ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

«Ցածրավոլտ սարքավորումների անվտանգության մասին» (ՄՄ ՏԿ 004/2011), «Մեքենաների և սարքավորումների անվտանգության մասին» (ՄՄ ՏԿ 010/2011) և «Տեխնիկական միջոցների էլեկտրամագնիսական համատեղելիություն» (ՄՄ ՏԿ 020/2011) Մաքսային միության տեխնիկական կանոնակարգերն ուժի մեջ մտնելու առնչությամբ` Եվրասիական տնտեսական հանձնաժողովի կոլեգիան որոշեց.

1. Մաքսային միության հանձնաժողովի 2010 թվականի մայիսի 28-ի «Մաքսային միությունում սանիտարական միջոցառումների կիրառման մասին» թիվ 299 որոշման 2.1 կետը տասնվեցերորդ պարբերությունից հետո լրացնել հետևյալ բովանդակությամբ պարբերությամբ՝

«- մինչև 2020 թվականի հոկտեմբերի 15-ը՝ 7-րդ բաժնի 3-րդ ենթաբաժնի երկրորդ, երրորդ, հինգերորդ, տասներկուերորդ, տասներեքերորդ պարբերություններով և 5-րդ ենթաբաժնի առաջինից տասներորդ, տասնութերորդ պարբերություններով: «Մեքենաշինության, գործիքաշինության և էլեկտրատեխնիկայի արտադրանքին ներկայացվող պահանջներ» այն արտադրանքին ներկայացվող պահանջների մասով, որը «Ցածրավոլտ սարքավորումների անվտանգության մասին» (ՄՄ ՏԿ 004/2011),«Մեքենաների և սարքավորումների անվտանգության մասին» (ՄՄ ՏԿ 010/2011) և «Տեխնիկական միջոցների էլեկտրամագնիսական համատեղելիություն» (ՄՄ ՏԿ 020/2011) Մաքսային միության տեխնիկական կանոնակարգերի տեխնիկական կանոնակարգման օբյեկտ է՝ նշված տեխնիկական կանոնակարգերն ուժի մեջ մտնելու առնչությամբ:»:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Պաշտոնական հրապարակման օրը՝ 22 հունիսի 2022 թվական: