ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 դեկտեմբերի 2017 թվականի N 1632-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ՄԱՐԶՊԵՏԱՐԱՆԻ ԿԱՐԻՔՆԵՐԻ ՀԱՄԱՐ 2017 ԹՎԱԿԱՆԻՆ ԱՆՀՐԱԺԵՇՏ ՈՐՈՇ ԱՊՐԱՆՔԱՏԵՍԱԿՆԵՐԻ ԳՆՄԱՆ ԳՈՐԾԸՆԹԱՑՆ ԻՐԱԿԱՆԱՑՆԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2017 թվականի մայիսի 4-ի N 526-Ն որոշման 1-ին կետի 1-ին ենթակետով հաստատված գնումների գործընթացի կազմակերպման կարգի 3-րդ կետը՝ Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության Լոռու մարզպետարանին Հայաստանի Հանրապետության կառավարության 2016 թվականի դեկտեմբերի 29-ի «Հայաստանի Հանրապետության 2017 թվականի պետական բյուջեի կատարումն ապահովող միջոցառումների մասին» N 1313-Ն որոշմամբ հատկացված միջոցների հաշվին կազմակերպել և իրականացնել որոշ ապրանքատեսակների գնման ընթացակարգ՝ չկիրառելով Հայաստանի Հանրապետության 2017 թվականի մայիսի 4-ի «Գնումների գործընթացի կազմակերպման մասին» N 526-Ն որոշմամբ հաստատված գնումների գործընթացի կազմակերպման կարգի 21-րդ կետի առաջին պարբերությամբ սահմանված ժամկետային պահանջը:

2. Հաստատել սույն որոշման 1-ին կետով նախատեսված գնման ենթակա որոշ ապրանքատեսակների ցանկը՝ համաձայն հավելվածի:

Հայաստանի Հանրապետության վարչապետ	Կ. Կարապետյան
2017 թ. դեկտեմբերի 15 Երևան

Հավելված ՀՀ կառավարության 2017 թվականի դեկտեմբերի 14-ի N 1632-Ա որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ՄԱՐԶՊԵՏԱՐԱՆԻ ԿԱՐԻՔՆԵՐԻ ՀԱՄԱՐ 2017 ԹՎԱԿԱՆԻՆ ԳՆՄԱՆ ԵՆԹԱԿԱ ՈՐՈՇ ԱՊՐԱՆՔԱՏԵՍԱԿՆԵՐԻ

NN ը/կ	Գնման առարկայի CPV կոդերը	Գնման առարկայի անվանումը	Չափի միավորը	Քանակը	Ընդամենը՝ նախահաշվային գինը (հազ. դրամ)
1.	39263310/1	Օրացույց՝ սեղանի	հատ	60	39.0
2.	32551160/1	Հեռախոսային սարքեր	հատ	8	48.0
3.	30232280/1	Կոշտ սկավառակների դրայվերներ	հատ	2	69.5
4.	30237112/1	Սնուցման բլոկ	հատ	10	64.0
5.	30237411/1	Մկնիկ՝ համակարգչային, լարով	հատ	5	10.0
6.	30237411/2	Ստեղնաշար՝ ստանդարտ, լարով	հատ	3	9.0
7.	34351200/1	Ավտոմեքենաների անվադողեր	հատ	8	600.0

Հայաստանի Հանրապետության կառավարության աշխատակազմի ղեկավար

Վ. Ստեփանյան