«Գրանցված է»

ՀՀ արդարադատության

նախարարության կողմից

10 մարտի 2010 թ.

Պետական գրանցման թիվ 60010126

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

26 փետրվարի 2010 թ. ք. Երևան

N 55-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2006 ԹՎԱԿԱՆԻ ՀՈՒՆՎԱՐԻ 20-Ի N 9-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Էներգետիկայի մասին» Հայաստանի Հանրապետության օրենքի 17-րդ հոդվածի 1-ին մասի է) և ը) կետերը, «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հայաստանի Հանրապետության հանրային ծառայությունները կարգավորող հանձնաժողովի 2006 թվականի հունվարի 20-ի «Բնական գազի մատակարարման (Մատակարար - ոչ կենցաղային սպառում ունեցող Բաժանորդ) պայմանագրի օրինակելի ձևը հաստատելու մասին» N 9-Ն որոշման 1-ին կետով հաստատված հավելվածում` բնական գազի մատակարարման (Մատակարար - ոչ կենցաղային սպառում ունեցող Բաժանորդ) պայմանագրի օրինակելի ձևում (այսուհետ` Պայմանագիր), կատարել հետևյալ փոփոխությունները.

1) Պայմանագրի 3.1, 4.1 կետերում և N 2 հավելվածում` «նխմ» տերմինը փոխարինել «խորանարդ մետր (Ցելսիուսի 20 աստիճան ջերմաստիճանի և 101.325 կՊա կամ 1.033227 կգ/սմ² ճնշման պայմաններում)» բառերով։

2) Պայմանագրի 5.4 կետը շարադրել նոր խմբագրությամբ.

«5.4. Եթե տեղի է ունեցել գազի սպառման փոխհամաձայնեցված քանակության փոփոխություն, որի հետևանքով չափումը կատարվում է հաշվառքի սարքի չափման ընդգրկույթից (Q_min ÷ Q_max) դուրս, ապա հաշվառքի սարքերի սեփականատերը այդ մասին պաշտոնապես տեղյակ է պահում մյուս կողմին, և Բաժանորդը պարտավոր է կանոնակարգել իր սպառումը կամ`

ա) Մատակարարից պահանջել հաշվառքի սարքերի փոխարինում, վճարելով փոխարինման հետ կապված բոլոր ծախսերը, եթե հաշվառքի սարքերի սեփականատերը Մատակարարն է.

բ) իր միջոցներով փոխարինել հաշվառքի սարքերը, եթե հաշվառքի սարքերի սեփականատերը Բաժանորդն է:

Ճնշման անկման սկզբունքով աշխատող հաշվառքի սարքերի կիրառման դեպքում նվազագույն Q_min և առավելագույն Q_max մեծությունները որոշվում են հաշվարկային եղանակով` համաձայն ԳՕՍՏ-8563-97-ի: Այլ սկզբունքով աշխատող հաշվառքի սարքերի համար նվազագույն Q<sub>min</sub> և առավելագույն Q<sub>max</sub> մեծությունները որոշվում են հաշվառքի սարքի անձնագրային տվյալների հիման վրա` համաձայն համապատասխանության սերտիֆիկատի:

Այն ժամանակահատվածում, երբ չափումը կատարվել է նշված ընդգրկույթից դուրս, սպառված գազի քանակությունը հաշվվում է բոլոր հաշվառքի սարքերի համար հետևյալ կերպ`

ա) եթե չափումը կատարվել է ընդգրկույթի ստորին սահմանից (Q_min) ցածր, ապա ծախսն ընդունվում է ___________ տոկոսին հավասար,

բ) եթե չափումը կատարվել է ընդգրկույթի վերին սահմանից (Q_max) բարձր, ապա ծախսն ընդունվում է ___________ տոկոսին հավասար:»:

3) Պայմանագրի 6.3 կետը շարադրել նոր խմբագրությամբ.

«6.3 Հաշվարկային ժամանակաշրջանում մատակարարված գազի համար Մատակարարը սույն պայմանագրի 5.2 կետին համապատասխան կազմված երկկողմ ակտի հիման վրա Բաժանորդին ներկայացնում է վճարման փաստաթուղթ` հաշվարկային ժամանակաշրջանին հաջորդող ------ օրվա ընթացքում: Հաշվարկային ժամանակաշրջանում մինչև 10,0 հազար խորանարդ մետր (Ցելսիուսի 20 աստիճան ջերմաստիճանի և 101.325 կՊա կամ 1.033227 կգ/սմ² ճնշման պայմաններում) գազ սպառած Բաժանորդների վճարման ենթակա գումարը որոշվում է Հանձնաժողովի կողմից սահմանված սակագնի և սպառված գազի քանակության արտադրյալով: Հաշվարկային ժամանակաշրջանում 10,0 հազար խորանարդ մետր (Ցելսիուսի 20 աստիճան ջերմաստիճանի և 101.325 կՊա կամ 1.033227 կգ/սմ² ճնշման պայմաններում) և ավելի գազ սպառած Բաժանորդների վճարման ենթակա գումարը որոշվում է հետևյալ բանաձևով.

S =	(	19.74	+	182.86	.	Q կալ.մ.ա.	)	.	E.V	,
						____			__
						7900			1000

որտեղ`

S -ը վճարման ենթակա գումարն է` դրամ (առանց ավելացված արժեքի հարկի).

Q_{կալ.մ.ա.} -ն գազի միջին կալորիականությունն է` հաշվարկային ժամանակաշրջանում.

E - ն յուրաքանչյուր հաշվետու ամսվան նախորդող ամսվա 25-ին Հայաստանի Հանրապետության կենտրոնական բանկի կողմից հրապարակված մեկ ԱՄՆ դոլարի նկատմամբ հայկական դրամի` արժութային շուկաներում ձևավորված միջին փոխարժեքի մեծությունն է.

V - ն սպառված գազի քանակն է` հաշվարկային ժամանակաշրջանում (խորանարդ մետր (Ցելսիուսի 20 աստիճան ջերմաստիճանի և 101.325 կՊա կամ 1.033227 կգ/սմ² ճնշման պայմաններում):»։

2. «ՀայՌուսգազարդ» փակ բաժնետիրական ընկերությանը` սույն որոշումն ուժի մեջ մտնելու պահից` մինչև 2010 թվականի ապրիլի 10-ը, ոչ կենցաղային սպառում ունեցող բաժանորդների հետ կնքված բնական գազի մատակարարման պայմանագրերը համապատասխանեցնել Հայաստանի Հանրապետության հանրային ծառայությունները կարգավորող հանձնաժողովի 2006 թվականի հունվարի 20-ի «Բնական գազի մատակարարման (Մատակարար - ոչ կենցաղային սպառում ունեցող Բաժանորդ) պայմանագրի օրինակելի ձևը հաստատելու մասին» N 9-Ն որոշման 1-ին կետով հաստատված բնական գազի մատակարարման (Մատակարար - ոչ կենցաղային սպառում ունեցող Բաժանորդ) պայմանագրի օրինակելի ձևին:

3. Ուժը կորցրած ճանաչել Հայաստանի Հանրապետության հանրային ծառայությունները կարգավորող հանձնաժողովի 2009 թվականի փետրվարի 27-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի հունվարի 20-ի N 9-Ն որոշման մեջ փոփոխություններ կատարելու մասին» N 66-Ն որոշման 1-ին կետի 2-րդ ենթակետը:

4. Սույն որոշումն ուժի մեջ է մտնում 2010 թվականի ապրիլի 1-ից:

ՀՀ հանրային ծառայությունները կարգավորող հանձնաժողովի նախագահ`

Ռ. Նազարյան