ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
|
20 նոյեմբերի 2018 թվականի |
թիվ 188 |
քաղ. Մոսկվա |
ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ 2015 ԹՎԱԿԱՆԻ ՆՈՅԵՄԲԵՐԻ 10-Ի ԹԻՎ 148 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
«Երրորդ երկրների նկատմամբ հատուկ պաշտպանական, հակագնագցման (հակադեմփինգային) և փոխհատուցման միջոցների կիրառման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 8 հավելված) 111-րդ կետին համապատասխան և Եվրասիական տնտեսական հանձնաժողովի ներքին շուկայի պաշտպանության դեպարտամենտի զեկույցի հիման վրա՝ Եվրասիական տնտեսական հանձնաժողովի կոլեգիան որոշեց.
1. Եվրասիական տնտեսական հանձնաժողովի կոլեգիայի 2015 թվականի նոյեմբերի 10-ի «Չինաստանի Ժողովրդական Հանրապետության ծագում ունեցող և Եվրասիական տնտեսական միության մաքսային տարածք ներմուծվող՝ դարձկեն և ոչ դարձկեն հարթաշերեփով, մինչև 250 ձ.ու. հզորությամբ թրթուրավոր բուլդոզերների (մղանների) համար հակագնագցման միջոց կիրառելու մասին» թիվ 148 որոշման հավելվածը՝ երկրորդ և երրորդ սյունակներում Tianjin Liugong Machinery Со., Ltd. (No. 203, Jingsan Road, Tianjin Airport Economic Area, China) արտադրողի անվանումով պարբերությունից առաջ, լրացնել հետևյալ բովանդակությամբ պարբերությամբ՝
|
«Caterpillar (Qingzhou) Ltd. (No. 12999 Nanhuan Road, Qingzhou City, |
18,50»։ |
2. Եվրասիական տնտեսական միության անդամ պետությունների՝ մաքսային գործի ոլորտում լիազորված պետական մարմիններին, ապահովել՝
Caterpillar (Qingzhou) Ltd.-ի (No. 12999 Nanhuan Road, Qingzhou City, Shandong Province, China, 262500) կողմից արտադրված և 2017 թվականի նոյեմբերի 24-ից մինչև 2018 թվականի նոյեմբերի 20-ն ընկած ժամանակահատվածում Եվրասիական տնտեսական միության մաքսային տարածք ներմուծված՝ դարձկեն և ոչ դարձկեն հարթաշերեփով, մինչև 250 ձ.ու. հզորությամբ թրթուրավոր բուլդոզերների (մղանների) համար հակագնագցման տուրքի վճարման հաշվին, մաքսային արժեքից 18,50 տոկոսի չափով, հակագնագցման տուրքի վճարման ապահովման գումարի հաշվանցման և «Երրորդ երկրների նկատմամբ հատուկ պաշտպանական, հակագնագցման (հակադեմփինգային) և փոխհատուցման միջոցների կիրառման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 8 հավելված) հավելվածով նախատեսված կարգով դրա մուտքագրման և բաշխման իրականացումը.
մաքսային արժեքից 18,50 տոկոս դրույքաչափով հաշվարկված հակագնագցման տուրքի գումարը գերազանցող ապահովման գումարի վերադարձը վճարողին՝ Եվրասիական տնտեսական միության մաքսային օրենսգրքով նախատեսված կարգով։
3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
|
Եվրասիական տնտեսական հանձնաժողովի կոլեգիայի նախագահ` |
Տ. Սարգսյան |
Պաշտոնական հրապարակման օրը՝ 22 հունիսի 2022 թվական:
