ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 նոյեմբերի 2022 թվականի N 1855-Ն

«Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներին, «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 23-րդ հոդվածի 3-րդ մասին համապատասխան՝ Հայաստանի Հանրապետության կառավարությունը որոշում է.

1. «Հայաստանի Հանրապետության 2022 թվականի պետական բյուջեի մասին» Հայաստանի Հանրապետության օրենքի N 1 հավելվածի N 2 աղյուսակում կատարել վերաբաշխում, N 3 աղյուսակում կատարել փոփոխություններ, ինչպես նաև Հայաստանի Հանրապետության կառավարության 2021 թվականի դեկտեմբերի 23-ի «Հայաստանի Հանրապետության 2022 թվականի պետական բյուջեի կատարումն ապահովող միջոցառումների մասին» N 2121-Ն որոշման NN 3, 4, 5, 9, 9.1 և 10 հավելվածներում կատարել փոփոխություններ և լրացումներ` համաձայն NN 1, 2, 3, 4, 5, 6, 7 և 8 հավելվածների:

2. Հայաստանի Հանրապետության տարածքային կառավարման և ենթակառուցվածքների նախարարին` 154,674.0 հազ. դրամ գումարը նվիրաբերության պայմանագրի հիման վրա հատկացնել Հայաստանի տարածքային զարգացման հիմնադրամին՝ սույն որոշման N 9 հավելվածում նշված մանկապարտեզների համար գույք ձեռք բերելու նպատակով:

3. Հայաստանի տարածքային զարգացման հիմնադրամի գործադիր տնօրենին՝

1) ուսումնասիրել և գնահատել սույն որոշման N 9 հավելվածում նշված մանկապարտեզների կարիքները՝ Հայաստանի Հանրապետության կրթության, գիտության, մշակույթի և սպորտի նախարարության կողմից տրամադրված նոր չափորոշչին համապատասխան անհրաժեշտ գույքով և սարքավորումներով ապահովման համար՝ ձեռք բերվելիք գույքի և սարքավորումների ցանկը համաձայնեցնելով Հայաստանի Հանրապետության կրթության, գիտության, մշակույթի և սպորտի նախարարի հետ.

2) սույն որոշման 2-րդ կետով նախատեսված գումարի՝ 2023 թվականի դեկտեմբերի 20-ի դրությամբ պայմանագրերով չծանրաբեռնված մնացորդը վերադարձնել Հայաստանի Հանրապետության պետական բյուջե:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. Փաշինյան
Երևան

01.12.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 1 ՀՀ կառավարության 2022 թվականի նոյեմբերի 24-ի N 1855-Ն որոշման

Հավելված N 2 ՀՀ կառավարության 2022 թվականի նոյեմբերի 24-ի N 1855-Ն որոշման

Հավելված N 3 ՀՀ կառավարության 2022 թվականի նոյեմբերի 24-ի N 1855-Ն որոշման

Հավելված N 4 ՀՀ կառավարության 2022 թվականի նոյեմբերի 24-ի N 1855-Ն որոշման

Հավելված N 5 ՀՀ կառավարության 2022 թվականի նոյեմբերի 24-ի N 1855-Ն որոշման

Հավելված N 6 ՀՀ կառավարության 2022 թվականի նոյեմբերի 24-ի N 1855-Ն որոշման

Հավելված N 7 ՀՀ կառավարության 2022 թվականի նոյեմբերի 24-ի N 1855-Ն որոշման

Հավելված N 8 ՀՀ կառավարության 2022 թվականի նոյեմբերի 24-ի N 1855-Ն որոշման

Հավելված N 9 ՀՀ կառավարության 2022 թվականի նոյեմբերի 24-ի N 1855-Ն որոշման

Պաշտոնական հրապարակման օրը՝ 2 դեկտեմբերի 2022 թվական: