ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

ՈՐՈՇՈՒՄ

2 դեկտեմբերի 2015 թվականի

թիվ 86

քաղ. Մոսկվա

««ՀԱԳՈՒՍՏԻ ԱՌԱՐԿԱՆԵՐ, ՀԱԳՈՒՍՏԻ ՊԱՐԱԳԱՆԵՐ ԵՎ ԱՅԼ ԱՐՏԱԴՐԱՏԵՍԱԿՆԵՐ ԲՆԱԿԱՆ ՄՈՐԹՈՒՑ» ԱՊՐԱՆՔԱՅԻՆ ԴԻՐՔԻ ՀԱՄԱՁԱՅՆ` ՀՍԿԻՉ (ՆՈՒՅՆԱԿԱՆԱՑՄԱՆ) ՆՇԱՆՆԵՐՈՎ ԱՊՐԱՆՔՆԵՐԻ ԴՐՈՇՄԱՎՈՐՄԱՆ ՆԵՐՄՈՒԾՄԱՆ ՓՈՐՁՆԱԿԱՆ ԾՐԱԳԻՐԸ 2015-2016 ԹՎԱԿԱՆՆԵՐԻՆ ԻՐԱԿԱՆԱՑՆԵԼՈՒ ՄԱՍԻՆ» 2015 ԹՎԱԿԱՆԻ ՍԵՊՏԵՄԲԵՐԻ 8-Ի ՀԱՄԱՁԱՅՆԱԳՐՈՎ ՆԱԽԱՏԵՍՎԱԾ ԱՌԱՆՁԻՆ ՓԱՍՏԱԹՂԹԵՐԻ ՀԱՍՏԱՏՄԱՆ ՄԱՍԻՆ

««Հագուստի առարկաներ, հագուստի պարագաներ և այլ արտադրատեսակներ բնական մորթուց» ապրանքային դիրքի համաձայն` հսկիչ (նույնականացման) նշաններով ապրանքների դրոշմավորման ներմուծման փորձնական ծրագիրը 2015-2016 թվականներին իրականացնելու մասին» համաձայնագրի (այսուհետ` Համաձայնագիր) 6-րդ հոդվածի 2-րդ կետի կատարման նպատակներով Եվրասիական տնտեսական հանձնաժողովի խորհուրդը որոշեց.

1. Հաստատել կից ներկայացվող`

«Ապրանքների դրոշմավորման տեղեկատվական համակարգին ներկայացվող պահանջները».

 «Եվրասիական տնտեսական հանձնաժողովի և անդամ պետությունների իրավասու (լիազորված) մարմինների փոխգործակցության կարգը, ինչպես նաև Եվրասիական տնտեսական հանձնաժողովի և անդամ պետությունների իրավասու (լիազորված) մարմինների միջև փոխանցվող տեղեկատվության կառուցվածքին և ձևաչափին ներկայացվող պահանջները»:

2 Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո, սակայն ոչ շուտ, քան Համաձայնագիրն ուժի մեջ մտնելու օրվանից:

Եվրասիական տնտեսական հանձնաժողովի խորհրդի անդամներ`

Հայաստանի Հանրապետությունից	Բելառուսի Հանրապետությունից	Ղազախստանի Հանրապետությունից	Ղրղզստանի Հանրապետությունից	Ռուսաստանի Դաշնությունից
Վ. Գաբրիելյան	Վ. Մատյուշևսկի	Բ. Սագինտաև	О. Պանկրատով	Ի. Շուվալով

ՀԱՍՏԱՏՎԱԾ ԵՆ Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի թիվ 86 որոշմամբ

I. Ապրանքների դրոշմավորման տեղեկատվական համակարգին ներկայացվող պահանջներ

1. Ապրանքների դրոշմավորման տեղեկատվական համակարգը Եվրասիական տնտեսական միության անդամ պետությունների թվով՝ փոխգործակցող ազգային բաղադրիչների (այսուհետ համապատասխանաբար՝ Միություն, անդամ պետություններ, ազգային բաղադրիչներ) և Եվրասիական տնտեսական հանձնաժողովի ինտեգրացիոն բաղադրիչի (այսուհետ համապատասխանաբար՝ Հանձնաժողով, բաղադրիչ) ամբողջությունն է:

2. Ազգային բաղադրիչները պետք է համապատասխանեն սույն Պահանջներին և մշակվեն մասնավոր տեխնիկական առաջադրանքների հիման վրա:

Անդամ պետությունները որպես ազգային բաղադրիչ կարող են սահմանել ավելի վաղ մշակված՝ սույն Պահանջներին համապատասխանող տեղեկատվական համակարգերը:

3. Անդամ պետությունների իրավասու (լիազորված) մարմինների տեղեկատվական փոխգործակցությունը ազգային բաղադրիչների հետ պետք է իրականացվի էլեկտրոնային եղանակով՝ անդամ պետությունում կիրառվող միջգերատեսչական փոխգործակցության համակարգի միջոցներով:

Ազգային բաղադրիչների միջև, ինչպես նաև ինտեգրացիոն բաղադրիչի հետ տեղեկատվական փոխգործակցությունը պետք է իրականացվի էլեկտրոնային եղանակով՝ Միության ինտեգրված տեղեկատվական համակարգի միջոցներով (այսուհետ՝ ինտեգրված համակարգ)՝ Միության շրջանակներում ընդհանուր ընթացակարգերի իրականացմամբ: Ինտեգրացիոն բաղադրիչը պետք է իրագործվի ինտեգրված տեղեկատվական համակարգի՝ Հանձնաժողովի ինտեգրացիոն հատվածի կազմում :

4. Ազգային բաղադրիչների կազմում պետք է ստեղծվեն GS1 (Ավտոմատ նույնականացման համաշխարհային ասոցիացիայի) ստանդարտներին համապատասխան՝ հսկիչ (նույնականացման) նշաններով դրոշմավորման ենթակա ապրանքների ցանկում (այսուհետ՝ Ցանկ) ներառված ապրանքների շրջանառություն իրականացնող անհատ ձեռնարկատերերից և իրավաբանական անձանցից հավաստի տեղեկատվության ստացումն ապահովող տեղեկատվական ռեսուրսներ:

Տվյալ ռեսուրսները կարող են իրագործվել՝ GS1 ազգային (տարածաշրջանային) կազմակերպության ծառայություններն օգտագործելու կամ ապրանքային անվանացանկի գծով ազգային կենտրոնացված ռեսուրսի ստեղծման միջոցով: Ապրանքային անվանացանկի գծով ազգային կենտրոնացված ռեսուրսը կարող է իրացվել որպես ազգային բաղադրիչի մաս:

5. Ազգային բաղադրիչների նախագծումը, մշակումը և շահագործումն իրականացվում է անդամ պետության իրավասու (լիազորված) մարմնի կողմից կամ լիազորված կազմակերպության կողմից՝ անդամ պետության օրենսդրությանը համապատասխան:

6. Ազգային բաղադրիչի կազմում պետք է ընդգրկված լինեն հետևյալ ենթահամակարգերն ու բաղադրիչները՝

ա) կենտրոնական հաշվառման համակարգ, որը ներառում է՝

դրոշմավորված ապրանքների շրջանառության նկատմամբ հսկողության ենթահամակարգ.

փոխգործակցության ենթահամակարգ.

տեղեկատվական անվտանգության ենթահամակարգ.

բ) նորմատիվ-տեղեկատվական տեղեկությունների (ՆՏՏ) ենթահամակարգ.

գ) թողարկողի ավտոմատացված աշխատատեղեր (ԱԱՏ).

դ) հսկիչ (նույնականացման) նշանների անհատականացման ԱԱՏ.

ե) հսկողություն իրականացնող լիազորված մարմնի ԱԱՏ.

զ) իրավաբանական անձի կամ անհատ ձեռնարկատիրոջ ԱԱՏ:

Ազգային բաղադրիչի կազմը և դրա ենթահամակարգերի գործառույթները կարող են ճշգրտվել անդամ պետությունների կողմից՝ հաշվի առնելով ապրանքների դրոշմավորման ոլորտում անդամ պետություններում ձևավորված՝ ապրանքների դրոշմավորման տեղեկատվական համակարգերի գործունեության հետ կապված փորձը և համապատասխան նորմատիվ-իրավական բազայի առկայությունը:

7. Ինտեգրացիոն բաղադրիչի գործառույթներն իրագործվում են ինտեգրված համակարգի հետևյալ ենթահամակարգերի միջոցներով՝

ա) նորմատիվ-տեղեկատվական տեղեկություններ, ռեեստրներ և ռեգիստրներ վարելու ենթահամակարգ.

բ) տեղեկատվական-վերլուծական ենթահամակարգ.

գ) Միության պաշտոնական կայք՝ Ինտերնետ տեղեկատվական-հեռահաղորդակցական ցանցում.

դ) ինտեգրացիոն հարթակ:

II. Արտաքին համակարգերի հետ փոխադարձ կապերին ներկայացվող պահանջներ

8. Ազգային բաղադրիչի և անդամ պետության տեղեկատվական համակարգերի միջև փոխգործակցությունը պետք է իրականացվի այդ պետության օրենսդրությանը համապատասխան և ներառի փոխգործակցության հետևյալ հիմնական տեսակները՝

ա) հարկային ոլորտի լիազորված մարմինների տեղեկատվական համակարգերի հետ փոխգործակցություն.

բ) մաքսային գործի ոլորտի լիազորված մարմինների տեղեկատվական համակարգերի հետ փոխգործակցություն՝ ցանկում ներառված ապրանքների վերաբերյալ տեղեկատվության փոխանցման մասով.

գ) ապրանքային անվանացանկի ռեեստրների վարման հարցերով լիազորված մարմինների (կազմակերպությունների) (այդպիսի մարմինների առկայության դեպքում) տեղեկատվական համակարգերի հետ փոխգործակցություն.

դ) հսկիչ (նույնականացման) նշանների պատրաստում և (կամ) իրացում իրականացնող կազմակերպությունների տեղեկատվական համակարգերի հետ փոխգործակցություն:

Լրացուցիչ կերպով, անդամ պետության օրենսդրությանը համապատասխան` կարող է ապահովվել փոխգործակցություն տնտեսավարող սուբյեկտների հաշվառման համակարգերի հետ (ապրանքների դրոշմավորման համակարգի գործընթացների մասնակիցների կողմից):

Լրացուցիչ կերպով, անդամ պետության օրենսդրությանը համապատասխան՝ պետք է ապահովվի փոխգործակցություն GSI ազգային (տարածաշրջանային) կազմակերպության ծառայությունների կամ ապրանքային անվանացանկի գծով ազգային կենտրոնացված ռեսուրսի հետ (միջազգային ստանդարտներով սահմանված պահանջները բավարարող ապրանքների բնութագրերի մասին տեղեկատուների մասով):

III. Ենթահամակարգերի գործառույթներին և համակարգի բաղադրիչներին ներկայացվող պահանջներ

9. Դրոշմավորված ապրանքների շրջանառության նկատմամբ հսկողության ենթահամակարգը պետք է ապահովի հետևյալ գործառույթների իրականացումը՝

ա) տվյալների պահպանում և մշակում՝

հսկիչ (նույնականացման) նշանների շրջանառության մասին,

առևտրային միավորի սերիական գլոբալ համարի RFID պիտակի մեջ, ինչպես նաև հսկիչ (նույնականացման) նշանի նույնացուցիչի կամ հսկիչ (նույնականացման) նշան թողարկող երկրի ծածկագրի մեջ գրառման մասին,

շրջանառության մեջ գտնվող արտադրվող, ներմուծվող ապրանքների դրոշմավորման, ինչպես նաև դրանց մնացորդների դրոշմավորման մասին,

անդրսահմանային առևտրի դեպքում ապրանքներն անդամ պետության տարածք ներմուծելիս դրոշմավորված ապրանքները շրջանառության մեջ դնելու մասին,

հսկիչ (նույնականացման) նշանների իսկության և դրոշմավորված ապրանքները լիազորված անձանց (կազմակերպությունների) կողմից շրջանառության մեջ դրված լինելու օրինականության մասին,

բ) սպառողների հարցման հիման վրա տեղեկատվություն տրամադրելու դեպքում դրոշմավորված ապրանքները շրջանառության մեջ գտնվելու օրինականության ստուգում.

գ) լիազորված անձի (կազմակերպության) հարցման դեպքում դրոշմավորված ապրանքները շրջանառության մեջ գտնվելու օրինականության ստուգում.

դ) մյուս անդամ պետության ազգային բաղադրիչի հարցման դեպքում դրոշմավորված ապրանքները շրջանառության մեջ գտնվելու օրինականության ստուգում.

ե) դրոշմավորված ապրանքի իրացման (շրջանառությունից դուրս բերման) գրանցում (համապատասխան նորմերն անդամ պետության օրենսդրությամբ նախատեսված լինելու դեպքում).

զ) մյուս անդամ պետությունների ազգային բաղադրիչներին ուղղված հարցումների ձևակերպում և ուղարկում, ինչպես նաև անդրսահմանային առևտրի դեպքում՝ նշված հարցումներին ի պատասխան ստացված տեղեկությունների մշակում:

10. Փոխգործակցության ենթահամակարգը պետք է ապահովի տեղեկատվական փոխգործակցության հետևյալ տեսակների իրագործումը՝

ա) մյուս անդամ պետությունների ազգային բաղադրիչների հետ.

բ) ինտեգրացիոն բաղադրիչի հետ.

գ) անդամ պետության գերատեսչական տեղեկատվական համակարգերի հետ.

դ) GS1 ազգային (տարածաշրջանային) կազմակերպության ծառայությունների կամ ապրանքային անվանացանկի գծով ազգային կենտրոնացված ռեսուրսի հետ (անդամ պետության օրենսդրության պահանջներին համապատասխան):

11. Տեղեկատվական անվտանգության ենթահամակարգը պետք է ապահովի հետևյալ գործառույթների իրականացումը՝

ա) համակարգից օգտվողների գրանցում: Կարող է դիտարկվել ֆիզիկական և իրավաբանական անձանց աուտենտիֆիկացիայի ազգային պետական համակարգի հետ ինտեգրման հնարավորությունը.

բ) օգտատերերի դերային մոդելի հիման վրա տվյալների հասանելիության կառավարում.

գ) օգտատերերի աուտենտիֆիկացիա.

դ) բաց կապուղու միջոցով համակարգին միացող հավելվածների աուտենտիֆիկացիա (բացի սպառողների համար նախատեսված ծառայություններից, որոնց կարող են միանալ ավտորիզացիա չունեցող օգտվողները):

12. ՆՏՏ ենթահամակարգը պետք է ապահովի հետևյալ գործառույթների իրականացումը՝

ա) հսկիչ (նույնականացման) նշաններ թողարկողների ազգային ռեեստրի վարում.

բ) դրոշմավորման համակարգի մասնակիցների (արտադրողներ, ներմուծողներ, վաճառողներ) ազգային ռեեստրի վարում: Կարող է դիտարկվել ֆիզիկական և իրավաբանական անձանց աուտենտիֆիկացիայի ազգային պետական համակարգի հետ ինտեգրման հնարավորությունը.

գ) հսկիչ (նույնականացման) նշաններով դրոշմավորման ենթակա ապրանքների ազգային ռեեստրի վարում.

դ) տեղեկատվական համակարգի ենթահամակարգերին և բաղադրիչներին տեղեկատուների, ռեեստրների և դասակարգիչների տրամադրում.

ե) միասնական ռեեստրների, տեղեկատուների և դասակարգիչների թարմացման ապահովում, այդ թվում՝ ինտեգրացիոն հատվածի հետ փոխգործակցության հիման վրա:

13. «Թողարկողի ԱԱՏ» բաղադրիչը պետք է ապահովի պատրաստված հսկիչ (նույնականացման) նշանների վերաբերյալ տեղեկատվության կազմում և փոխանցում՝ «Հսկիչ (նույնականացման) նշանների պատրաստումը և անդամ պետությունների իրավաբանական անձանց ու անհատ ձեռնարկատերերին դրանց իրացումն իրականացնող կազմակերպությունների կողմից իրենց անդամ պետությունների իրավասու (լիազորված) մարմիններին փոխանցվող տեղեկատվության կառուցվածքին և ձևաչափին ներկայացվող պահանջները, ինչպես նաև այդ տեղեկատվության փոխանցման ժամկետները» փաստաթղթի համաձայն:

14. «Հսկիչ (նույնականացման) նշանների անհատականացման ԱԱՏ» բաղադրիչը պետք է ապահովի հետևյալ գործառույթների իրականացումը՝

ա) SGTIN ծածկագրերի հսկիչ (նույնականացման) նշաններում գրառում կատարելը (ապրանքների մնացորդների դրոշմավորման դեպքում՝ RFID պիտակի մեջ SGTIN գրառում կատարելը պարտադիր չէ).

բ) նույնացուցիչների ցանկի և SGTIN համապատասխան ծածկագրերի հետ միասին՝ անձնականացված հսկիչ (նույնականացման) նշանների մասին տվյալների փոխանցումը ազգային բաղադրիչին.

գ) «Հսկիչ (նույնականացման) նշաններով դրոշմավորման ենթակա ապրանքների ցանկում ներառված ապրանքների շրջանառությունն իրականացնող իրավաբանական անձանց ու անհատ ձեռնարկատերերի կողմից իրենց անդամ պետությունների իրավասու (լիազորված) մարմիններին փոխանցվող տեղեկատվության կառուցվածքին և ձևաչափին ներկայացվող պահանջները, ինչպես նաև այդ տեղեկատվության փոխանցման ժամկետները» փաստաթղթով, ինչպես նաև անդամ պետության օրենսդրությամբ նախատեսված՝ ապրանքների դրոշմավորման փաստերի և դրոշմավորված ապրանքի հետ կապված այլ դեպքերի մասին տվյալների փոխանցումը ազգային բաղադրիչին:

15. «Իրավաբանական անձի ԱԱՏ» բաղադրիչը պետք է ապահովի ապրանքների ցանկում ներառված ապրանքների շրջանառություն իրականացնող իրավաբանական և անհատ ձեռնարկատերերի կողմից[l1] ՝ «Հսկիչ (նույնականացման) նշաններով դրոշմավորման ենթակա ապրանքների ցանկում ներառված ապրանքների շրջանառությունն իրականացնող իրավաբանական անձանց ու անհատ ձեռնարկատերերի կողմից իրենց անդամ պետությունների իրավասու (լիազորված) մարմիններին փոխանցվող տեղեկատվության կառուցվածքին և ձևաչափին ներկայացվող պահանջները, ինչպես նաև այդ տեղեկատվության փոխանցման ժամկետները» փաստաթղթով նախատեսված՝ ապրանքների դրոշմավորման փաստերի և դրոշմավորված ապրանքի հետ կապված այլ դեպքերի մասին տեղեկատվության առնվազն փոխանցում տեղեկատվական համակարգ:

16. «Հսկողություն իրականացնող լիազորված մարմնի ԱԱՏ» բաղադրիչը նախատեսված է դրոշմավորված ապրանքների օրինականությունը ստուգելու և դրանց շրջանառությունը հսկելու համար և կարող է իրագործվել, այդ թվում՝ շարժական սարքերի հիման վրա:

«Հսկողություն իրականացնող լիազորված մարմնի ԱԱՏ» բաղադրիչն իրականացնում է ապրանքների դրոշմավորման տեղեկատվական համակարգում ամրագրված փաստերի և դեպքերի մասին՝ ըստ հսկիչ (նույնականացման) նշանների նույնացուցիչների, տեղեկատվություն ներկայացնելու գործառույթ:

IV. Ինտեգրացիոն բաղադրիչի գործառույթներին ներկայացվող պահանջներ

17. ««Հագուստի առարկաներ, հագուստի պարագաներ և այլ արտադրատեսակներ բնական մորթուց» ապրանքային դիրքի համաձայն՝ հսկիչ (նույնականացման) նշաններով ապրանքների դրոշմավորման ներմուծման փորձնական ծրագիրը 2015-2016 թվականներին իրականացնելու մասին» 2015 թվականի սեպտեմբերի 8-ի համաձայնագրի իրականացումը դիտանցելու և այն վերահսկելու, ցանկում ներառված ապրանքների շրջանառության նկատմամբ՝ անդրսահմանային առևտրի դեպքում հսկողություն իրականացնելու նպատակով՝ ինտեգրացիոն բաղադրիչը պետք է ապահովի՝ ցանկում ներառված ապրանքների դրոշմավորման ոլորտում տեղեկատվության ապահովման հետևյալ ընդհանուր ընթացակարգերի իրականացումը՝

Միության մաքսային տարածքում արտադրված կամ այդ տարածք ներմուծված՝ հսկիչ (նույնականացման) նշաններով դրոշմավորման ենթակա ապրանքների մասին տեղեկությունների փոխանակման ապահովում, այդ թվում՝ Միության մաքսային տարածքում այդ ապրանքների անդրսահմանային շրջանառության դեպքում.

hսկիչ (նույնականացման) նշաններ թողարկողների ընդհանուր ռեեստրի ձևավորում, վարում և օգտագործում:

18. Ինտեգրացիոն բաղադրիչը պետք է ապահովի համակարգի բաղադրիչների միջև փոխգործակցությունը՝ «Եվրասիական տնտեսական հանձնաժողովի և անդամ պետությունների իրավասու (լիազորված) մարմինների փոխգործակցության կարգը, ինչպես նաև Եվրասիական տնտեսական հանձնաժողովի և անդամ պետությունների իրավասու (լիազորված) մարմինների միջև փոխանցվող տեղեկատվության կառուցվածքին և ձևաչափին ներկայացվող պահանջները» փաստաթղթին համապատասխան՝

ա) նորմատիվ-տեղեկատվական տեղեկություններ կազմելու և վարելու դեպքում.

բ) վերլուծական հաշվետվություններ կազմելու դեպքում.

գ) ապրանքների անդրսահմանային շրջանառության դեպքում.

դ) Միության ինտեգրված տեղեկատվական համակարգի միջոցով ազգային բաղադրիչների միջև տվյալները փոխանցելու դեպքում:

V. Տեղեկատվության կառուցվածքին ներկայացվող պահանջներ

19. Ապրանքների դրոշմավորման տեղեկատվական համակարգի տեղեկատվության հիմնական աղբյուրներն են՝

ա) հսկիչ (նույնականացման) նշանների պատրաստում և (կամ) իրացում իրականացնող կազմակերպությունների կողմից փոխանցվող տեղեկատվությունը.

բ) ապրանքների շրջանառություն իրականացնող իրավաբանական անձանց և անհատ ձեռնարկատերերի, այդ թվում՝ ներմուծող կազմակերպությունների և արտադրող կազմակերպությունների կողմից փոխանցվող տեղեկատվությունը.

գ) անդամ պետությունների տեղեկատվական համակարգերի, այդ թվում՝ հարկային ոլորտում և մաքսային գործի ոլորտում լիազորված մարմինների տեղեկատվական համակարգերի տվյալները՝ անդամ պետության օրենսդրությանը համապատասխան.

դ) GS1 ազգային (տարածաշրջանային) կազմակերպության կամ ապրանքային անվանացանկի գծով ազգային կենտրոնացված ռեսուրսի տվյալները` անդամ պետության օրենսդրությանը համապատասխան:

20. Հսկիչ (նույնականացման) նշանների պատրաստում և (կամ) իրացում իրականացնող կազմակերպությունների, ինչպես նաև ապրանքների շրջանառություն իրականացնող իրավաբանական անձանց և անհատ ձեռնարկատերերի կողմից փոխանցվող տեղեկատվության կառուցվածքին ու ձևաչափին ներկայացվող պահանջները շարադրված են «Հսկիչ (նույնականացման) նշանների պատրաստումը և անդամ պետությունների իրավաբանական անձանց ու անհատ ձեռնարկատերերին դրանց իրացումն իրականացնող կազմակերպությունների կողմից իրենց անդամ պետությունների իրավասու (լիազորված) մարմիններին փոխանցվող տեղեկատվության կառուցվածքին և ձևաչափին ներկայացվող պահանջները, ինչպես նաև այդ տեղեկատվության փոխանցման ժամկետները» և «Հսկիչ (նույնականացման) նշաններով դրոշմավորման ենթակա ապրանքների ցանկում ներառված ապրանքների շրջանառությունն իրականացնող իրավաբանական անձանց ու անհատ ձեռնարկատերերի կողմից իրենց անդամ պետությունների իրավասու (լիազորված) մարմիններին փոխանցվող տեղեկատվության կառուցվածքին և ձևաչափին ներկայացվող պահանջները, ինչպես նաև այդ տեղեկատվության փոխանցման ժամկետները» փաստաթղթերում:

21. Անդամ պետությունների՝ մաքսային գործի ոլորտում լիազորված մարմինների տեղեկատվական համակարգերը պետք է ազգային բաղադրիչին փոխանցեն ապրանքների մասին հայտարարագրերում առկա՝ դրոշմավորման ենթակա ապրանքների վերաբերյալ հետևյալ տեղեկատվությունը՝

ա) մաքսային մարմնի ծածկագիր.

բ) ապրանքների մասին հայտարարագիրը գրանցելու ամսաթիվ.

գ) ապրանքների մասին հայտարարագրի գրանցման համար.

դ) հսկիչ (նույնականացման) նշանների նույնացուցիչների` ապրանքների մասին հայտարարագրերում նշված համարներն այն ապրանքների համար, որոնք ենթակա են դրոշմավորման (առկայության դեպքում).

ե) ապրանքի ծածկագիր՝ ըստ ԵԱՏՄ ԱՏԳ ԱԱ-ի.

զ) ապրանքների մասին հայտարարագրերում նշված` ապրանքների անվանումները, հերթական համարները և քանակը.

է) մաքսային արժեք.

ը) ապրանքի համաքաշ և զտաքաշ.

թ) չափման լրացուցիչ միավորների մեծությունները:

22. GSI ազգային (տարածաշրջանային) կազմակերպության կամ անվանացանկի գծով ազգային կենտրոնացված ռեսուրսի ծառայությունները պետք է ազգային բաղադրիչ ներկայացնեն հետևյալ նվազագույն պարտադիր տեղեկատվությունը՝

ա) ապրանքի անվանումը.

բ) ապրանքի որակի նկատմամբ ներկայացվող պահանջներ սահմանող նորմատիվ փաստաթղթերի մասին նշումը (այդ նորմատիվ փաստաթղթերով բաց թողնվող ապրանքի համար).

գ) ապրանքն արտադրողի անվանումը (իրավաբանական անձի կամ անհատ ձեռնարկատիրոջ անվանումը), GLN-ը (առկայության դեպքում).

դ) ապրանքի տարատեսակը (այն նյութի անվանումը, որից պատրաստված է ապրանքը և այլ տարբերակիչ հատկանիշներ (գույն, չափ, մոդել և այլն)).

ե) ապրանքի պատկերը (այն դեպքում, երբ այդպիսի տեղեկատվության փոխանցումը սահմանված է անդամ պետությունների օրենսդրությամբ).

զ) ապրանքի ծագման երկիրը.

է) ապրանքի քանակի չափման միավորը:

VI. Համակարգի տեխնիկական պարամետրերին ներկայացվող պահանջներ

23. Ապրանքների դրոշմավորման տեղեկատվական համակարգն ընդհանուր առմամբ և դրա ազգային բաղադրիչները պետք է ապահովեն մշտական հասանելիություն՝ օրը 24 ժամ, շաբաթը 7 օր, տարին 365 օր:

24. Համակարգի պարապուրդի ժամանակը տարվա ընթացքում պետք է կազմի ոչ ավելի, քան 24 ժամ:

25. Ազգային բաղադրիչը կանոնակարգված տեղեկատվությունը պետք է պահպանի անդամ պետության օրենսդրությամբ սահմանված ժամկետի ընթացքում, սակայն ոչ պակաս, քան 3 տարի:

26. Ազգային բաղադրիչը պետք է ապահովի այն թվով դրոշմավորված ապրանքների ռեեստրի պահպանումն ու մշակումը, որը հավասար է դրոշմավորման ենթակա բոլոր ապրանքային դիրքերի մասով անդամ պետության միջին տարեկան շրջանառության եռապատիկ ցուցանիշին, սակայն ոչ պակաս, քան 200 մլն գրանցում:

27. Ապրանքների մասին տեղեկությունների վերաբերյալ հարցման դեպքում համակարգի արձագանքման ժամանակը չպետք է գերազանցի 15 վայրկյանը:

28. Ազգային բաղադրիչի արտաքին օգտատերերի՝ դրոշմավորման ենթակա ապրանքների շրջանառությունն իրականացնող իրավաբանական անձանց և անհատ ձեռնարկատերերի քանակական կազմը չպետք է սահմանափակվի:

29. Համակարգը պետք է ապահովի արտաքին օգտատերերից վայրկյանում ոչ պակաս, քան 100 հարցման իրականացում:

30. Դրոշմավորման ենթակա ապրանքների և ապրանքային խմբերի համար նախատեսված և համակարգում մշակվող՝ ԵԱՏՄ ԱՏԳ ԱԱ ծածկագրերի քանակը չպետք է սահմանափակվի:

ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի թիվ 86 որոշմամբ

ԿԱՐԳ

Եվրասիական տնտեսական հանձնաժողովի և անդամ պետությունների իրավասու (լիազորված) մարմինների փոխգործակցության, ինչպես նաև Եվրասիական տնտեսական հանձնաժողովի և անդամ պետությունների իրավասու (լիազորված) մարմինների միջև փոխանցվող տեղեկատվության կառուցվածքին ու ձևաչափին ներկայացվող պահանջներ

I. Ընդհանուր դրույթներ

1. Սույն Կարգը մշակվել է ««Հագուստի առարկաներ, հագուստի պարագաներ և այլ արտադրատեսակներ բնական մորթուց» ապրանքային դիրքի համաձայն՝ հսկիչ (նույնականացման) նշաններով ապրանքների դրոշմավորման ներմուծման փորձնական ծրագիրը 2015-2016 թվականներին իրականացնելու մասին» համաձայնագրին համապատասխան և սահմանում է Եվրասիական տնտեսական միության անդամ պետությունների (այսուհետ՝ Միություն, անդամ պետություններ) իրավասու (լիազորված) մարմինների և Եվրասիական տնտեսական հանձնաժողովի (այսուհետ՝ Հանձնաժողով) միջև փոխգործակցության կարգը՝ «Հագուստի առարկաներ, հագուստի պարագաներ և այլ արտադրատեսակներ բնական մորթուց» ապրանքային դիրքի համաձայն՝ հսկիչ (նույնականացման) նշաններով ապրանքների դրոշմավորման ներմուծման փորձնական ծրագիրը (այսուհետ՝ փորձնական ծրագիր) 2015 - 2016 թվականներին իրականացնելու դեպքում:

Փորձնական ծրագիրն իրականացնելիս լիազորված (իրավասու) մարմինների և Հանձնաժողովի փոխգործակցությանը վերաբերող այլ գործունեություն իրականացվում է Եվրասիական տնտեսական հանձնաժողովի աշխատանքի կանոնակարգին համապատասխան:

2. Իրավասու (լիազորված) մարմինների և Հանձնաժողովի միջև փոխանցվող տեղեկատվության կառուցվածքի ու ձևաչափի նկարագրությունը, ինչպես նաև՝ տեղեկատվական փոխգործակցության իրականացմանը ներկայացվող պահանջները, սույն Կարգին համապատասխան, սահմանվում են Հանձնաժողովի կողմից հաստատվող՝ ընդհանուր ընթացակարգերի շրջանակներում տեղեկատվական փոխգործակցությունը կանոնակարգելիս: Իրավասու (լիազորված) մարմինների և Հանձնաժողովի միջև փոխանցվող տեղեկատվության կառուցվածքին ու ձևաչափին ներկայացվող պահանջները ներկայացված են Հավելվածում:

II. Փոխգործակցություն՝ նորմատիվ-տեղեկատվական տեղեկություններ և վերլուծական հաշվետվություն վարելու դեպքում

3. Փորձնական ծրագիրն իրականացնելիս Հանձնաժողովը վարում է՝

ա) հսկիչ (նույնականացման) նշաններ թողարկողների ընդհանուր ռեեստրը.

բ) հսկիչ (նույնականացման) նշաններով դրոշմավորման ենթակա ապրանքների ցանկը.

գ) այլ նորմատիվ-տեղեկատվական տեղեկություններ՝ Եվրասիական տնտեսական միության ինտեգրված տեղեկատվական համակարգի (այսուհետ՝ ինտեգրված համակարգ) շրջանակներում:

4. Փորձնական ծրագիրն իրականացնելիս իրավասու (լիազորված) մարմինները վարում են՝

ա) հսկիչ (նույնականացման) նշաններ թողարկողների ազգային ռեեստրները.

բ) հսկիչ (նույնականացման) նշաններով դրոշմավորման ենթակա ապրանքների ազգային ռեեստրները:

5. Իրավասու (լիազորված) մարմինները հսկիչ (նույնականացման) նշաններ թողարկողների ազգային ռեեստրներն ուղարկում են Հանձնաժողով՝ հսկիչ (նույնականացման) նշաններ թողարկողների ընդհանուր ռեեստրի ձևավորման նպատակներով:

Հանձնաժողովն ապահովում է հսկիչ (նույնականացման) նշաններ թողարկողների ընդհանուր ռեեստրի ձևավորումը և վարումը, ինչպես նաև իրավասու (լիազորված) մարմինների և բոլոր շահագրգիռ անձանց կողմից այն օգտագործելու հնարավորությունը:

6. Հսկիչ (նույնականացման) նշաններ թողարկողների ընդհանուր ռեեստրում պարունակվող տեղեկատվությունը հրապարակվում է Ինտերնետ տեղեկատվական-հեռահաղորդակցական ցանցում՝ Միության պաշտոնական կայքում:

Հանձնաժողովն իրականացնում է Միության տարածքում հսկիչ (նույնականացման) նշաններով դրոշմավորման ենթակա ապրանքների ցանկի հրապարակումն Ինտերնետ տեղեկատվական-հեռահաղորդակցական ցանցում՝ Միության պաշտոնական կայքում:

Հսկիչ (նույնականացման) նշաններով դրոշմավորման ենթակա ապրանքների ցանկի հիման վրա իրավասու (լիազորված) մարմիններն իրականացնում են հսկիչ (նույնականացման) նշաններով դրոշմավորման ենթակա ապրանքների ազգային ռեեստրների հրապարակումը:

7. Յուրաքանչյուր հսկիչ (նույնականացման) նշանի վերաբերյալ՝ Հանձնաժողովի վերլուծական հաշվետվության կազմման համար հարցման հիման վրա պետք է ներկայացվի միության տարածքում շրջանառության մեջ դրված, անդրսահմանային առևտրի շրջանակներում իրացված և շրջանառությունից հանված (համապատասխան նորմերն անդամ պետության օրենսդրությամբ նախատեսված լինելու դեպքում) ապրանքների մասին հետևյալ տեղեկատվությունը՝

ա) հսկիչ (նույնականացման) նշանի նույնացուցիչը.

բ) հսկիչ (նույնականացման) նշանի պատվիրատու հանդիսացող հարկ վճարողի համարը.

գ) ապրանքի տասանիշ ծածկագիրը՝ ըստ ԵԱՏՄ ԱՏԳ ԱԱ-ի.

դ) ապրանքը շրջանառության մեջ դնելու եղանակը (Միության մաքսային տարածք ներմուծելը կամ անդամ պետությունների տարածքում արտադրելը).

ե) հսկիչ (նույնականացման) նշանի իրացման ամսաթիվը.

զ) ապրանքների մասին հայտարարագրի գրանցման համարը.

է) (GTIN) ապրանքային միավորի գլոբալ համարը և ներմուծող կազմակերպության կամ արտադրող կազմակերպության տեղակայման վայրի գլոբալ համարը (GLN).

ը) ապրանքը շրջանառությունից հանելու եղանակը (վաճառք, ոչնչացում) (ապրանքների դրոշմավորման տեղեկատվական համակարգի ազգային բաղադրիչում այդպիսի տեղեկատվության առկայության դեպքում).

թ) ապրանքը շրջանառությունից հանելու ամսաթիվը (դրոշմավորման տեղեկատվական համակարգի ազգային բաղադրիչում առկայության դեպքում).

ժ) դրոշմավորման եղանակը (բաց թողնելուց առաջ, բաց թողնելուց հետո) Միության մաքսային տարածք ներմուծման դեպքում:

Իրավասու (լիազորված) մարմինների և Հանձնաժողովի միջև տեղեկատվության փոխանակումն իրականացվում է ինտեգրված համակարգի միջոցներով ընդհանուր ընթացակարգերի իրականացման դեպքում տեղեկատվական փոխգործակցությունը կանոնակարգող, Հանձնաժողովի կողմից հաստատված տեխնոլոգիական փաստաթղթերին համապատասխան:

III. Փոխգործակցություն՝ հսկիչ (նույնականացման) նշաններ թողարկելու դեպքում

8. Իրավասու (լիազորված) մարմիններն ապրանքների դրոշմավորման տեղեկատվական համակարգի ազգային բաղադրիչի միջոցով տեղեկատվության փոխանակում են իրականացնում հսկիչ (նույնականացման) նշանների պատրաստումը և անդամ պետությունների իրավաբանական անձանց ու անհատ ձեռնարկատերերին դրանց իրացումն իրականացնող կազմակերպությունների հետ:

IV. Փոխգործակցություն՝ ապրանքների անդրսահմանային շրջանառության դեպքում

9. Իրավասու (լիազորված) մարմիններն ապրանքների անդրսահմանային շրջանառություն դեպքում ինտեգրված համակարգի միջոցով իրականացնում են տեղեկատվության փոխանակում:

Ապրանքների անդրսահմանային առևտրի դեպքում ապրանքը մյուս անդամ պետության տարածք արտահանող անդամ պետության իրավասու (լիազորված) մարմինն ապրանքը ներմուծող անդամ պետության իրավասու (լիազորված) մարմնի հարցման հիման վրա հսկիչ (նույնականացման) նշանի նույնականացման համարով (նույնացուցիչով) ապրանքի մասին ինտեգրված համակարգի միջոցով իրական ժամանակի ռեժիմով տեղեկատվություն է փոխանցում «Հսկիչ (նույնականացման) նշաններով դրոշմավորման ենթակա ապրանքների ցանկում ներառված ապրանքների շրջանառություն իրականացնող իրավաբանական անձանց ու անհատ ձեռնարկատերերի կողմից իրենց անդամ պետությունների իրավասու (լիազորված) մարմիններին փոխանցվող տեղեկատվության կառուցվածքին և ձևաչափին ներկայացվող պահանջները, ինչպես նաև այդ տեղեկատվության փոխանցման ժամկետները» փաստաթղթին և Հավելվածին համապատասխան:

Իրավասու (լիազորված) մարմինների միջև տեղեկատվության փոխանակումն իրականացվում է ինտեգրված համակարգի միջոցներով ընդհանուր ընթացակարգերի իրականացման դեպքում տեղեկատվական փոխգործակցությունը կանոնակարգող, Հանձնաժողովի կողմից հաստատված տեխնոլոգիական փաստաթղթերին համապատասխան:

ՀԱՎԵԼՎԱԾ Եվրասիական տնտեսական հանձնաժողովի և անդամ պետությունների իրավասու (լիազորված) մարմինների փոխգործակցության կարգի, ինչպես նաև Եվրասիական տնտեսական հանձնաժողովի և անդամ պետությունների իրավասու (լիազորված) մարմինների միջև փոխանցվող տեղեկատվության կառուցվածքին և ձևաչափին ներկայացվող պահանջներ

1. Սույն պահանջներով սահմանվում են՝ հսկիչ (նույնականացման) նշաններ թողարկողների ընդհանուր ռեեստրի ձևավորման և վարման, վերլուծական հաշվետվության կազմման նպատակներով իրավասու (լիազորված) մարմինների կողմից Հանձնաժողով փոխանցվող (ներկայացվող) տվյալների, ինչպես նաև ապրանքների անդրսահմանային շրջանառության դեպքում իրավասու (լիազորված) մարմինների միջև փոխանցվող տվյալների ձևաչափը և դրանց կառուցվածքին ներկայացվող ընդհանուր պահանջները:

2. Տվյալները պետք է կազմվեն XML ձևաչափով՝ հետևյալ չափանիշներին համապատասխան՝

«Extensible Markup Language (XML) 1.0 (Fouth Edition)»՝ (հրապարակված է Ինտերնետ տեղեկատվական-հեռահաղորդակցական ցանցում՝ http://www.w3.org/TR/REC-xml հասցեով).

«Namespaces in XML» (հրապարակված է Ինտերնետ տեղեկատվական-հեռահաղորդակցական ցանցում՝ http://www.w3.org/TR/REC-xml-names հասցեով).

«XML Schema Part 1: Structures" և "XML Schema Part 2: Datatypes»՝ (հրապարակված է Ինտերնետ տեղեկատվական-հեռահաղորդակցական ցանցում՝ http://www.w3.org/TR/xmlschema-l/ և http://www.w3.org/TR/xmlschema-2/ hասցեներով:

3. Հսկիչ (նույնականացման) նշաններ թողարկողների ընդհանուր ռեեստր ձևավորելու և վարելու նպատակներով իրավասու (լիազորված) մարմինների կողմից Հանձնաժողով ուղարկող տվյալների կառուցվածքին ներկայացվող ընդհանուր պահանջները ներկայացված են 1-ին աղյուսակում:

4. Համաձայնագրի իրականացումը դիտանցելու և այն վերահսկելու նպատակներով Հանձնաժողովի կողմից իրավասու (լիազորված) մարմինների հարցման հիման վրա ստացվող տվյալների կառուցվածքին ներկայացվող ընդհանուր պահանջները ներկայացված են 2-րդ աղյուսակում:

5. Ապրանքը մյուս անդամ պետության տարածք արտահանող անդամ պետության իրավասու (լիազորված) մարմնի կողմից՝ ապրանքը ներմուծող անդամ պետության իրավասու (լիազորված) մարմնի հարցման հիման վրա, փոխանցվող տվյալների կառուցվածքին ներկայացվող ընդհանուր պահանջները ներկայացված են աղյուսակում:

5. Աղյուսակում ձևավորվում են հետևյալ դաշտերը (վանդակները)՝

տարրի անվանումը՝ հերթական համարը, նույնացուցիչը և տարրի ընդունված կամ պաշտոնական բառային նշումը.

տարրի նկարագրությունը՝ տարրի իմաստը (իմաստաբանությունը) պարզաբանող տեքստ.

ծանոթագրություն՝ տարրի նշանակությունը հստակեցնող, դրա ձևավորման (լրացման) կանոնները սահմանող տեքստ կամ տարրի հնարավոր իմաստների բառային նկարագրություն.

«բազմ.» - տարրերի բազմաքանակություն (տարրի պարտադիր (կամընտրական) լինելը և հնարավոր կրկնությունների քանակը):

6. Փոխանցվող տվյալների տարրերի բազմաքանակությունը նշելու համար օգտագործվում են հետևյալ նշումները՝

1 - տարրը պարտադիր է, կրկնություններ չեն թույլատրվում.

n - տարրը պարտադիր է, պետք է կրկնվի n անգամ (n> 1).

1..* - տարրը պարտադիր է, կարող է կրկնվել առանց սահմանափակումների.

n..* - տարրը պարտադիր է, պետք է կրկնվի ոչ պակաս, քան n անգամ (n > 1).

n..m տարրը պարտադիր է, պետք է կրկնվի ոչ պակաս, քան n անգամ, և ոչ ավելի, քան m անգամ (n > 1, m > n).

0..1 - տարրը կամընտրական է, կրկնություններ չեն թույլատրվում.

0..* - տարրը կամընտրական է, կարող է կրկնվել առանց սահմանափակումների.

0..m - տարրը կամընտրական է, կարող է կրկնվել ոչ ավելի, քան m անգամ

(m > 1):

Աղյուսակ 1. Հսկիչ (նույնականացման) նշաններ թողարկողների ընդհանուր ռեեստրի վարման նպատակներով իրավասու (լիազորված) մարմինների կողմից Հանձնաժողով փոխանցվող տվյալների կառուցվածքը

Տարրի անվանումը	Տարրի նկարագրությունը	Ծանոթագրություն	Բազմ.
1. Տեղեկությունների ձևավորման ամսաթիվը և ժամանակը	տեղեկությունների ձևավորման ամսաթիվը և ժամանակը	-	1
2. Հսկիչ նշաններ թողարկողների ռեեստրում ներառված մարմնի (կազմակերպության) մասին տեղեկությունները	հսկիչ նշաններ թողարկողների ռեեստրում պարունակվող տեղեկությունների ամբողջությունը	-	1
2.1. Տեղեկություններ ներկայացնող երկիրը	տեղեկություններ ներկայացնող երկրի երկնիշ տառային ծածկագիրը	-	1
2.2. Ռեեստրում անդամ պետության մարմնի (կազմակերպության) գրանցման համարը (գրանցման մասին փաստաթղթի համար)	հսկիչ (նույնականացման) նշաններ պատրաստող և իրավաբանական անձանց ու անհատ ձեռնարկատերերին դրանց իրացումն իրականացնող կազմակերպությունների ռեեստրում անդամ պետության մարմնի (կազմակերպության) գրանցման համարը (գրանցման մասին փաստաթղթի համարը)	տարրը նախատեսված է հսկիչ (նույնականացման) նշաններ պատրաստող և իրավաբանական անձանց ու անհատ ձեռնարկատերերին դրանց իրացումն իրականացնող կազմակերպությունների ռեեստրում անդամ պետության մարմնի (կազմակերպության) գրանցման համարը (գրանցման մասին փաստաթղթի համարը) նշելու համար	1
2.3. Հսկիչ նշաններ թողարկողների ռեեստրում ներառված անդամ պետության մարմինը (կազմակերպությունը)	հսկիչ նշաններ թողարկողների ռեեստրում ներառված մարմնի (կազմակերպության) վավերապայմանների մասին տեղեկությունները	տարրը նախատեսված է հսկիչ նշաններ թողարկողների ռեեստրում ներառված մարմնի (կազմակերպության) անվանման, հարկ վճարողի համարի, հասցեի և կոնտակտային վավերապայմանների մասին տեղեկությունները նշելու համար	1
2.4. Ռեեստրի տեղեկությունների տեխնոլոգիական բնութագրերը	հսկիչ նշաններ թողարկողների ռեեստրում ներառված անդամ պետության մարմնի (կազմակերպության) մասին տեղեկությունների գործողության ժամկետի մասին տեղեկատվությունը	տարրը նախատեսված է ռեեստրում գրառման գործողության ժամկետը սկսվելու և ավարտվելու ամսաթվերի մասին տեղեկությունները նշելու համար	1

Աղյուսակ 2. Համաձայնագրի իրականացումը դիտանցելու և այն վերահսկելու նպատակներով Հանձնաժողովի կողմից իրավասու (լիազորված) մարմինների հարցման հիման վրա ստացվող տվյալների կառուցվածքը

Տարրի անվանումը	Տարրի նկարագրությունը	Ծանոթագրություն	Բազմ.
1. Տեղեկությունների ձևավորման ամսաթիվը և ժամանակը	տեղեկությունների ձևավորման ամսաթիվը և ժամանակը	-	1
2. Տեղեկություններ ներկայացնող երկիրը	տեղեկություններ ներկայացնող երկրի երկնիշ տառային ծածկագիրը	-	1
3. Շրջանառության մեջ դրված ապրանքների մասին տեղեկությունները	ապրանքների դրոշմավորման տեղեկատվական համակարգի ազգային բաղադրիչում պարունակվող և Համաձայնագրի իրականացումը դիտանցելու և այն վերահսկելու նպատակներով ներկայացվող տեղեկությունների ամբողջությունը	-	1..n
3.1 Ապրանքի ծածկագիրը՝ ըստ ԵԱՏՄ ԱՏԳ ԱԱ-ի	ապրանքի տասանիշ ծածկագիրը՝ ըստ Եվրասիական տնտեսական միության արտաքին տնտեսական գործունեության միասնական ապրանքային անվանացանկի	-	1
3.2. Global Trade Item Number նույնացուցիչ	առևտրային միավորի գլոբալ նույնականացման համարը՝ թվային արժեքը	տարրը նախատեսված է առևտրային միավորի եզակի նույնականացման համար	0..1.
3.3. Ապրանքների մասին հայտարարագրի գրանցման համարը	ապրանքների մասին հայտարարագրի գրանցման համարը	տարրը նախատեսված է ապրանքները Միության տարածք ներմուծելու դեպքում ապրանքների մասին հայտարարագրի գրանցման մասին տեղեկությունները նշելու համար	0..1
3.4. ապրանք արտադրողի GLN-ը	ապրանք արտադրողի GLN ծածկագիրը	-	0..1
3.5. Հսկիչ (նույնականացման) նշանի և ապրանքի մասին տեղեկությունների ամբողջությունը	հսկիչ (նույնականացման) նշանի և ապրանքի մասին տեղեկությունների ամբողջությունը	-	1..n
3.5.2. Հսկիչ (նույնականացման) նշանի վավերապայմանները	հսկիչ (նույնականացման) նշանի վավերապայմանների ամբողջությունը	-	1
3.5.2.1. Հսկիչ (նույնականացման) նշանի նույնացուցիչը	հսկիչ (նույնականացման) նշանի՝ տեսողականորեն արտապատկերվող նույնացուցիչը	ձևանմուշ՝ [А-Z] {2} [-] {1} [А-Z0-9] {6} [-]{1}[А-Z0-9]{10}	1
3.5.2.2. Հսկիչ (նույնականացման) նշանի իրացման ամսաթիվը	հսկիչ (նույնականացման) նշանի իրացման ամսաթիվը	-	0..1
3.5.2.3. Ապրանքի շրջանառության մասին տեղեկությունների ամբողջությունը	ապրանքի շրջանառության մասին տեղեկությունների ամբողջությունը	-	1..n
3.5.2.3.1. Հարկ վճարողի համար (ներառված է «իրավաբանական անձի կամ անհատ ձեռնարկատիրոջ մասին տեղեկություններ» տարրի կազմում)	հարկ վճարողի ՝ հսկիչ (նույնականացման) նշանի պատվիրատուի, կազմակերպության կամ հսկիչ (նույնականացման) նշաններով դրոշմավորման ենթակա ապրանքների ցանկում ներառված ապրանքները շրջանառությունից հանելն իրականացրած մասնակցի համարը	հարկ վճարողի՝ դրոշմավորման ենթակա ապրանքների ցանկում ներառված ապրանքները շրջանառությունից հանելն իրականացրած մասնակցի, կազմակերպության համարը նշվում է այն դեպքում, երբ մանրածախ առևտրի շրջանակներում իրացված ապրանքների վրա զետեղված հսկիչ (նույնականացման) նշանների մասին տեղեկացնելու նկատմամբ անդամ պետությունների օրենսդրությամբ սահմանված են պահանջներ	0..1
3.5.2.3.2. Ապրանքը շրջանառության մեջ դնելու եղանակը	ապրանքը շրջանառության մեջ դնելու եղանակը	հնարավոր նշանակությունները՝ 1՝ ներմուծում Միության մաքսային տարածք. 2՝ արտադրություն անդամ պետության տարածքում	1
3.5.2.3.3. Դրոշմավորման եղանակը	Եվրասիական տնտեսական միության մաքսային տարածք ապրանքները ներմուծելու դեպքում դրոշմավորման եղանակը	հնարավոր նշանակությունները՝ 1՝ մինչև ապրանքների բացթողումը. 2՝ ապրանքների բացթողումից հետո:	0..1
3.5.2.3.4. Ներկայացվող տեղեկատվության տեսակի ծածկագիրը	ներկայացվող տեղեկատվության տեսակի ծածկագրային նշումը	հնարավոր նշանակությունները՝	1
		1՝ Միության մաքսային տարածք ներմուծված ապրանքներ. 2՝ անդամ պետությունների տարածքում արտադրված ապրանքներ. 3՝ անդրսահմանային առևտրի շրջանակներում ձեռք բերված ապրանքներ. 4՝ ապրանքների մնացորդներ, որոնց վրա զետեղված են հսկիչ (նույնականացման) նշաններ. 5՝ ապրանքների կոմիսիոն առևտուր
3.5.2.3.5. Ապրանքը շրջանառությունից հանելու եղանակը	ապրանքը շրջանառությունից հանելու եղանակի ծածկագրային նշումը	հնարավոր նշանակությունները՝ 1՝ իրացում (վաճառք) մանրածախ առևտրի շրջանակներում. 2՝ ապրանքի ոչնչացում (կորուստ). 3՝ վաճառք անդրսահմանային առևտրի շրջանակներում	0..1
3.5.2.3.6. Ապրանքը շրջանառությունից հանելու ամսաթիվը	ապրանքը շրջանառությունից հանելու ամսաթիվը	-	0..1
3.5.2.3.7. Ազգային բաղադրիչում տեղեկությունների արձանագրման ամսաթիվը և ժամանակը	ապրանքների դրոշմավորման տեղեկատվական համակարգի ազգային բաղադրիչում տեղեկությունների արձանագրման ամսաթիվը և ժամանակը	-	1

Աղյուսակ 3. Ապրանքը մյուս անդամ պետության տարածք արտահանող անդամ պետության իրավասու (լիազորված) մարմնի կողմից՝ ապրանքը ներմուծող անդամ պետության իրավասու (լիազորված) մարմնի հարցման հիման վրա, փոխանցվող տվյալների կառուցվածքը

Տարրի անվանումը	Տարրի նկարագրությունը	Ծանոթագրություն	Բազմ.
1. Տեղեկությունների ձևավորման ամսաթիվը և ժամանակը	տեղեկությունների ձևավորման ամսաթիվը և ժամանակը		1
2. Տեղեկություններ ներկայացնող երկիրը	տեղեկություններ ներկայացնող երկրի երկնիշ տառային ծածկագիրը		1
3. Անդրսահմանային առևտրի շրջանակներում ձեռք բերված ապրանքների մասին տեղեկությունները	անդրսահմանային առևտրի շրջանակներում ձեռք բերված ապրանքների մասին տեղեկությունները		1..n
3.1 Հսկիչ (նույնականացման) նշանի մասին տեղեկությունները	հսկիչ (նույնականացման) նշանի նույնացուցիչների մասին տեղեկությունները		1
3.1.1 Հսկիչ (նույնականացման) նշանի նույնացուցիչը	հսկիչ (նույնականացման) նշանի՝ տեսողականորեն արտապատկերվող նույնացուցիչը	ձևանմուշ՝ [А-Z] {2}[-] {1 }[А-Z0-9] {6} [-]{1}[А-Z0-9]{10}	1
3.1.2. Հսկիչ (նույնականացման) նշանի ռադիոհաճախական նիշի չիփի նույնացուցիչ	հսկիչ (նույնականացման) նշանի ռադիոհաճախական նիշի չիփի եզակի նույնացուցիչը՝ (ռադիոհաճախական նիշի TID համարը) հաշվարկման տասնվեցական համակարգում		0..1
3.1.3. Առևտրային միավորի սերիական գլոբալ համարը	առևտրային միավորի սերիական գլոբալ համարը (ապրանքի, արտադրանքի)` SGTIN-96 ստանդարտով	առավելագույն երկարություն՝ 100	0..1
3.2. Ազգային բաղադրիչում հարցված տեղեկությունների մշակման արդյունքը	հարցման մեջ նշված ՝ հսկիչ (նույնականացման) նշանի նույնացուցիչի մասին տեղեկությունների՝ ազգային բաղադրիչում մշակման արդյունքի ծածկագիրը և նկարագրությունը		1
3.3. Անդրսահմանային առևտրի շրջանակներում ձեռք բերված ապրանքների մասին ներկայացվող տեղեկությունները	անդրսահմանային առևտրի շրջանակներում ձեռք բերված ապրանքների մասին ներկայացվող տեղեկությունները, որոնք պարունակվում են ազգային բաղադրիչում		0..1
3.3.1. Հարկ վճարողի համարը (ներառված է «իրավաբանական անձի կամ անհատ ձեռնարկատիրոջ մասին տեղեկություններ» տարրի կազմում)	հարկ վճարողի՝ հսկիչ (նույնականացման) նշանի պատվիրատուի, կազմակերպության համարը (հսկիչ (նույնականացման) նշաններով դրոշմավորման ենթակա ապրանքների ցանկում ներառված՝ ապրանքների շրջանառություն (ապրանքները շրջանառությունից հանելն) իրականացնող իրավաբանական անձի կամ անհատ ձեռնարկատիրոջ մասին տեղեկությունների կազմում՝ իրենց անդամ պետությունների իրավասու (լիազորված) մարմիններ)		1
3.3.2. Ներկայացվող տեղեկատվության տեսակի ծածկագիրը	ներկայացվող տեղեկատվության տեսակի ծածկագրային նշումը	հնարավոր նշանակությունները՝ 1՝ Միության մաքսային տարածք ներմուծված ապրանքներ. 2՝ անդամ պետությունների տարածքում արտադրված ապրանքներ. 3՝ անդրսահմանային առևտրի շրջանակներում ձեռք բերված ապրանքներ. 4՝ ապրանքների մնացորդներ, որոնց վրա զետեղված են հսկիչ (նույնականացման) նշաններ. 5՝ապրանքների կոմիսիոն առևտուր. 6.1՝ գնորդների կողմից վերադարձված ապրանքներ (ապրանքը վերադարձված է՝ պատշաճ որակի ապրանքի վերադարձման (փոխանակման) համար անդամ պետությունների օրենսդրությամբ սահմանված ժամկետում և պահպանված է հսկիչ (նույնականացման) նշանի ամբողջականությունը). 6.2՝ գնորդների կողմից վերադարձված ապրանքներ (հսկիչ (նույնականացման) նշանը վնասված կամ ոչնչացված է և (կամ) ապրանքի վերադարձը (փոխանակումը) իրականացվում է այնպիսի ժամկետում, որը գերազանցում է պատշաճ որակի ապրանքը վերադարձնելու (փոխանակելու) համար անդամ պետությունների՝ օրենսդրությամբ սահմանված ժամկետը) 7՝ մանրածախ առևտրի շրջանակներում իրացված (վաճառված) կամ շրջանառության հետ կապված որևէ պատճառով ոչնչացված (կորած) ապրանքներ	1
3.3.3. Ապրանքների մասին հայտարարագրի գրանցման համարը	ապրանքների մասին հայտարարագրի գրանցման համարը	տարրը նախատեսված է Միության մաքսային տարածք ներմուծված ապրանքների մասին հայտարարագրերի վերաբերյալ տեղեկությունները նշելու համար	0..1
3.3.4. Ապրանքի հերթական համարը՝ ապրանքների մասին հայտարարագրում	ապրանքի հերթական համարը՝ ապրանքների մասին հայտարարագրում	տարրը նախատեսված է ապրանքների մասին հայտարարագրում ապրանքի հերթական համարի մասին տեղեկությունները նշելու համար (Միության մաքսային տարածք ներմուծված ապրանքների համար)	0..1
3.3.5. Ապրանքի ծածկագիրը՝ ըստ ԵԱՏՄ ԱՏԳ ԱԱ-ի	ապրանքի տասանիշ ծածկագիրը՝ ըստ Եվրասիական տնտեսական միության արտաքին տնտեսական գործունեության միասնական ապրանքային անվանացանկի		0..1
3.3.6. Global Trade Item Number նույնացուցիչը	առևտրային միավորի գլոբալ նույնականացման համարը՝ թվային արժեքը	տարրը նախատեսված է առևտրային միավորի եզակի նույնականացման համար	0..1
3.3.7. Ապրանքն արտադրողի անվանումը	ապրանքն արտադրողի անվանումը		0..1
3.3.8. Ապրանքն արտադրողի GLN-ը	ապրանքն արտադրողի GLN ծածկագիրը		0..1
3.3.9. Ապրանքի անվանումը	ապրանքի անվանումը		0..1
3.3.10. Ապրանքի տարատեսակը	այն նյութի անվանումը, որից պատրաստված է ապրանքը, և ապրանքի այլ տարբերակիչ հատկանիշներ (գույն, չափ, մոդել և այլն)		0..1.
3.3.11. Ապրանքի ծագման երկիրը	տեղեկություններ ապրանքի ծագման երկրի մասին	տարրը նախատեսված է ապրանքի ծագման երկրի մասին տեղեկություններ նշելու համար	0..1
3.3.12. Չափման միավորը	ապրանքի քանակի չափման միավորը	տարրը նախատեսված է ապրանքի չափման միավորի ծածկագրի (ծածկագրային նշման) մասին տեղեկություններ նշելու համար	0..1
3.3.13. Ապրանքի պատկերը	ապրանքի լուսանկարչական պատկերը	տարրը նախատեսված է նշման համար տարրը պարունակում է ապրանքի լուսանկարչական պատկերը	0..*
3.3.14. Ապրանքը շրջանառության մեջ դնելու եղանակը	Ապրանքը շրջանառության մեջ դնելու եղանակը	հնարավոր նշանակությունները՝ 1՝ ներմուծում Միության մաքսային տարածք. 2՝ արտադրություն անդամ պետության տարածքում	0..1
3.3.15. Տեղեկություններ՝ ապրանքի որակին ներկայացվող պահանջները սահմանող նորմատիվ փաստաթղթերի մասին	տեղեկություններ՝ ապրանքի որակին ներկայացվող պահանջները սահմանող՝ անդամ պետությունների նորմատիվ փաստաթղթերի մասին	տարրը նախատեսված է ապրանքի որակին ներկայացվող պահանջները սահմանող տեղեկությունները նշելու համար (այդ նորմատիվ փաստաթղթերով բաց թողնվող ապրանքների համար)	0..*
3.3.16. Տեղեկություններ ապրանքի վերադարձնելը հաստատող փաստաթղթերի մասին	տեղեկություններ ապրանքի վերադարձնելը հաստատող փաստաթղթի վավերապայմանների մասին	տարրը նախատեսված է ապրանքի վերադարձնելը հաստատող փաստաթղթի վավերապայմանների մասին տեղեկությունները նշելու համար	0..*