«Գրանցված է»

ՀՀ արդարադատության

նախարարության կողմից

14 դեկտեմբերի 2016 թ.

Պետական գրանցման թիվ 60516432

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ղեկավարվելով «Քաղաքացիական ծառայության մասին» Հայաստանի Հանրապետության օրենքի 20-րդ հոդվածի 9-րդ մասով` Հայաստանի Հանրապետության քաղաքացիական ծառայության խորհուրդը որոշում է.

1. Հայաստանի Հանրապետության քաղաքացիական ծառայության խորհրդի 2006 թվականի հունիսի 26-ի «Քաղաքացիական ծառայողների վերապատրաստման, մասնագիտական գիտելիքների և աշխատանքային ունակությունների կատարելագործման նպատակով գործուղելու կարգը սահմանելու մասին» N 546-Ն որոշմամբ սահմանված`

1) N 1 հավելվածի`

ա. 4-րդ կետը «աշխատակազմի ղեկավարն (այսուհետ` աշխատակազմի ղեկավար) է» բառերից հետո լրացնել «, իսկ տեսչական մարմնում` այդ մարմնի ղեկավարը» բառերով,

բ. լրացնել հետևյալ բովանդակությամբ նոր` 6.1-ին կետով.

«6.1. Տեսչական մարմնում քաղաքացիական ծառայության տվյալ պաշտոնի անձնագրով քաղաքացիական ծառայողի իրավունքների ու պարտականությունների, մասնագիտական գիտելիքների և աշխատանքային ունակությունների տիրապետման կոնկրետ պահանջների կատարելագործման կամ այդ պահանջների փոփոխության դեպքում վերապատրաստումն անցկացվում է քաղաքացիական ծառայողի կամ տեսչական մարմնի ղեկավարի նախաձեռնությամբ:»,

գ. 7-րդ կետը «աշխատակազմի ղեկավարի» բառերից հետո լրացնել «, իսկ տեսչական մարմնում` տեսչական մարմնի ղեկավարի» բառերով,

դ. 18-րդ կետը «Աշխատակազմերի ղեկավարները» բառերից հետո լրացնել «, իսկ տեսչական մարմիններում` տեսչական մարմինների ղեկավարները» բառերով,

ե. 20.1-ին կետից հանել «և տեղեկանքների» բառերը,

զ. 3-րդ գլխի վերնագիրը շարադրել հետևյալ խմբագրությամբ.

«III. ՔԱՂԱՔԱՑԻԱԿԱՆ ԾԱՌԱՅՈՂԻ, ԱՇԽԱՏԱԿԱԶՄԻ ՂԵԿԱՎԱՐԻ ԿԱՄ ՏԵՍՉԱԿԱՆ ՄԱՐՄՆԻ ՂԵԿԱՎԱՐԻ ՆԱԽԱՁԵՌՆՈՒԹՅԱՄԲ ՎԵՐԱՊԱՏՐԱՍՏՄԱՆ ԸՆԹԱՑԱԿԱՐԳԸ»,

է. 23-րդ կետի 1-ին պարբերության «6-րդ կետով նախատեսված հիմքերով քաղաքացիական ծառայողի կամ աշխատակազմի ղեկավարի» բառերը փոխարինել «6-րդ և 6.1-ին կետերով նախատեսված հիմքերով քաղաքացիական ծառայողի, աշխատակազմի ղեկավարի կամ տեսչական մարմնում` տեսչական մարմնի ղեկավարի» բառերով,

ը. 4-րդ գլուխն ուժը կորցրած ճանաչել,

թ. 2-րդ ձևը «Աշխատակազմի ղեկավար______________________ անուն, ազգանուն» բառերից հետո լրացնել հետևյալ բովանդակությամբ «կամ`

տեսչական մարմնի ղեկավար__________________________ անուն, ազգանուն» բառերով.

2) որոշմամբ սահմանված N 2 հավելվածի 10-րդ կետի 2-րդ պարբերությունը` «աշխատակազմի ղեկավարը» բառերից հետո լրացնել «, իսկ տեսչական մարմնում` տեսչական մարմնի ղեկավարը» բառերով: