՝ ըստ նստավայրերի և մասնագիտացման բաշխումն ու թվակազմը հաստատելու մասին» թիվ ԲԴԽ-23-Ն-1 որոշման (այսուհետ՝ Որոշում) մեջ կատարել հետևյալ փոփոխությունները և լրացումները.

1) Որոշման 1-ին հավելվածի 2-րդ աղյուսակի 10-րդ կետի «Նստավայրի անվանում» սյունակի «Մեղրի,» բառը հանել,

2) Որոշման 1-ին հավելվածի 4-րդ աղյուսակի 21-րդ կետի «Նստավայրի անվանում» սյունակի «Արաբկիր» բառը փոխարինել «Աջափնյակ-2» բառերով, իսկ «Դատավոր» սյունակի «Ներսիսյան Ռուբեն Ռաֆիկի» բառերը փոխարինել «Ղուկասյան Թաթուլ Ազատի» բառերով,

3) Որոշման 1-ին հավելվածի 4-րդ աղյուսակի 29-րդ կետի «Դատավոր» սյունակի «Շահնազարյան Հովիկ Սուրենի» բառերը փոխարինել «Բաբայան Սամվել Մկրտչի» բառերով,

4) Որոշման 1-ին հավելվածի 4-րդ աղյուսակի 34-րդ կետի «Դատավոր» սյունակի «Զարգարյան Հայարփի Արթուրի» բառերը փոխարինել «Թումասյան Արմինե Արամի» բառերով,

5) Որոշման 1-ին հավելվածի 6-րդ աղյուսակի «(Քաղաքացիական մասնագիտացում)» բաժնի 3-րդ կետի «Նստավայրի անվանում» սյունակի «Մասիս» բառը փոխարինել «Վեդի» բառով, «Սպասարկման տարածք» սյունակի «Արտաշատի, Մասիսի» բառերը փոխարինել «Վեդու, Եղեգնաձորի և Վայքի» բառերով, իսկ «Դատավոր» սյունակի «Քոչարյան Ելենա Երեմի» բառերը փոխարինել «Ղազարյան Շուշան Արմենի» բառերով,

6) Որոշման 5-րդ հավելվածի աղյուսակի 4-րդ կետի «Դատավոր» սյունակի «Մարաբյան Սերգեյ» բառերը հանել,

7) Որոշման 5-րդ հավելվածի աղյուսակի 11-րդ կետի «Դատավոր» սյունակը լրացնել «Զարգարյան Հայարփի» բառերով,

8) Որոշման 5-րդ հավելվածի աղյուսակի 12-րդ կետի «Դատավոր» սյունակը լրացնել «Շահնազարյան Հովիկ» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 8 հունվարի 2024 թվական: