Ո Ր Ո Շ ՈՒ Մ

«ՏԱՐԵՑ ԵՎ ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ՀԱՍՏԱՏՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 1-ՍՈՑՍՊԱՍ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2001 ԹՎԱԿԱՆԻ ՆՈՅԵՄԲԵՐԻ 20-Ի ԹԻՎ 94 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
(վերնագիրը փոփ. 28.12.20 թիվ 32-Ն)

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Տարեց և հաշմանդամություն ունեցող անձանց սոցիալական պաշտպանության հաստատությունների գործունեության մասին» Ձև 1-սոցսպաս (տարեկան) վիճակագրական հաշվետվության ձևը՝ համաձայն հավելված 1-ի:

(1-ին կետը փոփ. 28.12.20 թիվ 32-Ն)

2. Հաստատել «Տարեց և հաշմանդամություն ունեցող անձանց սոցիալական պաշտպանության հաստատությունների գործունեության մասին» Ձև 1-սոցսպաս (տարեկան) վիճակագրական հաշվետվության լրացման հրահանգը՝ համաձայն հավելված 2-ի:

(2-րդ կետը փոփ. 28.12.20 թիվ 32-Ն, 01.12.23 թիվ 42-Ն)

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2001 թվականի նոյեմբերի 20-ի ««Տարեցների և հաշմանդամների սոցիալական սպասարկման կազմակերպությունների գործունեության մասին» Ձև թիվ 1-սոցսպաս պետական վիճակագրական հաշվետվության ձևը և լրացման հրահանգը հաստատելու մասին» թիվ 94 որոշումը:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

100.1 տիպային

100.2 ոչ տիպային

110.1 բավարար է

110.2 պահանջվում է ընթացիկ վերանորոգում

110.3 պահանջվում է հիմնական վերանորոգում

110.4 վթարային է

110.9 այլ

120.1 կենտրոնացված` շուրջօրյա

120.2 կենտրոնացված` ժամանակացույցով (գրաֆիկով)

120.3 սեփական ջրաղբյուր

120.4 բերվում է ջրամաններով

120.9 այլ

130.1 առկա է

130.2 բացակայում է

130.9 այլ

140.1 միացված է կոյուղու կենտրոնացված համակարգին

140.2 ունի տեղական /լոկալ/ ցանց

140.9 այլ

150.1 կենտրոնացված

150.2 անհատական (լոկալ)

150.3 բացակայում է

150.9 այլ

160. Շենքը նախատեսված է ………… խնամյալների համար

Բաժին 3. Ապահովվածությունը (համապատասխան սյունակներում դնել <<X>> նշանը)

(հավելվածը խմբ. 28.12.20 թիվ 32-Ն, 01.12.23 թիվ 42-Ն)

Հ Ր Ա Հ Ա Ն Գ

«ՏԱՐԵՑ ԵՎ ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ՀԱՍՏԱՏՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 1-ՍՈՑՍՊԱՍ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

(վերնագիրը խմբ. 28.12.20 թիվ 32-Ն)

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգով կարգավորում է «Տարեց և հաշմանդամություն ունեցող անձանց սոցիալական պաշտպանության հաստատությունների գործունեության մասին» Ձև 1-սոցսպաս (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացնում են տարեց և հաշմանդամություն ունեցող անձանց սոցիալական պաշտպանության հաստատությունները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանին հաջորդող տարվա մարտի 1-ը:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ՇԵՆՔԱՅԻՆ ՊԱՅՄԱՆՆԵՐԸ

6. Բաժին 1-ում լրացվում են տարեց և հաշմանդամություն ունեցող անձանց սոցիալական պաշտպանության հաստատությունների շենքային պայմանների վերաբերյալ տվյալները: Պատասխաններն ընտրելիս հաշվի առնել հետևյալը.

1) «100.1» ծածկագրով տողը նշել, եթե շենքը տիպային է` նախատեսված տարեց և հաշմանդամություն ունեցող անձանց բնակության և կենսագործունեության ապահովման համար,

2) «100.2» ծածկագրով տողը նշել, երբ շենքը ոչ տիպային է և հարմարեցված է տարեց և հաշմանդամություն ունեցող անձանց բնակության և կենսագործունեության ապահովման համար,

3) «110.1»-«110.9» ծածկագրերով տողերում նշվում է շենքի ընդհանուր վիճակի վերաբերյալ տվյալները,

4) «120.1»-«140.9» ծածկագրերով տողերում նշվում է ջրամատակարարման, տաք ջրամատակարարման և կոյուղացման վերաբերյալ տվյալները,

5) «150.1»-«150.9» ծածկագրերով տողերում նշվում է ջերմամատակարարման վերաբերյալ տվյալները,

6) «160» ծածկագրով տողում լրացվում է տարեց և հաշմանդամություն ունեցող անձանց սոցիալական պաշտպանության հաստատությունում նախատեսված տեղերի քանակը (այլ ոչ թե փաստացի զբաղեցված տեղերի կամ հաշմանդամություն ունեցող անձանց թվաքանակը):

7. Բաժին 2-ում լրացվում են.

1) «200.1»-«200.9» ծածկագրերով տողերում՝ տվյալներ տարեց և հաշմանդամություն ունեցող անձանց սոցիալական պաշտպանության հաստատության առանձին նշանակության սենյակների քանակի և դրանց գումարային մակերեսների վերաբերյալ,

2) «200.10» ծածկագրով տողում՝ տարեց և հաշմանդամություն ունեցող անձանց սոցիալական պաշտպանության հաստատությունում առկա այլ նշանակության սենյակների քանակը,

3) «210» ծածկագրով տողում՝ տարեց և հաշմանդամություն ունեցող անձանց սոցիալական պաշտպանության հաստատությանը պատկանող կից կամ ամրակցված այլ տարածքի վերաբերյալ տվյալները,

4) սյունակ 3-ում՝ համապատասխան տվյալները պարզաբանող բացատրություններ (օրինակ՝ սպորտդահլիճը չի գործում, հյուրասենյակը վերանորոգման մեջ է և այլն):

4. ԱՊԱՀՈՎՎԱԾՈՒԹՅՈՒՆԸ

8. Բաժին 3-ում լրացվում են.

1) տվյալներ տարեց և հաշմանդամություն ունեցող անձանց սոցիալական պաշտպանության հաստատության գործունեության համար անհրաժեշտ կահավորանքով և այլ պարագաններով ապահովվածության վերաբերյալ (պատասախաններին համապատասխան վանդակներում դրվում է «X» նշանը),

2) սյունակ 4-ում՝ համապատասխան տվյալները պարզաբանող բացատրություններ (օրինակ՝ հեռախոսակապը չի գործում, սպորտային պարագաները օգտագործման համար պիտանի չեն և այլն):

5. ՏԱՐԵՑ ԵՎ ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ԹՎԱՔԱՆԱԿԻ ՍԵՌԱՏԱՐԻՔԱՅԻՆ ԲԱՇԽՎԱԾՈՒԹՅՈՒՆԸ ԵՎ ՇԱՐԺԸ

9. Բաժին 4-ում լրացվում են.

1) «400», «430», «430.1», «430.2» և «440» ծածկագրերով տողերում՝ տվյալներ խնամյալների թվաքանակի և նրանց սեռատարիքային բաշխվածության վերաբերյալ,

2) «410»-«410.3», «420» և «420.1» ծածկագրերով տողերում՝ տվյալներ հաշվետու տարվա ընթացքում խնամյալների քանակական շարժի մասին,

3) «410» ծածկագրով տողում «410.1» - «410.3» ծածկագրերով տողերի գումարը,

4) «430.1» ծածկագրով տողում՝ տվյալներ այն խնամյալների մասին, որոնք անկողնային հիվանդներ են և առանց օգնության չեն կարող տեղաշարժվել,

5) «430.2» ծածկագրով տողում՝ այն խնամյալների թվաքանակը և նրանց սեռատարիքային բաշխվածությունը, որոնք տարեց և հաշմանդամություն ունեցող անձանց սոցիալական պաշտպանության հաստատության բուժանձնակազմի (կամ համապատասխան բժշկական հանձնաժողովի) կողմից ճանաչվել են հաշմանդամություն ունեցող,

6) «440» ծածկագրով տողում՝ խնամյալների թվաքանակից առանձնացվում է զավակներ ունեցողների թվաքանակը,

7) «450» ծածկագրով տողում՝ ամուսնական զույգերի քանակը (լրացվում է միայն սյունակ 1-ը):

6. ԱՇԽԱՏՈՂՆԵՐԻ ԹՎԱՔԱՆԱԿՆ ԸՍՏ ԿՐԹԱԿԱՆ ՄԱԿԱՐԴԱԿԻ

10. Բաժին 5-ում լրացվում են.

1) «500» ծածկագրով տողում՝ տվյալներ տարեց և հաշմանդամություն ունեցող անձանց սոցիալական պաշտպանության հաստատության ամբողջ աշխատակազմի վերաբերյալ` ըստ նրանց սեռի և կրթական մակարդակի,

2) «500.1»-«500.8» ծածկագրերով տողերում՝ խնամյալներին սպասարկող աշխատակազմը,

3) «500.9» ծածկագրով տողում՝ տեխնիկական և օժանդակ անձնակազմը:

7. ՖԻՆԱՆՍԱԿԱՆ ՄԻՋՈՑՆԵՐԻ ՍՏԱՑՈՒՄԸ ԵՎ ՕԳՏԱԳՈՐԾՈՒՄԸ

11. Բաժին 6-ում լրացվում են (ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը).

1) «600» ծածկագրով տողում՝ ընդհանուր ֆինանսական միջոցները,

2) «610» ծածկագրով տողում՝ ֆինանսական միջոցների մնացորդը տարեսկզբին,

3) «620» ծածկագրով տողում՝ ընթացիկ տարվա ֆինանսական մուտքերի մասին տվյալները, «620.1» ծածկագրով տողում՝ բյուջեից (պետական և համայնքային), «620.2» ծածկագրով տողում՝ նվիրատվություններից, «620.3» ծածկագրով տողում՝ վարձակալությունից, «620.4» ծածկագրով տողում՝ այլ եկամուտներ:

12. «630» ծածկագրով տողում՝ ընդհանուր ֆինանսական ծախսերը, որից առանձնացվում են.

1) «630.1» ծածկագրով տողում («Նյութական ծախսեր»)՝ ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

2) «630.2» ծածկագրով տողում («Ոչ նյութական ծառայությունների վճարումներ»)՝ աշխատողների մասնագիտական ուսուցմանն ուղղված վճարումները, շենքերի, մեքենաների և սարքավորումների վարձակալական վճարումները, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

3) «630.3» ծածկագրով տողում՝ գործուղման ծախսերը,

4) «630.4» ծածկագրով տողում («Աշխատավարձ և դրան հավասարեցված այլ վճարումներ»)՝ հաշվետու ժամանակահատվածում բոլոր աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական աշխատավարձը, լրացուցիչ աշխատավարձը՝ հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները,

5) «630.5» ծածկագրով տողում՝ տարեց և հաշմանդամություն ունեցող անձանց սոցիալական պաշտպանության հաստատությունների կողմից իրականացված շենքերի և շինությունների, ինչպես նաև մեքենաների և սարքավորումների ձեռք բերման, հիմնավերանորոգման և վերանորոգման ծախսերը,

6) «630.6» ծածկագրով տողում՝ այն ծախսերը (այլ ծախսեր), որոնք «630.1»- «630.5» ծածկագրերով տողերում չեն արտացոլվել:

13. «640» ծածկագրով տողում՝ ֆինանսական միջոցների մնացորդը տարեվերջին:

(հավելվածը խմբ. 28.12.20 թիվ 32-Ն, 01.12.23 թիվ 42-Ն)