«Գրանցված է»
ՀՀ արդարադատության
նախարարության կողմից
17 դեկտեմբերի 2010 թ.
Պետական գրանցման թիվ 05010483
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
23 նոյեմբերի 2010 թ. |
թիվ 308-Ն |
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ 2010-2011 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ «ԾԱՂԻԿՆԵՐԻ ԳԵՂԵՑԿՈՒԹՅՈՒՆԸ» ՀՈՒՇԱԴՐԱՄՆԵՐԻ ՇԱՐՔԻ «ԱՐՈՍԵՆԻ ՀԱՅԱՍՏԱՆՅԱՆ» ՀՈՒՇԱԴՐԱՄԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը` Հայաստանի Հանրապետության կենտրոնական բանկի խորհուրդը որոշում է.
1. 2011 թվականի հունվարի 12-ից շրջանառության մեջ դնել «Արոսենի Հայաստանյան» արծաթե հուշադրամը:
2. Հաստատել սույն որոշման 1-ին կետով սահմանված հուշադրամի նկարագրությունը, որը հուշադրամի դիմերեսի և դարձերեսի ուրվագծերի հետ մեկտեղ ներկայացված է Հավելվածում (կցվում է):
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
ՀՀ կենտրոնական |
Ա. Ջավադյան |
|
|
|
Հավելված
Հաստատված է ՀՀ կենտրոնական բանկի խորհրդի 2010 թվականի նոյեմբերի 23-ի թիվ 308-Ն որոշմամբ |
ՆԿԱՐԱԳՐՈՒԹՅՈՒՆ
1. «Արոսենի Հայաստանյան» հուշադրամի նկարագրությունը
Հայաստանի Հանրապետության կենտրոնական բանկը «Ծաղիկների գեղեցկությունը» միջազգային դրամագիտական ծրագրի շրջանակում թողարկել է 1000 դրամ անվանական արժեքով «Արոսենի Հայաստանյան» արծաթե հուշադրամը:
Հուշադրամի դիմերեսի աջ հատվածում պատկերված են արոսենու ծաղիկը և թողարկման տարեթիվը` «2011»: Ամբողջ մակերեսով տեղադրված է գունավոր ոճավորված պատկեր, որի մեջտեղում գտնվում են արոսենու պտուղները: Դիմերեսի վերևի և ներքևի կիսաշրջագծով մակագրված է «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA»: Հուշադրամի անվանական արժեքը` «1000 ԴՐԱՄ»` տեղադրված է ներքևի հատվածում:
Հուշադրամի դարձերեսին պատկերված են արոսենու տերևը և պտուղները: Աջ հատվածի պատկերի մի մասը ավարտվում է հուշադրամի դիմերեսին: Դարձերեսի եզրով հայերեն և լատիներեն մակագրված է ծաղկի անվանումը` «ԱՐՈՍԵՆԻ ՀԱՅԱՍՏԱՆՅԱՆ» և «Sorbus hajastana»: Դարձերեսի ներքևի աջ հատվածում նշված են հուշադրամի մետաղը և հարգը` «Ag 925»:
Հուշադրամի ուրվագծերի հեղինակն է Էդուարդ Կուրղինյանը:
Հուշադրամը հատվել է Մայեր դրամահատարանում (Գերմանիա):
Հուշադրամի բնութագիրը Անվանական արժեքը Մետաղը Քաշը Տրամագիծը Դրամաշուրթը Որակը Թողարկման տարեթիվը Տպաքանակը 1000 դրամ արծաթ, 9250 28,28 գ 38,61 մմ ատամնավոր պրուֆ 2011 մինչև 10000 հատ
1.2. «Արոսենի Հայաստանյան» հուշադրամի դիմերեսի և դարձերեսի ուրվագծերը
