ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 մայիսի 2023 թվականի N 822-Ն

Ղեկավարվելով «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 23-րդ հոդվածի 3-րդ մասով, «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածով, Հայաստանի Հանրապետության կառավարության 2017 թվականի մայիսի 4-ի N 526-Ն որոշման 1-ին կետի 1-ին ենթակետով հաստատված կարգի 57-րդ կետով՝ Հայաստանի Հանրապետության կառավարությունը որոշում է.

1. «Հայաստանի Հանրապետության 2023 թվականի պետական բյուջեի մասին» Հայաստանի Հանրապետության օրենքի N 1 հավելվածի N 2 աղյուսակում կատարել վերաբաշխում, փոփոխություններ և լրացումներ, N 1 հավելվածի N 3 աղյուսակում և Հայաստանի Հանրապետության կառավարության 2022 թվականի դեկտեմբերի 29-ի «Հայաստանի Հանրապետության 2022 թվականի պետական բյուջեի կատարումն ապահովող միջոցառումների մասին» N 2111-Ն որոշման NN 3, 4, 5, 9, 9.1 և 10 հավելվածներում կատարել փոփոխություններ և լրացումներ՝ համաձայն NN 1, 2, 3, 4, 5 և 6 հավելվածների:

2. Թույլատրել Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին փոփոխություն կատարել «Մոդուլ» սահմանափակ պատասխանատվությամբ ընկերության հետ 2022 թվականի հուլիսի 26-ին կնքված թիվ ՋԿ-ԵՄԾՁԲ-22/1-1 պայմանագրում՝ պայմանագրով սահմանված ծառայությունների մատուցման համար տրամադրել նոր ժամկետ՝ 2023 թվականին ծառայությունների մատուցման համար ֆինանսական միջոցներ նախատեսվելու դեպքում կողմերի միջև կնքվող համաձայնագիրն ուժի մեջ մտնելու օրվանից հաշված 3 ամիս, ինչպես նաև պայմանագրով սահմանված տույժերը և տուգանքները ներելու վերաբերյալ:

3. Ապահովել սույն որոշման 2-րդ կետում նշված կատարողի կողմից 2022 թվականին կնքված պայմանագրերի (համաձայնագրերի) շրջանակներում ներկայացված ապահովումների գործողության ժամկետների երկարաձգումը։

4. Սույն որոշման հիմքով՝ «Հայգյուղշիննախագիծ» և «Մոդուլ» սահմանափակ պատասխանատվությամբ ընկերությունների հետ 2022 թվականի հուլիսի 26-ին կնքված թիվ ՋԿ-ԵՄԾՁԲ-22/1 և ՋԿ-ԵՄԾՁԲ-22/1-1 պայմանագրերի (համաձայնագրերի) փոփոխության պայմանները տարածվում են 2022 թվականի դեկտեմբերի 20-ից կողմերի միջև փաստացի ծագած հարաբերությունների վրա:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 26 մայիսի 2023 թվական: