ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
10 սեպտեմբերի 2015 թվականի N 1069-Ն
ԲՆԱԿԵԼԻ ՏԱՐԱԾՈՒԹՅՈՒՆ ՍՏԱՆԱԼՈՒ ԻՐԱՎՈՒՆՔ ՈՒՆԵՑՈՂ՝ ՍՈՑԻԱԼԱՊԵՍ ԱՆԱՊԱՀՈՎ ԵՎ ՀԱՏՈՒԿ ԽՄԲԵՐԻՆ ԴԱՍՎԱԾ ԱՆՁԱՆՑ ՑԱՆԿԸ, ԿԱՑԱՐԱՆՈՎ ԱՊԱՀՈՎԵԼՈՒ ԿԱՐԳԸ ԵՎ ՊԱՅՄԱՆՆԵՐԸ ՍԱՀՄԱՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ԱՊՐԻԼԻ 13-Ի N 614-Ն ՈՒ 2013 ԹՎԱԿԱՆԻ ՕԳՈՍՏՈՍԻ 1-Ի N 894-Ն ՈՐՈՇՈՒՄՆԵՐՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՓԵՏՐՎԱՐԻ 17-Ի N 304-Ն ՈՐՈՇՄԱՆ ՄԵՋ ԼՐԱՑՈՒՄ ՈՒ ՓՈՓՈԽՈՒԹՅՈՒՆ ԵՎ 2014 ԹՎԱԿԱՆԻ ԴԵԿՏԵՄԲԵՐԻ 25-Ի N 1516-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Ի կատարումն «Սոցիալական աջակցության մասին» Հայաստանի Հանրապետության օրենքի 12-րդ հոդվածի 4-րդ մասի և «Առանց ծնողական խնամքի մնացած երեխաների սոցիալական պաշտպանության մասին» Հայաստանի Հանրապետության օրենքի 9-րդ հոդվածի 3-րդ մասի` Հայաստանի Հանրապետության կառավարությունը որոշում է.
1. Սահմանել՝
1) բնակելի տարածություն ստանալու իրավունք ունեցող՝ սոցիալապես անապահով և հատուկ խմբերին դասված անձանց ցանկը` համաձայն N 1 հավելվածի.
2) բնակելի տարածություն ստանալու իրավունք ունեցող՝ սոցիալապես անապահով և հատուկ խմբերին դասված անձանց (ընտանիքներին) հաշվառելու և կացարան տրամադրելու կարգը` համաձայն N 2 հավելվածի.
3) (ենթակետն ուժը կորցրել է 29.03.19 N 364-Ն)
4) որոշակի բնակության վայր չունեցող անձանց ժամանակավոր օթևանի տեսակները, կացարանով ապահովելու կարգը, պայմանները և չափորոշիչները՝ համաձայն N 4 հավելվածի.
5) հատուկ խմբերին դասված որոշակի կատեգորիայի անձանց կացարանով ապահովելու կարգը և պայմանները` համաձայն N 5 հավելվածի.
6) կացարանի վարձակալության պայմանագրի կնքման առանձնահատկությունները` համաձայն N 6 հավելվածի:
(1-ին կետը լրաց. 18.08.16 N 847-Ն, փոփ. 29.03.19 N 364-Ն, խմբ. 03.11.22 N 1699-Ն)
2. Սահմանել, որ՝
1) յուրաքանչյուր տարվա համար Հայաստանի Հանրապետության պետական բյուջեից հատկացվելիք ֆինանսական միջոցների ծավալները որոշվում են սոցիալական տան կողմից կացարանի և այլ սոցիալական ծառայությունների տրամադրման մեկ միավորի արժեքով, որի ձևավորման հաշվարկները կարող են վերանայվել յուրաքանչյուր տարվա բյուջետային գործընթացի շրջանակներում և (կամ) միավորի (կացարանի) թվի փոփոխության դեպքում.
2) 2017 թվականի հունվարի 1-ից՝ սույն որոշման 1-ին կետի 3-րդ և 4-րդ ենթակետերում նշված անձանց կացարան տրամադրող՝ պետական կամ տեղական ինքնակառավարման մարմինների ենթակայության ներքո չգտնվող կազմակերպությունները պետական աջակցությամբ իրականացվող ծրագրերում կարող են ընդգրկվել և (կամ) սոցիալական աջակցության բնագավառում Հայաստանի Հանրապետության կառավարության լիազորած պետական կառավարման մարմնի հետ համագործակցության շրջանակներում՝ սոցիալական ոլորտում իրականացվող ծրագրերին կարող են մասնակցել միայն «Սոցիալական աջակցության մասին» Հայաստանի Հանրապետության օրենքի 6-րդ հոդվածի 3-րդ մասում նշված` Հայաստանի Հանրապետության կառավարության որոշմամբ սահմանված կարգով տվյալ սոցիալական ծառայության տրամադրման գործունեությունը սոցիալական աջակցության բնագավառում Հայաստանի Հանրապետության կառավարության լիազորած պետական կառավարման մարմնում հավաստագրելու դեպքում.
3) սույն որոշումն ուժի մեջ մտնելու օրվան նախորդող օրվա դրությամբ՝
ա. Հայաստանի Հանրապետության կառավարության 2003 թվականի հուլիսի 23-ի N 983-Ն որոշման հավելվածի 17-րդ կետի և 2013 թվականի օգոստոսի 1-ի N 894-Ն որոշման N 2 հավելվածի 3-րդ կետի համաձայն կնքված պայմանագրերը գործում են մինչև դրանց գործողության ժամկետի ավարտը,
բ. Հայաստանի Հանրապետության կառավարության 2013 թվականի օգոստոսի 1-ի N 894-Ն որոշման համաձայն բնակելի տարածության կարիք ունեցող անձանց հերթացուցակում ներառված անձինք (ընտանիքները) հերթով տեղափոխվում են սույն որոշման N 2 հավելվածով նախատեսված` բնակելի տարածություն ստանալու իրավունք ունեցող անձանց (ընտանիքների) հերթացուցակ,
գ. Հայաստանի Հանրապետության կառավարության 2003 թվականի հուլիսի 23-ի N 983-Ն որոշման համաձայն հատկացված սոցիալական բնակարանային ֆոնդում կացարան ազատվելու դեպքում, այն Հայաստանի Հանրապետության աշխատանքի և սոցիալական հարցերի նախարարի որոշմամբ առաջնահերթ տրամադրվում է բնակելի տարածություն ստանալու իրավունք ունեցող անձանց (ընտանիքների) հերթացուցակում ընդգրկված մանկական խնամակալական կազմակերպությունների շրջանավարտներին` «Սոցիալական աջակցության մասին» Հայաստանի Հանրապետության օրենքով սահմանված ազգային մակարդակում ընդունված սոցիալական համագործակցության համաձայնագրով նախատեսված համակարգող խորհրդի պատշաճ հիմնավորված առաջարկության հիման վրա.
4) Հայաստանի Հանրապետության կառավարության 2003 թվականի հուլիսի 23-ի N 983-Ն որոշման համաձայն բնակարաններում տեղավորված անձինք (ընտանիքները) շարունակում են անհատույց օգտագործման իրավունքով բնակվել այդ կացարաններում` սույն որոշման N 2 հավելվածի 3-րդ կետով սահմանված կարգով` 42-րդ կետի 2-րդ ենթակետով սահմանված ժամկետով՝ Հայաստանի Հանրապետության կառավարության 2014 թվականի դեկտեմբերի 18-ի N 1452-Ն որոշման 4-րդ կետի համաձայն ընտրված կազմակերպության կազմած դրական եզրակացության հիման վրա:
(2-րդ կետը լրաց. 18.08.16 N 847-Ն)
3. Ուժը կորցրած ճանաչել`
1) Հայաստանի Հանրապետության կառավարության 2006 թվականի ապրիլի 13-ի «Ժամանակավոր օթևանի տրամադրման կարգը և պայմանները հաստատելու մասին» N 614-Ն որոշումը.
2) Հայաստանի Հանրապետության կառավարության 2013 թվականի օգոստոսի 1-ի «Բնակելի տարածություն ստանալու իրավունք ունեցող սոցիալապես անապահով և հատուկ խմբերին դասված անձանց ցանկը և բնակելի տարածության կարիք ունեցող սոցիալապես անապահով և հատուկ խմբերին դասված անձանց (ընտանիքներին) հաշվառելու, կացարանի և այլ սոցիալական ծառայությունների տրամադրման կարգը հաստատելու, Հայաստանի Հանրապետության կառավարության 2011 թվականի փետրվարի 17-ի N 304-Ն որոշման մեջ փոփոխություն կատարելու և Հայաստանի Հանրապետության կառավարության 2003 թվականի հուլիսի 23-ի N 983-Ն որոշումն ուժը կորցրած ճանաչելու մասին» N 894-Ն որոշումը.
3) Հայաստանի Հանրապետության կառավարության 2014 թվականի դեկտեմբերի 25-ի «Հայաստանի Հանրապետության կառավարության 2013 թվականի օգոստոսի 1-ի N 894-Ն որոշման մեջ փոփոխություններ և լրացումներ կատարելու մասին» N 1516-Ն որոշման 2-րդ կետը:
4. Հայաստանի Հանրապետության կառավարության 2011 թվականի փետրվարի 17-ի «Պետական սեփականություն հանդիսացող անշարժ գույքի անհատույց օգտագործման տրամադրման կարգը հաստատելու մասին» N 304-Ն որոշման մեջ կատարել հետևյալ լրացումը և փոփոխությունը՝
1) որոշման 4-րդ կետը «բաշխման» բառից հետո լրացնել «և հատուկ խմբերին դասված որոշակի կատեգորիայի անձանց ժամանակավոր հիմունքներով բնակելի տարածքի հատկացման» բառերով.
2) որոշման հավելվածի 9-րդ կետում «2013 թվականի օգոստոսի 1-ի «Բնակելի տարածություն ստանալու իրավունք ունեցող սոցիալապես անապահով և հատուկ խմբերին դասված անձանց ցանկը և բնակելի տարածության կարիք ունեցող սոցիալապես անապահով և հատուկ խմբերին դասված անձանց (ընտանիքներին) հաշվառելու, կացարանի և այլ սոցիալական ծառայությունների տրամադրման կարգը հաստատելու, Հայաստանի Հանրապետության կառավարության 2011 թվականի փետրվարի 17-ի N 304-Ն որոշման մեջ փոփոխություն կատարելու և Հայաստանի Հանրապետության կառավարության 2003 թվականի հուլիսի 23-ի N 983-Ն որոշումն ուժը կորցրած ճանաչելու մասին» N 894-Ն» բառերը փոխարինել «Հայաստանի Հանրապետության կառավարության 2015 թվականի սեպտեմբերի 10-ի «Բնակելի տարածություն ստանալու իրավունք ունեցող՝ սոցիալապես անապահով և հատուկ խմբերին դասված անձանց ցանկը, կացարանով ապահովելու կարգը և պայմանները սահմանելու, Հայաստանի Հանրապետության կառավարության 2006 թվականի ապրիլի 13-ի N 614-Ն ու 2013 թվականի օգոստոսի 1-ի N 894-Ն որոշումներն ուժը կորցրած ճանաչելու և Հայաստանի Հանրապետության կառավարության 2011 թվականի փետրվարի 17-ի N 304-Ն որոշման մեջ լրացում ու փոփոխություն և 2014 թվականի դեկտեմբերի 25-ի N 1516-Ն որոշման մեջ փոփոխություն կատարելու մասին» N 1069-Ն» բառերով:
5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հայաստանի Հանրապետության 2015 թ. սեպտեմբերի 30 Երևան
վարչապետՀ. Աբրահամյան
|
Հավելված N 1 |
Ց Ա Ն Կ
ԲՆԱԿԵԼԻ ՏԱՐԱԾՈՒԹՅՈՒՆ ՍՏԱՆԱԼՈՒ ԻՐԱՎՈՒՆՔ ՈՒՆԵՑՈՂ՝ ՍՈՑԻԱԼԱՊԵՍ ԱՆԱՊԱՀՈՎ ԵՎ ՀԱՏՈՒԿ ԽՄԲԵՐԻՆ ԴԱՍՎԱԾ ԱՆՁԱՆՑ
1. Բնակելի տարածություն ստանալու իրավունք ունեցող՝ սոցիալապես անապահով և հատուկ խմբերին են դասվում սեփականության իրավունքով իրենց պատկանող բնակելի տարածություն չունեցող ինքնասպասարկման ապահովման ունակություն ունեցող, ժամանակավոր կացարանում կամ հասարակական նշանակության այլ օբյեկտներում բնակվող հետևյալ անձինք (խմբերը)`
1) «Առանց ծնողական խնամքի մնացած երեխաների սոցիալական պաշտպանության մասին» Հայաստանի Հանրապետության օրենքով սահմանված կարգով առանց ծնողական խնամքի մնացած երեխաների թվին դասվող անձինք.
2) ընտանիքների անապահովության գնահատման համակարգում հաշվառված` մինչև 18 տարեկան անդամ ունեցող ընտանիքները, որոնց անապահովության միավորը բարձր է 0-ից` որպես սատարող ընտանիք.
3) ընտանիքների անապահովության գնահատման համակարգում հաշվառված, անապահովության 0-ից բարձր միավոր ունեցող հետևյալ անձինք (ընտանիքները)`
ա. Հայաստանի Հանրապետության կառավարության 2014 թվականի հունվարի 30-ի N 145-Ն որոշման N 3 հավելվածի 14-րդ կետի 7-րդ և 8-րդ ենթակետերով սահմանված կարգով որպես «միայնակ չաշխատող կենսաթոշակառու» հաշվառված անձինք (ընտանիքներ), այդ թվում` նրա (նրանց) աշխատելու դեպքում,
բ. միածնող ընտանիք, եթե ամուսիններից մեկը մահացել է, կամ միայնակ անձի կողմից որդեգրվել է երեխա,
գ. Հայաստանի Հանրապետության օրենսդրությամբ սահմանված կարգով փախստական ճանաչված և ապաստան ստացած անձինք:
(1-ին կետը լրաց. 28.12.17 N 1705-Ն)
(հավելվածը լրաց. 28.12.17 N 1705-Ն)
|
Հայաստանի Հանրապետության |
Դ. Հարությունյան |
|
Հավելված N 2 |
Կ Ա Ր Գ
ԲՆԱԿԵԼԻ ՏԱՐԱԾՈՒԹՅՈՒՆ ՍՏԱՆԱԼՈՒ ԻՐԱՎՈՒՆՔ ՈՒՆԵՑՈՂ՝ ՍՈՑԻԱԼԱՊԵՍ ԱՆԱՊԱՀՈՎ ԵՎ ՀԱՏՈՒԿ ԽՄԲԵՐԻՆ ԴԱՍՎԱԾ ԱՆՁԱՆՑ (ԸՆՏԱՆԻՔՆԵՐԻՆ) ՀԱՇՎԱՌԵԼՈՒ ԵՎ ԿԱՑԱՐԱՆ ՏՐԱՄԱԴՐԵԼՈՒ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով կարգավորվում են սոցիալապես անապահով և հատուկ խմբերին դասված անձանց (ընտանիքներին) կացարանի տրամադրման հետ կապված հարաբերությունները:
2. Սույն կարգում օգտագործվում են հետևյալ հիմնական հասկացությունները`
1) սոցիալական բնակարանային ֆոնդ` պետական, համայնքային կամ այլ դոնոր կազմակերպությունների աջակցությամբ իրականացվող ծրագրերի շրջանակներում ձևավորվող բնակարանային ֆոնդի ամբողջություն.
2) կացարան` սոցիալական բնակարանային ֆոնդի բնակելի տարածք (բնակարան, բնակելի տուն, սենյակ).
3) սոցիալական տուն` սոցիալական բնակարանային ֆոնդի մեկ միավոր, որում ներառված կացարանները գտնվում են նույն համայնքում կամ դրանց ցանցն աշխարհագրորեն տեղակայված է մինչև 3 կմ շառավղով.
4) հանրակացարանային տիպի կացարան` սոցիալական տան առանձին սենյակներ, որոնք տրամադրվում են առկա ուսուցման եղանակով միջին մասնագիտական և բարձրագույն ուսումնական հաստատությունում սովորող՝ բնակելի տարածության կարիք ունեցող ուսանողներին.
5) սատարող ընտանիք` սոցիալական տանը բնակվող ընտանիք, որն աջակցում է նույն սոցիալական տանը բնակվող տարեցներին և հաշմանդամություն ունեցող անձանց՝ իրենց սոցիալ-կենցաղային խնդիրների լուծման հարցերում:
3. Հայաստանի Հանրապետության կառավարության 2015 թվականի սեպտեմբերի 10-ի N 1069-Ն որոշման (այսուհետ` որոշում) N 1 հավելվածով նախատեսված՝ բնակելի տարածություն ստանալու իրավունք ունեցող անձը կացարանում տեղավորվում է, և նրան այլ սոցիալական ծառայություններ տրամադրվում են Հայաստանի Հանրապետության օրենսդրությամբ սահմանված կարգով` «Հանգրվան» պետական ոչ առևտրային կազմակերպության (այսուհետ` կազմակերպություն) կողմից:
4. Պետական աջակցությամբ ձևավորված սոցիալական տան կացարանները, այդ թվում` հանրակացարանային տիպի կացարանները, բաշխվում են որոշման N 1 հավելվածով հաստատված՝ սոցիալապես անապահով և հատուկ բոլոր խմբերի միջև համապատասխան հերթացուցակներում ներառված անձանց (ընտանիքներին)՝ համաձայն Հայաստանի Հանրապետության աշխատանքի և սոցիալական հարցերի նախարարի հրամանի, ընդ որում, որոշման N 1 հավելվածով նախատեսված սոցիալապես անապահով և հատուկ խմբերից որևէ մեկին դասված անձանց չի կարող տրամադրվել նույն հասցեում գտնվող բազմաբնակարան շենքում կացարանների 50 տոկոսից ավելին: Որոշման N 1 հավելվածով նախատեսված՝ սոցիալապես անապահով և հատուկ խմբերի միջև կացարանների բաշխման ժամանակ առավել մեծ թվաքանակների սահմանման առաջնահերթությունը որոշվում է հետևյալ հերթականությամբ`
1) առանց ծնողական խնամքի մնացած երեխաների թվին դասվող անձինք.
2) միածնող ընտանիք, եթե ամուսիններից մեկը մահացել է, կամ միայնակ անձի կողմից որդեգրվել է երեխա.
3) միայնակ չաշխատող կենսաթոշակառու (կենսաթոշակառուներ), այդ թվում` նրա (նրանց) աշխատելու դեպքում.
4) սատարող ընտանիքներ.
5) Հայաստանի Հանրապետության օրենսդրությամբ սահմանված կարգով փախստական ճանաչված և ապաստան ստացած անձինք:
(4-րդ կետը լրաց. 28.12.17 N 1705-Ն)
(հավելվածը լրաց. 28.12.17 N 1705-Ն)
II. ԲՆԱԿԵԼԻ ՏԱՐԱԾՈՒԹՅՈՒՆ ՍՏԱՆԱԼՈՒ ԻՐԱՎՈՒՆՔ ՈՒՆԵՑՈՂ ԱՆՁԱՆՑ ՀԱՇՎԱՌՈՒՄԸ
5. Կացարանում տեղավորվելու համար սոցիալապես անապահով և հատուկ խմբերին դասված անձը կամ ընտանիքը (այսուհետ` դիմող) դիմում է իր փաստացի բնակության վայրի միասնական սոցիալական ծառայության տարածքային կենտրոն (այսուհետ` կենտրոն) և հաշվառվում Հայաստանի Հանրապետության օրենսդրությամբ սահմանված կարգով՝ ներկայացնելով դիմում` համաձայն N 1 ձևի:
(5-րդ կետը փոփ. 25.03.21 N 396-Ն)
6. Առանց ծնողական խնամքի մնացած երեխաների հաշվառման համար դիմողը դիմումին կից ներկայացնում է նաև խնամակալության և հոգաբարձության մարմնի կողմից տրված առանց ծնողական խնամքի մնացած երեխա հաշվառված լինելու մասին տեղեկանքը և դրա լուսապատճենը:
7. Կենտրոնը դիմումը և անհրաժեշտ փաստաթղթերն ընդունելուց հետո եռօրյա ժամկետում առցանց հարցում է կատարում Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տեղեկատվական շտեմարան` սույն կարգի 5-րդ կետով սահմանված դիմողի անվամբ Հայաստանի Հանրապետության ամբողջ տարածքում բնակելի տարածության նկատմամբ սեփականության իրավունքի գրանցման, ինչպես նաև դիմումը ներկայացնելու ամսվան նախորդող հինգ տարվա ընթացքում բնակելի տարածության օտարման մասին տվյալներ ստանալու նպատակով:
8. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեն սույն կարգի 7-րդ կետով նախատեսված հարցումն ստանալուց հետո պատասխանում է յոթ աշխատանքային օրվա ընթացքում:
9. Կենտրոնի աշխատողը սույն կարգի 7-րդ կետով սահմանված կարգով ստացած տվյալները համեմատում է դիմողի դիմումում ներառված տվյալների հետ, անհամապատասխանության դեպքում դրա մասին տեղեկացնում է դիմողին, իսկ տեղեկանքը (տվյալները) տպում և ներկայացնում է կենտրոնի ղեկավարին` ստանալու օրվան հաջորդող երեք օրվա ընթացքում, որը հաստատվելուց հետո տեղադրվում է սոցիալական գործի մեջ:
10. Կենտրոնը` որպես սատարող ընտանիք հաշվառվելու համար ներկայացված դիմումը սույն կարգով սահմանված պահանջներին համապատասխան ընթացք տալուց հետո եռօրյա ժամկետում ներկայացնում է «Սոցիալական աջակցության մասին» Հայաստանի Հանրապետության օրենքի 35-րդ հոդվածով սահմանված տարածքային մակարդակում ձևավորված համակարգող խորհրդի (այսուհետ` խորհուրդ) քննարկմանը:
11. Սատարող ընտանիքի ընտրությունը կատարվում է խորհրդի պատշաճ հիմնավորված առաջարկության հիման վրա` ընտանիքների հետ անցկացված հարցազրույցի, սոցիալ-տնտեսական և սոցիալ-հոգեբանական վիճակի ուսումնասիրությունների արդյունքում` հաշվի առնելով, որ՝
1) ընտանիքը բաղկացած է առնվազն ծնողներից և երեխաներից.
2) ընտանիքը չունի ազգակցական կապ սոցիալական տանը բնակվող մյուս բնակիչների (ընտանիքների) հետ.
3) ընտանիքը սոցիալական տան գտնվելու վայրի համայնքի բնակիչ է.
4) ընտանիքի չափահաս անդամներից առնվազն մեկն ունի եկամուտ.
5) ընտանիքում տիրում են բարոյահոգեբանական առողջ հարաբերություններ և այլն:
12. Խորհուրդն իր առաջարկությունը կենտրոն է ներկայացնում կենտրոնի համապատասխան գրությունն ստանալուց հետո մեկամսյա ժամկետում:
13. Խորհրդի առաջարկությունը տեղադրվում է սոցիալական գործում:
14. Կենտրոնը խնամակալության և հոգաբարձության մարմնի կողմից՝ որպես առանց ծնողական խնամքի մնացած երեխա հաշվառված անձին հաշվառում է նրա օրինական ներկայացուցչի տվյալներով` նշելով, որ բնակելի տարածություն ստանալու իրավունքը ծագում է այդ երեխայի համար՝ նրա 18 տարին լրանալու կամ անչափահասի` օրենքով սահմանված կարգով լրիվ գործունակ ճանաչելու օրը:
15. Բնակելի տարածության համար հաշվառումը մերժվում է`
1) եթե դիմողն օտարել է բնակելի տարածությունը` հաշվառման վերցնելու ժամկետին նախորդող 5 տարվա ընթացքում.
2) եթե դիմողը որոշմամբ սահմանված կարգով բնակվում է կացարանում.
3) որոշմամբ սահմանված հիմքերի բացակայության դեպքում.
4) «Սոցիալական աջակցության մասին» Հայաստանի Հանրապետության օրենքով սահմանված դեպքերում:
16. Կենտրոնի աշխատողը, դիմումն ընդունելիս, դիմողին ծանոթացնում է կացարանում տեղավորվելու համար հաշվառման և դրա տրամադրման կարգին: Դիմողին` որպես բնակելի տարածության կարիք ունեցող անձ (ընտանիք) ճանաչելու կամ հաշվառումը մերժելու մասին որոշում կայացնելու դեպքում կենտրոնը դրա մասին 3 աշխատանքային օրվա ընթացքում տեղեկացնում է դիմողին, մերժման դեպքում` նշելով մերժելու պատճառը և որոշումը բողոքարկելու կարգը:
III. ԲՆԱԿԵԼԻ ՏԱՐԱԾՈՒԹՅՈՒՆ ՍՏԱՆԱԼՈՒ ԻՐԱՎՈՒՆՔ ՈՒՆԵՑՈՂ ԱՆՁԱՆՑ ՏՎՅԱԼՆԵՐԻ ՏԵՂԵԿԱՏՎԱԿԱՆ ԵՆԹԱՀԱՄԱԿԱՐԳԸ
17. Բնակելի տարածության իրավունք ունեցող անձանց (ընտանիքների) դիմումներում ներառված և կից ներկայացված փաստաթղթերում առկա (առցանց ստացված) տվյալների հիման վրա Հայաստանի Հանրապետության աշխատանքի և սոցիալական հարցերի նախարարությունը (այսուհետ` նախարարություն) ստեղծում է բնակելի տարածության իրավունք ունեցող անձանց տվյալների տեղեկատվական ենթահամակարգը (այսուհետ` տեղեկատվական ենթահամակարգ) և տիրապետում դրան, իսկ սպասարկում և շահագործում է Հայաստանի Հանրապետության կառավարության լիազորած կազմակերպությունը:
18. Տեղեկատվական ենթահամակարգը բաղկացած է տեղական և կենտրոնական տեղեկատվական շտեմարաններից, ընդ որում, տեղական տեղեկատվական շտեմարանը ձևավորվում է կենտրոնների կողմից` կացարանում տեղավորվելու համար դիմած անձանց ներկայացրած տվյալների հիման վրա` դրանք ամբողջական ստանալուց հետո երեք աշխատանքային օրվա ընթացքում:
19. Տեղական տեղեկատվական շտեմարանում կատարված փոփոխություններն անմիջապես արտացոլվում են կենտրոնական տեղեկատվական շտեմարանում:
20. Տեղական տեղեկատվական շտեմարանում տվյալների ներառման ժամանակ կատարված տեխնիկական սխալներն ուղղվում են դրանց պատշաճ հիմնավորումները նախարարություն ներկայացնելուց հետո 7-օրյա ժամկետում` սոցիալական աջակցության տեղեկատվական շտեմարանների սպասարկման և շահագործման բնագավառում Հայաստանի Հանրապետության կառավարության լիազորած կազմակերպության կողմից:
IV. ԲՆԱԿԵԼԻ ՏԱՐԱԾՈՒԹՅՈՒՆ ՍՏԱՆԱԼՈՒ ԻՐԱՎՈՒՆՔ ՈՒՆԵՑՈՂ ԱՆՁԱՆՑ (ԸՆՏԱՆԻՔՆԵՐԻ) ՀԵՐԹԱՑՈՒՑԱԿԻ ՁԵՎԱՎՈՐՈՒՄԸ
21. Բնակելի տարածություն ստանալու իրավունք ունեցող անձանց (ընտանիքների) հերթացուցակը ձևավորվում է տեղեկատվական շտեմարանում առկա տվյալների հիման վրա` ըստ դիմումը տալու օրվա, բնակության վայրի (համայնքի) և սոցիալական խմբի:
22. Եթե բնակելի տարածություն ստանալու իրավունք ունեցող անձը (ընտանիքը) միաժամանակ դասվում է որոշման N 1 հավելվածով նախատեսված սոցիալական խմբերից մեկից ավելի խմբին, ապա նա հաշվառվում է համապատասխանաբար յուրաքանչյուր առանձին հերթացուցակում:
23. Բնակելի տարածություն ստանալու իրավունք ունեցող անձինք (ընտանիքները) հաշվառումից հանվում են`
1) կացարանում տեղավորվելու (այդ թվում` մեկից ավելի սոցիալական խումբ ունենալու պարագայում` դրանցից որևէ մեկի հիմքով կացարանով ապահովվելու դեպքում).
2) Հայաստանի Հանրապետության օրենսդրությամբ սահմանված կարգով Հայաստանի Հանրապետության պետական բյուջեով նախատեսված ծրագրերի շրջանակներում իրականացվող բնակարանային ապահովման ծրագրերի շրջանակներում բնակարանային պայմանները բարելավելու կամ սեփականության իրավունքով բնակելի տարածություն ձեռք բերելու (այդ թվում` ժառանգություն, նվիրատվություն և այլն) դեպքում.
3) որոշման N 1 հավելվածի 1-ին կետի 2-րդ և 3-րդ ենթակետերով նախատեսված հիմքերի վերացման դեպքում.
4) Հայաստանի Հանրապետությունից այլ պետություն մշտական բնակության մեկնելու դեպքում՝ բացառությամբ սույն կարգի 24-րդ կետով սահմանված դեպքի.
5) դիմողի կողմից հաշվառումից դուրս գալու մասին գրավոր դիմումի դեպքում.
6) հատկացվող կացարանից երկրորդ անգամ գրավոր հրաժարվելու դեպքում` համաձայն N 2 ձևի.
7) որպես բնակելի տարածություն ստանալու իրավունք ունեցող հաշվառվելու համար ոչ հավաստի տեղեկություններ ներկայացնելու դեպքում.
8) դիմողի մահվան դեպքում՝ բացառությամբ սույն կարգի 24-րդ կետով սահմանված դեպքի:
24. Սույն կարգի 23-րդ կետի 4-րդ և 8-րդ ենթակետերով նախատեսված դեպքերում ընտանիքը պահպանում է հերթացուցակում համապատասխան համարով հաշվառումը, եթե այդ պահի դրությամբ դիմողի ընտանիքի որևէ այլ անդամի համար չեն վերացել հաշվառման համապատասխան հիմքերը:
V. ԿԱՑԱՐԱՆԻ ՏՐԱՄԱԴՐՈՒՄԸ
25. Կացարանը տրամադրվում է բնակելի տարածություն ստանալու իրավունք ունեցող անձանց (ընտանիքների) հաշվառման ցուցակում ընդգրկված անձին (ընտանիքին)` ըստ սոցիալական խմբի և ըստ հաշվառման հերթականության՝ Հայաստանի Հանրապետության աշխատանքի և սոցիալական հարցերի նախարարի (այսուհետ՝ նախարար) հրամանի համաձայն:
26. Կազմակերպությունը սոցիալական տանը` բնակչի կողմից կացարանն ազատվելու օրվանից հետո հինգ աշխատանքային օրվա ընթացքում դրա մասին տեղեկացնում է նախարարությանը:
27. Սոցիալական տան ազատված կացարանում բնակչի տեղավորման վերաբերյալ սույն կարգի 33-րդ կետով նախատեսված առաջարկությունը ներկայացնելու առաջնահերթությունները սահմանվում են սույն կարգի 25-րդ կետով սահմանված դրույթի համաձայն` հետևյալ հերթականությամբ`
1) սոցիալական տան գտնվելու վայրի համայնքի բնակիչներից առավել վաղ հաշվառված անձը (ընտանիքը).
2) Հայաստանի Հանրապետության կառավարության 2015 թվականի հունիսի 4-ի N 582-Ն որոշման N 1 հավելվածով նախատեսված այն տարածքի բնակիչներից առավել վաղ հաշվառված անձը (ընտանիքը), որում գտնվում է սոցիալական տան գտնվելու համայնքը.
3) Հայաստանի Հանրապետության այն մարզի բնակիչներից առավել վաղ հաշվառված անձը (ընտանիքը), որում գտնվում է սոցիալական տան գտնվելու համայնքը.
4) հանրապետական ցուցակում առավել վաղ հաշվառված անձը (ընտանիքը):
28. Սոցիալական տան ազատված կացարանում բնակելի տարածություն ստանալու իրավունք ունեցող անձանց հաշվառման ցուցակում ընդգրկված անձին (ընտանիքին) արտահերթ տեղավորելու վերաբերյալ որոշումն ընդունում է նախարարը՝ «Սոցիալական աջակցության մասին» Հայաստանի Հանրապետության օրենքով սահմանված ազգային մակարդակում ընդունված սոցիալական համագործակցության համաձայնագրով նախատեսված համակարգող խորհրդի (այսուհետ՝ համակարգող խորհուրդ) պատշաճ հիմնավորված առաջարկության հիման վրա:
29. Սոցիալական տան ազատված կացարանում բնակելի տարածություն ստանալու իրավունք ունեցող անձանց հաշվառման ցուցակում ընդգրկված անձին (ընտանիքին) արտահերթ տեղավորելու վերաբերյալ հարցը համակարգող խորհրդի քննարկմանը կարող է ներկայացվել՝
1) նախարարության պատասխանատու ստորաբաժանման կողմից.
2) համակարգող խորհրդի անդամ կազմակերպություններից որևէ մեկի կողմից.
3) բնակելի տարածություն ստանալու իրավունք ունեցող անձի (ընտանիքի) դիմելու դեպքում:
30. Համակարգող խորհրդի քննարկմանը սոցիալական տան ազատված կացարանում բնակելի տարածություն ստանալու իրավունք ունեցող անձանց հաշվառման ցուցակում ընդգրկված անձին (ընտանիքին) արտահերթ տեղավորման վերաբերյալ առաջարկությանը կից ներկայացվում են այն տվյալները (փաստերը, հանգամանքները) և դրանք հավաստող փաստաթղթերը, որոնք հիմք են հանդիսացել տվյալ առաջարկության համար:
31. Սույն կարգի 30-րդ կետով նախատեսված առաջարկության համար կողմնորոշիչ հանգամանքներ են՝
1) դիմողի՝ որոշակի բնակության վայր չունենալը.
2) դիմողի՝ ընտանիքում մինչև 5 տարեկան երեխաների թիվը.
3) դիմողի կամ դիմողի կնոջ հղի լինելը.
4) դիմողի՝ փաստացի բնակության ընտանիքում միջանձնային լարված հարաբերությունների և (կամ) բռնության կամ բռնության սպառնալիքի առկայությունը.
5) դիմողի՝ տվյալ ուսումնական տարում մասնագիտական ուսումնական համապատասխան հաստատություն ընդունվելը կամ սովորելը.
6) դիմողի կամ դիմողի ընտանիքի անդամի՝ վերջին երեք տարվա ընթացքում ժամկետային զինծառայությունից զորացրված լինելը.
7) դիմողի կամ դիմողի ընտանիքի անդամի՝ քրեակատարողական հիմնարկից վերադարձած, Հայաստանի Հանրապետության օրենսդրությամբ սահմանված հանրային աշխատանքներ կատարող անձ լինելը, պատիժը պայմանականորեն չկիրառելու փորձաշրջանում գտնվելը, պատիժը կրելուց պայմանական վաղաժամկետ ազատված լինելը.
8) դիմողի կամ դիմողի ընտանիքի անդամների հաշմանդամություն ունենալու հանգամանքը.
9) ընտանիքում նույն կարգավիճակ ունեցող (առանց ծնողական խնամքի մնացած երեխաների թվին դասված անձ, մանկատան շրջանավարտ լինելը և այլն) քույրեր, եղբայրներ լինելը.
10) կյանքի դժվարին վիճակում գտնվելու այլ հանգամանքներ:
32. Համակարգող խորհրդի նիստը հրավիրվում է առաջարկությունն ստանալուց հետո՝ ոչ ուշ, քան տասը աշխատանքային օրվա ընթացքում:
33. Նախարարությունը բնակելի տարածություն ստանալու իրավունք ունեցող անձանց (ընտանիքների) համապատասխան սոցիալական խմբի հաշվառման ցուցակի` այդ պահի դրությամբ առաջին համարով հաշվառված անձի բնակության վայրի կենտրոնին առաջարկում է կազմակերպել տվյալ անձի (ընտանիքի) տվյալների կրկնակի ուսումնասիրություն՝ 15-օրյա ժամկետում, և սույն կարգի 23-րդ կետով նախատեսված հիմքերի բացակայության դեպքում կենտրոնը որոշում է ընդունում տվյալ անձին կացարան տրամադրելու մասին և երեք աշխատանքային օրվա ընթացքում որոշումը ներկայացնում է նախարարություն:
34. Եթե բնակելի տարածություն ստանալու իրավունք ունեցող անձանց համապատասխան սոցիալական խմբի հաշվառման ցուցակի` այդ պահի դրությամբ առաջին համարով հաշվառված անձն առանց ծնողական խնամքի մնացած երեխա է, որի բնակելի տարածության իրավունքը ծագում է ավելի ուշ ժամկետում` նրա 18 տարին լրանալու օրը, ապա նախարարությունը սույն կարգի 33-րդ կետով սահմանված ուսումնասիրությունը կազմակերպում է հերթացուցակում ընդգրկված հաջորդ անձի (ընտանիքի) համար, իսկ առանց ծնողական խնամքի մնացած երեխան հերթացուցակում պահպանում է իր տեղը` մինչև նրա 18 տարին լրանալը:
35. Սույն կարգի 33-րդ կետով նախատեսված ուսումնասիրության արդյունքում կացարանի տրամադրման հիմքերի բացակայության դեպքում կենտրոնը դրա մասին երեք աշխատանքային օրվա ընթացքում տեղեկացնում է նախարարությանը:
36. Նախարարությունը սույն կարգի 33-րդ կետով նախատեսված` հաջորդ ուսումնասիրությունը կազմակերպում է հերթացուցակում ընդգրկված հաջորդ անձի (ընտանիքի) համար:
37. Հերթացուցակում ընդգրկված անձանց (ընտանիքների) հերթագրման հավասար պայմանների (դիմումը տալու օր, սոցիալական խումբ) դեպքում կիրառվում են հետևյալ առաջնահերթությունները` ըստ թվարկման հերթականության`
1) խնամքին առկա երեխաների թիվը.
2) ընտանիքում 1-ին կամ 2-րդ խմբի հաշմանդամություն կամ «հաշմանդամ երեխա» կարգավիճակ ունեցող անձի առկայությունը և նրանց թիվը.
3) ժամկետային զինվորական ծառայություն անցած լինելու հանգամանքը:
38. Նախարարությունը սույն կարգի 33-րդ կետով նախատեսված որոշումն ստանալուց հետո հինգ աշխատանքային օրվա ընթացքում կազմակերպությանը և բնակելի տարածություն ստանալու իրավունք ունեցող անձին (ընտանիքին) տեղեկացնում է ընդունված որոշման մասին:
39. Բնակելի տարածություն ստանալու իրավունք ունեցող անձը (ընտանիքը) սույն կարգի 38-րդ կետով նախատեսված որոշումն ստանալուց հետո 30 օրվա ընթացքում ներկայանում է կազմակերպություն, իսկ դրա անհնարինության դեպքում գրավոր ձևով տեղյակ է պահում կազմակերպությանը` նշելով պատճառը, ներկայանալու հնարավոր ժամկետը, որը կարող է երկարաձգվել ոչ ավելի, քան ևս 30 օր:
40. Բնակելի տարածություն ստանալու իրավունք ունեցող անձի (ընտանիքի) կողմից սույն կարգի 39-րդ կետով սահմանված ժամկետում կազմակերպություն չներկայանալը դիտարկվում է որպես տրամադրվող կացարանից հրաժարում, որի մասին կազմակերպությունը հինգ աշխատանքային օրվա ընթացքում գրավոր տեղեկացնում է նախարարությանը:
41. Նախարարությունը սույն կարգի 40-րդ կետով նախատեսված գրությունն ստանալուց հետո հինգ աշխատանքային օրվա ընթացքում համապատասխան կենտրոնին տեղեկացնում է բնակելի տարածություն ստանալու իրավունք ունեցող անձի (ընտանիքի)՝ կազմակերպություն չներկայանալու մասին` պատճառների ուսումնասիրության և (կամ) գրավոր հրաժարումը ձևակերպելու նպատակով:
42. Կացարանները բնակելի տարածություն ստանալու իրավունք ունեցող անձին (ընտանիքին) տրամադրվում են`
1) ծերության նպաստի տարիքի հասած անձանց` անժամկետ.
2) սատարող ընտանիքին, առանց ծնողական խնամքի մնացած երեխաների թվին դասվող անձանց, մանկական խնամակալական կազմակերպությունների շրջանավարտներին` 10 տարի ժամկետով.
3) որոշման N 1 հավելվածով նախատեսված անձանց, բացառությամբ սույն կետի 1-ին և 2-րդ ենթակետերով նախատեսված խմբերի, 5 տարի ժամկետով (անկախ մինչև այդ ժամկետի ավարտը համապատասխան հիմքի վերացման հանգամանքից), որը կարող է երկարացվել մեկ անգամ, առավելագույնը` 5 տարի ժամկետով, եթե ժամկետը լրանալու ամսվա դրությամբ պահպանվել է տվյալ անձի կացարանի տրամադրման հիմքը:
43. Բնակելի տարածություն ստանալու իրավունք ունեցող անձանցից (ընտանիքներից) առկա ուսուցման եղանակով միջին մասնագիտական և բարձրագույն ուսումնական հաստատությունում սովորողներին կարող է տրամադրվել հանրակացարանային տիպի կացարան` ուսման ամբողջ ժամանակահատվածում: Ընդ որում, նշված ժամանակահատվածում հանրակացարանային տիպի կացարանի տրամադրումը հիմք չի հանդիսանում բնակելի տարածություն ստանալու իրավունք ունեցող անձանց հաշվառումից հանելու համար:
44. Սույն կարգի 42-րդ կետով նախատեսված ժամկետը լրանալուց հետո տվյալ անձը (ընտանիքը) կարող է շարունակել բնակվել իր (իրենց) կողմից զբաղեցված կացարանում՝ կազմակերպության և իր (իրենց) միջև կնքված վարձակալության պայմանագրի հիման վրա, որի առանձնահատկությունները սահմանված են Հայաստանի Հանրապետության կառավարության 2015 թվականի սեպտեմբերի 10-ի N 1069-Ն որոշման N 6 հավելվածով:
(44-րդ կետը փոփ. 18.08.16 N 847-Ն)
VI. ՍՈՑԻԱԼԱԿԱՆ ՏԱՆ ԲՆԱԿՉԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ
45. Սոցիալական տան բնակիչներն ունեն հետևյալ հիմնական իրավունքները`
1) սույն կարգի 42-րդ կետով սահմանված ժամկետում անարգել բնակվելու տրամադրված կոմունալ հարմարություններով կացարանում.
2) իրեն հատկացված կացարանում բնակվելու իր ընտանիքի անդամների հետ, իսկ այլ ազգականների բնակության իրավունքը տրվում է կազմակերպության պատշաճ հիմնավորված որոշմամբ.
3) բնակության ընթացքում մինչև 3 ամիս ժամկետով հյուրընկալելու այլ անձանց.
4) բնակության իրավունքի ժամանակահատվածի յուրաքանչյուր օրացուցային տարվա ընթացքում կացարանից բացակայելու մինչև 6 ամիս, կազմակերպության համաձայնությամբ` մինչև 12 ամիս՝ բացառությամբ կացարանում որպես «սատարող ընտանիք» տեղավորված բնակիչների.
5) վաղաժամկետ դուրս գալու իր կացարանից` պահպանելով բնակելի տարածության իրավունքը և վերականգնելու հաշվառման ցուցակում նախկին դիրքը, եթե կացարանում առկա են այնպիսի թերություններ (որոնց մասին նա չգիտեր ու չէր իմացել կացարանում տեղավորվելիս), որոնք կացարանի բնականոն օգտագործումը դարձնում են անհնար, կամ կացարանը դարձել է օգտագործման համար ոչ պիտանի այնպիսի հանգամանքների ուժով, որոնց համար բնակիչը պատասխանատվություն չի կրում:
46. Սոցիալական տան բնակիչներն ունեն հետևյալ հիմնական պարտականությունները`
1) սույն կարգի 38-րդ կետով նախատեսված որոշումն ստանալուց հետո 30 օրվա ընթացքում ներկայանալ սոցիալական տուն, իսկ դրա անհնարինության դեպքում գրավոր տեղեկացնել կազմակերպությանը` նշելով դրա պատճառը.
2) կազմակերպություն ներկայանալուց հետո 7-օրյա ժամկետում հաշվառվել սոցիալական տան վայրի բնակչության տեղական ռեգիստրում` կացարանի հասցեով.
3) պահպանել սոցիալական տանը բնակվելու ընդհանուր համակեցության կանոնները.
4) սույն կարգի 23-րդ կետի 2-րդ և 4-րդ ենթակետերով նախատեսված հանգամանքի առաջացման դեպքում եռօրյա ժամկետում դրա մասին հայտնել կազմակերպությանը.
5) բնակիչը, որը տեղավորվել է սոցիալական տանը որպես սատարող ընտանիք, ունի լրացուցիչ պարտավորություններ`
ա. կացարանում համագործակցել կազմակերպության կամ բնակության վայրն սպասարկող կենտրոնի հետ` բնակիչների խնամքի կազմակերպման, նրանց առողջական, սոցիալական, տնտեսական և կազմակերպական բնույթի խնդիրները լուծելու նպատակով,
բ. անհրաժեշտության դեպքում բնակիչներին ցուցաբերել առաջին օգնություն՝ առօրյա կենցաղային գործերում,
գ. անհրաժեշտության դեպքում բնակիչներին օգնել կենցաղային իրերի վերանորոգման աշխատանքներում,
դ. անհրաժեշտության դեպքում օժանդակել սոցիալական տան տարածքի սանիտարական մաքրման ու կանաչապատման աշխատանքներին,
ե. բնակիչների հետ անհամաձայնության կամ կոնֆլիկտային իրավիճակների դեպքում՝ անհապաղ դիմել կազմակերպությանը:
VII. ՍՈՑԻԱԼԱԿԱՆ ՏԱՆ ՖԻՆԱՆՍԱՎՈՐՈՒՄԸ
47. Հայաստանի Հանրապետությունում բնակելի տարածության կարիք ունեցող անձանց կացարանի և այլ սոցիալական ծառայությունների տրամադրման ծրագրի իրականացումը ֆինանսավորվում է`
1) Հայաստանի Հանրապետության պետական բյուջեից` տվյալ նպատակի համար հատկացված ֆինանսական միջոցներից.
2) համայնքի բյուջեի միջոցներից.
3) Հայաստանի Հանրապետության օրենսդրությամբ չարգելված այլ աղբյուրներից հատկացված ֆինանսական միջոցներից:
|
Հայաստանի Հանրապետության |
Դ. Հարությունյան |
Ձև N 1
Կենտրոն
Դ Ի Մ ՈՒ Մ
Ես՝ քաղաքացի_________________________________________________________________ ս,
(անունը, հայրանունը, ազգանունը)
Անձը հաստատող փաստաթղթի (նույնականացման քարտի) սերիան, համարը __________________
_________________________________
Հանրային ծառայությունների համարանիշը ____________________
Հանրային ծառայությունների համարանիշ չստանալու մասին տեղեկանքի համարը ______________
Բնակության վայրը _______________________________________________________________
Հեռախոսահամարը _________________,
հանդիսանալով _______________________________________________, խնդրում եմ ինձ (ընտանիքիս)
|
(նշել սոցիալական խումբը) |
հաշվառել որպես բնակելի տարածության կարիք ունեցող՝ կացարանում տեղավորվելու համար:
Ներկայացնում եմ Հայաստանի Հանրապետության կառավարության որոշմամբ պահանջվող խնամակալության և հոգաբարձության մարմնից որպես առանց ծնողական խնամքի մնացած երեխա հաշվառվելու մասին տեղեկանքը և դրա լուսապատճենը:
Ընդամենը _____________ էջ:
|
(էջերի թիվը) |
Տեղյակ եմ, որ պակաս եմ ներկայացրել __________________________________ փաստաթղթերը, դրանք ոչ ուշ, քան ______ ______________ 20 թ. ներկայացնելու դեպքում դիմելու օր է համարվելու սույն դիմումը ներկայացնելու ժամկետը, իսկ ավելի ուշ ներկայացնելու դեպքում` դիմելու օր է համարվելու վերջին փաստաթուղթը ներկայացնելու օրը:
|
Դիմող ______________________, |
_____ _______________20 թ. |
|
(ստորագրությունը) |
Ընդունեցի դիմումը և փաստաթղթերը__________________________________ (մասնագետի անունը, ազգանունը, ստորագրությունը)
_____ _________20 թ.
(լրացվում է դիմումի դարձերեսին)
|
NN |
Ազգանունը, |
Ազգակցական կապը |
Անձը հաստատող փաստաթղթի (նույնականացման քարտի) սերիան, համարը |
Հանրային ծառայությունների համարանիշը կամ չստանալու մասին տեղեկանքի համարը |
|
դիմողը |
||||
|
2. |
||||
|
3. |
||||
|
4. |
||||
|
5. |
||||
|
6. |
(ձևը փոփ. 25.03.21 N 396-Ն)
Ձև N 2
Կենտրոն
Հ ա յ տ ա ր ա ր ու թ յ ու ն
հատկացված կացարանից հրաժարվելու մասին
______ ________ 20 թ.
Ես` քաղաքացի ______________________ս, հաշվառված բնակելի տարածություն ստանալու իրավունք ունեցող՝ սոցիալապես անապահով և հատուկ խմբերին դասված սոցիալապես անապահով անձանց (ընտանիքների) հերթացուցակում, հրաժարվում եմ Հայաստանի Հանրապետության կառավարության 2015 թվականի սեպտեմբերի 10-ի N 1069-Ն որոշման համաձայն ինձ տրամադրվող Հայաստանի Հանրապետության ____________________ մարզի, քաղաքի,_____________փողոցի N________ շենքում ինձ հատկացված կացարանից:
Ինձ տեղեկացրել են, որ ինձ հատկացվող կացարանից երկրորդ անգամ հրաժարվելու դեպքում ինձ (ընտանիքիս) հանելու են բնակելի տարածություն ստանալու իրավունք ունեցող՝ սոցիալապես անապահով և հատուկ խմբերին դասված սոցիալապես անապահով անձանց (ընտանիքների) հերթացուցակից, և դրանով ես (ընտանիքս) կորցնելու եմ (կորցնելու ենք) կացարան ստանալու հնարավորությունը:
__________________________________________________________________________________
(անունը, հայրանունը, ազգանունը) (անձնագրի (նույնականացման քարտի) համարը, սերիան, ստորագրությունը)
______ ________ 20 թ.
Կացարանից հրաժարվելու հետ համաձայն ենք.
|
NN |
Ազգանունը, |
Անձը հաստատող փաստաթղթի |
Ստորագրությունը |
|
դիմող |
|||
|
2. |
|||
|
3. |
Հատկացվող կացարանից գրավոր հրաժարումը գրվել է իմ ներկայությամբ, 2 օրինակից, որից մեկը վերադարձվել է դիմողին:
Կենտրոնի ներկայացուցիչ
________________________________________________________________________
(անունը, հայրանունը, ազգանունը) (անձնագրի (նույնականացման քարտի) համարը, սերիան, ստորագրությունը)
Ստացա երկրորդ օրինակը
________________________________________________________________________
(անունը, հայրանունը, ազգանունը) (անձնագրի (նույնականացման քարտի) համարը, սերիան, ստորագրությունը)
______ ________ 20 թ.
Կենտրոն
Հ ա յ տ ա ր ա ր ու թ յ ու ն
հատկացված կացարանից երկրորդ անգամ հրաժարվելու մասին
|
քաղ. ___________ |
______ ________ 20 թ. |
Ես` քաղաքացի ______________________ս, հաշվառված բնակելի տարածության իրավունք ունեցող՝ սոցիալապես անապահով և հատուկ խմբերին դասված սոցիալապես անապահով անձանց (ընտանիքների) հերթացուցակում, երկրորդ անգամ հրաժարվում եմ Հայաստանի Հանրապետության կառավարության 2015 թվականի սեպտեմբերի 10-ի N 1069-Ն որոշման համաձայն ինձ տրամադրվող Հայաստանի Հանրապետության _________________ մարզի, քաղաքի,_____________փողոցի N________ շենքում ինձ հատկացված կացարանից:
Ես տեղյակ եմ, որ ինձ (ընտանիքիս) հանելու են բնակելի տարածություն ստանալու իրավունք ունեցող՝ սոցիալապես անապահով և հատուկ խմբերին դասված սոցիալապես անապահով անձանց (ընտանիքների) հերթացուցակից, և դրանով ես (ընտանիքս) կորցնում եմ (կորցնում ենք) կացարան ստանալու հնարավորությունը:
___________________________________________________________________________
(անունը, հայրանունը, ազգանունը) (անձնագրի (նույնականացման քարտի) համարը, սերիան, ստորագրությունը)
______ ________ 20 թ.
Կացարանից հրաժարվելու հետ համաձայն ենք.
|
NN |
Անունը, |
Անձը հաստատող փաստաթղթի |
Ստորագրությունը |
|
դիմող |
|||
|
2. |
|||
|
3. |
Հատկացվող կացարանից գրավոր հրաժարումը գրվել է իմ ներկայությամբ, 2 օրինակից, որից մեկը վերադարձվել է դիմողին:
Կենտրոնի ներկայացուցիչ
____________________________________________________________________________
(անունը, հայրանունը, ազգանունը) (անձնագրի (նույնականացման քարտի) համարը, սերիան, ստորագրությունը)
Ստացա երկրորդ օրինակը
____________________________________________________________________________
(անունը, հայրանունը, ազգանունը) (անձնագրի (նույնականացման քարտի) համարը, սերիան, ստորագրությունը)
______ ________ 20 թ.
(ձևը փոփ. 25.03.21 N 396-Ն)
(հավելվածը փոփ. 18.08.16 N 847-Ն, 25.03.21 N 396-Ն)
|
Հավելված N 3 |
ԸՆՏԱՆԵԿԱՆ ԲՌՆՈՒԹՅԱՆ ԵՆԹԱՐԿՎԱԾ ԱՆՁԱՆՑ՝ ՈՐՊԵՍ ԺԱՄԱՆԱԿԱՎՈՐ ՕԹԵՎԱՆ՝ ԿԱՑԱՐԱՆ ԵՎ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐ ՏՐԱՄԱԴՐԵԼՈՒ ԿԱՐԳՆ ՈՒ ՊԱՅՄԱՆՆԵՐԸ
(հավելվածն ուժը կորցրել է 29.03.19 N 364-Ն)
|
Հավելված N 4 |
ՈՐՈՇԱԿԻ ԲՆԱԿՈՒԹՅԱՆ ՎԱՅՐ ՉՈՒՆԵՑՈՂ ԱՆՁԱՆՑ ՏՐԱՄԱԴՐՎՈՂ ԺԱՄԱՆԱԿԱՎՈՐ ՕԹԵՎԱՆԻ ՏԵՍԱԿՆԵՐԸ, ԿԱՑԱՐԱՆՈՎ ԱՊԱՀՈՎԵԼՈՒ ԿԱՐԳԸ, ՊԱՅՄԱՆՆԵՐԸ, ՉԱՓՈՐՈՇԻՉՆԵՐԸ ԵՎ ՏՐԱՄԱԴՐՄԱՆ ԺԱՄԿԵՏՆԵՐԸ
(վերնագիրը խմբ. 03.11.22 N 1699-Ն)
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն հավելվածով կարգավորվում են որոշակի բնակության վայր չունեցող անձանց (այսուհետ` անօթևան անձ) ժամանակավոր օթևանի տարբեր տեսակներում՝ ընդհանուր տիպի օթևանում, hատուկ (մասնագիտացված) օթևանում, ընդունիչ-ախտորոշիչ կենտրոնում, ճգնաժամային կենտրոնում կացարանով ապահովման և սոցիալական այլ ծառայություններ տրամադրելու հետ կապված հարաբերությունները։
2. Սույն հավելվածի իմաստով շահառու է համարվում այն անձը, ով՝
1) չունի բնակվելու վայր կամ ընտանիքում առկա միջանձնային հարաբերությունների հետևանքով առաջացած անհաղթահարելի խոչընդոտների պատճառով ի վիճակի չէ բնակվել իր մշտական բնակության վայրում կամ ձեռք բերել բնակարան կամ սոցիալապես ու հոգեբանորեն մեկուսացված է, կարիք ունի կացարանի և այլ սոցիալական ծառայությունների.
2) ռազմական կամ ահաբեկչական գործողությունների հետևանքով կամ արտակարգ իրավիճակներում օթևանից զրկվել ու անօգնական վիճակում է հայտնվել, ունի կացարանով ապահովման, հրատապ ու անհետաձգելի սոցիալական աջակցության կարիք:
3. Ընդհանուր տիպի օթևանը նախատեսված է 18 տարին լրացած մշտական կամ մշտական կամ փաստացի բնակության վայր չունեցող, հոգեկան առողջության ակնհայտ խնդիրներ չունեցող անօթևան անձանց համար՝ սույն հավելվածի 26-րդ կետով սահմանված դեպքերում նաև՝ 18 տարին չլրացած անձանց հետ (առկայության դեպքում)՝ սոցիալ-տնտեսական, սոցիալ-հոգեբանական, սոցիալ-մանկավարժական, սոցիալ-բժշկական, սոցիալ-աշխատանքային, սոցիալ-իրավական կարիքների բավարարման և բնականոն կենսագործունեության ապահովման համար, միտված է անօթևան անձի կյանքի դժվարին իրավիճակում հայտնվելու կանխարգելմանը, իսկ հայտնվելու պարագայում՝ նրա սոցիալական ներառմանը։
4. Հատուկ (մասնագիտացված) օթևանը նախատեսված է հոգեկան առողջության խնդիրներ ունեցող անօթևան անձանց համար, որոնց բժշկական ախտորոշումներն օրենսդրությամբ սահմանված կարգով համարվում են հակացուցումներ ընդհանուր տիպի օթևան ընդունվելու համար։
5. Ընդունիչ-ախտորոշիչ կենտրոնը սույն հավելվածի 3-րդ և 4-րդ կետերով սահմանված օթևանների տեսակների միջև միջանկյալ օղակ է՝ նախատեսված անձի ինքնությունը չպարզված անօթևան անձանց անհետաձգելի սոցիալական աջակցություն տրամադրելու՝ կացարանով, ախտորոշիչ ծառայություններով և կենսական անհրաժեշտ օգնությամբ ապահովելու, հոգեկան առողջության և սոցիալական կարիքները գնահատելու, կարգավիճակը ճշտելու և սոցիալական համապատասխան ծառայություն ուղղորդելու համար։
6. Ճգնաժամային կենտրոնը նախատեսված է այն անձանց համար, ովքեր ռազմական կամ ահաբեկչական գործողությունների հետևանքով կամ արտակարգ իրավիճակներում օթևանից զրկվելու հետևանքով հայտնվել են անօգնական վիճակում, կյանքին և առողջությանը վտանգ սպառնացող դեպքերում, երբ պահանջվում է արագ արձագանք և անհետաձգելի սոցիալական աջակցության տրամադրում։ Ճգնաժամային կենտրոնում ապահովում են կացարանով, տրամադրում խնամք և սոցիալական այլ ծառայություններ։
7. Ժամանակավոր օթևանը կարող է ստեղծվել տարբեր համայնքներում՝ անօթևան անձանց քանակով պայմանավորված։
8. Շահառուներին սույն հավելվածով նախատեսված ծառայությունները կարող են տրամադրվել պետական և տեղական ինքնակառավարման մարմինների ենթակայության ներքո գտնվող, ինչպես նաև վերջիններիս ենթակայության ներքո չգտնվող, սակայն լիազորված պետական մարմնի հետ օրենսդրությամբ սահմանված կարգով պայմանագիր կնքած, ինչպես նաև՝ պայմանագիր չկնքած կազմակերպությունների կողմից՝ օրենսդրությամբ, սույն հավելվածով, այլ նորմատիվ իրավական ակտերով սահմանված պահանջներին համապատասխան:
9. Ժամանակավոր օթևանում սոցիալական ծառայություններ կարող են տրամադրել «Սոցիալական աջակցության մասին» օրենքով սահմանված կարգով տվյալ գործունեությունը լիազորված պետական մարմնում հավաստագրած կազմակերպությունները: Ընդ որում, հատուկ (մասնագիտացված) օթևանում կացարանով ապահովող կազմակերպությունը պետք է ունենա նաև գործունեության տվյալ տեսակի վերաբերյալ բժշկական օգնություն տրամադրելու լիցենզիա։
10. Ժամանակավոր օթևանում սոցիալական ծառայություններով ապահովելու նպատակը շահառուին կյանքի դժվարին իրավիճակը հաղթահարելու կամ կյանքի դժվարին իրավիճակում հայտնվելը կանխարգելելու, կյանքին ու առողջությանը սպառնացող վտանգը չեզոքացնելու համար կացարան, հրատապ սոցիալական, բնաիրային և բժշկական օգնություն տրամադրելը։
11. Կացարանով ապահովվում են՝ Հայաստանի Հանրապետության քաղաքացին, Հայաստանի Հանրապետությունում բնակվող և բնակության իրավունք (կացության կարգավիճակ) ունեցող օտարերկրյա քաղաքացին, քաղաքացիություն չունեցող կամ փախստականի կարգավիճակ ունեցող անձը՝ սույն հավելվածով:
12. Ժամանակավոր օթևանում կացարանով ապահովում են հետևյալ ժամկետով՝
1) ընդհանուր տիպի օթևանում՝ մինչև 90 օրացուցային օր.
2) hատուկ (մասնագիտացված) օթևանում՝ մինչև 180 օրացուցային օր.
3) ընդունիչ-ախտորոշիչ կենտրոնում՝ մինչև 30 օրացուցային օր.
4) ճգնաժամային կենտրոնում՝ մինչև 180 օրացուցային օր։
13. Կացարանով ապահովում իրականացվում է անօթևան անձի կամ նրա ներկայացուցչի համաձայնությամբ՝ բացառությամբ «Սոցիալական աջակցության մասին» օրենքի 30-րդ հոդվածով նախատեսված դեպքերի, երբ անօթևան անձին կացարանով ապահովում են առանց տվյալ անձի կամ նրա ներկայացուցչի համաձայնության:
2. ԺԱՄԱՆԱԿԱՎՈՐ ՕԹԵՎԱՆԻՆ ՆԵՐԿԱՅԱՑՎՈՂ ԸՆԴՀԱՆՈՒՐ ՊԱՀԱՆՋՆԵՐԸ
14. Ժամանակավոր օթևանը պետք է ապահովված լինի օրենսդրությամբ սահմանված պահանջները բավարարող կոմունալ, սանիտարահիգիենիկ և հակահրդեհային անվտանգության անհրաժեշտ պայմաններով:
15. Ժամանակավոր օթևանը պետք է հարմարեցված լինի հաշմանդամություն ունեցող անձանց համար:
16. Կացարանով ապահովող կազմակերպությունը պետք է ունենա ներքին կարգապահական կամ համակեցության կանոններ (այսուհետ՝ կանոններ)՝ հաստատված կազմակերպության համապատասխան լիազորություններով օժտված մարմնի (կամ պաշտոնատար անձի) կողմից:
17. Կազմակերպությունը պետք է ունենա շուրջօրյա գործող հեռախոսակապ` թեժ գիծ, որի համարը, ինչպես նաև ժամանակավոր օթևանի հասցեն պետք է փակցված լինեն հասարակական վայրերում, միասնական սոցիալական ծառայության (այսուհետ՝ ՄՍԾ) տարածքային կենտրոններում, ոստիկանության բաժանմունքներում, սահմանային անցակետերում և, մասնավորապես, այն վայրերում, որտեղ հիմնականում գիշերում են անօթևան անձինք: Կազմակերպությունը, անհրաժեշտության դեպքում, պետք է սեփական տրանսպորտային միջոցով կամ պատվիրակմամբ կազմակերպի անօթևան անձին ժամանակավոր օթևան կամ ժամանակավոր օթևանում բնակվող շահառուին ստացիոնար բժշկական կազմակերպություն տեղափոխումը։
18. Ժամանակավոր օթևանի պահպանությունը կարող է իրականացվել գնումների մասին օրենսդրությամբ սահմանված կարգով՝ ծառայությունը ոստիկանությանը պատվիրակելու միջոցով:
19. Կազմակերպությունը համագործակցում է ոստիկանության, ՄՍԾ, բժշկական (այդ թվում` հոգեբուժական) խնամքի հաստատությունների, ինչպես նաև օրենսդրությամբ սահմանված կարգով սոցիալական ծառայություններ տրամադրող այլ կազմակերպությունների հետ:
3. ԱՆՕԹԵՎԱՆ ԱՆՁԱՆՑ ԸՆԴՈՒՆԵԼՈՒԹՅՈՒՆԸ ԵՎ ՀԱՇՎԱՌՈՒՄԸ
20. Ժամանակավոր օթևանում կացարանով ապահովում իրականացվում է՝
1) անձի կամ իր ներկայացուցչի (գրավոր լիազորագրի առկայությամբ՝ առանց նոտարական վավերացման), կամ դատարանի կողմից անգործունակ ճանաչված լինելու դեպքում՝ իր խնամակալի ներկայացրած գրավոր դիմումի հիման վրա (համաձայն N 1 ձևի).
2) ոստիկանության, պետական և տեղական ինքնակառավարման մարմինների, խնամակալության ու հոգաբարձության մարմինների, իրավաբանական և ֆիզիկական անձանց ներկայացրած տեղեկությունների, գրավոր ու բանավոր դիմումների, ահազանգերի, զանգվածային լրատվամիջոցների հրապարակումների և այլ աղբյուրների հիման վրա.
3) կազմակերպության նախաձեռնությամբ.
4) ՄՍԾ տարածքային կենտրոնի ուղղորդմամբ։
21. Կազմակերպությունն անօթևան անձի մասին տեղեկություն կարող է ստանալ տվյալ անձից, ՄՍԾ տարածքային կենտրոններից, ոստիկանությունից, խնամակալության ու հոգաբարձության մարմիններից, պետական և տեղական ինքնակառավարման այլ մարմիններից, իրավաբանական ու ֆիզիկական այլ անձանցից, զանգվածային լրատվության միջոցներից և այլ աղբյուրներից:
22. Այն դեպքում, երբ անօթևան անձի վերաբերյալ ստացվում է տեղեկություն սույն հավելվածի 20-րդ կետի 2-րդ ենթակետում նշված աղբյուրներից, ինչպես նաև առկա է հավաստի տեղեկություն, որ անօթևան անձն ի վիճակի չէ ինքնուրույն գալ ժամանակավոր օթևան, ապա կազմակերպությունը ոչ ուշ, քան համապատասխան տեղեկությունն ստանալուց հետո մեկ օրվա ընթացքում իրականացնում է իրավիճակի ուսումնասիրություն՝ տեղեկությամբ հայտնի դարձած վայրում անօթևան անձի հայտնաբերման, անհրաժեշտ օգնության տրամադրման և ժամանակավոր օթևան տեղափոխելու համար:
23. Այն դեպքում, երբ անօթևան անձը (կամ նրա ներկայացուցիչը) կացարանով ապահովելու մասին գրավոր դիմումը ներկայացնում է ժամանակավոր օթևանի գտնվելու վայրից դուրս տեղակայված՝ կազմակերպության մշտական գործող մարմնի գտնվելու վայր, ապա կազմակերպությունն իրականացնում է անձի տեղափոխումը:
24. Անհրաժեշտության դեպքում, կազմակերպության և ՄՍԾ տարածքային կենտրոնի սոցիալական աշխատողներն օգնում են անօթևան անձին լրացնել դիմումում պահանջվող տվյալները: Եթե դիմումատուն, օրգանիզմի ֆունկցիաների սահմանափակման կամ մտավոր խնդիրներով պայմանավորված, կամ տառաճանաչ չլինելու, կամ այլ օբյեկտիվ պատճառներով, չի կարող անձամբ լրացնել դիմումը, ապա դիմումում պահանջվող տվյալները լրացվում են սույն կետում նշված մասնագետի կողմից, ինչի վերաբերյալ դիմումում կատարվում է հատուկ նշում:
25. Այն դեպքում, երբ հնարավոր չէ անօթևան անձի տեղափոխումը ժամանակավոր օթևան՝ դրանում միաժամանակյա բնակվողների առավելագույն թվով կամ սույն հավելվածով նախատեսված այլ հանգամանքներով պայմանավորված, կամ անօթևան անձը հրաժարվում է ժամանակավոր օթևան տեղափոխվելուց, ապա կազմակերպությունը դրա մասին ոչ ուշ, քան մեկ օրվա ընթացքում տեղեկացնում է ՄՍԾ տվյալ տարածքն սպասարկող տարածքային կենտրոն, ինչպես նաև սույն հավելվածի 20-րդ կետի 2-րդ ենթակետում նշված այն մարմիններին կամ անձանց, որոնցից ստացել էր տեղեկությունը տվյալ անօթևան անձի մասին, և անհրաժեշտության դեպքում՝ անմիջապես կանչում է շտապ բժշկական օգնություն:
26. Անօթևան չափահաս անձի հետ միասին կացարանով ապահովվում է նաև այն երեխան, ով տվյալ չափահաս անձի փաստացի խնամքի տակ է կամ, ում օրինական ներկայացուցիչը տվյալ չափահաս անձն է, եթե դա բխում է երեխայի շահերից, և ժամանակավոր օթևանը բավարարում է երեխայի խնամքի և դաստիարակության համար անհրաժեշտ սոցիալական նվազագույն չափորոշիչները, ունի ժամանակավոր օթևանում բնակվող այլ շահառուներից տվյալ երեխայի՝ առանձին բնակվելու համար անհրաժեշտ կոմունալ պայմաններ: Անօթևան երեխայի հետ միասին կացարանով ապահովվում է նաև այն չափահաս անձը, ով տվյալ երեխայի օրինական ներկայացուցիչն է կամ ում փաստացի խնամքի տակ է տվյալ երեխան, եթե դա բխում է երեխայի շահերից, և ժամանակավոր օթևանն ունի այնտեղ բնակվող այլ երեխաներից տվյալ չափահաս անձի՝ առանձին բնակվելու համար անհրաժեշտ կոմունալ պայմաններ:
27. Ժամանակավոր օթևան չի թույլատրվում բերել հրազեն, այն համալրող դետալներ, սառը զենք, ռազմամթերք, պայթուցիկ նյութեր, պայթուցիկ սարքեր, դյուրավառ կամ այրիչ նյութեր, ռադիոակտիվ նյութեր, թմրամիջոցներ կամ հոգեմետ (հոգեներգործուն) նյութեր (բացառությամբ hատուկ (մասնագիտացված) օթևան ընդունվող հոգեկան առողջության խնդիրներ ունեցող անօթևան անձի մոտ առկա՝ հոգեբույժի կողմից նշանակված դեղերի), ինչպես նաև շրջապատի համար առավել վտանգ ներկայացնող այլ սարքեր: Սույն կետում նշված առարկաների կամ նյութերի հայտնաբերման դեպքում, կազմակերպության համապատասխան լիազորություններով օժտված աշխատակիցը դրա մասին անմիջապես իրազեկում է ոստիկանությանը:
28. Անօթևան անձին կացարանով ապահովումը կատարվում է շուրջօրյա:
29. Անօթևան անձի՝ ժամանակավոր օթևան տեղափոխվելուց անմիջապես հետո նրան զննում է կազմակերպության բժիշկը և տալիս եզրակացություն տվյալ անձին սանիտարահիգիենիկ միջոցառումներ իրականացնելու և հատուկ առանձնացված սենյակում տեղավորելու անհրաժեշտության (կամ բացակայության) վերաբերյալ: Ոչ աշխատանքային օրերին կամ ժամերին ժամանակավոր օթևան տեղափոխվելու դեպքում անօթևան անձը տեղավորվում է հատուկ առանձնացված սենյակում՝ մինչև կազմակերպության բժշկի կամ բժշկական հաստատության կողմից նրա առողջական վիճակի մասին եզրակացության տրամադրումը:
30. Անօթևան անձին ընդհանուր տիպի օթևան ընդունելիս՝ զննման արդյունքում կամ համապատասխան բժշկական հաստատության կողմից տրամադրված եզրակացության համաձայն շրջապատի համար վտանգ ներկայացնող հիվանդության կասկածի կամ հայտնաբերման դեպքում (ներառյալ՝ բարձր ջերմությունը, հոգեկան և վարքային խանգարումները, անհայտ ծագման ցանը, իր կամ շրջապատի համար վտանգավոր շեղված վարքի դրսևորումները և (կամ) ակնհայտ հոգեկան խանգարումը), ընդհանուր տիպի օթևանի բժիշկը կամ համապատասխան լիազորություններով օժտված աշխատողը (կամ՝ օրվա հերթապահը) անմիջապես կանչում է շտապ բժշկական օգնություն՝ տվյալ անձին մասնագիտացված բժշկական հաստատություն տեղափոխելու համար, և դրա մասին անհրաժեշտության դեպքում անմիջապես իրազեկում է խնամակալության և հոգաբարձության մարմնին, ինչպես նաև տվյալ անձի օրինական ներկայացուցչին (առկայության դեպքում):
31. Անօթևան անձի ընդունելությունը ձևակերպվում է կազմակերպության ղեկավարի հրամանով՝
1) ընդհանուր տիպի օթևանում՝ սույն հավելվածի 30-րդ կետի համաձայն՝ համապատասխան բժշկական հաստատություն ուղղորդելու և դրա կողմից «Սոցիալական աջակցության մասին» օրենքի 30-րդ հոդվածով հաստատված հիվանդությունների ցանկում ընդգրկված հիվանդությունների բացակայության մասին նրա առողջական վիճակի մասին եզրակացությունն ստանալուց հետո, բայց ոչ ուշ, քան տվյալ եզրակացությունն ստանալու օրվա ավարտը.
2) հատուկ (մասնագիտացված) օթևանում՝ սույն հավելվածի 30-րդ կետի համաձայն՝ համապատասխան բժշկական հաստատություն ուղղորդելու և դրա կողմից տվյալ մասնագիտացված օթևանի ուղղվածությանը համապատասխան բժշկական ախտորոշում ունենալու վերաբերյալ համապատասխան բժշկական հաստատության կողմից նրա առողջական վիճակի մասին եզրակացության առկայության դեպքում.
3) ընդունիչ-ախտորոշիչ և ճգնաժամային կենտրոններում՝ մեկ աշխատանքային օրում։
32. Անօթևան անձին ընդունելիս կազմակերպության համապատասխան լիազորություններով օժտված աշխատակիցը կատարում է սույն հավելվածի 29-րդ կետից բացի նաև այլ միջոցառումներ՝ վերցնում է նրա հագուստը և անձնական իրերը՝ ախտահանման նպատակով և նրան տալիս մաքուր հագուստ և սպիտակեղեն:
33. Շահառուի՝ կացարանով ապահովումից հետո մեկ աշխատանքային օրվա ընթացքում, անկախ սույն հավելվածի 31-րդ կետում նշված հրամանի ընդունումից կամ կացարանով ապահովումը մերժելու հանգամանքից, կազմակերպությունը դրա մասին իրազեկում է ոստիկանության տարածքային մարմնին՝ սույն հավելվածի 49-րդ կետի համաձայն։
34. Կազմակերպությունն իր միջոցների հաշվին իրականացնում է շահառուի՝ բնակչության պետական ռեգիստրում հաշվառվելու գործընթացը՝ Հայաստանի Հանրապետության կառավարության 2005 թվականի հուլիսի 14-ի N 1231-Ն որոշման 1-ին հավելվածով սահմանված կարգով և ժամկետներում: Եթե ժամանակավոր օթևան տեղափոխված անձի հետ ընդունվում է նաև իր խնամքին հանձնված երեխան, ապա կազմակերպությունը սույն կետով սահմանված ժամկետում դրա մասին տեղեկացնում է կազմակերպության գտնվելու վայրի խնամակալության և հոգաբարձության մարմնին:
35. Անձին կացարանով ապահովելու մասին 31-րդ կետում նշված հրամանի ընդունումից անմիջապես հետո կազմակերպության համապատասխան լիազորություններով օժտված աշխատակիցը շահառուի տվյալները գրանցում է տեղեկատվական համակարգում: Անօթևան անձին ժամանակավոր օթևան կրկին ընդունելու (դուրս գրելու) դեպքում դրա մասին այդ տեղեկատվական համակարգում կատարվում է համապատասխան գրառում։
36. Անձը հաստատող փաստաթուղթ չունենալու դեպքում՝ շահառուի անունը, հայրանունը, ազգանունը, տարիքը, սեռը, հաշվառման մասին տվյալները գրանցվում են շահառուի բանավոր հայտարարության կամ իր մասին տեղեկություն տրամադրած մարմնի (անձի) հայտարարության հիման վրա: Այդ դեպքում, աշխատակցի անձնական դիտարկման արդյունքի հիման վրա, գրանցվում են նաև շահառուի մազերի ու աչքերի գույնը, հասակը և այլ անհատականացման նշաններ, ինչպես նաև նշվում է շահառուի անձնական տվյալների տրամադրման աղբյուրը:
37. Անձի կողմից իր մասին սույն հավելվածի 35-րդ կետում նշված տվյալները չհայտնելու կամ դրա անհնարինության, կամ անձնական տվյալների մասին այլ տեղեկության բացակայության դեպքերում, աշխատակցի կողմից գրանցվում են իր սեփական դիտարկումները՝ սեռի և մոտավոր տարիքի մասին՝ նշելով, որ դա իր դիտարկման արդյունք է:
38. Ժամանակավոր օթևան ընդունված յուրաքանչյուր անձի համար կազմվում է անձնական գործ, որում ներառվում են նրա դիմումը, անձը հաստատող և այլ փաստաթղթերի պատճենները (առկայության դեպքում), տվյալ անձի վերաբերյալ հարցումների և պատասխանների պատճենները, տվյալ անձին վերաբերող այլ փաստաթղթեր (դրանց պատճենները), իսկ ընդհանուր տիպի օթևանում բնակվող շահառուի պարագայում նաև սույն հավելվածի 48-րդ կետում նշված վերասոցիալականացման համաձայնագիրը: Նշված բոլոր փաստաթղթերի էլեկտրոնային պատճենները պահպանվում են անօթևան անձանց հաշվառման տեղեկատվական շտեմարանում:
39. Անօթևան անձը չի կարող ընդունվել ժամանակավոր օթևան, եթե՝
1) հրաժարվում է սույն հավելվածի 29-րդ և (կամ) 32-րդ կետերում նշված միջոցառումների իրականացումից.
2) ընդհանուր տիպի օթևանի պարագայում նաև՝ եթե համապատասխան մասնագիտացված բժշկական հաստատության եզրակացությամբ անօթևան անձի մոտ ախտորոշվել է այնպիսի հիվանդություն, որի բուժումը հնարավոր է միայն հատուկ մասնագիտացված բժշկական հաստատություններում:
4. ԺԱՄԱՆԱԿԱՎՈՐ ՕԹԵՎԱՆՈՒՄ ՏՐԱՄԱԴՐՎՈՂ ԾԱՌԱՅՈՒԹՅՈՒՆՆԵՐԸ
40. Շահառուին ընդհանուր տիպի օթևանում տրամադրվում են`
1) բնաիրային օգնություն՝ սննդի (օրական երկու անգամ՝ սույն հավելվածի 61-րդ կետի համաձայն), հիգիենայի միջոցների (սույն հավելվածի 60-րդ կետի համաձայն), հագուստի, կոշիկի ձևով.
2) բժշկական օգնություն և սպասարկում.
3) սոցիալ-հոգեբանական օգնություն.
4) խորհրդատվական օգնություն.
5) այլ սոցիալական ծառայություններ՝ որպես աջակցություն՝ սույն հավելվածի 41-րդ կետի համաձայն։
41. Ընդհանուր տիպի օթևանն աջակցում է շահառուին հետևյալ հարցերում՝
1) անձը հաստատող փաստաթղթերի բացակայության դեպքում դրանց ստացման գործընթաց.
2) ընտանիքի հետ սոցիալական կապերի վերականգնում և նրա` ընտանիք վերադարձ.
3) աշխատանքային հմտությունների ձեռքբերում, վերապատրաստման և վերամասնագիտացման դասընթացներ, զբաղվածության ապահովում և հարմար աշխատանքի տեղավորում՝ լիազորած մարմնի զբաղվածության ծառայություններ տրամադրող տարածքային մարմինների հետ համագործակցությամբ.
4) օրենսդրությամբ սահմանված կենսաթոշակների, նպաստների և այլ դրամական վճարների ստացում, բժշկասոցիալական փորձաքննության կամ անձի ֆունկցիոնալության գնահատման համար անհրաժեշտ փաստաթղթերի ձեռքբերում և ներկայացում, հաշմանդամության հետ կապված այլ խնդիրների լուծում, ինչպես նաև անհրաժեշտ աջակցող միջոցներով ապահովում.
5) ստացիոնար բժշկական կազմակերպություն տեղափոխում.
6) խնամքի կարիք ունեցող տարեց և (կամ) հաշմանդամություն ունեցող անձանց բնակչության սոցիալական պաշտպանության հաստատություն ընդունվելու համար փաստաթղթերի ձևակերպում և ներկայացում.
7) օրենսդրությամբ, սույն հավելվածով և այլ իրավական ակտերով նախատեսված այլ հարցերում։
42. Հատուկ (մասնագիտացված) օթևանում սույն հավելվածի 40-րդ կետում նշված ծառայություններից բացի տրամադրվում են՝
1) հոգեբույժի մասնագիտական օգնություն և խորհրդատվություն.
2) առողջական վիճակի և սոցիալական կարիքի գնահատում առնվազն եռամսյակը մեկ անգամ.
3) համագործակցություն համապատասխան մասնագիտացված բժշկական կազմակերպությունների հետ, ներառյալ՝ դիսպանսեր հսկողության կազմակերպում.
4) հավելյալ երկանգամյա սննդի տրամադրում.
5) աշխատանքային և արտթերապիա.
6) այլ սոցիալական ծառայություններ։
43. Ընդունիչ-ախտորոշիչ կենտրոնում սույն հավելվածի 40-րդ կետում նշված ծառայություններից բացի տրամադրվում են նաև հետևյալ ծառայությունները՝
1) բժշկական հետազոտության իրականացման կազմակերպում.
2) սոցիալական կարիքի գնահատում, կարգավիճակի ճշտում.
3) գնահատված սոցիալական կարիքի, կարգավիճակի և բժշկական ախտորոշման հիման վրա համապատասխան առողջապահական, խնամքի կամ այլ սոցիալական ծառայություն ուղղորդման կազմակերպում և աջակցություն համապատասխան փաստաթղթերի նախապատրաստման գործում:
44. Շահառուն, համապատասխան հիմքերի առկայության դեպքում, ընդունիչ-ախտորոշիչ կենտրոնից կարող է՝
1) վերադառնալ ընտանիք.
2) ընդունվել շուրջօրյա խնամքի ընդհանուր տիպի կամ հատուկ (մասնագիտացված) կենտրոն կամ փոքր տուն.
3) տեղափոխվել ընդհանուր տիպի կամ hատուկ (մասնագիտացված) օթևան.
4) ընդունվել մասնագիտացված բժշկական (հոգեբուժական) ստացիոնար կազմակերպություն.
5) ընդունվել սոցիալական բնակարանային ֆոնդի կացարան։
45. Ճգնաժամային կենտրոնում, բացի սույն հավելվածի 40-րդ, 42-րդ և 43-րդ կետերում նշված ծառայություններից, տրամադրվում են նաև՝
1) կարգավիճակի հստակեցում, սոցիալական խնդիրների վերհանում.
2) ճգնաժամային իրավիճակի հաղթահարումից հետո՝ իր նախկին բնակության վայր ու բնականոն ապրելակերպին վերադառնալու հարցում աջակցություն, իսկ դրա անհնարինության դեպքում՝ ուղղորդում համապատասխան ծառայություններից օգտվելու, տեղափոխում այլ կազմակերպություն, սոցիալական կապերի վերականգնում ու ընտանիքի անդամների հետ միավորում (հնարավորության և (կամ) առկայության դեպքում) և այլ անհրաժեշտ միջոցառումների իրականացում:
46. Կազմակերպությունն իրականացնում է ժամանակավոր օթևանում ամբողջ ժամանակահատվածում բնակվող շահառուների բժշկական օգնության և սպասարկման տրամադրումը՝ կացարանի գտնվելու վայրի համապատասխան բժշկական հաստատության և կազմակերպության բժշկի միջոցով: Անհրաժեշտության դեպքում, կազմակերպությունն իրականացնում է համապատասխան բժշկական հաստատություններ ուղեգրման գործընթացը:
47. Ընդհանուր տիպի օթևանում բնակվող շահառուի՝ շրջապատի համար վտանգ ներկայացնող հիվանդության կասկածի դեպքում կազմակերպության բժիշկը մեկ աշխատանքային օրվա ընթացքում դրա մասին տեղեկացնում է Հայաստանի Հանրապետության առողջապահության նախարարության աշխատակազմի առողջապահական պետական տեսչության տարածքային մարմնին, ձեռնարկում անհրաժեշտ միջոցներ՝ ժամանակավոր օթևանում բնակվող` այլ շահառուների հետ տվյալ շահառուի անմիջական շփումը բացառելու համար և, ըստ անհրաժեշտության, ապահովում է նրա տեղափոխումը մասնագիտացված բժշկական հաստատություն:
48. Կազմակերպության սոցիալական աշխատողը, շահառուի ընդհանուր տիպի օթևանում 31-րդ կետում նշված հրամանի ընդունումից հետո՝ երեք աշխատանքային օրվա ընթացքում, գնահատում է նրա սոցիալական կարիքները, իր իրավասության շրջանակում և տվյալ շահառուի սոցիալական կարիքներին համապատասխան, տրամադրում է խորհրդատվություն և աջակցում անհրաժեշտ այլ սոցիալական ծառայություններ ստանալու հարցում, յուրաքանչյուր շահառուի հետ N 2 ձևի, երկու օրինակից կնքում է վերասոցիալականացման համաձայնագիր, որը անձի սոցիալական ներառմանը նպաստելուն միտված միջոցառումների, փոխադարձ իրավունքների և պարտականությունների մասին համաձայնություն է:
49. Կազմակերպությունն իր գործառույթների իրականացման շրջանակներում համագործակցում է պետական և տեղական ինքնակառավարման մարմինների, տարածքային մակարդակում գործող աջակցող ցանցի անդամների, այլ իրավաբանական ու ֆիզիկական անձանց հետ:
5. ԱՆՕԹԵՎԱՆՆԵՐԻՆ ՏՐԱՄԱԴՐՎՈՂ ԲՆԱԿԵԼԻ ՏԱՐԱԾՔԻ, ՍԱՆԻՏԱՐԱԿԱՆ ԵՎ ԿՈՄՈՒՆԱԼ ՀԱՐՄԱՐՈՒԹՅՈՒՆՆԵՐԻ ԱՆՀՐԱԺԵՇՏ ՊԱՅՄԱՆՆԵՐԸ, ՀԱՍՏԻՔԱՅԻՆ ՄԻԱՎՈՐՆԵՐԸ, ՄԱՔՐԻՉ ՆՅՈՒԹԵՐԻ, ՀԻԳԻԵՆԻԿ ՊԱՐԱԳԱՆԵՐԻ ԵՎ ՍՆՆԴԻ ՕՐԱԿԱՆ ՉԱՓՈՐՈՇԻՉՆԵՐԸ
50. Ժամանակավոր օթևանում շահառուների բնակելի մակերեսով ապահովվածությունը 1 անձի հաշվով չպետք է պակաս լինի 5 քառ. մետրից, ընդ որում՝ մեկ սենյակում բնակվող շահառուների քանակը չպետք է գերազանցի 4-ը։
51. Յուրաքանչյուր շահառու պետք է ապահովված լինի առանձին մահճակալով, փոքր պահարանով, իսկ յուրաքանչյուր ննջասենյակ՝ հանդերձապահարաններով (յուրաքանչյուր երկու անձի հաշվարկով՝ մեկ հատ)։
52. Ժամանակավոր օթևանը պետք է ունենա ճաշարան, այն հաշվով, որ շահառուները ճաշարանից օգտվեն ոչ ավելի, քան երկու հերթով։ Ճաշարանը կարող է ծառայել նաև որպես հանգստի սենյակ, ուստի պետք է ապահովված լինի բազմոցներով, բազկաթոռներով, հեռուստացույցով, սեղանի խաղերով։
53. Ժամանակավոր օթևանը պետք է ունենա լվացքատուն և լվացքը չորացնելու համար առանձին տարածք, լվացքի մեքենաներ՝ յուրաքանչյուր շահառուի հաշվարկով՝ 1 կգ հզորությամբ։
54. Ժամանակավոր օթևանը պետք է ունենա սանհանգույցներ՝ մեկ հատ՝ յուրաքանչյուր հինգ շահառուի հաշվարկով, և բաղնիքներ՝ յուրաքանչյուր տասը շահառուին մեկ ցնցուղի հաշվարկով։
55. Կազմակերպության անձնակազմի կառուցվածքային բաժանումները ներառում են աշխատանքների հետևյալ ուղղությունները`
1) բնաիրային օգնության տրամադրում՝ շահառուների սննդի տրամադրման համար անհրաժեշտ նախապատրաստական աշխատանքների իրականացում` օրական ճաշացանկի կազմում, անհրաժեշտ մթերքի ստացում, դրանց պատրաստում, շահառուներին, այդ թվում՝ անկողնային հիվանդներին, անհրաժեշտ քանակի և որակի երկանգամյա սննդի տրամադրում՝ ընդհանուր տիպի օթևանի և ընդունիչ-ախտորոշիչ կենտրոնի դեպքում՝ սույն հավելվածի 61-րդ կետի համաձայն, իսկ հատուկ (մասնագիտացված) օթևանի և ճգնաժամային կենտրոնի դեպքում՝ չորսանգամյա սննդի տրամադրում ՝ տարեց և (կամ) հաշմանդամություն ունեցող անձանց շուրջօրյա խնամքի իրականացման համար կառավարության որոշմամբ սահմանված չափորոշիչների, հիգիենայի միջոցների տրամադրում՝ սույն հավելվածի 60-րդ կետին համապատասխան, հագուստի, կոշիկի տրամադրում, կահույքի տրամադրում, շահագործվող սարքավորումների ընթացիկ նորոգման և տեխնիկական սպասարկման աշխատանքների իրականացում, կոմունիկացիոն համակարգերի նորոգման և սպասարկման աշխատանքների իրականացում, շենքում վարչական տարածքների մաքրության ապահովում, բակի տարածքի մաքրման աշխատանքների իրականացում, շենքում պահակային ծառայության իրականացում.
2) բժշկական օգնություն և սպասարկում՝ առաջին օգնության տրամադրում, բժշկական զննություն` համաձայն սահմանված կարգի և պարբերականության, բուժքրոջ կողմից բժշկի նշանակումների կատարում (ներարկում, դեղերի տրամադրում և այլն), սպասարկող պոլիկլինիկա այցելության կազմակերպում կամ այլ բժշկական հաստատություններ ուղղորդում և ուղեկցում, ստացիոնար բուժման նպատակով հաստատություններ ընդունվելու գործում աջակցության ցուցաբերում, աջակցում դրանցում խնամքի իրականացմանը, աջակցություն և ուղեկցման ծառայություն՝ դեղերի և բժշկական նշանակության նյութերի ստացման գործում, բժշկասոցիալական փորձաքննության կամ անձի ֆունկցիոնալության գնահատման կազմակերպում, ըստ անհրաժեշտության՝ խնամքի, բնակության վայրի մաքրության, անձնական հիգիենայի պահպանման, լոգանքի, հագուստի և սպիտակեղենի ընդունման, լվացման և չորացման, արդուկման և տրամադրման հարցերում, նյութատեխնիկական միջոցների որակի հսկում, պահեստավորում, պահեստային աշխատանքների իրականացում.
3) սոցիալ-հոգեբանական օգնություն՝ շահառուի սոցիալական կարիքի գնահատում տարեկան առնվազն երկու անգամ, ուղղորդում, ուղեկցում և համապատասխան աջակցության ցուցաբերում, աջակցող միջոցներով ապահովելու գործընթացի կազմակերպում, շահառուի նախասիրությունների բացահայտում, հոգեբանի ծառայություն անհատական վերապատրաստումների միջոցով.
4) խորհրդատվական օգնություն՝ շահառուի իրավունքների ու շահերի պաշտպանություն և դրանց վերաբերյալ տեղեկատվության տրամադրում, անհրաժեշտ սոցիալական աջակցության կազմակերպում և աջակցություն սոցիալական խնդիրների լուծմանը՝ տարատեսակ փաստաթղթերի, սոցիալական ապահովության խնդիրների լուծման հարցերում.
5) այլ համարժեք սոցիալական ծառայություններ՝ սույն հավելվածի 41-րդ կարգի համաձայն։
56. Սույն հավելվածի 55-րդ կետում ներկայացված աշխատանքների համար յուրաքանչյուր կազմակերպությունում նախատեսվում են հետևյալ հաստիքային միավորները՝
|
Ընդհանուր տիպի օթևան՝ 80-100 շահառուի հաշվարկով՝ |
Հատուկ (մասնագիտացված) օթևան՝ 40-50 շահառուի հաշվարկով |
Ընդունիչ-ախտորոշիչ և ճգնաժամային կենտրոն՝ 20 շահառուի հաշվարկով | ||
|
1. |
տնօրեն և (կամ) տնօրենի տեղակալ |
1,0 |
1,0 |
1,0 |
|
2. |
գլխավոր հաշվապահ |
1,0 |
1,0 |
1,0 |
|
3. |
հաշվապահ |
1,0 |
1,0 |
1,0 |
|
4. |
գործավար-կադրերի տեսուչ |
1,0 |
1,0 |
1,0 |
|
5. |
իրավախորհրդատու |
1,0 |
0,5 |
- |
|
6. |
սոցիալական աշխատող |
1,0 |
1,0 |
0,5 |
|
7. |
հոգեբան |
1,0 |
1,0 |
0,5 |
|
8. |
ավագ բուժաշխատող (բժիշկ-թերապևտ) |
1,0 |
1,0 |
- |
|
9. |
ավագ բուժաշխատող (հոգեբույժ) |
- |
0,5 |
- |
|
10. |
միջին բուժաշխատող (բուժքույր) |
1 շուրջօրյա հերթապահություն (5,1) |
1 շուրջօրյա հերթապահություն (5,4) |
- |
|
0,5 |
0,7 |
1,0 | ||
|
11. |
կրտսեր բուժաշխատող (սանիտար) |
1 շուրջօրյա հերթապահություն (5,1) |
1 շուրջօրյա հերթապահություն (5,4) |
- |
|
1,0 |
1,0 |
2,0 | ||
|
12. |
լվացող-արդուկող |
1,0 |
0,5 |
0,5 |
|
13. |
խոհարար |
1,0 |
0,5 |
- |
|
14. |
խոհանոցի աշխատող |
1,5 |
1,0 |
1,0 |
|
15. |
տնտեսվար- պահեստապետ |
1,0 |
0,5 |
0,5 |
|
16. |
տնտեսուհի |
1,0 |
0,5 |
0,5 |
|
17. |
էլեկտրիկ- փականագործ |
2,0 |
1,0 |
0,5 |
|
18. |
բանվոր |
1,0 |
1,0 |
- |
|
18. |
վարորդ |
1,0՝ տրանսպորտային միջոցի դեպքում, բայց ոչ ավելի, քան 2 | ||
|
19. |
հավաքարար |
1,0 |
0,5 |
- |
|
20. |
պահակ |
1 շուրջօրյա հերթապահություն (3,8) |
- |
- |
57. Սույն հավելվածի 56-րդ կետում սահմանված տնօրենի, ինչպես նաև գլխավոր հաշվապահի հաստիքի առկայությունը պայմանավորված է ծառայության՝ առանձին կազմակերպության կողմից տրամադրվելու հանգամանքով։ Տնօրենի տեղակալի մեկ հաստիքային միավոր նախատեսվում է, եթե շուրջօրյա խնամքի կենտրոնն իրականացնում է կացարանով ապահովում, կամ կազմակերպությունն ունի ժամանակավոր օթևանի երկու կամ ավելի տեսակ, իսկ գլխավոր հաշվապահի փոխարեն այս դեպքերում հաստիքային միավոր չի նախատեսվում։
58. Սույն հավելվածի 56-րդ կետով սահմանված մասնագետների հաստիքային միավորները վերաբերելի են կազմակերպության՝ միայն իր կողմից կազմակերպվելու պարագայում։ Ելնելով սոցիալական ծառայությունների տրամադրման առանձնահատկություններից, սույն կետում նշված որոշ ծառայությունները մասամբ կամ ամբողջությամբ կարող են նաև պատվիրակվել։ Ըստ այդմ, սույն հավելվածով սահմանված մասնագետների քանակական կարգավորումը նախատեսվում է այն մասով, որքանով տրամադրվում է կազմակերպության կողմից։
59. Սույն հավելվածի 56-րդ կետով սահմանված մասնագետների հաստիքային միավորները, միևնույն կազմակերպության կողմից ծառայություն տրամադրելու դեպքում, գումարվում են՝ բացառությամբ 2-րդ, 4-րդ, 8-րդ, 15-րդ, 16-րդ և 19-րդ ենթակետերի։
60. Սույն հավելվածի 55-րդ կետի 1-ին ենթակետում նշված բնաիրային օգնության տրամադրման համար տարեկան մեկ շահառուի հաշվարկով պահանջվում է՝
|
Չափի միավորը |
Քանակը | ||
|
1. |
Ատամի խոզանակ |
հատ |
4 |
|
2. |
Ատամի մածուկ |
կգ |
4 |
|
3. |
Օճառ լվացվելու |
հատ |
12 |
|
4. |
Շամպուն |
լիտր |
1 |
|
5. |
Սանր |
հատ |
4 |
|
6. |
Զուգարանի թուղթ |
հատ |
24 |
|
7. |
Սպունգ աման լվանալու |
հատ |
2.5 |
|
8. |
Սպունգի սպիրալ |
հատ |
0.5 |
|
9. |
Ռետինե ձեռնոց |
զույգ |
0.5 |
|
10. |
Աման լվացող հեղուկ |
լիտր |
2.5 |
|
11. |
Անձեռոցիկ |
տուփ |
12 |
|
12. |
Մաքրող փոշի |
կգ |
0.5 |
|
13. |
Սպիտակեցնող հեղուկ (ժավել) |
լիտր |
5 |
|
14. |
Լվացքի փոշի |
կգ |
10 |
|
15. |
Սանհանգույցի մաքրման հեղուկ |
լիտր |
0.5 |
|
16. |
Քլորամին կամ այլ ախտահանիչ նյութեր |
կգ |
1.5 |
|
17. |
Հատակի խոզանակ |
հատ |
0.1 |
|
18. |
Ավել սենյակի |
հատ |
0.3 |
|
19. |
Հոտազերծիչ |
հատ |
1 |
|
20. |
Սանհանգույց մաքրող խոզանակ |
հատ |
0.1 |
|
21. |
Խողովակներ և կոյուղի մաքրող միջոց |
լիտր |
0.1 |
|
Մեկ տղամարդու հաշվարկով | |||
|
22. |
Սափրվելու ածելի |
հատ |
48 |
|
23. |
Սափրվելու մածուկ կամ փրփուր |
հատ |
6 |
|
Մեկ կնոջ հաշվարկով | |||
|
24. |
Կանացի միջադիր |
տուփ |
24 |
61. Սույն հավելվածի 55-րդ կետի 1-ին ենթակետում նշված բնաիրային օգնության տրամադրման համար ընդհանուր տիպի օթևանում և ընդունիչ-ախտորոշիչ կենտրոնում 1 շահառուի հաշվարկով պահանջվում է՝
|
Սննդամթերքի անվանումը |
Չափի միավորը (զուտ քաշ) |
Էներգետիկ արժեքը 100 գրամում (կկալ) |
Օրական չափաբաժինը (գրամներով) | |
|
1. |
Հացամթերք |
գրամ |
280 |
350 |
|
1.1. |
hաց ցորենի |
գրամ |
265 |
190 |
|
1.2. |
hաց ցորենի |
գրամ |
210 |
130 |
|
1.3. |
ալյուր |
գրամ |
364 |
30 |
|
2. |
Հատիկաընդեղեն |
գրամ |
280 |
90 |
|
2.1. |
բլղուր |
գրամ |
342 |
3 |
|
2.2. |
բրինձ |
գրամ |
111 |
15 |
|
2.3. |
հաճար |
գրամ |
337 |
3 |
|
2.4. |
հնդկաձավար |
գրամ |
343 |
15 |
|
2.5. |
մակարոն |
գրամ |
158 |
15 |
|
2.6. |
ոլոռ |
գրամ |
311 |
3 |
|
2.7. |
ոսպ |
գրամ |
116 |
3 |
|
2.8. |
սպիտակաձավար |
գրամ |
360 |
10 |
|
2.9. |
վարսակի փաթիլներ |
գրամ |
342 |
10 |
|
2.10. |
վերմիշել |
գրամ |
331 |
10 |
|
2.11. |
ցորենաձավար |
գրամ |
329 |
3 |
|
3. |
Բանջարեղեն և կանաչեղեն |
գրամ |
36 |
400 |
|
3.1. |
բադրիջան |
գրամ |
25 |
5 |
|
3.2. |
բազուկ |
գրամ |
43 |
13 |
|
3.3. |
բազուկի տերև |
գրամ |
27 |
5 |
|
3.4. |
գազար |
գրամ |
41 |
13 |
|
3.5. |
դդմիկ |
գրամ |
24 |
5 |
|
3.6. |
դդում |
գրամ |
26 |
5 |
|
3.7. |
լոլիկ |
գրամ |
15 |
13 |
|
3.8. |
ծաղկակաղամբ |
գրամ |
25 |
10 |
|
3.9. |
կաղամբ |
գրամ |
25 |
70 |
|
3.10. |
կանաչի՝ խառը |
գրամ |
22 |
1 |
|
3.11. |
կարտոֆիլ |
գրամ |
77 |
215 |
|
3.12. |
պղպեղ |
գրամ |
27 |
10 |
|
3.14. |
սխտոր |
գրամ |
149 |
1 |
|
3.15. |
սոխ |
գրամ |
40 |
20 |
|
3.16. |
վարունգ |
գրամ |
14 |
14 |
|
4. |
Մսամթերք և ձկնեղեն |
գրամ |
260 |
140 |
|
4.1. |
երշիկ կամ նրբերշիկ |
գրամ |
266 |
25 |
|
4.2. |
հավի բուդ |
գրամ |
185 |
40 |
|
4.3. |
ձուկ |
գրամ |
275 |
30 |
|
4.4. |
միս՝ խոզի, ոսկրոտ |
գրամ |
242 |
15 |
|
4.5. |
միս՝ տավարի, ոսկրոտ |
գրամ |
333 |
30 |
|
5. |
Կաթնամթերք |
գրամ |
343 |
160 |
|
5.1. |
թթվասեր |
գրամ |
198 |
30 |
|
5.2. |
պանիր |
գրամ |
321 |
20 |
|
5.3. |
կաթ |
գրամ |
42 |
30 |
|
5.4. |
կաթնաշոռ |
գրամ |
178 |
30 |
|
5.5. |
կարագ՝ ոչ սպրեդ |
գրամ |
717 |
10 |
|
5.6. |
յուղ |
գրամ |
892 |
10 |
|
5.7. |
մածուն |
գրամ |
54 |
30 |
|
6. |
Ձու |
հատ |
155 |
0.33 |
|
7. |
Համեմունքներ |
գրամ |
157 |
40 |
|
7.1. |
աղ՝ կերակրի |
գրամ |
0 |
5 |
|
7.2. |
համեմունքներ |
գրամ |
314 |
0.5 |
|
7.3. |
շաքարավազ |
գրամ |
387 |
33 |
|
7.4. |
սոդա՝ կերակրի |
գրամ |
0 |
0.5 |
|
7.5. |
տոմատի մածուկ |
գրամ |
82 |
1 |
|
8. |
Խմիչքներ և այլ հեղուկներ |
գրամ |
249 |
90 |
|
8.1. |
թեյ |
գրամ |
83 |
2 |
|
8.2. |
կակաո |
գրամ |
228 |
2 |
|
8.3. |
հյութ՝ մրգերի, կոմպոտ |
գրամ |
52 |
69 |
|
8.4. |
ձեթ |
գրամ |
884 |
15 |
|
8.5. |
սուրճ |
գրամ |
0 |
2 |
|
9. |
Միրգ |
գրամ |
165 |
180 |
|
9.1. |
տեղական մրգեր |
գրամ |
45 |
175 |
|
9.2. |
կիտրոն |
գրամ |
290 |
5 |
|
10. |
Քաղցրավենիք |
գրամ |
422 |
50 |
|
10.1. |
շոկոլադ կամ մեղր |
գրամ |
546 |
20 |
|
10.2. |
թխվածքաբլիթ |
գրամ |
417 |
30 |
62. Սույն հավելվածի 61-րդ կետում նշված սննդի տրամադրումն իրականացնելու համար հատուկ (մասնագիտացված) օթևանում և ճգնաժամային կենտրոնում կիրառվում են տարեց և (կամ) հաշմանդամություն ունեցող անձանց շուրջօրյա խնամքի իրականացման համար կառավարության որոշմամբ սահմանված չափորոշիչները։
6. ԱՆՁԻՆ ԺԱՄԱՆԱԿԱՎՈՐ ՕԹԵՎԱՆԻՑ ԴՈՒՐՍԳՐՈՒՄԸ
63. Ժամանակավոր օթևանից անձի դուրսգրումը ձևակերպվում է կազմակերպության ղեկավարի հրամանով:
64. Ժամանակավոր օթևանից անձի դուրսգրման հիմքերն են՝
1) տվյալ անձի գրավոր դիմումը՝ ապագա բնակավայրի հասցեի պարտադիր նշումով.
2) ժամանակավոր օթևանում մնալու՝ սույն հավելվածի 12-րդ կետով սահմանված ժամկետի լրանալը.
3) ժամանակավոր օթևան ընդունվելու՝ օրենսդրությամբ սահմանված հիմքերի վերանալը.
4) շուրջօրյա խնամքի կենտրոն կամ սոցիալական բնակարանային ֆոնդի կացարան ընդունվելը.
5) աշխատանքի տեղավորվելը՝ այլ կացարանով ապահովվելու պայմանով.
6) ընտանիքի անդամի գրավոր դիմումը՝ անձին ընտանիք վերադարձնելու իր պատրաստակամության և անձի գրավոր համաձայնության դեպքում.
7) երկու և ավելի անգամ ալկոհոլ կամ թմրամիջոց կամ հոգեմետ (հոգեներգործուն) նյութեր օգտագործելը, կամ կանոնները երկու անգամից ավել խախտելը.
8) քրեական գործով որպես մեղադրյալ ներգրավված լինելը, եթե նրա նկատմամբ դատարանի որոշմամբ, որպես խափանման միջոց, նշանակված է կալանք.
9) ստացիոնար բժշկական կազմակերպություն տեղափոխվելը.
10) օրենսդրությամբ սահմանված՝ խնամքի տրամադրումը մերժելու հիմք հանդիսացող հիվանդությունների ցանկում ընդգրկված հիվանդություններից որևէ մեկով հիվանդանալը՝ դրա մասին մասնագիտացված բժշկական հաստատության տված եզրակացության հիման վրա.
11) երեխայի հետագա խնամքը կազմակերպելու մասին իրավասու մարմնի տված եզրակացության հիման վրա՝
ա. ընտանիք վերադառնալը,
բ. խնամակալ կամ հոգաբարձու նշանակելը, գ. խնամատար ընտանիքում տեղավորելը,
դ. բնակչության սոցիալական պաշտպանության հաստատություն կամ շուրջօրյա լրիվ խնամք տրամադրող այլ կազմակերպություն ընդունվելը.
12) օրենսդրությամբ սահմանված դեպքերում և կարգով լրիվ գործունակ ճանաչված (էմանսիպացիա) երեխայի դիմումը.
13) տվյալ անձի մահը, անձին մահացած կամ անհայտ բացակայող ճանաչելը.
14) օրենսդրությամբ սահմանված այլ դեպքեր:
65. Ժամանակավոր օթևանից անձի դուրսգրումից հետո մեկ աշխատանքային օրվա ընթացքում, կազմակերպությունը դրա մասին տեղեկացնում է ոստիկանության տարածքային մարմնին, ՄՍԾ, ինչպես նաև համապատասխանաբար՝ առողջապահության և սոցիալական աջակցության բնագավառներում լիազորած պետական մարմիններ:
7. ԼԻԱԶՈՐԱԾ ՊԵՏԱԿԱՆ ՄԱՐՄՆԻՆ ՏԵՂԵԿՈՒԹՅԱՆ ՏՐԱՄԱԴՐՈՒՄԸ
66. Կազմակերպությունը վարում է իր ենթակայության կացարաններում բնակվող շահառուների հաշվառման տեղեկատվական շտեմարան: Շահառուի ցանկությամբ, հաշվառումը կարող է կատարվել անանուն: Այդ դեպքում դրվում է որևէ պայմանանշան, կամ նշվում են շահառուի անվան, ազգանվան առաջին տառերը:
67. Կազմակերպությունը, «Սոցիալական աջակցության մասին» օրենքի 31-րդ հոդվածի 5-րդ մասով սահմանված դեպքերում և կարգով, լիազորած պետական մարմին է ներկայացնում շահառուներին կացարանով ապահովելու մասին տեղեկություն:
Ձև N 1
______________________________ -ի
(կազմակերպության անվանումը)
ղեկավար պարոն/տիկին _______________________________ին
(անունը, ազգանունը)
Դիմում
Խնդրում եմ ապահովել կացարանով՝ ընդհանուր տիպի օթևանում, hատուկ (մասնագիտացված) օթևանում, ընդունիչ-ախտորոշիչ կենտրոնում, ճգնաժամային կենտրոնում (անհրաժեշտն ընդգծել)
_______________________________________________________________________________ ին
(որոշակի բնակության վայր չունեցող անօթևան անձի անունը, հայրանունը, ազգանունը)
_______________________________________________________________________________
(անձը հաստատող փաստաթղթի անվանումը, սերիան և համարը, ում կողմից և երբ է տրված (առկայության դեպքում)
_______________________________________________________________________________
անձնագիր առկա չէ □ (ընդգծել)
_______________________________________________________________________________
(հանրային ծառայությունների համարանիշը կամ սոցիալական քարտի համարը կամ դրանք չունենալու մասին տեղեկանքի համարը (առկայության դեպքում)
առկա չէ նշվածներից և ոչ մեկը □ (ընդգծել)
ծննդյան օրը, ամիսը, տարեթիվը ____ _________ ______ թ.
սեռը՝ արական □, իգական □ (նշել)
քաղաքացիությունը _______________________________________________________
_______________________________________________________________________________
Հաշվառման հասցեն _____________________________________________________________
հաշվառման մեջ չգտնվելու դեպքում՝ վերջին կամ նախկին հաշվառման հասցեն,
_______________________________________________________________________________
_______________________________________________________________________________
սեփականության կամ օգտագործման իրավունքով բնակելի տարածք ունենալու կամ չունենալու հանգամանքը, դրա առկայության դեպքում՝ հասցեն և այնտեղ չբնակվելու պատճառը,
_______________________________________________________________________________
_______________________________________________________________________________
դիմումը ներկայացուցչի կողմից ներկայացվելու դեպքում՝ ներկայացուցչի անունը, ազգանունը,
________________________________________________________________________________
ներկայացուցչի անձը հաստատող փաստաթղթի անվանումը, սերիան և համարը, ում կողմից և երբ է տրված (առկայության դեպքում),
________________________________________________________________________________
ներկայացուցչի հանրային ծառայությունների համարանիշը կամ սոցիալական քարտի համարը կամ դրանք չունենալու մասին տեղեկանքի համարը (առկայության դեպքում)
Դիմող` _____________________________________________________________________
(որոշակի բնակության վայր չունեցող անձի կամ նրա ներկայացուցչի ստորագրությունը, անունը, ազգանունը)
____ ________ 202 թ.
|
Լրացվում է դիմումատուի կողմից դիմումն անձամբ (կամ ներկայացուցչի կողմից) չլրացվելու դեպքում Դիմումատուն ________________________________________________________________ պատճառով(նշվում է պատճառը) |
Ձև N 2
ՎԵՐԱՍՈՑԻԱԼԱԿԱՆԱՑՄԱՆ ՀԱՄԱՁԱՅՆԱԳԻՐ
|
___ _______ 202 թ. |
________________ | |
|
(կնքման վայրը) |
__________________________________________________________________________________
(կացարանով ապահովող կազմակերպության անվանումը)
(այսուհետ՝ կազմակերպություն), ի դեմս _______________________________________________
__________________________________________________________________________________,
(համապատասխան լիազորություն ունեցող անձի պաշտոնը, անունը, ազգանունը)
ով գործում է ______________________________________________________________________ հիման վրա, մի կողմից, և
(կանոնադրության կամ լիազորագրի)
__________________________________________________________________________________ ը
(կացարանով ապահովված շահառուի անունը, հայրանունը, ազգանունը)
(այսուհետ՝ շահառու) _______________________________________________________________
(անձը հաստատող փաստաթղթի անվանումը, սերիան, համարը, տալու օրը, ամիսը, տարեթիվը, ում կողմից և երբ է տրված (առկայության դեպքում)
__________________________________________________________________________________
հանրային ծառայությունների համարանիշը կամ սոցիալական քարտի համարը կամ դրանք չունենալու մասին տեղեկանքի համարը (առկայության դեպքում)
մյուս կողմից, կնքեցին սույն համաձայնագիրը հետևյալի մասին.
I. ՀԱՄԱՁԱՅՆԱԳՐԻ ԱՌԱՐԿԱՆ, ԿՈՂՄԵՐԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ
1. Կազմակերպությունը, օրենսդրությանը համապատասխան, շահառուին ապահովում է կացարանով և տրամադրում անհրաժեշտ այլ սոցիալական ծառայություններ, իսկ շահառուն պարտավորվում է ժամանակավոր օթևանում բնակվելու ամբողջ ժամանակահատվածում պահպանել կազմակերպության ներքին կարգապահական (համակեցության) և հակահրդեհային անվտանգության կանոնները, բարեխիղճ և պատշաճ կերպով իրականացնել սույն համաձայնագրի 4-րդ կետով նախատեսված պարտավորությունները:
2. Կազմակերպությունը պարտավորվում է շահառուին տրամադրել Հայաստանի Հանրապետության կառավարության 2015 թվականի սեպտեմբերի 10-ի N 1069-Ն որոշման 4-րդ հավելվածով սահմանված ծառայությունները:
3. Կազմակերպությունն իրավունք ունի՝
1) շահառուից պահանջելու՝ կատարել սույն համաձայնագրի 4-րդ կետով նախատեսված պարտավորությունները.
2) օրենսդրությամբ սահմանված դեպքերում և կարգով շահառուին դուրս գրելու ժամանակավոր օթևանից (դադարեցնելու կացարանով ապահովումը), այդ թվում, եթե՝
ա. լրացել է կացարանով ապահովելու` օրենսդրությամբ սահմանված ժամկետը,
բ. շահառուն ընդունվել է բնակչության սոցիալական պաշտպանության հաստատություն կամ շուրջօրյա լրիվ խնամք տրամադրող այլ կազմակերպություն,
գ. շահառուն տեղավորվել է «Զբաղվածության մասին» օրենքով սահմանված հարմար աշխատանքի (այսուհետ՝ հարմար աշխատանք) և ձեռք է բերել ինքնուրույն, առանց կողմնակի օժանդակության, հասարակություն ինտեգրվելու հնարավորություն,
դ. օգտագործել է ալկոհոլ կամ թմրամիջոցներ, կամ հոգեմետ (հոգեներգործուն) նյութեր, կամ կրկին խախտել է ժամանակավոր օթևանի այլ կանոնները,
ե. քրեական գործով ներգրավված է որպես մեղադրյալ,
զ. տեղավորվել է ստացիոնար բժշկական հաստատությունում,
է. մասնագիտացված բժշկական հաստատության տված եզրակացության համաձայն՝ հիվանդացել է Կառավարության որոշմամբ հաստատված` խնամքի տրամադրումը մերժելու հիմք հանդիսացող հիվանդությունների ցանկում ընդգրկված հիվանդություններից որևէ մեկով.
3) իրականացնելու օրենսդրությամբ իրեն վերապահված այլ իրավունքներ:
4. Շահառուն պարտավոր է՝
1) պահպանել ժամանակավոր օթևանի ներքին կարգապահական (համակեցության) և հակահրդեհային անվտանգության կանոնները.
2) ժամանակավոր օթևանում բնակվելու ամբողջ ժամանակահատվածում չօգտագործել ալկոհոլային խմիչք, թմրամիջոցներ կամ հոգեմետ (հոգեներգործուն) նյութեր.
3) ծխել միայն դրա համար նախատեսված հատուկ վայրերում.
4) անցնել բժշկական համապատասխան ստուգում, բժշկական համապատասխան հաստատություններում, ըստ անհրաժեշտության, ենթարկվել կլինիկալաբորատոր հետազոտությունների.
5) ժամանակավոր օթևանում բնակվելու ամբողջ ժամանակահատվածում կատարել կազմակերպության աշխատակազմի հանձնարարականները՝ կապված իր անձնական խնդիրների լուծման, սոցիալականացման, փաստաթղթերը ձևակերպելու, ներկայացնելու, ձեռք բերելու, օրենսդրությամբ սահմանված կենսաթոշակներ, նպաստներ և այլ դրամական վճարներ ստանալու, բժշկասոցիալական փորձաքննության կամ անձի ֆունկցիոնալության գնահատման կազմակերպման, հաշմանդամությամբ պայմանավորված այլ խնդիրների հետ.
6) հնարավորության դեպքում՝ ինքնուրույն կամ կազմակերպության աշխատակազմի աջակցությամբ տեղավորվել հարմար աշխատանքի.
7) աշխատանքի տեղավորվելուց հետո մեկամսյա ժամկետում ինքնուրույն կամ կազմակերպության աջակցությամբ, իր միջոցների հաշվին վարձակալել բնակելի տարածք.
8) իր մասին կազմակերպությանը տրամադրել հավաստի տեղեկություններ.
9) կազմակերպությանը տեղեկացնել քրեական գործով որպես մեղադրյալ ներգրավված լինելու, դիտավորությամբ կատարված հանցագործության համար օրենսդրությամբ սահմանված կարգով չմարված կամ չհանված դատվածություն ունենալու մասին.
10) դուրս գրվել ժամանակավոր օթևանից, եթե լրացել է դրանում բնակվելու՝ օրենսդրությամբ սահմանված ժամկետը կամ, եթե կան շուրջօրյա խնամքի կենտրոն կամ սոցիալական բնակարանային ֆոնդի կացարան ընդունվելու համար բավարար հիմքեր:
5. Շահառուն իրավունք ունի՝
1) ստանալու օրենսդրությամբ և սույն համաձայնագրով նախատեսված՝ ժամանակավոր օթևանում տրամադրվող սոցիալական ծառայությունները.
2) ստանալու տեղեկություն կազմակերպության կողմից իրականացվող՝ իր վերասոցիալականացմանն ուղղված գործողությունների մասին.
3) իր գրավոր դիմումի համաձայն դուրս գրվելու ժամանակավոր օթևանից.
4) իրականացնելու օրենսդրությամբ իրեն վերապահված այլ իրավունքներ:
II. ՀԱՄԱՁԱՅՆԱԳՐԻ ԳՈՐԾՈՂՈՒԹՅԱՆ ԺԱՄԿԵՏԸ ԵՎ ԼՈՒԾՄԱՆ ՊԱՅՄԱՆՆԵՐԸ
6. Սույն համաձայնագիրն ուժի մեջ է մտնում կողմերի ստորագրման պահից և գործում է մինչև ___ ______ 202_ թ.:
7. Սույն համաձայնագիրը, մինչև դրա գործողության ժամկետը լրանալը, կարող է վաղաժամկետ լուծվել՝
1) կազմակերպության և շահառուի համաձայնությամբ՝ ժամանակավոր օթևանից անձի դուրսգրման դեպքում.
2) կազմակերպության կողմից միակողմանի կերպով՝ սույն համաձայնագրի 3-րդ կետի 2-րդ ենթակետի «դ», «ե», «զ» և «է» պարբերություններով սահմանված դեպքերում:
8. Սույն համաձայնագիրը կազմված է հայերենով, հավասարազոր իրավաբանական ուժ ունեցող երկու օրինակից, որոնցից յուրաքանչյուր կողմին տրվում է մեկական օրինակ:
III. ԿՈՂՄԵՐԻ ՎԱՎԵՐԱՊԱՅՄԱՆՆԵՐԸ ԵՎ ՍՏՈՐԱԳՐՈՒԹՅՈՒՆՆԵՐԸ
|
_____________________________ |
_____________________ (շահառուի անունը, ազգանունը) | |
| _____________________________ (հասցեն) |
_____________________ (ստորագրությունը) | |
| _____________________________ պետական գրանցման համարը |
||
| _____________________________ (համապատասխան լիազորություն ունեցող անձի պաշտոնը, անունը, ազգանունը) |
||
| _____________________________ (ստորագրությունը) |
(հավելվածը լրաց. 04.02.16 N 86-Ն, 31.08.17 N 1054-Ն, փոփ. 25.03.21 N 396-Ն, խմբ. 03.11.22 N 1699-Ն)
|
Հավելված N 5 |
ՀԱՏՈՒԿ ԽՄԲԵՐԻՆ ԴԱՍՎԱԾ ՈՐՈՇԱԿԻ ԿԱՏԵԳՈՐԻԱՅԻ ԱՆՁԱՆՑ ԿԱՑԱՐԱՆՈՎ ԱՊԱՀՈՎԵԼՈՒ ԿԱՐԳԸ ԵՎ ՊԱՅՄԱՆՆԵՐԸ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով կարգավորվում են հատուկ խմբերին դասված որոշակի կատեգորիայի անձանց կացարան տրամադրելու հետ կապված հարաբերությունները:
2. Կացարանով ապահովելու նպատակը սույն կարգի 4-րդ կետում նշված՝ հատուկ խմբերին դասված որոշակի կատեգորիայի անձանց ժամանակավոր հիմունքներով բնակելի տարածքի հատկացումն է և, ըստ անհրաժեշտության, այդ անձանց սոցիալական այլ ծառայությունների տրամադրումը՝ կյանքի դժվարին իրավիճակը հաղթահարելու կամ կյանքի դժվարին իրավիճակում հայտնվելը կանխարգելելու համար:
II. ԿԱՑԱՐԱՆՈՎ ԱՊԱՀՈՎԵԼՈՒ ՀԱՄԱՐ ԱՆՀՐԱԺԵՇՏ ՊԱՅՄԱՆՆԵՐԸ
3. Կացարանով ապահովվելու իրավունք ունեն Հայաստանի Հանրապետությունում բնակվող՝ Հայաստանի Հանրապետության քաղաքացիները, Հայաստանի Հանրապետությունում բնակության իրավունք (կացության կարգավիճակ) ունեցող օտարերկրյա քաղաքացիները, քաղաքացիություն չունեցող, փախստականի կարգավիճակ ունեցող անձինք՝ սույն կարգի 4-րդ և 6-րդ կետերով սահմանված պայմանները բավարարելու դեպքում:
4. Կացարան տրամադրվում է սեփականության կամ համասեփականության իրավունքով բնակարան (բնակելի տուն) չունեցող, ժամանակավոր կացարաններում, հասարակական նշանակության այլ օբյեկտներում բնակվող, ինքնասպասարկման ունակություն ունեցող՝
1) աշխատանքի վետերանի կարգավիճակ կամ 40 և ավելի տարվա աշխատանքային ստաժ ունեցող և Հայաստանի Հանրապետության օրենսդրությամբ նախատեսված խնամողներ չունեցող տարեց անձանց.
2) «հաշմանդամ-երեխա» կարգավիճակ ունեցող երեխայով միածնող ընտանիքի կամ ամուսնական զույգի, եթե ամուսիններից երկուսն էլ ունեն հաշմանդամություն:
(4-րդ կետը խմբ. 11.04.19 N 377-Ն)
5. Կացարանը տրամադրվում է պայմանագրային հիմունքներով՝ մինչև տասը տարի ժամկետով՝ անհատույց, իսկ դրանից հետո վարձակալության հիմունքներով:
6. Կացարանը չի կարող տրամադրվել սույն կարգի 4-րդ կետում նշված անձանց, եթե այդ անձինք (նրանց ընտանիքները) օտարել են բնակարան (բնակելի տուն)՝ սույն կարգի 7-րդ կետով սահմանված դիմումը ներկայացնելու օրվան նախորդող հինգ տարվա ընթացքում:
III. ԿԱՑԱՐԱՆԻ ՏՐԱՄԱԴՐՄԱՆ ՀԱՄԱՐ ԴԻՄԵԼԸ ԵՎ ԿԱՑԱՐԱՆ ՏՐԱՄԱԴՐԵԼՈՒ ՄԱՍԻՆ ՈՐՈՇՈՒՄԸ
7. Սույն կարգի 4-րդ կետում նշված անձը, կացարան տրամադրելու համար, անձամբ կամ ներկայացուցչի միջոցով դիմում է սոցիալական աջակցության բնագավառում Հայաստանի Հանրապետության կառավարության լիազորած պետական կառավարման մարմնին (այսուհետ` լիազորած պետական մարմին)՝ ներկայացնելով դիմում՝ համաձայն ձևի:
8. Սույն կարգի 7-րդ կետով սահմանված դիմումին կից ներկայացվում են «Սոցիալական աջակցության մասին» Հայաստանի Հանրապետության օրենքի 30-րդ հոդվածի 3-րդ մասով հաստատված հիվանդությունների ցանկում ընդգրկված որևէ հիվանդությամբ հիվանդ չլինելու հանգամանքը հիմնավորող փաստաթուղթ (փաստաթղթեր)՝ տրված համապատասխան բժշկական հաստատության (հաստատությունների) կողմից, ինչպես նաև իրավասու մարմինների կողմից տրված՝ համապատասխան կարգավիճակը հավաստող փաստաթուղթ՝
1) աշխատանքի վետերանի կարգավիճակ կամ 40 և ավելի տարվա աշխատանքային ստաժ ունեցող անձանց դեպքում՝ աշխատանքի վետերանի կարգավիճակը հավաստող փաստաթղթի (վկայականի) կամ աշխատանքային գրքույկի պատճենը.
2) հաշմանդամություն ունեցող անձի կամ «հաշմանդամ-երեխա» կարգավիճակ ունեցող անձի առկայության դեպքում՝ հաշմանդամություն ունեցող անձ կամ «հաշմանդամ-երեխա» ճանաչվելու մասին տեղեկանքը` տրված բժշկասոցիալական փորձաքննություն իրականացնող մարմնի կողմից:
(8-րդ կետը խմբ. 11.04.19 N 377-Ն)
9. Լիազորած պետական մարմինը սույն կարգի 7-րդ կետով սահմանված դիմումը և անհրաժեշտ փաստաթղթերն ընդունելուց հետո եռօրյա ժամկետում հարցում է կատարում Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին՝ կացարանի տրամադրում հայցող անձի և նրա ընտանիքի անդամների անվամբ Հայաստանի Հանրապետության ամբողջ տարածքում բնակելի տարածության նկատմամբ սեփականության իրավունքի գրանցման, ինչպես նաև դիմումը ներկայացնելու օրվան նախորդող հինգ տարվա ընթացքում բնակելի տարածության օտարման մասին տվյալներ ստանալու նպատակով:
10. Այն դեպքում, երբ Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեից ստացված տեղեկատվության համաձայն՝ կացարանի տրամադրում հայցող անձը (նրա ընտանիքը) Հայաստանի Հանրապետության տարածքում սեփականության իրավունքով ունի բնակելի տարածություն կամ օտարել է բնակելի տարածությունը` կացարանով ապահովելու համար դիմումը ներկայացնելու օրվան նախորդող հինգ տարվա ընթացքում, ապա լիազորած պետական մարմինը սույն կարգի 7-րդ կետով սահմանված դիմումը մերժում է՝ այդ տեղեկատվությունն ստանալուց հետո եռօրյա ժամկետում:
11. Կացարանի տրամադրում հայցող անձի և նրա ընտանիքի անդամների անվամբ Հայաստանի Հանրապետության ամբողջ տարածքում բնակելի տարածության նկատմամբ սեփականության իրավունքի գրանցման բացակայության և դիմումը ներկայացնելու օրվան նախորդող հինգ տարվա ընթացքում բնակելի տարածություն օտարած չլինելու մասին տեղեկատվությունը Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեից ստանալուց հետո եռօրյա ժամկետում լիազորած պետական մարմինը դիմում է կացարանի տրամադրում հայցող անձի փաստացի բնակության վայրի տարածքն սպասարկող միասնական սոցիալական ծառայության տարածքային կենտրոն (այսուհետ՝ կենտրոն)՝ կացարանի տրամադրում հայցող անձի սոցիալական կարիքները գնահատելու նպատակով:
(11-րդ կետը փոփ. 25.03.21 N 396-Ն)
12. Կենտրոնի կողմից կացարանի տրամադրում հայցող անձի սոցիալական կարիքները գնահատվում են Հայաստանի Հանրապետության օրենսդրությամբ սահմանված կարգով և ժամկետներում, եթե այլ բան սահմանված չէ սույն կարգով:
(12-րդ կետը փոփ. 25.03.21 N 396-Ն)
13. Կացարանի տրամադրում հայցող անձի սոցիալական կարիքների գնահատումից հետո եռօրյա ժամկետում կենտրոնը լիազորած պետական մարմին է ներկայացնում կացարանի տրամադրում հայցող անձի սոցիալական կարիքների գնահատման, այդ թվում՝ նրա ինքնասպասարկման ապահովման ունակություն ունենալու կամ դրա բացակայության մասին համապատասխան եզրակացություն:
(13-րդ կետը փոփ. 25.03.21 N 396-Ն)
14. Կենտրոնի եզրակացությունն ստանալուց հետո եռօրյա ժամկետում լիազորած պետական մարմինը հաշվառում է կացարանի տրամադրում հայցող անձին կամ մերժում է սույն կարգի 7-րդ կետով սահմանված դիմումը:
(14-րդ կետը փոփ. 25.03.21 N 396-Ն)
15. Կացարանի տրամադրում հայցող անձանց հաշվառում է լիազորած պետական մարմինը՝ ըստ դիմումները ներկայացնելու հերթականության (օրը, ամիսը, տարեթիվը) համապատասխան հերթացուցակներ կազմելու միջոցով: Կացարանի տրամադրում հայցող անձանց հաշվառումն իրականացվում է լիազորած պետական մարմնի ղեկավարի կողմից հաստատված կարգով:
16. Լիազորած մարմինը, կացարան տրամադրող կազմակերպությունից ստանալով համապատասխան տեղեկատվություն կացարան տրամադրելու հնարավորության (ազատ տեղերի առկայության) վերաբերյալ, դրա մասին անմիջապես տեղեկացնում է համապատասխան հերթացուցակում առաջին համարն զբաղեցնող անձին և նրան ուղեգրում է (տրամադրում է ուղեգիր) կացարան տրամադրող համապատասխան կազմակերպություն:
17. Լիազորած պետական մարմինը մերժում է սույն կարգի 7-րդ կետով սահմանված դիմումը՝
1) եթե անձը չի պատկանում սույն կարգի 4-րդ կետում նշված՝ հատուկ խմբերին դասված որոշակի կատեգորիայի անձանց որևէ խմբի.
2) եթե անձը (նրա ընտանիքը) Հայաստանի Հանրապետության տարածքում սեփականության իրավունքով ունի բնակելի տարածություն կամ օտարել է բնակելի տարածությունը` կացարանով ապահովելու համար դիմումը ներկայացնելու օրվան նախորդող հինգ տարվա ընթացքում.
3) եթե անձը, սույն կարգով սահմանված պահանջներին համապատասխան, բնակվում է կացարանում.
4) եթե անձը տառապում է «Սոցիալական աջակցության մասին» Հայաստանի Հանրապետության օրենքի 30-րդ հոդվածի 3-րդ մասով հաստատված հիվանդությունների ցանկում ընդգրկված որևէ հիվանդությամբ՝ դրա մասին մասնագիտացված բժշկական հաստատության տված եզրակացության հիման վրա.
5) եթե կենտրոնի կողմից ներկայացված եզրակացության համաձայն անձը չունի ինքնասպասարկման ապահովման ունակություն.
6) «Սոցիալական աջակցության մասին» Հայաստանի Հանրապետության օրենքով սահմանված այլ դեպքերում:
(17-րդ կետը փոփ. 25.03.21 N 396-Ն)
(25.03.21 N 396-Ն որոշման 6-րդ կետի 3-րդ ենթակետով N 5 հավելվածում փոփոխվող «գործակալության» բառը գտնվում է սույն հավելվածի 17-րդ կետի 5-րդ ենթակետում)
18. Անձին կացարան տրամադրելու կամ կացարան չտրամադրելու մասին որոշում կայացնելու դեպքում լիազորած պետական մարմինը դրա մասին երեք աշխատանքային օրվա ընթացքում տեղեկացնում է դիմողին՝ մերժման դեպքում նշելով մերժելու պատճառը և որոշումը բողոքարկելու կարգը:
IV. ԿԱՑԱՐԱՆ ԱՆՁԻ ԸՆԴՈՒՆԵԼՈՒԹՅՈՒՆԸ, ԿԱՑԱՐԱՆՈՒՄ ՏՐԱՄԱԴՐՎՈՂ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐԸ ԵՎ ԿԱՑԱՐԱՆԻՑ ԱՆՁԻ ԴՈՒՐՍԳՐՈՒՄԸ
19. Կացարան տրամադրող կազմակերպության և կացարան ընդունվող յուրաքանչյուր անձի միջև կնքվում է պայմանագիր, որով սահմանվում են կացարանի և այլ սոցիալական ծառայությունների տրամադրման հետ կապված՝ կողմերի փոխադարձ իրավունքներն ու պարտականությունները:
20. Կացարանում անձի բնակության, համակեցության կանոնների պահպանման հետ կապված հարաբերությունները կանոնակարգվում են կացարան տրամադրող կազմակերպության՝ համապատասխան լիազորություններով օժտված մարմնի (կամ պաշտոնատար անձի) կողմից հաստատված համակեցության կանոններով և այլ ներքին իրավական ակտերով:
21. Կացարան անձի ընդունելությունը ձևակերպվում է կացարան տրամադրող կազմակերպության գործադիր մարմնի ղեկավարի հրամանով:
22. Կացարանում անձին տրամադրվում են հետևյալ սոցիալական ծառայությունները՝
1) կենցաղային սպասարկում՝ սույն կարգի 19-րդ կետում նշված պայմանագրով նախատեսված դեպքերում և կարգով, ինչպես նաև ըստ անձի գնահատված կարիքի՝ առաջին անհրաժեշտության իրերով (կահույք, անկողնային սպիտակեղեն) ապահովում.
2) բժշկական օգնություն և սպասարկում, այդ թվում՝ բուժքրոջ շուրջօրյա հերթապահություն, ինչպես նաև դեղերով ապահովում՝ ըստ բժշկի նշանակման, այն անձանց, ովքեր ընդգրկված չեն Հայաստանի Հանրապետության օրենսդրությամբ հաստատված՝ անվճար կամ արտոնյալ պայմաններով դեղեր ձեռք բերելու իրավունք ունեցող բնակչության սոցիալական խմբերի ցանկում.
3) սոցիալ-հոգեբանական օգնություն.
4) խորհրդատվական օգնություն.
5) ըստ անհրաժեշտության՝ այլ սոցիալական ծառայություններ՝ սույն կարգի 19-րդ կետում նշված պայմանագրով նախատեսված դեպքերում և կարգով:
(22-րդ կետը խմբ. 25.05.17 N 554-Ն)
23. Կացարանում բնակվող անձի՝ «Սոցիալական աջակցության մասին» Հայաստանի Հանրապետության օրենքի 30-րդ հոդվածի 3-րդ մասով հաստատված հիվանդությունների ցանկում ընդգրկված որևէ հիվանդությամբ հիվանդանալու դեպքում՝ կացարան տրամադրող կազմակերպությունն ապահովում է այդ անձին համապատասխան մասնագիտացված բժշկական հաստատություն տեղափոխելը՝ դրա մասին երեք աշխատանքային օրվա ընթացքում տեղեկացնելով լիազորած պետական մարմնին:
24. Կացարանից անձի դուրսգրման հիմքերն են՝
1) տվյալ անձի գրավոր դիմումը.
2) կացարան տրամադրելու` օրենքով սահմանված ժամկետը լրանալը.
3) բնակչության սոցիալական պաշտպանության հաստատություն կամ շուրջօրյա լրիվ խնամք տրամադրող այլ կազմակերպություն ընդունվելը.
4) կացարանի համակեցության կանոնները կամ այլ ներքին իրավական ակտերով սահմանված պահանջները մեկ տարվա ընթացքում երեք անգամ խախտելը՝ կացարան տրամադրող կազմակերպության և կացարանի այլ բնակիչների կողմից կազմված արձանագրության հիման վրա.
5) «Սոցիալական աջակցության մասին» Հայաստանի Հանրապետության օրենքի 30-րդ հոդվածի 3-րդ մասով հաստատված հիվանդությունների ցանկում ընդգրկված հիվանդություններից որևէ մեկով հիվանդանալը՝ դրա մասին մասնագիտացված բժշկական հաստատության տված եզրակացության հիման վրա.
6) մեկ օրացուցային տարվա ընթացքում երեք ամսվանից ավելի կացարանից բացակայելը.
7) ինքնասպասարկման ապահովման ունակության մասնակի կամ ամբողջական կորուստը` շուրջօրյա լրիվ խնամք տրամադրող կազմակերպություն տեղափոխելու պայմանով.
8) տվյալ անձի մահը.
9) օրենքով սահմանված այլ հիմքեր:
25. Սույն կարգի 24-րդ կետի 4-րդ և 6-րդ ենթակետերով սահմանված հիմքերով կացարանից անձի դուրսգրումը կարող է իրականացվել միայն լիազորած պետական մարմնի ղեկավարի գրավոր համաձայնությամբ:
26. Անձը կացարանից դուրս է գրվում կացարան տրամադրող կազմակերպության գործադիր մարմնի ղեկավարի կողմից ընդունված անհատական իրավական ակտով: Կացարանից անձի դուրսգրումից հետո մեկ օրվա ընթացքում՝ կացարան տրամադրող կազմակերպությունը դրա մասին տեղեկացնում է լիազորած պետական մարմնին:
|
Հայաստանի Հանրապետության |
Դ. Հարությունյան |
Ձև
Հայաստանի Հանրապետության աշխատանքի և
սոցիալական հարցերի նախարարությանը
Դ Ի Մ ՈՒ Մ
Ես՝ ____________________________________________________________________________ ս,
(անունը, հայրանունը, ազգանունը)
Անձը հաստատող փաստաթղթի սերիան, համարը______________________________
Հանրային ծառայությունների համարանիշը ___________________________________
Հանրային ծառայությունների համարանիշ չստանալու մասին
տեղեկանքի համարը _______________________________________________________
Բնակության վայրը ________________________________________________________
Հեռախոսահամարը ____________________________,
հանդիսանալով --------------------------------------------------------------------------------------------
---------------------------------------------------------------------------------------------------------------,
(նշել սոցիալական խումբը)
խնդրում եմ ինձ (ընտանիքիս) տրամադրել կացարան:
Կից ներկայացվող փաստաթղթերի ցանկը՝
_______________________________________________________________________________
_______________________________________________________________________________
_______________________________________________________________________________
_______________________________________________________________________________
______________________________________
|
Ընդամենը --------------- էջ: |
|
|
(էջերի թիվը) |
Տեղյակ եմ, որ պակաս եմ ներկայացրել ------------------------------------------------------------------------------------------------------ փաստաթղթերը, դրանք ոչ ուշ, քան ______ ______________ 20 թ. ներկայացնելու դեպքում դիմելու օր է համարվելու սույն դիմումը ներկայացնելու ժամկետը, իսկ ավելի ուշ ներկայացնելու դեպքում` դիմելու օր է համարվելու վերջին փաստաթուղթը ներկայացնելու օրը:
|
Դիմող ______________________ |
_____ ______________20 թ. |
|
(ստորագրությունը) |
|
Ընդունեցի դիմումը և փաստաթղթերը |
__________________________________________ |
| (մասնագետի անունը, ազգանունը, ստորագրությունը) | |
|
|
(լրացվում է դիմումի դարձերեսին)
|
NN |
Ազգանունը, |
Ազգակցական կապը |
Անձը հաստատող փաստաթղթի (նույնականացման քարտի) սերիան, համարը |
Հանրային ծառայությունների համարանիշը կամ չստանալու մասին տեղեկանքի համարը |
|
դիմողը |
||||
|
2. |
||||
|
3. |
||||
|
4. |
||||
|
5. |
||||
|
6. |
(հավելվածը խմբ. 25.05.17 N 554-Ն, 11.04.19 N 377-Ն, փոփ. 25.03.21 N 396-Ն)
|
Հավելված N 6 |
Ա Ռ Ա Ն Ձ Ն Ա Հ Ա Տ Կ ՈՒ Թ Յ ՈՒ Ն Ն Ե Ր
ԿԱՑԱՐԱՆԻ ՎԱՐՁԱԿԱԼՈՒԹՅԱՆ ՊԱՅՄԱՆԱԳՐԻ ԿՆՔՄԱՆ
1. Կացարանն զբաղեցրած անձի կամ ընտանիքի (այսուհետ` բնակիչ) և «Հանգրվան» պետական ոչ առևտրային կազմակերպության (այսուհետ` կազմակերպություն) միջև բնակչի զբաղեցրած կացարանի վարձակալության պայմանագիրը (այսուհետ` պայմանագիր) կնքվում է Հայաստանի Հանրապետության կառավարության 2015 թվականի սեպտեմբերի 10-ի N 1069-Ն որոշման 2-րդ կետի 3-րդ ենթակետի «ա» պարբերության հիման վրա կամ N 2 հավելվածի 42-րդ կետով նախատեսված ժամկետը լրանալուց հետո:
2. Պայմանագիրը բնակչի հետ կնքվում է կազմակերպության առաջարկության (այսուհետ` առաջարկություն) հիման վրա` կամավորության սկզբունքով` բնակչի համաձայնությամբ:
3. Կազմակերպությունը բնակչին առաջարկությունը ներկայացնում է սույն հավելվածի 1-ին կետով սահմանված ժամկետը լրանալուց առնվազն 45 օր առաջ:
4. Կազմակերպությունն առաջարկությունը և պայմանագրի տեքստը ներկայացնում է պատվիրված փոստով, այդ թվում` ստանալու մասին ծանուցմամբ, հասցեատիրոջն ստորագրությամբ առձեռն հանձնելու, ինչպես նաև հանձնման այնպիսի եղանակներով, որոնք թույլ են տալիս հաստատել հասցեատիրոջ կողմից՝ օրենքով սահմանված դեպքերում պատշաճ ծանուցված լինելու փաստը:
5. Պայմանագիրը կնքվում է, եթե բնակիչն այն կնքելու մասին գրավոր համաձայնությունը ներկայացնում է կազմակերպություն` կազմակերպության առաջարկությունն ստանալուց հետո 30 օրվա ընթացքում:
6. Բնակիչը սույն հավելվածի 5-րդ կետով սահմանված ժամկետում կարող է կազմակերպություն ներկայացնել իր առարկությունները կամ անհամաձայնությունը պայմանագրի դրույթների վերաբերյալ, որոնք ընդունվում կամ լուծվում են կազմակերպության լիազոր ներկայացուցչի և բնակչի բանակցությունների միջոցով:
7. Պայմանագրում, ի թիվս այլ տեղեկությունների, նախատեսել նաև՝
1) կողմերի վավերապայմանները, այդ թվում՝ կազմակերպության անվանումը, գտնվելու վայրը, պետական գրանցման համարը, կազմակերպության անունից պայմանագիրը կնքող անձի պաշտոնը, անունը, ազգանունը.
2) բնակչի անունը, ազգանունը, անձը հաստատող փաստաթղթի սերիան և համարը, կացարանի հասցեն.
3) պայմանագրի համաձայն վարձակալության ժամկետը, վարձավճարի չափը, վճարման կարգը (այդ թվում` կացարանի վերանորոգումը կամ այլ աշխատանքներ).
4) կողմերի իրավունքներն ու պարտականությունները.
5) այլ անհրաժեշտ տեղեկություններ, որոնք վերաբերում են վարձակալության առանձնահատկություններին` վարձավճարի չափի արտոնությանը.
6) պայմանագիրը փոփոխելու և լուծելու հիմքերը.
7) որ պայմանագրից բխող՝ գույքի նկատմամբ իրավունքների պետական գրանցման վճարումներն իրականացվում են վարձակալի միջոցների հաշվին.
8) որ պայմանագրի ժամկետը, պայմանագրով սահմանված վարձակալության վարձավճարի չափը և վճարման կարգը՝
ա. վերանայվում են յուրաքանչյուր հաջորդ տարի` պայմանագրի կնքման օրը.
բ. փոխվելու դեպքում` պայմանագրում փոփոխությունները և լրացումները կատարվում են կողմերի համաձայնությամբ` լրացուցիչ համաձայնագրեր կնքելու միջոցով:
8. Պայմանագրով վարձակալության տրամադրվող գույքի վարձավճարի չափը հաշվարկվում է Հայաստանի Հանրապետության կառավարության 2001 թվականի փետրվարի 22-ի N 125 որոշման 1-ին կետի 5-րդ ենթակետով հաստատված կարգով:
9. Պայմանագրով վարձակալության տրամադրվող գույքի վարձավճարի չափի արտոնությունները սահմանվում են ստորև թվարկված դեպքերում` համապատասխան չափով`
1) պայմանագրի կամ լրացուցիչ համաձայնագրի կնքման ամսվա դրությամբ ընտանեկան կամ սոցիալական նպաստի իրավունք ունեցող ընտանիքին` սույն հավելվածի 8-րդ կետով սահմանված կարգով հաշվարկված վարձավճարի 50 տոկոսի չափով.
2) պայմանագրի կամ լրացուցիչ համաձայնագրի կնքման ամսվա դրությամբ ընտանիքների անապահովության գնահատման համակարգում հաշվառված՝ 0-ից բարձր անապահովության միավոր ունեցող, սակայն ընտանեկան կամ սոցիալական նպաստի իրավունք չունեցող ընտանիքներին` սույն հավելվածի 8-րդ կետով սահմանված կարգով հաշվարկված վարձավճարի 25 տոկոսի չափով:
10. Սույն հավելվածի 2-րդ կետով սահմանված համաձայնության բացակայության դեպքում կացարանն ազատվում է նախկինում կնքված պայմանագրի ժամկետը լրանալու հաջորդ օրը:
11. Կազմակերպությունը`
1) վարձակալության տրամադրվող գույքի վարձավճարից՝ Հայաստանի Հանրապետության օրենսդրությամբ սահմանված կարգով կազմակերպության տնօրինմանն անցած միջոցներն ուղղում է կազմակերպության կանոնադրությամբ նախատեսված նպատակների իրականացմանը.
2) գույքի վարձակալության տրամադրման վերաբերյալ հաշվետվություններն իրականացնում է Հայաստանի Հանրապետության ֆինանսների նախարարության սահմանած՝ պետական ոչ առևտրային կազմակերպությունների նպատակային և ձեռնարկատիրական գործունեության տարեկան ֆինանսատնտեսական արդյունքների մասին հաշվետվության օրինակելի ձևին համապատասխան:
12. Սույն հավելվածի գործողությունը տարածվում է Հայաստանի Հանրապետության կառավարության 2013 թվականի օգոստոսի 1-ի N 894-Ն որոշման N 2 հավելվածի 3-րդ կետի համաձայն և Հայաստանի Հանրապետության կառավարության 2015 թվականի սեպտեմբերի 10-ի N 1069-Ն որոշման N 2 հավելվածով սահմանված կարգով կացարանում տեղավորված՝ սոցիալապես անապահով և հատուկ խմբերին դասված անձանց (ընտանիքների) վրա:
(հավելվածը լրաց. 18.08.16 N 847-Ն)
