«Գրանցված է»

ՀՀ արդարադատության

նախարարության կողմից

13 հոկտեմբերի 2014 թ.

Պետական գրանցման թիվ 05014437

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2013 ԹՎԱԿԱՆԻ ՀՈՒՆՎԱՐԻ 22-Ի ԹԻՎ 16-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Կուտակային կենսաթոշակների մասին» Հայաստանի Հանրապետության օրենքի 16-րդ հոդվածի 1-ին մասի 12-րդ կետը, «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետը, «Իրավական ակտերի մասին» Հայաստանի Հանրապետության օրենքի 16-րդ հոդվածի 1-ին մասը և 70-րդ հոդվածի 1-ին մասը՝ Հայաստանի Հանրապետության կենտրոնական բանկի խորհուրդը որոշում է՝

1. Հայաստանի Հանրապետության կենտրոնական բանկի խորհրդի 2013 թվականի հունվարի 22-ի «Կուտակային բաղադրիչի մասնակիցների ռեեստրը վարողի` Կենտրոնական բանկ ներկայացվող հաշվետվությունները, դրանց ներկայացման կարգը, բովանդակությունը և պարբերականությունը» կանոնակարգ 5/08-ը հաստատելու մասին» թիվ 16-Ն որոշմամբ հաստատված «Կուտակային բաղադրիչի մասնակիցների ռեեստրը վարողի` Կենտրոնական բանկ ներկայացվող հաշվետվությունները, դրանց ներկայացման կարգը, բովանդակությունը և պարբերականությունը» կանոնակարգ 5/08-ում (այսուհետ՝ Կանոնակարգ) կատարել հետևյալ փոփոխությունները և լրացումները.

1) Կանոնակարգի 3-րդ կետը լրացնել 9-րդ, 10-րդ և 11-րդ ենթակետերով հետևյալ բովանդակությամբ.

«9) կենսաթոշակային հաշվի տեր՝ անձ, որի անունով մասնակիցների ռեեստրը վարողի կողմից բացվել է կենսաթոշակային հաշիվը,

10) փայատեր՝ անձ, որի անունով մասնակիցների ռեեստրը վարողի կողմից բացված կենսաթոշակային հաշվում առկա են փայեր,

11) մասնակից՝ «Կուտակային կենսաթոշակների մասին» Հայաստանի Հանրապետության օրենքով սահմանված մասնակից, ինչպես նաև այն անձը, ով դարձել է փայատեր ժառանգությամբ փայեր ձեռքբերելու արդյունքում:»,

2) Կանոնակարգի 7-րդ կետի 7-րդ ենթակետում «կենսաթոշակային տարիքում» բառերը փոխարինել «կենսաթոշակ ստանալու հիմքով» բառերով,

3) Կանոնակարգի 27-րդ կետում «կուտակային հատկացումների և նրանց պատկանող» բառերը փոխարինել «օգտին կատարած կուտակային հատկացումների և նրանց կենսաթոշակային հաշիվներում առկա» բառերով,

4) Կանոնակարգի 30-րդ կետի 4-րդ ենթակետը «վարվող`» բառից հետո լրացնել «փայերի» բառով,

5) Կանոնակարգի 31-րդ կետում՝

ա. առաջին նախադասությունից հանել «(ներառյալ այն անձանց, ովքեր դարձել են փայատեր ժառանգության տնօրինման արդյունքում)» բառերը,

բ. երկրորդ նախադասությունից հանել «մասնակիցների» բառը,

6) Կանոնակարգի 31-րդ կետում, 38-րդ կետի 1-ին և 2-րդ ենթակետերում, 39-րդ կետում, 41-րդ կետի 1-4-րդ ենթակետերում, 42-րդ կետի 1-3-րդ և 6-րդ ենթակետերում «1.1-1.25» թվերը փոխարինել «1.1-1.26» թվերով,

7) Կանոնակարգի 41-րդ կետի 1-5-րդ ենթակետերից և 42-րդ կետի 1-3-րդ ենթակետերից հանել «(այդ թվում` նրանց, ովքեր դարձել են մասնակից ժառանգությամբ փայեր ձեռքբերելու արդյունքում)» բառերը,

8) Կանոնակարգի 36-րդ կետի 4-րդ ենթակետում «հերթականությամբ` ըստ Օրենքի 49-րդ հոդվածի 3-րդ մասի 1-ին և 3-րդ կետերով» բառերը փոխարինել «ըստ Օրենքի 55-րդ հոդվածի 1-ին մասով» բառերով,

9) Կանոնակարգի 42-րդ կետում.

ա. 4-րդ ենթակետը շարադրել հետևյալ խմբագրությամբ. ««4) միանվագ վճար» սյունակի համապատասխանաբար «անձանց թիվը» և «գումարը» ենթասյունակների 1.1-1.26-րդ տողերում լրացվում է համապատասխան տարիքի և սեռի այն մասնակիցների թիվը և վճարված գումարի չափը (հազար դրամներով), ում համար հաշվետու ժամանակաշրջանի ընթացքում մասնակիցների ռեեստրը վարողը կենսաթոշակային ֆոնդերից վճարումներ է կատարել միանվագ վճարների տեսքով, ընդ որում` 6-15-րդ սյունակներում բաշխելով դրանք ըստ Օրենքի 55-րդ հոդվածի 1-ին մասով, 56-րդ հոդվածի 1-ին մասի 1-3-րդ կետերով, ինչպես նաև 57-րդ հոդվածի 4-րդ մասով սահմանված հիմքերի,»,

բ. 5-րդ ենթակետը շարադրել հետևյալ խմբագրությամբ. ««5) Մնացորդը» սյունակի «Անձանց թիվը» ենթասյունակում լրացվում է 1.1-1.26-րդ տողերում նշված համապատասխան ծննդյան տարեթվի և սեռի՝ հաշվետու ժամանակաշրջանի ընթացքում կենսաթոշակային ֆոնդերից վճարում ստացած մասնակիցների թիվը, ում կենսաթոշակային հաշիվներում առկա են եղել մնացորդային փայեր հաշվետու տարվա դեկտեմբերի 31-ի դրությամբ: Սույն սյունակի «գումարը» ենթասյունակի 1.1-1.26-րդ տողերում լրացվում է հաշվետու տարվա դեկտեմբերի 31-ի դրությամբ հաշվարկված՝ համապատասխան ծննդյան տարեթվի և սեռի այն մասնակիցների կենսաթոշակային հաշիվներում առկա փայերի հաշվարկային արժեքների մեծությունը (հազար դրամներով), ովքեր հաշվետու ժամանակաշրջանի ընթացքում կենսաթոշակային ֆոնդերից վճարում են ստացել,»,

գ. 6-րդ ենթակետում «2-19-րդ» բառերը փոխարինել «2-17-րդ» բառերով,

10) Կանոնակարգի 44-րդ կետի 1-ին ենթակետում և 45-րդ կետի 1-ին ենթակետում «40-րդ» բառը փոխարինել «35-րդ» բառով,

11) Կանոնակարգի 47-րդ կետի առաջին նախադասության «կառավարչի՝ իր» բառերը փոխարինել «կառավարիչների՝ իրենց» բառերով, և երկրորդ նախադասությունը հանել,

12) Կանոնակարգի 48-րդ կետը շարադրել հետևյալ խմբագրությամբ. «Թիվ 6 հաշվետվության «48. Ֆոնդերի ծածկագրերը» տողի 1-6-րդ սյունակներում լրացվում են Հայաստանի Հանրապետության տարածքում գործող բոլոր պարտադիր կենսաթոշակային ֆոնդերի՝ մասնակիցների ռեեստրը վարողի կողմից տրամադրված համապատասխան ծածկագրերը, որոնք հաշվետու ժամանակաշրջանի ընթացքում գտնվել են կառավարիչների կառավարման ներքո:»,

13) Կանոնակարգի 1-ից 5-րդ Հավելվածների վերնագրերում «Պարտադիր կուտակային կենսաթոշակային» բառերը փոխարինել «Կուտակային» բառով,

14) Կանոնակարգի Հավելված 1-ի Աղյուսակ 3-ում, Հավելված 3-ի Աղյուսակ 1-ում և Աղյուսակ 2-ում, Հավելված 4-ի Աղյուսակ 1-ում լրացնել հերթական «1.26 ...» տող,

15) Կանոնակարգի Հավելված 2-ի Աղյուսակ 3-ի 4.1-ին տողում «Կենսաթոշակային տարիքում» բառերը փոխարինել «Կենսաթոշակ ստանալու հիմքով» բառերով,

16) Կանոնակարգի Հավելված 4-ի Աղյուսակ 2-ը շարադրել նոր խմբագրությամբ՝ համաձայն սույն որոշման Հավելված 1-ի,

17) Կանոնակարգի Հավելված 6-ը շարադրել նոր խմբագրությամբ՝ համաձայն սույն որոշման Հավելված 2-ի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ԱՂՅՈՒՍԱԿ 2. ՖՈՆԴԵՐԻՑ ԿԱՏԱՐՎԱԾ ՎՃԱՐՈՒՄՆԵՐԻ ՀԻՄՔԸ

Ամսաթիվը………………………….թ-ից

Մինչև……………….թ.

 ՀԱՇՎԵՏՎՈՒԹՅՈՒՆ ԹԻՎ 6

ՊԱՐՏԱԴԻՐ ԿԵՆՍԱԹՈՇԱԿԱՅԻՆ ՖՈՆԴՈՒՄ ԿԱՌԱՎԱՐՉԻ ՄԱՍՆԱԿՑՈՒԹՅԱՆ ՎԵՐԱԲԵՐՅԱԼ

 (ամսական)

Մասնակիցների ռեեստրը վարողի անվանումը ……………………………

Ամսաթիվը………………………….թ-ից

Մինչև……………….թ.