Գլխավոր տեղեկություն
Համար
N 64
Տիպ
Որոշում
Ակտի տիպ
Պաշտոնական Incorporation (08.06.2009-10.04.2010)
Կարգավիճակ
Չի գործում
Սկզբնաղբյուր
ՀՀՊՏ 2000.02.28/3(101)
Ընդունող մարմին
ՀՀ կառավարություն
Ընդունման ամսաթիվ
12.02.2000
Ստորագրող մարմին
ՀՀ վարչապետ
Ստորագրման ամսաթիվ
12.02.2000
Վավերացնող մարմին
ՀՀ Նախագահ
Վավերացման ամսաթից
12.02.2000
Ուժի մեջ մտնելու ամսաթիվ
01.04.2000
Ուժը կորցնելու ամսաթիվ
10.04.2010

«Վավերացնում եմ»
Հայաստանի Հանրապետության
Նախագահ Ռ. Քոչարյան
12 փետրվարի 2000 թ.


ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

12 փետրվարի 2000 թվականի N 64
քաղ. Երևան

 

ԵՐԵԽԱՅԻ ՈՐԴԵԳՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Որդեգրման գործընթացը կանոնակարգելու նպատակով Հայաստանի Հանրապետության կառավարությունը որոշում է.

1. Հաստատել երեխայի որդեգրման կարգը (կցվում է):

2. Հայաստանի Հանրապետության աշխատանքի և սոցիալական հարցերի նախարարությանը, Հայաստանի Հանրապետության առողջապահության նախարարությանը և Հայաստանի Հանրապետության տարածքային կառավարման և քաղաքաշինության գործունեությունը համակարգով նախարարությանը` եռամսյա ժամկետում` սահմանված կարգով ապահովել սույն որոշման կիրարկումն ապահովող համապատասխան իրավական ակտերի ընդունումը:

(2-րդ կետը փոփ. 17.05.00 N 240, 14.06.00 N 305, 30.04.09 N 457-Ն)

3. Սույն որոշումն ուժի մեջ է մտնում 2000 թվականի սեպտեմբերի 1-ից:

(3-րդ կետը փոփ. 17.05.00 N 240)

 

Հայաստանի Հանրապետության վարչապետ Ա. Սարգսյան

 

 

Հաստատված է
ՀՀ կառավարության 2000 թվականի
փետրվարի 12-ի N 64 որոշմամբ

 

Կ Ա Ր Գ

 

երեխայի որդեգրման

 

I. Ընդհանուր դրույթներ

 

1. Հայաստանի Հանրապետությունում երեխայի որդեգրումն իրականացվում է Հայաստանի Հանրապետության ամուսնության և ընտանիքի օրենսգրքի, Հայաստանի Հանրապետության քաղաքացիական օրենսգրքի, Հայաստանի Հանրապետության միջազգային պայմանագրերի, սույն կարգի և այլ իրավական ակտերի համաձայն:

2. (կետն ուժը կորցրել է 01.02.07 N 209-Ն)

3. Որդեգրվում են այն անչափահաս երեխաները, ովքեր սույն կարգին համապատասխան հաշվառված են որպես որդեգրման ենթակա երեխաներ:

(3-րդ կետը փոփ. 24.12.03 N 1936-Ն)

4. (կետն ուժը կորցրել է 01.02.07 N 209-Ն)

5. (կետն ուժը կորցրել է 01.02.07 N 209-Ն)

6.(կետն ուժը կորցրել է 30.04.09 N 457-Ն)

7. (կետն ուժը կորցրել է 24.12.03 N 1936-Ն)

 

II. Որդեգրման ենթակա երեխաների հաշվառումը

 

8. Որպես որդեգրման ենթակա երեխաներ հաշվառվում են այն անչափահաս երեխաները, որոնց որդեգրման համար առաջացել են իրավական հիմքեր:

Որդեգրումն առաջանում է այն անչափահաս երեխաների նկատմամբ, որոնց միակ ծնողը կամ երկու ծնողները`

ա) մահացել են,

բ) զրկված են ծնողական իրավունքից,

գ) դատական կարգով ճանաչված են անգործունակ, անհայտ բացակայող կամ մահացած,

դ) տվել են որդեգրման գրավոր համաձայնություն,

ե) մեկ տարուց ավելի երեխայի հետ համատեղ չեն բնակվում և, չնայած խնամակալության և հոգաբարձության մարմինների նախազգուշացմանը, խուսափում են երեխայի դաստիարակությունից ու խնամքից, երեխայի նկատմամբ չեն դրսևորում ծնողական հոգատարություն և ուշադրություն,

ե1) անհայտ են (ընկեցիկ երեխաներ),

զ) Հայաստանի Հանրապետության օրենսդրությամբ նախատեսված այլ դեպքերում:

Ընկեցիկ երեխաները կարող են որդեգրման հանձնվել ներքին գործերի մարմինների ներկայացրած համապատասխան ակտի առկայության դեպքում` ընկեցիկության ակտը կազմվելուց հետո 3 ամսից ոչ շուտ:

(8-րդ կետը փոփ., լրաց. 24.12.03 N 1936-Ն)

9. Խնամակալության և հոգաբարձության մարմիններն առանց ծնողական խնամքի մնացած երեխաներին հաշվառման վերցնելուց հետո 5-օրյա ժամկետում` սույն կարգի 8-րդ կետում նշված երեխաների մասին տեղեկատվություն են տրամադրում համապատասխան մարզպետարանին, իսկ Երևանում` Երևանի քաղաքապետարանին:

(9-րդ կետը խմբ. 24.12.03 N 1936-Ն, փոփ. 30.04.09 N 457-Ն)

10. Որպես որդեգրման ենթակա երեխաներ հաշվառվում են նաև այն երեխաները, որոնց ծնողները տվել են գրավոր համաձայնություն` իրենց երեխայի որդեգրման համար:

(10-րդ կետը խմբ. 24.12.03 N 1936-Ն)

11. Որդեգրման ենթակա երեխաների մասին տեղեկատվություն ստանալով` մարզպետարան, իսկ Երևանում` Երևանի քաղաքապետարանը լրացնում է երեխայի անձնական քարտը (N 1 ձևը կցվում է)` նրան վերցնելով հաշվառման` որպես որդեգրման ենթակա երեխա:

(11-րդ կետը փոփ. 30.04.09 N 457-Ն)

12. Հաշվառման պահից եռօրյա ժամկետում մարզպետարան, իսկ Երևանում` Երևանի քաղաքապետարանը որդեգրման ենթակա երեխայի անձնական քարտի պատճենը փոխանցում է Հայաստանի Հանրապետության աշխատանքի և սոցիալական հարցերի նախարարություն, որը դրա հիման վրա իրականացնում է որդեգրման ենթակա երեխայի կենտրոնացված հաշվառումը:

(12-րդ կետը փոփ. 17.05.00 N 240, 14.06.00 N 305, 30.04.09 N 457-Ն)

13. Հայաստանի Հանրապետության աշխատանքի և սոցիալական հարցերի նախարարությունը եռօրյա ժամկետում` որդեգրման ենթակա երեխայի կենտրոնացված հաշվառման մասին տեղեկացնում է համապատասխան մարզպետարան, իսկ Երևանում` Երևանի քաղաքապետարանին:

(13-րդ կետը փոփ. 17.05.00 N 240, 14.06.00 N 305,  30.04.09 N 457-Ն) 

 

III. Որդեգրել ցանկացող Հայաստանի Հանրապետության քաղաքացիների հաշվառումը

(գլուխն ուժը կորցրել է 01.02.07 N 209-Ն)

 

IV. Որդեգրել ցանկացող օտարերկրյա քաղաքացիների հաշվառումը

(գլուխն ուժը կորցրել է 01.02.07 N 209-Ն)

 

V. Որդեգրման ենթակա երեխաների մասին տեղեկություններ տրամադրելը

 

25. Հայաստանի Հանրապետության աշխատանքի և սոցիալական հարցերի նախարարությունը որդեգրման ենթակա երեխաների մասին տեղեկությունները տրամադրվում է Հանրապետական հանձնաժողովին, մարզպետարանին, իսկ Երևանում` Երևանի քաղաքապետարանին, ինչպես նաև իրավասու մարմիններին` նրանց գրավոր հարցման հիման վրա:

(25-րդ կետը փոփ. 17.05.00 N 240, 14.06.00 N 305, լրաց. 24.12.03 N 1936-Ն, փոփ. 30.04.09 N 457-Ն)

26. Որդեգրողի թեկնածուն դիմում է իր բնակության վայրի մարզպետարան, իսկ Երևանում` Երևանի քաղաքապետարանին (օտարերկրյա քաղաքացին` հանրապետական հանձնաժողովին)` սույն կարգին կից N 2 ձևում նշված տվյալներին համապատասխան որդեգրման ենթակա երեխայի մասին տեղեկություններ ստանալու նպատակով:

Ստացված տեղեկությունների հիման վրա որդեգրողի թեկնածուի կողմից որդեգրման ենթակա երեխա ընտրելու դեպքում Հանրապետական հանձնաժողով, մարզպետարան, իսկ Երևանում` Երևանի քաղաքապետարանը Հայաստանի Հանրապետության աշխատանքի և սոցիալական հարցերի նախարարությանը տեղեկացնում է դրա մասին և, եթե այլ որդեգրողի թեկնածու ընտրված երեխային որդեգրելու ցանկություն չի հայտնել, ապա կազմակերպում է որդեգրման ենթակա երեխայի և որդեգրողի թեկնածուի հանդիպումը:

(26-րդ կետը փոփ. 17.05.00 N 240, 14.06.00 N 305, 24.12.03 N 1936-Ն, 30.04.09 N 457-Ն)

26.1. Որդեգրողի թեկնածուի և որդեգրման ենթակա երեխայի ծնողների միջև գրավոր նախնական համաձայնության առկայության դեպքում որդեգրման ենթակա երեխայի տվյալներն այլ անձանց չեն տրամադրվում: Որդեգրողի թեկնածուի կողմից այդ երեխայի որդեգրումից հրաժարվելու դեպքում որդեգրման ենթակա երեխան հանվում է հաշվառումից:

(26.1-ին կետը լրաց. 24.12.03 N 1936-Ն)

26.2. Օտարերկրյա քաղաքացիներին` որդեգրման ենթակա երեխաների մասին տեղեկություններ տրվում են նշված երեխաներին կենտրոնացված հաշվառման վերցնելուց 3 ամիս հետո` բացառությամբ այն դեպքերի, երբ երեխային որդեգրելու ցանկություն են հայտնել Հայաստանի Հանրապետության սահմաններից դուրս բնակվող երեխայի խորթ մայրը, խորթ հայրը, նրա ազգականները կամ, երբ երեխայի ծնողների և որդեգրել ցանկացող անձի միջև սահմանված կարգով առկա է գրավոր նախնական համաձայնություն:

(26.2-րդ կետը լրաց. 24.12.03 N 1936-Ն)

27. Եթե որդեգրման ենթակա միևնույն երեխայի կապակցությամբ ցանկություն են հայտնել մեկից ավելի որդեգրողի թեկնածուներ, ապա երեխայի հետ նրանցից առաջինի հանդիպումը կազմակերպվում է ըստ նրանց կենտրոնացված հաշվառման հերթականության: Մյուս որդեգրողի թեկնածուների հետ երեխայի հանդիպումը կազմակերպվում է այն դեպքում, եթե առաջին որդեգրողի 15 օրվա ընթացքում թեկնածուն ցանկություն չի հայտնում տվյալ երեխային որդեգրելու մասին:

(27-րդ կետը լրաց. 24.12.03 N 1936-Ն)

27.1. Եթե Հայաստանի Հանրապետության քաղաքացի հանդիսացող որդեգրողի թեկնածուն և օտարերկրյա քաղաքացի հանդիսացող որդեգրողի թեկնածուն որդեգրման ենթակա միևնույն երեխային որդեգրելու ցանկությամբ դիմել են նույն օրը, ապա երեխայի հետ հանդիպման առաջնահերթությունը տրվում է Հայաստանի Հանրապետության քաղաքացի հանդիսացող որդեգրողի թեկնածուին: Օտարերկրյա քաղաքացի հանդիսացող որդեգրողի թեկնածուի հետ երեխայի հանդիպումը կազմակերպվում է այն դեպքում, եթե Հայաստանի Հանրապետության քաղաքացի հանդիսացող որդեգրողի թեկնածուն 15 օրվա ընթացքում տվյալ երեխային որդեգրելու ցանկություն չի հայտնել:

(27.1-ին կետը լրաց. 24.12.03 N 1936-Ն)

28. Տրամադրված տեղեկությունների հիման վրա որդեգրման ենթակա երեխային ընտրելու դեպքում Հանրապետական հանձնաժողով, մարզպետարան, իսկ Երևանում` Երևանի քաղաքապետարանը եռօրյա ժամկետում դրա մասին տեղեկացնում է Հայաստանի Հանրապետության աշխատանքի և սոցիալական հարցերի նախարարությանը:

Հայաստանի Հանրապետության աշխատանքի և սոցիալական հարցերի նախարարությունն ապահովում է ընտրված որդեգրման ենթակա երեխայի վերաբերյալ տեղեկությունների տրամադրման կասեցումը` մինչև համապատասխան համայնքի ղեկավարի` այդ երեխային ընտրած որդեգրողի թեկնածուի կողմից որդեգրելու մասին որոշում ընդունելը:

(28-րդ կետը փոփ. 17.05.00 N 240, 14.06.00 N 305, 30.04.09 N 457-Ն)

29. Տրամադրված տեղեկությունների հիման վրա որդեգրման ենթակա երեխային որդեգրելուց հրաժարվելու դեպքում որդեգրողի թեկնածուն հաշվառումից չի հանվում:

30. Որդեգրողի թեկնածուն իրավունք ունի Հանրապետական հանձնաժողով, մարզպետարան, իսկ Երևանում` Երևանի քաղաքապետարանից`

ստանալու անհրաժեշտ տեղեկություններ որդեգրման ենթակա երեխայի, ինչպես նաև նրա մերձավոր ազգականների մասին,

որդեգրվող երեխայի առողջական վիճակի զննման նպատակով դիմելու բժշկական հաստատություն` երեխայի օրինական ներկայացուցչի մասնակցությամբ:

(30-րդ կետը փոփ. 30.04.09 N 457-Ն)

31. Որդեգրողի թեկնածուն պարտավոր է անձամբ`

մինչև որդեգրման մասին որոշում ընդունելը ծանոթանալ և շփվել որդեգրվողի երեխայի հետ,

ծանոթանալ որդեգրվող երեխայի փաստաթղթերին:

 

VI. Որդեգրման մասին որոշում ընդունելը

(գլուխն ուժը կորցրել է 30.04.09 N 457-Ն)

 

 

Ձև N 1

 

{ լուսանկար }

ՈՐԴԵԳՐՄԱՆ ԵՆԹԱԿԱ ԵՐԵԽԱՅԻ ԱՆՁՆԱԿԱՆ ՔԱՐՏ N

հանձնաժողովը

 

Լրացնելու ժամանակը _____________________________

(տարեթիվը, ամիսը, օրը)

 

Տվյալներ երեխայի մասին (լրացնելու պահի դրությամբ) _____________________________

(անունը, ազգանունը, հայրանունը)

 

Սեռը ____________, ծննդյան ժամանակը ___________________________

                                                       (տարեթիվը, ամիսը, օրը)

 

Ազգությունը ________________________________________________

 

Սոցիալական վիճակը. որբ է, մնացել է առանց ծնողական խնամքի, ընկեցիկ է (ընդգծել)

 

Ծննդյան վայրը ______________________________________________

 

Ծննդյան վկայական ___________ N ____________

 

Ծննդյան վկայականը տալու ժամանակը ___________________________

                               (տարեթիվը, ամիսը, օրը)

 

Երեխայի հատուկ նշանները ______________________________________________

 (հասակը, քաշը, աչքերի գույնը, մազերի գույնը աչքի

ընկնող հատկանիշները)

 

Բնութագրիչ առանձնահատկությունները ______________________________________

                                                            (շփվող, ինքնամփոփ և այլն)

 

Գտնվելու վայրը _____________________________________________________

 

Բժշկական եզրակացություն առողջական վիճակի մասին ____________________________

 

Տեղեկություններ ծնողների մասին` լրացնելու պահի դրությամբ

 

Մայրը _____________________________________________________

(անունը, ազգանունը, հայրանունը)

 

Ծնվել է _________ թ.

 

Գտնվելու վայրը _______________________________________________

 

Սոցիալական տեղեկանք ________________________________________________

 (աշխատանքի վայրը,

 առողջական վիճակը, նորմալ է, քրոնիկ հիվանդ է, հաշմանդամ է)

 

Հայրը ______________________________________________________

 (անունը, ազգանունը, հայրանունը)

 

Ծնվել է ________________ թ.

 

Գտնվելու վայրը _________________________________________________

 

Սոցիալական տեղեկանք _____________________________________________

 (աշխատանքի վայրը,

առողջական վիճակը, նորմալ է, քրոնիկ հիվանդ է, հաշմանդամ է)

 

Եղբայրներ, քույրեր, այլ ազգականներ________________________________________

 (անունները, ազգանունները, հայրանունները, գտնվելու վայրերը)

 

Որդեգրման հանձնելու իրավական հիմքերը_____________________________________

 (ծնողի (ծնողների) մահվան վկայականը (վկայականները), ակտ երեխայի ընկեցիկ

լինելու մասին, ծնողների ծնողական իրավունքից զրկելու վերաբերյալ դատարանի

վճիռը, որդեգրելու համար գրավոր համաձայնությունը և այլն)

 

Լրացուցիչ տեղեկություններ______________________________________________

 

Անձնական քարտը լրացրել է ____________________________________________

                                          (պաշտոնը, անունը, ազգանունը, հայրանունը, ստորագրությունը)

 

 

 

Ձև N 2

 

{ լուսանկար }

ՈՐԴԵԳՐԵԼ ՑԱՆԿԱՑՈՂ ԱՆՁԻ ԱՆՁՆԱԿԱՆ ՔԱՐՏ N

 

հանձնաժողովը

 

Լրացնելու ժամանակը ______________________________

(տարեթիվը, ամիսը, օրը)

 

Տվյալներ անձի մասին (լրացնելու պահի դրությամբ) _______________________________

(անունը, ազգանունը, հայրանունը)

 

Սեռը ____________, ծննդյան ժամանակը __________________________________

                                                                       (տարեթիվը, ամիսը, օրը)

 

Քաղաքացիությունը _____________________________________________

 

Ազգությունը _______________________________________

 

Ծննդյան վայրը ____________________________________________

 

Անձնագիրը ___________ N ____________

 

Անձնագիրը տալու ժամանակը ___________________________   ___________

                                                          (տարեթիվը, ամիսը, օրը)                       (ում կողմից)

 

Բնակության վայրը____________________________________________________

 

Աշխատանքի վայրը (պաշտոնը) ____________________________________________

 

Ընտանեկան դրությունը ________________________________________________

        (ամուսնացած է, ամուրի է և այլն)

 

Առողջական վիճակը___________________________________________________

         (նորմալ է, քրոնիկ հիվանդ է, հաշմանդամ է և այլն)

 

Ցանկալի երեխայի մասին տվյալներ__________________________________________

                               (սեռը, տարիքը, թիվը, արտաքինը և այլ

 առանձնահատուկ հատկանիշներ)

 

Լրացուցիչ տեղեկություններ______________________________________________

 

Անձնական քարտը լրացրել է______________________________________________

                                           (պաշտոնը, անունը, ազգանունը, հայրանունը, ստորագրությունը)

 

(կարգը փոփ. 17.05.00 N 240, 14.06.00 N 305, լրաց. 24.12.03 N 1936-Ն, փոփ. 01.02.07 N 209-Ն, 30.04.09 N 457-Ն)