030.0896.20.07.01
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԶԱՐԳԱՑՄԱՆՆ ԱՋԱԿՑՈՂ ԽՈՐՀՈՒՐԴ ՍՏԵՂԾԵԼՈՒ ՄԱՍԻՆ
Հայաստանի Հանրապետությունում տեղեկատվական տեխնոլոգիաների զարգացմանն աջակցելու նպատակով որոշում եմ.
1. Ստեղծել Տեղեկատվական տեխնոլոգիաների զարգացմանն աջակցող խորհուրդ և հաստատել դրա կազմն ու տեղեկատվական տեխնոլոգիաների բնագավառի կազմակերպությունների ներկայացուցիչների ցուցակը` համաձայն 1-ին և 2-րդ հավելվածների:
2. Սահմանել, որ տեղեկատվական տեխնոլոգիաների բնագավառի կազմակերպությունների ներկայացուցիչների ցուցակից ինն անդամ, Հայաստանի Հանրապետության վարչապետի որոշմամբ, ընդգրկվում է խորհրդի կազմում:
3. Խորհրդի կազմում ընդգրկված տեղեկատվական տեխնոլոգիաների բնագավառի կազմակերպությունների ինն անդամից վեցը` տարեկան մեկ անգամ, Հայաստանի Հանրապետության վարչապետի որոշմամբ, փոփոխվում է ռոտացիոն կարգով:
(3-րդ կետը փոփ. 08.06.04 ՆՀ-103-Ն)
4. Հայաստանի Հանրապետության կառավարությանը` մեկամսյա ժամկետում հաստատել Տեղեկատվական տեխնոլոգիաների զարգացմանն աջակցող խորհրդի կանոնադրությունը:
5. Սույն հրամանագիրն ուժի մեջ է մտնում պաշտոնական հրապարակման պահից:
|
Հայաստանի Հանրապետության |
Ռ. Քոչարյան |
|
|
|
Հավելված 1 |
Կ Ա Զ Մ
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԶԱՐԳԱՑՄԱՆՆ ԱՋԱԿՑՈՂ ԽՈՐՀՐԴԻ
Հայաստանի Հանրապետության վարչապետ (խորհրդի նախագահ)
Հայաստանի Հանրապետության Նախագահի տնտեսական հարցերով գլխավոր խորհրդական (խորհրդի նախագահի տեղակալ)
Հայաստանի Հանրապետության վարչապետի խորհրդական (տեղեկատվական տեխնոլոգիաների հարցերով)
Հայաստանի Հանրապետության էկոնոմիկայի նախարարի տեղակալ (տեղեկատվական տեխնոլոգիաների բնագավառը համակարգող)
Հայաստանի Հանրապետության կրթության և գիտության նախարարի տեղակալ (տեղեկատվական տեխնոլոգիաների բնագավառը համակարգող)
Հայաստանի Հանրապետության տրանսպորտի և կապի նախարարի տեղակալ (տեղեկատվական տեխնոլոգիաների բնագավառը համակարգող)
«Զարգացման հայկական գործակալություն» ՓԲԸ-ի գործադիր տնօրեն
Ինն անդամ տեղեկատվական տեխնոլոգիաների բնագավառի կազմակերպությունների ներկայացուցիչների ցուցակից
«Զարգացման հայկական գործակալություն» ՓԲԸ-ի տեղեկատվական տեխնոլոգիաների զարգացման հարցերի քարտուղարության պետ (խորհրդի քարտուղար):
(Կազմը փոփ., լրաց. 09.04.02 ՆՀ-1078, լրաց. 21.06.05 ՆՀ-126-Ն, փոփ. 17.09.08 ՆՀ-247-Ն)
|
ՀՀ Նախագահի աշխատակազմի |
Ա. Թումանյան |
|
Հավելված 2 |
Ց ՈՒ Ց Ա Կ
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԶԱՐԳԱՑՄԱՆՆ ԱՋԱԿՑՈՂ ԽՈՐՀՐԴՈՒՄ ՌՈՏԱՑԻՈՆ ԿԱՐԳՈՎ ԸՆԴԳՐԿՎՈՂ ՆԵՐԿԱՅԱՑՈՒՑԻՉՆԵՐԻ
«Տեղեկատվական տեխնոլոգիաների հիմնադրամ» հասարակական կազմակերպության նախագահ
«ԱրմենՏել» փակ բաժնետիրական ընկերության գլխավոր գործադիր տնօրեն
«Տեղեկատվական տեխնոլոգիաների կենտրոն» սահմանափակ պատասխանատվությամբ ընկերության նախագահ
«Հայկական ծրագրեր» սահմանափակ պատասխանատվությամբ ընկերության նախագահ
«Հայլինք» սահմանափակ պատասխանատվությամբ ընկերության տնօրեն
«Վիրաժ Լոջիք» ամերիկյան ընկերության մասնաճյուղի գործադիր տնօրեն
«Քրեդենս Սիստեմս Հայաստան» սահմանափակ պատասխանատվությամբ ընկերության տնօրեն
«Ալգորիթմ-Սերվիս» փակ բաժնետիրական ընկերության գործադիր տնօրեն
«Արմինկո» սահմանափակ պատասխանատվությամբ ընկերության գլխավոր տնօրեն
«Տեղեկատվական տեխնոլոգիաների ուսուցում» փակ բաժնետիրական ընկերության գործադիր տնօրեն
«Լինք» սահմանափակ պատասխանատվությամբ ընկերության տնօրեն
«Վեբ» սահմանափակ պատասխանատվությամբ ընկերության նախագահ
«ԷՓիՋի Արմ» սահմանափակ պատասխանատվությամբ ընկերության տնօրեն
«Երևանի կապի միջոցների ԳՀԻ» փակ բաժնետիրական ընկերության խորհրդի նախագահ
«Սորսիո» փակ բաժնետիրական ընկերության տնօրեն
«Նորք» տեղեկատվավերլուծական կենտրոն» փակ բաժնետիրական ընկերության տնօրեն
«Նեյշնլ Ինսթրումենթս» ընկերության հայաստանյան մասնաճյուղի տնօրեն
«Մակադամիան ԱՌ» փակ բաժնետիրական ընկերության տնօրեն
Հայաստանի Հանրապետության գիտությունների ազգային ակադեմիայի փոխնախագահ
Հայաստանի ամերիկյան համալսարանի նախագահ
«Հայաստանի ինտերնետ միություն» հասարակական կազմակերպության նախագահ
«Ինֆորմացիոն տեխնոլոգիաների ձեռնարկությունների միություն» հասարակական կազմակերպության գործադիր տնօրեն
«Երևանի մաթեմատիկական մեքենաների ԳՀԻ» փակ բաժնետիրական ընկերության գործադիր տնօրեն
«Երևանի ավտոմատ կառավարման համակարգերի ԳՀԻ» փակ բաժնետիրական ընկերության գործադիր տնօրեն
«Եռաչափ մոդելավորողների հայկական ասոցիացիա» հասարակական կազմակերպության նախագահ
Բաց հասարակության ինստիտուտի օժանդակության հիմնադրամի հայկական մասնաճյուղի գործադիր տնօրեն
«Եվրասիա» համագործակցության հիմնադրամի տնօրեն
«ԻՍՄԱ» սահմանափակ պատասխանատվությամբ ընկերության տնօրեն
«Վիասֆեր Տեխնոպարկ» փակ բաժնետիրական ընկերության գլխավոր տնօրեն
«Յունիքոմփ» փակ բաժնետիրական ընկերության գլխավոր տնօրեն
«Քվանտ» վարժարանի տնօրեն
«Երևանի կառավարման և ինֆորմացիոն տեխնոլոգիաների համալսարան» սահմանափակ պատասխանատվությամբ ընկերության ռեկտոր
«Ավիաինֆոտել» փակ բաժնետիրական ընկերության գործադիր տնօրեն
«ԷՓիՋի Լեբս ԱՄԱԲ» սահմանափակ պատասխանատվությամբ ընկերության հայաստանյան մասնաճյուղի տնօրեն
«Ձեռնարկությունների ինկուբատոր» հիմնադրամի տնօրեն
«Սինոփսիս Արմենիա» ընկերության գլխավոր տնօրեն
«Բի Լայն» սահմանափակ պատասխանատվությամբ ընկերության նախագահ
«Լայքս» փակ բաժնետիրական ընկերության գործադիր տնօրեն
«Ալկատել-Լյուսենտ Թրեյդ Ինտերնեյշնլ ԷյՋի» ընկերության ներկայացուցչության տնօրեն
«Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ» պետական ոչ առևտրային կազմակերպության տնօրեն
«Կրթական ծրագրերի կենտրոն» ԾԻԳ պետական հիմնարկի տնօրեն
«Հայաստանի պետական ճարտարագիտական համալսարան (պոլիտեխնիկ)» պետական ոչ առևտրային կազմակերպության պրոռեկտոր
«Ղ-Տելեկոմ» փակ բաժնետիրական ընկերության գլխավոր տնօրեն
«Մայքրոսոֆթ ԱրԷյ» սահմանափակ պատասխանատվությամբ ընկերության տնօրեն
«Կոռնետ-ԱՄ» փակ բաժնետիրական ընկերության գլխավոր տնօրեն
«Արմենիան Դեյթաքոմ Քամփնի» փակ բաժնետիրական ընկերության գլխավոր տեխնիկական տնօրեն
«Ֆայբրնետ Քոմյունիքեյշն» սահմանափակ պատասխանատվությամբ ընկերության գլխավոր տնօրեն
Երևանի քաղաքապետարանի «Երևան քաղաքի կառավարման տեխնոլոգիաների կենտրոն» փակ բաժնետիրական ընկերության տնօրեն
«ԳԻՍ» տեղեկատվական համակարգ» սահմանափակ պատասխանատվությամբ ընկերության գլխավոր տնօրեն:
(Ցուցակը փոփ., լրաց. 09.04.02 ՆՀ-1078, լրաց. 30.07.02 ՆՀ-1141-Ա, խմբ. 17.03.03 ՆՀ-1286-Ն, 30.04.05 ՆՀ-80-Ն, 17.09.08 ՆՀ-247-Ն)
|
ՀՀ Նախագահի աշխատակազմի |
Ա. Թումանյան |
