«Վավերացնում եմ»
Հայաստանի Հանրապետության
Նախագահ Ռ. Քոչարյան
 18 հոկտեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 հոկտեմբերի 2006 թվականի N 1421-Ն

ԼԻՑԵՆԶԱՎՈՐՈՂ ՄԱՐՄԻՆՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ աշխատակազմի առողջապահական պետական ՏԵՍՉՈՒԹՅԱՆԸ ՏԵՂԵԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

(վերնագիրը փոփ. 01.08.13 N 914-Ն)

«Լիցենզավորման մասին» Հայաստանի Հանրապետության օրենքի 11-րդ հոդվածի 4-րդ մասին համապատասխան` Հայաստանի Հանրապետության կառավարությունը որոշում է.

(նախաբանը փոփ. 01.08.13 N 914-Ն)

1. Հաստատել լիցենզավորող մարմինների կողմից Հայաստանի Հանրապետության առողջապահության նախարարության աշխատակազմի առողջապահական պետական տեսչությանը տեղեկացման կարգը` համաձայն հավելվածի:

(1-ին կետը փոփ. 01.08.13 N 914-Ն)

2. Սահմանել, որ`

ա) մինչև սույն որոշումն ուժի մեջ մտնելը լիազոր մարմինների կողմից բարդ ընթացակարգով տրված լիցենզիաների ցանկը լիազոր մարմինները տրամադրում են Հայաստանի Հանրապետության առողջապահության նախարարության աշխատակազմի առողջապահական պետական տեսչությանը` սույն որոշումն ուժի մտնելուց հետո երկամսյա ժամկետում.

բ) մինչև սույն որոշումն ուժի մեջ մտնելը պարզ ընթացակարգով լիցենզիա ստացած սուբյեկտները պարտավոր են սույն որոշման 1-ին կետով հաստատված կարգով նախատեսված տեղեկատվությունը ներկայացնել Հայաստանի Հանրապետության առողջապահության նախարարության աշխատակազմի առողջապահական պետական տեսչության տարածքային մարմիններ` սույն որոշումն ուժի մեջ մտնելուց հետո երկամսյա ժամկետում:

(2-րդ կետը փոփ. 01.08.13 N 914-Ն)

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Կ Ա Ր Գ

ԼԻՑԵՆԶԱՎՈՐՈՂ ՄԱՐՄԻՆՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ աշխատակազմի առողջապահական պետական ՏԵՍՉՈՒԹՅԱՆԸ ՏԵՂԵԿԱՑՄԱՆ
(վերնագիրը փոփ. 01.08.13 N 914-Ն)

1. Սույն կարգով սահմանվում է պարզ և բարդ ընթացակարգերով տրված լիցենզիաների մասին լիցենզավորող մարմինների կողմից Հայաստանի Հանրապետության առողջապահության նախարարության աշխատակազմի առողջապահական պետական տեսչությանը (այսուհետ` տեսչություն) տեղեկացման կարգը:

(1-ին կետը փոփ. 01.08.13 N 914-Ն)

2. Լիցենզավորող մարմինը լիցենզիաներ տրամադրելուց հետո մինչև հաջորդ ամսվա 15-ը գրավոր հաղորդագրություն է (N 1 ձև) ներկայացնում տեսչություն` նշելով`

ա) լիցենզավորված իրավաբանական անձի դեպքում` անվանումը, գտնվելու վայրը, լիցենզավորված անհատ ձեռնարկատիրոջ դեպքում` անունը, հայրանունը, ազգանունը և բնակության վայրը,

բ) լիցենզավորման ենթակա գործունեության տեսակը,

գ) լիցենզավորման ենթակա գործունեության իրականացման վայրը,

դ) լիցենզիայի համարը և այն տալու ամuաթիվը:

(2-րդ կետը փոփ. 01.08.13 N 914-Ն)

3. Լիցենզիայի վերաձևակերպման, գործունեության իրականացման վայրի փոփոխության կամ այլ վայրում ևս լիցենզավորման ենթակա գործունեություն ծավալելու դեպքում` լիցենզավորող մարմինը տեսչությանը գրավոր տեղեկացնում է փոփոխությունների մասին` օրենքով սահմանված կարգով որոշման ընդունումից հետո մինչև հաջորդ ամսվա 15-ը:

(3-րդ կետը փոփ. 01.08.13 N 914-Ն)

4. (կետն ուժը կորցրել է 01.08.13 N 914-Ն)

5. (կետն ուժը կորցրել է 01.08.13 N 914-Ն)

Ձև N 1

____________________________________________________
(լիցենզավորող մարմնի անվանումը)

Հ Ա Ղ Ո Ր Դ Ա Գ Ր ՈՒ Թ Յ ՈՒ Ն  N _______

ԼԻՑԵՆԶԱՎՈՐՈՂ ՄԱՐՄՆԻ ԿՈՂՄԻՑ ՏՐՎԱԾ ԼԻՑԵՆԶԻԱՅԻ ՄԱՍԻՆ

(ձևը լրաց. 01.08.13 N 914-Ն)

Ձև N 2

____________________________________________________
(լիցենզավորող մարմնի անվանումը)

Հ Ա Ղ Ո Ր Դ Ա Գ Ր ՈՒ Թ Յ ՈՒ Ն  N _______

ԼԻՑԵՆԶԱՎՈՐՈՂ ՄԱՐՄՆԻ ԿՈՂՄԻՑ ՏՐՎԱԾ ԼԻՑԵՆԶԻԱՅԻ ՄԱՍԻՆ
(ձևն ուժը կորցրել է 01.08.13 N 914-Ն)

Ձև N 3

Հ Ա Ղ Ո Ր Դ Ա Գ Ր ՈՒ Թ Յ ՈՒ Ն  N _______

ԼԻՑԵՆԶԻԱՅԻ ՄԱՍԻՆ
(ձևն ուժը կորցրել է 01.08.13 N 914-Ն)

Ձև N 4

Հ Ա Ղ Ո Ր Դ Ա Գ Ր ՈՒ Թ Յ ՈՒ Ն  N _______

ԼԻՑԵՆԶԻԱՅԻ ՄԱՍԻՆ
(ձևն ուժը կորցրել է 01.08.13 N 914-Ն)