ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԹԵՐԹԵՐԻ ԵՎ ԱՅԼ ՊԱՐԲԵՐԱԿԱՆՆԵՐԻ ՀՐԱՏԱՐԱԿՄԱՆ ՄԱՍԻՆ» ՁԵՎ 1-ՄԱՄՈՒԼ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2002 ԹՎԱԿԱՆԻ ՕԳՈՍՏՈՍԻ 19-Ի ԹԻՎ 188-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել՝ «Թերթերի և այլ պարբերականների հրատարակման մասին» Ձև 1-մամուլ (տարեկան) վիճակագրական ամփոփ հաշվետվության ձևը՝ համաձայն հավելված 1-ի:

2. Հաստատել «Թերթերի և այլ պարբերականների հրատարակման մասին» Ձև 1-մամուլ (տարեկան) վիճակագրական ամփոփ հաշվետվության ձևի լրացման հրահանգը՝ համաձայն հավելված 2-ի:

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 19-ի ««Ամփոփ հաշվետվություն թերթերի և այլ պարբերականների հրատարակման մասին» Ձև թիվ 1-մամուլ պետական վիճակագրական հաշվետվության ձևը և լրացման հրահանգը հաստատելու մասին» թիվ 188-Ն որոշումը:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՐԱՀԱՆԳ

«ԹԵՐԹԵՐԻ ԵՎ ԱՅԼ ՊԱՐԲԵՐԱԿԱՆՆԵՐԻ ՀՐԱՏԱՐԱԿՄԱՆ ՄԱՍԻՆ»

ՁԵՎ 1-ՄԱՄՈՒԼ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ԼՐԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգով կարգավորում են «Թերթերի և այլ պարբերականների հրատարակման մասին» Ձև 1-մամուլ (տարեկան) ամփոփ վիճակագրական տարեկան հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը կազմում են հրատարակչությունները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Հայաստանի Հանրապետության վիճակագրական կոմիտե` մինչև հաշվետու ժամանակաշրջանին հաջորդող մարտի 1-ը:

4. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

5. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն «Տնտեսական գործունեության տեսակների դասակարգչի» 5-նիշ խմբավորման:

II. ԹԵՐԹԵՐԻ ՀՐԱՏԱՐԱԿՈՒԹՅՈՒՆՆ ԸՍՏ ՊԱՐԲԵՐԱԿԱՆՈՒԹՅԱՆ ԵՎ ԼԵԶՈՒՆԵՐԻ

6. Հրատարակված թերթերի ընդհանուր քանակն ըստ լեզուների (տող 101) լրացվում է սյունակ 3-ում, իսկ ըստ պարբերականության` սյունակներ 4-8-ում:

7. Հրատարակված թերթերի տարեկան տպաքանակն ըստ լեզուների (տող 115) լրացվում է սյունակ 3-ում, իսկ ըստ պարբերականության` սյունակներ 4-8-ում:

8. Հրատարակված թերթերի միանվագ տպաքանակն ըստ լեզուների (տող 129) լրացվում է սյունակ 3-ում, իսկ ըստ պարբերականության` սյունակներ 4-8-ում:

III. ԱՅԼ ՊԱՐԲԵՐԱԿԱՆՆԵՐԻ ՀՐԱՏԱՐԱԿՈՒԹՅՈՒՆՆ (ԱՌԱՆՑ ԹԵՐԹԵՐԻ) ԸՍՏ ՊԱՐԲԵՐԱԿԱՆՈՒԹՅԱՆ ԵՎ ԼԵԶՈՒՆԵՐԻ

9. Այս բաժինը լրացվում է այլ պարբերականների համար բաժին 1-ին համապատասխան:

IV. ՊԱՐԲԵՐԱԿԱՆ ՀՐԱՏԱՐԱԿՈՒԹՅՈՒՆՆԵՐՆ (ԱՌԱՆՑ ԹԵՐԹԵՐԻ) ԸՍՏ ԲՈՎԱՆԴԱԿՈՒԹՅԱՆ ԵՎ ԼԵԶՈՒՆԵՐԻ

10. Պարբերական հրատարակությունների (առանց թերթերի) անվանատեսակների ընդհանուր քանակը և դրա բաշխվածությունն ըստ լեզուների լրացվում է սյունակներ 3-8-ում:

11. Պարբերական հրատարակությունների (առանց թերթերի) անվանատեսակների ընդհանուր միջին տպաքանակը և դրա բաշխվածությունն ըստ լեզուների լրացվում է սյունակներ 9-14-ում:

12. Հասարակության լայն շրջանակների համար նախատեսված պարբերական հրատարակությունների մասին տվյալներն ըստ բովանդակության լրացվում են տողեր 301-309-ում, իսկ ընթերցողների հատուկ շրջանակների համար նախատեսված պարբերական հրատարակությունների մասին տվյալներ` տողեր 311-315-ում: