ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

ՀԵՌՈՒՍՏԱԸՆԿԵՐՈՒԹՅՈՒՆՆԵՐԻ ԵՎ ՌԱԴԻՈԸՆԿԵՐՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄՇՏԱԴԻՏԱՐԿՄԱՆ ԻՐԱԿԱՆԱՑՄԱՆ ԸՆԹԱՑԱԿԱՐԳԸ ԵՎ ՄՇՏԱԴԻՏԱՐԿՄԱՆ ԱՐԴՅՈՒՆՔՆԵՐԻ ՎԵՐԱԲԵՐՅԱԼ ԱՐՁԱՆԱԳՐՈՒԹՅԱՆ ՁԵՎԵՐԸ ՍԱՀՄԱՆԵԼՈՒ ՄԱՍԻՆ

(վերնագիրը խմբ. 22.04.20 թիվ 26-Ա)

Ղեկավարվելով «Հեռուստատեսության և ռադիոյի մասին» Հայաստանի Հանրապետության օրենքի 36-րդ հոդվածի 1-ին մասի 25-րդ կետով՝ Հեռուստատեսության և ռադիոյի հանձնաժողովը որոշում է.

1. Սահմանել հեռուստաընկերությունների և ռադիոընկերությունների գործունեության մշտադիտարկման իրականացման ընթացակարգը և մշտադիտարկման արդյունքների վերաբերյալ արձանագրության ձևերը՝ համաձայն N 1 և N 2 հավելվածների:

(1-ին կետը փոփ. 22.04.20 թիվ 26-Ա)

2. Սույն որոշումն ուժի մեջ է մտնում պատշաճ իրազեկման օրվան հաջորդող օրվանից:

Հեռուստատեսության և ռադիոյի  հանձնաժողովի նախագահ

Գ. Բունիաթյան

Հավելված N 1 Սահմանված է Հեռուստատեսության և ռադիոյի  հանձնաժողովի 2018 թվականի մայիսի 30-ի թիվ 42-Ա որոշմամբ

ԸՆԹԱՑԱԿԱՐԳ

ՀԵՌՈՒՍՏԱԸՆԿԵՐՈՒԹՅՈՒՆՆԵՐԻ ԵՎ ՌԱԴԻՈԸՆԿԵՐՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄՇՏԱԴԻՏԱՐԿՄԱՆ ԻՐԱԿԱՆԱՑՄԱՆ

(վերնագիրը խմբ. 22.04.20 թիվ 26-Ա)

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն ընթացակարգով սահմանվում են Հեռուստատեսության և ռադիոյի հանձնաժողովի (այսուհետ՝ Հանձնաժողով) կողմից հեռուստաընկերությունների և ռադիոընկերությունների գործունեության մշտադիտարկման իրականացման կարգը:

Հեռուստաընկերությունների և ռադիոընկերությունների գործունեության մշտադիտարկումը՝ հեռուստաընկերությունների և ռադիոընկերությունների փաստացի գործունեությունը օրենքին և լիցենզիայի պահանջներին համապատասխան իրականացնելու բացահայտման նպատակով իրականացվող դիտարկումն է, որն իրականացվում է ուղղակի դիտարկման, իսկ կաբելային (մալուխային) հեռուստառադիոհեռարձակման դեպքում նաև հեռուստաընկե- րությունում տեղում դիտարկում իրականացնելու միջոցով:

Հանրային հեռուստաընկերության և հանրային ռադիոընկերության գործունեության մշտադիտարկումը ներառում է նաև տեղեկատվական, կրթական, մշակութային և ժամանցային բնույթի հաղորդումների բազմազանության ապահովման վերաբերյալ ուսումնասիրությունը:

Հանձնաժողովի աշխատակիցն իրականացրած մշտադիտարկման արդյունքներով կազմում է մշտադիտարկման արդյունքների վերաբերյալ արձանագրություն՝ համաձայն Հավելված N 2-ի N 1 և N 2 ձևերի:

Մշտադիտարկման արդյունքների վերաբերյալ արձանագրությունը կազմվում են երկու օրինակից:

II. ՀԵՌՈՒՍՏԱԸՆԿԵՐՈՒԹՅՈՒՆՆԵՐԻ ԿԱՄ ՌԱԴԻՈԸՆԿԵՐՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՈՒՂՂԱԿԻ ԴԻՏԱՐԿՈՒՄ

2. Հանձնաժողովն ընտրանքային սկզբունքով իրականացնում է հեռուստառադիոընկերությունների կողմից հեռարձակվող ծրագրերի ուղղակի դիտարկումներ յուրաքանչյուր հեռուստառադիոընկերության համար ամսվա ընթացքում առնվազն հինգ օր:

Հանձնաժողովի աշխատակցի կողմից հեռուստաընկերությունների կամ ռադիոընկերությունների գործունեության մշտադիտարկումն ուղղակի դիտարկման միջոցով իրականացվում է՝ հեռուստաընկերությունների կամ ռադիոընկերությունների կողմից հեռարձակվող հեռուստառադիոհաղորդումները դիտելու միջոցով:

Ուղղակի դիտարկման արդյունքները կարող են համադրվել հեռուստաընկերությունների և ռադիոընկերությունների ներկայացրած հաշվառման մատյանների տվյալների հետ: Դիտարկման արդյունքների և հաշվառման մատյանների տվյալների համադրման դեպքում մշտադիտարկման արդյունքների վերաբերյալ արձանագրության մեջ նշվում են նաև դիտարկման արդյունքների և հաշվառման մատյանների տվյալների միջև անհամապատասխանությունը, անհամապատասխանությունների քանակը և տևողությունը:

Հանձնաժողովի աշխատակիցն իրականացրած մշտադիտարկման արդյունքում հեռուստատեսության և ռադիոյի ոլորտը կարգավորող օրենսդրության խախտում արձանագրելու դեպքում կազմում է մշտադիտարկման արդյունքների վերաբերյալ արձանագրություն՝ համաձայն N 1 ձևի:

Ուղղակի դիտարկման միջոցով իրականացված մշտադիտարկման արդյունքների վերաբերյալ արձանագրությունը N 1 ձևով կազմելուց հետո այն ստորագրում է մշտադիտարկում իրականացրած անձը: Արձանագրությանը կցվում են մշտադիտարկման առարկային վերաբերող ապացույցները, որի մասին նշում է կատարվում արձանագրության մեջ:

III. ՀԵՌՈՒՍՏԱՌԱԴԻՈԸՆԿԵՐՈՒԹՅՈՒՆՆԵՐՈՒՄ ՏԵՂՈՒՄ ԻՐԱԿԱՆԱՑՎՈՂ ԴԻՏԱՐԿՈՒՄ

3. Հեռուստառադիոծրագրերի կաբելային (մալուխային) հեռարձակում իրականացնող հեռուստառադիոընկերությունների գործունեության մշտադիտարկումն իրականացվում է նաև հեռուստառադիոընկերություններում տեղում դիտարկում իրականացնելու միջոցով: Հեռուստառադիոընկերություններում մշտադիտարկումն իրականացվում է Հանձնաժողովի նախագահի հրամանի հիման վրա:

 Հեռուստաընկերություններում կամ ռադիոընկերություններում մշտադիտարկումը սկսելուց առաջ հրամանի մեկ օրինակը հանձնվում է հեռուստաընկերության կամ ռադիոընկերության ղեկավարին կամ նրան փոխարինող իրավասու այլ անձի:

Եթե հեռուստառադիոընկերության ղեկավարը կամ նրան փոխարինելու իրավունք ունեցող անձը հեռուստաընկերության կամ ռադիոընկերության գործունեության վայրում չէ կամ հրաժարվում է ստանալ մշտադիտարկում իրականացնելու վերաբերյալ հրամանը և ստորագրությամբ հավաստել այն ստանալու փաստը, հրաժարվում է ստորագրել և ստանալ արձանագրության երկրորդ օրինակը, ապա հրամանի պատճենը, արձանագրության երկրորդ օրինակը եռօրյա ժամկետում փոստային առաքման միջոցով ուղարկվում է հեռուստաընկերությանը կամ ռադիոընկերությանը, որը ստանալուց հետո միայն կարող է իրականացվել մշտադիտարկում:

Անհապաղ մշտադիտարկում իրականացնելու անհրաժեշտության դեպքում մշտադիտարկում իրականացնելու վերաբերյալ հրամանի օրինակը և մշտադիտարկման արդյունքների վերաբերյալ արձանագրությունը փոստային առաքման միջոցով ուղարկվում են հեռուստաընկերություն կամ ռադիոընկերություն մշտադիտարկումն իրականացնելուց հետո՝ եռօրյա ժամկետում:

 Հեռուստառադիոընկերությունում տեղում դիտարկում իրականացնելու դեպքում հեռուստառադիոընկերությունը մշտադիտարկում իրականացնող անձանց պետք է ապահովի անհրաժեշտ աշխատանքային տարածքով և տեխնիկական միջոցներով:

Հեռուստառադիոընկերությունում տեղում դիտարկման միջոցով իրականացված մշտադիտարկման արդյունքների վերաբերյալ արձանագրությունը՝ N 2 ձևով կազմելուց հետո այն ստորագրում են Հանձնաժողովի և հեռուստաընկերության կամ ռադիոընկերության ներկայացուցիչները: Հեռուստառադիոընկերությունում մշտադիտարկում իրականացնելու դեպքում արձանագրությանը կցվում են հեռուստառադիոընկերության տիրապետության տակ գտնվող մշտադիտարկման առարկային վերաբերող ապացույցները, որի մասին նշում է կատարվում արձանագրության մեջ:

Հեռուստառադիոընկերությունում իրականացված մշտադիտարկման արդյունքների մասին արձանագրության վերաբերյալ առարկություններ ունենալու դեպքում հեռուստաընկերության կամ ռադիոընկերության ներկայացուցիչն այդ մասին նշում է կատարում արձանագրության մեջ և ստորագրում:

Հանձնաժողովի նախագահի հրամանի հիման վրա հեռուստառադիոընկերություններում մշտադիտարկումն իրականացնող աշխատակիցն անհրաժեշտության դեպքում և բաժանորդների թույլտվությամբ կարող է մշտադիտարկում իրականացնել տեղում՝ բաժանորդի տանը:

IV. ՄՇՏԱԴԻՏԱՐԿՄԱՆ ԱՄՓՈՓ ԴՐՈՒՅԹՆԵՐ

4. Հանձնաժողովի աշխատակցի կողմից իրականացված մշտադիտարկան արդյունքում հեռուստառադիոընկերության գործունեության իրավախախտում արձանագրելու դեպքում, արձանագրությունը զեկուցագրով ներկայացվում է Հանձնաժողովի նախագահին: Գործընթացի հետագա ընթացքն ապահովելու համար Հանձնաժողովի նախագահը մակագրում է զեկուցագիրը համապատասխան կառուցվածքային ստորաբաժանմանը: Զեկուցագիրը համապատասխան կառուցվածքային ստորաբաժանմանը մակագրվելու օրը համարվում է վարչական վարույթի հարուցման օր: Մշտադիտարկման արդյունքների վերաբերյալ արձանագրությունը համապատասխան կառուցվածքային ստորաբաժանում մուտքագրվելուց հետո՝ ուղեկցող գրությամբ, փոստային առաքման միջոցով եռօրյա ժամկետում ուղարկվում է հեռուստառադիոընկերություն:

Մշտադիտարկման արդյունքների մասին արձանագրության վերաբերյալ առարկություններ ունենալու դեպքում հեռուստառադիոընկերությունը մշտադիտարկման արդյունքների վերաբերյալ արձանագրությունը ստանալուց հետո՝ եռօրյա ժամկետում, կարող է դրանք ներկայացնել Հանձնաժողով:

Մշտադիտարկման արդյունքների վերաբերյալ կազմված արձանագրությունը կարող է հիմք հանդիսանալ վարչական վարույթ հարուցելու համար, իսկ հարուցված վարչական վարույթի շրջանակներում ծառայել որպես վարչական վարույթի ապացույց:

(հավելվածը խմբ. 22.04.20 թիվ 26-Ա)

Հավելված N 2 Սահմանված է Հեռուստատեսության և ռադիոյի  հանձնաժողովի 2018 թվականի մայիսի 30-ի թիվ 42-Ա որոշմամբ

Ձև N 1

Արձանագրությունը կազմվում է երկու օրինակից

Ա Ր Ձ Ա Ն Ա Գ Ր ՈՒ Թ Յ ՈՒ Ն

ՀԵՌՈՒՍՏԱԸՆԿԵՐՈՒԹՅՈՒՆՆԵՐԻ ԿԱՄ ՌԱԴԻՈԸՆԿԵՐՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄՇՏԱԴԻՏԱՐԿՄԱՆ (ՈՒՂՂԱԿԻ ԴԻՏԱՐԿՈՒՄ ԻՐԱԿԱՆԱՑՆԵԼՈՒ ՄԻՋՈՑՈՎ) ԱՐԴՅՈՒՆՔՆԵՐԻ ՎԵՐԱԲԵՐՅԱԼ

ք. _________

«    » __________ի 20____թ.

Ես՝ Հեռուստատեսության և ռադիոյի հանձնաժողովի

_______________________________________`  (մշտադիտարկում իրականացնող անձի պաշտոնը)

 

_____________________________________  ս (մշտադիտարկում իրականացնող անձի անունը, ազգանունը)

________________________________________ (հեռուստաընկերության կամ ռադիոընկերության լրիվ անվանումը)

 ___________________________ եթերի մշտադիտարկման արդյունքում արձանագրել եմ.

 (ամիսը, ամսաթիվը, տարեթիվը)

______________________________________________________________________________

(Մշտադիտարկման արդյունքների համառոտ շարադրանքը, ինչպես նաև վարչական վարույթ հարուցելու կամ հարուցված վարչական վարույթի համար էական նշանակություն ունեցող բոլոր փաստական հանգամանքները: Նշում է կատարվում մշտադիտարկման նպատակի, ժամանակահատվածի և իրավական հիմքերի մասին: Դիտարկման արդյունքների և հաշվառման մատյանների տվյալների միջև անհամապատասխանությունը, անհամապատասխանությունների քանակը և տևողությունը: Նշում է կատարվում մշտադիտարկման առարկային վերաբերող ապացույցների մասին:)

______________________________________________________________________________

______________________________________________________________________________

______________________________________________________________________________

____________________________________________________________________________

Մշտադիտարկում իրականացրած անձ (Հանձնաժողովի ներկայացուցիչներ)

______________________________________________________________________________

 (անուն, ազգանուն, ստորագրություն)

Ձև N 2

Արձանագրությունը կազմվում է երկու օրինակից

Ա Ր Ձ Ա Ն Ա Գ Ր ՈՒ Թ Յ ՈՒ Ն

ՀԵՌՈՒՍՏԱՌԱԴԻՈԸՆԿԵՐՈՒԹՅՈՒՆՆԵՐՈՒՄ ՄՇՏԱԴԻՏԱՐԿՄԱՆ (ՏԵՂՈՒՄ ԴԻՏԱՐԿՈՒՄ ԻՐԱԿԱՆԱՑՆԵԼՈՒ ՄԻՋՈՑՈՎ) ԱՐԴՅՈՒՆՔՆԵՐԻ ՎԵՐԱԲԵՐՅԱԼ

ք. _________

«    » __________ի 20____թ.

Հիմք ընդունելով Հեռուստատեսության և ռադիոյի հանձնաժողովի նախագահի 20____ թվականի ________ի ____-ի թիվ _____- հրամանը Հանձնաժողովի

_____________________________________` (մշտադիտարկում իրականացնող անձի պաշտոնը)

________________________ (մշտադիտարկում)

______________________________ի կողմից իրականացնող անձի անունը, ազգանունը)

________________________________________ (հեռուստաընկերության կամ ռադիոընկերության լրիվ անվանումը)

իրականացված մշտադիտարկման արդյունքում արձանագրվեց հետևյալը.

______________________________________________________________________________

(Մշտադիտարկման արդյունքների համառոտ շարադրանքը, ինչպես նաև վարչական վարույթ հարուցելու կամ հարուցված վարչական վարույթի համար էական նշանակություն ունեցող բոլոր փաստական հանգամանքները: Նշում է կատարվում մշտադիտարկման առարկային վերաբերող հեռուստառադիոընկերության տիրապետության տակ գտնվող ապացույցների մասին:)

______________________________________________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

Մշտադիտարկում իրականացրած անձ (Հանձնաժողովի ներկայացուցիչներ)

______________________________________________________________________________

 (անուն, ազգանուն, ստորագրություն)

Հեռուստաընկերության կամ ռադիոընկերության տնօրենի կամ լիազորված ներկայացուցչի (կցվում է այն իրավական փաստաթղթի պատճենը, որի հիման վրա տվյալ անձն իրավունք ունի փոխարինել տնօրենին) առարկությունները: Եթե հեռուստառադիոընկերության ներկայացուցիչը հրաժարվում է արձանագրությունը ստորագրել կամ խոչընդոտում է մշտադիտարկման իրականացմանը, նշում է կատարվում այդ մասին` նշելով նաև մշտադիտարկման իրականացմանը խոչընդոտած հեռուստաընկերության կամ ռադիոընկերության ներկայացուցչի անունը, ազգանունը և պաշտոնը:

______________________________________________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

______________________________________________________________________________

Հեռուստաընկերության կամ ռադիոընկերության տնօրեն (ներկայացուցիչներ)

______________________________________________________________________________

(անուն, ազգանուն, ստորագրություն)

(հավելվածը լրաց. 22.04.20 թիվ 26-Ա)