ARLIS

Official

«Գրանցված է»

ՀՀ արդարադատության

նախարարության կողմից

30 նոյեմբերի 2007 թ.

Պետական գրանցման թիվ 05007422

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

30 հոկտեմբերի 2007 թ.

թիվ 344-Ն

Ո Ր Ո Շ ՈՒ Մ

«ԱՊԱՀՈՎԱԳՐԱԿԱՆ ԵՎ ԱՊԱՀՈՎԱԳՐԱԿԱՆ ԲՐՈՔԵՐԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՈՒՄԸ, ԱՊԱՀՈՎԱԳՐԱԿԱՆ ԳՈՐԾԱԿԱԼԻ ՀԱՇՎԱՌՈՒՄԸ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՕՏԱՐԵՐԿՐՅԱ ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՄԱՍՆԱՃՅՈՒՂԻ ԵՎ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՈՒՄԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՈՒՆԵՆԱԼՈՒ ՀԱՄԱՐ ՆԱԽՆԱԿԱՆ ՀԱՄԱՁԱՅՆՈՒԹՅՈՒՆ ՍՏԱՆԱԼՈՒ ԿԱՐԳԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆ ԳՈՐԾԱՐԱՐ ԾՐԱԳՐԻ ՁԵՎԸ, ՆԵՐԿԱՅԱՑՄԱՆ ԿԱՐԳԸ ԵՎ ԺԱՄԿԵՏՆԵՐԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԵՎ ԱՊԱՀՈՎԱԳՐԱԿԱՆ ԲՐՈՔԵՐԱՅԻՆ ԸՆԿԵՐՈՒԹՅԱՆ ՂԵԿԱՎԱՐՆԵՐԻ ՈՒ ՊԱՏԱՍԽԱՆԱՏՈՒ ԱՆՁԱՆՑ ՈՐԱԿԱՎՈՐՈՒՄԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՂԵԿԱՎԱՐՆԵՐԻՆ, ԱՊԱՀՈՎԱԳՐԱԿԱՆ ԲՐՈՔԵՐԻ ՊԱՏԱՍԽԱՆԱՏՈՒ ԱՆՁԱՆՑ ՆԵՐԿԱՅԱՑՎՈՂ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ԵՎ ՈՐԱԿԱՎՈՐՄԱՆ ՉԱՓԱՆԻՇՆԵՐԸ, ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՍՏՈՒԳՄԱՆ ԵՎ ՈՐԱԿԱՎՈՐՄԱՆ ԿԱՐԳԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՂԵԿԱՎԱՐՆԵՐԻ, ԱՊԱՀՈՎԱԳՐԱԿԱՆ ԲՐՈՔԵՐԻ ՊԱՏԱՍԽԱՆԱՏՈՒ ԱՆՁԱՆՑ ԹԵԿՆԱԾՈՒՆԵՐԻ ՄԱՍՆԱԳԻՏԱԿԱՆ ՈՐԱԿԱՎՈՐՄԱՆ ՍՏՈՒԳՄԱՆ ԹԵՄԱՆԵՐԻ ՑԱՆԿԸ» ԿԱՆՈՆԱԿԱՐԳ 3/01-Ը ՀԱՍՏԱՏԵԼՈՒ ՄԱՍԻՆ

Հիմք ընդունելով «Լիցենզավորման մասին» Հայաստանի Հանրապետության օրենքի 10-րդ հոդվածի 4-րդ մասը, 17-րդ հոդվածի 2-րդ մասը, «Ապահովագրության և ապահովագրական գործունեության մասին» Հայաստանի Հանրապետության օրենքի 17-րդ հոդվածի 2-րդ մասը, 4-րդ մասը, 21-րդ հոդվածի 3-րդ մասը, 22-րդ հոդվածի 1-ին մասը, 23-րդ հոդվածի 1-ին մասի 1-ին կետը, 38-րդ հոդվածի 4-րդ մասը, 8-րդ մասը, 40-րդ հոդվածի 6-րդ մասը, 44-րդ հոդվածի 3-րդ մասը, 46-րդ հոդվածի 4-րդ մասը, 5-րդ մասի 4-րդ կետը, 10-րդ մասը, 47-րդ հոդվածի 1-ին մասը, 2-րդ մասը, 3-րդ մասը, 4-րդ մասը, 49-րդ հոդվածի 1-ին մասը, 51-րդ հոդվածի 4-րդ մասը, 88-րդ հոդվածի 3-րդ մասի 3-րդ կետը, 90-րդ հոդվածի 4-րդ մասը, 5-րդ մասի 2-րդ կետը, 97-րդ հոդվածի 2-րդ մասը, 100-րդ հոդվածը, 103-րդ հոդվածի 1-ին մասը, 107-րդ հոդվածը, «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասը և 20-րդ հոդվածի «ե» կետը՝ Հայաստանի Հանրապետության կենտրոնական բանկի խորհուրդը որոշում է.

1. Հաստատել «Ապահովագրական և ապահովագրական բրոքերային գործունեության լիցենզավորումը, ապահովագրական գործակալի հաշվառումը, Հայաստանի Հանրապետության տարածքում օտարերկրյա ապահովագրական ընկերության մասնաճյուղի և ներկայացուցչության գրանցումը, ապահովագրական ընկերության կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, ապահովագրական ընկերության գործունեության գործարար ծրագրի ձևը, ներկայացման կարգը և ժամկետները, ապահովագրական ընկերության և ապահովագրական բրոքերային ընկերության ղեկավարների ու պատասխանատու անձանց որակավորումը, ապահովագրական ընկերության ղեկավարներին, ապահովագրական բրոքերի պատասխանատու անձանց ներկայացվող մասնագիտական համապատասխանության և որակավորման չափանիշները, մասնագիտական համապատասխանության ստուգման և որակավորման կարգը, ապահովագրական ընկերության ղեկավարների, ապահովագրական բրոքերի պատասխանատու անձանց թեկնածուների մասնագիտական որակավորման ստուգման թեմաների ցանկը» կանոնակարգ 3/01-ը (այսուհետ՝ կանոնակարգ 3/01)՝ համաձայն հավելվածի (կցվում է):

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

3. Սույն որոշումն ուժի մեջ մտնելու օրվանից ուժը կորցրած ճանաչել Հայաստանի Հանրապետության կենտրոնական բանկի խորհրդի 2006 թվականի օգոստոսի 1-ի ««Ապահովագրական գործունեություն իրականացնողի լիցենզավորման, մասնաճյուղերի գրանցման և ապահովագրական գործունեություն իրականացնողի կանոնադրական կապիտալում բաժնեմաս (բաժնետոմս) կամ փայամասնակցություն ձեռք բերելու համար նախնական համաձայնություն ստանալու կարգը», «Ապահովագրական գործունեություն իրականացնողների ղեկավարների, ակտուարի և գործակալի մասնագիտական որակավորման պահանջներն ու որակավորման ստուգման կարգը», «Ապահովագրողի գործունեության երեք տարվա գործարար ծրագրի ներկայացման կարգը» հաստատելու մասին» թիվ 476-Ն որոշումը, Հայաստանի Հանրապետության կենտրոնական բանկի խորհրդի 2006 թվականի օգոստոսի 1-ի «Ապահովագրական գործունեություն իրականացնողների ղեկավարների, ինչպես նաև գործակալի թեկնածուների մասնագիտական որակավորման ստուգման թեմաների ցանկը հաստատելու մասին» թիվ 477-Ն որոշումը:

ՀՀ կենտրոնական

բանկի նախագահ

Տ. Սարգսյան

2007 թ. նոյեմբերի 7

Երևան

Հավելված

ՀՀ կենտրոնական բանկի խորհրդի

2007 թվականի հոկտեմբերի 30-ի

թիվ 344-Ն որոշման

«ԱՊԱՀՈՎԱԳՐԱԿԱՆ ԵՎ ԱՊԱՀՈՎԱԳՐԱԿԱՆ ԲՐՈՔԵՐԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՈՒՄԸ, ԱՊԱՀՈՎԱԳՐԱԿԱՆ ԳՈՐԾԱԿԱԼԻ ՀԱՇՎԱՌՈՒՄԸ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՕՏԱՐԵՐԿՐՅԱ ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՄԱՍՆԱՃՅՈՒՂԻ ԵՎ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՈՒՄԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՈՒՆԵՆԱԼՈՒ ՀԱՄԱՐ ՆԱԽՆԱԿԱՆ ՀԱՄԱՁԱՅՆՈՒԹՅՈՒՆ ՍՏԱՆԱԼՈՒ ԿԱՐԳԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆ ԳՈՐԾԱՐԱՐ ԾՐԱԳՐԻ ՆԵՐԿԱՅԱՑՄԱՆ ՁԵՎԸ, ԿԱՐԳԸ ԵՎ ԺԱՄԿԵՏՆԵՐԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԵՎ ԱՊԱՀՈՎԱԳՐԱԿԱՆ ԲՐՈՔԵՐԱՅԻՆ ԸՆԿԵՐՈՒԹՅԱՆ ՂԵԿԱՎԱՐՆԵՐԻ ՈՒ ՊԱՏԱՍԽԱՆԱՏՈՒ ԱՆՁԱՆՑ ՈՐԱԿԱՎՈՐՈՒՄԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՂԵԿԱՎԱՐՆԵՐԻՆ, ԱՊԱՀՈՎԱԳՐԱԿԱՆ ԲՐՈՔԵՐԻ ՊԱՏԱՍԽԱՆԱՏՈՒ ԱՆՁԱՆՑ ՆԵՐԿԱՅԱՑՎՈՂ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ԵՎ ՈՐԱԿԱՎՈՐՄԱՆ ՉԱՓԱՆԻՇՆԵՐԸ, ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՍՏՈՒԳՄԱՆ ԵՎ ՈՐԱԿԱՎՈՐՄԱՆ ԿԱՐԳԸ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՂԵԿԱՎԱՐՆԵՐԻ, ԱՊԱՀՈՎԱԳՐԱԿԱՆ ԲՐՈՔԵՐԻ ՊԱՏԱՍԽԱՆԱՏՈՒ ԱՆՁԱՆՑ ԹԵԿՆԱԾՈՒՆԵՐԻ ՄԱՍՆԱԳԻՏԱԿԱՆ ՈՐԱԿԱՎՈՐՄԱՆ ՍՏՈՒԳՄԱՆ ԹԵՄԱՆԵՐԻ ՑԱՆԿԸ»

Կ Ա Ն Ո Ն Ա Կ Ա Ր Գ 3/01

Բ Ա Ժ Ի Ն I

ԸՆԴՀԱՆՈՒՐ ԴՐՈՒՅԹՆԵՐ

Գ Լ ՈՒ Խ 1

ԿԱՐԳԱՎՈՐՄԱՆ ԱՌԱՐԿԱՆ

1. Սույն կանոնակարգը սահմանում է Հայաստանի Հանրապետության տարածքում ապահովագրական ընկերությունների հիմնադրման, գրանցման (ներառյալ փոփոխությունների գրանցման) և լիցենզավորման, օտարերկրյա ապահովագրական ընկերությունների մասնաճյուղի և ներկայացուցչության գրանցման, ապահովագրական ընկերությունների տարածքային ստորաբաժանումների՝ մասնաճյուղերի և ներկայացուցչությունների ստեղծման ու գրանցման, Հայաստանի Հանրապետության տարածքում գործող ապահովագրական ընկերության՝ Հայաստանի Հանրապետության տարածքից դուրս մասնաճյուղ կամ ներկայացուցչություն ստեղծելու համաձայնություն տալու, ապահովագրական ընկերության կանոնադրական կապիտալում նշանակալից մասնակցություն ունենալու համար նախնական համաձայնություն ստանալու, ապահովագրական ընկերության, նրա տարածքային ստորաբաժանումների և ապահովագրական բրոքերային ընկերության գործունեության տարածքի և տեխնիկական հագեցվածության նկատմամբ պահանջների, ապահովագրական ընկերության երեք տարվա գործարար ծրագրի ներկայացման կարգը, ապահովագրական ընկերության ապահովագրական բրոքերային գործունեության լիցենզավորման, ապահովագրական գործակալների հաշվառման, ապահովագրական բրոքերների՝ Հայաստանի Հանրապետությունում կամ օտարերկրյա պետությունում մասնաճյուղ և ներկայացուցչություն ստեղծելու թույլտվություն ստանալու, ապահովագրական բրոքերի ապահովագրական պատասխանատվության չափը, ապահովագրական գործակալ համարվելու համար տարեկան ապահովագրավճարների գումարը, ղեկավարներին, պատասխանատու անձանց ներկայացվող մասնագիտական համապատասխանության և որակավորման չափանիշները, ինչպես նաև մասնագիտական համապատասխանության ստուգման և որակավորման կարգը, ղեկավարների ու պատասխանատու անձանց գրանցման, ղեկավարների ու պատասխանատու անձանց թեկնածուների մասնագիտական որակավորման ստուգման թեմաների ցանկը, ինչպես նաև կարգավորում է այդ հարցերի հետ կապված՝ օրենքներով Հայաստանի Հանրապետության կենտրոնական բանկի (այսուհետ՝ Կենտրոնական բանկ) իրավասությանը վերապահված այլ հարաբերություններ:

2. Սույն կանոնակարգը տարածվում է Հայաստանի Հանրապետության տարածքում հիմնադրվող կամ գործող ապահովագրական ընկերությունների, վերաապահովագրական ընկերությունների (այսուհետ՝ ապահովագրական ընկերություններ), ապահովագրական ընկերությունների մասնաճյուղերի ու ներկայացուցչությունների,

օտարերկրյա ապահովագրական ընկերությունների մասնաճյուղերի ու ներկայացուցչությունների, ապահովագրական բրոքերների և ապահովագրական բրոքերային ընկերությունների մասնաճյուղերի ու ներկայացուցչությունների վրա:

3. Սույն կանոնակարգով պահանջվող բոլոր փաստաթղթերը Կենտրոնական բանկ են ներկայացվում տպագիր և հայերեն՝ պատվիրված նամակով, կամ մուտքագրվում են Կենտրոնական բանկ: Ներկայացվող փաստաթղթերի պատճենները պետք է ստորագրված լինեն ապահովագրական ընկերության կամ ապահովագրական միջնորդի իրավասու անձի կողմից և ներկայացվեն «իսկականի հետ ճիշտ է» մակագրությամբ: Բացառություն են կազմում այն փաստաթղթերը, որոնք համաձայն սույն կանոնակարգի պետք է ներկայացվեն էլեկտրոնային տարբերակով՝ Սի-Բի-Էյ-նեթ համակարգի միջոցով։

(3-րդ կետը լրաց. 10.03.09 թիվ 57-Ն)

3.1 Սույն կանոնակարգով նախատեսված կանոնադրությունների թերթերը պետք է լինեն համարակալված և թելակարված, ընդ որում, կանոնադրության վերջին թերթի հետևում, կարի վրա պետք է փակցված լինի պիտակ՝ համաձայն հավելված 11-ի:

(3.1 կետը լրաց. 01.07.08 թիվ 188-Ն)

3.2 Սույն կանոնակարգով պահանջվող փաստաթղթերը կարող են Կենտրոնական բանկ ներկայացվել էլեկտրոնային տարբերակով՝ Սի-Բի-Էյ-նեթ համակարգի միջոցով:

(3.2 կետը լրաց. 01.12.09 թիվ 360-Ն)

Գ Լ ՈՒ Խ 2

ՍՈՒՅՆ ԿԱՆՈՆԱԿԱՐԳՈՒՄ ՕԳՏԱԳՈՐԾՎՈՂ ՀԱՍԿԱՑՈՒԹՅՈՒՆՆԵՐ

4. Սույն կանոնակարգի իմաստով՝

1) «ապահովագրական ընկերություն»` ապահովագրական և վերաապահովագրական ընկերություն,

2) «ղեկավար»` ապահովագրական ընկերության ղեկավարը և ապահովագրական բրոքերային ընկերության պատասխանատու անձը,

3) «հանձնաժողով»` Կենտրոնական բանկի լիցենզավորման և վերահսկողության հանձնաժողովը,

4) «ծրագիր»` Կենտրոնական բանկ ներկայացվող երեք տարվա գործարար ծրագիր,

5) «թեկնածու»` որակավորման և մասնագիտական համապատասխանության ստուգում անցնելու համար դիմած անձ,

6) «ֆինանսական խումբ (միություն)»` որևէ երկրի օրենսդրության իմաստով՝ ֆինանսական խումբ կամ ֆինանսական միություն,

7) «ֆինանսական կազմակերպություն»` բանկ, վարկային կազմակերպություն, ապահովագրական ընկերություն, ներդրումային ընկերություն, կենսաթոշակային ֆոնդ, ինչպես նաև Հայաստանի Հանրապետության օրենքների և (կամ) այլ իրավական ակտերի համաձայն ֆինանսական կազմակերպություն համարվող այլ անձինք,

8) «սեփական մասնակցության առավելագույն չափ»` ապահովագրության առանձին դասի (և/կամ ենթադասի) գծով կնքվող ապահովագրության պայմանագրերի (այդ թվում` համաապահովագրության պայմանագրերի և վերաապահովագրության ընդունած պայմանագրերի) գծով ստանձնած ռիսկի մաս (տոկոսային արտահայտությամբ կամ բացարձակ մեծությամբ), որն ապահովագրական ընկերությունը կարող է ստանձնել ինքնուրույն` չխաթարելով իր ֆինանսական կայունությունը և բնականոն գործունեությունը,

9) «Հավաստագիր»` Մեծ Բրիտանիայի ակտուարների միության կողմից անցկացվող ակտուարական որակավորման դասընթացների հիմնական փուլի հավաստագիր:

(4-րդ կետը լրաց., խմբ. 01.12.09 թիվ 360-Ն)

Գ Լ ՈՒ Խ 3

ՖԻՆԱՆՍԱԿԱՆ ՎԻՃԱԿԻ ՎԱՏԹԱՐԱՑՈՒՄ

5. Սույն կանոնակարգի իմաստով՝ ապահովագրական ընկերության ֆինանսական վիճակի առկա կամ հնարավոր վատթարացում են համարվում հետևյալ դեպքերը, երբ.

1) (ենթակետն ուժը կորցրել է 01.12.09 թիվ 360-Ն)

2) ապահովագրական ընկերությունը խախտել է հիմնական տնտեսական նորմատիվը (նորմատիվները), կամ հավանական է հիմնական տնտեսական նորմատիվի (նորմատիվների) խախտումը, և (կամ)

3) ապահովագրական ընկերության մոտ հավանական է «Բանկերի, վարկային կազմակերպությունների և ապահովագրական ընկերությունների սնանկության մասին» Հայաստանի Հանրապետության օրենքի 2-րդ հոդվածում սահմանված անվճարունակության հիմքերի առաջացումը:

(5-րդ կետը փոփ. 01.12.09 թիվ 360-Ն)

Բ Ա Ժ Ի Ն II

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԵՎ ԱՊԱՀՈՎԱԳՐԱԿԱՆ ՄԻՋՆՈՐԴԱՅԻՆ ԸՆԿԵՐՈՒԹՅԱՆ ԼԻՑԵՆԶԱՎՈՐՄԱՆ ԸՆԴՀԱՆՈՒՐ ԴՐՈՒՅԹՆԵՐ

Գ Լ ՈՒ Խ 4

ԼԻՑԵՆԶԻԱՆ ԵՎ ԼԻՑԵՆԶԻԱՅԻ ԿՐԿՆՕՐԻՆԱԿԻ ՏՐԱՄԱԴՐՈՒՄԸ

6. Ապահովագրական ընկերությանը, ապահովագրական բրոքերային ընկերությանը լիցենզիան տրվում է Կենտրոնական բանկի խորհրդի կողմից սահմանված լիցենզիայի ձևերին համապատասխան` սույն հավելվածի հավելված 1ա-ի, հավելված 1բ-ի, հավելված 1գ-ի և հավելված 1դ-ի համաձայն: Ընդ որում, հավելվածի հավելված 1ա-ում և հավելված 1բ-ում «Ապահովագրության դասը» տողում լրացվում են ապահովագրության այն դասերը, որոնց իրականացման համար ապահովագրական ընկերությունը ստացել է լիցենզիա:

(6-րդ կետը լրաց. 01.07.08 թիվ 188-Ն)

7. Լիցենզիան տրվում է մեկ օրինակով:

8. «Կենտրոնական բանկը լիցենզավորված անձին լիցենզիան տրամադրելիս ծանուցում է, որ ապահովագրական գործունեությունը կարգավորող իրավական ակտերի ցանկը գտնվում է Կենտրոնական բանկի պաշտոնական ինտերնետային կայքում:

(8-րդ կետը խմբ. 01.07.08 թիվ 188-Ն)

9. Լիցենզիայի կորստի կամ ոչնչացման դեպքում ապահովագրական ընկերությունը կամ ապահովագրական բրոքերային ընկերությունն Կենտրոնական բանկ դիմում է ներկայացնում լիցենզիայի կրկնօրինակը ստանալու համար` կցելով լիցենզիայի կրկնօրինակը ստանալու համար պետական տուրքի վճարման անդորրագիրը:

(9-րդ կետը փոփ. 01.07.08 թիվ 188-Ն)

10. Կենտրոնական բանկը կորած կամ ոչնչացած լիցենզիայի կրկնօրինակը ապահովագրական ընկերությանը կամ ապահովագրական բրոքերային ընկերությանը տալիս է լիցենզավորված անձի համապատասխան դիմումը Կենտրոնական բանկ ներկայացնելու օրվան հաջորդող 10-օրյա ժամկետում:

11. Կորած լիցենզիան գտնելու դեպքում ապահովագրական ընկերությունը կամ ապահովագրական բրոքերային ընկերությունը գտնված լիցենզիայի օրինակը վերադարձնում է Կենտրոնական բանկ:

12. Լիցենզիան օգտագործման համար ոչ պիտանի դառնալու (վնասվելու, պատռվելու, տառերը ջնջվելու և այլն) դեպքում լիցենզավորված անձը դիմում է ներկայացնում Կենտրոնական բանկ (լիցենզիայի կրկնօրինակը ստանալու համար)` կցելով լիցենզիայի կրկնօրինակը ստանալու համար պետական տուրքի վճարման անդորրագիրը:

13. Կենտրոնական բանկը ոչ պիտանի դարձած լիցենզիայի կրկնօրինակը լիցենզավորված անձին տալիս է նրա կողմից դիմում ներկայացնելու օրվանից հետո տասնօրյա ժամկետում՝ լիցենզիայի ոչ պիտանի օրինակը Կենտրոնական բանկ ներկայացնելու դեպքում: Լիցենզիայի կրկնօրինակի վերին աջ անկյունում կատարվում է «Կրկնօրինակ» նշագրումը:

14. Լիցենզիայի կրկնօրինակի կորստի դեպքում լիցենզիայի նոր կրկնօրինակը տրվում է սույն գլխով սահմանված կարգով:

Գ Լ ՈՒ Խ 5

ԼԻՑԵՆԶԻԱՅԻ ՎԵՐԱՁԵՎԱԿԵՐՊՈՒՄ

15. Լիցենզիայի վերաձևակերպման համար լիցենզավորված անձը Կենտրոնական բանկ ներկայացնում է լիցենզիայի վերաձևակերպման մասին դիմում՝ կցելով համապատասխան փոփոխությունները հավաստող փաստաթղթերը և լիցենզիայի վերաձևակերպման համար նախատեսված պետական տուրքի վճարման անդորրագիրը: Լիցենզիայի վերաձևակերպումն իրականացվում է համապատասխան փոփոխությունները ներառող լիցենզիայի նոր օրինակը լիցենզավորված անձին տրամադրելու միջոցով` վերաձևակերպման ենթակա լիցենզիան Կենտրոնական բանկ ներկայացնելու դեպքում:

16. Լիցենզիայի վերաձևակերպումն իրականացվում է Կենտրոնական բանկի խորհրդի որոշմամբ՝ հանձնաժողովի դրական եզրակացության հիման վրա, լիցենզավորված անձի համապատասխան դիմումը Կենտրոնական բանկ ներկայացնելուց հետո երեսուն օրվա ընթացքում:

16.1 Կենտրոնական բանկը կարող է կասեցնել լիցենզիայի վերաձևակերպման 30-օրյա ժամկետը մինչև մեկ ամիս ժամկետով, եթե լիցենզիայի վերաձևակերպումը պայմանավորված է ապահովագրական ընկերության ֆիրմային անվանման փոփոխությամբ և եթե ֆիրմային անվանման փոփոխությունը ներառող կանոնադրության փոփոխության գրանցման ժամկետը սույն կանոնակարգի 49-րդ կետի համաձայն կասեցվել է:

(16.1 կետը լրաց. 22.09.09 թիվ 278-Ն)

17. Լիցենզիայի վերաձևակերպման մասին դիմումը մերժվում է «Ապահովագրության և ապահովագրական գործունեության մասին» Հայաստանի Հանրապետության օրենքի 42-րդ և 99-րդ հոդվածներով նախատեսված դեպքերում և կարգով:

Գ Լ ՈՒ Խ 6

ԼԻՑԵՆԶԻԱՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ ԿԵՆՏՐՈՆԱԿԱՆ ԲԱՆԿԻ ՈՐՈՇՄԱՆ ԿԱՅԱՑՄԱՆ ԴԵՊՔՈՒՄ ԼԻՑԵՆԶԻԱՆ ԿԵՆՏՐՈՆԱԿԱՆ ԲԱՆԿ ՎԵՐԱԴԱՐՁՆԵԼՈՒ ԿԱՐԳԸ

18. Օրենքով սահմանված հիմքերով ապահովագրական ընկերության և ապահովագրական բրոքերային գործունեության լիցենզիան ուժը կորցրած ճանաչելու մասին Կենտրոնական բանկի խորհրդի որոշումն ստանալուց հետո մեկ աշխատանքային օրվա ընթացքում՝ ապահովագրական ընկերությունը, օտարերկրյա ապահովագրական ընկերության մասնաճյուղը կամ ապահովագրական բրոքերային ընկերությունը կից գրությամբ լիցենզիան վերադարձնում է Կենտրոնական բանկ:

(18-րդ կետը լրաց. 01.07.08 թիվ 188-Ն)

19. Ապահովագրական գործունեության և ապահովագրական բրոքերային գործունեության լիցենզիան ուժը կորցրած ճանաչելու մասին Կենտրոնական բանկի խորհրդի որոշման բողոքարկումը հիմք չէ մեկ աշխատանքային օրվա ընթացքում ապահովագրական գործունեության կամ ապահովագրական բրոքերային գործունեության լիցենզիան չվերադարձնելու համար:

Գ Լ ՈՒ Խ 7

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ, ՕՏԱՐԵՐԿՐՅԱ ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՄԱՍՆԱՃՅՈՒՂԻ, ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՄԱՍՆԱՃՅՈՒՂԻ, ԱՊԱՀՈՎԱԳՐԱԿԱՆ ԲՐՈՔԵՐԻ ԳՈՐԾՈՒՆԵՈՒԹՅԱՆ ՏԱՐԱԾՔԻ ԵՎ ՏԵԽՆԻԿԱԿԱՆ ՀԱԳԵՑՎԱԾՈՒԹՅԱՆ ՆԿԱՏՄԱՄԲ ՊԱՀԱՆՋՆԵՐԸ

20. Ապահովագրական ընկերությունը, օտարերկրյա ապահովագրական ընկերության մասնաճյուղը կամ ապահովագրական ընկերության մասնաճյուղը պետք է ունենան՝

1) ապահովագրական ընկերությանը (իսկ օտարերկրյա ապահովագրական ընկերության մասնաճյուղի դեպքում՝ հիմնադիր ապահովագրական ընկերությանը) սեփականության իրավունքով պատկանող, վարձակալությամբ կամ անհատույց օգտագործման իրավունքով իրեն պատկանող առանձնացված տարածք,

2) կանխիկ դրամով գործառնություններ կատարելու դեպքում ապահովադիրների դրամարկղային սպասարկումն իրականացնելու, կանխիկ դրամի հուսալի պահպանության համար դրամարկղային հանգույց (առանձնացված ապահովագրական ընկերության, օտարերկրյա ապահովագրական ընկերության մասնաճյուղի կամ ապահովագրական ընկերության մասնաճյուղի մյուս կառուցվածքային ստորաբաժանումներից)՝ դրամապահոց և գործառնական դրամարկղ: Դրամապահոցը կանխիկ դրամի պահպանման հիմնական վայրն է՝ իր նախադրամապահոցով: Դրամապահոցի բացակայության դեպքում անհրաժեշտ է ինկասացիոն ծառայության հետ կնքված պայմանագիր՝ նշված միջոցների ամենօրյա տեղափոխման, հանձնման համար, ինչպես նաև որևէ բանկի կամ վարկային կազմակերպության հետ կնքված պայմանագիր, եթե նշված միջոցները պահպանման են հանձնվելու բանկ, վարկային կազմակերպություն կամ դրանց տարածքային ստորաբաժանում: Դրամապահոցի բացակայության պարագայում ապահովագրական ընկերությունը, օտարերկրյա ապահովագրական ընկերության մասնաճյուղը կամ ապահովագրական ընկերության մասնաճյուղը կարող են չիրականացնել դրամարկղում առկա կանխիկ դրամի ինկասացում, եթե դրամարկղում կանխիկ դրամի տվյալ օրվա մնացորդը չի գերազանցում 5 միլիոն ՀՀ դրամը և ապահովագրական ընկերությունում, օտարերկրյա ապահովագրական ընկերության մասնաճյուղում կամ ապահովագրական ընկերության մասնաճյուղում տեղադրված է հատուկ չհրկիզվող պահարան, որն ամրացված է դրամարկղի հատակին ու պատին,

3) ապահովագրության վկայագրերի պահպանման համար առանձին պահոց,

4) պահպանիչ-հակահրդեհային ազդարարման, անվտանգության ահազանգման համակարգ, որի էլեկտրասնուցումը կատարվում է տարբեր աղբյուներից, որոնցից մեկը կարող է լինել տեղային (լոկալ): Սույն ենթակետը չի տարածվում ապահովագրական ընկերության մասնաճյուղի վրա:

(20-րդ կետը լրաց. 01.12.09 թիվ 360-Ն)

21. Ապահովագրական բրոքերի գործունեության տարածքի և տեխնիկական հագեցվածության համար սահմանվում են սույն կանոնակարգի 20-րդ կետով ներկայացված պահանջները, բացառությամբ սույն կանոնակարգի 20-րդ կետի 3-րդ և 4-րդ ենթակետերի պահանջների: Սույն կանոնակարգի 20-րդ կետի 2-րդ ենթակետի պահանջները տարածվում են ապահովագրական բրոքերի վրա, եթե նա իրականացնում է «Ապահովագրության և ապահովագրական գործունեության մասին» Հայաստանի Հանրապետության օրենքի 3-րդ հոդվածի 12-րդ կետի «գ» ենթակետով սահմանված գործառնությունները կանխիկով:

22. Օտարերկրյա ապահովագրական ընկերության մասնաճյուղի գործունեության տարածքը և տեխնիկական հագեցվածությունը պետք է համապատասխանեն Կենտրոնական բանկի խորհրդի և օտարերկրյա վերահսկող մարմնի կողմից սահմանված տարածքի և տեխնիկական հագեցվածության պահանջներից ամենախստին:

(22-րդ կետը լրաց. 01.07.08 թիվ 188-Ն)

22.1. Եթե ապահովագրական ընկերությունը, ապահովագրական բրոքերը կամ օտարերկրյա ապահովագրական ընկերության մասնաճյուղը օգտագործում են տեղեկատվական համակարգեր, ապա դրանք պետք է համապատասխանեն Հայաստանի Հանրապետության կենտրոնական բանկի խորհրդի 2008 թվականի մարտի 11-ի թիվ 71-Ն որոշմամբ հաստատված «Բանկերի ներքին հսկողության իրականացման նվազագույն պայմանների» գլուխ VII-ով բանկերի համար սահմանված տեղեկատվական համակարգերի պահանջներին:

(22.1 կետը լրաց. 01.04.08 թիվ 104-Ն)

22.2 Ապահովագրական ընկերությունը, նրա մասնաճյուղը, օտարերկրյա ապահովագրական ընկերության մասնաճյուղը, ապահովագրական բրոքերը կարող են սույն կանոնակարգի 20-րդ կետի 2-րդ, 3-րդ, 4-րդ ենթակետերով սահմանված տեխնիկական հագեցվածության պահանջների փոխարեն կնքել ապահովագրության պայմանագիր, որը պետք է ներառի առնվազն հետևյալ պատահարները՝ ապահովագրական ընկերության, նրա մասնաճյուղի, օտարերկրյա ապահովագրական ընկերության մասնաճյուղի, ապահովագրական բրոքերին սեփականության, վարձակալությամբ կամ անհատույց օգտագործման իրավունքով պատկանող առանձնացված տարածքում գտնվող գույքի, այդ թվում և կանխիկ դրամի, արժեթղթերի, ապահովագրության վկայագրերի, վճարային փաստաթղթերի և այլ արժեքավոր գույքի՝ հրդեհի, ավազակության, գողության, կողոպուտի հետևանքով կորուստը կամ վնասվածքը: Նշված ապահովագրական ռիսկերի գծով ապահովագրական գումարը չի կարող փոքր լինել ընկերության բոլոր ակտիվների 1 տոկոսից:

Ընդ որում վերոնշյալ ապահովագրություն իրականացնող ոչ ռեզիդենտ ապահովագրական ընկերությունը պետք է ունենա ստորև նշված միջազգային վարկանշող կազմակերպություններից առնվազն մեկի կողմից տրված վարկանիշ, որը պետք է ցածր չլինի՝

- Ստանդարտ և Փուրզի «ԲԲԲ» խմբի` ԲԲԲ-

- Մուդիզի «Բաա» խմբի` Բաա3

- Ա. Մ. Բեստի «Բ» խմբի` Բ+

- Դաֆֆ և Ֆելփզի «ԲԲԲ» խմբի` ԲԲԲ-

- Վեիսսի «Բ» խմբի` Բ-

- Ֆիթչի «ԲԲԲ» խմբի` ԲԲԲ-:

(22.2 կետը լրաց. 01.07.08 թիվ 188-Ն, փոփ. 01.12.09 թիվ 360-Ն)

Բ Ա Ժ Ի Ն III

ԱՊԱՀՈՎԱԳՐԱԿԱՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՈՒՄ

Գ Լ ՈՒ Խ 8

ԸՆԴՀԱՆՈՒՐ ԴՐՈՒՅԹՆԵՐ

23. Հայաստանի Հանրապետության տարածքում ապահովագրական ընկերությունների գրանցման և լիցենզավորման, օտարերկրյա ապահովագրական ընկերությունների մասնաճյուղի և ներկայացուցչության գրանցման, ապահովագրական ընկերության մասնաճյուղի և ներկայացուցչության գրանցման, ապահովագրական բրոքերային ընկերության լիցենզավորման, ապահովագրական գործակալի հաշվառման գործընթացն իրականացվում է «Ապահովագրության և ապահովագրական գործունեության մասին» Հայաստանի Հանրապետության օրենքի և սույն կանոնակարգի համաձայն:

(23-րդ կետը լրաց. 01.07.08 թիվ 188-Ն)

Գ Լ ՈՒ Խ 9

ԱՊԱՀՈՎԱԳՐԱԿԱՆ ԸՆԿԵՐՈՒԹՅՈՒՆՆԵՐԻ ՊԵՏԱԿԱՆ ԳՐԱՆՑՄԱՆ ԵՎ ԼԻՑԵՆԶԱՎՈՐՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

24. Ապահովագրական ընկերության պետական գրանցման և լիցենզավորման համար Կենտրոնական բանկ են ներկայացվում հետևյալ փաստաթղթերը՝

1) «Ապահովագրության և ապահովագրական գործունեության մասին» Հայաստանի Հանրապետության օրենքի 40-րդ հոդվածի 1-ին մասով սահմանված փաստաթղթերը: Ընդ որում, գրանցման և լիցենզավորման մասին դիմումը ներկայացվում է դիմումատուի կանոնադրությամբ ամրագրված իրավասու կառավարման մարմնի որոշմամբ վավերացված` համաձայն սույն կանոնակարգի հավելված 2ա-ի, ապահովագրական ընկերության ղեկավարների գործունեության մասին տեղեկանքը (միջնորդագրի տեսքով)՝ համաձայն հավելված 3-ի, իսկ գործարար ծրագիրը՝ համաձայն հավելված 9-ի,

2) ապահովագրական ընկերության ֆիրմային անվանման գրանցման հայտը՝ համաձայն հավելված 2է-ի, ինչպես նաև «Ֆիրմային անվանումների մասին» Հայաստանի Հանրապետության օրենքի 7-րդ հոդվածի 3-րդ մասով պահանջվող փաստաթղթերը,

3) եթե դիմումատուն հանդես է գալիս լիազոր ներկայացուցչի միջոցով, ապա նաև նրան պատշաճ կարգով տրված լիազորագիրը,

4) փոստային հասցեի վերաբերյալ տեղեկանք, որում նշված հասցեով լիցենզավորվող անձը համաձայն կլինի ստանալ ապահովագրական գործունեության լիցենզիան:

(24-րդ կետը փոփ., լրաց. 22.09.09 թիվ 278-Ն, 01.12.09 թիվ 360-Ն)

24.1 Լիցենզիայի տրամադրումից հետո ապահովագրական ընկերությունը կամ օտարերկրյա ապահովագրական ընկերության մասնաճյուղը Կենտրոնական բանկ են ներկայացնում պետական գրանցման և լիցենզավորման համար համաձայն «Ապահովագրության և ապահովագրական գործունեության մասին» Հայաստանի Հանրապետության օրենքի 40-րդ հոդվածի 1-ին մասի 12-րդ կետի ներկայացվող ապահովագրական ընկերության կամ օտարերկրյա ապահովագրական ընկերության մասնաճյուղի գործունեության կանոնակարգերի նախագծերի հաստատված տարբերակները, նոր ընդունված կանոնակարգերը, Կենտրոնական բանկ ներկայացված կանոնակարգերի հետագա փոփոխությունները և այդ փոփոխությունները ներառող փոփոխված ներքին կանոնակարգերը` իրավասու մարմնի կողմից հաստատելուց հետո 15-օրյա ժամկետում:

(24.1 կետը լրաց. 01.07.08 թիվ 188-Ն, խմբ. 01.12.09 թիվ 360-Ն)

25. (25-րդ կետն ուժը կորցրել է 01.12.09 թիվ 360-Ն)

26. Լիցենզիա ստանալու դիմումի մեջ կամ կից փաստաթղթերում ոչ էական թերությունների (վրիպումներ, ոչ իրավաբանական անճշտություններ, թվաբանական սխալներ և նման այլ բացթողումներ) առկայության դեպքում Կենտրոնական բանկի խորհրդի կողմից լիցենզիան տրվում է այդ թերությունները վերացնելուց հետո:

(26-րդ կետը լրաց. 01.07.08 թիվ 188-Ն)

Գ Լ ՈՒ Խ 10

ՆՈՐ ԴԱՍԵՐՈՎ ԱՊԱՀՈՎԱԳՐԱԿԱՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՈՒՄԸ

27. Գործող ապահովագրական ընկերությունը նոր դասով ապահովագրական ընկերության լիցենզիա ստանալու համար Կենտրոնական բանկ է ներկայացնում «Ապահովագրության և ապահովագրական գործունեության մասին» Հայաստանի Հանրապետության oրենքի 159-րդ հոդվածի 1-ին մասով սահմանված փաստաթղթերը:

27.1 Գործող ապահովագրական ընկերությունը նոր դասով ապահովագրական գործունեության լիցենզիա ստանալու համար սույն կանոնակարգի 5-րդ գլխով սահմանված կարգով դիմում է Կենտրոնական բանկ լիցենզիան ապահովագրական գործունեության նոր դասով վերաձևակերպելու համար:

(27.1 կետը լրաց. 01.07.08 թիվ 188-Ն)

Գ Լ ՈՒ Խ 11

ԼԻՑԵՆԶԻԱՅԻ ՏՐԱՄԱԴՐՈՒՄԸ

28. Կենտրոնական բանկի խորհուրդը բավարարում է ապահովագրական ընկերության պետական գրանցման և լիցենզիա ստանալու, ինչպես նաև նոր դասով լիցենզիա ստանալու դիմումը՝ օրենքով և սույն կանոնակարգով սահմանված կարգով:

(28-րդ կետը փոփ. 01.07.08 թիվ 188-Ն)

29. Ապահովագրական ընկերության գրանցման և լիցենզավորման մասին Կենտրոնական բանկի խորհրդի որոշման կայացման պահից՝ հնգօրյա (աշխատանքային) ժամկետում հիմնադիրներին տրվում է ապահովագրական ընկերության գրանցման վկայականը՝ համաձայն հավելված 7ա-ի, ֆիրմային անվանման գրանցման վկայականը՝ համաձայն հավելված 2ը-ի և լիցենզիան` համաձայն հավելված 1ա-ի, 1բ-ի և 1գ-ի:

(29-րդ կետը լրաց. 22.09.09 թիվ 278-Ն)

30. Ապահովագրական ընկերության գրանցումը կատարվում է, ինչպես նաև լիցենզիան, նոր դասով լիցենզիան Կենտրոնական բանկի խորհրդի կողմից տրվում է Կենտրոնական բանկի կողմից ստեղծված լիցենզավորման և վերահսկողության հանձնաժողովի (այսուհետև` հանձնաժողով) եզրակացության հիման վրա:

31. Լիցենզիայի տրամադրումից հետո ապահովագրական ընկերության ղեկավարները գրանցվում են համաձայն սույն կանոնակարգի:

32. Կենտրոնական բանկը կարող է մերժել ապահովագրական ընկերության լիցենզիայի տրամադրումը «Ապահովագրության և ապահովագրական գործունեության մասին» Հայաստանի Հանրապետության օրենքի 42-րդ հոդվածում և 159-րդ հոդվածի 4-րդ մասում նշված հիմքերով:

33. (33-րդ կետն ուժը կորցրել է 01.07.08 թիվ 188-Ն)

Գ Լ ՈՒ Խ 12

ՕՏԱՐԵՐԿՐՅԱ ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՄԱՍՆԱՃՅՈՒՂԻ ԵՎ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՈՒՄԸ

34. Օտարերկրյա ապահովագրական ընկերությունը մասնաճյուղի գրանցման համար Կենտրոնական բանկ է ներկայացնում հետևյալ փաստաթղթերը՝

1) «Ապահովագրության և ապահովագրական գործունեության մասին» Հայաստանի Հանրապետության օրենքի 47-րդ հոդվածի 2-րդ մասով սահմանված փաստաթղթերը: Ընդ որում, գրանցման համար դիմումը ներկայացվում է դիմող կազմակերպության կանոնադրությամբ ամրագրված իրավասու կառավարման մարմնի` մասնաճյուղի գրանցման համար Կենտրոնական բանկ դիմելու վերաբերյալ կայացրած որոշման օրինակը: Դիմումը ներկայացվում է համաձայն սույն կանոնակարգի հավելված 2բ-ի, գործարար ծրագիրը՝ համաձայն հավելված 9-ի, իսկ օտարերկրյա ապահովագրական ընկերության կանոնադրական կապիտալում նշանակալից մասնակցություն ունեցող անձանց վերաբերյալ տեղեկանքը՝ հավելված 4ա-ի և 4բ-ի, օտարերկրյա ապահովագրական ընկերության մասնաճյուղի ղեկավարների գործունեության մասին տեղեկանքը (միջնորդագրի տեսքով)՝ համաձայն հավելված 3-ի,

2) (ենթակետն ուժը կորցրել է 01.07.08 թիվ 188-Ն)

3) օտարերկրյա ապահովագրական ընկերության ֆիրմային անվանման գրանցման վկայականի պատճենը, ինչպես նաև դրա՝ նոտարական կարգով վավերացված հայերեն թարգմանությունը,

4) եթե դիմումատուն հանդես է գալիս լիազոր ներկայացուցչի միջոցով, ապա ներկայացվում է նաև դիմումատուի կողմից նրան պատշաճ կարգով տրված լիազորագիրը:

(34-րդ կետը փոփ. 01.07.08 թիվ 188-Ն, փոփ., լրաց. 22.09.09 թիվ 278-Ն)

35. Օտարերկրյա ապահովագրական ընկերությունը ներկայացուցչության գրանցման համար Կենտրոնական բանկ է ներկայացնում հետևյալ փաստաթղթերը՝

1) «Ապահովագրության և ապահովագրական գործունեության մասին» Հայաստանի Հանրապետության օրենքի 47-րդ հոդվածի 4-րդ մասով սահմանված փաստաթղթերը: Ընդ որում, գրանցման համար դիմումը ներկայացվում է դիմող կազմակերպության կանոնադրությամբ ամրագրված իրավասու կառավարման մարմնի որոշմամբ վավերացված` համաձայն սույն կանոնակարգի հավելված 2բ-ի, օտարերկրյա ապահովագրական ընկերության կանոնադրական կապիտալում նշանակալից մասնակցություն ունեցող անձանց վերաբերյալ տեղեկանքը՝ հավելված 4ա-ի և 4բ-ի,

2) ներկայացուցչության տարածքի սեփականության, վարձակալության (ենթավարձակալության) կամ անհատույց օգտագործման իրավունքի պետական գրանցման վկայականի պատճենը: Ենթավարձակալության դեպքում անհրաժեշտ է ներկայացնել նաև հիմնական վարձակալության պայմանագրի պատճենը,

3) ներկայացուցչություն բացելու հիմնավորումը,

4) ներկայացուցչության գրանցման պետական տուրքի վճարման անդորրագրի պատճենը,

5) եթե դիմումատուն հանդես է գալիս լիազոր ներկայացուցչի միջոցով, ապա ներկայացվում է նաև դիմումատուի կողմից նրան պատշաճ կարգով տրված լիազորագիրը:

36. Օտարերկրյա ապահովագրական ընկերության մասնաճյուղի կամ ներկայացուցչության գրանցման մասին Կենտրոնական բանկի որոշումը ընդունելուց հետո հնգօրյա (աշխատանքային) ժամկետում՝ հիմնադիրներին տրվում է օտարերկրյա ապահովագրական ընկերության մասնաճյուղի կամ ներկայացուցչության գրանցման վկայական՝ համաձայն հավելված 7բ-ի:

Գ Լ ՈՒ Խ 13

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ՝ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՄԱՍՆԱՃՅՈՒՂԻ ԵՎ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՈՒՄԸ

37. Հայաստանի Հանրապետության տարածքում գործող ապահովագրական ընկերության մասնաճյուղերը գրանցվում են Կենտրոնական բանկի կողմից: Գրանցման համար Կենտրոնական բանկ ներկայացվում են հետևյալ փաստաթղթերը՝

1) «Ապահովագրության և ապահովագրական գործունեության մասին» Հայաստանի Հանրապետության օրենքի 46-րդ հոդվածի 4-րդ մասով ներկայացված փաստաթղթերը: Ընդ որում, ապահովագրական ընկերության գրանցման համար դիմումը ներկայացվում է համաձայն սույն կանոնակարգի հավելված 2գ-ի, մասնաճյուղի ղեկավարների գործունեության մասին տեղեկանքը (միջնորդագրի տեսքով) ներկայացվում է համաձայն հավելված 3-ի, իսկ գործարար ծրագիրը՝ համաձայն հավելված 9-ի,

2) ապահովագրական ընկերության կառավարման իրավասու մարմնի որոշումը կամ արձանագրությունից քաղվածք՝ մասնաճյուղի ղեկավարներ ընտրելու կամ նշանակելու մասին,

3) մասնաճյուղի ղեկավարների ստորագրությունների նմուշները,

4) մասնաճյուղի գրանցման պետական տուրքի վճարման անդորրագրի պատճենը,

(37-րդ կետը փոփ. 01.07.08 թիվ 188-Ն, լրաց. 22.09.09 թիվ 278-Ն)

38. Հայաստանի Հանրապետության տարածքում գործող ապահովագրական ընկերության ներկայացուցչությունները գրանցվում են Կենտրոնական բանկի կողմից: Գրանցման համար Կենտրոնական բանկ ներկայացվում են հետևյալ փաստաթղթերը՝

1) «Ապահովագրության և ապահովագրական գործունեության մասին» Հայաստանի Հանրապետության օրենքի 46-րդ հոդվածի 5-րդ մասով ներկայացված փաստաթղթերը: Ընդ որում, ապահովագրական ընկերության ներկայացուցչության գրանցման համար դիմումը ներկայացվում է համաձայն սույն կանոնակարգի հավելված 2գ-ի,

3) Ներկայացուցչություն բացելու հիմնավորումը:

4) Ներկայացուցչության գրանցման պետական տուրքի վճարման անդորրագրի պատճենը:

5) Եթե դիմումատուն հանդես է գալիս լիազոր ներկայացուցչի միջոցով, ապա ներկայացվում է նաև պատշաճ կարգով տրված լիազորագիրը:

39. Ապահովագրական ընկերության մասնաճյուղի կամ ներկայացուցչության գրանցման մասին Կենտրոնական բանկի որոշումն ընդունելուց հետո հնգօրյա (աշխատանքային) ժամկետում հիմնադիրներին տրվում է ապահովագրական ընկերության մասնաճյուղի կամ ներկայացուցչության գրանցման վկայական՝ համաձայն հավելված 7գ-ի:

Գ Լ ՈՒ Խ 14

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ԴՈՒՐՍ ՄԱՍՆԱՃՅՈՒՂ ԵՎ ՆԵՐԿԱՅԱՑՈՒՑՉՈՒԹՅՈՒՆ ՍՏԵՂԾԵԼՈՒ ՀԱՄԱՁԱՅՆՈՒԹՅՈՒՆ ՍՏԱՆԱԼԸ

40. Հայաստանի Հանրապետության տարածքում գործող ապահովագրական ընկերությունը Հայաստանի Հանրապետության տարածքից դուրս մասնաճյուղ և ներկայացուցչություն ստեղծելիս Կենտրոնական բանկի համաձայնությունն ստանալու համար Կենտրոնական բանկ է ներկայացնում հետևյալ փաստաթղթերը՝

1) «Ապահովագրության և ապահովագրական գործունեության մասին» Հայաստանի Հանրապետության օրենքի 49-րդ հոդվածի 1-ին մասով ներկայացված փաստաթղթերը,

2) ապահովագրական ընկերության խորհրդի որոշումը մասնաճյուղ կամ ներկայացուցչություն բացելու մասին կամ խորհրդի նիստի արձանագրությունից քաղվածք,

3) մասնաճյուղի կամ ներկայացուցչության կանոնադրությունը,

4) մասնաճյուղի ղեկավարների գործունեության վերաբերյալ տեղեկանք (միջնորդագրի տեսքով)՝ համաձայն հավելված 3-ի, ղեկավարների ստորագրությունների նմուշները,

5) ապահովագրական ընկերության խորհրդի որոշումը մասնաճյուղի ղեկավարներ ընտրելու կամ նշանակելու մասին կամ խորհրդի նիստի արձանագրությունից քաղվածք,

6) մասնաճյուղի կամ ներկայացուցչության տարածքի սեփականության, վարձակալության (ենթավարձակալության) կամ անհատույց օգտագործման իրավունքի պետական գրանցման վկայականի պատճենը: Ենթավարձակալության դեպքում անհրաժեշտ է ներկայացնել նաև հիմնական վարձակալության պայմանագրի պատճենը:

(40-րդ կետը լրաց. 22.09.09 թիվ 278-Ն)

41. Կենտրոնական բանկը տալիս է Հայաստանի Հանրապետության տարածքում գործող ապահովագրական ընկերության՝ Հայաստանի Հանրապետության տարածքից դուրս մասնաճյուղ կամ ներկայացուցչություն ստեղծելու համաձայնությունը կամ մերժում է միջնորդագիրը այն Կենտրոնական բանկ ներկայացնելու օրվանից 30-օրյա ժամկետում:

42. Ապահովագրական ընկերության մասնաճյուղի կամ ներկայացուցչության ստեղծելու համաձայնության մասին Կենտրոնական բանկի որոշումն ընդունելուց հետո այն տրվում է հիմնադիրներին հնգօրյա (աշխատանքային) ժամկետում:

Գ Լ ՈՒ Խ 15

ՓՈՓՈԽՈՒԹՅՈՒՆՆԵՐԻ ԳՐԱՆՑՄԱՆ ՆԵՐԿԱՅԱՑՄԱՆ ԿԱՐԳԸ ԵՎ ՁԵՎԸ

43. Հայաստանի Հանրապետության տարածքում գործող ապահովագրական ընկերությունները և օտարերկրյա ապահովագրական ընկերությունների մասնաճյուղերն ու ներկայացուցչությունները Կենտրոնական բանկի գրանցմանն են ներկայացնում «Ապահովագրության և ապահովագրական գործունեության մասին» Հայաստանի Հանրապետության օրենքի 51-րդ հոդվածի 1-ին մասով սահմանված փոփոխությունները:

44. Ղեկավարների կազմում կատարված փոփոխությունները Կենտրոնական բանկում գրանցվում են սույն կանոնակարգով սահմանված կարգով:

45. Ապահովագրական ընկերության և օտարերկրյա ապահովագրական ընկերության մասնաճյուղի, ապահովագրական ընկերությունների տարածքային ստորաբաժանումների կանոնադրություններում կատարված փոփոխությունները Կենտրոնական բանկում գրանցելու համար ապահովագրական ընկերությունները ներկայացնում են հետևյալ փաստաթղթերը՝

1) կատարված փոփոխությունները գրանցելու մասին միջնորդագիր՝ ապահովագրական ընկերության կառավարման մարմնի լիազոր անձի ստորագրությամբ՝ վավերացված ապահովագրական ընկերության կնիքով (առկայության դեպքում),

2) ապահովագրական ընկերության իրավասու մարմնի որոշումը կամ արձանագրությունից քաղվածք՝ ապահովագրական ընկերության կամ օտարերկրյա ապահովագրական ընկերության մասնաճյուղի կամ ապահովագրական ընկերության տարածքային ստորաբաժանման կանոնադրությունում կատարված փոփոխությունների վերաբերյալ,

3) ապահովագրական ընկերության, օտարերկրյա ապահովագրական ընկերության մասնաճյուղի կամ ապահովագրական ընկերության տարածքային ստորաբաժանման փոփոխված կանոնադրությունը (3 օրինակից):

(45-րդ կետը լրաց. 01.12.09 թիվ 360-Ն)

46. Ապահովագրական ընկերության, օտարերկրյա ապահովագրական ընկերության մասնաճյուղի և (կամ) ներկայացուցչության կամ ապահովագրական ընկերության տարածքային ստորաբաժանման գործունեության վայրի փոփոխությունը գրանցելու համար սույն կանոնակարգի 45-րդ կետում նշված փաստաթղթերից բացի Կենտրոնական բանկ պետք է ներկայացվեն նաև՝

1) տարածքի սեփականության, վարձակալության (ենթավարձակալության) կամ անհատույց օգտագործման իրավունքի պետական գրանցման վկայականի պատճենը: Ենթավարձակալության դեպքում անհրաժեշտ է ներկայացնել նաև հիմնական վարձակալության պայմանագրի պատճենը,

2) տարածքի և տեխնիկական հագեցվածության՝ սույն կանոնակարգի գլուխ 7-ով սահմանված չափանիշներին համապատասխանելու մասին փաստաթղթերը:

46.1 Ապահովագրական ընկերության ֆիրմային անվանման փոփոխությունը գրանցելու համար բացի սույն կանոնակարգի 45-րդ կետում նշված փաստաթղթերից (ինչպես ապահովագրական ընկերության, այնպես էլ նրա տարածքային ստորաբաժանումների համար (առկայության դեպքում)) Կենտրոնական բանկ պետք է ներկայացվեն նաև.

1) ֆիրմային անվանման գրանցման հայտ՝ համաձայն հավելված 2Է-ի,

2) «Ֆիրմային անվանումների մասին» Հայաստանի Հանրապետության օրենքի 7-րդ հոդվածի 3-րդ մասով պահանջվող փաստաթղթերը,

3) լիցենզիայի վերաձևակերպման մասին դիմում և լիցենզիայի վերաձևակերպման համար նախատեսված պետական տուրքի վճարման անդորրագիրը,

4) ապահովագրական ընկերության գրանցման, տարածքային ստորաբաժանումների գրանցման վերաձևակերպված վկայականների համար պետական տուրքի վճարման անդորրագրերը:

(46.1 կետը լրաց. 22.09.09 թիվ 278-Ն)

47. Ապահովագրական ընկերության կանոնադրական հիմնադրամի ավելացման դեպքում ապահովագրական ընկերության փոփոխված կանոնադրության գրանցման համար ապահովագրական ընկերությունը Կենտրոնական բանկ է ներկայացնում սույն կանոնակարգի 45-րդ կետով նախատեսված փաստաթղթերը, ինչպես նաև բաժնետոմսերի վերջին թողարկման հայտարարագրի գրանցման վերաբերյալ որոշման պատճենը (բաց բաժնետիրական ապահովագրական ընկերության համար):

48. Կենտրոնական բանկը պարտավոր է սույն գլխում սահմանված փոփոխությունների գրանցման համար սույն գլխով սահմանված փաստաթղթերն ստանալու պահից 30-օրյա ժամկետում գրանցել փոփոխությունները կամ մերժել գրանցումը: Փոփոխությունները գրանցվում են, կամ փոփոխությունների գրանցումը մերժվում է Կենտրոնական բանկի որոշմամբ:

49. Կենտրոնական բանկի կողմից պահանջվող որոշակի փաստեր պարզաբանելու նպատակով 30-օրյա ժամկետը կարող է կասեցվել մինչև մեկ ամիս ժամկետով։

(49-րդ կետը խմբ. 22.09.09 թիվ 278-Ն)

Գ Լ ՈՒ Խ 15.1

ՖԻՐՄԱՅԻՆ ԱՆՎԱՆՄԱՆ ԳՐԱՆՑՈՒՄԸ, ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՀԱՅՏԸ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ՓՈՐՁԱՔՆՆՈՒԹՅԱՆ ՆԵՐԿԱՅԱՑՆԵԼՈՒ ԿԱՐԳԸ

49.1. Սույն կանոնակարգի 24-րդ կետի 2-րդ ենթակետի համաձայն Կենտրոնական բանկ գրանցման ներկայացված ֆիրմային անվանումը համարվում է գրանցված, եթե Կենտրոնական բանկի կողմից որոշում է կայացվում ապահովագրական ընկերությունը գրանցելու և լիցենզիա տրամադրելու վերաբերյալ:

(49.1 կետը լրաց. 22.09.09 թիվ 278-Ն)

49.2. Ապահովագրական ընկերության ֆիրմային անվանման փոփոխությունը համարվում է գրանցված, եթե Կենտրոնական բանկի կողմից գրանցվում է ապահովագրական ընկերության կանոնադրության փոփոխությունը:

(49.2 կետը լրաց. 22.09.09 թիվ 278-Ն)

49.3. Ապահովագրական ընկերության ֆիրմային անվանման փոփոխության գրանցումից հետո 7-օրյա ժամկետում Կենտրոնական բանկը ընկերությանն է հանձնում ապահովագրական ընկերության ֆիրմային անվանման գրանցման վկայականը՝ համաձայն հավելված 2ը-ի, ապահովագրական ընկերության գրանցման վերաձևակերպված վկայականը, մասնաճյուղի (ներկայացուցչության) գրանցման վերաձևակերպված վկայականը (առկայության դեպքում) և վերաձևակերպված լիցենզիան: Ընդ որում, վերաձևակերպված վկայականները և լիցենզիան տրամադրվում են ապահովագրական ընկերությանը՝ նշված փաստաթղթերի հին տարբերակները Կենտրոնական բանկ ներկայացնելու դեպքում:

(49.3 կետը լրաց. 22.09.09 թիվ 278-Ն)

49.4. Ապահովագրական ընկերության ֆիրմային անվանման գրանցումը մերժվում է օրենքով սահմանված հիմքերով:

(49.4 կետը լրաց. 22.09.09 թիվ 278-Ն)

49.5. Ֆիրմային անվանման գրանցման վկայականի կորստի կամ ոչնչացման դեպքում ապահովագրական ընկերությունը կարող է Կենտրոնական բանկ դիմում ներկայացնել վկայականի կրկնօրինակը ստանալու համար` կցելով վկայականի կրկնօրինակը ստանալու համար պետական տուրքի վճարման անդորրագիրը:

(49.5 կետը լրաց. 22.09.09 թիվ 278-Ն)

49.6. Կենտրոնական բանկը կորած կամ ոչնչացած վկայականի կրկնօրինակը ապահովագրական ընկերությանը տալիս է ապահովագրական ընկերության համապատասխան դիմումը Կենտրոնական բանկ ներկայացնելու օրվան հաջորդող 10-օրյա ժամկետում:

(49.6 կետը լրաց. 22.09.09 թիվ 278-Ն)

49.7. Սույն կանոնակարգի 24-րդ կետի 2-րդ ենթակետով և 46.1-րդ կետով սահմանված դեպքերում ֆիրմային անվանման գրանցման հայտը ստանալուց հետո Կենտրոնական բանկը «Ֆիրմային անվանումների մասին» Հայաստանի Հանրապետության օրենքով սահմանված կարգով և ժամկետներում այդ հայտի սքան արված տարբերակը, ինչպես նաև «Ֆիրմային անվանումների մասին» Հայաստանի Հանրապետության օրենքի 6-րդ հոդվածով նախատեսված դեպքերում՝ համապատասխան համաձայնության կամ թույլտվության սքան արված տարբերակը (առկայության դեպքում) էլեկտրոնային փոստի միջոցով ներկայացնում է մտավոր սեփականության հարցերով լիազորված գործադիր իշխանության հանրապետական մարմին՝ ներկայացված ֆիրմային անվանման վերաբերյալ փորձագիտական եզրակացություն ստանալու համար: Որպեu հայտը ներկայացնելու պահուuտային եղանակ կարող է oգտագործվել էլեկտրոնային կրիչը:

(49.7 կետը լրաց. 22.09.09 թիվ 278-Ն)

(Գլուխը լրաց. 22.09.09 թիվ 278-Ն)

Գ Լ ՈՒ Խ 16

ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ԴԱԴԱՐԵՑՄԱՆ (ՆԵՐԱՌՅԱԼ ԺԱՄԱՆԱԿԱՎՈՐ ԴԱԴԱՐԵՑՄԱՆ) ԿԱՐԳԸ ԵՎ ՊԱՅՄԱՆՆԵՐԸ

50. Ապահովագրական ընկերությունը կարող է ժամանակավորապես դադարեցնել իր մասնաճյուղի կամ ներկայացուցչության գործունեությունը, բայց ոչ ավելի, քան մեկ տարի ժամանակով:

51. Ապահովագրական ընկերության մասնաճյուղի կամ ներկայացուցչության գործունեության ժամանակավոր դադարեցման թույլտվություն ստանալու նպատակով ապահովագրական ընկերությունը Կենտրոնական բանկ է ներկայացնում հետևյալ փաստաթղթերը՝

1) մասնաճյուղի կամ ներկայացուցչության գործունեության ժամանակավոր դադարեցման թույլտվություն ստանալու միջնորդագիր՝ ապահովագրական ընկերության կառավարման մարմնի կողմից լիազորված անձի ստորագրությամբ,

2) ապահովագրական ընկերության իրավասու մարմնի որոշումը՝ մասնաճյուղի կամ ներկայացուցչության գործունեության ժամանակավոր դադարեցման մասին,

3) մասնաճյուղի կամ ներկայացուցչության գործունեության ժամանակավոր դադարեցման հիմնավորումները,

4) մասնաճյուղի ակտիվների և պարտավորությունների փոխանցումը հավաստող փաստաթուղթ:

52. Կենտրոնական բանկը, Կենտրոնական բանկի որոշմամբ կարող է մերժել մասնաճյուղի կամ ներկայացուցչության ժամանակավոր դադարեցումը, եթե՝

1) ներկայացված փաստաթղթերում արտացոլված տվյալները անարժանահավատ են կամ կեղծ,

2) ներկայացված փաստաթղթերը թերի են,

3) Կենտրոնական բանկի հիմնավոր կարծիքով՝ ապահովադիրների կամ ապահովագրված անձանց կամ շահառուների հետագա բնականոն սպասարկումն ապահովված չէ,

4) տվյալ տարածաշրջանում բացակայում է ապահովագրական ծառայությունների մատուցումը որևէ այլ ապահովագրական ընկերության կողմից:

53. Սույն կանոնակարգի 51-րդ կետով նախատեսված փաստաթղթերը ներկայացնելուց հետո 20-օրյա ժամկետում Կենտրոնական բանկը տալիս է իր համաձայնությունը մասնաճյուղի կամ ներկայացուցչության գործունեության ժամանակավոր դադարեցման մասին կամ մերժում՝ մերժման հիմքերի մասին տասնօրյա ժամկետում տեղեկացնելով ապահովագրական ընկերությանը: Կենտրոնական բանկի կողմից պահանջվող որոշակի տեղեկություններ ստանալու համար ապահովագրական ընկերության տարածքային ստորաբաժանման գործունեության ժամանակավոր դադարեցման դիմումի քննության 20-օրյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրով ներկայացված փաստաթղթերի քննության ժամկետը չպետք է գերազանցի մինչև կասեցումն ընկած օրերի և 20-օրյա ժամկետի տարբերությամբ առաջացող օրերի քանակը:

54. Կենտրոնական բանկի կողմից 20-օրյա ժամկետում դիմումը չմերժելու կամ նշված ժամկետում կասեցնելու մասին ապահովագրական ընկերությանը չտեղեկացնելու դեպքում մասնաճյուղի կամ ներկայացուցչության գործունեությունը համարվում է ժամանակավորապես դադարեցված:

55. Մասնաճյուղի կամ ներկայացուցչության գործունեությունը ժամանակավորապես դադարեցնելու վերաբերյալ Կենտրոնական բանկի նախագահի որոշումն ստանալուց հետո եռօրյա ժամկետում ապահովագրական ընկերությունը մասնաճյուղի գործունեությունը ժամանակավորապես դադարեցնելու մասին տեղեկատվությունը հրապարակում է առնվազն հազար տպաքանակ ունեցող հանրապետական մամուլում և Կենտրոնական բանկ է ներկայացնում այդ տեղեկատվությունը պարունակող թերթի (ամսագրի) օրինակը, ինչպես նաև տեղակայում այդ տեղեկատվությունը ապահովագրական ընկերության ինտերնետային կայքում:

(55-րդ կետը լրաց. 01.07.08 թիվ 188-Ն)

56. (56-րդ կետն ուժը կորցրել է 01.07.08 թիվ 188-Ն)

57. Մասնաճյուղի կամ ներկայացուցչության գործունեության դադարեցման դեպքում ապահովագրական ընկերությունը Կենտրոնական բանկ է ներկայացնում հետևյալ փաստաթղթերը՝

1) մասնաճյուղը կամ ներկայացուցչությունը գրանցումից հանելու մասին միջնորդագիր` ապահովագրական ընկերության կառավարման մարմնի կողմից լիազորված անձի ստորագրությամբ,

2) մասնաճյուղի կամ ներկայացուցչության գործունեության դադարեցման մասին ապահովագրական ընկերության իրավասու մարմնի որոշումը կամ արձանագրությունը,

3) մասնաճյուղի կամ ներկայացուցչության գործունեության դադարեցման հիմնավորումները,

4) ապահովագրական ընկերության փոփոխված կանոնադրությունը (3 օրինակից),

5) մասնաճյուղի ակտիվների և պարտավորությունների փոխանցումը հաստատող փաստաթուղթ,

6) (ենթակետն ուժը կորցրել է 01.07.08 թիվ 188-Ն)

(57-րդ կետը փոփ. 01.07.08 թիվ 188-Ն)

58. Կենտրոնական բանկը կարող է մերժել կամ հետաձգել մասնաճյուղի կամ ներկայացուցչության գործունեության դադարեցման գրանցումը, եթե՝

1) ներկայացված փաստաթղթերում արտացոլված տվյալները անարժանահավատ են կամ կեղծ,

2) ներկայացված փաստաթղթերը թերի են,

59. Կենտրոնական բանկը՝ Կենտրոնական բանկի որոշմամբ գրանցում է մասնաճյուղի գործունեության դադարեցումը, եթե մասնաճյուղը Կենտրոնական բանկում գրանցվելու պահից վեց ամսվա ընթացքում չի իրականացրել ապահովագրական գործունեություն:

60. Մասնաճյուղի կամ ներկայացուցչության գործունեության դադարեցման վերաբերյալ Կենտրոնական բանկի որոշումը ուժի մեջ մտնելուց հետո ապահովագրական ընկերությունը եռօրյա ժամկետում մասնաճյուղի կամ ներկայացուցչության գործունեությունը դադարեցնելու մասին տեղեկատվությունը հրապարակում է առնվազն հազար օրինակ տպաքանակ ունեցող հանրապետական մամուլում և Կենտրոնական բանկ է ներկայացնում այդ տեղեկատվությունը պարունակող թերթի (ամսագրի) օրինակը, ինչպես նաև տեղակայում այդ տեղեկատվությունը ապահովագրական ընկերության ինտերնետային կայքում:

60.1 Մասնաճյուղի կամ ներկայացուցչության գործունեության դադարեցման վերաբերյալ Կենտրոնական բանկի որոշումն ուժի մեջ մտնելուց հետո ապահովագրական ընկերությունն եռօրյա ժամկետում Կենտրոնական բանկ է ներկայացնում մասնաճյուղի կամ ներկայացուցչության գրանցման վկայականը:

(60.1 կետը լրաց. 01.07.08 թիվ 188-Ն)

Գ Լ ՈՒ Խ 17

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՈՒՂՂԱԿԻ ՆՇԱՆԱԿԱԼԻՑ ՄԱՍՆԱԿՑՈՒԹՅԱՆ ՆԱԽՆԱԿԱՆ ՀԱՄԱՁԱՅՆՈՒԹՅՈՒՆ ՍՏԱՆԱԼԸ ԵՎ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

61. Ինչպես գործող, այնպես էլ նորաստեղծ ապահովագրական ընկերությունների կանոնադրական կապիտալում նշանակալից մասնակցություն ձեռք բերելու մտադրություն ունեցող իրավաբանական անձ հանդիսացող ուղղակի մասնակիցը, մինչև տվյալ մասնակցությունը ձեռք բերելը, նախնական համաձայնություն ստանալու համար Կենտրոնական բանկ է ներկայացնում հետևյալ փաստաթղթերը՝

1) իրավաբանական անձի կողմից ապահովագրական ընկերության կանոնադրական կապիտալում նշանակալից մասնակցություն ձեռք բերելու համար իրավաբանական անձի միջնորդագիրը,

2) ապահովագրական ընկերության միջնորդությունը` իրավաբանական անձի կողմից ապահովագրական ընկերության կանոնադրական կապիտալում նշանակալից մասնակցություն ձեռք բերելուն համաձայնություն տալու վերաբերյալ՝ ապահովագրական ընկերության կառավարման մարմնի կողմից լիազորված անձի ստորագրությամբ` վավերացված ապահովագրական ընկերության կնիքով (առկայության դեպքում),

3) ապահովագրական ընկերության գործադիր տնօրենի գրավոր հավաստիացումը, որ ընկերության կանոնադրական կապիտալում ընկերության մասնակցի բաժնեմասը (բաժնետոմսը) գնելու նախապատվության իրավունքի կիրառման՝ օրենքով և այլ իրավական ակտերով նախատեսված կանոնները պահպանված են,

4) կանոնադրական կապիտալում նշանակալից մասնակցություն ձեռք բերող իրավաբանական անձի իրավասու մարմնի որոշումը,

5) կանոնադրական կապիտալում նշանակալից մասնակցություն ձեռք բերող իրավաբանական անձի կանոնադրությունը՝ մինչև գրանցման պահը կատարված փոփոխություններով,

6) կանոնադրական կապիտալում նշանակալից մասնակցություն ձեռք բերող իրավաբանական անձի մասնակիցների ցուցակը՝ նշելով նրանց մասնակցության չափը (տոկոսով) կանոնադրական կապիտալի մեջ,

7) տեղեկանք՝ ապահովագրական ընկերության կանոնադրական կապիտալում նշանակալից մասնակցություն ձեռք բերող իրավաբանական անձի վերաբերյալ` համաձայն սույն կանոնակարգի հավելված 4ա-ի,

8) իրավաբանական անձի՝ վերջին երեք տարիների և վերջին միջանկյալ՝ հաշվապահական հաշվեկշիռը, ֆինանսական արդյունքների մասին հաշվետվությունը, դրամական միջոցների հոսքերի մասին հաշվետվությունը, սեփական կապիտալում փոփոխությունների մասին հաշվետվությունը, ֆինանսական հաշվետվություններին կից ծանոթագրությունները (երեք տարուց պակաս գործունեություն իրականացրած իրավաբանական անձինք նշված տեղեկությունները ներկայացնում են իրականացրած գործունեության ողջ ժամկետի համար): Եթե սույն ենթակետով սահմանված ֆինանսական հաշվետվությունները կազմված են օտարերկրյա պետության ազգային ստանդարտների համաձայն, ապա Կենտրոնական բանկ են ներկայացվում նաև տվյալ կազմակերպության ֆինանսական հաշվետվությունները հաստատող անկախ աուդիտորական կազմակերպության հայտարարությունն այն մասին, որ ներկայացված հաշվետվությունները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին, կամ հղում այդ պետության որևէ պաշտոնական ինտերնետային էջի, որտեղ նշված է, որ տվյալ պետության հաշվապահական հաշվառման ստանդարտները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին.

9) անկախ աուդիտորական եզրակացությունը, որը հավաստում է վերջին տարեկան ֆինանսական հաշվետվությունների համապատասխանությունը հաշվապահական հաշվառման այն ստանդարտներին, որոնք համաձայն «Հաշվապահական հաշվառման մասին» Հայաստանի Հանրապետության օրենքի պետք է կիրառվեն տվյալ կազմակերպության կողմից հաշվապահական հաշվառում վարելիս և ֆինանսական հաշվետվություններ կազմելիս և ներկայացնելիս, իսկ օտարերկրյա իրավաբանական անձանց համար՝ ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին.

10) (ենթակետն ուժը կորցրել է 01.07.08 թիվ 188-Ն)

11) Տեղեկանք` տրված իրավասու մարմնի կողմից բյուջեի և կենսաթոշակային հիմնադրամի նկատմամբ ունեցած պարտքերի կամ դրանց բացակայության վերաբերյալ (ռեզիդենտների համար):

12) Ներդրվող միջոցների ծագման օրինականության վերաբերյալ բավարար և ամբողջական հիմնավորումներ (փաստաթղթեր, տեղեկություններ և այլն):

13) նշանակալից մասնակցություն ակնկալող իրավաբանական անձի հայտարարագիրը՝ ապահովագրական ընկերության կողմից Կենտրոնական բանկ ներկայացված գործարար ծրագրում իր կողմից առաջարկվող փոփոխությունների վերաբերյալ:

14) Հայտարարագիր «Ապահովագրության և ապահովագրական գործունեության մասին» Հայաստանի Հանրապետության օրենքի 18-րդ հոդվածի 1-ին մասի 5-րդ, 6-րդ, 7-րդ, 8-րդ, 9-րդ կետերով նախատեսված հիմքերի բացակայության մասին:

15) Հայտարարություն այն մասին, որ իր միջոցով որևէ այլ անձ ապահովագրական ընկերությունում անուղղակի նշանակալից մասնակցություն ունեցող անձի կարգավիճակ ձեռք չի բերում՝ համաձայն հավելված 6ա-ի, հակառակ դեպքում՝ իր միջոցով անուղղակի նշանակալից մասնակցություն ձեռք բերող անձի վերաբերյալ սույն կանոնակարգի գլուխ 18-ով սահմանված փաստաթղթերը: Սույն կետում նշված հայտարարությունը պետք է ներկայացվի Կենտրոնական բանկ այն ապահովագրական ընկերության միջնորդությամբ, որում անձը նախատեսել է ձեռք բերել կամ ձեռք է բերել նշանակալից մասնակցություն:

(61-րդ կետը խմբ., փոփ., լրաց. 01.07.08 թիվ 188-Ն, փոփ., խմբ. 01.12.09 թիվ 360-Ն)

62. Եթե իրավաբանական անձ հանդիսացող ուղղակի մասնակիցն ընդգրկված է որևէ խմբի (միության) կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում, ապա Կենտրոնական բանկ է ներկայացվում սույն կանոնակարգի 61-րդ կետով ներկայացված փաստաթղթերից բացի նաև՝

1) խմբի (միության) կառուցվածքը,

2) խմբի (միության) վերջին ֆինանսական տարվա՝

ա. հաշվապահական հաշվեկշիռը,

բ. ֆինանսական արդյունքների մասին հաշվետվությունը,

գ. դրամական միջոցների հոսքերի մասին հաշվետվությունը,

դ. սեփական կապիտալում փոփոխությունների մասին հաշվետվությունը,

ե. ֆինանսական հաշվետվություններին կից ծանոթագրությունները.

3) անկախ աուդիտորական եզրակացությունը, որը հավաստում է խմբի (միության) վերջին տարեկան ֆինանսական հաշվետվությունների համապատասխանությունը հաշվապահական հաշվառման այն ստանդարտներին, որոնք համաձայն «Հաշվապահական հաշվառման մասին» Հայաստանի Հանրապետության օրենքի պետք է կիրառվեն տվյալ խմբի (միության) կողմից հաշվապահական հաշվառում վարելիս և ֆինանսական հաշվետվություններ կազմելիս և ներկայացնելիս, իսկ օտարերկրյա խմբի (միության) համար՝ ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին (առկայության դեպքում):

(62-րդ կետը փոփ. 01.07.08 թիվ 188-Ն, խմբ. 01.12.09 թիվ 360-Ն)

63. Եթե սույն կանոնակարգի 62-րդ կետի 2-րդ ենթակետով նախատեսված ֆինանսական հաշվետվությունները կազմված են օտարերկրյա պետության ազգային ստանդարտների համաձայն, ապա Կենտրոնական բանկ են ներկայացվում նաև.

1) տվյալ կազմակերպության ֆինանսական հաշվետվությունները հաստատող անկախ աուդիտորական կազմակերպության հայտարարությունն այն մասին, որ ներկայացված հաշվետվությունները համապատասխանում են հաշվապահական հաշվառման միջազգային ստանդարտներին, Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին կամ

2) հղում այդ պետության որևէ պաշտոնական ինտերնետային էջի, որտեղ նշված է, որ տվյալ պետության հաշվապահական հաշվառման ստանդարտները համապատասխանում են հաշվապահական հաշվառման միջազգային ստանդարներին, Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին:

(63-րդ կետը լրաց. 01.07.08 թիվ 188-Ն)

64. Եթե սույն կանոնակարգի 62-րդ կետով սահմանված հաշվետվությունները (տեղեկությունները) տեղակայված են խմբի (միության) ինտերնետային կայքում, ապա Կենտրոնական բանկին ներկայացվում է համապատասխան կայքի (տնային էջի) հասցեն:

65. Եթե ապահովագրական ընկերության կանոնադրական կապիտալում նշանակալից մասնակցություն ձեռք է բերվելու միջազգային կազմակերպությունների կողմից, ապա նրանց կողմից Կենտրոնական բանկ պետք է ներկայացվեն սույն կանոնակարգի 61-րդ կետի 1, 2, 3, 4, 5, 8, 9 և 13-րդ ենթակետերով պաhանջվող փաստաթղթերը: Կենտրոնական բանկի խորհրդի համաձայնությամբ սույն կետը կարող է տարածվել նաև միջազգային համբավ և Ստանդարտ և Փուրզ կամ Մուդիզ վարկանշային գործակալությունների կողմից սահմանված «Ա-» կամ «Ա3» և բարձր վարկանիշ ունեցող կազմակերպությունների վրա:

66. Եթե ապահովագրական ընկերության կանոնադրական կապիտալում նշանակալից մասնակցությունը ձեռք է բերում «Հայաստանի Հանրապետության կենտրոնական բանկի մասին» Հայաստանի Հանրապետության օրենքի համաձայն Կենտրոնական բանկի կողմից վերահսկվող կազմակերպությունը, ապա նա Կենտրոնական բանկ է ներկայացնում սույն կանոնակարգի 61-րդ կետի 1, 2, 3, 4, 11, 13, 14, 15-րդ ենթակետերով պահանջվող փաստաթղթերը:

67. Ինչպես գործող, այնպես էլ նորաստեղծ ապահովագրական ընկերության կանոնադրական կապիտալում նշանակալից մասնակցություն ձեռք բերելու մտադրություն ունեցող ֆիզիկական անձ-ուղղակի մասնակիցը, մինչև տվյալ մասնակցությունը ձեռք բերելը, նախնական համաձայնություն ստանալու համար Կենտրոնական բանկ է ներկայացնում հետևյալ փաստաթղթերը՝

1) ֆիզիկական անձի կողմից ապահովագրական ընկերության կանոնադրական կապիտալում նշանակալից մասնակցություն ձեռք բերելու համար դիմում,

2) ապահովագրական ընկերության միջնորդությունը՝ ֆիզիկական անձի կողմից ապահովագրական ընկերության կանոնադրական կապիտալում նշանակալից մասնակցություն ձեռք բերելուն hամաձայնություն տալու վերաբերյալ՝ ապահովագրական ընկերության կառավարման մարմնի կողմից լիազորված անձի ստորագրությամբ` վավերացված ապահովագրական ընկերության կնիքով (առկայության դեպքում),

4) տեղեկանք ապահովագրական ընկերության կանոնադրական կապիտալում նշանակալից մասնակցություն ձեռք բերող ֆիզիկական անձի վերաբերյալ՝ համաձայն սույն կանոնակարգի հավելված 4բ-ի,

5) հայտարարագիր՝ չմարված պարտավորությունների մասին,

6) նշանակալից մասնակցություն ակնկալող ֆիզիկական անձի հայտարարագիրը՝ ապահովագրական ընկերության կողմից Կենտրոնական բանկ ներկայացված գործարար ծրագրում իր կողմից առաջարկվող փոփոխությունների վերաբերյալ,

7) հայտարարագիր «Ապահովագրության և ապահովագրական գործունեության մասին» Հայաստանի Հանրապետության օրենքի 18-րդ հոդվածի 1-ին մասով նախատեսված հիմքերի բացակայության մասին,

8) հայտարարություն այն մասին, որ իր միջոցով որևէ այլ անձ ապահովագրական ընկերությունում անուղղակի նշանակալից մասնակցություն ունեցող անձի կարգավիճակ ձեռք չի բերում՝ համաձայն հավելված 6 ա-ի, հակառակ դեպքում՝ իր միջոցով անուղղակի նշանակալից մասնակցություն ձեռք բերող անձի վերաբերյալ սույն կանոնակարգի գլուխ 18-ով սահմանված փաստաթղթերը: Սույն կետում նշված հայտարարությունը պետք է ներկայացվի Կենտրոնական բանկ այն ապահովագրական ընկերության միջնորդությամբ, որում անձը նախատեսել է ձեռք բերել կամ ձեռք է բերել նշանակալից մասնակցություն:

9) Ներդրվող միջոցների ծագման օրինականության վերաբերյալ բավարար և ամբողջական հիմնավորումներ (փաստաթղթեր, տեղեկություններ և այլն):

(67-րդ կետը խմբ., փոփ. 01.07.08 թիվ 188-Ն, փոփ. 01.12.09 թիվ 360-Ն)

68. Ապահովագրական ընկերության կանոնադրական կապիտալում նշանակալից մասնակցություն ձեռք բերել ցանկացող պետությունը մինչև տվյալ մասնակցությունը ձեռք բերելը, նախնական համաձայնություն ստանալու համար դիմում է Կենտրոնական բանկ՝ ներկայացնելով հետևյալ փաստաթղթերը.

1) ապահովագրական ընկերության կանոնադրական կապիտալում նշանակալից մասնակցություն ձեռք բերելու համար դիմում՝ պետության անունից հանդես գալու իրավունք ունեցող մարմնից,

2) կանոնադրական կապիտալում նշանակալից մասնակցություն ձեռք բերող պետության իրավասու մարմնի որոշումը` տվյալ ապահովագրական ընկերությունում նշանակալից մասնակցություն ձեռք բերելու մասին,

3) ապահովագրական ընկերության միջնորդությունը՝ պետության կողմից ապահովագրական ընկերության կանոնադրական կապիտալում նշանակալից մասնակցություն ձեռք բերելուն hամաձայնություն տալու վերաբերյալ՝ ապահովագրական ընկերության կառավարման մարմնի կողմից լիազորված անձի ստորագրությամբ` վավերացված ապահովագրական ընկերության կնիքով (առկայության դեպքում),

4) ապահովագրական ընկերության գործադիր տնօրենի գրավոր հավաստիացումը, որ ընկերության կանոնադրական կապիտալում ընկերության մասնակցի բաժնեմասը (բաժնետոմսը) գնելու նախապատվության իրավունքի կիրառման՝ օրենքով և այլ իրավական ակտերով նախատեսված կանոնները պահպանված են,

5) նշանակալից մասնակցություն ակնկալող պետության իրավասու մարմնի կողմից լրացվող հայտարարագիրը՝ ապահովագրական ընկերության կողմից Կենտրոնական բանկ ներկայացված գործարար ծրագրում իր կողմից առաջարկվող փոփոխությունների վերաբերյալ:

(68-րդ կետը խմբ. 01.07.08 թիվ 188-Ն, լրաց. 01.12.09 թիվ 360-Ն)

Գ Լ ՈՒ Խ 18

ԱՆՈՒՂՂԱԿԻ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ ԱՆՁԱՆՑ ԿՈՂՄԻՑ ՆԵՐԿԱՅԱՑՎՈՂ ՓԱՍՏԱԹՂԹԵՐԸ ԵՎ ՏԵՂԵԿՈՒԹՅՈՒՆՆԵՐԸ

69. Եթե նշանակալից մասնակցությունը ձեռք են բերում իրար հետ փոխկապակցված անձինք կամ ապահովագրական ընկերության մասնակցի հետ փոխկապակցված անձինք, ապա սույն գլխով պահանջվող փաստաթղթերը պահանջվում են նրանցից յուրաքանչյուրից:

70. Ապահովագրական ընկերությունում անուղղակի նշանակալից մասնակցություն ակնկալող անձի վերաբերյալ Կենտրոնական բանկ են ներկայացվում իրավաբանական անձի համար՝ սույն կանոնակարգի 61-րդ կետի 5-րդ, 7-րդ, 8-րդ, 9-րդ և 14-րդ ենթակետերով սահմանված փաստաթղթերը, իսկ ֆիզիկական անձի համար՝ սույն կանոնակարգի 67-րդ կետի 4, 5, 7 ենթակետերով սահմանված փաստաթղթերը, ինչպես նաև տեղեկանք նշանակալից մասնակցություն ձեռք բերող անձի հետ փոխկապակցված իրավաբանական անձանց (այդ թվում՝ այն իրավաբանական անձանց, որոնցում ապահովագրական ընկերության կանոնադրական կապիտալում նշանակալից մասնակցություն ձեռք բերող անձը նշանակալից մասնակից է) մասին՝ համաձայն հավելված 5 ա-ի և տեղեկանք ապահովագրական ընկերության կանոնադրական հիմնադրամում նշանակալից մասնակցություն ձեռք բերող անձի հետ փոխկապակցված ֆիզիկական անձանց մասին` համաձայն հավելված 5 բ-ի և հայտարարագիր՝ համաձայն հավելված 6բ-ի:

(70-րդ կետը փոփ. 01.07.08 թիվ 188-Ն)

71. Եթե ապահովագրական ընկերությունում անուղղակի նշանակալից մասնակցությունը ձեռք է բերվում ուղղակի նշանակալից մասնակցի միջոցով, ապա սույն կանոնակարգի 70-րդ կետում նշված փաստաթղթերը Կենտրոնական բանկ է ներկայացնում ուղղակի նշանակալից մասնակիցը, այլ դեպքերում՝ ապահովագրական ընկերությունը:

72. Եթե ապահովագրական ընկերության կանոնադրական կապիտալում անուղղակի նշանակալից մասնակցություն ձեռք է բերում «Հայաստանի Հանրապետության կենտրոնական բանկի մասին» Հայաստանի Հանրապետության օրենքի համաձայն Կենտրոնական բանկի կողմից վերահսկվող կազմակերպությունը, ապա նա Կենտրոնական բանկ պետք է ներկայացնի սույն կանոնակարգի 61-րդ կետի 14-րդ ենթակետով պահանջվող փաստաթղթերը:

(72-րդ կետը փոփ. 01.07.08 թիվ 188-Ն)

73. Եթե ապահովագրական ընկերության կանոնադրական կապիտալում անուղղակի նշանակալից մասնակցություն ձեռք է բերում Հայաստանի Հանրապետության կենտրոնական բանկի կողմից «Ա» և «Բ» վարկանիշ ստացած կազմակերպությունը, ապա նա Կենտրոնական բանկ պետք է ներկայացնի սույն կանոնակարգի 61-րդ կետի 7-րդ և 14-րդ ենթակետերով պահանջվող փաստաթղթերը:

(73-րդ կետը փոփ. 01.07.08 թիվ 188-Ն)

74. Եթե ապահովագրական ընկերության կանոնադրական կապիտալում անուղղակի նշանակալից մասնակիցը և ապահովագրական ընկերությունում ուղղակի նշանակալից մասնակցություն ձեռք բերող իրավաբանական անձը ընդգրկված են որևէ խմբի (միության) կամ ցանկացած այլ հիմքով ֆինանսական հաշվետվությունները համախմբող անձանց կազմում, ապա անուղղակի մասնակիցը Կենտրոնական բանկ պետք է ներկայացնի սույն կանոնակարգի 61-րդ կետի 5-րդ, 7-րդ և 14-րդ ենթակետերով պահանջվող փաստաթղթերը:

(74-րդ կետը փոփ. 01.07.08 թիվ 188-Ն)

74.1 Եթե ապահովագրական ընկերության կանոնադրական կապիտալում նշանակալից մասնակցություն ձեռք բերելու մտադրություն ունեցող անձի միջոցով ապահովագրական ընկերության կանոնադրական կապիտալում անուղղակի նշանակալից մասնակցություն ձեռք են բերում միաժամանակ մի քանի անձինք, ապա անուղղակի նշանակալից մասնակցություն ձեռք բերելու համաձայնություն ստանալու համար ներկայացվում են «Ապահովագրության և ապահովագրական գործունեության մասին» Հայաստանի Հանրապետության օրենքով և սույն կանոնակարգով պահանջվող փաստաթղթերը միայն այն ֆիզիկական անձի վերաբերյալ, որի միջոցով որևէ այլ անձ այդ ապահովագրական ընկերությունում նշանակալից մասնակցություն ձեռք չի բերում: Անհրաժեշտության դեպքում Կենտրոնական բանկը կարող է պահանջել փաստաթղթեր նաև այն անձանցից, որոնց միջոցով ապահովագրական ընկերությունում նշանակալից մասնակցություն է ձեռք բերվում:

(74.1 կետը լրաց. 01.07.08 թիվ 188-Ն)

Գ Լ ՈՒ Խ 19

ՆՇԱՆԱԿԱԼԻՑ ՄԱՍՆԱԿՑՈՒԹՅԱՆ ՁԵՌՔԲԵՐՄԱՆԸ ՀԱՄԱՁԱՅՆՈՒԹՅՈՒՆ ՏԱԼԸ

75. Կենտրոնական բանկը նշանակալից մասնակցության ձեռքբերման համար Կենտրոնական բանկի խորհրդի նախնական համաձայնությունը ստանալու համար պահանջվող բոլոր փաստաթղթերն ստանալուց հետո 30-օրյա ժամկետում որոշում է կայացնում նշանակալից մասնակցությանը համաձանություն տալու կամ այն մերժելու վերաբերյալ:

(75-րդ կետը լրաց. 01.07.08 թիվ 188-Ն)

76. Կենտրոնական բանկի կողմից 30-օրյա ժամկետում դիմումը չմերժելու մասին անձին չտեղեկացնելու դեպքում համաձայնությունը համարվում է տրված:

77. Ուղղակի նշանակալից մասնակցի միջոցով ձեռք բերվող անուղղակի նշանակալից մասնակցությունը ապահովագրական ընկերության կանոնադրական կապիտալում համարվում է մերժված, եթե մերժվել է ուղղակի նշանակալից մասնակցության միջնորդագիրը:

78. Անձի և նրա հետ փոխկապակցված անձանց` ապահովագրական ընկերության կանոնադրական կապիտալում նշանակալից մասնակցություն ձեռք բերելուն նախնական համաձայնությունը Կենտրոնական բանկի կողմից տրվում է եռամսյա ժամկետով, եթե գործողության ավելի երկար ժամկետ տվյալ որոշմամբ նախատեսված չէ: Գործարքի իրականացումը հաստատող փաստաթղթերը ներկայացվում են Կենտրոնական բանկ: Եթե Կենտրոնական բանկի որոշմամբ սահմանված ժամկետում գործարքը չի իրականացվում, Կենտրոնական բանկի նախնական համաձայնությունը համարվում է ուժը կորցրած:

Բ Ա Ժ Ի Ն IV

ԱՊԱՀՈՎԱԳՐԱԿԱՆ ԸՆԿԵՐՈՒԹՅՈՒՆՆԵՐԻ ԵՐԵՔ ՏԱՐՎԱ ԳՈՐԾՈՒՆԵՈՒԹՅԱՆ ԳՈՐԾԱՐԱՐ ԾՐԱԳՐԻ ՁԵՎԸ ԵՎ ԴՐԱՆՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԸ ԵՎ ԺԱՄԿԵՏՆԵՐԸ

Գ Լ ՈՒ Խ 20

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԵՐԵՔ ՏԱՐՎԱ ԳՈՐԾԱՐԱՐ ԾՐԱԳՐԻ ՁԵՎԸ, ՆԵՐԿԱՅԱՑՄԱՆ ԿԱՐԳԸ ԵՎ ԺԱՄԿԵՏՆԵՐԸ

79. Սույն գլուխը սահմանում է գործող ապահովագրական ընկերության, կյանքի ապահովագրության կամ ոչ կյանքի ապահովագրության որևէ դասի լիցենզիա ստանալու համար դիմում ներկայացնող կազմակերպության կողմից երեք տարվա, իսկ մասնաճյուղ բացելու դիմում ներկայացնող կազմակերպության կողմից՝ երկու տարվա գործարար ծրագիրը (այսուհետև՝ ծրագիր) Կենտրոնական բանկ ներկայացնելու կարգը:

(79-րդ կետը խմբ. 01.07.08 թիվ 188-Ն)

80. Գործարար ծրագիրը ամբողջական փաստաթուղթ է, որի խնդիրներն են.

1) ծառայել շահագրգիռ անձանց մասնակիցներ, ներդրողներ, ապահովագրական ընկերության ղեկավարներ և այլ շահագրգիռ անձինք՝ որպես մի ամփոփ փաստաթուղթ, որով կարող են գնահատվել ապահովագրական ընկերության գործունեության բնույթը և առանձնահատկությունները,

2) օգնել ապահովագրական ընկերության ղեկավարներին՝ պարզաբանել, հստակեցնել և հետազոտել ապահովագրական ընկերության գործունեության զարգացման հնարավոր հեռանկարները և ծառայել ապահովագրական ընկերության ղեկավարներին՝ որպես հիմք, որով կարող են գնահատվել ապահովագրական ընկերության փաստացի գործունեության արդյունքները և արդյունավետությունը,

3) օգնել ապահովագրական ընկերությանը՝ հետևողականորեն իրականացնել նախանշված նպատակները և խնդիրները պլանավորվող երեք տարիների ընթացքում,

4) Կենտրոնական բանկին ներկայացնել ապահովագրական ընկերության կողմից պլանավորված գործունեությունը, որը Կենտրոնական բանկը կարող է օգտագործել ապահովագրական ընկերության ընտրած ռազմավարությունը, ռիսկերի կառավարման մակարդակը գնահատելու, ինչպես նաև օրենքով և սույն կանոնակարգով վերաապահովագրությանը ներկայացվող պահանջների կատարման նկատմամբ վերահսկողություն իրականացնելու համար:

(80-րդ կետը խմբ. 01.12.09 թիվ 360-Ն)

81. Ծրագրի հիմքում դրվում են հետևյալ հիմնական սկզբունքները՝

1) իրատեսություն (առաջադրված նպատակների և խնդիրների իրականացման բավարար հիմնավորումների առկայություն),

2) գնահատելիություն կատարման արդյունքների գնահատման հնարավորություն),

3) համահունչություն (ծրագրի առանձին բաժինների և բաժինների գլուխների միջև պատճառահետևանքային կապի, ծրագրի ընդհանուր տրամաբանական ընթացքի առկայություն),

4) կոնկրետություն (վերնագրի ըստ էության ներկայացում, վերնագրից դուրս ավելորդ տեղեկատվության բացակայություն, խնդիրների ըստ էության դիտարկում):

5) Ծրագրի հիմքում կարող են դրվել նաև այլ, սակայն նշված սկզբունքներին չհակասող սկզբունքներ:

82. Ապահովագրական ընկերությունը լիցենզավորման փաստաթղթերը Կենտրոնական բանկ ներկայացնելիս, ինչպես նաև մինչև յուրաքանչյուր օրացուցային տարվա փետրվարի 15-ը Կենտրոնական բանկ է ներկայացնում հաջորդող երեք տարիների իր ծրագիրը (բացառությամբ ծրագրի V.1-րդ բաժնի, որը ներկայացվում է միայն հաջորդ մեկ տարվա համար)՝ համաձայն սույն կանոնակարգի հավելված 9-ի:

(82-րդ կետը լրաց. 01.12.09 թիվ 360-Ն)

82.1 Գործարար ծրագրին կից ապահովագրական ընկերությունը ներկայացնում է ապահովագրական ընկերության պատասխանատու ակտուարի դիրքորոշումը ներկայացվող գործարար ծրագրի V.1-րդ բաժնի («Վերաապահովագրության ծրագիր») վերաբերյալ՝ հաստատված պատասխանատու ակտուարի ստորագրությամբ:

(82.1 կետը լրաց. 01.12.09 թիվ 360-Ն)

83. Ծրագիրը հաստատվում է ապահովագրական ընկերության խորհրդի կողմից, բացառությամբ նոր ստեղծվող ընկերությունների, որոնց ծրագրերը հաստատվում են ընկերության հիմնադիր ժողովի կողմից: Ծրագրին կից աղյուսակները և գրաֆիկները կազմվում են ցուցանիշների ծրագրային կանխատեսումների հիման վրա՝ առնվազն տարեկան կտրվածքով: Կանխատեսվող ցուցանիշները պետք է հիմնավորված լինեն կոնկրետ հաշվարկներով և արտացոլեն ծրագրում ամրագրված քաղաքականությունը:

(83-րդ կետը լրաց. 01.12.09 թիվ 360-Ն)

84. Ծրագիրը և ծրագրով նախատեսված տվյալները, ինչպես նաև վերանայված ծրագիրը Կենտրոնական բանկ են ներկայացվում ինչպես փաստաթղթային, այնպես էլ էլեկտրոնային ձևով:

85. Ապահովագրական ընկերության ներկայացրած ծրագիրը պարունակում է սույն կանոնակարգի հավելված 9-ով սահմանված ապահովագրողի գործարար ծրագրի ձևի տվյալները: Ծրագիրը կարող է ներառել սույն կանոնակարգի հավելված 9-ով սահմանված ծրագրի ձևի տվյալներից բացի լրացուցիչ տվյալներ:

86. Ապահովագրական ընկերության ներկայացրած ծրագիրը սույն կանոնակարգի հավելված 9-ով սահմանված ծրագրի ձևում նշված ծավալը զգալի չափով գերազանցելու դեպքում լրացուցիչ տվյալները պետք է էական և հիմնավոր դեր կատարեն ծրագրում:

77. Ծրագիրը կարող է օգտագործվել Կենտրոնական բանկի կողմից ապահովագրական ընկերության ռազմավարական կառավարման մակարդակը գնահատելու նպատակով:

88. Ապահովագրական ընկերությունը կարող է Կենտրոնական բանկ ներկայացնել վերանայված ծրագիրը, եթե տեղի է ունեցել ապահովագրական ընկերության գործունեության ռազմավարության փոփոխություն: Վերանայված ծրագրում նշվում է ռազմավարության փոփոխության հիմնավորումը:

88.1 Առավելագույն ծածկույթի աղյուսակում փոփոխություններ կատարելու դեպքում փոփոխությունը ապահովագրական ընկերության խորհրդի կողմից հաստատվելուց հետո 10-օրյա ժամկետում ապահովագրական ընկերությունը փոփոխված ծրագիրը ներկայացնում է Կենտրոնական բանկ` կից ներկայացնելով փոփոխությունների հիմնավորումը, ինչպես նաև ապահովագրական ընկերության պատասխանատու ակտուարի դիրքորոշումը ներկայացվող փոփոխության վերաբերյալ՝ հաստատված պատասխանատու ակտուարի ստորագրությամբ:

(88.1 կետը լրաց. 01.12.09 թիվ 360-Ն)

Բ Ա Ժ Ի Ն V

ԱՊԱՀՈՎԱԳՐԱԿԱՆ ԲՐՈՔԵՐԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՈՒՄ ԵՎ ՀԱՇՎԱՌՈՒՄ

Գ Լ ՈՒ Խ 21

ԱՊԱՀՈՎԱԳՐԱԿԱՆ ԲՐՈՔԵՐԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

89. Ապահովագրական բրոքերային գործունեության լիցենզիա ստանալու համար առևտրային կազմակերպությունը Կենտրոնական բանկ է ներկայացնում հետևյալ փաստաթղթերը.

1) «Ապահովագրության և ապահովագրական գործունեության մասին» Հայաստանի Հանրապետության օրենքի 97-րդ հոդվածի 2-րդ մասով սահմանված փաստաթղթերը: Ընդ որում, գրանցման և լիցենզավորման մասին միջնորդագիրը ներկայացվում է դիմող կազմակերպության կանոնադրությամբ ամրագրված իրավասու կառավարման մարմնի որոշմամբ վավերացված` համաձայն սույն կանոնակարգի հավելված 2դ-ի, իսկ ապահովագրական բրոքերային ընկերության պատասխանատու անձանց գործունեության մասին տեղեկանքը (միջնորդագրի տեսքով)՝ համաձայն հավելված 3-ի,

2) ապահովագրական բրոքերային ընկերության կանոնադրությունը՝ 6 օրինակից,

3) ապահովագրական բրոքերային ընկերության ֆիրմային անվանման գրանցման փաստաթղթի պատճենը,

4) եթե դիմումատուն հանդես է գալիս լիազոր ներկայացուցչի միջոցով, ապա ներկայացվում է նաև դիմումատուի կողմից պատշաճ կարգով տրված լիազորագիրը:

(89-րդ կետը փոփ. 01.07.08 թիվ 188-Ն, լրաց. 22.09.09 թիվ 278-Ն, փոփ. 01.12.09 թիվ 360-Ն)

90. Այն բրոքերը, որն իրականացնում է «Ապահովագրության և ապահովագրական գործունեության մասին» Հայաստանի Հանրապետության օրենքի 3-րդ հոդվածի 12-րդ կետի «գ» ենթակետի գործառնությունները, սույն կանոնակարգի 89-րդ կետով նշված փաստաթղթերի հետ միասին Կենտրոնական բանկ է ներկայացնում նաև ապահովագրական բրոքերային ընկերության կանոնադրական կապիտալը Հայաստանի Հանրապետության տարածքում գործող որևէ բանկում բացված հաշվին մուծումը հավաստող փաստաթուղթը:

91. (91-րդ կետն ուժը կորցրել է 01.12.09 թիվ 360-Ն)

92. Ապահովագրական բրոքերային գործունեության լիցենզիա ստանալու պահից 10-օրվա ընթացքում ապահովագրական բրոքերային կազմակերպությունը ներկայացնում է նաև «Ապահովագրության և ապահովագրական գործունեության մասին» Հայաստանի Հանրապետության օրենքի 90-րդ հոդվածի 5-րդ մասով սահմանված փաստաթուղթը` պատասխանատվության ապահովագրության պայմանագրի պատճենը:

93. Կենտրոնական բանկը կարող է պահանջել լրացուցիչ տեղեկություններ, որոնք անհրաժեշտ են սույն կանոնակարգի 89-րդ, 90-րդ, 91-րդ և 92-րդ կետերում նշված տեղեկատվության հավաստիությունը գնահատելու համար:

94. Այն դեպքում, երբ սույն կանոնակարգի 89-րդ կետով սահմանված միջնորդագիրը ներկայացնելուց հետո ներկայացված տեղեկությունների մեջ կատարվել են փոփոխություններ, ապա դիմումատուն պարտավոր է ներկայացնել նաև փոփոխված տեղեկությունները՝ մինչև Կենտրոնական բանկի կողմից լիցենզիա տրամադրելու կամ լիցենզիայի տրամադրումը մերժելու մասին որոշման կայացումը:

95. Կենտրոնական բանկը պարտավոր է լիցենզիայի տրամադրման մասին որոշումը կայացնելու պահից հնգօրյա ժամկետում լիցենզիան հանձնել ապահովագրական բրոքերային ընկերությանը:

Գ Լ ՈՒ Խ 22

ԱՊԱՀՈՎԱԳՐԱԿԱՆ ԲՐՈՔԵՐԱՅԻՆ ԿԱԶՄԱԿԵՐՊՈՒԹՅԱՆ՝ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԿԱՄ ՕՏԱՐԵՐԿՐՅԱ ՊԵՏՈՒԹՅՈՒՆՈՒՄ ՄԱՍՆԱՃՅՈՒՂ ԵՎ ՆԵՐԿԱՅԱՑՈՒՑՉՈՒԹՅՈՒՆ ՍՏԵՂԾԵԼՈՒ ԹՈՒՅԼՏՎՈՒԹՅՈՒՆ ՍՏԱՆԱԼԸ

96. Հայաստանի Հանրապետության տարածքում գործող ապահովագրական բրոքերային ընկերությունը Հայաստանի Հանրապետությունում կամ օտարերկրյա պետությունում մասնաճյուղ և ներկայացուցչություն ստեղծելիս Կենտրոնական բանկի թույլտվությունն ստանալու համար Կենտրոնական բանկ է ներկայացնում հետևյալ փաստաթղթերը՝

1) ապահովագրական բրոքերային ընկերության մասնաճյուղ կամ ներկայացուցչություն ստեղծելու թույտվություն ստանալու միջնորդագիրը,

2) ապահովագրական բրոքերային ընկերության իրավասու մարմնի որոշումը կամ արձանագրությունից քաղվածք՝ մասնաճյուղ կամ ներկայացուցչություն բացելու համար,

3) մասնաճյուղ կամ ներկայացուցչություն բացելու հիմնավորումը,

4) մասնաճյուղի կանոնադրությունը (3 օրինակ),

5) մասնաճյուղի պատասխանատու անձանց գործունեության վերաբերյալ տեղեկանք (միջնորդագրի տեսքով)՝ համաձայն հավելված 3-ի, պատասխանատու անձանց վավերացված ստորագրությունների նմուշները,

6) ապահովագրական բրոքերային ընկերության իրավասու մարմնի որոշումը կամ արձանագրությունից քաղվածք՝ մասնաճյուղի պատասխանատու անձանց ընտրելու կամ նշանակելու մասին,

7) միայն Հայաստանի Հանրապետությունում մասնաճյուղ կամ ներկայացուցչություն ստեղծելու դեպքում` մասնաճյուղի կամ ներկայացուցչության տարածքի սեփականության, վարձակալության (ենթավարձակալության) կամ անհատույց օգտագործման իրավունքի պետական գրանցման վկայականի պատճենը: Ենթավարձակալության դեպքում անհրաժեշտ է ներկայացնել նաև հիմնական վարձակալության պայմանագրի պատճենը,

8) եթե դիմումատուն հանդես է գալիս լիազոր ներկայացուցչի միջոցով, ապա ներկայացվում է նաև դիմումատուի կողմից պատշաճ կարգով նրան տրված լիազորագիրը:

(96-րդ կետը լրաց. 22.09.09 թիվ 278-Ն)

97. Կենտորնական բանկը որոշում է ընդունում ապահովագրական բրոքերային ընկերության՝ Հայաստանի Հանրապետությունում կամ օտարերկրյա պետությունում մասնաճյուղ և ներկայացուցչություն ստեղծմանը թույլտվություն տալու մասին, եթե ներկայացված փաստաթղթերը և տեղեկությունները համապատասխանում են սույն կանոնակարգին, այլ օրենքներին և իրավական ակտերին, նրանցում ներկայացված տեղեկությունները ստույգ են ու արժանահավատ, և առկա չեն ապահովագրական բրոքերային ընկերությանը Հայաստանի Հանրապետությունում կամ օտարերկրյա պետությունում մասնաճյուղի և ներկայացուցչության ստեղծմանը թույտվություն տալու՝ սույն կանոնակարգով կամ Կենտրոնական բանկի նորմատիվ իրավական ակտերով սահմանված մերժման հիմքերը:

98. Կենտրոնական բանկի նախագահը մերժում է ապահովագրական բրոքերային ընկերության՝ Հայաստանի Հանրապետությունում կամ օտարերկրյա պետությունում մասնաճյուղի և ներկայացուցչության ստեղծման թույլտվությունը, եթե՝

1) ներկայացվել են կեղծ կամ թերի փաստաթղթեր կամ ներկայացված փաստաթղթերում արտացոլվել են անարժանահավատ կամ կեղծ տվյալներ, և (կամ)

2) Հայաստանի Հանրապետության տարածքից դուրս մասնաճյուղ ստեղծելու դեպքում Կենտրոնական բանկի հիմնավորված կարծիքով օտարերկրյա պետությունում ապահովագրական հատվածի վերահսկողության համար պատասխանատու մարմինը պատշաճ և միջազգային չափանիշներին համապատասխան վերահսկողություն չի իրականացնում տվյալ պետությունում գրանցված ապահովագրական բրոքերային ընկերության մասնաճյուղի գործունեության նկատմամբ, կամ տվյալ պետությունը Կենտրոնական բանկին հնարավորություն չի ընձեռում վերստուգել կամ պատշաճ վերահսկողություն իրականացնել ստեղծվելիք մասնաճյուղի նկատմամբ, և (կամ)

3) Հայաստանի Հանրապետության տարածքից դուրս մասնաճյուղ կամ ներկայացուցչություն ստեղծելու դեպքում ապահովագրական բրոքերային ընկերությունը չի հիմնավորում տվյալ երկրում մասնաճյուղ կամ ներկայացուցչություն ստեղծելու անհրաժեշտությունը կամ Կենտրոնական բանկի հիմնավորված կարծիքով՝ ծրագրավորում է շրջանառել հանցավոր ճանապարհով ձեռք բերված միջոցներ կամ օժանդակել դրանց շրջանառմանը:

(98-րդ կետը փոփ. 01.07.08 թիվ 188-Ն)

99. Կենտրոնական բանկը, Կենտրոնական բանկի նախագահի որոշմամբ տալիս է ապահովագրական բրոքերային ընկերության՝ Հայաստանի Հանրապետությունում և օտարերկրյա պետությունում մասնաճյուղի և ներկայացուցչության ստեղծելու թույյտվությունը կամ մերժում է միջնորդագիրը այն Կենտրոնական բանկ ներկայացնելու պահից 30-օրյա ժամկետում: 30-օրյա ժամկետը կարող է կասեցվել է ոչ ավելի, քան 30 օրով՝ Կենտրոնական բանկի կողմից պահանջվող որոշակի տեղեկություններ ստանալու համար:

(99-րդ կետը փոփ. 01.07.08 թիվ 188-Ն)

100. Եթե նշված ժամկետում Կենտրոնական բանկը որոշում չի կայացնում ապահովագրական բրոքերային ընկերության՝ Հայաստանի Հանրապետությունում և օտարերկրյա պետությունում մասնաճյուղի և ներկայացուցչության թույլտվության տրամադրման վերաբերյալ, ապա թույլտվությունը համարվում է տրված:

101. Ապահովագրական բրոքերային ընկերությունը համապատասխան երկրի օրենսդրությամբ սահմանված կարգով այլ երկրում մասնաճյուղ կամ ներկայացուցչություն գրանցելուց (լիցենզավորելուց, արտոնագրելուց) հետո պարտավոր է 10-օրյա ժամկետում հաշվառել այն Կենտրոնական բանկում՝ ներկայացնելով գրանցման (լիցենզավորման, արտոնագրման) փաստը վկայող փաստաթուղթ:

102. Կենտրոնական բանկը ապահովագրական բրոքերային ընկերության՝ Հայաստանի Հանրապետության տարածքից դուրս մասնաճյուղի և ներկայացուցչության հաշվառումից հետո հնգօրյա ժամկետում այդ մասին ծանուցում է իրավաբանական անձանց գրանցումն իրականացնող պետական լիազորված մարմնին՝ վերջինիս կողմից ապահովագրական բրոքերային ընկերության մասնաճյուղի կամ ներկայացուցչության գրանցման մասին համապատասխան գրառում կատարելու համար:

Բ Ա Ժ Ի Ն VI

ԱՊԱՀՈՎԱԳՐԱԿԱՆ ԳՈՐԾԱԿԱԼԻ ՀԱՇՎԱՌՈՒՄ

Գ Լ ՈՒ Խ 23

ԱՊԱՀՈՎԱԳՐԱԿԱՆ ԳՈՐԾԱԿԱԼԻ ՀԱՇՎԱՌՈՒՄԸ

103. Ապահովագրական գործակալների ռեգիստրում հաշվառվելու կամ ռեգիստրում առկա տեղեկատվությունը փոփոխելու համար անձը կամ ապահովագրական գործակալը Կենտրոնական բանկ է ներկայացնում հետևյալ փաստաթղթերը.

1) իրավաբանական անձ դիմումատուի համար՝

ա. «Ապահովագրության և ապահովագրական գործունեության մասին» Հայաստանի Հանրապետության օրենքի 103-րդ հոդվածի 1-ին մասի 1-ին կետով սահմանված փաստաթղթերը (բացառությամբ 1-ին մասի 1-ին կետի «ե» ենթակետի): Հաշվառման դիմումը ներկայացվում է համաձայն հավելված 2ե-ի,

բ. (պարբերությունն ուժը կորցրել է 01.07.08 թիվ 188-Ն)

գ. եթե դիմումատուն հանդես է գալիս լիազոր ներկայացուցչի միջոցով, ապա ներկայացվում է նաև պատշաճ կարգով տրված լիազորագիրը,

դ. լիազոր մարմնի կողմից տրված հարկ վճարողի հաշվառման վկայականի պատճենը,

դ. փաստաթուղթ ապահովագրական գործակալի գործառնություններ իրականացնող ֆիզիկական անձանց կողմից ապահովագրության մասին դասընթացի ավարտման վերաբերյալ կամ ապահովագրական ընկերության (որի հետ աշխատելու է իրավաբանական անձ գործակալը) պատշաճ ձևով տրված հայտարարություն այն մասին, որ գործակալի գործառույթներ իրականացնող անձինք բավարարում են գիտելիքների հետևյալ պահանջներին.

1. ապահովագրության հիմնական սկզբունքների իմացություն,

2. ապահովագրության այն դասի կամ ենթադասի բնույթի իմացություն, որի գծով իրականացվում է միջնորդությունը,

3. ապահովագրության պայմանագրերի կնքման գործընթացի իմացություն,

4. ապահովագրության պայմանագրի պայմանների իմացություն՝ ներառյալ ապահովագրական պատահարների, պայմանագրին վերաբերող սահմանափակումների և բացառությունների,

5. ապահովագրական ծածկույթի որոշման սկզբունքների իմացություն,

6. ապահովագրավճարի վրա ազդող գործոնների իմացություն,

7. ապահովագրական պատահարի տեղի ունենալու դեպքում ապահովագրական հատուցման վճարման սկզբունքների իմացություն,

8. ապահովագրության պայմանագրերը կարգավորող օրենսդրության իմացություն,

2) անհատ ձեռնարկատեր հայտատուի համար՝

ա. «Ապահովագրության և ապահովագրական գործունեության մասին» Հայաստանի Հանրապետության օրենքի 103-րդ հոդվածի 1-ին մասի 2-րդ կետով սահմանված փաստաթղթերը (բացառությամբ 1-ին մասի 2-րդ կետի «դ» ենթակետի): Հաշվառման դիմումը ներկայացվում է համաձայն հավելված 2ե-ի,

բ. փաստաթուղթ ապահովագրական գործակալի գործառնություններ իրականացնող անհատ ձեռնարկատիրոջ կողմից ապահովագրության մասին դասընթացի ավարտման վերաբերյալ կամ ապահովագրական ընկերության (որի հետ աշխատելու է գործակալը) պատշաճ ձևով տրված հայտարարություն այն մասին, որ գործակալը բավարարում է գիտելիքների հետևյալ պահանջներին՝

- ապահովագրության հիմնական սկզբունքների իմացություն,

- ապահովագրության այն դասի կամ ենթադասի բնույթի իմացություն, որի գծով իրականացվում է միջնորդությունը,

- ապահովագրության պայմանագրերի կնքման գործընթացի իմացություն,

- ապահովագրության պայմանագրի պայմանների իմացություն՝ ներառյալ ապահովագրական պատահարների, պայմանագրին վերաբերող սահմանափակումների և բացառությունների,

- ապահովագրական ծածկույթի որոշման սկզբունքների իմացություն,

- ապահովագրավճարի վրա ազդող գործոնների իմացություն,

- ապահովագրական պատահարի տեղի ունենալու դեպքում ապահովագրական հատուցման վճարման սկզբունքների իմացություն,

- ապահովագրության պայմանագրերը կարգավորող օրենսդրության իմացություն.

դ. անձնագրի պատճենը, սոցիալական քարտի պատճենը, իսկ սոցիալական քարտ ստանալուց հրաժարվելու դեպքում՝ սոցիալական քարտ ստանալուց հրաժարվելու մասին տեղեկանքի պատճենը,

2.1) ֆիզիկական անձ հայտատուի համար՝

ա. հաշվառման դիմում՝ համաձայն հավելված 2 ե-ի,

բ. փաստաթուղթ ապահովագրական գործակալի գործառնություններ իրականացնող ֆիզիկական անձի կողմից ապահովագրության մասին դասընթացի ավարտման վերաբերյալ կամ ապահովագրական ընկերության (որի հետ աշխատելու է գործակալը) պատշաճ ձևով տրված հայտարարություն այն մասին, որ գործակալը բավարարում է գիտելիքների հետևյալ պահանջներին՝

1. ապահովագրության հիմնական սկզբունքների իմացություն,

2. ապահովագրության այն դասի կամ ենթադասի բնույթի իմացություն, որի գծով իրականացվում է միջնորդությունը,

3. ապահովագրության պայմանագրերի կնքման գործընթացի իմացություն,

5. ապահովագրական ծածկույթի որոշման սկզբունքների իմացություն,

6. ապահովագրավճարի վրա ազդող գործոնների իմացություն,

7. ապահովագրական պատահարի տեղի ունենալու դեպքում ապահովագրական հատուցման վճարման սկզբունքների իմացություն,

8. ապահովագրության պայմանագրերը կարգավորող օրենսդրության իմացություն.

դ. անձնագրի պատճենը, սոցիալական քարտի պատճենը, սոցիալական քարտ ստանալուց հրաժարվելու դեպքում՝ սոցիալական քարտ ստանալուց հրաժարվելու մասին տեղեկանքի պատճենը,

դ. ապահովագրական ընկերության հետ գործակալի գործառնություններ իրականացնելու պայմանագրի պատճենը, որում պետք է նշված լինեն, թե «Ապահովագրության և ապահովագրական գործունեության մասին» Հայաստանի Հանրապետության օրենքի 3-րդ հոդվածի 12-րդ կետով սահմանված որ գործառնություններն են թույլատրված գործակալին, որ ապահովագրության դասի գծով, իսկ 12-րդ կետի «գ» ենթակետով սահմանված գործառնության դեպքում` նաև գործակալին ապահովագրավճարների հավաքագրման և հատուցումների փոխանցման իրականացման՝ ապահովագրական ընկերության կողմից թույլատրված չափերը,

ե. «Ապահովագրության և ապահովագրական գործունեության մասին» Հայաստանի Հանրապետության օրենքի 90-րդ հոդվածի 3-րդ մասի 2-րդ, 3-րդ, 4-րդ, 5-րդ, 6-րդ կետերով սահմանված հիմքերի բացակայության մասին հայտարարությունը:

3) Ապահովագրական գործակալը (ֆիզիկական և իրավաբանական անձ, անհատ ձեռնարկատեր) սույն կանոնակարգի 103-րդ կետի 1-ին և 2-րդ ենթակետերում նշված փաստաթղթերի հետ միասին Կենտրոնական բանկ է ներկայացնում ապահովագրական ընկերության (որի հետ աշխատելու է գործակալը) կողմից պատշաճ ձևով տրված փաստաթուղթն այն մասին, որ ապահովագրական գործակալի մասնագիտական անփութության հետևանքով պատճառված վնասի հատուցումն ապահովելու պատասխանատվությունը ստանձնել է տվյալ ապահովագրական ընկերությունը: Ապահովագրական ընկերության կողմից ապահովագրական գործակալի մասնագիտական անփութության հետևանքով պատճառված վնասի հատուցումն ապահովելու պատասխանատվությունը չստանձնելու դեպքում ապահովագրական գործակալների ռեգիստրում հաշվառվելու պահից 10 օրվա ընթացքում ներկայացվում է սույն կանոնակարգի 112-րդ կետով սահմանված մասնագիտական անփութության հետևանքով պատճառված վնասի հատուցումն ապահովելու պատասխանատվությունը հավաստող փաստաթղթի պատճենը:

(103-րդ կետը փոփ., լրաց. 01.07.08 թիվ 188-Ն, լրաց., փոփ. 30.10.07 թիվ 281-Ն, լրաց. 29.11.10 թիվ 315-Ն)

104. Կենտրոնական բանկը կարող է պահանջել լրացուցիչ տեղեկություններ, որոնք անհրաժեշտ են սույն կանոնակարգի 103-րդ կետում նշված տեղեկատվության հավաստիությունը գնահատելու համար:

104.1 Կենտրոնական բանկի կողմից վերահսկվող անձինք օրենքով սահմանված կարգով ապահովագրական գործակալ հաշվառվելու համար կարող են չներկայացնել այն փաստաթղթերը և (կամ) տեղեկությունները, որոնք նախկինում ներկայացվել են Կենտրոնական բանկ:

(104.1 կետը լրաց. 01.07.08 թիվ 188-Ն, փոփ. 29.11.10 թիվ 315-Ն)

105. Կենտրոնական բանկի նախագահը ապահովագրական գործակալների ռեգիստրում ապահովագրական գործակալի հաշվառման մասին որոշումը կայացնելու պահից երեք աշխատանքային օրվա ընթացքում ապահովագրական գործակալին հանձնում է հաշվառման վկայական՝ հավելված 7դ-ի:

(105-րդ կետը փոփ. 01.07.08 թիվ 188-Ն)

Գ Լ ՈՒ Խ 24

ԱՊԱՀՈՎԱԳՐԱԿԱՆ ԳՈՐԾԱԿԱԼԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԿԱՄ ՕՏԱՐԵՐԿՐՅԱ ՊԵՏՈՒԹՅՈՒՆՈՒՄ ՄԱՍՆԱՃՅՈՒՂ ԵՎ ՆԵՐԿԱՅԱՑՈՒՑՉՈՒԹՅՈՒՆ ՍՏԵՂԾԵԼՈՒ ԹՈՒՅԼՏՎՈՒԹՅՈՒՆ ՍՏԱՆԱԼԸ

106. Հայաստանի Հանրապետության տարածքում գործող ապահովագրական գործակալը Հայաստանի Հանրապետությունում կամ օտարերկրյա պետությունում մասնաճյուղ և ներկայացուցչություն ստեղծելիս Կենտրոնական բանկի թույլտվությունն ստանալու համար Կենտրոնական բանկ է ներկայացնում հետևյալ փաստաթղթերը՝

1) ապահովագրական գործակալի մասնաճյուղ կամ ներկայացուցչություն ստեղծելու թույլտվություն ստանալու միջնորդագիրը,

2) ապահովագրական գործակալի իրավասու մարմնի որոշումը կամ արձանագրությունից քաղվածք՝ մասնաճյուղ կամ ներկայացուցչություն բացելու համար,

3) մասնաճյուղի պատասխանատու անձանց ցանկը, որը ներառում է նաև նրանց վերաբերյալ տվյալներ, պատասխանատու անձանց վավերացված ստորագրությունների նմուշները,

4) եթե դիմումատուն հանդես է գալիս լիազոր ներկայացուցչի միջոցով, ապա ներկայացվում է նաև դիմումատուի կողմից պատշաճ կարգով նրան տրված լիազորագիրը:

107. Կենտորնական բանկի նախագահը որոշում է ընդունում ապահովագրական գործակալի՝ Հայաստանի Հանրապետությունում կամ օտարերկրյա պետությունում մասնաճյուղ և (կամ) ներկայացուցչություն ստեղծմանը թույլտվություն տալու մասին, եթե ներկայացված փաստաթղթերը և տեղեկությունները համապատասխանում են սույն կանոնակարգին, այլ օրենքներին և իրավական ակտերին, նրանցում ներկայացված տեղեկությունները ստույգ են ու արժանահավատ, և առկա չեն ապահովագրական գործակալի՝ Հայաստանի Հանրապետությունում կամ օտարերկրյա պետությունում մասնաճյուղի և (կամ) ներկայացուցչության ստեղծմանը համաձայնություն տալու՝ սույն կանոնակարգով կամ Կենտրոնական բանկի նորմատիվ իրավական ակտերով սահմանված մերժման հիմքերը:

(107-րդ կետը փոփ. 01.07.08 թիվ 188-Ն)

108. Կենտրոնական բանկի նախագահը մերժում է ապահովագրական գործակալի՝ Հայաստանի Հանրապետությունում կամ օտարերկրյա պետությունում մասնաճյուղի և ներկայացուցչության ստեղծման թույլտվությունը, եթե՝

2) Հայաստանի Հանրապետության տարածքից դուրս մասնաճյուղ կամ ներկայացուցչություն ստեղծելու դեպքում Կենտրոնական բանկի հիմնավորված կարծիքով՝ օտարերկրյա պետությունում ապահովագրական հատվածի վերահսկողության համար պատասխանատու մարմինը պատշաճ և միջազգային չափանիշներին համապատասխան վերահսկողություն չի իրականացնում տվյալ պետությունում գրանցված ապահովագրական գործակալի մասնաճյուղի գործունեության նկատմամբ, կամ տվյալ պետությունը Կենտրոնական բանկին հնարավորություն չի ընձեռում վերստուգել կամ պատշաճ վերահսկողություն իրականացնել ստեղծվելիք մասնաճյուղի կամ ներկայացուցչության նկատմամբ, և (կամ)

3) Հայաստանի Հանրապետության տարածքից դուրս մասնաճյուղ կամ ներկայացուցչություն ստեղծելու դեպքում ապահովագրական գործակալը Կենտրոնական բանկի հիմնավորված կարծիքով՝ ծրագրավորում է շրջանառել հանցավոր ճանապարհով ձեռք բերված միջոցներ կամ օժանդակել դրանց շրջանառմանը:

(108-րդ կետը փոփ. 01.07.08 թիվ 188-Ն)

109. Կենտրոնական բանկի նախագահը տալիս է ապահովագրական գործակալի՝ Հայաստանի Հանրապետությունում և օտարերկրյա պետությունում մասնաճյուղի և (կամ) ներկայացուցչության ստեղծելու թույլտվությունը կամ մերժում է միջնորդագիրը այն Կենտրոնական բանկ ներկայացնելու պահից 30-օրյա ժամկետում:

(109-րդ կետը փոփ. 01.07.08 թիվ 188-Ն)

110. Եթե նշված ժամկետում Կենտրոնական բանկը որոշում չի ընդունում ապահովագրական գործակալի՝ Հայաստանի Հանրապետությունում և օտարերկրյա պետությունում մասնաճյուղի և ներկայացուցչության ստեղծման թույլտվության տրամադրման վերաբերյալ, ապա թույլտվությունը համարվում է տրված:

111. Ապահովագրական գործակալը համապատասխան երկրի օրենսդրությամբ սահմանված կարգով այլ երկրում մասնաճյուղ կամ ներկայացուցչություն գրանցելուց (լիցենզավորելուց, արտոնագրելուց) հետո 10-օրյա ժամկետում հաշվառում է այն Կենտրոնական բանկում՝ ներկայացնելով գրանցման (լիցենզավորման, արտոնագրման) փաստը վկայող փաստաթուղթ:

Բ Ա Ժ Ի Ն VII

ԱՊԱՀՈՎԱԳՐԱԿԱՆ ՄԻՋՆՈՐԴԻ ՆԿԱՏՄԱՄԲ ՊԱՀԱՆՋՆԵՐ

Գ Լ ՈՒ Խ 25

ԱՊԱՀՈՎԱԳՐԱԿԱՆ ՄԻՋՆՈՐԴԻ ԱՊԱՀՈՎԱԳՐԱԿԱՆ ՊԱՏԱՍԽԱՆԱՏՎՈՒԹՅԱՆ ՉԱՓԸ

112. «Ապահովագրության և ապահովագրական գործունեության մասին» Հայաստանի Հանրապետության օրենքի 90-րդ հոդվածի 5-րդ մասով սահմանված ապահովագրական միջնորդի մասնագիտական անփութության հետևանքով պատճառված վնասի հատուցումն ապահովելու համար պատասխանատվության ապահովագրության պայմանագիրը պետք է ունենա առնվազն 100 միլիոն դրամ ապահովագրական ծածկույթ (գումար) մեկ տարվա համար բոլոր ապահովագրական պատահարների համար՝ ապահովագրական բրոքերային ընկերության համար, 2 միլիոն դրամ` իրավաբանական անձ ապահովագրական գործակալի համար, 1 միլիոն դրամ` ֆիզիկական անձ կամ անհատ ձեռնարկատեր գործակալի համար: Ընդ որում, մասնագիտական պատասխանատվության պայմանագիրը չպետք է ունենա մեկ ապահովագրական պատահարի գծով ապահովագրական գումարի, ինչպես նաև աշխարհագրական սահմանափակում:

(112 կետը լրաց. 29.11.10 թիվ 315-Ն)

113. Սույն կանոնակարգի 112-րդ կետի դրույթները չեն տարածվում այն ապահովագրական գործակալների վրա, որոնց մասնագիտական անփութության հետևանքով պատճառված վնասի հատուցումն ապահովելու պատասխանատվությունը ստանձնել է այն ապահովագական ընկերությունը, ում անունից հանդես է գալիս ապահովագրական գործակալը:

114. Սույն կանոնակարգի 112-րդ կետում նշված մասնագիտական անփութության հետևանքով պատճառված վնասի հատուցումն ապահովելու համար պատասխանատվության ապահովագրության պայմանագիրը կարող է փոխարինվել այլ անձի կողմից տրված նույն չափի երաշխիքի պայմանագրով:

Գ Լ ՈՒ Խ 26

ԱՊԱՀՈՎԱԳՐԱԿԱՆ ԳՈՐԾԱԿԱԼ ՀԱՄԱՐԵԼՈՒ ՀԱՄԱՐ ՏԱՐԵԿԱՆ ԱՊԱՀՈՎԱԳՐԱՎՃԱՐՆԵՐԻ ԳՈՒՄԱՐԸ

115. «Ապահովագրության և ապահովագրական գործունեության մասին» Հայաստանի Հանրապետության օրենքի 88-րդ հոդվածի 3-րդ մասի 3-րդ կետով սահմանված ապահովագրության մեկ պայմանագրով նախատեսված ապահովագրավճարների տարեկան գումարը սահմանվում է 10 հազար դրամ, իսկ բոլոր ապահովագրության պայմանագրերով նախատեսված ապահովագրավճարների տարեկան գումարը սահմանվում է 500 հազար դրամ:

(115-րդ կետը լրաց. 01.07.08 թիվ 188-Ն)

Բ Ա Ժ Ի Ն VIII

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՂԵԿԱՎԱՐՆԵՐԻՆ, ԱՊԱՀՈՎԱԳՐԱԿԱՆ ԲՐՈՔԵՐԻ ՊԱՏԱՍԽԱՆԱՏՈՒ ԱՆՁԱՆՑ ՆԵՐԿԱՅԱՑՎՈՂ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ԵՎ ՈՐԱԿԱՎՈՐՄԱՆ ՉԱՓԱՆԻՇՆԵՐԸ, ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՍՏՈՒԳՄԱՆ ԵՎ ՈՐԱԿԱՎՈՐՄԱՆ ԿԱՐԳԸ

Գ Լ ՈՒ Խ 27

ԸՆԴՀԱՆՈՒՐ ԴՐՈՒՅԹՆԵՐ

116. Սույն բաժնով կարգավորվում են «Ապահովագրության և ապահովագրական գործունեության մասին» Հայաստանի Հանրապետության օրենքով սահմանված ապահովագրական ընկերության ղեկավարների, ապահովագրական բրոքերի պատասխանատու անձանց մասնագիտական համապատասխանության չափանիշները, մասնագիտական որակավորման ստուգման և ղեկավարների ու պատասխանատու անձանց՝ Կենտրոնական բանկում գրանցման գործընթացը:

117. «Ապահովագրության և ապահովագրական գործունեության մասին» Հայաստանի Հանրապետության օրենքի 21-րդ հոդվածի 2-րդ մասով սահմանված ապահովագրական ընկերության ղեկավարը և 90-րդ հոդվածի 1-ին և 2-րդ մասերով սահմանված ապահովագրական միջնորդի պատասխանատու անձը, բացառությամբ կառուցվածքային ստորաբաժանումների (դեպարտամենտի, վարչության, բաժնի, խմբի կամ այլ միավորի) ղեկավարների, մասնաճյուղի տնօրենի տեղակալի, մասնաճյուղի գլխավոր հաշվապահի տեղակալի, ապահովագրական ընկերության ներկայացուցչության տնօրենի և գլխավոր հաշվապահի, ապահովագրական գործակալի խորհրդի այն անդամի և գործադիր մարմնի կամ դրան համարժեք այլ մարմնի անդամի, որոնք պատասխանատու են ապահովագրական գործակալի գործառույթների համար, ապահովագրական գործակալի գործառնություններ իրականացնող ֆիզիկական անձի, պետք է ունենան սույն կանոնակարգով սահմանված կարգով ստացած որակավորում:

(117-րդ կետը լրաց. 01.07.08 թիվ 188-Ն, խմբ. 01.12.09 թիվ 360-Ն)

117.1 Թեկնածուների` սույն կանոնակարգով սահմանված որակավորման և մասնագիտական համապատասխանության քննությունը (բացառությամբ` սույն կանոնակարգի 122-րդ կետով սահմանված դեպքերի) անցկացվում է Կենտրոնական բանկի թեստավորման ծառայության կողմից կամ Կենտրոնական բանկի նախագահի որոշմամբ` այլ կազմակերպության կողմից: Կենտրոնական բանկի նախագահի որոշմամբ քննություններն այլ կազմակերպությունների կողմից անցկացվելու դեպքում քննության թեստերի կազմման, դրանցում փոփոխությունների և լրացումների կատարման, քննություններին մասնակցելու համար թեկնածուների հերթագրման, փաստաթղթերի ընդունման, քննությունների անցկացման, քննության արդյունքների ամփոփման, բողոքարկման, ինչպես նաև անհրաժեշտ փաստաթղթերը Կենտրոնական բանկ ներկայացնելու կարգը սահմանվում է տվյալ կազմակերպության կողմից՝ համաձայնեցնելով Կենտրոնական բանկի հետ:

(117.1 կետը լրաց. 01.12.09 թիվ 360-Ն)

118. Սույն կանոնակարգի 117-րդ կետով սահմանված ապահովագրական ընկերության որակավորված ղեկավարները և ապահովագրական բրոքերային ընկերության պատասխանատու անձինք համապատասխան պաշտոնում աշխատելու համար ապահովագրական ընկերության կամ ապահովագրական բրոքերային ընկերության միջնորդությամբ գրանցվում են Կենտրոնական բանկում` սույն կանոնակարգի գլուխ 37-ով սահմանված կարգով:

(118-րդ կետը խմբ. 01.07.08 թիվ 188-Ն, փոփ. 01.12.09 թիվ 360-Ն)

119. Ղեկավարի թեկնածուի (բացառությամբ ապահովագրական ընկերության խորհրդի նախագահի և խորհրդի անդամների) գրանցման համար հանձնաժողովը անցկացնում է բանավոր հարցազրույց, որի արդյունքներով, սույն կանոնակարգի համաձայն, գրանցում կամ մերժում է թեկնածուի գրանցումը: Ապահովագրական ընկերության խորհրդի նախագահի և խորհրդի անդամների գրանցումն իրականացվում է սույն կանոնակարգի 165-րդ կետի համաձայն:

(119-րդ կետը խմբ. 01.12.09 թիվ 360-Ն)

120. «Ապահովագրության և ապահովագրական գործունեության մասին» Հայաստանի Հանրապետության օրենքի 21-րդ հոդվածի 3-րդ մասով սահմանված ղեկավար ճանաչելու հիմքերը սահմանվում են սույն կանոնակարգի գլուխ 41-ով: «Ապահովագրության և ապահովագրական գործունեության մասին» Հայաստանի Հանրապետության օրենքի 23-րդ հոդվածի 1-ի մասի 5-րդ կետի և 90-րդ հոդվածի 2-րդ մասի 5-րդ կետի պահանջներին համապատասխանությունը ստուգվում է համաձայն սույն կանոնակարգի գլուխ 42-ի, իսկ 23-րդ հոդվածի 1-ին մասի 1-ին կետում նշված մասնագիտական համապատասխանության չափանիշները սահմանվում են գլուխ 38-ով:

Գ Լ ՈՒ Խ 28

ՈՐԱԿԱՎՈՐՄԱՆ ՍՏՈՒԳՄԱՆ ՁԵՎԸ

121. Ղեկավարի թեկնածուները (բացառությամբ ապահովագրական ընկերության խորհրդի նախագահի և խորհրդի անդամների) որակավորման և մասնագիտական համապատասխանության ստուգման նպատակով հանձնում են գրավոր քննություն Կենտրոնական բանկում (այսուհետ` քննություն):

(121-րդ կետը խմբ. 01.12.09 թիվ 360-Ն)

122. Ապահովագրական ընկերության խորհրդի նախագահը, խորհրդի անդամները որակավորման և մասնագիտական համապատասխանության ստուգման համար անցնում են հարցազրույց Կենտրոնական բանկի խորհրդի նիստում` բացառությամբ այն դեպքերի, երբ նման հարցազրույցի անցկացումը Կենտրոնական բանկի խորհուրդն անհրաժեշտ չի համարում: Կենտրոնական բանկը կարող է հարցազրույցի չհրավիրել խորհրդի այն անդամներին և նախագահին, որոնց մասնագիտական գիտելիքները, աշխատանքային փորձը, հեղինակությունը և համբավը Կենտրոնական բանկի խորհրդի կարծիքով բավարար են ապահովագրական ընկերության խորհրդի անդամներին և նախագահին առանց հարցազրույցի անցկացման գրանցելու համար: Հարցազրույցի ժամանակ ստուգվում են թեկնածուի գիտելիքները սույն կանոնակարգի 186-րդ կետով սահմանված՝ ապահովագրական ընկերության խորհրդի նախագահին և խորհրդի անդամներին վերաբերող թեմաների շրջանակներում: Հարցազրույցի արդյունքներով Կենտրոնական բանկի խորհուրդն ընդունում է որոշում՝ Կենտրոնական բանկի սահմանած չափանիշներին ապահովագրական ընկերության խորհրդի նախագահի կամ անդամի համապատասխանության կամ անհամապատասխանության վերաբերյալ: Կենտրոնական բանկի սահմանած չափանիշներին բանկի խորհրդի նախագահի կամ խորհրդի անդամի համապատասխանության վերաբերյալ Կենտրոնական բանկի խորհրդի որոշման ընդունման դեպքում բանկի խորհրդի նախագահը կամ խորհրդի անդամը համարվում են որակավորում ստացած:

(122-րդ կետը փոփ. 01.07.08 թիվ 188-Ն, խմբ. 01.12.09 թիվ 360-Ն)

123. (123-րդ կետն ուժը կորցրել է 01.12.09 թիվ 360-Ն)

124. (124-րդ կետն ուժը կորցրել է 01.12.09 թիվ 360-Ն)

125. (125-րդ կետն ուժը կորցրել է 01.07.08 թիվ 188-Ն)

Գ Լ ՈՒ Խ 29

ՈՐԱԿԱՎՈՐՄԱՆ ՍՏՈՒԳՄԱՆԸ ՄԱՍՆԱԿՑԵԼՈՒ ԿԱՐԳԸ
(Վերնագիրը խմբ. 01.12.09 թիվ 360-Ն)

126. Թեկնածուները (բացառությամբ ապահովագրական ընկերության խորհրդի նախագահի և խորհրդի անդամների) քննությանը մասնակցելու համար պետք է նախապես հերթագրվեն: Թեկնածուները քննությանը մասնակցելու համար կարող են հերթագրվել Կենտրոնական բանկի ինտերնետային կայքի համապատասխան էջում տվյալներ մուտքագրելով կամ հեռախոսով:

(126-րդ կետը փոփ. 01.07.08 թիվ 188-Ն, խմբ. 01.12.09 թիվ 360-Ն)

126.1 Հերթագրվելու նպատակով յուրաքանչյուր եռամսյակի համար սահմանվում են քննության ստույգ օրեր, որի մասին տեղեկությունները հրապարակվում են Կենտրոնական բանկի ինտերնետային կայքում՝ մինչև տվյալ եռամսյակի առաջին ամսվան նախորդող ամսվա 10-ը:

(126.1 կետը լրաց. 01.12.09 թիվ 360-Ն)

126.2 Թեկնածուները Կենտրոնական բանկի ինտերնետային կայքում տեղադրված հեռախոսահամարով կարող են հերթագրվել ցանկացած օր և ցանկացած ժամի` թողնելով համապատասխան հաղորդագրություն ստորև նշված տեղեկությունների վերաբերյալ.

1) անուն, ազգանուն,

2) որակավորման տեսակ,

3) քննությանը մասնակցելու ամիս, օր, ժամ` ըստ հրապարակված ցանկի (ցանկության դեպքում),

4) հեռախոսահամար,

5) տեղեկություն Հավաստագրի առկայության մասին (պատասխանատու ակտուարի թեկնածուների դեպքում):

(126.2 կետը լրաց. 01.12.09 թիվ 360-Ն)

126.3 Կենտրոնական բանկի ինտերնետային կայքի համապատասխան էջում տվյալներ մուտքագրելու միջոցով հերթագրվելու դեպքում թեկնածուները բացի սույն կանոնակարգի 126.2-րդ կետում նշված տվյալներից պետք է հայտնեն նաև անձնագրի կամ անձը հաստատող այլ փաստաթղթի և էլեկտրոնային փոստի (առկայության դեպքում) վերաբերյալ տեղեկատվություն:

(126.3 կետը լրաց. 01.12.09 թիվ 360-Ն)

126.4 Թեկնածուի կողմից նշված օրը և (կամ) ժամին քննության անցկացման անհնարինության դեպքում կամ թեկնածուի կողմից քննությանը մասնակցելու օր և (կամ) ժամ չնշելու դեպքում թեստավորման ծառայության աշխատակիցը թեկնածուի` Կենտրոնական բանկում հերթագրվելու օրվան հաջորդող երեք աշխատանքային օրվա ընթացքում ծանուցում է նրան քննության անցկացման հնարավոր առաջիկա օրվա և (կամ) ժամի մասին:

(126.4 կետը լրաց. 01.12.09 թիվ 360-Ն)

126.5 Թեկնածուները քննությանը մասնակցում են՝ քննության օրը ներկայացնելով հետևյալ փաստաթղթերը.

1) անձնագիր կամ անձը հաստատող այլ փաստաթուղթ և դրա պատճենը,

2) պետական տուրքի վճարումը հավաստող փաստաթղթի պատճենը,

3) Հավաստագրի պատճենը (Հավաստագիր ունեցող պատասխանատու ակտուարի թեկնածուների համար):

(126.5 կետը լրաց. 01.12.09 թիվ 360-Ն)

126.7 Ապահովագրական ընկերության խորհրդի նախագահի, խորհրդի անդամների թեկնածուները որակավորման և մասնագիտական համապատասխանության ստուգման համար հարցազրույցին մասնակցելու համար ապահովագրական ընկերության միջնորդությամբ Կենտրոնական բանկ են ներկայացնում սույն կանոնակարգի 164-րդ կետով սահմանված փաստաթղթերը:

(126.7 կետը լրաց. 01.12.09 թիվ 360-Ն)

126.8 Կենտրոնական բանկը ապահովագրական ընկերության խորհրդի նախագահի, խորհրդի անդամների որակավորման և մասնագիտական համապատասխանության ստուգման համար հարցազրույցն անցկացնում է պահանջվող փաստաթղթերը ստանալու օրվանից 15 աշխատանքային օրվա ընթացքում` հարցազրույցի անցկացման օրվանից առնվազն 1 օր առաջ թեկանածուին տեղեկացնելով հարցազրույցի անցկացման օրվա վերաբերյալ:

(126.8 կետը լրաց. 01.12.09 թիվ 360-Ն)

127. (127-րդ կետն ուժը կորցրել է 01.12.09 թիվ 360-Ն)

Գ Լ ՈՒ Խ 30

ՈՐԱԿԱՎՈՐՄԱՆ ՍՏՈՒԳՄԱՆԸ ՄԱՍՆԱԿՑԵԼՈՒ ԹՈՒՅԼՏՎՈՒԹՅՈՒՆԸ

(Գլուխն ուժը կորցրել է 01.12.09 թիվ 360-Ն)

128. (128-րդ կետն ուժը կորցրել է 01.12.09 թիվ 360-Ն)

129. (129-րդ կետն ուժը կորցրել է 01.07.08 թիվ 188-Ն)

(Գլուխն ուժը կորցրել է 01.12.09 թիվ 360-Ն)

Գ Լ ՈՒ Խ 31

ԳՐԱՎՈՐ ՔՆՆՈՒԹՅԱՆ ԱՆՑԿԱՑՈՒՄԸ
(Վերնագիրը փոփ. 01.12.09 թիվ 360-Ն)

130. Գրավոր քննությունն անցկացվում է համակարգչային ծրագրով` թեստային եղանակով:

(130-րդ կետը խմբ. 01.12.09 թիվ 360-Ն)

131. Թեստը հարցեր պարունակող փաստաթուղթ է, որը կազմվում է սույն կանոնակարգի 9-րդ բաժնում սահմանված թեմաների ցանկի հիման վրա: Հավաստագիր չունեցող պատասխանատու ակտուարի թեկնածուի գրավոր քննությունը բաղկացած է 2 թեստից, որոնցից առաջինը կազմվում է սույն կանոնակարգի 186-րդ կետի աղյուսակի 1-ին, 3-րդ և 4-րդ կետերի 4-րդ սյունակում նշված թեմաների հիման վրա, երկրորդը` սույն կանոնակարգի 186-րդ կետի աղյուսակի 2-րդ կետի 4-րդ սյունակում նշված թեմաների հիման վրա:

(131-րդ կետը լրաց. 01.12.09 թիվ 360-Ն)

132. Թեստերը, ինչպես նաև դրանցում կատարված լրացումները և փոփոխությունները հաստատվում են Կենտրոնական բանկի նախագահի որոշմամբ և ենթակա չեն հրապարակման: Թեստերը վերանայվում են ըստ անհրաժեշտության:

(132-րդ կետը լրաց., փոփ. 01.07.08 թիվ 188-Ն)

133. Թեստերը և դրանցում պարունակվող հարցերի քանակը տարբերակվում են ըստ ղեկավարների (ելնելով նրանց ներկայացվող մասնագիտական համապատասխանության չափանիշներից) հետևյալ խմբերի՝

Ղեկավար անձ (պատասխանատու անձ)	Հարցերի քանակ
1. Ապահովագրական ընկերության ղեկավար, այդ թվում`
1.1. գործադիր տնօրեն, գործադիր տնօրենի տեղակալ, 1.2. տնօրինության ղեկավար, տնօրինության անդամ, վարչության նախագահ, վարչության անդամ, 1.3. օտարերկրյա ապահովագրական ընկերության մասնաճյուղի գործադիր տնօրեն, գործադիր տնօրենի տեղակալ, 1.4. ներքին աուդիտի ղեկավար, ներքին աուդիտի անդամ, 1.5. օտարերկրյա ապահովագրական ընկերության ներքին աուդիտի ղեկավար, ներքին աուդիտի անդամ, 1.6. գլխավոր հաշվապահ, գլխավոր հաշվապահի տեղակալ 1.7. օտարերկրյա ապահովագրական ընկերության մասնաճյուղի գլխավոր հաշվապահ, գլխավոր հաշվապահի տեղակալ	100 հարց







1.8. մասնաճյուղի տնօրեն, 1.9. մասնաճյուղի գլխավոր հաշվապահ	80 հարց
1.10. պատասխանատու ակտուար	50 հարց
2. Ապահովագրական բրոքերի պատասխանատու անձ, այդ թվում`
2.1. գործադիր տնօրեն, 2.2. վարչության նախագահ, 2.3. վարչության անդամ, 2.4. գործադիր տնօրենի տեղակալ, 2.5. գլխավոր հաշվապահ	100 հարց
2.6. ապահովագրական բրոքերի գործառնություններ իրականացնող ֆիզիկական անձ	40 հարց

(133-րդ կետը փոփ. 01.07.08 թիվ 188-Ն, լրաց. 01.12.09 թիվ 360-Ն)

134. Թեստի յուրաքանչյուր հարցին պատասխանելու համար թեկնածուին (բացառությամբ՝ պատասխանատու ակտուարի` Հավաստագիր չունեցող թեկնածուի) հատկացվում է միջին հաշվով 1,5 րոպե: Հավաստագիր չունեցող պատասխանատու ակտուարի թեկնածուին առաջին թեստի յուրաքանչյուր հարցին պատասխանելու համար հատկացվում է միջին հաշվով 1,5 րոպե, իսկ երկրորդ թեստի յուրաքանչյուր հարցին պատասխանելու համար հատկացվում է միջին հաշվով 4 րոպե:

(134-րդ կետը խմբ. 01.12.09 թիվ 360-Ն)

135. Թեստերի հարցերից յուրաքանչյուրը պարունակում է 3-ից 4 պատասխան, որոնցից մեկն է միանշանակ ճիշտ:

136. Թեստի հարցի միանշանակ ճիշտ պատասխանը գնահատվում է մեկ միավոր, իսկ սխալ պատասխանը՝ զրո միավոր: Սխալ պատասխաններ են համարվում միանշանակ սխալ և ոչ միանշանակ ճիշտ պատասխան նշելը, մեկից ավելի պատասխաններ նշելը կամ որևէ պատասխան չնշելը:

(136-րդ կետը փոփ. 01.12.09 թիվ 360-Ն)

137. (137-րդ կետն ուժը կորցրել է 01.12.09 թիվ 360-Ն)

138. Հայերեն լեզվին չտիրապետող թեկնածուների գրավոր քննության անցկացման ընթացքում թույլատրվում է թարգմանչի մասնակցությունը, ընդ որում, Կենտրոնական բանկի համապատասխան աշխատակցի ներկայությունը պարտադիր է: Հայերեն լեզվին չտիրապետող թեկնածուների քննության տևողությունը կարող է երկարաձգվել՝ Կենտրոնական բանկի Իրավաբանական վարչության պետի թույլտվությամբ:

(138-րդ կետը փոփ. 01.07.08 թիվ 188-Ն, խմբ. 01.12.09 թիվ 360-Ն)

139. Քննությունն անցկացվում է առանձնացված սենյակում, որը վերահսկվում է տեսախցիկների միջոցով:

(139-րդ կետը խմբ. 01.12.09 թիվ 360-Ն)

140. Թեկնածուին թույլատրվում է մուտք գործել քննության անցկացման սենյակ` անձնագրի կամ անձը հաստատող այլ փաստաթղթի ներկայացման դեպքում` ըստ ցուցակի նստեցնելով համապատասխան համակարգչի մոտ: Ուշացած թեկնածուների համար քննության տևողությունը չի երկարաձգվում:

(140-րդ կետը խմբ. 01.12.09 թիվ 360-Ն)

141. Թեկնածուներին տրվում են բացատրություններ քննության անցկացման հետ կապված տեխնիկական հարցերի վերաբերյալ:

(141-րդ կետը խմբ. 01.12.09 թիվ 360-Ն)

142. Քննության սկիզբը հայտարարելուց հետո թեկնածուն ծանոթանում է առաջադրանքներին և յուրաքանչյուր հարցի (խնդրի) ենթադրյալ պատասխաններից ընտրում է մեկ (իր կարծիքով՝ միանշանակ ճիշտ) պատասխան:

(142-րդ կետը փոփ. 01.12.09 թիվ 360-Ն)

143. Գրավոր քննության ժամանակ թեկնածուին արգելվում է օգտվել տպագիր, մեքենագիր, ձեռագիր նյութերից, էլեկտրոնային սարքերից (բացառությամբ Կենտրոնական բանկի կողմից տրամադրված էլեկտրոնային հաշվիչ սարքերի), ինչպես նաև աղմկել, հուշել, խոսել, հարցեր տալ ներկա գտնվող անձանց, դուրս գալ սենյակից: Եթե թեկնածուն ցանկանում է լքել սենյակը, նրա աշխատանքը համարվում է դադարեցված:

(143-րդ կետը լրաց. 01.12.09 թիվ 360-Ն)

144. Սույն կանոնակարգի 143-րդ կետում նշված պահանջներից յուրաքանչյուրի չկատարման դեպքում թեկնածուն զրկվում է քննության հետագա ընթացքին մասնակցելու իրավունքից, և համարվում է բացասական արդյունք ապահոված:

(144-րդ կետը փոփ. 01.12.09 թիվ 360-Ն)

145. Աշխատանքն ավարտելուց, ինչպես նաև քննության առաջադրանքները կատարելու համար սահմանված ժամանակն սպառվելուց հետո թեկնածուին (բացառությամբ Հավաստագիր չունեցող պատասխանատու ակտուարի թեկնածուի) տրվում է իր հանձնած թեստի արդյունքների վերաբերյալ հաշվետվությունը (երկու օրինակից), որտեղ արտացոլվում են թեկնածուի միավորները տոկոսային արտահայտությամբ: Հաշվետվությունները ստորագրվում են թեկնածուի կողմից. մեկ օրինակը մնում է Կենտրոնական բանկում, մյուսը տրվում է թեկնածուին:

(145-րդ կետը խմբ. 01.12.09 թիվ 360-Ն)

145.1 Հավաստագիր չունեցող պատասխանատու ակտուարի թեկնածուին աշխատանքն ավարտելուց, ինչպես նաև թեստավորման առաջադրանքները կատարելու համար սահմանված ժամանակն սպառվելուց հետո, հանձնվում է իր կատարած առաջին թեստի արդյունքների վերաբերյալ` համակարգչի կողմից կատարված հաշվետվությունը, որտեղ արտացոլվում են թեկնածուի միավորները տոկոսային արտահայտությամբ և երկրորդ թեստի` հարցերի հերթական համարները և իր կողմից տրված յուրաքանչյուր պատասխանը` յուրաքանչյուրից երկուական օրինակից, որոնք ստորագրվում են թեկնածուի կողմից: Մեկ օրինակը մնում է Կենտրոնական բանկում, մյուսը տրվում է թեկնածուին:

(145.1 կետը լրաց. 01.12.09 թիվ 360-Ն)

Գ Լ ՈՒ Խ 32

ԹԵՍՏԻ ԳՆԱՀԱՏՈՒՄԸ ԵՎ ԱՐԴՅՈՒՆՔՆԵՐԸ

146. Թեստերի հարցերի գնահատումը կատարվում է հետևյալ կերպ. թեկնածուի կողմից միավորների 70 և ավելի տոկոսը հավաքելու դեպքում թեկնածուն համարվում է դրական արդյունք ապահոված, և թեկնածուին տրվում է որակավորման վկայական: Հավաստագիր չունեցող պատասխանատու ակտուարի թեկնածուի միավորները հաշվարկվում են որպես առաջին թեստի արդյունքի 0.3-րդ մասի և երկրորդ թեստի արդյունքի 0.7-րդ մասի գումար:

(146-րդ կետը խմբ. 01.12.09 թիվ 360-Ն)

146.1 Հավաստագիր չունեցող պատասխանատու ակտուարի թեկնածուի երկրորդ թեստի գնահատումը իրականացվում է պատասխանատու ստորաբաժանման աշխատակցի կողմից` ճիշտ պատասխանների և թեկնածուի կողմից նշված համապատասխան պատասխանների համեմատության միջոցով: Թեկնածուն թեստի արդյունքների մասին տեղեկացվում է թեստը հանձնելու օրվան հաջորդող եռօրյա ժամկետում` հեռախոսի միջոցով այն հեռախոսահամարով, որը ներկայացվել է քննության համար հերթագրվելու ժամանակ:

(146.1 կետը լրաց. 01.12.09 թիվ 360-Ն)

147. Սույն կանոնակարգի 146-րդ կետով սահմանված պայմաններին չբավարարելու դեպքում թեկնածուն համարվում է բացասական արդյունք ապահոված:

(147-րդ կետը խմբ. 01.12.09 թիվ 360-Ն)

148. Թեկնածուի հարցերի պատասխանների արդյունքները (ելնելով համակարգչային տվյալներից, իսկ Հավաստագիր չունեցող պատասխանատու ակտուարի դեպքում՝ պատասխանատու ստորաբաժանման աշխատակցի կողմից կազմված եզրակացությունից) հաստատում է հանձնաժողովը:

(148-րդ կետը լրաց. 01.12.09 թիվ 360-Ն)

Գ Լ ՈՒ Խ 33

ԲԱՆԱՎՈՐ ՀԱՐՑԱԶՐՈՒՅՑԸ
(Գլուխն ուժը կորցրել է 01.12.09 թիվ 360-Ն)

149. (149-րդ կետն ուժը կորցրել է 01.12.09 թիվ 360-Ն)

(Գլուխն ուժը կորցրել է 01.12.09 թիվ 360-Ն)

Գ Լ ՈՒ Խ 34

ԳՐԱՎՈՐ ՔՆՆՈՒԹՅԱՆ ԲՈՂՈՔԱՐԿՈՒՄԸ

150. Թեկնածուն կարող է բողոքարկել անցկացված որակավորման գրավոր քննության արդյունքները՝ քննության անցկացման օրվանից 5 աշխատանքային օրվա ընթացքում` գրավոր դիմում ներկայացնելով Կենտրոնական բանկ` համաձայն սույն կանոնակարգի Հավելված 11-ի, կամ դիմումը լրացնելով Կենտրոնական բանկի ինտերնետային կայքի համապատասխան էջում: Դիմումն ստանալուց հետո 15 աշխատանքային օրվա ընթացքում Կենտրոնական բանկը տեղեկացնում է բողոքարկողին բողոքարկման արդյունքների վերաբերյալ:

(150-րդ կետը խմբ. 01.12.09 թիվ 360-Ն)

Գ Լ ՈՒ Խ 35

ՈՐԱԿԱՎՈՐՎԱԾ ՂԵԿԱՎԱՐՆԵՐԻ ԵՎ ՊԱՏԱՍԽԱՆԱՏՈՒ ԱՆՁԱՆՑ ՑՈՒՑԱԿԸ ԵՎ ՈՐԱԿԱՎՈՐՄԱՆ ՎԿԱՅԱԿԱՆԻ ՏՐԱՄԱԴՐՈՒՄԸ

(Վերնագիրը խմբ. 01.07.08 թիվ 188-Ն)

151. Անցկացված քննության արդյունքներով և հանձնաժողովի դրական կարծիքի հիման վրա թեկնածուին տրվում է որակավորման վկայական ըստ պաշտոնների հետևյալ խմբավորման.

1) ապահովագրական ընկերության և օտարերկրյա ապահովագրական ընկերության մասնաճյուղի պատասխանատու ակտուարի պաշտոնի համար,

2) ապահովագրական ընկերության և օտարերկրյա ապահովագրական ընկերության մասնաճյուղի գործադիր տնօրենի, նրա տեղակալի, տնօրինության (վարչության) նախագահի և անդամի պաշտոնների համար,

3) ապահովագրական ընկերության և օտարերկրյա ապահովագրական ընկերության մասնաճյուղի գլխավոր հաշվապահի, գլխավոր հաշվապահի տեղակալի համար,

4) ապահովագրական ընկերության մասնաճյուղի տնօրենի պաշտոնի համար,

5) ապահովագրական ընկերության մասնաճյուղի գլխավոր հաշվապահի պաշտոնի համար,

6) ապահովագրական բրոքերային ընկերության գործադիր տնօրենի, գործադիր տնօրենի տեղակալի, վարչության (տնօրինության) նախագահի և անդամի պաշտոնների համար,

7) ապահովագրական բրոքերային ընկերության գլխավոր հաշվապահի պաշտոնի համար,

8) ապահովագրական բրոքերի գործառնություններ իրականացնող ֆիզիկական անձի համար:

9) ապահովագրական ընկերության և օտարերկրյա ապահովագրական ընկերության մասնաճյուղի ներքին աուդիտի ղեկավարի և ներքին աուդիտի անդամի պաշտոնների համար:

(151-րդ կետը լրաց., փոփ. 01.07.08 թիվ 188-Ն, խմբ. 01.12.09 թիվ 360-Ն)

151.1 Որակավորման վկայականը տրվում է քննության դրական արդյունք ապահոված թեկնածուներին թղթային ձևով (համաձայն սույն կանոնակարգի Հավելված 8-ի)՝ քննությունը հանձնելու օրվանից տասնհինգ աշխատանքային օրվա ընթացքում:

(151.1 կետը լրաց. 01.07.08 թիվ 188-Ն, խմբ. 01.12.09 թիվ 360-Ն)

151.2 Որակավորված անձանց վերաբերյալ տեղեկատվությունը հրապարակվում է Կենտրոնական բանկի ինտերնետային կայքում` «Որակավորման վկայական ունեցող անձինք» ցուցակում` քննությունը հանձնելու օրվանից տասնհինգ աշխատանքային օրվա ընթացքում: Որակավորված անձանց ցուցակը թարմացվում է որակավորված անձանց որակավորման ժամկետը լրանալու կամ որակավորումից զրկվելու օրվանից երկու աշխատանքային օրվա ընթացքում:

(151.2 կետը լրաց. 01.07.08 թիվ 188-Ն, խմբ. 01.12.09 թիվ 360-Ն)

152.Որակավորման վկայականները տրվում են ըստ հերթական համարների:

(152-րդ կետը խմբ. 01.07.08 թիվ 188-Ն)

153. Թեկնածուներին որակավորման վկայականները տրվում են ստորագրման պահից հաշված երեք տարի ժամկետով: Ապահովագրական ընկերության խորհրդի նախագահի և անդամների որակավորումը տրվում է մինչև նրանց պաշտոնավարման ժամկետի ավարտը:

(153-րդ կետը լրաց. 01.07.08 թիվ 188-Ն, խմբ. 01.12.09 թիվ 360-Ն)

154. (154-րդ կետն ուժը կորցրել է 01.12.09 թիվ 360-Ն)

155. (155-րդ կետն ուժը կորցրել է 01.12.09 թիվ 360-Ն)

156. (156-րդ կետն ուժը կորցրել է 01.12.09 թիվ 360-Ն)

157. Որակավորված անձինք որակավորման վկայականը կորցնելու դեպքում կարող են այդ մասին գրավոր հայտնել Կենտրոնական բանկ՝ ներկայացնելով գրավոր դիմում Կենտրոնական բանկի նախագահի անունով: Դիմումն ստանալուց հետո տասն աշխատանքային օրվա ընթացքում որակավորված անձին տրվում է որակավորման նոր վկայական՝ «Կրկնօրինակ» նշագրումով, իսկ կորցրած վկայականը համարվում է անվավեր:

(157-րդ կետը խմբ. 01.12.09 թիվ 360-Ն)

157.1 Թեկնածուն կարող է դիմել Կենտրոնական բանկ՝ մեկից ավելի ղեկավար պաշտոնների համար նախատեսված քննություններին մասնակցելու և համապատասխան որակավորման վկայականներ ստանալու համար:

(157.1 կետը լրաց. 01.12.09 թիվ 360-Ն)

157.2 Բացասական արդյունք ապահոված թեկնածուները կրկին կարող են մասնակցել քննությանը` համապատասխան որակավորման վկայական ստանալու համար:

(157.2 կետը լրաց. 01.12.09 թիվ 360-Ն)

Գ Լ ՈՒ Խ 36

ՈՐԱԿԱՎՈՐՄԱՆ ՎԿԱՅԱԿԱՆՈՎ ՏՐՎՈՂ ԼԻԱԶՈՐՈՒԹՅՈՒՆՆԵՐԻ ՇՐՋԱՆԱԿԸ

158. Սույն կանոնակարգի 151-րդ կետի 2-րդ ենթակետով նշված պաշտոնների համար որակավորման վկայական ստացած անձը կարող է աշխատել որպես ապահովագրական ընկերության և օտարերկրյա ապահովագրական ընկերության մասնաճյուղի գործադիր տնօրեն, նրա տեղակալ, տնօրինության (վարչության) նախագահ և անդամ:

159. Սույն կանոնակարգի 151-րդ կետի 2-րդ ենթակետով նշված պաշտոնների համար որակավորման վկայական ստացած անձը կարող է աշխատել նաև ապահովագրական ընկերության մասնաճյուղի տնօրեն:

(159-րդ կետը փոփ. 01.07.08 թիվ 188-Ն)

160. Սույն կանոնակարգի 151-րդ կետի 3-րդ ենթակետով նշված պաշտոնների համար որակավորման վկայական ստացած անձը կարող է աշխատել որպես ապահովագրական ընկերության և օտարերկրյա ապահովագրական ընկերության մասնաճյուղի գլխավոր հաշվապահ, նրա տեղակալ, ներքին աուդիտի ղեկավար և ներքին աուդիտի անդամ, ինչպես նաև ապահովագրական ընկերության մասնաճյուղի գլխավոր հաշվապահ, ապահովագրական բրոքերային ընկերության գլխավոր հաշվապահ:

(160-րդ կետը փոփ. 01.07.08 թիվ 188-Ն)

161. Սույն կանոնակարգի 151-րդ կետի 6-րդ ենթակետով նշված պաշտոնների համար որակավորման վկայական ստացած անձը կարող է աշխատել որպես բրոքերային ընկերության գործադիր տնօրեն, գործադիր տնօրենի տեղակալ, տնօրինության (վարչության) նախագահ և անդամ:

162. Ապահովագրական ընկերության մասնաճյուղը կարող է չունենալ գլխավոր հաշվապահ, եթե մասնաճյուղն ապահովված է այնպիսի համակարգչային ծրագրերով, որոնք ապահովում են մասնաճյուղում կատարվող գործարքների ավտոմատ արտացոլումը ապահովագրական ընկերության հաշվեկշռում:

163. Ապահովագրական ընկերության, օտարերկրյա ապահովագրական ընկերության մասնաճյուղի, ապահովագրական բրոքերային ընկերության գլխավոր հաշվապահը ի պաշտոնե կարող է լինել տվյալ ապահովագրական ընկերության տնօրինության (վարչության) անդամ` առանց տնօրինության (վարչության) անդամի որակավորման վկայական ստանալու:

Գ Լ ՈՒ Խ 37

ՂԵԿԱՎԱՐԻ ԵՎ ՊԱՏԱՍԽԱՆԱՏՈՒ ԱՆՁԻ ԳՐԱՆՑՈՒՄԸ

164. Ղեկավարին գրանցելու կամ ղեկավարների կազմում փոփոխությունները գրանցելու համար ապահովագրական ընկերությունը, ինչպես նաև ապահովագրական բրոքերային ընկերությունը Կենտրոնական բանկ են ներկայացնում հետևյալ փաստաթղթերը.

ա) ղեկավարին գրանցելու կամ ղեկավարների կազմում փոփոխություն կատարելու մասին ապահովագրական ընկերության կամ ապահովագրական բրոքերի միջնորդագիրը՝ համաձայն հավելված 3-ի.

բ) իրավասու մարմնի որոշումը ղեկավարի նշանակման կամ ղեկավարների կազմում փոփոխություն կատարելու մասին:

Ընդ որում, սույն կանոնակարգի հավելված 3-ով սահմանված միջնորդագրի 2.6, 2.8-2.10, 3.3 ենթակետերում, ինչպես նաև 5-9-րդ կետերում սահմանված տեղեկությունների փոփոխությունները նույնպես ներկայացվում են Կենտրոնական բանկ` փոփոխությունը ապահովագրական ընկերությանը կամ ապահովագրական բրոքերին հայտնի դառնալուց հետո անհապաղ, սակայն ոչ ուշ, քան հաջորդ աշխատանքային օրվա ավարտը: Սույն կանոնակարգի հավելված 3-ով սահմանված միջնորդագիրը (տեղեկանքը) և սույն կետով սահմանված իրավասու մարմնի որոշման սքան արված տարբերակը ապահովագրական ընկերության կամ ապահովագրական բրոքերի կողմից ներկայացվում են էլեկտրոնային տարբերակով` Սի-Բի-Էյ-նեթ համակարգի միջոցով: Ընդ որում, սույն կանոնակարգի հավելված 3-ով սահմանված միջնորդագիրը (տեղեկանքը) ներկայացվում է էքսել (excel) ֆորմատով:

(164-րդ կետը լրաց. 01.07.08 թիվ 188-Ն, խմբ. 10.03.09 թիվ 57-Ն, 22.09.09 թիվ 278-Ն)

164.1 Եթե ղեկավարի թեկնածուի գրանցման համար նախկինում Կենտրոնական բանկ է ներկայացվել սույն Կանոնակարգի հավելված 3-ով պահանջվող ողջ տեղեկատվությունը և հետագայում ապահովագրական ընկերությունը (ապահովագրական բրոքերը) դիմում է Կենտրոնական բանկ նույն անձին ղեկավար գրանցելու միջնորդությամբ, ապա հավելված 3-ով սահմանված միջնորդագիրը սույն կանոնակարգի 164-րդ կետով սահմանված կարգով Կենտրոնական բանկ ներկայացնելիս կարող է լրացվել միայն միջնորդագրի 2.1 (Անուն, ազգանուն, հայրանուն), 2.3 (Ծննդյան ամսաթիվ) դաշտերը և բոլոր այն դաշտերը, որոնցում նախկինում ներկայացված տեղեկատվությունը փոփոխվել է:

(164.1 կետը լրաց. 01.07.08 թիվ 188-Ն, խմբ. 10.03.09 թիվ 57-Ն)

164.2 Եթե ապահովագրական ընկերությունը (ապահովագրական բրոքերը) դիմում է Կենտրոնական բանկ ղեկավարի թեկնածուին գրանցելու համար, որը նախկինում գրանցվել է Կենտրոնական բանկում որպես ղեկավար, ապա տվյալ թեկնածուն հրավիրվում է հանձնաժողովի նիստին միայն, եթե Կենտրոնական բանկը համարում է անհրաժեշտ:

(164.2 կետը լրաց. 01.07.08 թիվ 188-Ն, խմբ. 10.03.09 թիվ 57-Ն)

164.3 Սույն Կանոնակարգի 164-րդ կետով նախատեսված միջնորդագրում ներկայացված տեղեկությունների շրջանակում Կենտրոնական բանկը կարող է պահանջել լրացուցիչ տեղեկություններ, եթե քննարկվող փաստական հանգամանքների վերաբերյալ տեղեկություններին (տվյալներին) Կենտրոնական բանկը կարող է իրազեկ դառնալ բացառապես տվյալ անձի միջոցով:

(164.3 կետը լրաց. 10.03.09 թիվ 57-Ն)

164.4 Ղեկավարը գրանցվում է Կենտրոնական բանկի նախագահի որոշմամբ՝ համապատասխան փաստաթղթերը ստանալուց հետո մեկ ամսվա ընթացքում: Կենտրոնական բանկի կողմից պահանջվող որոշակի փաստեր պարզաբանելու նպատակով մեկամսյա ժամկետը կարող է կասեցվել առավելագույնը երեք ամիս ժամկետով: Ընդ որում, մեկամսյա ժամկետի կասեցման դեպքում կասեցվում է նաև սույն կանոնակարգի 175-րդ կետով սահմանված եռամսյա ժամկետը: Կասեցումը դադարեցնելուց հետո ղեկավարի ժամանակավոր պաշտոնակատարի պաշտոնավարման ժամկետը չի կարող գերազանցել եռամսյա ժամկետի և ժամանակավոր պաշտոնավարման` մինչև կասեցումն ընկած օրերի տարբերությամբ առաջացող օրերի քանակը:

(164.4 կետը լրաց. 01.12.09 թիվ 360-Ն)

164.5 Եթե ապահովագրական ընկերության (ապահովագրական բրոքերի) ղեկավարը զրկվել է որակավորման վկայականից, ապա ղեկավարին որակավորման վկայականից զրկելու մասին Կենտրոնական բանկի որոշման ընդունման պահից երեք տարվա ընթացքում նա չի կարող գրանցվել որպես ապահովագրական ընկերության (ապահովագրական բրոքերի) ղեկավար:

(164.5 կետը լրաց. 01.12.09 թիվ 360-Ն)

165. Ղեկավարի թեկնածուի (բացառությամբ ապահովագրական ընկերության խորհրդի նախագահի և խորհրդի անդամների) գրանցման համար հանձնաժողովն անցկացնում է բանավոր հարցազրույց հանձնաժողովի նիստում` համապատասխան փաստաթղթերը ստանալուց հետո 15 աշխատանքային օրվա ընթացքում: Ապահովագրական ընկերության խորհրդի նախագահի և անդամների գրանցման ժամանակ հիմք է ընդունվում սույն կանոնակարգի 122-րդ կետով նախատեսված Կենտրոնական բանկի խորհրդի որոշումը, բացառությամբ այն դեպքերի, երբ Կենտրոնական բանկն անհրաժեշտ չի համարում հարցազրույցի անցկացումը, որի դեպքում խորհրդի նախագահը և անդամները գրանցվում են առանց որակավորման և մասնագիտական համապատասխանության ստուգում անցնելու:

(165-րդ կետը խմբ. 01.12.09 թիվ 360-Ն)

166. (166-րդ կետն ուժը կորցրել է 01.07.08 թիվ 188-Ն)

167. Հանձնաժողովի նիստում հարցազրույցի ընթացքում ստուգվում է գրանցման պահին ղեկավարի թեկնածուի համապատասխանությունը սույն կանոնակարգի գլուխ 38-ով սահմանված մասնագիտական համապատասխանության չափանիշներին:

168. Ղեկավարի գրանցումը մերժվում է Կենտրոնական բանկի որոշմամբ, եթե՝

1) ղեկավարի թեկնածուն չի համապատասխանում «Ապահովագրության և ապահովագրական գործունեության մասին» Հայաստանի Հանրապետության օրենքի 23-րդ հոդվածի 1-ին մասի կամ 90-րդ հոդվածի 3-րդ մասի պահանջներին.

2) ղեկավարի թեկնածուն չի համապատասխանում սույն կանոնակարգի 170-րդ կետով սահմանված չափանիշներից առնվազն մեկին,

3) ներկայացված փաստաթղթերը թերի են, անարժանահավատ կամ չեն համապատասխանում օրենքի, այլ իրավական ակտերի, այդ թվում՝ Կենտրոնական բանկի կողմից սահմանված պահանջներին:

Գ ԼՈՒ Խ 38

ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՉԱՓԱՆԻՇՆԵՐԸ

169. Ապահովագրական ընկերության կամ ապահովագրական բրոքերային ընկերության միջնորդությամբ գրանցմանը ներկայացված ղեկավարի թեկնածուն պետք է իրազեկ լինի ապահովագրական և ապահովագրական բրոքերային գործունեությունը կարգավորող օրենքներին և այլ իրավական ակտերին, ինչպես նաև ապահովագրական ընկերության, ապահովագրական բրոքերի գործարար ծրագրին, ինչպես նաև ապահովագրական ընկերության, ապահովագրական բրոքերի գործունեությունը կանոնակարգող ներքին ակտերին:

170. Ղեկավարի թեկնածուն պետք է բավարարի նաև հետևյալ չափանիշներին, բացառությամբ սույն կանոնակարգի 170.1 կետով նախատեսված դեպքերի`

Ղեկավարի թեկնածու	Չափանիշ
Ապահովագրական ընկերության ղեկավարներ, այդ թվում`
1.1. խորհրդի նախագահ, խորհրդի անդամ	ա. բարձրագույն կրթության առկայության դեպքում առնվազն 5 տարվա աշխատանքային փորձ, իսկ բարձրագույն կրթության բացակայության դեպքում` առնվազն 10 տարվա աշխատանքային փորձ և բ. *(Պարբերությունն ուժը կորցրել է 01.12.09 թիվ 360-Ն)*
1.2. Պատասխանատու ակտուար	ա. ակտուարական, վիճակագրական, մաթեմատիկական, ինժեներա-տնտեսագիտական կրթություն, որը կարող է հավաստվել Հայաստանի Հանրապետության կամ օտարերկրյա պետության բարձրագույն ուսումնական հաստատության համապատասխան դիպլոմով (վկայականով) կամ օտարերկրյա կազմակերպության կողմից տրված ակտուարի որակավորումը հավաստող համապատասխան փաստաթղթով, և (կամ) բ. առնվազն 5 տարվա մասնագիտական աշխատանքային փորձ գ. Կենտրոնական բանկից ստացված որակավորման վկայական
1.3. գործադիր տնօրեն, տնօրինության ղեկավար, տնօրինության անդամ, վարչության նախագահ, վարչության անդամ, գործադիր տնօրենի տեղակալ, օտարերկրյա ապահովագրական ընկերության մասնաճյուղի գործադիր տնօրեն, գործադիր տնօրենի տեղակալ	ա. բարձրագույն կրթություն և բ. առնվազն 5 տարվա աշխատանքային փորձ, որից առնվազն երկու տարին` ղեկավար պաշտոնում և գ. Կենտրոնական բանկից ստացված որակավորման վկայական
1.4. մասնաճյուղի տնօրեն	ա. բարձրագույն կրթության դեպքում` առնվազն 1 տարվա աշխատանքային փորձ, իսկ բարձրագույն կրթության բացակայության դեպքում` առնվազն 2 տարվա աշխատանքային փորձ ապահովագրության ոլորտում, և բ. Կենտրոնական բանկից ստացված որակավորման վկայական
1.5. ներքին աուդիտի ղեկավար, օտարերկրյա ապահովագրական ընկերության ներքին աուդիտի ղեկավարը, ներքին աուդիտի անդամը, օտարերկրյա ապահովագրական ընկերության մասնաճյուղի ներքին աուդիտի անդամը	ա. բարձրագույն կրթություն և բ. 3 տարվա մասնագիտական աշխատանքային փորձ և, գ. Կենտրոնական բանկից ստացված որակավորման վկայական
1.6. գլխավոր հաշվապահ, գլխավոր հաշվապահի տեղակալ, օտարերկրյա ապահովագրական ընկերության մասնաճյուղի գլխավոր հաշվապահը, գլխավոր հաշվապահի տեղակալ	ա. բարձրագույն կրթություն և բ. 2 տարվա մասնագիտական աշխատանքային փորձ և գ. Կենտրոնական բանկից ստացված որակավորման վկայական
1.7. մասնաճյուղի գլխավոր հաշվապահ	ա. բարձրագույն կրթության դեպքում` առնվազն 1 տարվա մասնագիտական աշխատանքային փորձ, իսկ բարձրագույն կրթության բացակայության դեպքում` առնվազն 2 տարվա մասնագիտական աշխատանքային փորձ և բ. Կենտրոնական բանկից ստացված որակավորման վկայական
1.8. ներկայացուցչության տնօրեն, ապահովագրական ընկերության մասնաճյուղի տնօրենի տեղակալ, մասնաճյուղի գլխավոր հաշվապահի տեղակալ	Չկան
Ապահովագրական բրոքերի պատասխանատու անձ, այդ թվում`
1.9. գործադիր տնօրեն, վարչության նախագահ, վարչության անդամ, գործադիր տնօրենի տեղակալ	ա. բարձրագույն կրթություն և բ.. առնվազն 3 տարվա աշխատանքային փորձ, և գ. Կենտրոնական բանկից ստացված որակավորման վկայական
1.10. գլխավոր հաշվապահ	ա. բարձրագույն կրթություն և բ. 2 տարվա մասնագիտական աշխատանքային փորձ, գ. Կենտրոնական բանկից ստացված որակավորման վկայական
1.11. ապահովագրական բրոքերի գործառնություններ իրականացնող ֆիզիկական անձ	Կենտրոնական բանկից ստացված որակավորման վկայական
Ապահովագրական գործակալի պատասխանատու անձ, այդ թվում`
1.12. Խորհրդի անդամը և գործադիր մարմնի կամ դրան համարժեք այլ մարմնի անդամը, որոնք պատասխանատու են ապահովագրական գործակալի գործառույթների համար	Չկան
1.13. ապահովագրական գործակալի գործառնություններ իրականացնող ֆիզիկական անձ	Չկան

(170-րդ կետը խմբ. 01.07.08 թիվ 188-Ն, փոփ., լրաց. 01.12.09 թիվ 360-Ն)

170.1. Եթե ղեկավարի թեկնածուն չունի սույն կանոնակարգի 170-րդ կետով նախատեսված աշխատանքային փորձ և (կամ) բարձրագույն կրթություն, ապա նա իրավունք ունի Կենտրոնական բանկ ներկայացնել համապատասխան պաշտոններում աշխատելու համար բավարար գիտելիքների ու հմտությունների առկայության վերաբերյալ համապատասխան փաստաթղթեր, տեղեկություններ և (կամ) այլ հիմնավորումներ: Ներկայացված փաստաթղթերի, տեղեկությունների և (կամ) այլ հիմնավորումների հիման վրա Հանձնաժողովի դրական եզրակացությամբ, Կենտրոնական բանկի նախագահն իրավունք ունի գրանցել անձին համապատասխան պաշտոնում, եթե համարում է, որ անձը տիրապետում է այդ պաշտոնում աշխատելու համար բավարար գիտելիքների ու հմտությունների:

(170.1 կետը լրաց. 24.06.08 թիվ 180-Ն)

171. Սույն կանոնակարգի 170-րդ կետում նշված աշխատանքային փորձը վերաբերում է գրանցման պահին նախորդող 10 տարիներին, բացառությամբ խորհրդի նախագահի, խորհրդի անդամի համար նախատեսված աշխատանքային փորձի: Սույն կանոնակարգի իմաստով անձը համարվում է բարձրագույն կրթություն ունեցող, եթե նա ավարտել է Հայաստանի Հանրապետության կամ օտարերկրյա պետության բարձրագույն ուսումնական հաստատություն կամ ստացել է Հայաստանի Հանրապետության կամ միջազգային ճանաչում ունեցող ֆինանսական ոլորտի մասնագիտական որակավորման վկայական:

(171-րդ կետը փոփ. 01.07.08 թիվ 188-Ն)

Գ Լ ՈՒ Խ 39

ՂԵԿԱՎԱՐԻՆ ԿԱՄ ՊԱՏԱՍԽԱՆԱՏՈՒ ԱՆՁԻՆ ԳՐԱՆՑՈՒՄԻՑ ՀԱՆԵԼԸ ԵՎ ԴՐԱ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

172. Կենտրոնական բանկի նախագահի որոշմամբ ղեկավարը հանվում է գրանցումից, եթե`

1) որակավորման վկայականի գործողության ժամկետը լրացել է, և ղեկավարը կամ պատասխանատու անձը չի ստացել որակավորման նոր վկայական.

2) ղեկավարը կամ պատասխանատու անձը զրկվել է որակավորման վկայականից.

3) ապահովագրական ընկերությունը կամ ապահովագրական բրոքերը դիմել է համապատասխան միջնորդությամբ.

4) խախտվել են օրենքներով և այլ իրավական ակտերով ղեկավարների նկատմամբ սահմանված պահանջները:

(172-րդ կետը լրաց. 22.09.09 թիվ 278-Ն)

173. Ապահովագրական ընկերության կամ ապահովագրական բրոքերի միջնորդությամբ ղեկավարին Կենտրոնական բանկում գրանցումից հանելու համար ապահովագրական ընկերությունը կամ ապահովագրական բրոքերը ապահովագրական ընկերության կամ ապահովագրական բրոքերի իրավասու մարմնի կողմից փոփոխություններ կատարելու վերաբերյալ որոշում ընդունելու պահից 10-օրյա ժամկետում Կենտրոնական բանկ են ներկայացնում հետևյալ փաստաթղթերը՝

1) Ղեկավարին գրանցումից հանելու վերաբերյալ միջնորդագիր (գրանցումից հանելու պատճառների հիմնավորումներով)՝ ապահովագրական ընկերության կամ ապահովագրական բրոքերի կառավարման մարմնի կողմից լիազորված անձի ստորագրությամբ՝ վավերացված ապահովագրական ընկերության կամ ապահովագրական բրոքերի կնիքով (առկայության դեպքում),

2) ապահովագրական ընկերության կամ ապահովագրական բրոքերի իրավասու մարմնի որոշումը կամ արձանագրությունից քաղվածք՝ փոփոխություններ կատարելու վերաբերյալ:

(173-րդ կետը փոփ. 01.07.08 թիվ 188-Ն, լրաց. 01.12.09 թիվ 360-Ն)

Գ Լ ՈՒ Խ 40

ՂԵԿԱՎԱՐԻ ԿԱՄ ՊԱՏԱՍԽԱՆԱՏՈՒ ԱՆՁԻ ԺԱՄԱՆԱԿԱՎՈՐ ՊԱՇՏՈՆԱԿԱՏԱՐԸ

174. Սույն կանոնակարգի իմաստով` ղեկավարի ժամանակավոր պաշտոնակատար են համարվում այն անձինք, որոնք առանց համապատասխան պաշտոնում Հայաստանի Հանրապետության կենտրոնական բանկում գրանցման սույն կանոնակարգով սահմանված կարգով իրականացնում են ապահովագրական ընկերության ղեկավարի կամ ապահովագրական բրոքերի պատասխանատու անձի պարտականություններ:

175. Ապահովագրական ընկերության ղեկավարի կամ ապահովագրական բրոքերի պատասխանատու անձի պաշտոնում՝ որպես ղեկավարի ժամանակավոր պաշտոնակատար, պաշտոնավարման ժամկետ կարող է սահմանվել ոչ ավելի, քան երեք ամիս: Նշված եռամսյա ժամկետը սահմանվում է տվյալ ղեկավարի պաշտոնում նշանակվող բոլոր ժամանակավոր պաշտոնակատարների համար, այսինքն՝ միևնույն պաշտոնի նոր ժամանակավոր պաշտոնակատարի նշանակումը չի ընդհատում կամ վերսկսում եռամսյա ժամկետը:

176. Սույն կանոնակարգի 175-րդ կետով նշված եռամսյա ժամկետում ապահովագրական ընկերության կամ ապահովագրական բրոքերի կողմից նշանակված՝ որակավորման վկայական չունեցող ղեկավարի ժամանակավոր պաշտոնակատարը սույն կանոնակարգով սահմանված ձևով Կենտրոնական բանկում անցնում է որակավորման ստուգում և գրանցվում Կենտրոնական բանկում:

177. Ապահովագրական ընկերության կամ ապահովագրական բրոքերային ընկերության գործադիր տնօրենի, տնօրինության ղեկավարի (վարչության նախագահի) ժամանակավոր պաշտոնակատար կարող են նշանակվել (նշված պարտականությունները կարող են կատարել) միայն տվյալ ապահովագրական ընկերության կամ ապահովագրական բրոքերային ընկերության գործադիր տնօրենի տեղակալը կամ տնօրենության (վարչության) անդամը, կամ գործադիր տնօրենի որակավորման վկայական ունեցող ապահովագրական ընկերության կամ ապահովագրական բրոքերային ընկերության այլ աշխատակիցը:

178. Ապահովագրական ընկերության կամ ապահովագրական բրոքերի գլխավոր հաշվապահի ժամանակավոր պաշտոնակատար կարող է նշանակվել (նշված պարտականությունը կարող է կատարել) տվյալ ապահովագրական ընկերության կամ ապահովագրական բրոքերի գլխավոր հաշվապահի տեղակալը կամ գլխավոր հաշվապահի որակավորման վկայական ունեցող ապահովագրական ընկերության կամ ապահովագրական բրոքերի այլ աշխատակիցը:

179. Ապահովագրական ընկերության խորհրդի քանակական կազմը ապահովագրական ընկերության ներքին իրավական ակտերով նախատեսված թվից պակաս լինելու դեպքում ապահովագրական ընկերությունը կամ ապահովագրական բրոքերը Կենտրոնական բանկի գրանցմանն է ներկայացնում թափուր մնացած տեղերի համար խորհրդի անդամի նոր թեկնածուներին՝ սույն կանոնակարգով սահմանված կարգով:

(179-րդ կետը փոփ. 01.07.08 թիվ 188-Ն)

180. Ապահովագրական ընկերության խորհրդի նախագահի և անդամների թեկնածուներն իրավունք ունեն իրականացնել համապատասխանաբար խորհրդի նախագահի և խորհրդի անդամի պարտականությունները միայն Կենտրոնական բանկում համապատասխան պաշտոնում գրանցման պահից: Ապահովագրական ընկերության խորհրդի նախագահի և անդամների ժամանակավոր պաշտոնակատար չի նախատեսվում:

(180-րդ կետը փոփ. 01.07.08 թիվ 188-Ն)

Գ Լ ՈՒ Խ 41

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԿԱՌԱՎԱՐՄԱՆ ՄԱՐՄԻՆՆԵՐԻ ԿՈՂՄԻՑ ՈՐՈՇՈՒՄՆԵՐԻ ԿԱՅԱՑՄԱՆ ՀԱՐՑՈՒՄ ՈՐԵՎԷ ԱԶԴԵՑՈՒԹՅՈՒՆ ՈՒՆԵՑՈՂ ԿԱՄ ԻՆՔՆՈՒՐՈՒՅՆ ՈՐՈՇՈՒՄՆԵՐ ԿԱՅԱՑՆՈՂ ԱՆՁԻՆ ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՂԵԿԱՎԱՐ ՃԱՆԱՉԵԼՈՒ ՉԱՓԱՆԻՇՆԵՐԸ

181. Համաձայն «Ապահովագրության և ապահովագրական գործունեության մասին» Հայաստանի Հանրապետության օրենքի 21-րդ հոդվածի 3-րդ մասի՝ ապահովագրական ընկերության ղեկավար է հանդիսանում նաև սույն գլխով սահմանած չափանիշներով հիմնավորված՝ Կենտրոնական բանկի կարծիքով որևէ կերպ ապահովագրական ընկերության կառավարման մարմինների կողմից որոշումների կայացման հարցում որևէ ազդեցություն ունեցող կամ ինքնուրույն որոշումներ կայացնող անձը:

182. Ապահովագրական ընկերության կառավարման մարմինների կողմից որոշումների կայացման հարցում որևէ ազդեցություն ունեցող կամ ինքնուրույն որոշումներ կայացնող անձին ապահովագրական ընկերության ղեկավար համարելու հարցը քննարկվում է Կենտրոնական բանկի խորհրդի նիստում:

183. Ապահովագրական ընկերության կառավարման մարմինների կողմից որոշումների կայացման հարցում որևէ ազդեցություն ունեցող կամ ինքնուրույն որոշումներ կայացնող անձին ապահովագրական ընկերության ղեկավար համարելու հարցերը Կենտրոնական բանկի խորհրդի կողմից քննարկվում են ստորև նշված պայմաններից առնվազն մեկի առկայության դեպքում, երբ՝

1) ապահովագրական ընկերության կառավարման մարմնի որոշումները կամ որոշումների մի մասը ընդունվում են միայն այդ աշխատակցի համաձայնության պարագայում կամ ներկայացմամբ,

2) ապահովագրական ընկերությունում ստեղծված հանձնաժողովներում աշխատակիցը հանդիսանում է հանձնաժողովի նախագահ կամ հանձնաժողովի որոշումները կամ որոշումների մի մասը ընդունվում են միայն իր համաձայնությամբ կամ ներկայացմամբ,

3) ապահովագրական ընկերության գործադիր տնօրենի, վարչության նախագահի կամ գլխավոր հաշվապահի բացակայության (ներառյալ՝ հիվանդություն, գործուղում կամ աշխատանքի վայրից այլ պատճառներով փաստացի բացակայություն) դեպքում աշխատակիցն ի պաշտոնե կամ փաստացի փոխարինում է նրանց,

4) ապահովագրական ընկերության կառավարման մարմիններից կամ ղեկավարներից մեկը լիազորել է ապահովագրական ընկերության աշխատակցին իրականացնել իր իրավասությունները կամ դրանց մի մասը,

5) անձը կարող է ազդել ապահովագրական ընկերության գործունեության ուղղությունների վրա՝ տվյալ ապահովագրական ընկերության նկատմամբ իր ունեցած պահանջի ուժով,

6) անձը լիազորված է տիրապետել ապահովագրական ընկերության այնպիսի սահմանաչափերով միջոցներ, որոնց կորուստը, փչացումը կամ վնասվածքը կարող է էապես ազդել ապահովագրական ընկերության ֆինանսական վիճակի վրա:

184. Սույն կանոնակարգի 183-րդ կետում նշված չափանիշները կարող են հիմք հանդիսանալ Կենտրոնական բանկի խորհրդի կողմից ապահովագրական ընկերության աշխատակցին ապահովագրական ընկերության ղեկավար համարելու համար:

185 Կենտրոնական բանկի խորհրդի կողմից ապահովագրական ընկերության աշխատակիցներին սույն գլխի իմաստով ապահովագրական ընկերության ղեկավար համարելու վերաբերյալ Կենտրոնական բանկի խորհրդի որոշումը ընդունելուց հետո մեկշաբաթյա ժամկետում ապահովագրական ընկերությունը Կենտրոնական բանկ է ներկայացնում այդ անձանց գործունեության վերաբերյալ տեղեկանք (միջնորդագրի տեսքով)՝ համաձայն սույն կանոնակարգի հավելված 3-ի և հետագայում տեղեկացնի այդ աշխատակիցների կազմում կատարված փոփոխությունների մասին:

(185-րդ կետը լրաց. 22.09.09 թիվ 278-Ն)

Բ Ա Ժ Ի Ն IX

ՂԵԿԱՎԱՐՆԵՐԻ ԵՎ ՊԱՏԱՍԽԱՆԱՏՈՒ ԱՆՁԱՆՑ ԹԵԿՆԱԾՈՒՆԵՐԻ ՄԱՍՆԱԳԻՏԱԿԱՆ ՈՐԱԿԱՎՈՐՄԱՆ ՍՏՈՒԳՄԱՆ ԹԵՄԱՆԵՐԻ ՑԱՆԿ

Գ Լ ՈՒ Խ 42

ՂԵԿԱՎԱՐՆԵՐԻ ԵՎ ՊԱՏԱՍԽԱՆԱՏՈՒ ԱՆՁԱՆՑ ՄԱՍՆԱԳԻՏԱԿԱՆ ՈՐԱԿԱՎՈՐՄԱՆ ՍՏՈՒԳՄԱՆ ԹԵՄԱՆԵՐԻ ՑԱՆԿ

186. Ղեկավարները Կենտրոնական բանկում որակավորման ստուգումը անցնում են սույն կետում ներկայացված աղյուսակում նշված թեմաներով, ընդ որում, «+» նշանը նշանակում է` տվյալ թեման վերաբերում է, «-» նշանը` չի վերաբերում: Սույն կետի աղյուսակի 1-ին կետի 78-րդ ենթակետում նշված խնդիրները վերաբերում են նույն աղյուսակի 1-ին կետի 1-77-րդ ենթակետերում նշված թեմաներին: Սույն կետի աղյուսակի 2-րդ կետի 5-րդ ենթակետում նշված խնդիրները վերաբերում են 2-րդ կետի 1-4-րդ ենթակետերում նշված թեմաներին:

Գիտելիքների և ունակությունների բնագավառները	Ապահովագրական ընկերության և օտարերկրյա ապահովագրական ընկերության մասնաճյուղի						Ապահովագրական բրոքերի
Գիտելիքների և ունակությունների բնագավառները	Խորհրդի նախագահ, խորհրդի անդամ	Ապահովա- գրական ընկերության և օտարերկրյա ապահովա- գրական ընկերության մասնաճյուղի գործադիր տնօրեն, տնօրինության ղեկավար և անդամներ, վարչության նախագահ, վարչության անդամներ, գործադիր տնօրենի տեղակալ, ապա-հովագրական ընկերության մասնաճյուղի տնօրեն	Ապահովա- գրական ընկերության և օտարերկրյա ապահովա- գրականն ընկերության մասնաճյուղի ներքին աուդիտի ղեկավար, անդամներ	Ապահովա- գրական ընկերության և օտարերկրյա ապահովա- գրական ընկերությանն մասնաճյուղի գլխավոր հաշվապահ, գլխավոր հաշվապահի տեղակալ, մասնաճյուղի գլխավոր հաշվապահ	Հավաս- տագիր չստացած պատաս- խանատու ակտուար	Հավաս- տագիր ստացած պատաս- խանատու ակտուար	Գործադիր տնօրեն, վարչության նախագահ, վարչության անդամներ, գործադիր տնօրենի տեղակալ	Գլխավոր հաշվա- պահ	Բրոքերի գործա- ռույթներ իրակա- նացնող ֆիզիկա- կան անձ
1	2	3	4	5	6	7	8	9	10
1. Ապահովագրության օրենսդրություն, ենթաօրենսդրական դաշտ և ապահովագրության գործնական խնդիրներ
1) Ապահովագրության հիմնական հասկացությունները	+	+	+	+	+	+	+	+	+
2) Ապահովագրության ձևերը, տեսակները և դասերը	+	+	+	+	+	+	+	+	+
3) Ապահովագրական ընկերությունների իրավական կարգավիճակը	+	+	+	+	+	+	-	-	-
4) Ապահովագրական ընկերության կապիտալում մասնակցության սահմանափակումները	+	+	+	+	+	+	+	-	-
5) Նշանակալից մասնակցությունը	+	+	+	+	+	+	+	-	-
6) Փոխկապակցված անձինք	+	+	+	+	+	+	+	-	-
7) Ապահովագրական ընկերության կանոնադրական կապիտալին ներկայացվող պահանջները	+	+	+	+	+	+	-	-	-
8) Շահութաբաժինների վճարումը և վճարման սահմանափակումները	+	+	+	+	+	+	+	-	-
9) Նշանակալից մասնակցության ձեռքբերման նախնական համաձայնությունը	+	+	+	+	+	+	-	-	-
10) Ապահովագրական ընկերության կառավարման մարմինները և ղեկավարները	+	+	+	+	+	+	-	-	-
11) Ապահովագրական ընկերության ղեկավարների մասնագիտական համապատասխանությունն ու որակավորումը	+	+	+	+	+	+	-	-	-
12) Ապահովագրական ընկերության ղեկավարների նկատմամբ պահանջները	+	+	+	+	+	+	-	-	-
13) Ապահովագրական ընկերության ընդհանուր ժողովը և նրա իրավասությունները	+	+	+	+	+	+	-	-	-
14) Ապահովագրական ընկերության խորհուրդը, խորհրդի ձևավորումը, իրավասությունները	+	+	+	+	+	+	-	-	-
15) Ապահովագրական ընկերության գործադիր տնօրենը, տնօրինությունը	+	+	+	+	+	+	-	-	-
16) Ապահովագրական ընկերության գլխավոր հաշվապահը	+	+	+	+	+	+	-	-	-
17) Ապահովագրական ընկերության ներքին աուդիտը	+	+	+	+	+	+	-	-	-
18) Ապահովագրական ընկերության պատասխանատու ակտուարը	+	+	+	+	+	+	-	-	-
19) Ապահովագրական ընկերության արտաքին աուդիտը	+	+	+	+	+	+	-	-	-
20) Ապահովագրական գործունեության լիցենզավորումը	-	+	+	+	-	-	-	-	-
21) Ապահովագրական ընկերության գործարար ծրագիրը	+	+	+	+	+	+	-	-	-
22) Ապահովագրական ընկերության մասնաճյուղը և ներկայացուցչությունը	-	+	+	+	-	-	-	-	-
23) Օտարերկրյա ընկերության՝ Հայաստանի Հանրապետության տարածքում մասնաճյուղի և ներկայացուցչության գրանցումը	-	+	+	+	-	-	-	-	-
24) Ապահովագրական ընկերության՝ Հայաստանի Հանրապետության տարածքից դուրս մասնաճյուղ և ներկայացուցչություն ստեղծելը	-	+	+	+	-	-	-	-	-
25) Օրենսդրությամբ սահմանված պահանջների փոփոխությունների գրանցումը	-	+	+	+	+	+	-	-	-
26) Ապահովագրական գործառույթների պատվիրակումը	-	+	+	+	+	+	-	-	-
27) Ապահովագրական ընկերության գործունեության հիմնական տնտեսական նորմատիվները	-	+	+	+	+	+	-	-	-
28) Ապահովագրական ընկերության տեխնիկական պահուստները	-	+	+	+	+	+	-	-	-
29) Վերաապահովագրությանն ու համատեղ ապահովագրությանը ներկայացվող պահանջները	-	+	+	-	+	+	+	-	+
30) Ապահովագրական ընկերության գործունեության նկատմամբ պահանջները	-	+	+	+	+	+	-	-	-
31) Ապահովագրական ընկերության ներդրումային գործունեությունը	-	+	+	+	+	+	-	-	-
32) Ապահովագրական ընկերության և հաճախորդների հարաբերությունները	-	+	+	+	+	+	-	-	-
33) Ապահովագրական ընկերության հետ կապված անձանց հետ գործարքները	-	+	+	+	+	+	-	-	-
34) Ապահովագրական ընկերության կողմից հրապարակվող տեղեկատվությունը, դրա հրապարակումը	-	+	+	+	+	+	-	-	-
35) Ապահովագրական ընկերության հաշվետվությունները	-	+	+	+	+	+	-	-	-
36) Ապահովագրական միջնորդությունը և դրա տեսակները	-	+	-	+	-	-	+	+	+
37) Ապահովագրական միջնորդների ռեգիստրը	-	+	-	+	-	-	+	+	+
38) Ապահովագրական բրոքերների պատասխանատու անձանց նկատմամբ պահանջները	-	-	-	-	-	-	+	+	+
39) Ապահովագրական միջնորդների ակտիվների առանձնացված հաշվառումը	-	-	-	-	-	-	+	+	-
40) Ապահովագրական պայմանագրերի կնքման միջնորդության նկատմամբ պահանջները	-	+	+	-	-	-	+	-	+
41) Ապահովագրական բրոքերների հաշվետվությունները, հրապարակվող տեղեկատվությունը և հաշվապահական հաշվառումը	-	-	-	-	-	-	+	+	+
42) Ապահովագրական բրոքերային գործունեության լիցենզավորումը	-	-	-	-	-	-	+	+	+
43) Ապահովագրական բրոքերի՝ Հայաստանի Հանրապետությունում կամ օտարերկրյա պետությունում գործող մասնաճյուղը և ներկայացուցչությունը	-	-	-	-	-	-	+	+	+
44) Ապահովագրական գործակալի հաշվառումը	-	+	+	-	-	-	-	-	-
45) Ապահովագրական գործակալի՝ Հայաստանի Հանրապետությունում կամ օտարերկրյա պետությունում գործող մասնաճյուղը և ներկայացուցչությունը	-	+	+	-	-	-	-	-	-
46) Ապահովագրական գաղտնիքը	-	+	+	+	+	+	+	+	+
47) Ապահովագրական պորտֆելի փոխանցումը	-	+	+	+	+	+	-	-	-
48) Ապահովագրական ընկերության վերակազմակերպումը և լուծարումը	-	+	+	-	-	-	+	-	-
49) Ապահովագրական ընկերության ինքնալուծարումը	-	+	+	-	-	-	-	-	-
50) Լուծարային հանձնաժողովի նկատմամբ վերահսկողությունը և հաշվետվությունները	+	+	+	-	-	-	+	-	-
51) Վերահսկողություն և պատասխանատվություն իրավական ակտերի խախտումների համար	+	+	+	+	+	+	+	+	+
52) Պատասխանատվության միջոցները	+	+	+	+	+	+	+	+	+
53) Ապահովագրական ընկերության ակտիվների դասակարգումը և հնարավոր կորուստների պահուստների ձևավորումը	-	+	+	+	+	+	-	-	-
54) Ապահովագրական ընկերության ներքին աուդիտի գործունեության, ներքին հսկողության համակարգին ներկայացվող նվազագույն պահանջները	+	+	+	+	+	+	-	-	-
55) Ապահովագրության տարրերը	-	+	+	+	+	+	+	+	+
56) Ապահովագրողները	-	+	+	+	+	+	+	+	+
57) Ապահովագրության պայմանագիրը	-	+	+	+	+	+	+	+	+
58) Ապահովագրության պայմանագիրը կնքելիս ապահովադրի կողմից տրամադրվող տեղեկությունները	-	+	+	-	+	+	+	-	+
59) Ապահովագրական պատահարը	-	+	+	-	+	+	+	-	+
60) Ապահովագրական ռիսկի գնահատումը	-	+	+	-	+	+	+	-	+
61) Ապահովագրական գումար և ապահովագրական արժեք	-	+	+	+	+	+	+	+	+
62) Ապահովագրական հատուցման նվազեցումը և հատուցման մերժման հիմքերը	-	+	+	-	+	+	+	-	+
63) Համատեղ ապահովագրությունը	-	+	+	+	+	+	+	-	+
64) Ապահովագրավճարը	-	+	+	+	+	+	+	+	+
65) Ապահովագրված անձին փոխարինելը	-	+	-	-	+	+	+	-	+
66) Շահառուն	-	+	+	+	+	+	+	+	+
67) Ապահովագրության պայմանագրի գործողության սկիզբը	-	+	+	+	+	+	+	+	+
68) Ապահովագրության պայմանագրի վաղաժամկետ դադարումը և դրա իրավական հետևանքները	-	+	+	-	+	+	+	-	+
69) Ապահովագրության պայմանագրի գործողության ընթացքում ապահովագրական ռիսկի մեծանալու կամ նվազելու հետևանքները	-	+	+	+	+	+	+	+	+
70) Ապահովագրության օբյեկտի նկատմամբ իրավունքներն այլ անձի փոխանցելը	-	+	+	-	+	+	+	-	+
71) Ապահովագրական պատահարը տեղի ունենալու մասին ապահովագրողին ծանուցելը	-	+	+	-	+	+	+	-	+
72) Ապահովագրական պատահարից առաջացած վնասները նվազեցնելը	-	+	+	-	+	+	+	+	+
73) Ապահովադրի, ապահովագրված անձի կամ շահառուի մեղքով ապահովագրական պատահարի տեղի ունենալու հետևանքները	-	+	+	-	+	+	+	-	+
74) Ապահովագրական հատուցումը և ապահովագրական գումար վճարելուց ապահովագրողին ազատելը	-	+	+	-	+	+	+	-	+
75) Վնասի հատուցման պահանջի իրավունքն ապահովադրից ապահովագրողին անցնելը	-	+	+	-	+	+	+	-	+
76) Հայցային վաղեմությունն ապահովագրության հետ կապված պահանջներով	-	+	+	-	+	+	+	-	+
77) Վերաապահովագրության պայմանագիրը	-	+	+	+	+	+	+	+	+
78) Պարտադիր ապահովագրությունը	-	+	+	+	+	+	+	+	+
79) Երրորդ անձի կողմից վնաս պատճառելու համար պատասխանատվության ապահովագրությունը	-	+	+	-	+	+	+	-	+
80) Գործնական ապահովագրության խնդիրներ	-	+	+	+	-	-	+	+	+
2. Ապահովագրություն և ակտուարական հաշվարկներ
1) Ֆինանսական մաթեմատիկա և ներդրումներ
ա) Ներդրումային պայուսակներ, դրանց եկամտաբերության ու ռիսկայնության գնահատումներ	-	-	-	-	+	-	-	-	-
բ) Կապիտալ ակտիվների գնահատման մոդել (CAPM)	-	-	-	-	+	-	-	-	-
գ) Ներդրումային նախագծերի գնահատում	-	-	-	-	+	-	-	-	-
դ) Աննուիտետներ, դրանց տեսակները	-	-	-	-	+	-	-	-	-
ե) Փողի ժամանակային արժեք, դրամական հոսքերի ներկա և ապագա արժեքներ	-	-	-	-	+	-	-	-	-
զ) Եկամտաբերության ներքին դրույք (IRR)	-	-	-	-	+	-	-	-	-
է) Արժեթղթերի (պարտատոմսեր, բաժնետոմսեր, ածանցյալ գործիքներ) գնահատում և գնորոշում	-	-	-	-	+	-	-	-	-
ը) Տարբեր պարբերականությամբ հաշվարկվող անվանական, իրական և արդյունավետ տոկոսադրույքներ	-	-	-	-	+	-	-	-	-
թ) Շարունակաբար (անընդհատ) հաշվարկվող տոկոսադրույք, տոկոսադրույքի ուժ	-	-	-	-	+	-	-	-	-
ժ) Տարբեր պարբերականությամբ հաշվարկվող անվանական, իրական և արդյունավետ դիսկոնտի (զեղչման) դրույքներ	-	-	-	-	+	-	-	-	-
ի) Միջազգայնորեն ընդունված պայմանական նշանակումներ (աննուիտետի, զեղչման գործակիցների, տարբեր վճարման հաճախականությամբ տոկոսադրույքների և այլն)	-	-	-	-	+	-	-	-	-
2) Կյանքի ապահովագրության մաթեմատիկա
ա) Կյանքի ապահովագրության պրոդուկտներ (աննուիտետներ, մահվան, լրակեցության, խառը ապահովագրություն և այլն), դրանց հետ կապված ֆինանսական հոսքերի գնահատում	-	-	-	-	+	-	-	-	-
բ) Կյանքի ապահովագրության վկայագրերի/պոլիսների, դրանց գծով ապահովագրավճարների և հատուցումների (օգուտների) ներկա և ապագա արժեքները	-	-	-	-	+	-	-	-	-
գ) Զուտ ապահովագրավճարով վկայագրի արժեքը (net premiսm policy valսe)	-	-	-	-	+	-	-	-	-
դ) Միջազգայնորեն ընդունված ակտուարական պայմանական նշանակումների համակարգ	-	-	-	-	+	-	-	-	-
ե) Կոմուտացիոն ֆունկցիաներ	-	-	-	-	+	-	-	-	-
3) Ոչ կյանքի ապահովագրության մաթեմատիկա
ա) Ոչ կյանքի ապահովագրության դասերը, դրանց առանձնահատկությունները, համաապահովագրություն	-	-	-	-	+	-	-	-	-
բ) Ապահովագրողի սեփական պահում և վերաապահովագրություն, վերաապահովագրության տեսակները	-	-	-	-	+	-	-	-	-
գ) Չհատուցվող գումար՝ ֆրանշիզա	-	-	-	-	+	-	-	-	-
դ) Ապահովագրավճարների հաշվարկման մեթոդաբանությունը և հաշվառման սկզբունքները	-	-	-	-	+	-	-	-	-
ե) Ապահովագրական պատահարները նկարագրող վիճակագրական բաշխումներ, դրանց հատկությունները	-	-	-	-	+	-	-	-	-
զ) Առանձին ապահովագրական պատահարի գծով վնասի չափը նկարագրող վիճակագրական բաշխումներ, դրանց հատկությունները	-	-	-	-	+	-	-	-	-
է) Ապահովագրական պորտֆելի գծով ընդհանուր վնասները նկարագրող վիճակագրական բաշխումներ, դրանց հատկությունները	-	-	-	-	+	-	-	-	-
ը) Վնասաբերության ցուցանիշը	-	-	-	-	+	-	-	-	-
թ) Սպասվող հատուցման գումարների և ապահովագրավճարների հաշվարկման համար վստահության տեսություն ու վստահության գործակիցներ (այդ թվում՝ քառակուսի արմատի կանոնով հաշվարկված)	-	-	-	-	+	-	-	-	-
ժ) Օգտակարության տեսություն	-	-	-	-	+	-	-	-	-
ի) «Բոնուս-մալուս» կամ NCD համակարգեր	-	-	-	-	+	-	-	-	-
լ) Ոչ կյանքի ապահովագրության համար ձևավորվող պահուստներ	-	-	-	-	+	-	-	-	-
4) Հավանականություններ և մաթեմատիկական վիճակագրություն
ա) Հավանականությունների բազմապատկման և գումարման կանոնները	-	-	-	-	+	-	-	-	-
բ) Պատահական մեծությունների թվային բնութագրիչները և դրանց հաշվարկման առանձնահատկությունները (մաթեմատիկական սպասում, դիսպերսիա, միջին քառակուսային շեղում/ստանդարտ շեղում, կովարիացիա, կոռելյացիա)	-	-	-	-	+	-	-	-	-
գ) Նորմալ բաշխումը և դրա հատկությունները (կետի տվյալ միջակայք ընկնելու հավանականության հաշվարկը, երեք սիգմայի կանոնը): Ստանդարտացված պատահական մեծությունը և դրա վիճակագրական բնութագրիչները	-	-	-	-	+	-	-	-	-
դ) Կորելյացիոն և ռեգրեսիոն վերլուծության հիմունքները (երկակի և բազմակի ռեգրեսիաների պարամետրերի գնահատման եղանակները, նվազագույն քառակուսիների եղանակը, t-չափանիշը և դրա հաշվարկը)	-	-	-	-	+	-	-	-	-
ե) Նորմալ բաշխման պարամետրերի միջակայքերի գնահատման եղանակները (մաթեմատիկական սպասման և դիսպերսիայի միջակայքերի գնահատումը)	-	-	-	-	+	-	-	-	-
զ) Ընտրանքի անհրաժեշտ չափը որոշելու սկզբունքները և բանաձևերը	-	-	-	-	+	-	-	-	-
է) Ավտոռեգրեսիա (AR) և սահող միջին (MA) ժամանակային շարքերի առաջին և երկրորդ կարգի մոմենտները (մաթեմատիկական սպասումը և դիսպերսիան)	-	-	-	-	+	-	-	-	-
ը) Մարկովյան շղթաներ (անցումային հավանականությունների հաշվարկը n քայլի համար): Մարկովյան շղթայի ստացիոնար անցումային հավանականությունների հաշվարկը	-	-	-	-	+	-	-	-	-
5) Գործնական խնդիրներ	-	-	-	-	+	-	-	-	-
3. Ընդհանուր տնտեսական օրենսդրություն և քաղաքացիաիրավական հարաբերություններ
1) Քաղաքացիական իրավունքների սուբյեկտներ	-	+	+	+	+	+	+	+	+
2) Պայմանագրից ծագող պարտավորություններ		+	+	+	+	+	+	+	+
3) Ընդհանուր դրույթներ պարտավորությունների մասին	-	+	+	+	+	+	+	+	+
4) Գործարքներ: Ներկայացուցչություն: Ժամկետներ: Հայցային վաղեմություն	-	+	+	+	+	+	+	+	+
5) ՀՀ կենտրոնական բանկի հիմնական խնդիրը և այլ խնդիրները	+	+	+	+	+	+	+	+	+
6) ՀՀ կենտրոնական բանկի կողմից իրականացվող ստուգումները և վերահսկողությունը	+	+	+	+	+	+	+	+	+
7) Բաժնետիրական ընկերության իրավական վիճակը	-	+	+	+	-	-	+	+	+
8) Բաժնետիրական ընկերության և այլ անձանց պատասխանատվությունը	+	+	+	+	-	-	+	+	+
9) Բաժնետիրական ընկերության անվանումը և գտնվելու վայրը	-	+	+	+	-	-	+	+	+
10) Բաժնետիրական ընկերության մասնաճյուղերը և ներկայացուցչությունները	-	+	+	+	-	-	+	+	+
11) Բաժնետիրական ընկերությունների տեսակները	-	+	+	+	-	-	+	+	+
12) Բաժնետիրական ընկերության ստեղծումը, վերակազմակերպումը և լուծարումը	-	+	+	+	-	-	+	+	+
13) Բաժնետիրական ընկերության կանոնադրական կապիտալը, ընկերության բաժնետոմսերը և այլ արժեթղթերը, ընկերության զուտ ակտիվները	-	+	+	+	-	-	+	+	+
14) Բաժնետիրական ընկերության բաժնետերերի ռեեստրը	-	+	+	+	-	-	+	+	+
15) Բաժնետիրական ընկերության ընդհանուր ժողովը	+	+	+	+	-	-	+	+	+
16) Բաժնետիրական ընկերության խորհուրդը և գործադիր մարմինը	+	+	+	+	-	-	+	+	+
17) Բաժնետիրական ընկերության ֆինանսատնտեսական գործունեության վերահսկումը	+	+	+	+	-	-	+	+	+
18) Հաշվառումը և հաշվետվությունները բաժնետիրական ընկերության մասին տեղեկությունները	-	+	+	+	-	-	+	+	+
19) Հիմնական դրույթներ սահմանափակ պատասխանատվությամբ ընկերությունների վերաբերյալ	-	+	+	+	-	-	+	+	+
20) Սահմանափակ պատասխա-նատվությամբ ընկերության սեփականությունը	+	+	+	+	-	-	+	+	+
21) Սահմանափակ պատասխանատվությամբ ընկերության և նրա մասնակիցների պատասխանատվությունը	+	+	+	+	-	-	+	+	+
22) Սահմանափակ պատասխանատվությամբ ընկերության մասնաճյուղերը և ներկայացուցչությունները	-	+	+	+	-	-	+	+	+
23) Սահմանափակ պատասխանատվությամբ ընկերության ստեղծումը	-	+	+	+	-	-	+	+	+
24) Սահմանափակ պատասխանատվությամբ ընկերության մասնակիցները	+	+	+	+	-	-	+	+	+
25) Սահմանափակ պատասխանատվությամբ ընկերության կանոնադրական կապիտալը	+	+	+	+	-	-	+	+	+
26) Սահմանափակ պատասխանատվությամբ ընկերության կառավարումը	+	+	+	+	-	-	+	+	+
27) Սահմանափակ պատասխանատվությամբ ընկերության վերակազմակերպումը և լուծարումը	-	+	+	+	-	-	+	+	+
4. Հաշվապահական հաշվառման օրենսդրություն, հաշվապահական ստանդարտներ, հարկային օրենսդրություն
1) Ֆինանսական հաշվետվությունները և դրանց տարրերը	-	+	+	+	+	+	+	+	-
2) Ֆինանսական հաշվետվությունների տարրերի ճանաչումը և չափումը	-	+	+	+	+	+	+	+	-
3) Հաշվապահական հաշվառում վարելու և ֆինանսական հաշվետվություններ կազմելու սկզբունքները	-	+	+	+	+	+	+	+	-
4) Կազմակերպության ղեկավարի իրավունքները և պարտականությունները հաշվապահական հաշվառման կազմակերպման գործում	-	+	+	+	-	-	+	+	-
5) Գլխավոր հաշվապահի իրավունքները և պարտականությունները	-	+	+	+	-	-	+	+	-
6) Հաշվապահական հաշվառման վարման հիմնական կանոնները	-	+	+	+	+	+	+	+	-
7) Սկզբնական հաշվապահական հաշվառման փաստաթղթերը	-	+	+	+	+	+	+	+	-
8) Հաշվապահական հաշվառման գրանցամատյանները	-	+	+	+	-	-	+	+	-
9) Ստորագրության իրավունքը հաշվապահական հաշվառման փաստաթղթերում	-	+	+	+	-	-	+	+	-
10) Ակտիվների և պարտավորությունների գույքագրումը	-	+	+	+	-	-	+	+	-
11) Հաշվապահական տեղեկատվության գաղտնիությունը	-	+	+	+	+	+	+	+	-
12) Հաշվապահական հաշվառման փաստաթղթերի պահպանումը	-	+	+	+	-	-	+	+	-
13) Ֆինանսական հաշվետվություններ կազմելը և ներկայացնելը	-	+	+	+	-	-	+	+	-
14) Ապահովագրական ընկերությունների ֆինանսատնտեսական գործունեության հաշվապահական հաշվառման հաշվային պլանը, դրա կիրառման մասին հրահանգը	-	-	+	+	-	-	-	-	-
15) «Ֆինանսական հաշվետվությունների ներկայացում» ՀՀՄՍ1	-	-	+	+	-	-	-	+	-
16) «Պաշարներ» ՀՀՄՍ 2	-	-	+	+	-	-	-	+	-
17) «Դրամական միջոցների հոսքերի մասին հաշվետվություն» ՀՀՄՍ 7	-	-	+	+	-	-	-	+	-
18) «Հաշվապահական հաշվառման քաղաքականություն, հաշվապահական հաշվառման գնահատումների փոփոխություններ և սխալներ» ՀՀՄՍ 8	-	-	+	+	-	-	-	+	-
19) «Հաշվետու ժամանակաշրջանից հետո տեղի ունեցող դեպքեր» ՀՀՄՍ10	-	-	+	+	-	-	-	+	-
20) «Շահութահարկ» ՀՀՄՍ 12	-	-	+	+	-	-	-	+	-
21) «Հիմնական միջոցներ» ՀՀՄՍ 16	-	-	+	+	-	-	-	+	-
22) «Վարձակալություն» ՀՀՄՍ 17	-	-	+	+	-	-	-	+	-
23) «Հասույթ» ՀՀՄՍ 18	-	-	+	+	-	-	-	+	-
24) «Պետական շնորհների հաշվառում և պետական օգնության բացահայտում» ՀՀՄՍ 20	-	-	+	+	-	-	-	+	-
25) «Արտարժույթի փոխանակման փոխարժեքի փոփոխությունների հետևանքները» ՀՀՄՍ 21	-	-	+	+	-	-	-	+	-
26) «Ֆինանսական գործիքներ. ներկայացումը» ՀՀՄՍ 32	-	-	+	+	-	-	-	+	-
27) «Միջանկյալ ֆինանսական հաշվետվություններ» ՀՀՄՍ 34	-	-	+	+	-	-	-	+	-
28) «Ակտիվների արժեզրկում» ՀՀՄՍ 36	-	-	+	+	-	-	-	+	-
29) «Պահուստներ, պայմանական պարտավորություններ և պայմանական ակտիվներ» ՀՀՄՍ 37	-	-	+	+	-	-	-	+	-
30) «Ոչ նյութական ակտիվներ» ՀՀՄՍ 38	-	-	+	+	-	-	-	+	-
31) «Ֆինանսական գործիքներ. ճանաչումը և չափումը» ՀՀՄՍ 39	-	-	+	+	-	-	-	+	-
32) «Ներդրումային գույք» ՀՀՄՍ 40	-	-	+	+	-	-	-	+	-
33) «Ապահովագրության պայմանագրեր» ՖՀՄՍ 4	-	-	+	+	-	-	-	+	-
34) «Ֆինանսական գործիքներ. բացահայտումներ» ՖՀՄՍ 7	-	-	+	+	-	-	-	+	-
35) Հարկերի և հարկային արտոնությունների տեսակները	-	+	+	+	-	-	+	+	+
36) Հարկ վճարողների իրավունքները, պարտականությունները և հսկողությունը հարկերի վճարման նկատմամբ	-	+	+	+	-	-	+	+	+
37) Հարկային պարտավորու- թյուններից ավելի բյուջե վճարված գումարները հարկ վճարողին վերադարձնելու կարգը	-	+	+	+	-	-	+	+	+
38) Հարկվող սուբյեկտները և հարկվող օբյեկտը	-	-	+	+	-	-	-	+	-
39) Համախառն եկամուտը	-	-	+	+	-	-	-	+	-
40) Համախառն եկամտի նվազեցումները	-	-	+	+	-	-	-	+	-
41) Ոչ ռեզիդենտի հարկումը	-	-	+	+	-	-	-	+	-
Այլ
1) Ֆինանսական համակարգի հաշտարարը	+	+	+	-	-	-	+	-	+
2) Փողերի լվացման և ահաբեկչության ֆինանսավորման դեմ պայքար	+	+	+	+	+	+	+	+	+

(186-րդ կետը խմբ. 01.07.08 թիվ 188-Ն, 01.12.09 թիվ 360-Ն)

Գ Լ ՈՒ Խ 43

ԱՆՑՈՒՄԱՅԻՆ ԴՐՈՒՅԹՆԵՐ

187. Սույն որոշումն ուժի մեջ մտնելու պահից Հայաստանի Հանրապետության տարածքում գործող ապահովագրական ընկերության վերստուգիչ հանձնաժողովի նախագահը (հսկիչը) և անդամները համարվում են Կենտրոնական բանկում գրանցումից հանված:

188. Սույն որոշումն ուժի մեջ մտնելու պահից ապահովագրական ընկերության վերստուգիչ հանձնաժողովի նախագահի (հսկիչի), վերստուգիչ հանձնաժողովի անդամի որակավորման վկայականները համարվում են ապահովագրական ընկերության ներքին աուդիտի ղեկավարի, ներքին աուդիտի անդամի որակավորման վկայականներ:

(188-րդ կետը խմբ. 01.07.08 թիվ 188-Ն)

189. Սույն որոշումն ուժի մեջ մտնելուց հետո Հայաստանի Հանրապետության կենտրոնական բանկի խորհրդի 2006 թվականի օգոստոսի 1-ի ««Ապահովագրական գործունեություն իրականացնողի լիցենզավորման, մասնաճյուղերի գրանցման և ապահովագրական գործունեություն իրականացնողի կանոնադրական կապիտալում բաժնեմաս (բաժնետոմս) կամ փայամասնակցություն ձեռք բերելու համար նախնական համաձայնություն ստանալու կարգը», «Ապահովագրական գործունեություն իրականացնողների ղեկավարների, ակտուարի և գործակալի մասնագիտական որակավորման պահանջներն ու որակավորման ստուգման կարգը», «Ապահովագրողի գործունեության երեք տարվա գործարար ծրագրի ներկայացման կարգը» հաստատելու մասին» թիվ 476-Ն որոշմամբ տրված որակավորման վկայականները պահպանում են իրենց իրավական ուժը:

Հավելված 1ա

«Ապահովագրական և ապահովագրական բրոքերային գործունեության լիցենզավորումը, ապահովագրական գործակալի հաշվառումը, Հայաստանի Հանրապետության տարածքում օտարերկրյա ապահովագրական ընկերության մասնաճյուղի և ներկայացուցչության գրանցումը, ապահովագրական ընկերության կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, ապահովագրական ընկերության գործունեության գործարար ծրագրի ձևը, ներկայացման կարգը և ժամկետները, ապահովագրական ընկերության և ապահովագրական բրոքերային ընկերության ղեկավարների ու պատասխանատու անձանց որակավորումը, ապահովագրական ընկերության ղեկավարներին, ապահովագրական բրոքերի պատասխանատու անձանց ներկայացվող մասնագիտական համապատասխանության և որակավորման չափանիշները, մասնագիտական համապատասխանության ստուգման և որակավորման կարգը, ապահովագրական ընկերության ղեկավարների, ապահովագրական բրոքերի պատասխանատու անձանց թեկնածուների մասնագիտական որակավորման ստուգման թեմաների ցանկը» կանոնակարգ 3/01-ը հավելվածի

Ներմուծեք նկարագրությունը_664

(Հավելվածը փոփ. 01.07.08 թիվ 188-Ն, խմբ. 01.12.09 թիվ 360-Ն)

Հավելված 1բ

Ներմուծեք նկարագրությունը_665

(Հավելվածը փոփ. 01.07.08 թիվ 188-Ն, խմբ. 01.12.09 թիվ 360-Ն)

Հավելված 1գ

Ներմուծեք նկարագրությունը_667

(Հավելվածը փոփ. 01.07.08 թիվ 188-Ն, խմբ. 01.12.09 թիվ 360-Ն)

Հավելված 1դ

Ներմուծեք նկարագրությունը_20559

Հավելված 2ա

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ԳՐԱՆՑՄԱՆ ԵՎ

ԼԻՑԵՆԶԻԱ ՍՏԱՆԱԼՈՒ ԴԻՄՈՒՄ

Կենտրոնական բանկի նախագահ

__________________ ին

Հարգելի ______________

____________________________________________________

(կազմակերպության լրիվ անվանումը)

որոշում է կայացրել ________________________________________

(ոչ կյանքի, կյանքի ապահովագրության և վերաապահովագրության)

իրականացման լիցենզիա ստանալու համար դիմելու մասին:

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք լիցենզիա ստանալու համար անհրաժեշտ փաստաթղթերը և դրանց ցանկը: Առդիր` —- էջ:

Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն դիմումին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված պատասխանատվության և դիմումի մերժմանը:

Խնդրում ենք Հայաստանի Հանրապետության օրենսդրությամբ սահմանված կարգով տրամադրել ստորև նշված ապահովագրության դասերով ապահովագրական գործունեության իրականացման լիցենզիա.

c ոչ կյանքի _______________________________________________

(դասի անվանումը)

_________________________________________________

c կյանքի ապահովագրության

_________________________________________________

(դասի անվանումը)

_________________________________________________

c վերաապահովագրության

Դիմումը ներկայացնող անձ`

________________________________________________________

(կազմակերպության իրավասու անձի անունը, ազգանունը, ստորագրությունը)

(հեռախոս, հասցե)

____ ___________________ 200 թ.

Հավելված 2բ

ՕՏԱՐԵՐԿՐՅԱ ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՄԱՍՆԱՃՅՈՒՂԻ

(ՆԵՐԿԱՅԱՑՈՒՑՉՈՒԹՅԱՆ) ԳՐԱՆՑՄԱՆ ԴԻՄՈՒՄ

Կենտրոնական բանկի նախագահ

__________________ ին

Հարգելի ______________

__________________________________________________________

(օտարերկրյա ապահովագրական ընկերության լրիվ անվանումը)

որոշում է կայացրել Հայաստանի Հանրապետությունում ________________________

(մասնաճյուղ, ներկայացուցչություն)

բացելու մասին:

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք օտարերկրյա ապահովագրական ընկերության մասնաճյուղի գրանցման համար անհրաժեշտ փաստաթղթերը և դրանց ցանկը: Առդիր` —- էջ:

Խնդրում ենք Հայաստանի Հանրապետության օրենսդրությամբ սահմանված կարգով գրանցել օտարերկրյա
ապահովագրական ընկերության _______________________________,

(մասնաճյուղը, ներկայացուցչությունը)

Մասնաճյուղը իրականացնելու է ապահովագրական գործունեություն ապահովագրության հետևյալ դասերով.

c ոչ կյանքի _______________________________________________

(դասի անվանումը)

_________________________________________________

c կյանքի ապահովագրության

_________________________________________________

(դասի անվանումը)

_________________________________________________

c վերաապահովագրության

Օտարերկրյա ապահովագրական ընկերության իրավասու անձի անունը, ազգանունը, ստորագրությունը

______________________ ________________

(հեռախոս, հասցե)

______ _______________________ 200 թ.

Հավելված 2գ

ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՄԱՍՆԱՃՅՈՒՂԻ

(ՆԵՐԿԱՅԱՑՈՒՑՉՈՒԹՅԱՆ) ԳՐԱՆՑՄԱՆ ԴԻՄՈՒՄ

Կենտրոնական բանկի նախագահ

__________________ ին

Հարգելի ______________

__________________________________________________________

(ապահովագրական ընկերության լրիվ անվանումը)

որոշում է կայացրել Հայաստանի Հանրապետությունում ________________________

(մասնաճյուղ, ներկայացուցչություն)

բացելու մասին:

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք ապահովագրական ընկերության մասնաճյուղի գրանցման համար անհրաժեշտ փաստաթղթերը և դրանց ցանկը: Առդիր` —- էջ:

Խնդրում ենք Հայաստանի Հանրապետության օրենսդրությամբ սահմանված կարգով գրանցել
ապահովագրական ընկերության _______________________________,

(մասնաճյուղը, ներկայացուցչությունը)

Ապահովագրական ընկերության գործադիր տնօրենի անունը, ազգանունը, ստորագրությունը
_____________________________________________________________

(հեռախոս, հասցե)

______ _______________________ 200 թ.

Հավելված 2դ

ԱՊԱՀՈՎԱԳՐԱԿԱՆ ԲՐՈՔԵՐԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱ ՍՏԱՆԱԼՈՒ

Մ Ի Ջ Ն Ո Ր Դ Ա Գ Ի Ր

Կենտրոնական բանկի նախագահ

__________________ ին

Հարգելի ______________

__________________________________________________________

(կազմակերպության լրիվ անվանումը)

որոշում է կայացրել ապահովագրական բրոքերային գործունեության իրականացման լիցենզիա ստանալու համար դիմելու մասին:

Խնդրում ենք Հայաստանի Հանրապետության օրենսդրությամբ սահմանված կարգով տրամադրել ապահովագրական բրոքերային գործունեության՝ ստորև նշված բրոքերային գործառնությունների իրականացման լիցենզիա.

c ապահովագրական և վերաապահովագրության պայմանագրերի կնքման նախապատրաստական աշխատանքների, այդ թվում` նաև ապահովագրական խորհրդատվության իրականացում.

c ապահովադիրների` կոնկրետ ապահովագրողների հետ ապահովագրական և վերաապահովագրության պայմանագրերի կնքման կազմակերպում.

c ապահովագրական և վերաապահովագրության պայմանագրերի կատարման oժանդակում, ներառյալ` ապահովագրավճարների հավաքման և հատուցումների փոխանցման իրականացումը` ապահովադրի կամ ընկերության թույլատրած չափերով.

Դիմումը ներկայացնող անձ`

_______________________________________________________________

(կազմակերպության իրավասու անձի անունը, ազգանունը, ստորագրությունը)

(հեռախոս, հասցե)

______ _______________________ 200 թ.

Հավելված 2ե

ԱՊԱՀՈՎԱԳՐԱԿԱՆ ԳՈՐԾԱԿԱԼԻ ՀԱՇՎԱՌՄԱՆ ԴԻՄՈՒՄ

Կենտրոնական բանկի նախագահ

__________________ ին

Հարգելի ______________

__________________________________________________________

(իրավաբանական անձի համար` անվանումը և կազմակերպական-իրավական ձևը, գործունեության հասցեն,
անհատ ձեռնարկատիրոջ և ֆիզիկական անձի համար` անունը, ազգանունը, հայրանունը,
հաշվառման վայրը, ինչպես նաև գործունեության վայրը (մարզ, բնակավայր (քաղաք կամ գյուղ))

որոշում է կայացրել ապահովագրական գործակալի գործառույթներ իրականացնելու մասին:

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք ապահովագրական գործակալների ռեգիստրում հաշվառելու համար անհրաժեշտ փաստաթղթերը և դրանց ցանկը: Առդիր` —- էջ:

Խնդրում ենք հաշվառել ապահովագրական գործակալների ռեգիստրում:

Իրավաբանական անձի իրավասու անձի, անհատ ձեռնարկատիրոջ կամ ֆիզիկական անձի անունը,
ազգանունը, ստորագրությունը, անհատ ձեռնարկատիրոջ դեպքում նաև «անհատ ձեռնարկատեր» նշումը

______________________ ________________

(հեռախոս, հասցե)

______ _______________________ 200 թ.

(Հավելվածը լրաց., փոփ. 29.11.10 թիվ 315-Ն)

Հավելված 2զ

ՈՐԱԿԱՎՈՐՄԱՆ ՍՏՈՒԳՄԱՆԸ ՄԱՍՆԱԿՑԵԼՈՒ ՀԱՄԱՐ ՆԵՐԿԱՅԱՑՎՈՂ ԴԻՄՈՒՄ

Հայաստանի Հանրապետության

կենտրոնական բանկի նախագահ

_________ -ին

Դ Ի Մ ՈՒ Մ

Հարգելի պարոն ____________

Խնդրում եմ թույլատրել ինձ մասնակցելու ապահովագրական _______

________________________________________________________

(պաշտոնի կամ պաշտոնների անվանումը)

պաշտոնում (պաշտոններում) աշխատելու համար որակավորման ստուգմանը:

Դիմող՝

_______________

անուն, ազգանուն

_______________

ստորագրություն

_______________

(հեռախոս, հասցե)

___ _______________200 թ.

Հավելված 2է

«Ապահովագրական և ապահովագրական բրոքերային գործունեության լիցենզավորումը,

ապահովագրական գործակալի հաշվառումը, Հայաստանի Հանրապետության տարածքում

օտարերկրյա ապահովագրական ընկերության մասնաճյուղի և ներկայացուցչության գրանցումը,

ապահովագրական ընկերության կանոնադրական կապիտալում նշանակալից մասնակցություն

ունենալու համար նախնական համաձայնություն ստանալու կարգը, ապահովագրական

ընկերության գործունեության գործարար ծրագրի ձևը, ներկայացման կարգը և ժամկետները,

ապահովագրական ընկերության և ապահովագրական բրոքերային ընկերության ղեկավարների

ու պատասխանատու անձանց որակավորումը, ապահովագրական ընկերության ղեկավարներին,

ապահովագրական բրոքերի պատասխանատու անձանց ներկայացվող մասնագիտական

համապատասխանության և որակավորման չափանիշները, մասնագիտական

համապատասխանության ստուգման և որակավորման կարգը, ապահովագրական ընկերության

ղեկավարների, ապահովագրական բրոքերի պատասխանատու անձանց թեկնածուների

մասնագիտական որակավորման ստուգման թեմաների ցանկը» կանոնակարգ 3/01-ի հավելվածի

ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՀԱՅՏ

Կենտրոնական բանկի նախագահ

……………………………-ին

Հարգելի --------------------

Խնդրում ենք Հայաստանի Հանրապետության օրենսդրությամբ սահմանված կարգով որպես կազմակերպության ֆիրմային անվանում գրանցել հետևյալ անվանումը.

_______________________________________________________

(գրանցման ներկայացված ֆիրմային անվանումը, դրա հապավումը կամ կրճատ ձևը (եթե այդպիսին կա))

_______________________________________________________

(գրանցման ներկայացված ֆիրմային անվանման բացատրությունը, եթե այն հայերեն հասկանալի չէ)

Ֆիրմային անվանման գրանցման պատճառ է հանդիսացել (ընդգծել համապատասխան տողը).

● հիմնադրում

● վերակազմակերպում

o միացում

o վերակազմավորում (կազմակերպաիրավական ձևի փոփոխություն)

● անվանափոխություն

Համաձայն «Ֆիրմային անվանումների մասին» ՀՀ օրենքի և այլ իրավական ակտերի՝ կից ներկայացնում ենք ֆիրմային անվանման գրանցման համար անհրաժեշտ փաստաթղթերը: Առդիր` --- էջ:

Հայտը ներկայացնող անձ`

________________________________________________________

(Գրանցվող ապահովագրական ընկերության հիմնադիրներին ներկայացնող իրավասու անձի անունը, ազգանունը,

հեռախոսը, բնակության (հաշվառման) վայրը, ստորագրությունը կամ ապահովագրական ընկերության անվանումը,

գտնվելու վայրը, ապահովագրական ընկերության իրավասու անձի անունը, ազգանունը, ստորագրությունը)

___ ____________ 20__ թ.

(Հավելվածը լրաց. 22.09.09 թիվ 278-Ն)

Հավելված 2ը