Հայաստանի Հանրապետության
փոխվարչապետ

2019 թ. մայիսի 24

Երևան

Հավելված

ՀՀ փոխվարչապետի 2019 թ.

մայիսի 24-ի N 264-Ա

որոշման

1.

Ծրագրի նպատակը

Հատուկ կրթական ծրագիրը նախատեսված է ՀՀ ՊՆ-ի աշխատակիցներին համապարփակ գիտելիքներ ներկայացնել Ադրբեջանի Հանրապետության պատմության, հասարակության (աշխարհագրություն, վարչատարածքային բաժանում, ժողովրդագրություն, լեզվական և էթնիկ խմբեր, կրոն, ազգային էլիտաներ), տնտեսության, իշխանության և ներքին ու արտաքին քաղաքականության (իշխանության կառուցվածք, կուսակցություններ, գաղափարախոսություններ, ԶԼՄ-ներ, ադրբեջանական սփյուռք) և զինված ուժերի ու անվտանգության համակարգի մասին։ Կրթական ծրագրի առանցքային բաղադրիչն է ադրբեջաներենի երկմակարդակ խորացված դասընթացը՝ նախատեսված ադրբեջաներենի ռազմական, քաղաքական և առօրյա բառապաշարին տիրապետող մասնագետներ, ինչպես նաև թարգմանիչներ պատրաստելու համար:

2.

Ծրագրի բարեգործական որակման նպատակը

Օրենքով սահմանված կարգով օգտվել ՀՀ հարկերի, տուրքերի և պարտադիր վճարների գծով արտոնություններից։

3.

Բարեգործը

Հայկական բարեգործական ընդհանուր միություն (ՀԲԸՄ), 55 Արևելք, 59-րդ փող. Նյու Յորք, NY 10022-1112:

4.

Ծրագիրը կատարողը

Հայկական բարեգործական ընդհանուր միության (ՀԲԸՄ) Հայաստանի ներկայացուցչություն (ՀՀ, քաղ. Երևան, Բաղրամյան 40, ՀՎՀՀ՝ 00006479):

5.

Ծրագրի իրականացման վայրը և բնագավառը

Հայաստանի Հանրապետություն, քաղ. Երևան, կրթական։

6.

Ծրագրի բյուջեն

8,808,516 դրամ:

7.

Բարեգործություն ստացողը

ՀՀ պաշտպանության նախարարության կողմից ընտրված մասնակիցներ: Ցանկը հաստատվում է նախարարի կողմից:

8.

Ծրագրի իրականացման տևողությունը

2019 թ. մայիսի 8-ից մինչև դեկտեմբերի 31-ը։

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Նախատեսվում են ընդհանուր առմամբ 7-ամսյա դասընթացներ ՀՀ ՊՆ-ի կողմից ընտրված աշխատակիցների համար ԵՊՀ Արևելագիտության ֆակուլտետի, այդ թվում՝ լինգաֆոնային դասասենյակներում: Դասընթացներն անցկացվելու են շաբաթական 5 օր՝ յուրաքանչյուր օր՝ 2 առարկա՝ յուրաքանչյուր առարկան՝ 2 ակադեմիական ժամ տևողությամբ: Դասընթացների ընդհանուր բյուջեն կազմում է 6,834,916 (վեց միլիոն ութ հարյուր երեսունչորս հազար ինը հարյուր տասնվեց) դրամ, առանց ԱԱՀ-ի:

Տեղեկատու-ձեռնարկի և ուսումնաօժանդակ ձեռնարկի մշակում և տպագրություն՝ յուրաքանչյուրը՝ 100-ական օրինակ, որն ամբողջությամբ և անհատույց տրամադրվելու է ՀՀ ՊՆ-ին և, որի բյուջեն կազմում է 1,973,600 (մեկ միլիոն ինը հարյուր յոթանասուներեք հազար վեց հարյուր) դրամ, առանց ԱԱՀ-ի:

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

Երևանի պետական համալսարանին պատվիրել հետևյալ ծառայությունները՝

- դասընթացների մշակում և կազմակերպում 6,834,916 (վեց միլիոն ութ հարյուր երեսունչորս հազար ինը հարյուր տասնվեց) դրամ արժողությամբ, առանց ԱԱՀ-ի,

- տեղեկատու-ձեռնարկի և ուսումնաօժանդակ ձեռնարկի մշակում և տպագրություն՝ յուրաքանչյուրը՝ 100-ական օրինակ 1,973,600 (մեկ միլիոն ինը հարյուր յոթանասուներեք հազար վեց հարյուր) դրամ արժողությամբ, առանց ԱԱՀ-ի:

11.

Ծրագրի իրականացման հետ կապված կազմակերպական ծախսերը

Ծրագրի իրականացման հետ կապված կազմակերպական ծախսեր չեն նախատեսվում:

12.

Համագործակցությունը պետական կառավարման, տեղական ինքնակառավարման մարմինների և այլ մարմինների հետ

Չի նախատեսվում:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Յուրաքանչյուր թեմայի ավարտին մասնակիցները հանձնելու են գիտելիքի ստուգման թեստեր՝ գնահատելու համար մասնակցի առաջադիմությունը:

Ֆինանսական և նկարագրային հաշվետվություններ են ներկայացվում Հայկական բարեգործական ընդհանուր միության (ՀԲԸՄ) կենտրոնական վարչություն:

ՀՀ կառավարության 2003 թ. հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով:

Հայաստանի Հանրապետության
փոխվարչապետ