ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

26 նոյեմբերի 2013 թվականի N 1087-Ն

ՀԱՆՐԱՊԵՏԱԿԱՆ ԳՈՐԾԱԴԻՐ ՄԱՐՄԻՆՆԵՐԻ ԵՎ ՏԱՐԱԾՔԱՅԻՆ ԿԱՌԱՎԱՐՄԱՆ ՄԱՐՄԻՆՆԵՐԻ ՆԵՐԿԱՅԱՑՈՒՑԻՉՆԵՐԻ` ԱՐՏԱՍԱՀՄԱՆ ԳՈՐԾՈՒՂՈՒՄՆԵՐԻ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի և հանրապետական գործադիր մարմինների և տարածքային կառավարման մարմինների պաշտոնատար անձանց` արտասահման գործուղումների արդյունավետությունը բարձրացնելու նպատակով՝

1. Հանրապետական գործադիր մարմինների և տարածքային կառավարման մարմինների ղեկավարներին՝

1) հանրապետական գործադիր մարմնի կամ տարածքային կառավարման մարմնի ղեկավարի, նրա տեղակալի կամ պաշտոնատար այլ անձանց` արտասահման գործուղման մեկնելուց առնվազն մեկ ամիս առաջ` գործուղման մեկնելու համար Հայաստանի Հանրապետության վարչապետի թույլտվությունն ստանալու նպատակով դիմել Հայաստանի Հանրապետության կառավարության աշխատակազմ՝ կցելով հրավերը, դրա թարգմանությունը, միջոցառման օրակարգը և մասնակցության անհրաժեշտության մանրամասն հիմնավորումը.

2) գործուղման մեկնելու թույլտվություն ստանալուց հետո` գործուղման մեկնելուց առնվազն 10 օր առաջ` սահմանված կարգով Հայաստանի Հանրապետության կառավարության աշխատակազմ ներկայացնել Հայաստանի Հանրապետության վարչապետի որոշման նախագիծ՝ Հայաստանի Հանրապետության արտաքին գործերի նախարարության, Հայաստանի Հանրապետության ֆինանսների նախարարության (բացառությամբ գործուղման հետ կապված ծախսերը հրավիրող կողմի միջոցների հաշվին կատարելու դեպքի) և Հայաստանի Հանրապետության արդարադատության նախարարության կարծիքների հետ միասին:

2. Հայաստանի Հանրապետության կառավարության աշխատակազմ ներկայացվող` Հայաստանի Հանրապետության վարչապետի որոշման նախագծերում պաշտոնական գործուղումների համար նախատեսել ոչ ավելի, քան 3 օր, հեռավոր երկրների կամ առանձին բացառիկ դեպքերում՝ 5 օր:

3. Գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել գործուղման արդյունքների մասին հաշվետվություն` համաձայն հավելվածի։

4. Ուժը կորցրած ճանաչել Հայաստանի Հանրապետության վարչապետի 2008 թվականի մայիսի 16-ի «Հանրապետական գործադիր մարմինների և տարածքային կառավարման մարմինների ղեկավարների կամ նրանց տեղակալների արտասահման պաշտոնական գործուղումների մասին» N 245-Ն որոշումը:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հ Ա Շ Վ Ե Տ Վ ՈՒ Թ Յ ՈՒ Ն

ՀԱՆՐԱՊԵՏԱԿԱՆ ԳՈՐԾԱԴԻՐ ՄԱՐՄԻՆՆԵՐԻ ԵՎ ՏԱՐԱԾՔԱՅԻՆ ԿԱՌԱՎԱՐՄԱՆ ՄԱՐՄԻՆՆԵՐԻ ՆԵՐԿԱՅԱՑՈՒՑԻՉՆԵՐԻ` ԱՐՏԱՍԱՀՄԱՆ ԳՈՐԾՈՒՂՈՒՄՆԵՐԻ ԱՐԴՅՈՒՆՔՆԵՐԻ ՄԱՍԻՆ