«Վավերացնում եմ»
Հայաստանի Հանրապետության
Նախագահ Ռ. Քոչարյան
25 հոկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 հոկտեմբերի 2002 թվականի N 1638-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇՐՋԱԿԱ ՄԻՋԱՎԱՅՐԻ ՆԱԽԱՐԱՐՈՒԹՅԱՆ «ՀԱՅԱՍՏԱՆԻ ԲՆՈՒԹՅԱՆ ՊԵՏԱԿԱՆ ԹԱՆԳԱՐԱՆ» ՊԵՏԱԿԱՆ ՀԻՄՆԱՐԿԸ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

(վերնագիրը փոփ. 10.10.19 N 1442-Ն)

«Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ և 13-րդ հոդվածներին համապատասխան՝ Հայաստանի Հանրապետության կառավարությունը որոշում է.

1. Հայաստանի Հանրապետության բնապահպանության նախարարության «Հայաստանի բնության պետական թանգարան» պետական հիմնարկը վերակազմավորման միջոցով վերակազմակերպել «Հայաստանի բնության պետական թանգարան» պետական ոչ առևտրային կազմակերպության:

2. Սահմանել որ՝

ա) «Հայաստանի բնության պետական թանգարան» պետական ոչ առևտրային կազմակերպության գործունեության առարկան և նպատակներն են՝

բնակչության էկոլոգիական դաստիարակության և կրթության, ինչպես նաև բնապահպանական քարոզչության իրականացմանը նպաստելը,

Հայաստանի Հանրապետության բնության վերաբերյալ ցուցադրական նյութերի համալրումը, հաշվառումը, ուսումնասիրումը, պահպանումը և թանգարանային ցուցադրման եղանակով հանրությանը ներկայացնելը,

թանգարանային առարկաների ուսումնասիրությունը և գիտական անձնագրավորումը,

թանգարանի մշտական և ժամանակավոր պահպանությանը հանձնված նմուշների, թանգարանային այլ ցուցանմուշների հաշվառումն ու պահպանումը,

թանգարանային առարկաների և թանգարանային հավաքածուների մշտական ու ժամանակավոր հանրային ցուցադրումը,

էկոտուրիզմի զարգացմանն աջակցելը.

բ) «Հայաստանի բնության պետական թանգարան» պետական ոչ առևտրային կազմակերպությանը սեփականության իրավունքով հանձնվում է 2723111.0 դրամ հաշվեկշռային արժեքով գույքը՝ համաձայն հավելվածի.

գ) «Հայաստանի բնության պետական թանգարան» պետական ոչ առևտրային կազմակերպությանն անժամկետ և անհատույց օգտագործման իրավունքով ամրացվում է 1495713.6 դրամ հաշվեկշռային արժեքով՝ Հայաստանի Հանրապետության Արարատի մարզի Ղուկասավանի վարչական շենքը:

(2-րդ կետը լրաց. 16.02.17 N 132-Ն)

3. Թույլատրել «Հայաստանի բնության պետական թանգարան» պետական ոչ առևտրային կազմակերպությանն իրականացնել ձեռնարկատիրական գործունեության հետևյալ տեսակները՝

ա) կազմակերպություններում կենդանի անկյունների և միկրոթանգարանների գեղարվեստական ձևավորումներ,

բ) թանգարանին կից սիրողական ակումբների (զարդաձկների, դեկորատիվ թռչունների), ցուցահանդեսների կազմակերպում,

գ) Հայաստանի Հանրապետության սակավաքանակ վայրի կենդանիների բազմացում՝ բնություն վերադարձնելու նպատակով,

դ) թանգարանային ցուցադրությունների նպատակով դեկորատիվ բույսերի աճեցում, հերբարային նյութերի մշակում:

ե) վճարովի գիտամասսայական միջոցառումների (ցուցահանդեսներ, երեկոներ, շնորհանդեսներ, թեմատիկ դասախոսություններ և այլն) կազմակերպում,

զ) թանգարանի հավաքածուների ցուցադրման հետ կապված ծառայությունների մատուցում,

է) բնապահպանական թեմաներով հուշանվերների պատրաստում, ցուցահանդես-վաճառքների կազմակերպում և իրացում,

ը) ցուցահանդեսների, գրադարանի և ֆոնդային արխիվային նյութերի հիման վրա տեղեկատվության և խորհրդատվության վճարովի ծառայությունների մատուցում,

թ) բնապահպանական թեմաներով բուկլետների և այլ տեղեկատվական նյութերի պատրաստում և հրապարակում (հրատարակում:),

ժ) զբոսաշրջային գործակալությունների գործունեության իրականացմանն աջակցելը,

ժա) զբոսաշրջային օպերատորների գործունեության իրականացմանն աջակցելը,

ժբ) տեղերի ամրագրմանը և զբոսաշրջային ոլորտի այլ ծառայությունների իրականացմանն աջակցելը,

ժգ) գովազդի տարածման հետ կապված գործունեության իրականացմանն աջակցելը:

(3-րդ կետը լրաց. 02.04.15 N 344-Ն, 16.02.17 N 132-Ն)

4. «Հայաստանի բնության պետական թանգարան» պետական ոչ առևտրային կազմակերպության կառավարման, կազմակերպության հիմնարկների, մասնաճյուղերի ու ներկայացուցչությունների ստեղծման և «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի երկրորդ մասի «դ», «ե» և «է» կետերով նախատեսված լիազորությունները վերապահել Հայաստանի Հանրապետության շրջակա միջավայրի նախարարությանը:

(4-րդ կետը փոփ. 10.10.19 N 1442-Ն)

5. «Հայաստանի բնության պետական թանգարան» պետական ոչ առևտրային կազմակերպության վերակազմակերպման հետ կապված ծախսերը կատարել «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքի 11-րդ հոդվածի «ժէ» կետի համաձայն:

6. Մինչև վերակազմակերպումը՝ «Հայաստանի բնության պետական թանգարան» պետական հիմնարկին «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքով նախատեսված հատկացումները տրամադրվում են Հայաստանի Հանրապետության բնապահպանության նախարարության կողմից Հայաստանի Հանրապետության ֆինանսների և էկոնոմիկայի նախարարության տեղական գանձապետական բաժանմունք ներկայացված բյուջետային ծախսերի նախահաշիվների հիման վրա՝ ըստ բյուջետային ծախսերի տնտեսագիտական դասակարգման հոդվածների:

7. Հայաստանի Հանրապետության բնապահպանության նախարարին՝

ա) սույն որոշումն ուժի մեջ մտնելուց հետո մեկամսյա ժամկետում հաստատել «Հայաստանի բնության պետական թանգարան» պետական ոչ առևտրային կազմակերպության կանոնադրությունը.

բ) սահմանված կարգով ապահովել «Հայաստանի բնության պետական թանգարան» պետական ոչ առևտրային կազմակերպության պետական գրանցումը։

8. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Ց Ա Ն Կ

«ՀԱՅԱՍՏԱՆԻ ԲՆՈՒԹՅԱՆ ՊԵՏԱԿԱՆ ԹԱՆԳԱՐԱՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՀԱՆՁՆՎՈՂ ԳՈՒՅՔԻ