«Գրանցված է»

ՀՀ արդարադատության

նախարարության կողմից

14 հուլիսի 2011 թ.

Պետական գրանցման թիվ 60611322

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԸՆՏՐԱՏԱՐԱԾՔԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ ԱՆԴԱՄՆԵՐԻ ԹԵԿՆԱԾՈՒՆԵՐԻ ԴԻՄՈՒՄԻ ՁԵՎԸ ԵՎ ԱՆՀՐԱԺԵՇՏ ՓԱՍՏԱԹՂԹԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 41-րդ հոդվածի 4-րդ մասով` Հայաստանի Հանրապետության կենտրոնական ընտրական հանձնաժողովը որոշում է.

1. Սահմանել ընտրատարածքային ընտրական հանձնաժողովների անդամների թեկնածուների դիմումի ձևը և անհրաժեշտ փաստաթղթերի ցանկը` համաձայն հավելվածի:

2. Սահմանել, որ.

1) դիմումի ձևը տրամադրում է կենտրոնական ընտրական հանձնաժողովը, այն կարելի է ներբեռնել կենտրոնական ընտրական հանձնաժողովի համացանցային կայքից,

2) դիմումները մուտքագրում է կենտրոնական ընտրական հանձնաժողովի աշխատակազմի համակարգչային ծառայությունների և տեղեկատվության վերլուծության վարչությունը` ըստ ընտրատարածքների, համակարգչային եղանակով:

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎԻ ՆԱԽԱԳԱՀԻՆ

Դ Ի Մ ՈՒ Մ

ԹԻՎ ________ ԸՆՏՐԱՏԱՐԱԾՔԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎԻ ԱՆԴԱՄԻ ԹԵԿՆԱԾՈՒԻ

Ես՝__________________________________________________________________

                             (անուն, հայրանուն, ազգանուն)

բնակվում եմ` ________________________________________________________:

                                           (բնակության վայր)

Ունեմ`

(V ձևի նշան դրեք ստորև ներկայացված այն պայմանների դիմացի քառանկյունում (քառանկյուններում), որին (որոնց) համապատասխանում են Ձեր տվյալները)

1)□ բարձրագույն իրավաբանական կրթություն և վերջին 5 տարում առնվազն 2 տարվա մասնագիտական ստաժ,

2) □ իրավունքի ոլորտում գիտական աստիճան և վերջին 5 տարում առնվազն 2 տարվա մասնագիտական ստաժ,

3) □ բարձրագույն կրթություն և վերջին 6 տարում պետական կամ տեղական ինքնակառավարման մարմիններում կամ պետական ոչ առևտրային կազմակերպություններում համապատասխանաբար պետական ծառայության կամ համայնքային ծառայության կամ ղեկավար պաշտոնում աշխատանքի առնվազն 3 տարվա աշխատանքային ստաժ կամ

4) □ բարձրագույն կրթություն և վերջին 5 տարում մշտապես գործող ընտրական հանձնաժողովում առնվազն 2 տարվա աշխատանքային փորձ կամ հանձնաժողովի աշխատակազմում առնվազն 2 տարվա աշխատանքային ստաժ:

ՀՀ ընտրական օրենսգրքի 39-րդ հոդվածով ընտրական հանձնաժողովի անդամ նշանակվելու սահմանափակումներն ինձ վրա չեն տարածվում,

համապատասխանում եմ ընտրատարածքային ընտրական հանձնաժողովի անդամի ՀՀ ընտրական օրենսգրքի 41-րդ հոդվածի 3-րդ մասի պահանջներին:

Խնդրում եմ ինձ ընդգրկել թիվ ______ ընտրատարածքային ընտրական հանձնաժողովի կազմում:

Դիմումին կցվում է`

- անձնագրի 2-րդ, 3-րդ և վերջին բնակության վայրի հաշվառման մասին նշում պարունակող էջերի լուսապատճենները,

- 1-ից 4-րդ պարբերություններում V ձևի նշան պարունակող պարբերության պայմաններին բավարարելը հավաստող փաստաթղթերի (կրթության մասին վկայական, աշխատանքային գրքույկ և այլն) լուսապատճենները:

Եթե դիմողը ցանկանում է ընտրատարածքային ընտրական մի քանի հանձնաժողովներից մեկում ընդգրկվել, ապա յուրաքանչյուր ընտրատարածքի համար ներկայացնում է առանձին դիմում: