Ո Ր Ո Շ ՈՒ Մ

3 դեկտեմբերի 2018 թվականի N 1614-Ա

ԷՐԻԿ ԳՐԻԳՈՐՅԱՆԻՆ ԼԵՀԱՍՏԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝

1. Հայաստանի Հանրապետության բնապահպանության նախարարի պաշտոնակատար Էրիկ Գրիգորյանին 2018 թվականի դեկտեմբերի 10-13-ը գործուղել Լեհաստանի Հանրապետություն (Կատովիցե)` Միավորված ազգերի կազմակերպության «Կլիմայի փոփոխության մասին» շրջանակային կոնվենցիայի Կողմերի 24-րդ կոնֆերանսի շրջանակներում կայանալիք բարձրաստիճան նախարարական հանդիպումներին մասնակցելու նպատակով:

2. Էրիկ Գրիգորյանի՝ Լեհաստանի Հանրապետություն (Կատովիցե) գործուղման հետ կապված ծախսերը կատարել Հայաստանի Հանրապետության 2018 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության բնապահպանության նախարարին` գործուղումից վերադառնալուց հետո եռօրյա ժամկետում Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնել Լեհաստանի Հանրապետություն գործուղման արդյունքների մասին հաշվետվություն: