ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

«Սանիտարական, անասնաբուժասանիտարական և կարանտինային բուսասանիտարական միջոցառումների իրականացման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի 12-րդ հավելված) 17-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 19-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Մաքսային միության հանձնաժողովի 2011 թվականի ապրիլի 7-ի թիվ 607 որոշմամբ սահմանված՝ Եվրասիական տնտեսական միության մաքսային տարածք արտահանվող կաշվե, եղջերակճղակային, աղիքային, մուշտակամորթու, ոչխարամորթու և գառան մորթու հումքի, բրդի և այծի մոհերի, խոզաստևի, ձիու մազի, հավի, բադի, սագի և այլ թռչունների փետուրի ու աղվափետուրի համար անասնաբուժական սերտիֆիկատի (ձև թիվ 32) մեջ կատարել հետևյալ փոփոխությունները՝

ա) 4.1 ենթակետի առաջին պարբերությունում «և արտադրվել են համապատասխան կենդանիների վարակիչ հիվանդություններից զերծ ձեռնարկություններում (տնտեսություններում) և վարչատարածքներում» բառերը փոխարինել «, ծագում են համապատասխան կենդանիների (թռչունների) վարակիչ հիվանդություններից պաշտոնապես զերծ տնտեսություններից և արտադրվել այն ձեռնարկություններում, որոնց նկատմամբ անասնաբուժասանիտարական սահմանափակումներ չեն սահմանվել» բառերով։ Նշված հումքը ծագում է այն տնտեսություններից, որոնք զերծ են կենդանիների (թռչունների) ընկալունակ տեսակների վարակիչ հիվանդություններից».

բ) 4.2 ենթակետը շարադրել հետևյալ խմբագրությամբ՝

«4.2. Կաշվե և ոչխարամորթու հումքը սպանդային ծագման հումք է և ստացվել է նախասպանդային անասնաբուժական զննում անցած կենդանիներից, իսկ մսեղիքը և ներքին օրգանները պետք է ամբողջական ծավալով ենթարկված լինեն հետսպանդային անասնաբուժասանիտարական փորձաքննության և բաց թողնվեն իրացման համար՝ առանց սահմանափակումների։».

բ) 4.4 ենթակետը լրացնել հետևյալ բովանդակությամբ պարբերությամբ՝

«Գառան մորթու և մուշտակամորթու հավաքովի հումքը պետք է հետազոտվի սիբիրախտի մասով:»։

բ) 4.5 ենթակետում «միջազգային պահանջներին» բառերը փոխարինել «արտահանող երկրի պահանջներին» բառերով».

2. Սահմանել, որ Մաքսային միության հանձնաժողովի 2011 թվականի ապրիլի 7-ի թիվ 607 որոշմանը համապատասխան պատրաստված անասնաբուժական սերտիֆիկատների ձևաթղթերը, որոնք թողարկվել են մինչև սույն որոշումն ուժի մէջ մտնելը, օգտագործվում են մինչև 2020 թվականի դեկտեմբերի 1-ը:

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Պաշտոնական հրապարակման օրը՝ 22 հունիսի 2022 թվական: