ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

19 սեպտեմբերի 2015 թվականի N 854-Ա

ԳՐԻՇԱ ԲԱՂԻՅԱՆԻՆ ՊՈՐՏՈՒԳԱԼԻԱՅԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության գյուղատնտեսության նախարարի առաջին տեղակալ Գրիշա Բաղիյանին 2015 թվականի սեպտեմբերի 23-25-ը գործուղել Պորտուգալիայի Հանրապետություն (Լիսաբոն)՝ Եվրամիության դրամաշնորհային համաձայնագրով ֆինանսավորվող «Խոզերի աֆրիկական ժանտախտի թիրախավորված հետազոտություն» ծրագրի շրջանակներում կայանալիք գիտաժողովին մասնակցելու համար:

2. Ընդունել ի գիտություն, որ Գրիշա Բաղիյանի՝ Պորտուգալիայի Հանրապետություն (Լիսաբոն) գործուղման հետ կապված ծախսերը կատարվելու են հրավիրող կողմի հաշվին:

3. Հայաստանի Հանրապետության գյուղատնտեսության նախարարին` ապահովել գործուղումից վերադառնալուց հետո եռօրյա ժամկետում Գրիշա Բաղիյանի՝ Պորտուգալիայի Հանրապետություն գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը: