1.

Ծրագրի նպատակը

Աջակցություն 2020 թվականի սեպտեմբեր-նոյեմբեր ամիսներին արցախյան պատերազմի հետևանքով տեղահանված, նյութական և հոգեբանական ծանր կացության մեջ հայտնված Արցախի Հանրապետության բնակչությանը:

2.

Ծրագրի բարեգործական որակման նպատակը

Օրենքով սահմանված կարգով օգտվել Հայաստանի Հանրապետության հարկերի, տուրքերի և այլ պարտադիր վճարների գծով արտոնություններից:

3.

Բարեգործը

Անհատ բարերարներից և ոչ առևտրային կազմակերպություններից ստացվող հանգանակություններ:

4.

Ծրագիրը կատարողը

«Նարեկացի» արվեստի միավորում» հասարակական կազմակերպություն (քաղ. Երևան, Վարդանանց 16/1, ՀՎՀՀ՝ 02553174)։

5.

Ծրագրի իրականացման վայրը և բնագավառը

քաղ. Երևան, Վարդանանց 16/1, սոցիալական բնագավառ։

6.

Ծրագրի բյուջեն

150 մլն դրամ

7.

Բարեգործություն ստացողը

Արցախի հանրապետության տարհանված բնակչություն։

8.

Ծրագրի իրականացման տևողությունը

2021 թվականի հունվարի 1-ից մինչև 2022 թվականի հունվարի 1-ը։

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

«Օգնություն արցախցիներին» նախաձեռնությամբ Արցախից տարհանված ընտանիքներին առաջին անհրաժեշտության ապրանքներով ապահովում՝ վերմակ, ներքնակ, տաք հագուստ, կենցաղային ապրանքներ և պարագաներ, մանկական անհրաժեշտ պարագաներ և հագուստ:

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

Առաջին անհրաժեշտության և կենցաղային ապրանքների, հագուստի, անկողնային ու հիգիենիկ պարագաների ձեռքբերում՝
- լվացքի փոշի – 8,0 մլն դրամի չափով,
- մանկական տակդիրներ – 12,0 մլն դրամի չափով,
- վերմակներ – 15,0 մլն դրամի չափով,
- բարձեր – 10,0 մլն դրամի չափով,
- անկողնային պարագաներ (սավան, ծրար, բարձի երես) – 10,0 մլն դրամի չափով,
- էլեկտրական սարքավորումներ (տաքացուցիչներ, ջեռուցիչներ) – 25,0 մլն դրամի չափով,
- մեծահասակների վերարկուներ – 30,0 մլն դրամի չափով,
- գլխարկներ, շարֆեր – 8,0 մլն դրամի չափով,
- տաք վերնահագուստ – 18,0 մլն դրամի չափով:
Նվերների ձեռքբերում – 14,0 մլն դրամի չափով:

11.

Ծրագրի իրականացման հետ կապված կազմակերպական ծախսերը

Կազմակերպական ծախսեր չեն նախատեսվում:

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Տարածքային սոցիալական մարմիններ:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

ՀՀ կառավարության 2003 թ. հունվարի 16-ի N 66-ն որոշմամբ հաստատված` բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով: