«Գրանցված է»
ՀՀ արդարադատության
նախարարության կողմից
26 հուլիսի 2010 թ.
Պետական գրանցման թիվ 05010263
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
6 հուլիսի 2010 թ. |
թիվ 158-Ն |
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՄԱՐՏԻ 11-Ի ԹԻՎ 68-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Արժեթղթերի շուկայի մասին» Հայաստանի Հանրապետության օրենքի 127-րդ հոդվածի 1-ին մասը և ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ և 70-րդ հոդվածներով` Հայաստանի Հանրապետության կենտրոնական բանկի (այսուհետ նաև` Կենտրոնական բանկ) խորհուրդը որոշում է.
1. Կենտրոնական բանկի խորհրդի 2008 թվականի մարտի 11-ի ««Ազդագիր և հաշվետու թողարկողների հաշվետվություններ» կանոնակարգ 4/04-ը հաստատելու մասին» թիվ 68-Ն որոշմամբ հաստատված «Ազդագիր և հաշվետու թողարկողների հաշվետվություններ» կանոնակարգ 4/04-ում (այսուհետ` Կանոնակարգ 4/04) կատարել հետևյալ լրացումներն ու փոփոխությունները.
1) Կանոնակարգ 4/04-ի 7-րդ կետի 11-րդ ենթակետը շարադրել հետևյալ խմբագրությամբ.
«11) «Ֆինանսական հաշվետվություն». ըստ «Հաշվապահական հաշվառման մասին» Հայաստանի Հանրապետության օրենքում սահմանված ֆինանսական հաշվետվությունների կազմի, տվյալ հաշվետու թողարկողի համար սահմանած հաշվային պլանի, տարեկան և միջանկյալ հրապարակվող ֆինանսական հաշվետվությունների օրինակելի ձևերի, այդ ձևերը լրացնելու հրահանգների,»:
2) Կանոնակարգ 4/04-ի 44-րդ կետի 1-ին ենթակետը «հաշվետվություն» բառից հետո լրացնել «(ընդ որում` հաշվետու թողարկող հանդիսացող բանկերը միջանկյալ ֆինանսական հաշվետվությունը հրապարակում են «Բանկերի և բանկային գործունեության մասին» Հայաստանի Հանրապետության օրենքի 43-րդ հոդվածով սահմանված ժամկետում)» բառերով:
3) Կանոնակարգ 4/04-ի 46-րդ կետի առաջին նախադասության մեջ «Տարեկան» բառը փոխարինել «Ոչ բանկ հաշվետու թողարկողները տարեկան» բառերով և «ներկայացվում» բառը փոխարինել «ներկայացնում» բառով:
4) Կանոնակարգ 4/04-ը լրացնել 46.1-րդ և 46.2-րդ կետերով` հետևյալ բովանդակությամբ.
«46.1. Հաշվետու թողարկող հանդիսացող բանկերի տարեկան և միջանկյալ ֆինանսական հաշվետվությունները Կենտրոնական բանկ են ներկայացվում Հայաստանի Հանրապետության կենտրոնական բանկի խորհրդի 2008 թվականի փետրվարի 26-ի ««Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշմամբ հաստատված կանոնակարգ 3-ով սահմանված ժամկետում և կարգով: Տարեկան և միջանկյալ հաշվետվություններում ընդգրկվող այլ տեղեկությունների Կենտրոնական բանկ ներկայացումը իրականացվում է սույն կանոնակարգի 46-րդ կետի համաձայն:
46.2. Տարեկան և միջանկյալ ֆինանսական հաշվետությունների հրապարակման օրը հաշվետու թողարկող հանդիսացող բանկերը Կենտրոնական բանկ են ներկայացնում ծանուցում տվյալ հաշվետվությունների հրապարակման ժամկետների և աղբյուրների մասին:»:
5) Կանոնակարգ 4/04-ի 47-րդ կետում « կետի» բառը փոխարինել «, 46.1-րդ և 46.2-րդ կետերի» բառերով, ինչպես նաև «հաշվետվություններն» բառը փոխարինել «հաշվետվությունները, ծանուցումներն» բառերով:
6) Կանոնակարգ 4/04-ի 50-րդ կետի 7-րդ ենթակետը «չափի» բառից հետո լրացնել «(ամսվա միջին օրական հաշվարկով կապիտալի նվազագույն չափ սահմանված լինելու դեպքում` միջին օրական հաշվարկով կապիտալի նվազագույն չափի)» բառերով:
7) Կանոնակարգ 4/04-ի 55-րդ կետը`
ա. «տեղեկությունները» բառից հետո լրացնել «(բացառությամբ 55.1-րդ կետում սահմանված տեղեկությունների)» բառերով.
բ. լրացնել հետևյալ նախադասությամբ. «Ընդ որում` հաշվետու թողարկող հանդիսացող բանկերն այլ ընկերություններում ուղղակիորեն կամ անուղղակիորեն ձայնի իրավունք տվող 5 և ավելի տոկոս մասնակցության ձեռքբերման վերաբերյալ Կենտրոնական բանկ տեղեկություններ ներկայացնելու փոխարեն այդ տեղեկությունների հրապարակման օրը սույն կետով սահմանված կարգով ներկայացնում են ծանուցում վերոնշյալ տեղեկությունների հրապարակման ժամկետի և աղբյուրների մասին:»:
8) Կանոնակարգ 4/04-ը լրացնել 55.1-րդ կետով` հետևյալ բովանդակությամբ.
«55.1. Հաշվետու թողարկող հանդիսացող բանկերը շահութաբաժինների վճարման վերաբերյալ որոշումների հրապարակման համար հիմք են ընդունում «Բանկերի և բանկային գործունեության մասին» Հայաստանի Հանրապետության օրենքի 43-րդ հոդվածով ամրագրված ժամկետը, ինչպես նաև շահութաբաժինների վճարման վերաբերյալ որոշումների հրապարակման օրը սույն կանոնակարգի 55-րդ կետով սահմանված կարգով Կենտրոնական բանկ են ներկայացնում ծանուցում այդ որոշումների հրապարակման ժամկետների և աղբյուրների մասին:»:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
ՀՀ կենտրոնական բանկի նախագահ |
Ա. Ջավադյան |
|
2010 թ. հուլիսի 8 ք. Երևան |
|
