Պ Ա Ր Ե Տ Ի  Ո Ր Ո Շ ՈՒ Մ

28 հուլիսի, 2020 թվական N 221-Ա

ՄԻ ՇԱՐՔ ՏՆՏԵՍՎԱՐՈՂՆԵՐԻ ՆԿԱՏՄԱՄԲ ԿԻՐԱՌՎՈՂ ՍԱՀՄԱՆԱՓԱԿՄԱՆ ՎԵՐԱԲԵՐՅԱԼ

Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թվականի մարտի 16-ի N 298-Ն որոշման 2-րդ, 6-րդ և 7-րդ կետերով և որոշման հավելվածի 20-րդ կետով, ինչպես նաև հիմք ընդունելով Հայաստանի Հանրապետության սննդամթերքի անվտանգության տեսչական մարմնի ղեկավարի 2020 թվականի հուլիսի 27-ի N 1125-Ա, N 1126-Ա, N 1127-Ա, N 1131-Ա, N 1132-Ա և N 1134-Ա հրամանների հիման վրա 2020 թվականի հուլիսի 27-ին իրականացված մշտադիտարկումների արդյունքում կազմված արձանագրությունները՝

1. 24 ժամով արգելել հետևյալ տնտեսվարողներին պատկանող մասնաճյուղերի (հասցեներում իրականացվող) գործունեության ծավալումը՝

1) Ա/Ձ «Ժասմեն Մուրադյան», Սյունիքի մարզ, Սիսիան համայնք, բնակավայր ՈՒյծ (ՀՎՀՀ 77933862).

2) Ա/Ձ «Աշխեն Ասատրյան», Սյունիքի մարզ, ք.Կապան, Բաղաբերդի 23 շ.դիմաց (ՀՎՀՀ 78652612).

3) Ա/Ձ «Ալվարդ Մանուչարյան», Սյունիքի մարզ, ք.Կապան, Բաղաբերդի 23 (ՀՎՀՀ 78622777).

4) Ա/Ձ «Արթուր Պողոսյան», Շիրակի մարզ, ք.Արթիկ, Անկախության փողոց Արևմուտք (ՀՎՀՀ 61701434).

5) Ա/Ձ «Վախթանգ Իգիթյան», Շիրակի մարզ, ք.Մարալիկ Հր. Շահինյան (ՀՎՀՀ 61715678).

6) Ա/Ձ «Մարիամ Աբրահամյան», Արագածոտնի մարզ, գ.Օշական Վ.Ամատունու փ 47 (ՀՎՀՀ 54652362).

7) Ա/Ձ «Հռիփոսիմե Նարինյան», Արագածոտնի մարզ, գ.Օշական Վ.Ամատունու փ 4-րդ 1-ին նրբ (ՀՎՀՀ 54683227).

8) Ա/Ձ «Մանիկ Մարտիրոսյան», Արագածոտնի մարզ, գ.Օշական Վ. Ամատունու փ 44 (ՀՎՀՀ 54656725).

9) Ա/Ձ «Տիգրան Փանոսյան», Արմավիրի մարզ, գ. Երասխահուն (ՀՎՀՀ 84548255).

10) Ա/Ձ «Սոնա Դավթյան», Տավուշի մարզ, գ. Բաղանիս (ՀՎՀՀ 71024771).

11) Ա/Ձ «Լևոն Հմայակյան», Արարատի մարզ, գ․Գեղանիստ (ՀՎՀՀ 56204982).

12) Ա/Ձ «Նունե Թադևոսյան», Արարատի մարզ, գ.Արբաթ 4-րդ փողոց 33 (ՀՎՀՀ 49633107)։

2. Հայաստանի Հանրապետության սննդամթերքի անվտանգության տեսչական մարմնի ղեկավար Գեորգի Ավետիսյանին՝ ապահովել տնտեսվարողներին սույն որոշման մասին տեղեկացումը։

3. Տնտեսվարողի գործունեությունը արգելվում է տեղեկացման պահից։

4. Հայաստանի Հանրապետության ոստիկանության պետ Վահե Ղազարյանին՝ ապահովել սույն որոշման 1-ին կետի պահանջների կատարման նկատմամբ ամբողջական վերահսկողությունը։

5. Սույն որոշումն ուժի մեջ է մտնում հրապարակման պահից։

Պաշտոնական հրապարակման օրը՝ 28 հուլիսի 2020 թվական: