«Գրանցված է»
ՀՀ արդարադատության
նախարարության կողմից
8 նոյեմբերի 2002 թ.
Պետական գրանցման թիվ 60302273

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՄՓՈՓ ՀԱՇՎԵՏՎՈՒԹՅՈՒՆ ԱՆՏԱՌԽԱԽՏՈՒՄՆԵՐԻ ՄԱՍԻՆ» ՁԵՎ ԹԻՎ 5-ԱՆՏԱՌՏՆՏ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Ամփոփ հաշվետվություն անտառխախտումների մասին» Ձև թիվ 5-անտառտնտն պետական վիճակագրական հաշվետվության ձևը և լրացման հրահանգը` համաձայն հավելված 1-ի:

Հ Ր Ա Հ Ա Ն Գ

«ԱՆՏԱՌԽԱԽՏՈՒՄՆԵՐԻ ՄԱՍԻՆ» ՁԵՎ N 5-ԱՆՏԱՌՏՆՏ (ՏԱՐԵԿԱՆ) ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Անտառխախտումների մասին» ձև N 5-անտառտնտ (տարեկան) ամփոփ պետական վիճակագրական հաշվետվության լրացման կարգը:

2. Հաշվետվությունը կազմում է Հայաստանի Հանրապետության բնապահպանության նախարարությունը, որն այդ մասին նախապես տեղեկացվում է:

3. Հաշվետվությունը ներկայացվում է Հայաստանի Հանրապետության Ազգային վիճակագրական ծառայություն` մինչև փետրվարի 10-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ Ա Ժ Ի Ն  1

ԱՆՏԱՌԽԱԽՏՈՒՄՆԵՐ

5. Տող 101-ում բերվում են շրջայցերի և ստուգումների ժամանակ հայտնաբերված և ակտավորված անտառխախտումների քանակներն ըստ խմբերի:

6. Անտառխախտումների ակտերի քանակները բերվում են սյունակներ 1, 4, 6, 8 և 10-ում:

7. Ապօրինի անտառհատումների ակտավորման ժամանակ նշվում է ինչպես հատված ծառերի, թփերի, գեղազարդային և տեխնիկական կուլտուրաների քանակը (սյունակ 2), այնպես էլ հատված փայտանյութի ծավալն՝ ըստ հատված ծառի բնի (սյունակ 3):

8. Չթույլատրված վայրերում անասունների արածեցման արձանագրման դեպքում նշվում է անասունների գլխաքանակը (սյունակ 5), իսկ ապօրինի հողազավթման (պետանտառֆոնդի տարածքում չթույլատրված հողօգտագործում, շինությունների կառուցում և այլն) և խոտհունձի դեպքում՝ տարածքը հեկտարով (սյունակներ 7 և 9):

Բ Ա Ժ Ի Ն  2

ԱՆՏԱՌԽԱԽՏՈՒՄՆԵՐԻ ԳՈՐԾԵՐԻ ՇԱՐԺԸ

9. Տող 201-ում բերվում են իրավապահ մարմիններին հանձնված անտառխախտումների ակտերի քանակներն ըստ բաժին 1-ում բերված խմբերի:

10. Տող 202-ում բերվում է իրավապահ մարմինների կողմից հարուցված քրեական գործերի քանակը:

11. Տող 203-ում բերվում է իրավապահ մարմինների կողմից չհարուցված քրեական գործերի քանակը:

12. Տող 204-ում բերվում է իրավապահ մարմինների կողմից կարճված գործերի քանակը:

13. Տող 205-ում բերվում է իրավապահ մարմինների կողմից նշանակված տույժերի գործերի քանակը:

Բ Ա Ժ Ի Ն  3

ԱՆՏԱՌԽԱԽՏՈՒՄՆԵՐԻ ՎՆԱՍԻ ԳՈՒՄԱՐԸ

14. Տող 301-ի համապատասխան սյունակներում բերվում են հայտնաբերված անտառխախտումների դիմաց սահմանված վնասի գումարները, որոնք ենթակա են գանձման, ըստ բաժին 1-ում բերված խմբերի:

15. Տող 302-ում բերվում են շրջայցերի և ստուգումների ժամանակ հայտնաբերված և ակտավորված անտառխախտումների դիմաց սահմանված այն գումարները, որոնք առանց իրավապահ մարմինների միջամտության կամավոր մուծվել են անտառխախտողների կողմից:

16. Տող 303-ում բերվում են իրավապահ մարմինների կողմից վճռված վնասի հատուցման այն գումարները, որոնք մուծել են անտառխախտողները:

17. Տող 304-ում բերվում են կամավոր և վճռման որոշումներով մուծված գումարներն ըստ անտառխախտման ակտերի:

Ա Մ Փ Ո Փ  Հ Ա Շ Վ Ե Տ Վ ՈՒ Թ Յ ՈՒ Ն

ԱՆՏԱՌԽԱԽՏՈՒՄՆԵՐԻ ՄԱՍԻՆ

200….թ. համար

Բ ա ժ ի ն  1

Բ ա ժ ի ն  2

Բ ա ժ ի ն  3