«Գրանցված է»
ՀՀ արդարադատության
նախարարության կողմից
16 դեկտեմբերի 2002 թ.
Պետական գրանցման թիվ 60302356

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ԲԱՆՋԱՐԵՂԵՆԻ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 7-ԳՆՈՒՄ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն բանջարեղենի գնումների մասին» Ձև թիվ 7-գնում (ամսական) պետական վիճակագրական հաշվետվության ձևը և լրացման հրահանգը` համաձայն թիվ 1 հավելվածի:

Հ Ր Ա Հ Ա Ն Գ

«ՀԱՇՎԵՏՎՈՒԹՅՈՒՆ ԲԱՆՋԱՐԵՂԵՆԻ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 7-ԳՆՈՒՄ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է ձև թիվ 7-գնում (ամսական) հաշվետվության լրացման կարգը:

2. Հաշվետվությունները լրացվում են գյուղատնտեսական մթերքի և հումքի գնումներ իրականացնող իրավաբանական անձանց կողմից, որոնք այդ մասին նախապես տեղեկացվում են, միայն հանրապետությունում արտադրված ծավալներից գնված գյուղատնտեսական մթերքի համար, հաշվետվության ձևերի վրա նշված ժամկետներին և պարբերականությամբ:

3. Հաշվետվության ցուցանիշները լրացվում են աճողական կարգով, տարվա սկզբից:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. «Գնվել է բանջարեղեն, ընդամենը»՝ թիվ 01 տողով, թիվ 1 և 2 սյունյակներում, լրացվում են հաշվետու ժամկետում գնված բոլոր տեսակի բանջարանոցային մշակաբույսերի քանակը և արժեքը:

6. Բանջարանոցային մշակաբույսերի, ըստ տեսակների, գնումների քանակները և արժեքները լրացվում են 02-07 տողերով, թիվ 1 և 2 սյունակներում: Մնացած բոլոր բանջարանոցային մշակաբույսերի (պղպեղ, սմբուկ, դդմիկ, բողկ, սալաթ և այլն) տվյալները լրացվում են «այլ բանջարեղեն»՝ թիվ 08 տողով:

7. «Բանջարեղենի ընդհանուր քանակից (տող 01) գնվել է առևտրային կազմակերպություններից»՝ թիվ 09 տողի թիվ 1 և 2 սյունակներում լրացվում են առևտրային կազմակերպություններից գնված բանջարեղենի քանակը և արժեքը:

8. «Գնվել է հացահատիկ, ընդամենը»՝ թիվ 10 տողով, թիվ 1 և 2 սյունակներում, լրացվում են հաշվետու ժամկետում գնված բոլոր տեսակի հացահատիկային մշակաբույսերի քանակը և արժեքը:

9. Հացահտտիկային մշակաբույսերի, ըստ տեսակների` ցորեն, գարի թիվ 11 և 12 տողերով գնումների քանակը և արժեքը լրացվում են թիվ 1 և 2 սյունակներում, ըստ հացահատիկային մշակաբույսերի տեսակների:

10. «Հացահատիկի ընդհանուր քանակից գնվել է առևտրայիին կազմակերպություններից»` թիվ 13 տողի 1 և 2-րդ սյունակներում լրացվում են առևտրային կազմակերպություններից գնված հացահատիկի քանակը և արժեքը:

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները և տեղեկատվությունը սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն՝ ՀՀ օրենսդրությամբ սահմանված կարգով:

ՀԱՇՎԵՏՎՈՒԹՅՈՒՆ ԲԱՆՋԱՐԵՂԵՆԻ ԳՆՈՒՄՆԵՐԻ ՄԱՍԻՆ

առ ____ __________ 200__թ