ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 ապրիլի 2019 թվականի N 375-Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ «ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ՊԵՏԱԿԱՆ ԳԱՆՁԱՐԱՆ» ԳՈՐԾԱԿԱԼՈՒԹՅԱՆ ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ՊԵՏԱԿԱՆ ՊԱՀՈՒՍՏՆԵՐԻ 2018 ԹՎԱԿԱՆԻ ՀԱՄԱԼՐՄԱՆ ՈՒ ԾԱԽՍՄԱՆ ՎԵՐԱԲԵՐՅԱԼ ՀԱՇՎԵՏՎՈՒԹՅԱՆ ՄԱՍԻՆ

Հիմք ընդունելով «Թանկարժեք մետաղների մասին» Հայաստանի Հանրապետության օրենքի 19-րդ հոդվածի 3-րդ մասի պահանջը՝ Հայաստանի Հանրապետության կառավարությունը որոշում է.

Ընդունել ի գիտություն Հայաստանի Հանրապետության ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության թանկարժեք մետաղների և թանկարժեք քարերի պետական պահուստների 2018 թվականի համալրման ու ծախսման վերաբերյալ հաշվետվությունը՝ համաձայն հավելվածի:

Հայաստանի Հանրապետության վարչապետ	Ն. Փաշինյան
2019 թ. ապրիլի 15 Երևան

Հավելված ՀՀ կառավարության 2019 թվականի ապրիլի 4-ի N 375-Լ որոշման

Հ Ա Շ Վ Ե Տ Վ ՈՒ Թ Յ ՈՒ Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ «ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ՊԵՏԱԿԱՆ ԳԱՆՁԱՐԱՆ» ԳՈՐԾԱԿԱԼՈՒԹՅԱՆ ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ՊԵՏԱԿԱՆ ՊԱՀՈՒՍՏՆԵՐԻ 2018 ԹՎԱԿԱՆԻ ՀԱՄԱԼՐՄԱՆ ՈՒ ԾԱԽՍՄԱՆ ՎԵՐԱԲԵՐՅԱԼ

1. Համաձայն «Թանկարժեք մետաղների մասին» Հայաստանի Հանրապետության օրենքի 19-րդ հոդվածի 2-րդ մասի՝ Հայաստանի Հանրապետության թանկարժեք մետաղների և թանկարժեք քարերի պետական պահուստը (այսուհետ՝ պետական պահուստ) կարող է համալրվել՝

1) Հայաստանի Հանրապետության պետական բյուջեի միջոցների հաշվին ներքին և արտաքին շուկաներից ձեռք բերված թանկարժեք մետաղներով և թանկարժեք քարերով, ինչպես նաև թանկարժեք մետաղներից և թանկարժեք քարերից պատրաստված իրերով.

2) օրենքով սահմանված կարգով բռնագրավված, հօգուտ պետության տիրազուրկ ճանաչված, ժառանգության իրավունքով կամ նվիրատվությամբ պետությանն անցած թանկարժեք մետաղներով, թանկարժեք քարերով, ինչպես նաև թանկարժեք մետաղներից և թանկարժեք քարերից պատրաստված իրերով.

3) թանկարժեք մետաղների և թանկարժեք քարերի հազվագյուտ բնակտորներով ու գանձերով.

4) պետական պաշտոնատար անձանց՝ ի պաշտոնե ստացած թանկարժեք մետաղներից և թանկարժեք քարերից պատրաստված նվերներով.

5) այլ հիմքերով պետության սեփականությանն անցած թանկարժեք մետաղներով, թանկարժեք քարերով, ինչպես նաև թանկարժեք մետաղներից և թանկարժեք քարերից պատրաստված իրերով:

2. 2018 թվականի ընթացքում, Հայաստանի Հանրապետության կառավարության 2007 թվականի մայիսի 5-ի N 484-Ն որոշմամբ հաստատված կարգի համաձայն, պետական պահուստները համալրվել են 450.12 գրամ ընդհանուր քաշով իրերով, որից 1.38 գրամ մետաղական ոսկով, 448,74 գրամ մետաղական արծաթով: Հայաստանի Հանրապետության ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալությունը (այսուհետ՝ պետական գանձարան) ի պահ է ընդունել շուրջ 173.575.000 դրամ արժողությամբ ոսկյա զարդեր:

3. Փաստորեն, Հայաստանի Հանրապետության թանկարժեք մետաղների և թանկարժեք քարերի պետական պահուստը համալրվել է «Թանկարժեք մետաղների մասին» Հայաստանի Հանրապետության օրենքի 19-րդ հոդվածի 2-րդ մասի միայն «ե» կետի հիմքով: Այլ աղբյուրներից համալրում տեղի չի ունեցել:

4. Պետական գանձարանը, առաջնորդվելով Հայաստանի Հանրապետության կառավարության 2007 թվականի մայիսի 5-ի N 484-Ն որոշմամբ հաստատված կարգի 12-րդ կետի պահանջներով, գնահատել է պետական գանձարանում գտնվող թանկարժեք մետաղները` տվյալ պահին միջազգային շուկայում գործող գներին համապատասխան:

5. Պետական գանձարանում գտնվող թանկարժեք մետաղների, թանկարժեք քարերի, ինչպես նաև դրանցից պատրաստված իրերի ընդհանուր արժեքը 2019 թվականի հունվարի 1-ի դրությամբ կազմել է 1,940,771,431.9 դրամ (N 1 աղյուսակ): Ընդհանուր արժեքի մեջ ներառված չէ պետական գանձարանում հաշվառված թանկարժեք մետաղներից և թանկարժեք քարերից պատրաստված՝ բարձր գեղարվեստական և պատմամշակութային արժեք ներկայացնող իրերի արժեքը: Թանկարժեք մետաղների գնահատման համար հիմք է ընդունվել 2018 թվականի դեկտեմբերի 24-ից մինչև 2018 թվականի դեկտեմբերի 30-ը ընկած ժամանակահատվածի համար պետական գանձարանի կողմից սահմանված պետական ստանդարտին համապատասխան ձուլակտորի համար մեկ գրամ քիմիապես մաքուր թանկարժեք մետաղների բացթողման գները` արտահայտված դրամով:

6. Պետական գանձարանում գտնվող թանկարժեք մետաղների արժեքները 2019 թվականի հունվարի 1-ի դրությամբ կազմել են` ոսկի` 280.4 մլն դրամ, արծաթ` 5.4 մլն դրամ, պլատին` 37.3 մլն դրամ, պալադիում` 23.1 մլն դրամ։ N 1 գրաֆիկով ներկայացվում է 2017-2019 թվականների կտրվածքով պետական գանձարանում գտնվող թանկարժեք մետաղների արժեքների դինամիկան:

7. Պետական գանձարանի թանկարժեք մետաղների և թանկարժեք քարերի պետական պահուստների արժեքների արդյունավետ հաշվառման ու կառավարման նպատակով իրականացվել են թանկարժեք մետաղների և թանկարժեք քարերի պետական պահուստում առկա թանկարժեք մետաղների, թանկարժեք քարերի ու դրանցից պատրաստված իրերի թվայնացման աշխատանքներ: Շտրիխ կոդերի կիրառման միջոցով թվայնացվել է պետական պահուստի շուրջ 24000 հատ իր՝ ապահովելով համապատասխան ծրագրային հաշվառումը: Իրականացվել են նաև թանկարժեք մետաղների և թանկարժեք քարերի պետական պահուստում առկա թանկարժեք մետաղների, թանկարժեք քարերի և դրանցից պատրաստված իրերի ֆոտոդարանի ստեղծման աշխատանքներ: Իրերը նկարահանվում են արժեքների թվային բազա ստեղծելու և Հայաստանի Հանրապետության ֆինանսների նախարարության պաշտոնական կայքէջում տեղադրվելու նպատակով: Պետական գանձարանում առկա իրերի մոտավորապես 45 տոկոսը նկարահանվել և տեղադրվել է Հայաստանի Հանրապետության ֆինանսների նախարարության պաշտոնական կայքէջում:

8. «Թանկարժեք մետաղների մասին» Հայաստանի Հանրապետության օրենքի 17-րդ հոդվածի 3-րդ մասի պահանջի համաձայն՝ պետական գանձարանը լիազորված է իրականացնելու պետական սեփականություն հանդիսացող թանկարժեք մետաղների, թանկարժեք քարերի, ինչպես նաև թանկարժեք մետաղներից և թանկարժեք քարերից պատրաստված իրերի (բացառությամբ Հայաստանի Հանրապետության կենտրոնական բանկի հաշվեկշռում գտնվող արժեքների) հաշվառումն ու կառավարումը:

9. Հայաստանի Հանրապետության ֆինանսների նախարարի 2018 թվականի հոկտեմբերի 2-ի N 487-Լ հրամանով հաստատված Հայաստանի Հանրապետության ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կանոնադրության 5-րդ կետի 4-րդ և 5-րդ ենթակետերի համաձայն՝ սահմանված կարգով և ժամկետներում գույքագրվել են պետական պահուստների մաս կազմող արժեքները, և պետական գանձարանին տրամադրվել է համապատասխան տեղեկատվություն, որի արդյունքում պետական գանձարանը հստակեցրել է պետական մարմինների, պետական հիմնարկների, պետական ոչ առևտրային կազմակերպությունների և 100 տոկոս պետական մասնակցությամբ իրավաբանական անձանց (բացառությամբ Հայաստանի Հանրապետության տարածքում գործող միջնակարգ հանրակրթական դպրոցների) հաշվեկշիռներում հաշվառված արժեքների առկայության, շարժի մասին ամփոփ տվյալները: Ստացված տեղեկությունները ճշգրտվել և մուտքագրվել են համապատասխան էլեկտրոնային բազա: Արդյունքում գույքագրվել է ազգային հարստությունը, և գնահատվել է պետական պահուստի իրական չափը:

10. Պետական գանձարան տեղեկատվություն է ներկայացրել 90 կազմակերպություն, որոնց հաշվեկշիռներում հաշվառված են թանկարժեք մետաղներ, թանկարժեք քարեր և դրանցից պատրաստված իրեր:

11. Պետական հիմնարկների հաշվեկշիռներում գտնվող արժեքները պետական գանձարանի կողմից տարանջատված և դասակարգված են՝ ըստ պետական պահուստի արժեքների և ազգային պահուստի արժեքների:

12. Պետական գանձարանի կողմից հաշվառվել են Հայաստանի Հանրապետության թանգարաններում առկա ազգային պահուստի հետևյալ արժեքները` ոսկի՝ 65,3 կգ (N 2 աղյուսակ), արծաթ՝ 1443,4 կգ (N 2 աղյուսակ), պլատին՝ 0,5 կգ (N 2 աղյուսակ) և պալադիում՝ 0.02 գրամ, իրեր` այլ թանկարժեք մետաղների համաձուլվածքից՝ 183,0 կգ (N 2 աղյուսակ):

13. Պետական գանձարանի կողմից հաշվառվել են պետական մարմինների, պետական հիմնարկների, պետական ոչ առևտրային կազմակերպությունների և 100 տոկոս պետական մասնակցությամբ իրավաբանական անձանց հաշվեկշիռներում առկա պետական պահուստի հետևյալ արժեքները` ոսկի՝ 1.3 կգ (N 3 աղյուսակ), արծաթ՝ 21.4 կգ (N 3 աղյուսակ), պլատին՝ 63,4 կգ (N 3 աղյուսակ), պալադիում՝ 0,2 կգ (N 3 աղյուսակ), իրիդիում՝ 10,9 կգ (N 3 աղյուսակ), ռոդիում՝ 0,3 կգ (N 3 աղյուսակ), օսմիում՝ 2.2 գրամ (N 3 աղյուսակ): Հաշվառվել են նաև սարքավորումների մեջ` ոսկի՝ 4,7 կգ (N 3 աղյուսակ), արծաթ՝ 462,8 կգ (N 3 աղյուսակ), պլատին՝ 3,5 կգ (N 3 աղյուսակ), պալադիում՝ 9,1 կգ (N 3 աղյուսակ), ռոդիում՝ 0,4 գրամ (N 3 աղյուսակ), իրիդիում՝ 0.1 գրամ (N 3 աղյուսակ):

14. Հաշվառվել են պետական հիմնարկների հաշվեկշիռներում հաշվառված մեդալները` ոսկի՝ 1,1 կգ (N 4 աղյուսակ), արծաթ՝ 33,1 կգ (N 4 աղյուսակ):

15. Նշված արժեքների նկատմամբ սեփականության իրավունքը վերապահված է Հայաստանի Հանրապետությանը, իսկ պետական ոչ առևտրային կազմակերպություններին արժեքները տրամադրված են միայն տիրապետման և նպատակային օգտագործման իրավունքով:

16. Հայաստանի Հանրապետության հարկային օրենսգրքի համաձայն՝ հրապարակվել են Լոնդոնի մետաղների բորսայի տվյալների հիման վրա ամսվա համար հայտարարված` մետաղների միջազգային միջին գները:

17. Պետական գանձարանի կանոնադրության 5-րդ կետի 6-րդ ենթակետի համաձայն՝ սահմանված կարգով սահմանվել և հրապարակվել են թանկարժեք մետաղների (ոսկի, արծաթ, պլատին, պալադիում) գնման և բացթողման գները: NN 2, 3, 4 և 5 գրաֆիկներով ներկայացվում է 2018 թվականի ընթացքում պետական գանձարանի կողմից սահմանված պետական ստանդարտին համապատասխան ձուլակտորի համար մեկ գրամ քիմիապես մաքուր թանկարժեք մետաղների բացթողման գների դինամիկան:

18. Հայաստանի Հանրապետության կառավարության 2018 թվականի հունվարի 11-ի «Հայաստանի Հանրապետության ֆինանսների նախարարության աշխատակազմի «Թանկարժեք մետաղների և թանկարժեք քարերի պետական գանձարան» գործակալության 2018-2021 թվականների թանկարժեք մետաղների և թանկարժեք քարերի պետական պահուստների օտարման միջոցառումների ծրագրին հավանություն տալու մասին» N 1 արձանագրային որոշման համաձայն՝ պետական գանձարանը 2018 թվականի 3-րդ եռամսյակից «Երևանի «Ադամանդ» ապրանքահումքային բորսա» փակ բաժնետիրական ընկերության հարթակում իրականացրել է 9 աճուրդ, որի ընթացքում օտարման է ներկայացվել 6355 հատ ոսկերչական իր՝ շուրջ 63.1 միլիոն դրամ արժողությամբ, սակայն, գնորդների կողմից գնման հայտ չներկայացվելու արդյունքում պետական պահուստից ոսկերչական իրերի վաճառք չի գրանցվել:

Հայաստանի Հանրապետության վարչապետ

Ն. Փաշինյան

Աղյուսակ N 1

Հայաստանի Հանրապետության ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ «ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ՊԵՏԱԿԱՆ ԳԱՆՁԱՐԱՆ» ԳՈՐԾԱԿԱԼՈՒԹՅԱՆ ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ՊԵՏԱԿԱՆ ՊԱՀՈՒՍՏՆԵՐՈՒՄ ԱՌԿԱ ԱՐԺԵՔՆԵՐԸ

NN ը/կ	Անվանումները	Չափի միավորը	Առկա քանակությունը՝ 2019 թվականի հունվարի 1-ի դրությամբ (քաշը)	Շուկայական արժեքը (դրամ)
	Ոսկի, այդ թվում՝	գրամ	94680.6	1240193220.74
1.	Ոսկյա իրեր	գրամ	80034.1	959822857.48
2.	Մետաղական ոսկի	գրամ	14647.8	280370363.26
	Արծաթ, այդ թվում՝	գրամ	105402.74	33895051.15
3.	Արծաթյա իրեր	գրամ	74149.8	28503223.82
4.	Մետաղական արծաթ /տարաների հետ միասին/	գրամ	31252.9	5391827.33
5.	Պլատին	գրամ	3043.6	37348246.10
6.	Պալադիում	գրամ	1376.7	23121905.57
7.	Օսմիումի օքսիդ	գրամ	4.32
8.	Թանկարժեք քարեր` ադամանդ, ադամանդի հումք	կարատ	3575.76	594359354.10
9.	Թանկարժեք քարեր` ալմաստի քարեր և հումք	կարատ	761.94	210415.7
10.	Թանկարժեք քարեր` զմրուխտ	կարատ	256.36	3443700.0
11.	Աճեցված մարգարիտ	գրամ	102875.03	6216595.6
12.	Արհեստական քարեր	հատ	4795	615470.0
13.	Կիսաթանկարժեք քարեր	կարատ	417.40	76000.0
14.	Արհեստական քարերից շարաններ	գրամ	1177.40	48000.0
15.	Զարդեր՝ արծաթի և ոչ թանկարժեք մետաղի համադրությամբ	գրամ	4741.14	1243473.01
	Ընդամենը			1,940,771,431.94

Աղյուսակ N 2