ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
30 դեկտեմբերի 2020 թվականի N 871-Ա
ԵԿԵՂԵՑԻՆԵՐԻ ՀԱՄԱՇԽԱՐՀԱՅԻՆ ԽՈՐՀՐԴԻ ՀԱՅԱՍՏԱՆՅԱՆ ՄԻՋԵԿԵՂԵՑԱԿԱՆ ԲԱՐԵԳՈՐԾԱԿԱՆ «ԿԼՈՐ ՍԵՂԱՆ» ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ԱՋԱԿՑՈՒԹՅՈՒՆ ԱՐՑԱԽԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻՆԵՐԻՆ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել Եկեղեցիների համաշխարհային խորհրդի հայաստանյան միջեկեղեցական բարեգործական «Կլոր սեղան» հիմնադրամի կողմից իրականացվող` 73,500,000 դրամ ընդհանուր արժողությամբ «Աջակցություն Արցախի Հանրապետության քաղաքացիներին» ծրագիրը՝ համաձայն հավելվածի:
2. Եկեղեցիների համաշխարհային խորհրդի հայաստանյան բարեգործական «Կլոր սեղան» հիմնադրամին` ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:
Հայաստանի Հանրապետության |
Տ. ԱվինՅԱՆ |
2020 թ. դեկտեմբերի 30 Երևան |
Հավելված ՀՀ փոխվարչապետի 2020 թ. դեկտեմբերի 30-ի N 871-Ա որոշման |
«ԱՋԱԿՑՈՒԹՅՈՒՆ ԱՐՑԱԽԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻՆԵՐԻՆ»
ԾՐԱԳԻՐ
1. |
Ծրագրի նպատակը |
Ծրագրի նպատակն է 2020 թ. սեպտեմբերի 27-ին սանձազերծած պատերազմի հետևանքով տեղահանված և փաստացի Հայաստանի Հանրապետությունում գտնվող Արցախի 2,000 քաղաքացիներին տրամադրել աջակցություն՝ սննդի, սան-հիգիենիկ ու անկողնային պարագաների և կենցաղային սարքերի տեսքով, ինչպես նաև ապահովել սոցիալ-հոգեբանական աջակցություն: |
2. |
Ծրագրի բարեգործական որակման նպատակը |
Օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից՝ խնայված գումարներն ուղղելով ծրագրի շահառուների թվի ավելացմանը: |
3. |
Բարեգործը |
«Եկեղեցիների համատեղ գործողություններ դաշինք» (ACT Alliance), Ռյու դե Ֆերնի 150, Ժնև, Շվեյցարիա։ |
4. |
Ծրագիրը կատարողը |
Եկեղեցիների համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամ (ՀԿՍ): |
5. |
Ծրագրի իրականացման վայրը և բնագավառը |
ՀՀ Գեղարքունիքի, Արագածոտնի, Տավուշի, Շիրակի, Կոտայքի, Արմավիրի և Վայոց Ձորի մարզերում ապաստանած Արցախից ինքնաբուխ ժամանած 2,000 քաղաքացիները կստանան մարդասիրական օգնություն: Օգնություն ստացողների ցուցակները համաձայնեցվում են մարզպետարանների հետ: |
6. |
Ծրագրի բյուջեն |
73,500,000 դրամ (համարժեք 150,000 ԱՄՆ դոլարին) |
7. |
Բարեգործություն ստացողը |
Արցախից ինքնաբուխ ժամանած 2,000 անձինք, ովքեր բնակվում են Հայաստանում՝ ժամանակավոր կացարաններում և հյուրընկալ ընտանիքներում: |
8. |
Ծրագրի իրականացման տևողությունը |
20.01.2021 թ. – 20.04.2021 թ. |
9. |
Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը |
Ծրագրի միջոցառումները հետևյալն են՝ Սննդի տրամադրում Արցախից ինքաբուխ ժամանած 2,000 անձանց: Յուրաքանչյուր փաթեթի գինը 21,560 դրամ է: Սան-հիգիենիկ փաթեթների տրամադրում Արցախից ժամանած 2,000 անձանց: Յուրաքանչյուր փաթեթի գինը 4,900 դրամ է: Կենցաղային սարքեր և պարագաներ, կոմունալ վճարներ: Ֆինանսական միջոցները՝ 13,249,500 դրամ: Սոցիալ-հոգեբանական աջակցություն Անձնակազմի ծախսեր |
10. |
Ձեռքբերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը |
Սննդային օգնություն Սան-հիգիենիկ փաթեթներ Կենցաղային սարքեր և պարագաներ, կոմունալ վճարներ |
11. |
Ծրագրի իրականացման հետ կապված կազմակերպական ծախսերը |
Վարչական անձնակազմի աշխատավարձ ( 2 մարդ՝ 3 ամիս)՝ 774,000 ՀՀ դրամ, |
12. |
Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ |
Հայաստանյան Կլոր սեղան հիմնադրամն համագործակցում է տեղական ինքնակառավարման մարմինների, մարզպետարանների, ՀԱԵ թեմերի, տեղական կազմակերպությունների հետ, որոնք գործունեություն են ծավալում ՀԿՍ-ի աջակցությամբ իրականացվող ծրագրի վայրերում: |
13. |
Ծրագրի արդյունավետության նկատմամբ վերահսկողության մեխանիզմների նկարագրությունը |
Ծրագրի վերահսկողությունն իրականացվում է գործադիր տնօրենի, գլխավոր հաշվապահի և ծրագրերի ղեկավարի կողմից, իսկ ամենօրյա վերահսկողությունը կատարում է ծրագրի պատասխանատուն, որը պարբերաբար այցեր է կատարում ծրագրի իրականացման վայրեր՝ մշտադիտարկման նպատակով՝ ներկայացնելով հաշվետվություններ: Պարտավորվում ենք հաշվետվություն ներկայացնել համաձայն Հայաստանի Հանրապետության կառավարության 2003 թ-ի հունվարի 16-ի N66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետի: |
Հայաստանի Հանրապետության |
Տ. ԱվինՅԱՆ |
![loading...](/static/img/loader.gif)