ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է Ազգային ժողովի կողմից

7 հոկտեմբերի 1997 թ.

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ԿԱՆՈՆԱԿԱՐԳ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Հայաստանի Հանրապետության Ազգային ժողովի կանոնակարգ» Հայաստանի Հանրապետության օրենքի 2 հոդվածը լրացնել հետևյալ բովանդակությամբ նոր` երկրորդ մասով`

«Ազգային ժողովի նիստերի ժամանակ դահլիճում արգելվում է բջջային և կապի այլ միջոցների օգտագործումը, բացառությամբ դահլիճում տեղադրված հեռախոսի»:

Հոդված 2. Օրենքի 26 հոդվածի երկրորդ մասը «Պատգամավորների առողջապահական սպասարկումն» բառերից հետո լրացնել «ու հանգստի կազմակերպումն» բառերով:

Հոդված 3. Օրենքի 67 հոդվածը լրացնել հետևյալ բովանդակությամբ նոր մասով`

«Եթե օրենսդրական նախաձեռնությունը ներառում է տարբեր ոլորտներ, ապա կարող են նշանակվել մեկից ավելի գլխադասային հանձնաժողովներ»:

Հոդված 4. Օրենքի 87 հոդվածի երկրորդ մասում «և հանձնաժողովների նախագահների կարծիքները» բառերը փոխարինել «հանձնաժողովների նախագահների, խմբակցությունների և խմբերի գրավոր կարծիքները» բառերով:

Հոդված 5. Օրենքի 92 հոդվածի երկրորդ մասը «նախագծի» բառից հետո լրացնել «և նրանում կատարված փոփոխությունների» բառերով:

Հոդված 6. Օրենքի 93 հոդվածի չորրորդ մասը լրացնել հետևյալ բովանդակությամբ նոր նախադասությամբ`

«Ելույթների հերթագրման ընթացքը ցուցադրվում է լուսատախտակին»:

Հոդված 7. Օրենքի 101 հոդվածի երկրորդ մասից հանել «քվեարկությունից հետո կամ» բառերը: