ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
22 օգոստոսի 2013 թվականի N 905-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԵՐԻՆ ՀԱՏԿԱՑՎՈՂ ԱՇՆԱՆԱՑԱՆ ՑՈՐԵՆԻ ԱՌԱՋԻՆ ՎԵՐԱՐՏԱԴՐՈՒԹՅԱՆ ՍԵՐՄԱՑՈՒԻ ԲԱՇԽԱՑՈՒՑԱԿԸ ՀԱՍՏԱՏԵԼՈՒ, ՏԵՂԱԿԱՆ ՍԵՐՄԱՐՏԱԴՐՈՂՆԵՐԻՑ ԷԼԻՏԱՅԻՆ ԵՎ ԱՌԱՋԻՆ ՎԵՐԱՐՏԱԴՐՈՒԹՅԱՆ ՍԵՐՄԱՑՈՒՆԵՐԻ ՁԵՌՔԲԵՐՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ՀՈՒԼԻՍԻ 29-Ի N 971-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հաստատել Հայաստանի Հանրապետությունում 2010-2014 թվականներին ցորենի սերմնաբուծության և սերմարտադրության զարգացման ծրագրի (այսուհետ` ծրագիր) շրջանակներում 2013 թվականի աշնանացանի համար Հայաստանի Հանրապետության մարզերին հատկացվող աշնանացան ցորենի առաջին վերարտադրության սերմացուի բաշխացուցակը՝ համաձայն հավելվածի:
2. Թույլատրել Հայաստանի Հանրապետության գյուղատնտեսության նախարարությանը, կնքելով գործակալության պայմանագիր, լիազորել Հայաստանի Հանրապետության գյուղատնտեսության նախարարության «Սերմերի գործակալություն» պետական ոչ առևտրային կազմակերպությանը`
1) կազմակերպել Հայաստանի Հանրապետության 2012-2017 թվականների աշնանացան ցորենի սերմնաբուծության, բարձր վերարտադրության սերմերի արտադրության զարգացման ծրագրի շահառուներից մինչև 180 տոննա աշնանացան ցորենի էլիտային վերարտադրության սերմացուի ձեռքբերումը` 1 կիլոգրամը 210 դրամով, և հատկացումը 2013 թվականի աշնանացանի համար ծրագրում ընդգրկված շահառուներին.
2) կազմակերպել 2012 թվականի աշնանացանի համար ծրագրում ընդգրկված շահառուներից և «Գյումրու սելեկցիոն կայան» փակ բաժնետիրական ընկերությունից կանխատեսվող 2540 տոննա աշնանացան ցորենի առաջին վերարտադրության սերմացուի ձեռքբերումը` 1 կիլոգրամը 190 դրամով, և այն ծրագրի շրջանակներում կանխատեսվող՝ վերադարձվելիք 1274 տոննա սերմացուի հետ միասին (2540+1269.2=3809.2), սույն որոշման հավելվածով սահմանված չափաքանակներով հատկացնել Հայաստանի Հանրապետության մարզպետարաններին` կնքելով համապատասխան պայմանագրեր` սերմացուների հանձնման և ընդունման աշխատանքները նախատեսելով համապատասխան մարզկենտրոններում.
3) ծրագիրը 2013 թվականին իրականացնելու համար օգտագործել մինչև 142000,0 հազ. դրամ՝ Հայաստանի Հանրապետության գյուղատնտեսության նախարարության «Սերմերի գործակալություն» պետական ոչ առևտրային կազմակերպության նպատակային հաշվից և նախորդ տարիներին ծրագրի իրականացման արդյունքում խնայված միջոցներից:
(2-րդ կետը լրաց., փոփ. 26.09.13 N 1033-Ն)
3. Հայաստանի Հանրապետության մարզպետներին`
1) համայնքների ղեկավարների միջոցով ապահովել սերմացուների տեղափոխումը համապատասխան համայնքներ.
2) 2014 թվականի բերքահավաքից հետո ապահովել սույն որոշման հավելվածի համաձայն ստացած սերմերի գումարների հավաքագրումը` 1 կիլոգրամի համար 80 դրամով` 1:2 փոխհարաբերությամբ, և փոխանցումը Հայաստանի Հանրապետության գյուղատնտեսության նախարարության «Սերմերի գործակալություն» պետական ոչ առևտրային կազմակերպության նպատակային հաշվին, բացառությամբ Հայաստանի Հանրապետության Շիրակի մարզում 2014 թվականի հունիսի 19-ին, 30-ին, հուլիսի 7-ին, 26-ին, օգոստոսի 10-ին, 11-ին, Լոռու մարզում մայիսի 24-ին և հուլիսի 8-ին կարկտահարությունից տուժած համայնքների աշնանացան ցորենի առաջին վերարտադրության սերմացու ստացած հողօգտագործողներից:
(3-րդ կետը լրաց. 17.07.14 N 790-Ն)(3-րդ կետի ինկորպորացիան ներառում է նաև 18.09.14 N 1016-Ն-ի 1-ին կետի 2-րդ ենթակետի լրացումը, որ կատարվել է 17.07.14 N 790-Ն որոշման 3-րդ կետում:)
4. Հայաստանի Հանրապետության կառավարության 2010 թվականի հուլիսի 29-ի «Հայաստանի Հանրապետությունում 2010-2014 թվականներին ցորենի սերմնաբուծության և սերմարտադրության զարգացման ծրագիրը հաստատելու և սերմերի ներմուծումը թույլատրելու մասին» N 971-Ն որոշման հավելվածի «2013 թվական» բաժինը շարադրել հետևյալ խմբագրությամբ.
«2013 թվական
2013 թվականին նախատեսվում է Ռուսաստանի Դաշնության Ստավրոպոլի երկրամասի «Սեմենա Ստավրոպոլյա» սահմանափակ պատասխանատվությամբ ընկերությունից ձեռք բերել 440 և Հայաստանի Հանրապետության սերմնաբուծությամբ զբաղվող տնտեսավարող սուբյեկտներից` մինչև 180 տոննա էլիտային վերարտադրության սերմացու, իսկ Հայաստանի Հանրապետության 2012-2017 թվականների աշնանացան ցորենի սերմնաբուծության, բարձր վերարտադրության սերմերի արտադրության զարգացման ծրագրի շրջանակներում նախատեսվում է 1:2 փոխհարաբերությամբ հետ ստանալ 40 տոննա աշնանացան ցորենի էլիտային վերարտադրության սերմացու, ընդամենը մինչև 660 տոննա, որով հնարավոր կլինի ցանքեր իրականացնել շուրջ 2200 հեկտար տարածության վրա` 300 կգ/հա ցանքի նորմայով:
Հիմք ընդունելով հողի սեփականության կամ վարձակալության վկայականները, հողատարածքների ընտրության արդյունքում առավելություն տալով խոշոր հողատարածք ունեցողներին` էլիտային վերարտադրության սերմացուն կհատկացվի շահառուներին, 1:2 փոխհարաբերությամբ աշնանացան ցորենի առաջին վերարտադրության սերմացու վերադարձնելու պայմանով` Հայաստանի Հանրապետության գյուղատնտեսության նախարարության «Սերմերի գործակալություն» պետական ոչ առևտրային կազմակերպության, համայնքի ղեկավարի և տնտեսավարող սուբյեկտի միջև կնքված եռակողմ պայմանագրի հիման վրա: Նույն պայմանագրով կամրագրվեն նաև հողի մշակության, կիրառվող ագրոտեխնիկայի և սերմացուի վերադարձի պայմանները: Սերմացուի հատկացումից հետո կկատարվի փաստացի ցանքերի ուսումնասիրություն:
Արդյունքում, 2014 թվականին ակնկալվում է հետ ստանալ մինչև 1320 տոննա (660 x 2) առաջին վերարտադրության սերմացու, որը պետք է ունենա ծագումը և որակը հավաստող փաստաթղթեր:
Սերմացուները 1:2 փոխհարաբերությամբ վերադարձնելուց հետո տնտեսավարողների մոտ մնացած քանակությունը կտնօրինվի վերջիններիս կողմից` ըստ իրենց հայեցողության:
2014 թվականին նախատեսվում է ծրագրում ընդգրկված շահառուներից վերադարձված` մինչև 1320 տոննա և Հայաստանի Հանրապետության մարզպետարաններից ստացված պահանջարկի հիման վրա գնված աշնանացան ցորենի առաջին վերարտադրության սերմացուն` 1:2 փոխհարաբերությամբ պարենային ցորենի արժեքի չափով վերադարձնելու պայմանով հատկացնել հողօգտագործողներին, առավելագույնը մինչև 3 հեկտար հողատարածքի վրա ցանք կատարելու հաշվարկով` 300 կգ/հա ցանքի նորմայով:
Վերադարձված` մինչև 1320 տոննա և Հայաստանի Հանրապետության մարզպետարաններից ստացված պահանջարկի հիման վրա գնված առաջին վերարտադրության աշնանացան ցորենի սերմացուն Հայաստանի Հանրապետության գյուղատնտեսության նախարարության «Սերմերի գործակալություն» պետական ոչ առևտրային կազմակերպության կողմից պայմանագրային հիմունքներով հատկացնել Հայաստանի Հանրապետության մարզպետարաններին:
2014 թվականին Հայաստանի Հանրապետության մարզպետարանները` պայմանագրային հիմունքներով մինչև 1320 տոննա և իրենց պահանջարկի հիման վրա գնված առաջին վերարտադրության սերմացուն կհատկացնեն մարզի հողօգտագործողներին, առավելագույնը մինչև 3 հեկտար հողատարածքի վրա ցանք կատարելու հաշվարկով` 2015 թվականին բերքահավաքից հետո ապահովելով սերմերի գումարների հավաքագրումը` 1:2 փոխհարաբերությամբ պարենային ցորենի արժեքի չափով, և Հայաստանի Հանրապետության գյուղատնտեսության նախարարության «Սերմերի գործակալություն» պետական ոչ առևտրային կազմակերպության նպատակային հաշվին փոխանցումը:
Պարենային ցորենի արժեքը կսահմանվի Հայաստանի Հանրապետության գյուղատնտեսության նախարարության առաջարկով` Հայաստանի Հանրապետության կառավարության կողմից:»:
5. Սահմանել, որ 2013 թվականի աշնանացանի համար 3809.2 տոննա ցորենի առաջին վերարտադրության սերմացուները Հայաստանի Հանրապետության գյուղատնտեսության նախարարության «Սերմերի գործակալություն» պետական ոչ առևտրային կազմակերպության կողմից` պայմանագրային հիմունքներով մարզպետարաններին են հատկացվում 2014 թվականի բերքահավաքից հետո` յուրաքանչյուր կիլոգրամի համար 80 դրամ` 1:2 փոխհարաբերությամբ վերադարձնելու պայմանով:
(5-րդ կետը փոփ. 26.09.13 N 1033-Ն)
6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության |
Ա. Գևորգյան |
2013 թ. օգոստոսի 28 Երևան |
Հավելված ՀՀ կառավարության 2013 թվականիօգոստոսի 22-ի N 905-Ն որոշման |
Բ Ա Շ Խ Ա Ց ՈՒ Ց Ա Կ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 2010-2014 ԹՎԱԿԱՆՆԵՐԻՆ ՑՈՐԵՆԻ ՍԵՐՄՆԱԲՈՒԾՈՒԹՅԱՆ ԵՎ ՍԵՐՄԱՐՏԱԴՐՈՒԹՅԱՆ ԶԱՐԳԱՑՄԱՆ ԾՐԱԳՐԻ ՇՐՋԱՆԱԿՆԵՐՈՒՄ 2013 ԹՎԱԿԱՆԻ ԱՇՆԱՆԱՑԱՆԻ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԵՐԻՆ` ՀԱՄԱՁԱՅՆ ՊԱՀԱՆՋԱՐԿԻ ՀԱՏԿԱՑՎՈՂ ԱՇՆԱՆԱՑԱՆ ՑՈՐԵՆԻ ԱՌԱՋԻՆ ՎԵՐԱՐՏԱԴՐՈՒԹՅԱՆ ՍԵՐՄԱՑՈՒԻ
Մարզի անվանումը |
Հատկացվող սերմացուի քանակը |
Արագածոտն |
200 |
Արարատ |
175 |
Արմավիր |
156 |
Գեղարքունիք |
400.2 |
Լոռի |
335 |
Շիրակ |
1335 |
Սյունիք |
770 |
Վայոց ձոր |
88 |
Տավուշ |
350 |
Ընդամենը |
3809.2 |
(հավելվածը խմբ. 26.09.13 N 1033-Ն)
Հայաստանի Հանրապետության կառավարության աշխատակազմիղեկավար-նախարար |
Վ. Գաբրիելյան |
![loading...](/static/img/loader.gif)