«Վավերացնում եմ»
Հայաստանի Հանրապետության
Նախագահ Ռ. Քոչարյան
30 ապրիլի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
17 ապրիլի 2003 թվականի N 418-Ն
«ՏՆՏԵՍԱԿԱՆ ԲԱՐԵՓՈԽՈՒՄՆԵՐԻ ՎԵՐԼՈՒԾԱԿԱՆ-ՏԵՂԵԿԱՏՎԱԿԱՆ ԿԵՆՏՐՈՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ
«Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածին համապատասխան՝ Հայաստանի Հանրապետության կառավարությունը որոշում է.
1. «Տնտեսական բարեփոխումների վերլուծական-տեղեկատվական կենտրոն» փակ բաժնետիրական ընկերությունը վերակազմավորման ձևով վերակազմակերպել «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպության։ «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպությունը հանդիսանում է «Տնտեսական բարեփոխումների վերլուծական-տեղեկատվական կենտրոն» փակ բաժնետիրական ընկերության իրավահաջորդը՝ փոխանցման ակտին համապատասխան:
1.1. «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպությունը վերանվանել «Տեղեկատվության և վերլուծության կենտրոն» պետական ոչ առևտրային կազմակերպություն:
(1.1-ին կետը լրաց. 10.03.15 N 235-Ն)
2. Սահմանել, որ`
1) «Տեղեկատվության և վերլուծության կենտրոն» պետական ոչ առևտրային կազմակերպության գործունեության առարկան Հայաստանի Հանրապետության կառավարության գործունեության բազմակողմանի և օբյեկտիվ ներկայացումը, ինչպես նաև՝ կառավարության գործունեության վերաբերյալ հանրային կարծիքի ուսումնասիրությունն է.
2) «Տեղեկատվության և վերլուծության կենտրոն» պետական ոչ առևտրային կազմակերպության գործունեության նպատակներն են՝
ա. կառավարության գործունեության հրապարակայնության և թափանցիկության ապահովումը,
բ. կառավարության գործունեության ընթացքը պատշաճ ներկայացնելը, հանրային իրազեկման իրականացումը՝ հանրությանն օբյեկտիվ տեղեկատվություն հասցնելու միջոցով,
գ. հանրությանն իրազեկելու արդյունքում հասարակություն-գործադիր իշխանություն փոխադարձ կապի խթանումը,
դ. Հայաստանի Հանրապետության կառավարության գործունեության պարբերաբար, բազմակողմանի և օբյեկտիվ լուսաբանումների միջոցով Հայաստանի Հանրապետության կառավարության գործունեության թափանցիկության ապահովումը,
ե. միջազգային ասպարեզում գործադիր մարմնի վարկանիշի բարձրացմանն ուղղված աշխատանքների իրականացումը,
զ. Հայաստանի Հանրապետության կառավարության օրենսդրական նախաձեռնությունների, իր լիազորությունների շրջանակներում իրավաստեղծ գործառույթների իրականացման արդյունքում մշակվող նորմատիվ իրավական ակտերի նախագծերի լուսաբանման միջոցով դրանց վերաբերյալ հանրության լայն զանգվածների կարծիքի բացահայտումը,
է. հասարակական կարծիքի բացահայտման և ուսումնասիրության միջոցով գործադիր մարմնի գործունեության արդյունավետության բարձրացումը:
(2-րդ կետը խմբ. 10.03.15 N 235-Ն)
3. Թույլատրել «Տեղեկատվության և վերլուծության կենտրոն» պետական ոչ առևտրային կազմակերպությանն իրականացնել ձեռնարկատիրական գործունեության հետևյալ տեսակները`
1) հրատարակչական գործ.
2) կենտրոնի աշխատանքներում ներգրավված մասնագետների կողմից, ըստ ոլորտների, մասնագիտական խորհրդատվական և վերլուծական ծառայությունների մատուցում.
3) առկա իրավիճակի հետազոտում և հասարակական կարծիքի բացահայտում։
(3-րդ կետը խմբ. 10.03.15 N 235-Ն)
4. «Տեղեկատվության և վերլուծության կենտրոն» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ կետի «դ», «ե», «է» ենթակետերով և 14-րդ հոդվածով նախատեսված լիազորությունները վերապահել Հայաստանի Հանրապետության կառավարության աշխատակազմին։
(4-րդ կետը փոփ. 10.03.15 N 235-Ն)
5. Հաստատել «Տեղեկատվության և վերլուծության կենտրոն» պետական ոչ առևտրային կազմակերպությանը սեփականության իրավունքով հանձնվող գույքի կազմն ու արժեքը՝ համաձայն հավելվածի:
(5-րդ կետը փոփ. 10.03.15 N 235-Ն)
6. Հայաստանի Հանրապետության կառավարության աշխատակազմի ղեկավար-նախարարին՝ երկամսյա ժամկետում՝
ա) հաստատել «Տեղեկատվության և վերլուծության կենտրոն» պետական ոչ առևտրային կազմակերպության կանոնադրությունը.
բ) ապահովել «Տեղեկատվության և վերլուծության կենտրոն» պետական ոչ առևտրային կազմակերպության պետական գրանցումը:
(6-րդ կետը փոփ. 10.03.15 N 235-Ն)
7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
Հայաստանի Հանրապետության |
Ա. Մարգարյան |
|
Հավելված |
«ՏՆՏԵՍԱԿԱՆ ԲԱՐԵՓՈԽՈՒՄՆԵՐԻ ՎԵՐԼՈՒԾԱԿԱՆ-ՏԵՂԵԿԱՏՎԱԿԱՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՀԱՆՁՆՎՈՂ ԳՈՒՅՔԻ ԿԱԶՄԸ ԵՎ ԱՐԺԵՔԸ
Գույքի N |
Սարքավորումների անվանումը |
Ստացման ամիսը, |
Մնացորդային արժեքը |
111401 |
Համակարգիչ՝ «ՊԵՆՏԻՈՒՄ II» HP VECTRA VL 6/266 S7 M 3200/32 NT4 LAN INTEL PENTIUM II |
24.09.1998 թ. |
103 839 |
111402 |
Համակարգիչ՝ «ՊԵՆՏԻՈՒՄ II» HP VECTRA VL 6/266 S7 M 3200/32 NT4 LAN INTEL PENTIUM II |
24.09.1998 թ. |
103 839 |
111403 |
Համակարգիչ NOTEBOOK HP OMNIBOOK 2100 INTEL PENTIUM |
24.09.1998 թ. |
152 907 |
111404 |
Վերարտադրող սարք ՍԿԱՆԵՐ HP SCANJET 6100C SCANNER #C6267A |
24.09.1998 թ. |
36 569 |
111405 |
Բազմացնող սարք Canon plain 6216 Photocopier |
18.09.1998 թ. |
95 177 |
111406 |
Հեռախոս-Ֆաքս Canon Fax Multipass L90 ~ EWA 15251 |
03.12.1998 թ. |
77 878 |
111407 |
Լազերային տպիչ սարք Hewlett Packard Laser Jet 4V |
03.12.1998 թ. |
52 084 |
111408 |
Տեսախցիկ Panasonic S-VHS MOVIE CAMERA NV-S88 |
03.12.1998 թ. |
35 637 |
111409 |
Ռիզոգրաֆ S-2245 RISO GR 3770 A3(600x600 dpi) |
27.04.2001 թ. |
4 538 164 |
111410 |
UPS Windos 95, WT, 1000VA Pro |
27.04.2001 թ. |
104 260 |
111411 |
UPS Windos 95, WT, 1000VA Pro |
27.04.2001 թ. |
104 260 |
111412 |
Համակարգիչ՝ «ՊԵՆՏԻՈՒՄ III» 800/133, 256KB SLC(FS), 256 MB SDRAM, FDD, SVGA AGP 16 Mb TV out, in, 9,1x2 GB |
17.04.2001 թ. |
137 075 |
111413 |
Համակարգիչ՝ «ՊԵՆՏԻՈՒՄ III» 800/133, 256KB SLC(FS), 128 MB SDRAM, FDD, Intel 3D Direct AGP Dinamic Video Memory Technology, 9,1x2 GB |
17.04.2001 թ. |
120 626 |
111414 |
Հեռուստացույց «Ֆիլիպս» |
09.11.2000 թ. |
55 000 |
111415 |
Տեսամագնիտոֆոն «Ֆիլիպս» |
09.11.2000 թ. |
37 000 |
|
Ընդամենը |
|
5 754 315 |
Հայաստանի Հանրապետության կառավարության աշխատակազմի ղեկավար-նախարար |
Մ. Թոփուզյան |
![loading...](/static/img/loader.gif)