ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 ապրիլի 2021 թվականի N 607-Ն

ԲԵՏՈՆԻ ԱՄՐԱՆԱՎՈՐՄԱՆ ՀԱՄԱՐ ՕԳՏԱԳՈՐԾՎՈՂ ՊՈՂՊԱՏԵ ԱՐՏԱԴՐԱՆՔՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԻ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՓԵՏՐՎԱՐԻ 2-Ի N 179-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասը, ինչպես նաև «Տեխնիկական կանոնակարգման մասին» Հայաստանի Հանրապետության օրենքի 8-րդ հոդվածի 1-ին մասի 3-րդ կետի «ա» պարբերությունը՝ Հայաստանի Հանրապետության կառավարությունը որոշում է.

1. Հաստատել բետոնի ամրանավորման համար օգտագործվող պողպատե արտադրանքներին ներկայացվող պահանջների տեխնիկական կանոնակարգը՝ համաձայն հավելվածի:

2. Ուժը կորցրած ճանաչել Հայաստանի Հանրապետության կառավարության 2006 թվականի փետրվարի 2-ի «Բետոնի ամրանավորման համար օգտագործվող պողպատե արտադրանքներին ներկայացվող պահանջների տեխնիկական կանոնակարգը հաստատելու մասին» N 179-Ն որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող 180-րդ օրը:

4. Սույն որոշմամբ հաստատված հավելվածի 15-րդ կետը և XI գլուխն ուժի մեջ են մտնում պաշտոնական հրապարակմանը հաջորդող օրվանից։

ՏԵԽՆԻԿԱԿԱՆ ԿԱՆՈՆԱԿԱՐԳ

1. Բետոնի ամրանավորման համար օգտագործվող պողպատե արտադրանքներին ներկայացվող պահանջների տեխնիկական կանոնակարգի (այսուհետ՝ տեխնիկական կանոնակարգ) նպատակն է մարդու կյանքի, առողջության վրա բետոնի ամրանավորման համար օգտագործվող պողպատե արտադրանքների ազդեցության ռիսկի աստիճանի գնահատումը և անվտանգության ապահովումը։ Սույն տեխնիկական կանոնակարգի գործողությունը տարածվում է արտաքին տնտեսական գործունեության ապրանքային ծածկագրերին համապատասխան հետևյալ պողպատե արտադրանքների վրա՝

2. Սույն տեխնիկական կանոնակարգով սահմանվում են 1-ին կետով նախատեսված բետոնի ամրանավորման համար օգտագործվող պողպատե արտադրանքների (այսուհետ՝ պողպատե արտադրանքներ) անվտանգությունը բնութագրող ցուցանիշները, դրանց մակնշմանը, փաթեթավորմանը, փոխադրմանը, պահմանը ներկայացվող պահանջները, համապատասխանության գնահատման ընթացակարգերը, ինչպես նաև արտադրանքի հետ կապված գործընթացները։

3. Պողպատե արտադրանքները ենթակա են համապատասխանության պարտադիր գնահատման:

4. Սույն տեխնիկական կանոնակարգում կիրառված են հետևյալ հասկացությունները՝

1) պողպատե մետաղալար՝ ազատ կծկած կաժերով մատակարարվող հարթ կամ պարբերական տրամատի ամրանային պողպատ.

2) ամրանային ձողեր՝ ուղղաձիգ ձողերի տեսքով մատակարարվող հարթ կամ պարբերական տրամատի ամրանային պողպատ.

3) 7-ամրանային ճոպան (K7)՝ մեկ կենտրոնական ուղղաձիգ մետաղալարի շուրջը մեկ շարքով հյուսված պարուրաձև 6 մետաղալարից բաղկացած ամրանային տարր.

4) հայտատու՝ օրենքով սահմանված կարգով գրանցված իրավաբանական անձ կամ որպես անհատ ձեռնարկատեր հաշվառված ֆիզիկական անձ կամ Հայաստանի Հանրապետությունում նրա լիազոր ներկայացուցիչ կամ Եվրասիական տնտեսական միության այլ անդամ պետության տարածքում օրենսդրությամբ սահմանված կարգով գրանցված պողպատե արտադրանքներ արտադրող իրավաբանական անձ, որը սույն տեխնիկական կանոնակարգման օբյեկտ հանդիսացող արտադրանքի համապատասխանության հավաստման նպատակով դիմում է համապատասխանության գնահատման մարմնին․

5) հոսունության պայմանական սահման, 𝛔0,2 Ն/մմ2 լարում, որի ազդեցությամբ պայմանական ակնթարթային պլաստիկ (մնացորդային) դեֆորմացիան հասնում է 0,2%.

6) հոսունության ֆիզիկական սահման 𝛔t,,Ն/մմ2 ամենացածր լարում, որի ժամանակ դեֆորմացիան տեղի է ունենում առանց բեռնվածքի նկատելի ավելացման․

7) խզման ժամանակավոր դիմադրություն, 𝛔B , Ն/մմ2՝ խզումից առաջ ամենամեծ բեռնվածքին համապատասխանող լարում․

8) հարաբերական երկարացում խզումից հետո ẟ5,, ẟ10 , ẟ 100 և այլն, %՝ ամրանի խզման հատվածամասն ընդգրկող սկզբնական հաշվարկային երկարության փոփոխություն․

9) հարաբերական հավասարաչափ երկարացում ẟp % ամրանի խզման հատվածամասը չընդգրկող 50 կամ 100 մմ սկզբնական հաշվարկային երկարության փոփոխություն․

10) հարաբերական երկարացում խզումից առաջ ẟn (Agt), % նմուշի հաշվարկային երկարության փոփոխությունն առավելագույն լարման ժամանակ․

11) կոռոզիոն ճաքերի դիմադրություն՝ ամրանային ձողերի ունակությունը չքայքայվելու, ճկման կամ առաձգական լարումների և ագրեսիվ միջավայրի ազգեցության ներքո․

12) ամրանային պողպատի դաս Ն/մմ2 հոսունության ֆիզիկական (𝛔Т) կամ պայմանական (𝛔0.2) սահմանի նվազագույն ցուցանիշներ՝ հաստատված ստանդարտներով․

13) ածխածնային համարժեք, CЭ պողպատի եռակցելիության պայմանական ցուցանիշ, որն արտահայտված է ածխածնի և ածխածնի պարունակությանը բերված, պողպատում լեգիրացնող տարրերի զանգվածային մասերի գումարի տեսքով․

14) խմբաքանակ՝ միևնույն ձուլվածքից պատրաստված՝ նույն դասի, նույն անվանական տրամագծի և նույն արտադրողի կողմից արտադրվող պողպատե արտադրանքի որոշակի քանակ․

15) եռակցված ամրանային պատրաստվածքներ՝ բետոնի ամրանավորման համար նախատեսված ամրանային ցանցեր, ամրանային կմախքներ, ամրանի առանձին ձողեր՝ եռակցված կցվածքով միացումներով ձողի երկայնքով․

16) գլոցվածք՝ ածխածնային պողպատե ամրալար հարթ տրամատով, ազատ կծկած կաժերով․

17) ծառայողական բնութագրեր՝ ամրանային ձողերի որակական բնութագրեր, որոնք արտահայտվում են շահագործման և վերամշակման գործընթացներում․

18) ազոտի համարժեք Nэкв՝ պողպատե արտադրանքի ազոտի պարունակության համարժեք։

5. Արգելվում է Հայաստանի Հանրապետության տարածքում համապատասխանության պարտադիր գնահատման ենթակա պողպատե արտադրանքների շրջանառության մեջ դնելն առանց համապատասխանության գնահատման փաստաթղթի առկայության։

6. Հայաստանի Հանրապետության տարածքում համապատասխանության պարտադիր գնահատման ենթակա և շրջանառության մեջ գտնվող պողպատե արտադրանքները պետք է ուղեկցվեն հայերեն մակնշմամբ, համապատասխանության ազգային նշանի մակնշմամբ, համապատասխանության սերտիֆիկատով։

7. Ամրանային պողպատի՝ ըստ ձգման ամրության դասը նշագրվում է RB, A` շիկագլոցված և AT ջերմամեխանիկորեն ամրացված 3-80 մմ տրամագծով ամրանային ձողերի համար, որոնք պատրաստվում են հետևյալ դասերով՝

1) A240C հարթ տրամատով.

2) А300С, A400, RB400W, A400C, AT400, AT400C, RB500W, A500C, A500, RB500, AT500, AT500C, A600, AT600, A600C, AT600C, A600K, AT600K, A800, AT800, A800K, AT800K, A1000, AT1000 և AT1000K պարբերական տրամատով։

8. Ըստ կիրառման հատկությունների՝ ամրանային ձողերը բաժանվում են՝

1) եռակցվող՝ W և C ինդեքսներով․

2) կայուն կոռոզիային ճաքճքման հանդեպ՝ K ինդեքսով․

3) ոչ եռակցվող՝ առանց W և C ինդեքսների․

4) ոչ կայուն կոռոզային ճաքճքման հանդեպ՝ առանց K ինդեքսի․

5) ջերմամեխանիկորեն ամրացված` ինդեքս T.

6) B-1, Bp-1 սառը դեֆորմացված, 3-5մմ տրամագծով պողպատե մետաղալար.

7) B, Bp` սառը դեֆորմացված 3-9 մմ տրամագծով պողպատե մետաղալարի համար, որը պատրաստվում է.

ա․B` հարթ տրամատով՝ B500, B1100, B1200, B1300, B1400, B1500,

բ․ Bp` պարբերական տրամատով՝ Bp500, BP1100, Bp1200, Bp1300, Bp1400, Bp1500.

8) K 6-15 մմ տրամագծով ամրանային ճոպանների համար՝ K7-1400, K71500:

9. Ամրանային պողպատե ձողերի մեխանիկական ցուցանիշները (միջավայրի 20 0C /+15, -10/ փորձարկման ջերմային պայմաններում) պետք է համապատասխանեն աղյուսակ N 1-ով սահմանված արժեքներին։

Աղյուսակ N 1

Ծանոթագրություն․ Կալակի տրամագիծը որոշվում է սույն տեխնիկական կանոնակարգի 11-րդ գլխով նախատեսված միջպետական ԳՕՍՏ 14019-2003 ստանդարտով, էլեկտրատաքացումը կատարում է արտադրողը արտադրության պրոցեսում՝ համաձայն 11-րդ գլխով նախատեսված ԳՕՍՏ 34028-2016 ստանդարտի։

10. Մեխանիկական փորձարկումների արդյունքները պետք է լինեն ոչ պակաս սույն տեխնիկական կանոնակարգի N 1 աղյուսակով սահմանված արժեքներից։

11. Ամրանային ձողերի յուրաքանչյուր փորձարկման նմուշի համար խզման ժամանակավոր դիմադրության հարաբերությունը հոսունության ֆիզիկական սահմանի նկատմամբ պետք է լինի 1,03 գործակցից ոչ պակաս։

12. A400, A500 և A600 դասերի ամրանային ձողերի համար թույլատրվում է սույն տեխնիկական կանոնակարգի N 1 աղյուսակով սահմանված խզման ժամանակավոր դիմադրության ցուցանիշների նվազեցում՝ ոչ ավելի, քան 50 Ն/մմ2-ով՝ այն դեպքում, երբ հարաբերական երկարացումը խզումից հետո (ẟ5) ավելանում է 2 տոկոսով, և հարաբերական հավասարաչափ երկարացումը (ẟp)` 1 տոկոսով։

13. A400, A500 և A600 դասերի ամրանային պողպատի խզման ժամանակավոր դիմադրությունը չպետք է գերազանցի սույն տեխնիկական կանոնակարգի N 1 աղյուսակով սահմանված արժեքներից 300 Ն/մմ2-ից ավելի։

14. Պատրաստի ամրանային ձողերում քիմիական տարրերի զանգվածային մասերը պետք է համապատասխանեն N 2 աղյուսակով սահմանված արժեքներին։

Աղյուսակ N 2

Ծանոթագրություն 1. A500 դասի ամրանային պողպատի նիտրիդ առաջացնող էլեմենտների պարունակությամբ (օրինակ՝ Al, Ti, V կամ Nb) պայմանավորված ազոտի  (N) պարունակությունը չի սահմանափակվում։ Ամրանային պողպատի մեջ ազոտի (N) պարունակությունը՝ ավելին քան 0,012%, թույլատրելի է, եթե ազոտի (N) պարունակությունը չի գերազանցում ազոտի համարժեքին (Nэкв)։ Nэкв = 0.8(0.52Al + 0.29Ti + 0.27V + 0.15Nb)։ Ծանոթագրությունուղղ. 2. A400, A500, A600 դասի ամրանային պողպատե ամրանում ածխածնի պարունակությունը թույլատրվում է մինչև 0,28%՝ պայմանով, եթե բոլոր ֆիզիկամեխանիկական հատկությունների պահանջները բավարարում են սույն հավելվածով սահմանված N 1 աղյուսակի պահանջներին՝ ըստ ԳՕՍՏ 34028-2016-ի կետ 6․1․3․1։

15. Եռակցելի ամրանային ձողերի համար մնացորդային տարրերի (քրոմ, պղինձ, նիկել) զանգվածային մասը պետք է լինի 0,35%-ից ոչ ավելի՝ յուրաքանչյուր տարրի համար, իսկ V, Mo-ի զանգվածային մասը պետք է լինի 0.10 % յուրաքանչյուր տարրի համար։

16. Ամրանային ձողերը համարվում են կոռոզային ճաքճքման հանդեպ կայուն, եթե ազոտային թթվի կալցիումական աղի 600 զանգվածային բաժնի, ազոտային թթվի ամոնիումային աղի 50 զանգվածային բաժնի և ջրի 350 զանգվածային բաժնի խառնուրդում՝ 98-100 0C պայմաններում և 0,9 S0․2 համարժեք լարման տակ 100 ժամից ոչ պակաս պահպանելուց հետո չեն քայքայվում։

17. 25 մմ-ից բարձր տրամագծով ամրանային ձողերի համար սույն տեխնիկական կանոնակարգի N 1 աղյուսակով սահմանված մեխանիկական հատկությունների արժեքների և ծառայողական բնութագրերի պահպանման դեպքում ածխածնի զանգվածային մասի ավելացումը մինչև 0,37% չի համարվում խոտանման հատկանիշ։

18. Ցածր ածխածնային պողպատից սառնաձգված՝ մինչև 0,25% պարբերական և հարթ տրամատով B-1 և Bp-1 դասի ե/բ կոնստրուկցիաների ամրանավորման համար մետաղալարի մեխանիկական ցուցանիշները պետք է համապատասխանեն N 3 աղյուսակով սահմանված արժեքներին։

Աղյուսակ N 3

19. Երկաթից կամ ոչ լեգիրված պողպատից, 0,6% կամ ավելի զանգվածային մասով ածխածին պարունակող մինչև 9 մմ տրամագծով մետաղալարերի (այսուհետ՝ պողպատե մետաղալար), այդ թվում՝ B և Bр ամրանային դասերի մեխանիկական ցուցանիշները պետք է համապատասխանեն N 4 աղյուսակով սահմանված արժեքներին։

Աղյուսակ N 4

20. Մինչև 0,12 % ածխածին պարունակող պողպատե ամրալարի մեխանիկական ցուցանիշները պետք է համապատասխանեն N 5 աղյուսակով սահմանված արժեքներին, իսկ քիմիական ցուցանիշները՝ N 6 աղյուսակով սահմանված արժեքներին: N 6 աղյուսակով սահմանված արժեքները վերաբերելի են արտադրության ժամանակ ձուլաշերեփից նմուշարկմամբ իրականացվող պողպատե ամրալարի քիմիական կազմության ստուգմանը:

Աղյուսակ N 5

Ծանոթագրություն․ Սառը վիճակում 1800 գերծռման դեպքում ամրալարը չպետք է քայքայվի նույն տրամագծով առանցքի շուրջը։

Աղյուսակ N 6

21. Գլոցման եղանակով ածխածնային պողպատե ամրալար, ազատ կծկած կաժերով, մինչև 0,25% և (կամ) 0,25%-ից ավելի ածխածին պարունակող պողպատե ամրալարի մեխանիկական ցուցանիշները պետք է համապատասխանեն N 5 աղյուսակով սահմանված արժեքներին, իսկ քիմիական ցուցանիշները՝ N 6 աղյուսակով սահմանված արժեքներին:

22. Պողպատե մետաղալարի և ամրանային ճոպանի ռելաքսացիան 70% խզման փաստացի ուժի ելքային բեռնվածքի դեպքում չպետք է գերազանցի 2,5 % -ը` 1000 ժամ լարման տակ պահպանումից հետո:

23. Պողպատե մետաղալարի և ամրանային ճոպանի ռելաքսացիան որոշվում է արտադրողի մոտ սերիական արտադրության ժամանակ՝ տարին 1 անգամ, միայն պատվիրատուի և արտադրողի փոխհամաձայնությամբ։

24. Ածխածնային պողպատե մետաղալարը և ամրանային ճոպանը պետք է ապահովեն անվանական ձգման ամրության սահմանի 70 %-ը կազմող լարման ազդեցությունը՝ 2000000 ցիկլ առանց քայքայման.

1) պողպատե մետաղալարի համար լարման միջակայքը պետք է կազմի հարթ տրամատով պողպատե մետաղալարի համար՝ 200 Ն/մմ2, իսկ պարբերական տրամատով պողպատե մետաղալարի համար՝ 180 Ն/մմ2.

2) ամրանային ճոպանի համար լարման միջակայքը պետք է կազմի 195 Ն/մմ2:

25. Պողպատե մետաղալարի ծռման փորձը կարող է փոխարինվել ծռում-հետծռում փորձով՝ պողպատի հնեցման հակման հատկությունները հաստատելու համար: Պողպատե մետաղալարի ծռման-հետծռման փորձարկումներից հետո փորձարկված նմուշներից ոչ մեկը չպետք է ունենա անզեն աչքով տեսանելի ջարդվածքներ կամ ճաքեր:

26. Առանց պատվածքի, ոլորված մետաղալարերով 3 մմ–ից ավելի լայնակի հատման առավելագույն չափով 7-լարանի ամրանային ճոպանի (այսուհետ՝ ամրանային ճոպան) մեխանիկական ցուցանիշները պետք է համապատասխանեն N 7 աղյուսակով սահմանված արժեքներին:

Աղյուսակ N 7

27. Պողպատե արտադրանքների մակերևույթի վրա չպետք է լինեն կեղևանքներ, գլոցածալքեր, փչուկներ և այլ տեսակի մետաղի գլոցման արատներ, որոնք կարող են խոչընդոտել դրանց օգտագործումը:

28. Ամրանի տրամաչափի, կտրվածքի մակերեսի, հարթ և պարբերական պրոֆիլի ամրանային պողպատի 1 մ երկարության քաշի, ինչպես նաև պարբերական պրոֆիլների համար քաշի թույլատրելի շեղումների ցուցանիշները պետք է համապատասխանեն N 8 աղյուսակով սահմանված արժեքներին:

Աղյուսակ N 8

29. Յուրաքանչյուր ամրանային ձող պետք է ունենա արտադրող կազմակերպության անվանումը և ամրանի մակնիշը, գլոցվածքային մակնշում՝ ոչ ավելի քան 1,8 մետր հեռավորությամբ։

30. Պողպատե արտադրանքի յուրաքանչյուր կապ կամ կաժ պիտակավորվում է։ Պիտակը պետք է պարունակի հստակ, պարզ և դյուրընթեռնելի առնվազն հետևյալ տեղեկատվությունը՝

1) արտադրող կազմակերպության անվանումը և ապրանքային նշանը (առկայության դեպքում).

2) ամրանային պողպատի դասը, որից պատրաստվել է արտադրանքը, մակնիշը, տրամագիծը.

3) արտադրման տարեթիվը, ամիսը․

4) խմբաքանակի համարը, զանգվածը.

5) համապատաասխանության հավաստման վերաբերյալ տեղեկատվությունը:

31. Կապերով փաթեթավորված պողպատե արտադրանքների վրա ամրացվում է 1 պիտակ, իսկ արտադրողի և սպառողի փոխհամաձայնության դեպքում՝ 2 պիտակ: Կաժերով մատակարարված պողպատե արտադրանքների վրա ամրացվում է մեկ պիտակ:

32. Պողպատե արտադրանքները փաթեթավորվում են կապերի կամ կաժերի ձևով՝ ամրացնելով մետաղալարով կամ լարով կամ մետաղյա ժապավեններով, որոնք կապահովեն պողպատե արտադրանքների պահպանվածությունը՝ դրանց պահման կամ փոխադրման ժամանակ:

33. Կապերով փաթեթավորված պողպատե արտադրանքների համար փաթեթվածքի զանգվածը չպետք է գերազանցի 15000 կգ-ը, իսկ կաժերով փաթեթավորված պողպատե արտադրանքների համար՝ 3000 կգ-ը:

34. Կաժերով փաթեթավորված պողպատե արտադրանքները պետք է կապվեն 2 հանդիպակաց կապով, իսկ կաժերի կապերը պետք է ամրացվեն 2 կամ 3 լրացուցիչ կապով։

35. Խմբաքանակի զանգվածը չպետք է գերազանցի 40 տոննան: Պողպատե արտադրանքների արտահանման դեպքում խմբաքանակի չափը սահմանվում է միջազգային պայմանագրի դրույթների համաձայն:

36. Ամրանային ձողերն ամրացվում են ոչ պակաս 4-6 տեղից՝ այնպես, որ ամրացման տեղերի հեռավորությունը լինի 2-3 մ:

37. Փաթեթավորված պողպատե արտադրանքները փոխադրվում են բոլոր տեսակի տրանսպորտային միջոցներով՝ ըստ տվյալ տեսակի տրանսպորտային միջոցով բեռների փոխադրման կանոնների:

38. Փաթեթավորված վիճակում պողպատե արտադրանքները պետք է պահվեն և դարսվեն դարակաշարերով՝ հատակից 80-100 մմ բարձրությամբ՝ փակ կամ մթնոլորտային ուղղակի ազդեցությունները բացառող տարածքում:

39. Կախված ամրանային պողպատի դասից՝ եռակցելի ամրանային ձողերի համար ածխածնային համարժեքի СЭ մեծությունը պետք է լինի՝

1) A240C, A300C, RB 400 W, և A400C դասերի համար՝ 0,30 - 0,52 %.

2) RB 500 W, Ат500С և А500С դասերի համար՝ 0,35 - 0,52 %.

3) А600С դասի համար՝ 0,40 - 0,65 %.

4) 32 մմ–ից ավելի տրամագծով RB400W և RB500W ամրանային պողպատի դասերի ամրանային ձողերի համար ածխածնային համարժեքի СЭ մեծությունը պետք է լինի 0,57%-ից ոչ ավելի:

40. Ածխածնային համարժեքի մեծությունը հաշվարկվում է հետևյալ բանաձևով՝

որտեղ C, Mn, Cr, V, Mo, Cu և Ni - ածխածնի, մանգանի, քրոմի, վանադյումի, մոլիբդենի, պղնձի և նիկելի փաստացի զանգվածային մասերն են պողպատում՝ տոկոսային հարաբերությամբ:

41. Մանգանով լեգիրված պողպատե գլոցվածքի համար ածխածնային համարժեքի մեծությունը թույլատրվում է հաշվարկել հետևյալ բանաձևով՝

որտեղ սիլիցիումի և մանգանի զանգվածային մասն է պողպատում՝ տոկոսային հարաբերությամբ:

42. Եռակցված ամրանային ձողերի նմուշների փորձարկման ժամանակ ձգման արդյունքները համարվում են բավարար, եթե ամրանային ձողերի խզումը պակաս չէ 500Ն/մմ2 A400C և A500C դասերի ամրանային ձողերի համար և պակաս չէ 700Ն/մմ2 A600C և An600C դասերի ամրանային ձողերի համար: Խզման տեղամասը պետք է լինի պլաստիկ և վզիկով, եռակցված ձողերի խզման ժամանակ խզման տեղը չպետք է լինի 90o անկյունով և վզիկի առկայությունը պարտադիր է: Եռակցելի ամրանային ձողերի եռակցելիությունը (պիտանիությունը եռակցման համար) ստուգվում է՝ համաձայն ԳՕՍՏ 34028-2016 միջպետական ստանդարտի «Գ» հավելվածի 4.1-ին կետում նշված մեթոդաբանության:

43. Սույն տեխնիկական կանոնակարգի պահանջներին պողպատե արտադրանքի համապատասխանությունը հավաստելու համար համապատասխանության գնահատման նշանակված մարմինը՝

1) պետք է կիրառի Հայաստանի Հանրապետության կառավարության 2014 թվականի հունվարի 16-ի N 56-Ն որոշմամբ սահմանված սերտիֆիկացման ընթացակարգերը խմբաքանակի կամ սերիական արտադրության համար.

2) սույն տեխնիկական կանոնակարգով սահմանված պահանջներին համապատասխանության դեպքում և գնահատման արդյունքում տրամադրում է արտադրողին կամ Հայաստանի Հանրապետությունում նրա լիազոր ներկայացուցչին Հայաստանի Հանրապետության կառավարության 2013 թվականի մարտի 14-ի N 337-Ն որոշմամբ սահմանված համապատասխանության ազգային նշանը՝ թույլատրելու պողպատե արտադրանքի փաթեթի կամ պիտակի վրա դրոշմումը:

44. Սերտիֆիկացում իրականացնող համապատասխանության գնահատման նշանակված մարմինը փորձարկումների կատարումն ապահովելու նպատակով՝

1) պողպատե արտադրանքի նմուշառումն իրականացնում է հայտատուի մասնակցությամբ: Պողպատե արտադրանքի մեխանիկական ցուցանիշների որոշման համար փորձարկվող նմուշներն ընտրվում են սույն տեխնիկական կանոնակարգի 35-րդ կետով սահմանված յուրաքանչյուր խմբաքանակից հետևյալ քանակությամբ`

ա. ամրանային ձողեր՝ 4 նմուշ,

բ. պողպատե մետաղալարեր՝ 6 նմուշ,

գ. ամրանային ճոպան՝ 2 նմուշ.

դ. ածխածնային պողպատե ամրալար՝ 3 նմուշ (3 կաժից կամ փաթաթվածքից՝ յուրաքանչյուրից մեկական նմուշ 500 մմ երկարությամբ).

2) քիմիական կազմի որոշման համար՝ 1 նմուշ.

3) շարունակական արտադրվող պողպատե արտադրանքների սերտիֆիկացման համար նախատեսված ընթացակարգով գնահատման ժամանակ սերտիֆիկացում իրականացնող համապատասխանության գնահատման նշանակված մարմինն արտադրության վիճակի վերլուծության գործընթացում պողպատե արտադրանքը բնորոշող չափանիշների որոշման համար փորձարկվող նմուշներն ընտրում է յուրաքանչյուր 3 հաջորդող տրամագծերի խմբից` հետևյալ քանակությամբ՝

ա. պատրաստի ամրալարի քիմիական կազմը որոշելու համար՝ 3 նմուշ,

բ. տեխնիկական կանոնակարգով սահմանված բոլոր տեսակի փորձարկումների համար՝ 30 նմուշ:

45. Պողպատե արտադրանքի նույնականացման գործընթացում ստուգվում են անմիջապես դրանց փաթեթվածքի վրա կամ դրանց փակցված կամ ներդիր պիտակների վրա կատարված մակնշվածքի համապատասխանությունն ապրանքաուղեկից փաստաթղթում ներկայացված տեղեկատվությանը:

46. Փորձարկումները պետք է կատարվեն սույն տեխնիկական կանոնակարգի կիրառումն ապահովող ստանդարտներին համապատասխան:

47. Սերիական արտադրանքի համար համապատասխանության գնահատման նշանակված մարմինը հայտատուին համապատասխանության սերտիֆիկատը հանձնելու ժամանակ վերջինիս հետ կնքում է համապատասխանության սերտիֆիկատ տալու պայմանների պահպանման նկատմամբ իրականացվող հսկողության պայմանագիր, եթե համապատասխանության գնահատումն իրականացվել է սույն որոշման 44-րդ կետի 1-ին ենթակետով նախատեսված սերտիֆիկացման համար նախատեսված համապատասխանության գնահատման ընթացակարգով:

48. Համապատասխանության սերտիֆիկատի գործողության ժամկետի ընտրությունը պետք է կատարվի ըստ իրականացված համապատասխանության գնահատման ընթացակարգի՝ սերիական արտադրանքի համար՝ առավելագույնը 5 տարի ժամկետով, իսկ խմբաքանակի համար՝ առավելագույնը 1 տարի ժամկետով։

49. Պողպատե արտադրանքի սերիական սերտիֆիկացման դեպքում պարբերական գնահատումն իրականացվում է համապատասխանության սերտիֆիկատի գործողության ժամկետի ընթացքում՝ առնվազն տարեկան մեկ անգամ՝ սույն տեխնիկական կանոնակարգի 47-րդ կետում նշված պայմանագրի հիման վրա:

50. Սույն տեխնիկական կանոնակարգի 48-րդ կետում նշված սերիական արտադրանքի համապատասխանության հսկողության արդյունքների հիման վրա համապատասխանության գնահատում իրականացրած համապատասխանության գնահատման նշանակված մարմինն իրավունք ունի պահպանելու իր կողմից տրված համապատասխանության սերտիֆիկատի գործողության ժամկետը կամ այն կասեցնելու կամ դադարեցնելու:

51. Համապատասխանության սերտիֆիկատի գործողությունը կասեցնելու կամ դադարեցնելու դեպքում սերտիֆիկացում իրականացրած համապատասխանության գնահատման նշանակված մարմինը 5-օրյա ժամկետում դրա մասին տեղեկացնում է հայտատուին և գրավոր ծանուցում ստուգումներ իրականացնող իրավասու մարմիններին (անմիջականորեն կամ պատվիրված փոստային առաքմամբ՝ ներդրի մասին վերգրությամբ և հանձնման մասին ծանուցմամբ տեղեկատվություն ուղարկելու միջոցով):

52. Սերտիֆիկատի գործողության կասեցման ծանուցումը ստանալուց հետո հայտատուն կասեցման համար սահմանված ժամկետում պարտավոր է վերացնել արձանագրված թերությունները կամ անհամապատասխանությունները:

53. Սերտիֆիկատի գործողության կասեցման կամ դադարեցման ծանուցումը ստանալուց հետո հայտատուն 10-օրյա ժամկետում պետք է ապահովի տվյալ արտադրանքի շուկայից հետկանչում:

54. Սույն տեխնիկական կանոնակարգի 52-րդ կետում նշված գործողություններից հետո համապատասխանության գնահատման նշանակված մարմինը պարբերական գնահատման համար կնքում է նոր պայմանագիր, որտեղ պարբերական հսկողության ժամկետ է նշանակում պայմանագրում նշված ժամկետից առնվազն 2 անգամ ավելի հաճախ պարբերականությամբ: Սերտիֆիկատի գործողության ժամկետը կասեցման դեպքում շարունակվում է։ Եթե հայտնաբերված թերությունները նշված ժամանակահատվածից շուտ են վերացվում, ապա կասեցման վերացման ավարտ է համարվում թերությունները վերացնելու ժամկետը:

9․ ՉԱՓՈՒՄՆԵՐԻ ՄԻԱՍՆԱԿԱՆՈՒԹՅԱՆ ԱՊԱՀՈՎՈՒՄԸ

55. Պողպատե արտադրանքների չափումների միասնականությունը պետք է ապահովվի «Չափումների միասնականության ապահովման մասին» Հայաստանի Հանրապետության օրենքով սահմանված կարգով:

56. Սույն տեխնիկական կանոնակարգի պահանջներին պողպատե արտադրանքների պետական վերահսկողությունն իրականացվում է «Տեխնիկական կանոնակարգման մասին» և «Հայաստանի Հանրապետությունում ստուգումների կազմակերպման և անցկացման մասին» Հայաստանի Հանրապետության օրենքներով սահմանված կարգով և այլ իրավական ակտերով:

11․ ՏԵԽՆԻԿԱԿԱՆ ԿԱՆՈՆԱԿԱՐԳՈՎ ՍԱՀՄԱՆՎԱԾ ՊԱՀԱՆՋՆԵՐԻ ԿԱՏԱՐՈՒՄՆ ԱՊԱՀՈՎՈՂ ՍՏԱՆԴԱՐՏՆԵՐԻ ՑԱՆԿԸ

(հավելվածը խմբ. 10.11.22 N 1721-Ն)

Պաշտոնական հրապարակման օրը՝ 23 ապրիլի 2021 թվական: