ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

28 օգոստոսի 2013 թվականի N 745-Ա

Գ. ԲԱՂԻՅԱՆԻՆ ՎԻԼՆՅՈՒՍ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության գյուղատնտեսության նախարարի առաջին տեղակալ Գ. Բաղիյանին 2013 թվականի սեպտեմբերի 3-5-ը գործուղել Վիլնյուս (Լիտվայի Հանրապետություն)՝ Եվրոպական հանձնաժողովի Թայէքս գործիքի շրջանակներում կայանալիք «Խոզերի դասական և աֆրիկական ժանտախտ հիվանդությունների՝ գոյություն ունեցող ռիսկերի համար կանխարգելիչ միջոցառումների ուժեղացման և հարմարվողականության վերաբերյալ» թեմայով աշխատաժողովին մասնակցելու համար:

2. Ընդունել ի գիտություն, որ Գ. Բաղիյանի՝ Վիլնյուս գործուղման հետ կապված ծախսերը կատարվելու են հրավիրող կողմի հաշվին:

3. Հայաստանի Հանրապետության գյուղատնտեսության նախարարին` ապահովել եռօրյա ժամկետում Գ. Բաղիյանի՝ Վիլնյուս գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը: